Jump to content
منتدى البحرين اليوم

¤。 التخصصآت الدرآسيـﮧ فے ڪليـﮧ العلۈم الصحيـﮧ 。¤


Recommended Posts


بسم الله الرحمن الرحيم



السلام عليكم ..

كلية العلوم الصحية .. للي اول مرة يسمعون عنها تصير في مجمع السلمانية الطبي .. وتقدرون تدخلون لها مباشرة من البوابة اللي مقابلة السقية :) ..

الحين يفكرون يطورونها ويسوونها جامعة .. ويبغون يضيفون لها تخصصات جديدة .. بس حاليا هي فيها 6 تخصصات ..

واللي هي :
1- دبلوم الصيدلة (مذكور بالتفصيل بالاسفل).
2- دبلوم الصحة العامة (مذكور بالتفصيل بالاسفل).
3- بكالوريوس التمريض.
4- دبلوم المختبر.
5 - دبلوم صحة الفم و الاسنان.
6 - دبلوم الاشعة .


__________________

1- دبلوم الصيدلة :

وصف البرنامج :
يقوم الطلبة باعداد و ترتيب كوادر فنية مؤهلة للاضطلاع بمسؤوليات تحضير و تصنيع الادويه تحت اشراف صيادلة قانونيين في مختلف المواقع الصيدلانية ، كالصيدليات و مخازن الادويه.

اختيار الطلبة :
يتم اختيار الطلبة لهذا البرنامج وفقا للمتطلبات التاليه :
•الحصول على شهادة الثانوية العامة ( القسم العلمي ) بمعدل لايقل عن 75%
•اجتياز القبول

الاهداف العامة :
•صرف الادوية للمرضى و تزويدهم بالنصح و الارشادات اللازمة للاستعمال الصحيح للدواء
•تحضير الادوية بالرجوع الى دساتر الادوية المعتمدة
•تطبيق القوانين و التنظيمات المتعلقة بصرف الادوية العامة و المخدرة و السامة

الدرجة العلمية :
يمنح الطالب شهادة المشارك في العلوم الصحية بعد اكماله بنجاح برنامجا دراسيا مدته 27 شهرا

محتوى البرنامج :
جميع مقررات البرنامج موزعة على 7 فصول دراسية كالتالي :

السنة الاولى :
الفصل الاول : علم الوظائف و التشريح(1) – كيمياء عضوية – انجليزي – كمبيوتر – حسابات
صيدليه.
الفصل الثاني: علم الوظائف و التشريح (2) – صيدلانيات 1 – انجليزي- كيمياء حيوية
الصيفي : تغذية – انجليزي

السنة الثانية :
الفصل الاول: صيدلانياات 2 – الكيمياء الصيدلانية العضوية – علم الجراثيم – علم الادوية 1-
صيدلية تطبيقية 1
الفصل الثاني: علم الادوية 2 – الكيمياء الصيدلانية الغير عضوية – صيدلانية المستشفيات و
قوانين الصيدلة – علم الاجتماع – صيدلية تطبيقية 2
الصيفي : بحوث مكتبية و محاضرات – صيدلية تطبيقية 3

السنة الثالثة:
علم الادوية 3 – التدريب العملي

_________________

برنامج الصحة العامة ... Public Health Program



يهدف هذا البرنامج إلى اعداد وتدريب كوادر فنية مؤهلة ذات كفاءة علمية عالية توفر للفرد والمجتمع أنماط حياة صحية سليمة وتعمل على الوقاية والحد من الامراض.

‏متطلبات الإلتحاق بالبرنامج:
يتم اختيار الطلبة لهذا البرنامج وفقا للمتطلبات التالية:
1) الحصول على شهادة الثانوية العامة (القسم العلمي) بمعدل لايقل عن 75%.
2) اجتياز امتحان القبول بالكلية.

الاهداف العامة للبرنامج:
يهدف البرنامج الى اكتساب الدارس للقدرات التالية:
1) تقييم المستوى الصحي للمجتمع وكتابة التقارير والتوصيات التي تعمل على ضمان المحافظة على الصحة والوقاية من الامراض المعدية والغير المعدية والحد من انتشارها.
2) تقييم مسببات تلوث البيئة واقتراح الطرق المناسبة المناسبة لمكافحتها.
3) التثقيف الصحي للمجتمع .
4) الحد من اسباب تلوث المياه والاطعمة من خلال التفتيش الصحي والرقابة على الاغذية .
5) مراقبة وضمان الصحية المهنية والحد من اخطارها الصحية.
6) تنفيذ ومتابعة وتقييم برامج مكافحة الحشرات والقوارض.

بعد الدراسة ممكن الطالب يلتحق بـ:
1) صحة الاغذية : ويشمل التفتيش في الموانيء وعلى المصانع والفنادق والكفتيريات واي مكان يبيعون فيه مواد غذائية .
2) صحة المياه والمؤسسات: وهذي تشمل التفتيش على الفنادق وصالونات الحلاقة الرجالية والنسائية والمدارس.
3) اخصائي الامراض المعدية والغير معدية: يتابع حالات المصابين بامراض معينة مثل الملاريا - الايدز - الحصبة - التهاب الكبد ... الخ.
4) اخصائي الصحة المهنية: (مراقبة وضمان الصحية المهنية والحد من اخطارها الصحية)
5) صحة البيئة: (تقييم مسببات تلوث البيئة واقتراح الطرق المناسبة المناسبة لمكافحتها) + (تنفيذ ومتابعة وتقييم برامج مكافحة الحشرات والقوارض)


الإطار العام للبرنامج:
مدة الدراسة: 27 شهرا موزعة على 7 فصول دراسية.

الدرجة العلمية:
يمنح الطالب شهادة الدبلوم المشارك في العلوم الصحية بعد اكماله متطلبات البرنامج بنجاح.

متطلبات البرنامج:
السنة الاولى:
الفصل الدراسي الاول: مباديء الصحة العامة - صحة البيئة - انجليزي - كيمياء - كمبيوتر.
الفصل الدراسي الثاني: انجليزي - تغذية - الجوانب الاجتماعية والنفسية للسلوك الصحي - ادارة المخلفات.
الفصل الدراسي الثالث (صيفي) : الطفيليات الطبية التطبيقية - انجليزي.

السنة الثانية:
الفصل الدراسي الاول: أساسيات علم الحشرات والقوارض - علم الوبائيات - الاحصاء الطبي - الامراض المعدية والغير معدية - أساسيات علم البكتريا والفيروسات.
الفصل الدراسي الثاني: مراقبة مياه الشرب وسلامتها - مراقبة الاغذية - مباديء البحث العلمي - الوسائل التعليمية واستخدامها في التثقيف الصحي - أساسيات علم البكتريا التطبيقي - الصحة المهنية.
الفصل الدراسي الثالث (صيفي): بحث ميداني.

السنة الثالثة:
مباديء الادارة الصحية وقوانين الصحة العامة - تدريب ميداني.



هذي اللي الله قدرني عليه ..

اي سؤال .. او استفسار .. لا يردكم الا لسانكم .. وان شاء الله ما بنقصر معاكم باللي نقدر عليه ..

تحيااااااتي ..
.. Microbiologist ..
Link to comment
Share on other sites

  • Replies 66
  • Created
  • Last Reply

Top Posters In This Topic

اووووووه كليييتنه افتتحوو لها قسسم في بحرين توودي (جك جك أوهوو) أحسسسن الحركــااات

انشااالله بعد ايي يووم ويصير مشهووور اكثرررر من الجعجع (تدليع جامعة البحرين)

مشكووور اخووي مايكروووبوولجيست على الموضوووع .. يالله عااد شباااب الكلية شدووو الهمممة وحططو مواضيعععكم ... :up:

 

على طااري الكلييية .. كنه يوم الخمييس شبااب الكلية على آخر الدواام لعبوو مبااارااة؟؟؟ منو فاااز

 

أختتتتكم (من الكلييية) بنننت المحررررق

Edited by بنت المحررق
Link to comment
Share on other sites

يعطيك العافية اخوي عالمعلومات الكافية والوافية

عساك عالقوة

 

شفناهم يلعبون بس ما عندي فكرة عن الموضوع

ان شاء الله يردون عليج باقي الاعضاء

Link to comment
Share on other sites

مشكوووووور .. Microbiologist ..

أصيل والله يخليك لنا..

 

العفو خيوو :blush: ..

 

مشكووور اخووي مايكروووبوولجيست على الموضوووع .. يالله عااد شباااب الكلية شدووو الهمممة وحططو مواضيعععكم ...

 

افا عليج .. ان شاء الله ما تشوفون الا كل خير .. من Sheeva <<< وهقها خخ ..

 

على طااري الكلييية .. كنه يوم الخمييس شبااب الكلية على آخر الدواام لعبوو مبااارااة؟؟؟ منو فاااز

 

اي لعبوا .. وفازو الصبيان :) ..

 

أختتتتكم (من الكلييية) بنننت المحررررق

 

هههههه .. اخاف بس تطلعين بنت الجيران وانا مادري .. <<< الاخ محرقاوي ..

 

طيور الجنة .. حياج الله خيووو ..

 

آنا بعد شفتهم يلعبون قلت بااروح اوقف اطالع..

بس خفت يقولون شفيها ذي رازه فيسها..

 

خخخ .. لو جاية جان بتصير اشياء .. :) ..

 

تحياااااتي ..

Link to comment
Share on other sites

اخووي مايكرووووو ... لا موب بنت جيراانكم انه .. خخخ لاني اعرفك منوو انت بس لا تخااف سرك في بييير (خخخخ)

وبعديين فازوو الصبيااان!!! ليش كان في بنات يلعبون يعنني؟!

 

:ssm16:

Link to comment
Share on other sites

سلام..

 

قبل كل شي حبيت أوجّه شكري لمايكرو على مساعداته اللي ((واايد))

 

وطبعاً هذيه اللي باكتبه الحين مايكرو مسويه.. فيعني ألف ألف شكر له..

 

::

 

أول شي تاريخ التسجيل يحدده قسم التسجيل نفسه وبتنحط التاريخ في الجرايد..

 

(( بشرط ان لا يكون مضى على تخرجهم "المسجلين" اكثر من سنة دراسية واحدة ))

 

(( بس الحين ترى عادي حتى مواليد 81 يقبلون.. لكنّ يقبلونهم مسائي لأن الأولوية للي مواليدهم 87 و88..))

 

::

 

وستكون رسوم الدراسة لغير البحرينين بواقع 2000 دينار في السنة تسلم دفعة واحدة أو على أقساط عند بدء كل فصل دراسي ( يعني اما كاش او عند كل فصل 1000 دينار وتاخذون الصيفي مجاناً )

 

::

 

وبيكون تقديم الطلبات وملء الاستمارات وهالخرابيط كلها في قاعة المعارف (( مب شرط لأن كل مرة يغيرون المكان )) الكائنة خلف مكتب التسجيل مباشرة ..

 

المستندات المطلوبة:

 

1) صورة من البطاقة السكانية وجواز السفر ساري المفعول ... يعني مو منتهي وانتو ما تدرون ...

 

2) النسخ الاصلية من شهادات الست فصول الثانوية مع نسخة عن كل شهادة ..

 

3) 4 صور .... هم ثلاث بس وإخذو معاكم وحدة احتياط

 

4) رسوم التسجيل : 5 دينار بحريني ...

 

بعد التسجيل في عندكم امتحان القبول واللي الكل خايف منه ... طبعا راح يكون في مدرسة العلاء الحضرمي يم الكلية

 

::

 

وهو مب صعب وايد بس يبيله تركيز لأنه قياس لمهارات اللغة الانجليزية للطالب وكله ماخذينه في الثانوي

 

الامتحان بيكون فيه استماع وقواعد وقراءة ــ Reading...

 

وغالبا ما يكون في الفترة من 8 الى 11 صباحا طبعا (( فيه 3 فترات يامايكرو ))..

 

المقابلة ألغوها السنة مايندرى عن السنة الياية..

 

طبعا المقابلة تختلف لكل تخصص ...

وبعد المقابلة واذا تم قبولكم بيعطونكم اوراق عشان تسوون فحص طبي بـ10 دينار عند مركز الرازي ... الفحص بيكون فيه أشعة وقياس ضغط الدم وقياس النظر وبعد بياخذون منكم عينة دم ...

 

و بتروحون ليمكتب التحقيقات الجنائية عشان تطلعون بصمات ...وبعدين اهمه يطرشون البصمات حق الكلية ...

 

زين وبعدين بيحددون لكم يوم لأستلام الجداول وبيكون فيه دفع 20 دينار مادري ليش بس كنسلوها السنة اللي طافت .. وفي بعد يوم للتهيئة والتعارف عشان تشوفون الكلية وتطالعون مرافقها عشان ما تضيعون ... عاد من كبرها الحين خخخخ... (( هذيه كله كلام مايكروو هااه )) :up:

 

وعادة ما يكون يوم التهيئة يوم الاربعاء (( تغيّر يمكن يكون الخميس )) وبيكون آخر يوم في الاجازة لنا ولكم بعد وبيبتدي الدوام السبت (( صار الأحد )) اللي بعده آملين من المولى العلي القدير بالتوفيق للجميع ...

 

وبس خلاص ... اتمنى اني ما أكون نسيت شي أو قصرت في شي ... واللي عنده اي سؤال يتفضل ولا يرده الا لسانه وان شاء الله لا انا ولا الاخوات العزيزات بنقصر معاكم ...

 

::

 

مشكور مايكرو..آنا نقلت اللي كتبته بس عدّلت بعض الأشيا,, إسمح لي عاد.. :smile:

 

::

 

وعن سؤال إختي محرقية صغيرونة..

 

آنا باقول لچ الفرق بين صباحي ومسائي وإنتي شوفي شنو أحس..

 

الصباحي: الكتب بفلوس - فيه رحلات - فيه حفلات - كل شي يحتاج دفع فلوس انتو راح تدفعون - على حساب وزارة الصحة - الوقت من 8 الصبح لي 3 العصر - الكافتيريا مفتوحة - عندهم بريك وايد

 

المسائي: الكتب مجان - ماكو رحلات - ماكو حفلات - كل شي مجان ويعطونكم لاب كوت مجان.. على حساب وزارة التنمية الإقتصادية.. اهمه يتكفلون في الطلبة ويدفعون عنهم كل شي - الوقت من 3 العصر لي 8 في الليل - الكافتيريا مسكوكة - ماعندهم بريك وايد - مضغوطين وايد

 

الصباحي والمسائي لهم باصات..

 

عالعموم الصباحي أحسن... بالنسبة لي وبواااااااايد بعد..

 

 

::

 

سوري عاد مايكرو اسمح لنا..

 

:: Sheeva ::

Edited by Sheeva
Link to comment
Share on other sites

صج والله .. مسائي مظلومين طلعووو :de20:

صج طلعــت مضيعة في الكلية :ssm11:

 

مشكورة اختي شيفااا واخوي مايكروو* (ياااخي اسمك طويل متعبني لازم كل مرة احط نجمة واختصره و و و)

Link to comment
Share on other sites

المسائي عندهم بريك

الكفتيريا مفتوحة و المكتبة مفتوحة

و في يوم في الاسبوع محاظرة وحدة بس

 

المكتبة مفتوحة إي..

 

بس الكافتيريا قال لي واحد من طلبة مسائي ان من احنا نمشي على طول تتسكّر

 

يعني من عقب الساعه 4 يقفلونها

 

وهذي الحچي كله قالوه لي مال مسائي

 

ويسلموو اختي :up:

 

 

:: Sheeva ::

Link to comment
Share on other sites

قبل كل شي حبيت أوجّه شكري لمايكرو على مساعداته اللي ((واايد))

 

وطبعاً هذيه اللي باكتبه الحين مايكرو مسويه.. فيعني ألف ألف شكر له..

أحرجتيني على خفيف ترى :smile: .. العفو خيوو .. وما سوينا الا الواجب ..

 

(( فيه 3 فترات يامايكرو ))..

 

خخخخ .. هذي على ايامنا بس هذي الفترة .. لكن دفعتكم قبلوو نااس وايد ..

 

مشكور مايكرو..آنا نقلت اللي كتبته بس عدّلت بعض الأشيا,, إسمح لي عاد..

 

لا عادي شدعوة .. انا ولا انتي .. كل واحد .. اهم شي توصل المعلومة ..

 

مشكورة اختي شيفااا واخوي مايكروو* (ياااخي اسمك طويل متعبني لازم كل مرة احط نجمة واختصره و و و)

 

خخخ .. زين قولي مايكرو بس .. ما يحتاج تتعبين روحج عشان الاسم :smile: .. تره مايكرو اسمي الحركي :) ..

 

المكتبة مفتوحة إي..

 

بس الكافتيريا قال لي واحد من طلبة مسائي ان من احنا نمشي على طول تتسكّر

 

وانا مع خيوو Sheeva .. لان قبل لا نمشي <<< اذا يعني قعدت الا الساعة 4 .. نادرا .. ولا انا اول ما اخلص اهج البيت خخخ ..

 

قبل لا نمشي يجي الكلينر اللي ينظفها ويقعد ينطرنا نمشي .. واول ما نطلع يقعد ينظف ..

 

ومشكورة خيوو Sheeva على الموضوع ..

 

تحياااااتي ..

Link to comment
Share on other sites

صج طلعــت مضيعة في الكلية :ssm11:

إنتي مضيعة من زماااان :ssm9: ... ماتلحق المحاضرة كملت إلاّ شردتي..

لأ..فديتچ انا.. على كثر غيابج بس عبقرية ماشالله عليج والكل يشهد.. :smile:

 

 

مشكورة اختي شيفااا واخوي مايكروو*

 

حاضرررين للحلوين.. والعفو نيابةً عن مايكرو..آنا وهوه الحال واحد :ssm9:

 

:: Sheeva ::

Edited by Sheeva
Link to comment
Share on other sites

:ssm18: ماشاء الله علي .. لا اله الا الله ..

شاسوي اقعد في الكلية .. بروحه اخاف من اللي فيها (لووول) :ph34r: وبعدين أكل *كبيرررر* مايشجع على القعدة

موولية :sad:

Link to comment
Share on other sites

وبعدين أكل *كبيرررر* مايشجع على القعدة

موولية

 

جوفي ترى ما ارضى على كبير خخخخ .. كفاية اذا نطلب في الزحمة يسوي لنا قبلهم خخخ .. يدري ان اذا اشتغلنا بنذوقه الويل .. كل يوم اخطار خخخخ ..

 

تحياااااتي ..

Link to comment
Share on other sites

ووووووووويه بس انتووو ... عشتووو ... حتته انه ورفيجااتي يسوي لنه قببل (احم احم واسطات احنه شعبااالك)

بس انه ماتحنديت على كبير .. ااتحندى على (أكككل كبيييير) .. في فرررق شااااسع .. دقق في النظظظر

مايحتااي اذكر سوالف (اكل كبيييييير) :angry:

Link to comment
Share on other sites

salaam

 

انا ادرس تمريض مسائي

 

من قال الكفتيريا يصكونها ؟؟

 

مفتوحة لي الساعة ثمان

 

و احنا طالعين نشتري يعني ما تنصك

 

و المسائي ،، اول شي ما حبيته لان مو متعودة ادرس العصر

 

بس الحين تعودت ..

 

ترى أغلب الجامعات الخاصة دوامهم العصر

 

موفقيين جميعاً

 

Link to comment
Share on other sites

اخووي مايكرووووو ... لا موب بنت جيراانكم انه .. خخخ لاني اعرفك منوو انت بس لا تخااف سرك في بييير (خخخخ)

 

خخخخ ادري انج مو بنت جيراننا .. بس اتغشمر ..

 

ترى حتى انا اعرفج .. اسمج بحرف الـ س :smile: .. بعد قولي لا :smile::smile: ..

 

الصمت الباكي + غزلان البراري ==> حياكم الله .. مشكورين على المرور ..

 

 

Link to comment
Share on other sites

مايحتااي اذكر سوالف (اكل كبيييييير)

 

انا اللي مسبب لي أرق و فشل كلوي في المخ .. هذي اللي كأنها الطحالب الخضراء المزرقة اللي يحطونها صوب الفيليه .. عن حساب يشهوننا مايدرون انها تسد النفس .. :ssm9: ..

 

من قال الكفتيريا يصكونها ؟؟

 

مفتوحة لي الساعة ثمان

 

يصير بعد ..

 

تحيااااااتي ..

Link to comment
Share on other sites

آنااا شكوو... ترى مايكرو يعرف ناس وايد بإسلوبه الخاااص... :up:

 

 

وبعدين ترى اهوه موب متأكد..انتي اححين يالذكية أكّدتي له.. :ph34r:

 

:: SHEEVA ::

Link to comment
Share on other sites

شيفا قايلة لك .. منو غيرهاا

مااعليه .. حصل خير

 

اهاااا .. يعني هي اللي قالت لج منو انا .. انا اللي باراويها .. >>> راحت عليج شيفوو :ssm9: ..

 

آنااا شكوو... ترى مايكرو يعرف ناس وايد بإسلوبه الخاااص...

 

اقول لج عاد .. اللي مايعرفني ما يثمنّي .. :smile: ..

 

وبعدين ترى اهوه موب متأكد..انتي اححين يالذكية أكّدتي له..

 

خخخخ .. اللي اعرفهم من المحرق كلهم يمكن ثلاث .. عاد طاح اختياري على حرف السين وانتي ما قصرتي بعد .. عطيتيني الجواب الشافي خخخخخ :ssm9: ..

 

C ya ..

Link to comment
Share on other sites

بس بس لا تصيحين .. كسرتي خاطري ..

 

باجر باشتري لج عسكريم بو قرصان :ssm9: .. واذا صرتي شاطرة بعد باخليج تاكلينه :ssm9::ssm9: ..

 

C ya ..

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...

×
×
  • Create New...