يوسف يعقوبي Posted نوفمبر 15, 2006 Report Share Posted نوفمبر 15, 2006 أنا أرى أن الموضوع متشعب وله العديد من المحاور النقاشية ,,,, فكلي أمل أن يكون النقاش في صالح القضية العامة أن نبتعد عن أي تجريح أو مس للغير اخوكم أبن الرفاااع Link to comment Share on other sites More sharing options...
مواطن جمراوي Posted نوفمبر 15, 2006 Report Share Posted نوفمبر 15, 2006 لي تعليق على حمود قطر وأكثر خبر فرحت له خبر جسر المحبه بين قطر والبحرين ،، لانه راح يتمكن العديد من البحرينيين انهم يجوون قطر ويشتغلون عندنا ،، خاصة بعد ما قالوا انه بيكون عندنا مكتب لتوظيف البحرينيين وحياكم في ديرتكم قطر العز ( دار بومشعل ) طبعا اول شيء حناا لينا الشرف ان نشتغل في قطر و نعيش فيها ! ولكن يا عزيزي هذي خطة جديد لإبعادنا و اسكاتنا حنا نشيل قشنا و نجي قطر ، و العمالة الاجنبية و الآسيوية و حتى العربية سواء مصرية او اردنية او سورية الخ بيشيلون قشهم و بيستوطنون في بلدنا !!! يعني بلمختصر هذي حركة حكومية بحته و لمصلحتهم ليست لمصلحة المواطن ... فلا خير لنا فيها و حاميها حراميها Link to comment Share on other sites More sharing options...
waseeem Posted نوفمبر 15, 2006 Report Share Posted نوفمبر 15, 2006 كل وطن وله مشاغله وكل شخص وله طلباته وكل انسان ما إن يبداء بطموح , يفكر في بداية الطموح الآخر وهكذا لو وصل الانسان الى الاعلي سيطلب ما يراه افضل وهكذا وكل يشكي والاخر مرتاح فانتم مثلا تشكون بان رواتبكم ضعفية لو فرضناها هكذا اذاً انتوا افضل مننا لو قلت لكم علي سبيل المثال اشتغل انا دوام لمدة 14 ساعة باليوم تخيلوا 14 ساعة باليوم واستلم بما يقارب 40 دينار بحريني بس الشيء اللي مكتوب من الله مكتوب وهكذا غيري واذا حصلت مثلا على 200 دينار برضه بروح وادور على اللي اكبر واكثر لو صار راتبي 2000 دينار ما راح اقتنع وابي 15000 وهكذا . ومثل ما ذكرت اختنا محرقاوية بان في البحرين تمييز في الاشغال فليش البحرينيين ما يشتغلون كل الشغلات طبعاً كل الشغلات من اولى يحققون الاكتفاء الذاتي لا في شغلات لا ذي احنه ما تخصنا واحنه خليجيين وما يصير هلون احنه نبي مكتب وكرسي وطاولة وخلاص لكن الاجانب يشتغلون اي شغل كان سواء وظيفة دينونية او وظيفة وسطى او وظيفة عليا فهذا اللي حاصل تحياتي Link to comment Share on other sites More sharing options...
بويوسف 222 Posted نوفمبر 15, 2006 Report Share Posted نوفمبر 15, 2006 شكراً على هالموضوع،،، قبل كل شي الحمد لله على نعمة الاسلام والامان، فهذي النعمتين احنه جاهلينهم واايد،،، فحمدوا ربكم على هالنعمتين وايضا على نعمه الاكل والشرب، فقال الله في القرآن ان من يشكر الله يزيده ،،، فحمداً لله الف مرة على هذه النعم فهناك اناس لا تنعم بالامان ولا تنعم بالاكل والشرب ،،، ولا توجد هناك اي دولة لا تشتكي من هالمشاكل ،،، ومثل ما قالوا اللي قبلي البحريني ما يرضه ان يشتغل الا في مكتب ويكون مكيف ويأمر ذي ويأمر ذاك ،،، حتى ان صار البحريني يضرب بمثل الكسول اللي ما يشتغل ،،، ولو اعطيت لبحريني شغل ما يكون امين عليها ،،، فمثلا الحين الشركات الكبيرة اللي عندها سيارات، لما اعطيت هالسيارات للبحرينين جوفوا شنو يسوون فيهم ،،، اللي يقحص واللي يتسابق واللي ما ادري شنو ،،، حتى ان اصحاب الشركات اشتكوا من هالعملية فقاموا الحين بتوظيف العمالة الاسيوية بدلا من البحرينيين والغلط منه احنه ،،، انه الحين باروح اصلي ولي طله مرة ثانية ،،، Link to comment Share on other sites More sharing options...
بويوسف 222 Posted نوفمبر 15, 2006 Report Share Posted نوفمبر 15, 2006 رجعت لكم ،،،، انه ما اقدر اتكلم في الموضوع واايد، فلو تكلمت لأحتجت صفحات وصفحات ،،،، فعندي طلب واايد ارجو من الجميع ان يطبقه ،،،، خل نشتغل كلنه ونطمح حق شي اعلى ونكسر قاعده ان البحريني ما يشتغل وان مب امين وان مب مهمل ،،، وسمحوا لي ان طولت عليكم ،،،، Link to comment Share on other sites More sharing options...
:::حلاة الروح::: Posted نوفمبر 15, 2006 Report Share Posted نوفمبر 15, 2006 اول شي شكرا عالموضوع ثاني شي صح ان قطر يعطونهم معاشاة فوق الالفين بس والله الاجانب عندنا عايشين حياة احسن من القطريين. وبعدين ترى احنا نفسكم وغير جذي خلاص احنا شوي وبنشيل قشنا وبنسكن عندكم بس هالله هالله فينا ههههههه والله صاروا الاجانب عايشين عندنا خلاص خذوا قطر لهم . وغير جذي بعد صارت الدوحه زحمه وكلها عمارات بس الله كريم يعطونا فلوس علشان يسكتونا بس وتحياتي للجميع مع السلامه Link to comment Share on other sites More sharing options...
cheekygirl119 Posted نوفمبر 15, 2006 Report Share Posted نوفمبر 15, 2006 بقول لكم راي بصراحة الي يقعد في البحرين بيندم طول عمره بيندم لانه ظل في البحرين بصراحة اني اعتقد ان البحرين تبي تسوي روحها مرقية وهي في القاع صار الهندي بحريني والبحريني هندي عجل وحدة عراقية يسالونها البنات في المدرسة يقولون لها انتين عراقية تقول لا اني بحرينية جايبين لنه الجلف شرطة والبحرينين خمامة بلدية ويبيعون في الشارع حليب ويفرشون لهم بسطات يبيعون اكل في الشارع؟ هاذي امة هاذي جوفو برة البحرين جوفو الامارات مافي على عيشتهم شوفو الكويت عيشتهم مافوقها فوق حتى الفقارة الي عندهم اغنى مننه شقول وش اخلي والله العيشة تقصر العمر اني وحدة مجرد اخلص مدرسة بهج بدور لي مكان برة البحرين لان البحرين الي يقعد فيها طول ماهو عايش شحات ولين مات بعد شحات Link to comment Share on other sites More sharing options...
بويوسف 222 Posted نوفمبر 15, 2006 Report Share Posted نوفمبر 15, 2006 اختي cheekygirl119 شكراً على مداخلتج،،، انتي تقولين الامارات احسن منه في الغني صح لكن عندهم مشاكل واايد سببها الغنى واهمها مشكلة العنوسه فالاماراتيين الحين بسبب غناهم قاموا يتزوجون من اجنبيات ويخلون بنات الديره، يا بنات البحرين تبون تكونون من العوانس ؟؟؟؟ انزين الكويت معاشتهم اعلى منه لكن بعد سلعهم اغلى منه لا تنسون هالشي المهم والكويت عندهم مشكلة عووده اللي هي مشكلة البدون، فهل تبين ان تكونين غنيه بس بدون جواز ؟؟؟؟ قطر اللي صارت الحين من اكثر الدول في العالم في المعاشات عنده مشكلة المجنسيين اللي اكثر من البحرين بألف مرة تقولين البحرين فيها هالمجنسين واللي ميودين المناصب، قطر فيها هالمشكلة اكثر منه بواايد يا اختي الفاضلة خلينه من قطر يودي دبي، ابيج تتمشين في دبي وتجوفين لي واحد اماراتي ؟؟؟ الواحد ما يدري اهو في الامارات ولا في دولة اجنبية !!!! ومسامحة اذا طولت ،،،، Link to comment Share on other sites More sharing options...
مــ قـلوب ــافية Posted نوفمبر 15, 2006 Report Share Posted نوفمبر 15, 2006 رجعت لكم مره ثانية .. اممم راح اتكلم عن الشغل .. انتوا هني قاعدين تتذمرون على ليش عندنا اسيويين وعمالة اجنبية في الشركات او اي مكان ثاني .. بكل بساطه اقولكم .. روحوا سألوا اصحاب الشركات ليش العمالة الاجنبية اكثر من البحرينية ,,, الجواب من الحين اقوله لكم .. " الاخلاص في العمل و المحافظه على مصلحة الشركة والابتعاد عن المصالح الشخصية " لو احد من الشركات عطت موظفيها سيارة للعمل واستخدامها للعمل .. ولله انه لا يرجعها لهم سكراب من كثر التقحص والدوارة ,, وهذي الشي صار جدام عيني كنت اشتغل في شركة .. ولله قعدت اسولف مع وااحد من دولة الفلبين اعتقد وكنت اقوله ماتشوف انه الاجانب هني اكثر من البحرينين ,, قال انا راح اقولج ليش " قالي قبل الشركة كانت كلها بحرينية اللي يشتغلون بحرينيين لكن عقب النصب والبوق اللي صار من المدارء تم تحويلها وفصلوا الموظفين ويابوا من برع .. يعني شقول لكم تبون وظايف ومكتب وكرسي وشاي رايح وشاي ياي وسوالف واخر شي معاش .. وين الشغل اللي سويت عقد عليه ...؟؟؟؟ وبعد فوق ذي كله تبون الشركات والاشغال تثق فيكم ؟؟؟؟ Link to comment Share on other sites More sharing options...
حمود سلمان Posted نوفمبر 15, 2006 Report Share Posted نوفمبر 15, 2006 صدقت يا كاتب الموضوع غريبة ان شعب مثقف مثل الشعب البحريني و يحمل مؤهلات علمية تتفوق على الشعب البريطاني و الأمريكي ( نسبتا ) ، و ايضا كله فقير و محروم ! اخوك بو سلمان Link to comment Share on other sites More sharing options...
Recommended Posts