اشواق عمري Posted نوفمبر 24, 2006 Report Share Posted نوفمبر 24, 2006 السلام علـــــيكم ورحمة الله وبركااته........ شحالكم عساكم بخير ؟؟ اليوم واخيرا يبت لكم قصتي اليديدة اول ماخلصت منهاا قلت بنزلهاا هني بس هاا هلا هلا بلردود انطر ردودكم وابي رايكم بصراحة يلا مابي اطول فلقد احبتتك حب ابد مامر على انسان لاحب قيس لليلى شبيهان بعيوني السهر خشى الابيات وقلت يانوم بطل لالا تجيها رموشي حجارة صارت يوم الفراق وماي العين تغمض وانت فيها ادور هواك بين الوجوه وتجي ايامي عكي ماابيها وشوف نارك بعين البكر وقول للروح ياروح استريها ياقلبي ومهجتي وياعمري والعيون الدنيا من غيرك وشلي فيها تندمين باجر روحي وداعت الله اليوم بعتيني بصلاية عينك الوقحة وصرت معا الوقت سكين تندمين باجر ، من يهزك شوق قلبي عذرك ولو موماي دم تبجين انا دللتك دلال الام لبنها سنين وانت بجري تلعبين ، بتندمين لكن بعد فوات الاوان، فهذه احد كتابات عيسى بعد تعرضه لخيانة من اعز انسانة وعد نفسه وتحدى الكل وقال مستحيل انساهاا والله يسعدهاا وين ماكانت بس اناا مابنساهاا ولاراح احب مرة ثانية وبعد مرور عدة سنوات نساهاا تقريبا بس ماقدر يحب بعدهاا ، فكان عيسى يتردد على مواقع الدردشة وهناك كان تعرف على اصدقاء وهم الي تحدوه على انه بينساهاا وذي الي صار ..... احد اصحاب عيسى: ها العيس من الي قال مابينساها والحين نسيتهاا عيسى: بعد شنسوي يابو شباب من حقكم الحين تطنزون علي يلاالحين لازم ماادش الشات وهذي على مااعتقد اتفاقي معاكم ؟ اصحابه: ههههههههه قلناالك لاتتحدى وياويهك عيسى: انزين مابدش بس عااد جم المدة الاتفاقية ؟ محمد: امممم احنه قلنه 3 اشهرصار؟ عيسى: هههه اوكوك صار، وبالفعل هذي الي صار مرة الشهور بلمح البصر وعيسى امتنع عن دخول موقع الدردشة لان هذي اتفاقيتهم وبعدهاا تم يتلاقى ويا ربعه هناك في موقع الدردشة بس كانت دشاته تخف واقل من اول ، فبينما كان عيسى يتصفح مواقع لفتت انظاره رواية بعنوان غصـون صحيح انه العنوان مجرد اسم عاادي لكن حس بشعور غير طبيعي فقرر يقرى القصة وبلفعل دخل صفحة وجلس يقرى في قصة ويتامل روعة الكلمات التي خطتها الكااتبة واحداث القصة الي تخلي قارئها يندمج فيهاا ويصيده نوع من الفضول ليعرف بقايا احداثها بتواصل بدون ملل ، هههه فصار عيسى مهووس بكتابات الكاتبة: احزان اشواق فكل مايجلس على النت سارع ليقرى كتاباتهاا فكان اهم من معجبين فيهاا وينتظرون جديدها بفارق صبر ، ففي يوم من الايام قرر انه يطرش لهاا رسالة خاصة فيهاا يعبر لهاا عن اعجابه وجلس يكتب ويكتب وفي اخير ضغط على كلمة ارسال بعد تردد لان كان مايبيهاا تعتبره واحد من معجبين لان اهو اكثر من معجب يحس هل انسانه جريبة منه معنه مايعرفها عدل بس يحس بوجودهاا بين كل حرف وكلمة تكتبهاا في قصصها وخواطرها ، ياربي الي بداخلي شي موطبيعي اتجاه شلون قدرت تحرك مشاعري اتجاهاا هل اهوو حب لالامومعقولة ياربي شقاعد اناا اقول البنية انا ماعرفها شلون احبهااا ، ههه مر يومين وعيسى مسكين ينطر رد منها لاكل كل يوم يفتح المنتدى ويجوف صفر رسايل الخاصة ويرد يسكر الصفحة عيسى: ياربي شلون اقدر اعرف عنهاا اكثر وشلون اقدر او صل لهاا وهي ماردت علي حتى افيه شهل حالة ليمتى بتم انطر ، فعيسى يالس يبحث ويبحث بدون ياس عن الشخصية الى ورى نك نيم الكاتبة احزان اشواق وبفعل هذي الي صار تم يسال ويسال وصدفة اكتشف ان أخته ليال من معجبات بكتابات الكاتبة احزان اشواق ... ليال: ها عيسى شفيك؟! عيسى: امبيه ، اكا طلعتي انتي بعد تقرين لهاا؟ ليال: من هذي؟! عيسى: الكاتبة احزان اشواق ليال: هههه ايه صح مو بس معجبه فيهاا فديتها صديقتي ذي عيسى: هاااااااااااا صديقتج؟! ليال: هههه اشفيك عيسووه امبطل بوزك شبرين ايه يبه رفيجتي وياي في جامعة اخر سنة لنا ، ليال عمرها 23 طالبة جامعية قسم تصميم ياحبهاا لتصاميم وديكورات ورسم ، عيسى: واناا ادور معلومات عنهاا وفي اخير تطلع رفيجتج وناا مادري ليال: هي يبه شفيك ههه شوي شوي علي ايه صارلنه جم سنة ويا بعض من ثانوي وياي فديتهاا بصراحة واايد طيبة وحبوبة هل شوق عيسى: اسمهاا شوق بعد ليال : ايه هههه عيسى: فديتهاا شواقتي ليال: شنووووو ، اقول اهي حبيبتك وانا مادري ؟ عيسى : لايبه بس احب اسمهاا وناديتهاا شواقتي لاني بصراحة واايد معجب فيهاا وبلي تكتبه ليال: بصراحة البنية حبوبة وبسرعة تنحب وهذي انت ماتعرفهاا عدل وتقول تحبهاا عيل لو سالفة ويلست وياهاا شبسوي؟ عيسى: بطير من ونااسى ياربي ليول حبيبتي ماتدرين شكثر اناا مستانس مشكورة على معلومات ، هههه وطلع من حجرتهاا وهوو مستانس شاق البوز ويضحك ويردد عيل طلعت رفيجة اختي ليول ههههه مسكين مومصدق روحه وليال مستغربة معقولة اخوي عيسوه يحب مرة ثانية الي يجوفه يقول الاخو عاشق هايم يابختج شوقوه شتبين بعد اخوي ميت عليج وانتي ماتدرين وصرتي مشهورة الكل يحب كتاباتج ويحبج الله يوفقج يارب وخذت السيادة وتمت اصلي صلاة ربها عقب قامت تكمل دراستهاا الا بصوت تلفونهاا يرن شالت التلفون.. ليال: هلا وغلا شخبارجج وحشتيني شوق: انتي اكثر فديتج جفتي اول مارديت من سفر اتصلتلج ليال: هاا اسويتي خبرينه فن الجوو في لبنان او شلون شوق: أي سكتي انااسه والله تمنيتج ويانه بس يلا مرة ثانية ان شاء الله ليال: ياكريهه وحشتينه متى انجوفج؟ شوق: هههه هل كثر تحبيني ؟ فديتج صديقتي الغالية تبين امر عليج باجر عقب مانطلع من جامعة بيي اتغدى عندكم هه ليال: ههه اوكي صار عيل انجوفج باجر، ويلسوا يسولفون ويابعض ساعة تقريبا حتى قالت ليال حق شوق عن اخوها عيسى ماتت من ضحك ونفس الوقت استحت تقول الحين لين رحت بيتهم مادري شلون بحس هههه مسكينة شوق ، تمنت يكون بدر والي اهو اخو ليال الكبير عمره 26 سنة الي يحبهاا مو عيسى بعد ماسكرت من عندها يلست شوق تدرس شوي وتذكرت بدر فديتك بدر متى بس متى تحس فيني وتحبني اكثر من مااناا احبك ياقاسي وانزلت من عينهاا دمعة الم على حظهاا بدر انسان يحب الغشمرة واايد بشكل غير طبيعي ومسوي جو في بيت بس عقب مااشتغل في محله الخاص صار الشغل ماخذ وقته وقليل ماييلس ويا بيتهم او يروح مكان بدر انسان حبوب وطيب ولين حب عط الي يحبه عينه وكل شي كان بدر بيخطب بس الي كان بيخطبهاا اكتشف خيانتهاا ومع اخو زوجة اخوه الي قبل كان يشتغل معاه في محله وطلب من حبيبته قبلية انهاا تشتغل معاهم بس ماتوقع انهاا تخونه معاه ومن بعدهاا ماعاد يفكر بغير دراسته وشغله لين ماتخرج وانشغل باعماله الخاصة ، وليال جريبة واايد من الاثنين عيسى وبدر ...... في اليوم الثاني في جامعة ليال وشوق ، ليال: شوووووووقوووه حبيبتي واهي تلمهاا وتبوسهاا وحشتيني ياكريهه شوق: ههه انتي اكثر بس عااد شوي شوي خنقتيني يادبه ليالك ههه مالت عليج انا دبة اراويج مرة ثانية تحملي تسافرين عني وتخليني بروحي اناا هني ماعرف اروح مكان من دونج يابايخة شوق: ههههههه انزين مرة ثانية كل مابروح مكان باخذج وياي حتى حمام ههه ليال: بكفخج عاد تطنزين شوق : اشدراني فيج ههههههههه، انزين يلا خذتنه السوالف ونسينه المحاضرة الحين بتبتدي يلا سرعي ، ودشوا المحاضرة وكل وحده قعدت على مقعد وطول الوقت ليال تتحلطم وتتطنز على الدكتور مالهم وشوق ميتة من ضحك تقولهاا سكتي لاتسويلنه سوالف وليال امواصلة في كلامها قامت عنهاا شوق ويلست على الكرسي الي ورى عشان تسكت عنهاا وتنتبه للمحاضرة هههه وعقب ماخلصت المحاضرة اطلعوا ثنتينهم وليال زفت شوق على الحركة الي سوتهاا.. شوق: يــــــــه اشفيج ليوول بالعه ريدوا من الصبح وتبين تنجحين هذي اخر كورس يمه خليه يمر بسلام ونتخرج عقب سولفي وتطنزي على راحتج يادبة ليال: اوكي وياويهج ، بس اخرلج مرة اسوين ذي حركة اوكي؟ شوق: اوكي عمتي امشي انزين الحين، وراحوا ليال وشوق وركبوا سيارة شوق كانت تمشي ويمهاا ليال مشغلة اغنية محمد نور حياتي قامت تعلق عليهاا كل عادة ليال: هه اشعندهاا العااشقة هيي يوو يمه عطينه ويه سرحاانه الاخت حاسبي لانسوي حادث عقب مابتنفعج الاغنية شوق: انزين بندناهاا الاغنية افيه انتي كل مرة تعلقين ماتخليني على راحتي مكرهج يابايخة، وبعدهاا عم هدوء في سيارة الى ان وصلوا بيت ليال بندت السيارة شوق وقفلت البيبان وليال جدمت.. شوق: لحظة انتي شفيج لحقج احد ليال: اشفيج امشي على بيض تمشين شوق: من في بيتكم انزين نطريني تخليني بروحي ليال: ليش اول مرة اتين بيتنه امشي لاسوين روحج خجولة شوق: بتتكفخين الحين ليش اجايفتني ، في نفس الوقت طلع ابو ليال الابو: السلام عليكم، انتوا كل تتهاوشنون ؟ شوق وليال: وعليكم السلام هههه شوق: هلا عمي شخبارك عساك بخير؟! ابو ليال: الحمدلله بخير دامج بخير ابنيتي حياج داخل اشفيج واقفه برى، ودشوا ثنتينهم الا بدر في ويهم شوق استحت ونزلت راسهاا بدر: هاا توكم يايين ليال: ايه ، شلونك بدر بدر: بخير ، الا شوق عندناا اليوم شخبارج شوق عاش من جافج شوق منصدمة تقول في قلبهاا بوو اول مرة اسمع اسمي على لسانة ويسالني شلونج اصاير في دنيا هههه: عاشت ايامك بخير الحمدلله نسأل عنك بدر : سالت عنج العافية شوق : الله يعافيك، نفس الوقت نزل عيسى واول ماجاف شوق طار من فرح هذي انتي شوق واخيرا جفناج ، استغربوا كلهم وتم يضحك اشفيكم ؟! ليال: هلا عيسى شخبارك عيسى مسفه حق اخته، اقول شوق: شخبارج شلونج وحشتينه عاش من جافج تفضلي يلسي حياالله من يانه تومانور المكان يالغالية شوق وبدر وليال مستغربين ومسكينة شوق حدهاا متفشلة وخجلانه خاصة انهاا ماتعرفه عدل ليال: ههه عيسووه شوي شوي على البنية شفيك ؟ عيسى: سكتي انتي اكلم الابنية اناا بدر: شفيك العيس امش انزين خل نروح حق الوالده وخلهم على راحتهم، تفشل عيسى حس انه طريقته بكلام ماكانت عدله وراح ويااخوه المطبخ يسلمون على امهم.. شوق: امبيه ليول اناا متفشلة صراحة ليال: هههه ماعليج منه متخدي اخوي عيسوه مومنه من الحب وهي تغمز حق شوق شوق: تضايقت شوي ونزلت راسهاا من فشله ، ليال : شفيج شواقه حبيبتي اتغشمر امشي امشي نروح فوق الحجرة اقول ركبي انتي فوق وانا بخلي خدامة تييب لنا الغدى فوق شوق: اوكي راحت ليال المطبخ سلمت على امهاا وهناك كان قاعد بدر وعيسى قام يسالهااعيسى : وينهاا شوق؟ ليال : وانت شعليك منهاا صج حشور عيسى: اشفيج الحين انتي مايسوى علي سالت عنهاا ليال: يمه جوفي ولدج فشل الابنية الي يجوفه يقول وحده من ربعه الام: هههه ماتعرفين اخوج بعد عيسى: والله كيفي من ربع مومن ربع كيفي وان شاء الله بصير وحده من الاهل الكل منصدم امبطله حلجه كلهم: شلووووون من الاهل عيسى: ايه ان شاء الله جريب بتكون زوجتي كلهم سكتوا من الكلام الي قاله خاصة بدر وليال لان يدرون انه شوق تحب بدر وماتفكر في غيره عيسى: هه شفيكم منصدمين كلكم سكتوا لين حزة الحزة بصدقون والحين يلا ليول ساعدي الوالدة اناا حدي يوعان بروح الصالة انطر الاكل، تموا كلهم يضحكون على هبالة اخوهم بس نفس والوقت تضايق بدر وليال لان عيسى مايدري انه شوق تحب بدر وعيسى يحبهاا ويفكر انهاا بتكون له مسكين عيسى ياترى شنو ردة فعل عيسى لما يدري اناا شوق تحب اخوه ؟؟؟ ومرة الايام واشهر وحب شوق لبدر يكبر يوم بعد يوم مع ان بدر مومعتبرهاا شي في حياته اماا عيسى يزيد اعجابه في شوق وصارت غرفته كل كتب واوراق وجرايد فيهاا كتابات احزان اشواق"شوق" فتقريبا اهل بدر دروا باعجاابه فيهاا واهم يعتقدون انه مجرد اعجاب لااكثر بس اهوو وااهم نفسه انه يحبهاا فبصراحة ام عيسى تموت على هل الابنية وتتمنى تكون من نصيب واحد من اعيالها... في مساء كانت الام بدر يالسه تنظف وتعدل في بيت مسكينة الله يعينهاا ام بدر عندها خدم بس تحب تشتغل وتنظف وتحب يكون مكان مرتب خاصة انه ولد ولدها الكبير سالم ماشاء الله عليه ولده علاوي عافس البيت بشيطانته واغراضه ، ليال: افيه الحين قعد علوي حق السندااره وينهم امك وابوك عنك هادينك حق العفسه ؟ الأم: ههه وانتي كل تتحلطمين بس اشعليج منه الا اهوو ياهل خليه يلعب مو انتي الي بتنظفين ليال: وانتي بس كل مدلعتهم من جذي صايرين دلايعه ولسانهم شطول محد يكلمهم، الا في دشت الاخو الكبر سالم عمره 36 سنة سالم: السلام عليكم ورحمة الله وبركااته الام وليال: وعليكم السلام ورحمة الله وبركاته سالم واهوو يحب راس امه: شخبار اليوم الوالده عساهاا بخير ومرتاحة؟! واهني انقظت ليال ودشت في خط ليال: وين ترتاح والاخو علاوي عافس المكان باغراضه ومزعجنه في اصراخه الام: ههه لاازعجنه ولاشي خليه ماعليج منه سالم: بل بل هل كثر تكرهين ولدي معليش مابخليه يزعجكم مرة ثانية شرايج اقفل عنه باب غرفة عشان ماتسمعون له حس الام: ماعليك منهاا هذي بدون شي وكل تتحلطم ، بنجوف باجر لين تزوجت اعيالهاا شنو بسوي وياهم؟ سالم: هه أي والله الله يعين ريلهاا كل تتحلطم عليه لابعد اليوم عيدميلادها وتدلع علينه ههههه ، سكتت ليال وسيده ركبت فوق وقفلت عليها الحجرة يزعم زعلانة ، تموا ثنينهم يضحكون على حركاتهاا جنهاا ياهل سيدة خذت التلفون واتصلت حق شوق رفيجتهاا... ليال: هلا شوقوه شخبارج شوق: بخير حبيبتي شخبارج انتي؟ ليال: تمام، انزين عندج شي الحين اذا ماعندج تعالي لي عشان تكونين وياي شوق: اوكي ، انزين محد يه لين حين؟! ليال: لاانا ماعزمت احد غير خالاتي وبناتهم واحنه وانتي بس شوق: اوكي فديتج اناا اتسبح واخلص وامرج يلا مع سلامة ليال: اوكي انطرج ، مع سلامة، وسكروا التلفون وكل وحده راحد يم خزانتهاا تدور لهاا بدله ،شوق: اف الحين شلبس هذي بدله او ذي اممم ياربي شختار لقيتهاا خل اتصل في ليول واسالهاا شبتلبس ! واتصلت فيهاا تمت تنطر اشيله شوق: افيه هذي وين راحت شكلهاا تسبح او بعيد عن تلفونهاا في نفس الوقت كان احد يم باب غرفتهاا يناديهاا!! شوق: منووو؟ امهاا: اناا امج بطلي باب، شوق فتحت لهاا الباب ودخلت امهاا، شوق: هلا يمه ييتي في وقتج الام: شفيج يمه بغيتي شي شوق: ايه يمه ابيج تقوليلي أي احلى البدله البيج او الزرقةمحتارة ابي وحده البسهاا حق عيد ميلاد ليول ؟! الام: اهاا، جوفي الزرقة احلى خليهاا حق العيد ميلاد شوق: ايه، انا اقول بعد شكرا يمه اهوو راسج خل احبه الام: فديت روحج حبتج العافية، يلااخليج اناا بروح ايلس تحت شوق: اوكي يااحلى ام بالدنيا وطلعت الام من غرفة بنتهاا وراحت ايلست في صالة اما شوق فدشت تتسبح ، شوق: بوو الماي صار بارد هههه خل اشغل سخانة عشان اسويلي ماي دافي ، الا تلفون شوق يرن ههه ماخذتهاا معاها الحمام شوق: الووو ، هلا ليول ليال: هلا شوقوه وه في وين انتي؟ شوق: في حماام ههه ليال: الله يغربل بليسج جنج حاسة اني بتصلج خذيتي وياج هههه شوق: ايه ادريبج لان كل ساعة بتتصلين، انزين شفيج ليال: مافيني شي بس وحشتيني ههه شوق: فديتج الحين بخلص وببدل واييج اوكي فديتج ليال: اوكي انطرج ، وصكروا التلفون وخذت شوق الفوطة تنشف الماي من جسمهاا وطلعت عشان تبدل ثيابهاا الا الخدامه تنادي شوق شوق: دشي ميري الخدامة: شوق، هذي بخور انتي قولي سوي شوق: ايه اناا قلت خليه وصكي باب وراج، افيه الحين وين حطيت ترجيتي اممم موحزتهاا ايه ايه اكاحصلتهاا خاشتهاا هني وادورهاا هههههه خل اخلص بسرعة الحين بتاذيني ليول، وجابلت المنظره وتمت تحط لها مكياج ناعم حق العيد ميلاد والبست دفتها وشيلتها بعد ماكملت التعدل ونزلت تحت حق امهاا في صالة وفي ييدهاا هدية ليال.... شوق: يمه، وينه ابوي ماجفته اليوم الام: توه طالع، تبين شي ؟ شوق: لافديتج يمه، يلا اناا بروح حق ليول لاتأذيني بغيتي شي يمه؟ الام: لاحبيبتي تحملي بروحج وسلمي عليهم شوق: اوكي يوصل يلا مع سلامة الام: الله يسلمج، وراحت شوق بسرعة وركبت سيارتها شغلتهاا الا مخلين اغنيتها انا ماكنت ابي ههه وتذكرت حبيب القلب بدر وطالعه المنظرة تمت تبتسم حق نفسهاا ماطالعة الطريج الا واهي وااصلة شوق: بو الحين وصلت ههههه الحين بتضحك علي ليول بتقولي تمشين فلت، انزلت من السيارة الا في ويها طلع بدر استحت ونزلت راسهاا بدر: شلونج شوق؟ شوق: هلا بدر بخير دامك بخير انت شخبار؟ بدر: تمام، اشفيج وااقفه هني دشي اذتنه ليول كل ساعة تقول ماوصلت شوق ، ودشوا ثنينهم البيت وتمت بدر ينادي اخته عشان تنزل حق شوق ليال: اوو وصلتي بسرعة شوق: ايه سكتي فلت يايه اعرفج لين تاخرت بتاذيني انزين امشي نعدل الاغراض وراحوا الصالة يعدلون الاغراض... ليال: بدر شفيك تلاحقنه ههه تبي شي بدر : هااا لا ماتبوني يعني اروح؟ ليال: لااخوي اشدعوة بس ظنيت فيك شي بدر: لابيلس وياكم اليوم ماعندي شي ومتفرق لكم خاصة اليوم عيدميلاد حبيبتنه ليول ليال: فديتك اخووي، اليوم صاير رومانسي يابخت الي بتاخذك واهي اتطالع شوق ههه وتموا كلهم يعدلون المكان ويزينونه وبدر راح ينادي عيسى عشان يساعده في حمل الاستيريو ماله لان كبير بو عيسى جاف شوق ولا بعد متعدله قام يقول في قلبه فديت هل قمر اجوف البيت امنور وكل وقت يخز عيسى في شوق وحتى لاحظ اهتمامها في بدر حتى شك.. عيسى: ليول، ليول ليال: شفيك اصارخ؟ عيسى: تعالي بقولج ليال: شنوو؟! عيسى: ابي اسالج سؤال وجاوبيني بصراحة اوكي؟ ليال : اوكي قول؟! عيسى: صج شوق تحب بدر؟ ليال: هاا من قال، اشدراك ؟ عيسى: انا اسالج لاتردين علي بسؤال ايه او لا قولي؟ ليال: ايه ليش، عيسى حس جنه احد صاب عليه ماي بارد وشوي ودمعة من عينه تنزل من قهر تم يقول وانا حظي بس جذي وعصب ومشى عنهاا راح حجرته وقفل عليه الباب ، تعفس مزاج ليال ماكانت تبي تنحط بهل الموقف خاصة انهاا لاحظت اخوهاا بدر يهتم في شوق وصار بينهم شوي اتصالات بس عيسى مايحب شوق مجرد اعجاب خاصة بعد الي صاده افيه شهل حالة انا ابي استانس في عيدميلادي، الا شوق قطعت حبل افكار ليال شوق: ليول شفيج؟ ليال: سكتي عني، ياني عيسى يسالني اذ تحبين بدر او لا وقلتله ايه وعصب وراح حجرته شوق: صج موقف كريه بس مردة بيقتنع لاتخافين عليه اخوج مرده بيدري انه مجرد كان معجب لااكثر وراحوا يكملون التعديل حق عيد ميلاد ليال......... ومر اليوم بسرعة وكان الكل مستانس ويرقص ويسولف ويضحك الا عيسى مسكين متكدر على الي عرفه ، اما شوق فحدهاا مستانسة خاصة انهاا جريبة يم بدر حتى بدر عينه كل على شوق في عيد ميلاد بعد ماراح الكل راح بدر غرفة ليال اخته.. بدر: ليوول ابي اقولج شي ليال: هلا بدر شفيك؟ بدر: بصراحة ابي منج خدمة بس لاترديني ونفس الوقت متفشل منج ليال: شفيك بدر قول اذا اقدر تعرفني مابردك بدر: امممممممممم، مادري شقولج بس بصراحة اناا ابي رقم شوق عشان اكلمها ، الا قطعته ليول بووو من صجك بدر مومصدقه واخيرا خليتهاا في بالك بدر: لامادري شاقول بس بحاول احبهاا مافي شي اكيد بس اذا لناا نصيب بناخذه وبنكون ويابعض بس انتي عطيني وخلي باقي علي ليول: اوكي، وطلع بدر تلفونه وحفظ الرقم عنده وطار سيده حجرته بيتصل فيهاا قبل لاتطلع وبعدهاا بدر دق على رقم شوق ويقول في داخلهاا ان شاء الله اشيله شوق: الووو بدر: هلا وغلا الوووين شوق: هلافيك، منو وياي اخوي بدر: ماعرفتيني؟ شوق: لا من انت اول مرة اجوف الرقم بدر: اممم ، اناا بدر شوق: أي بدر بعد؟ بدر: يه انا بدر اخو ليول رفيجتج شوق: هاااا، شوق مومصدقه ومندهشة ، بدر بدر من صجك او تتغشمر وشلون ومتى خذيت رقمي بدر: ههههه اشفيج شوق ، لهدرجة مومصدقة ايه اناا بدر الي تحبينه ، شوق استحت واسكتت بدر: هههه ، يحليلهم الي يستحون ، وظلوا على هل حال شهرين واهم يكلمون بعض في تلفون وشوق كل يوم تحبك بدر اكثر واكثر بس للاسف بدر عادي خاصة انه انشغل عن شوق بعد مافتحله محل اليديد وصار شوي شوي تخف اتصالاته عنها وفي يوم من الايام طلب من شوق انه كل واحد يروح لطريجه لان مو سهل عليه يحب بسرعة ومايبي يظلمهاا واهوو كل مشغول عنه اماا شوق مسكينة حالتهاا حالة .. شوق: بدر حرام عليك تدري شنو انت قاعد تقول ليش انا اسويت انا راضية بانشغالك بس مابي فراقك حرام عليك تحطم حياتي بيدك انت بيدك سعادتي وبيدك الثانية تعاستي لاتعطيني تعاستي لاتحرمني من فرحتي الي تمنيتهاا وياك ، بدر كسرت خاطره وقالهاا اذ بتتصبرين اوكي بس لاتضايقين مني عقب ووافقة شوق على ذي شي مع انه شي يحز بقلبهاا بس بتتصبر وبتضحى وردوا مثل قبل بس اتصالاته لهاا مومثل قبل وفي يوم من الايام بدر خبر شوق انه بيسافر الامارات حق ششغل وبرد عقب 3 ايام واول مايوصل بتصل فيهاا وبخبرهاا وهذا الي صار اول ماوصل الامارات اتصل فيهاا بس بعدهاا خفت اتصالاته عدل مااتصل فيهاا الا عقب ماوصل ديرته وانشغل عنهاا واايد ولاكان تعني له شي حست بحزن بس تصبرت وقالت: مابي اتشكى او شي اناا مابي اخسره، مسكينة شوق وفوق ذي اهي وعدت نفسهاا انها تسعده وتعوضه عن الي خسره قبل وكانت اسوي كل شي يسعده حبت الطباخ اكثر بس عشانه وغيرت اشياء وايد عشانه بس بدر بقلبه القاسي مومفتكر فيهاا مرة الايام بسرعة وبدر تقل اتصالاته في شوق ومسكينة شوق عايشة وسط حزن محد عالمها غير ربهاا حتى رفيجتهاا ليال ماخبرتهاا وبعدهاا قلة الاتصالات ولاحتى يسال عن شوق اذا صاحية او مريضة او حية او ميتة قطعهاا خير شر واهوو الي خلاهاا تتعلق فيه والحين تخلى عنهاا بكل سهولة ولاحتى طرش لهاا شي لايرد على مسجاتهاا ولااتصالاتهاا ساءت حالة شوق ودشت المستشفى بسسب الحالة الي تركهاا فيها بدر شوق بدون رحمة اماا ليال فكانت متفشلة من الي صار ولالهاا ويه تكلم شوق او احد خاصة ان شوق حالتهاا كل يوم وتزيد اسوء واسوء صارت ماترقد الا بمنوم خافووا عليهاا لاتدمن الاطباء فتموا يخففون عليهاا ويتركونهاا تنام بروحهاا بعد ماتعب من الصياح صارت مثل المينونة تضحك وتبجي مر على حالتهاا 6 اشهر وكل دقيقة تزيد حالتهاا ، اماا عيسى فالله وفقه وتزوج الي الله كتب معاهاا نصيب ونسى اشواق اما بدر فحابس روحه بين اشغاله مايدري عن شوق وغيرهاا حتى هله مايدري عنهم وكل قافل تلفونه اماا ليول فنخطبت لولد خالهاا كانت مستانسة ونفس الوقت مضايقة لان اعز صديقاتهاا مووياهاا وحالتهاا خطيرة اماا اهل شوق فحالتهم لاتسر عدو ولاصديق حزنانين على بنتهم الي ماتستاهل.. الام: ليش ياناس يصير بنتي جذي الطيبة الحبوبة الي قلبهاا وسيع مامثله مثيل حرام والله توهاا صغيرة يصيدهاا هل شي ياربي لاتخليهاا بهل حال ردهاا لناا مثل قبل واحسن، ويتم الباقي يبجي على كلام الام ، اماا شوق مسكينة الي يجوفهاا مايصدق الي صادهاا وين شوق الي تضحك وتتغشمر الي تكتب ولين حطيتهاا على الجرح تداويه وين راحت بسمتهاا الى تنور المكان فيهاا ياحسافة والله الله يكون في عونها وعون الجميع.... في يوم من الايام قعدت عايلة شوق الصبح وتجهزوا عشان يمرون عليهاا اماا شوق فكان الاطباء يعانون وياهاا يربطونهاا عشان لاتشرد ولكن الي صار انهاا غفلتهم واشردت من المستشفى الي اهي فيه لحقتها الممرضة وباقي لكنهاا ماوقت الا بعد مالفت نظهرهاا شاحنه كبيرة ماقدرت تتحرك من الخوف ولاقدر السائق يتحكم في سرعته وصدم شوق والكل تجمع مكان الحادث والكل يبجي لانهاا ماتت وفي طريج كان اهلهاا يايين ولاحظوا الحادث فركضت الام وجنهاا حاسة الا بنتهاا وتمت تصارخ بنتي بنتي شوق يمه حاجيني لاتخلينه وتروحين الدنيا والبيت مايساوون شي بدونج وخواتهاا تيمعوا وتموا يبجون على وفاة اختهم خاصة انهاا طيبة وماتستاهل هل نهاية الي عاشتهاا تعاسة في تعاسة اول مادرت ليال ركضت لامهاا وتمت تصارخ وتبجي تقولهاا كل من ولدج النذل وخذت مفتاح سيارتهاا وراحت لمحل اخوهاا وتمت تصارخ عليه وتبجي واهوو منصدم من الي صار ماكان يدري عن شي مرة الايام وسنوات وبدر عايش على ذكرى شوق ويتذكر كل كلمة قالتهاا وشلون خرب حياتهاا بلحظة عاش حياته يلوم نفسه خاصة انه ماله ويه يجوف اخته وام شوق ونظراتهم عتاب في عتاب والله يحمينه ويبعد عنه هموم الدنياا ومافيهاا وفي الختام اتمنى ان تحوز القصه على رضائكم ولا تنسونا بالردود Quote Link to comment Share on other sites More sharing options...
حفرت اسمك على قلبي Posted نوفمبر 25, 2006 Report Share Posted نوفمبر 25, 2006 مشكورة اختي على القصة الرووووووووووووووووووووووعة تسلم ايدج و بانتظار جديدج Quote Link to comment Share on other sites More sharing options...
danat aldonya Posted نوفمبر 25, 2006 Report Share Posted نوفمبر 25, 2006 مشكوره على القصه الروعه وننتظر قصجج الجديده يا اختي وشكرا Quote Link to comment Share on other sites More sharing options...
اشواق عمري Posted نوفمبر 25, 2006 Author Report Share Posted نوفمبر 25, 2006 العفوو خيتووو تسلمين على مرورج الطيب العفوو خيتووه ويعطيكم العافية على مروركم الطيب Quote Link to comment Share on other sites More sharing options...
علاية Posted نوفمبر 27, 2006 Report Share Posted نوفمبر 27, 2006 قصتج حدها حلوة وفن ونهايتها تعور القلب، وان شاء الله تتحفينا بجديدج مرة ثانية يا اختي الحبيبة اختج علاية Quote Link to comment Share on other sites More sharing options...
هدوء الفجر Posted نوفمبر 29, 2006 Report Share Posted نوفمبر 29, 2006 مشكورة اختي على القصة الرووووووووووووووووووووووعة تسلم ايدج و بانتظار جديدج Quote Link to comment Share on other sites More sharing options...
§الطفلة الحزينة§ Posted نوفمبر 30, 2006 Report Share Posted نوفمبر 30, 2006 الصراحة تسلم أنامل يدج يدج الي كتبت هالقصة واايد حلوووة وننتظر يديدج Quote Link to comment Share on other sites More sharing options...
صدى الحب Posted نوفمبر 30, 2006 Report Share Posted نوفمبر 30, 2006 [move]تسلمين اختي قصتش وايد حلوه وننظر جديدج !![/move] Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.