فديتوني Posted يناير 25, 2007 Author Report Share Posted يناير 25, 2007 الجــ 9 ــزء ماقبـل الأخيــر امل :خالي يانوره حالته النفسيه تعباانه تعبانه طالعتها وقلت : مافهمت امل : قبل اربع سنين خالي سوا حادث شنيع وراحو ريوله الثنتين الحمدلله انه ماراح اهو صدمني كلامها لاني الي اشوفه غير عن الي تقوله قلت : بس اهو طبيعي الحين يمشي امل : بريول صناعيه وقفت مذهوله : شنو المطلوب مني سحبتني من يدي وقعدتني يمها : نوره لا تتسرعين سمعي قصته كامله وبعدين حكمي يلست وقلت : يالله كملي امل :قبل اربع سنوات خالي كان يحب وحده والكل يدري بهالشي لان مقرر يخطبها بس بعد ما سوا الحادث وبعد ما رجع يمشي وهذا بفضل الله وبفضل الريل الصناعيه والتمارين قدر يسترجع ريله ويعيش حياته مثل اي شخص راحو امي وخالتي شيخه يخطبونها له والله يانوره ماوصف لج فرحته شلون يوم بيروح كاشخ ع الاخر والابتسامه مافارقته شفتي فرحة الحبيب الي ينتظر من سنين يبي يقابل حبيبه يبيه يكون له بروحه هذي فرحته بس وسكتت ماجذب عليكم دمعت عيوني بس اخفيت الدموع والحزن عن امل ما احب حالة الضعف الي فيني مابيها تستقلني رجعت وقلت لها : بس شنو امل : يافرحه ماتمت قلت : يعني العروس ماتت امل : جان زين ماتت ع الاقل خالي ماعاش بهالعذاب نوره : عيل شفيها عرست امل : رفضت نوره : ليش رفضت امل : ماتبي واحد ناقص نوره : مافي احد كامل الكامل الله سبحانه وتعالى امل : قسمه نصيب نوره تعاطفت وياه صج عور قلبي وكسر خاطري: الله كريم الله يعوضه خير امل : الحين ممكن تقولين لي ليش انتي رافضه ماتوقعتها تسألني هالسؤال حسيت اني ابي اسوي اي شي ابي اتهرب من سؤاله امل : نوره اكلمج نوره : شوفي اشجان مسكينه رقدت رفعت امل راسها بتشوف اشجان طاحت عينها بعيون محمد الي شكله من بدايه القصه لين نهايتها كان واقف ومتيبس بمكانه وعيونه حمر متروسه دموعي امل بصوت متقطع : آسـ ـفـ ـه خـ ـالـي بس من المفروض انها تدري شفت منهد على الكرسي وسمح لدموعه تنزل اكره شي عندي اشوف دمعة ريال في وقت ضعفه شفته يكلم امل ويقول بصوت مبحوح : يعني بترتاحين الحين بترتاحين يوم انج قلتي لها يلست امل على ريولها وجابلت خالها : نوره من يوم مافكرت انت فيها كان لازم تعرف هذي الشي محمد : عشان تروح تكرهني لازم تقولين لها اني انسان عاجر صرخ بهالكلمه مره ثانيه : عاااااجز هني ماقدرت استحمل منظره رحت ركضت غرفتي وقفلت الباب وحطيت راسي ع السرير ويلست اصيح من قلبي شكل محمد يقطع القلب شلون طاح ع الكرسي طريقة كلامه خوفه ياربي صج عور قلبي بس انا مو حقه لو شنو يصير انا لخالد وخالد لي ليش محد راضي يفهم هذي الشي دفنت راسي اكثر في السرير ويلست اصيح بصوت شبه مسموع حياتي كلها عذاب في عذاب وبعد هالصياح ماحسيت بعمري الا ع الساعه 9 الصبح قمت دخلت الحمام اتغسل وبعدها طلعت صليت الصبح متأخره هالمره طالعت تلفوني تنهدت بقوه لان مافي رد لا على اتصالي ولا على مسجي خذت التلفون وضغطت رقم خالد بكلمه بس الي خلاني مذهوله الرقم مقطووع رجعت اصيح بغزاره هذا الشي الوحيد الي يوصلني لخالد ويعلمني بأخباره والحين مقطوع رحت بسرعه فتحت لاب توبي ودخلت المسنجر يأست اكثر ونزلت دموع حاره يوم شفت خالد محد طرشت له رساله ويلست انطر لي ما اذن الظهر وانا انطر رد منه رجعت طرشت لها مره ثانيه ابييه بس يدخل او ع الاقل يقولي انه بخير هم مالقيت رد رحت اجيك اشوف ع الايميلات طلعت عيوني على برا يوم شفته ماعطني حظر وحذف وقتها صحت بصوت مسموع ماعرفت شنو اسوي ولا شنو اقول غير ان يلست اصيح وادعي عليه يوم انه بيعذبني هالعذاب كله حرام عليه والله حرام عليه يعني لازم اقضي ايامي انا بالذات بدموعي والله حرام عقب ماشبعت صياح مسحت دموعي واسترجعت شوي من القوه الي فيني وقلت بتحمل مارده هو الي بيرجع لي وعطيت نفسي آمال لها اول مالها تالي وبعض الآمال مستحييله بس عشمت عمري ان خالد لي وبيرجع لي ويمكن كل هذي عشان يزيد من غلاي شفتو شلون عشمت عمري بأشياء مستحيله المهم صليت الظهر ولبست جلابيتي ونزلت تحت كالعاده البيت خالي مافيه احد كلهم عند امهم ماعدا نواف اكيد كان يرتب اموره حق الشغل لان بعد اسبوعين يصير بدايه الشهر وراح يستلم الشغل نزلت تحت كنت متعمده انزل في هالوقت لاني ادري انهم محد وابي اتحاشي تواجدي مع محمد في اي مكان مابي اشوف نظرة الضعف في عيونه لاني ماحبها كفايه الضعف الي فيني سويت لي جاي حليب يدفيني وطالعت التلفزيون كان بايخ مافيه اي شي عدل اليوم كان مزاجي كلشي مو حلو دخل نواف شافني يالسه في الصاله قالي :الا قاعده بروحج نوره : الي يقول كل يوم اقعد من الجيران هذهم ربعي شوفهم واشرت ع الطوف الي في الصاله نواف : ههههههههههههه ينيتي نوره : ايه ينيت الي بيعيش هالعيشه الي انا عايشتها بين وزود بعد نواف : حمدي ربج وشكريه غيرج يتمنى يعيش هالعيشه نوره بحزن : عيشة البنت اليتميه الي فقدت امها عيشة البنت الي محد يحبها عيشة العذاب الي انا فيها بعد تسميها عيشه هذي نواف : يؤ يؤ نوره كل هذا فيج وبعدين انتي مو يتيمه نوره : فقدت امي وابوي وتقولي مو يتيمه حتى انت اخوي الوحيد ولاهي بحياتك ولا هميتك نواف تقرب مني : افــا نوره الحين انا مو مهتم فيج لو مو مهتم فيج ماشفتيني وياج بهالبيت سكت عنه وقالي : مابتروحين حق مرت ابوي اليوم قلت له : قلعتها تستاهل الي اييها نواف : بل بل حرام عليج مب زين نوره : الي سوته فيني مو سهل عيشتني برعب وعذاب الحين تستاهل ان شاء الله تموت نواف : حرام عليج سامحيها تراها محتاجه دعواتج مو تدعين عليها قلت بملل : يصير خير قام : يالله انا بروح اريح هلكت اليوم ماعطيته ويه اليوم مزاجي ضارب التوب كارهه حتى روحي طالعت الكرسي الي امس يلس عليه محمد وانعاد لي الشريط مره ثانيه كرهت العذاب فيني مابي اعذب الناس بس والله انا مو له لو شنو يصير انا اموت ولا اتزوج غير خالد بعد رجعت وقلت خالد خالد الي اهو خالد تملل مني وراح عني مادري وين راح المهم يلست في غرفتي هاليوم مابي اطلع منها مابي اشوف محمد خير شر يلست اصمم بالفوتوشوب بس نقزت من مكاني يوم سمعت صوت صراخ تحت طلعت من الغرفه ميته من الخوف نزلت تحت شفت فاطمه ضامه اشجان وقاعده تصيح وامل نفس الشي وابوي يالس ع الكرسي يمسح دموعه طالعتهم ابي احد يفهمني شسالفه شفت محمد داخل ومعاه شيخه سمعتها تقول حق ابوي عظم الله اجرك يعني مرت ابوي ماتت قام يمر شكلها على بالي من يوم ماكنت صغيره لي اخر مره شفتها بالمستشفى تقربت من فاطمه ويلست اصيح وياها صج فراق الام شي مو سهل هالاسبوع مر طبيعي كان عزا مرت ابوي وماكنت مقصره معاهم بشي كنت اقعد وياهم من الصبح لي الليل صج صج كان تعب وكانو ناس وايد اييون يعزون وشيخه كانت ترقد في بيتنا في هاليوم كانت فاطمه وامل مشغولين وشيخه وياهم كانو يايين ناس من اهلم من برا البحرين يعزون وانا انسحبت وخليت اشجان عندي حطيتها عندي بالغرفه معاها جم لعبه عشان تسكت كانت تلعب ببراءه حسيت بالطفوله الي بتعيشها اشجان من عقب امها بس كانت مثلي بالضبط بتعيش حياتها من غير ام بس عندها ابو يحبها مع انه ابوي ابوها نفس الابو بس في شي يختلف اشجان تلقى حنان وعطف الابو انا حتى سؤال مايسألني عن حالي يلست تحت وياها ع الارض حاولت اندمج وياها بس طالعتني وقذلتها على عيونها كانت ترفعها بطريقه بريئه : امي ماترضى تلعبين وياي بتكسرين العابي كسرت خاطري مسكينه ماتدري ان امها راحت وبتبتدي صفحة عذاب والم و شقى لها ويمكن صفحة خير وسعاده تقربت منها وقلت : لا حبيبتي انا اختج وماسوي لج جذي دزتني : قومي مناك امي ماترضى صرخت عليه : اشجان يلست تصيح وترافس : انا مابيج ابي امي وراحت عند الباب حاولت تفتحه بس ماقدرت رحت اتقرب منها عورت قلبي لانها ماتدري بشي ضميتها وحبيتها في خدها : اشجان انا اختج ماسوي فيج شي والله اشجان : انتي تصرخين علي انا اخاف امي ماتصرخ علي قلت لها : خلاص مابصرخ امشي نلعب فكرت شوي وقالت : نلعب رحت يلست وياها لعبت شوي بالعرايس الي عندها تذكرت ايام قبل ماكان عندي عروسه وحده بمان ان فاطمه وامل يحتلون العابي سمعت باب غرفتي ينطق وصوت نواف من وراه قلت له : ادخل فتح الباب وقرب صوبي قالي : نوره ابيج في موضوع قلت حق اشجان : يالله عاد الحين لعبي بروحج وقمت عنها رحت يلست ع الكرسي وقلت حق نواف : شفيك قالي : انا قررت اتزوج بقيت عيني ع الاخر الوقت كلش مو مناسب حق جذي مواضيع صح انها مرت ابونا بس بعد احترام لابوي الي مايستاهل نوره : نواف انت من صجك تشوف هذي الوقت المناسب نواف بجديه اكثر : الي علي اني قلت لج اني بتزوج نوره : ومنو هذي الي بتتزوج واحد للحين ماشتغل نواف : انا الحين بشتغل وبعدين بنبيع البيت وكل واحد ياخذ نصيبه بطلت عيوني اكثر : وين نروح بعدين وين نقعد نواف : انا بتزوج وبقعد في شقه لي ماتتعدل الامور واشتري لي بيت نوره : نواف انت تفهم كلامك وانا وين اروح وين اولي نواف : اذا تبين تسكنين وياي حياج الله نوره بأصرار : اذا على بيعة البيت انا مو موافقه وماظنتي بيبعونه دام اني مو موافقه نواف : مو على كيفج ولا تسين ان عندي توكيل نوره بحزن وعذاب : وين اروح انا نواف شفيك انا اختك وين اروح قالي : عندج ابوي قعدي وياه نوره : انزين هذا آخر كلام عندك نواف : اي وبيكون زواجي في اقرب فرصه نوره : ماقلت لي منو بتاخذ نواف : سميه قمت وقفت كلشي له حدود يبيع البيت يذبحني ان شاء الله بس سميه مايتزوجها ماتناسبه قلت له : نواف سميه ماتناسبك نواف : بس هي داخله خاطري وابيها نوره : بس ماتناسبك نواف : انا ريال وحر في اختياري قعدت وجابلته ويه بويه :والي يقولك ان قبل لا نرجع بيوم سميه ماكانت راقده في بيتهم نواف : ادري نوره : وتدري وبعد تبيها نواف : لانها كانت راقده في شقتنا وانتي رحتي فضحتيها بطلت عيوني ع لاخر شفيه اخوي استخف والا زر عقله نوره : شنو مافهمت قام نواف وقف بيطلع من الغرفه : المهم سميه شكلها حامل وانا خايف عليها وبتزوجها اليوم قبل باجر وطلع عني وخلاني في بحر دموعي تركت اشجانو لعبتها ويات صوبي وتمسح دموعي : ليش تصيحين قلت لها : مافيني شي قالت : انتو كلكم تصيحون انتي وامل وفاطمه ليش تصيحون ضميتها اكثر لصدري ويلست اصيح بمرارة ع المغرب نزلت الصاله شفت ابوي يالس بروحه شكله يكسر الخارط بدون مرته الي كانت الكل بالكل عنده رأفت على حاله حبيته على راسه وكنت بكلمه بموضوع نواف الي باط جبدي بس كلش الوقت مو مناسب شويه ونزلت فاطمه من فوق تسألني فاطمه : نوره وين اشجان قلت لها : في غرفتي مسكينه تعبت ورقدت تقربت مني فاطمه بعد ماطلع ابوي وقالت لي : مشكوره نوره على وقفتج ويانا قلت لها : هذا واجبي مهما يكون هي الي ربتي كنت اضحك على روحي واقول هالكلام انا اصلا ربيت روحي بروحي فاطمه :نوره موعلي انا امي ذوقتج الويل بس طلبتج تسامحينها تراها محتاجه الدعوات نوره : وانا مو شايله عليها بشي عشان اسامحها فاطمه : الحمدلله نوره : الله يرحمها ويرحم جميع امواتنا المسلمين فاطمه : آمين كانت حرة نواف في قلبي ابي اشكي لاحد بس مالقيت جدامي غير فاطمه نوره : فاطمه ابي اقولج شي فاطمه : شنو قلت : يكون سر بيني وبينج فاطمه : ان شاء الله نوره : فاطمه نواف يبي يتزوج فاطمه بصدمه : الحين هزيت راسي بتنهد فاطمه : شفيه استخف تراالعرس مابيطير ع الاقل عقب ماياخذ لامي شهر مو عشاني ولا عشان اخواني بس عشان ابوي الي تشوفين حالته شلون نوره : والله كلمته وقلت له بس فاطمه : بس شنو نوره: بس اهو غلط مع هالبنت ويبي يصلح غلطته فاطمه الي حسيتها انصدمت من تصرف نواف فاطمه : بس نواف مو من هالنوع نوره : وهذا الي ماتوقعته والمشكله يوم سافرت وياه كانت البنت معانا بنفس الشقه وانا خبر خير فاطمه : مو مشكله انا مستعده اروح مع خالتي ونخطبها له بس خل امي تكمل الشهر نوره : والله مادري به وربي قاهرني فاطمه : وبعدين هو توه صغير اول يشتغل ويكون نفسه والا شلون بيمع مهر لها قلت بتنهد : بيبيع البيت فاطمه : ليش اهو لعبه والا على كيفه احنا وين نروح تدرين ابوي ماعنده غير راتبه التقاعدي وزين الي يكفي مصاريف بيتنا قلت بنبره بدايه للصياح : مادري فاطمه مادري فاطمه : تبيني اكلمه نوره : لا الله يخليج مافيني شدته يعصب علي فاطمه : على راحتج وراحت عني فوق لان شكلها تعبانه وانا غثيتها بالي قلته لها Quote Link to comment Share on other sites More sharing options...
~نعناعة~ Posted يناير 25, 2007 Report Share Posted يناير 25, 2007 فدييييت قلبش فديتوووووووووووني .. تسلميييييييييين عالبااارت الحلووووووووو .. وننتظر الباارت الاخيرررررررر .. بسررعه فدييييييتش لا تتأخرين .. ويسلمو مرة ثانيه .. Quote Link to comment Share on other sites More sharing options...
..^ذبانة كشخه^.. Posted يناير 25, 2007 Report Share Posted يناير 25, 2007 بل بل ماتوقعت يصير هلون ليش حرام انا والله دمعت عيوني .. انتظر التكملة وااااااااااااااااااايد حلوة وااااااااااااايد Quote Link to comment Share on other sites More sharing options...
فديتوني Posted يناير 25, 2007 Author Report Share Posted يناير 25, 2007 يابعد قلبي والله ذبانتي ماعاش من ينزل دموعج بس ماعليه الياي احلى وان شاء الله الاثنين الاخير نعناعه تسلمين غلاتي وانتي احلى وربي والاخير مثل ماقلت الاثنين بأذن الله Quote Link to comment Share on other sites More sharing options...
النملة الشقية Posted يناير 25, 2007 Report Share Posted يناير 25, 2007 يسلموووو حبيبتي على البارت لكن خيتوو وايد قصصيرر انشاءالله البارت الياي يكون اطول Quote Link to comment Share on other sites More sharing options...
بنت أبو ديب Posted يناير 25, 2007 Report Share Posted يناير 25, 2007 حده يصيح الباارت توقعت خالد بهدها و محمد حده يعور القلب فديتج فديتوني مبدعه ماشاالله عليج ننطر البارت الاخير حبيبتي Quote Link to comment Share on other sites More sharing options...
حسوون Posted يناير 26, 2007 Report Share Posted يناير 26, 2007 يعطيج العافيه ناطرين الحلقه الأخيره بس ابي اطلب منك انك ما توقفين كتاباتك وتشوفين لنا قصه ثانيه اذا ما عليج امر صج عذبتينا وحنا ننتظر التكمله بس بعد روعه قصتج Quote Link to comment Share on other sites More sharing options...
*to0omy_cutie* Posted يناير 26, 2007 Report Share Posted يناير 26, 2007 تسلميييييين يالغلا حدها اتينن القصة بعد كمليها اندمجت وايد To0omy Quote Link to comment Share on other sites More sharing options...
Canal1990 Posted يناير 26, 2007 Report Share Posted يناير 26, 2007 تسلمين اختي العزيزة على القصة الروعة و في انتظار التكملة Quote Link to comment Share on other sites More sharing options...
فديتوني Posted يناير 26, 2007 Author Report Share Posted يناير 26, 2007 النمله الشقيه حرام عليج هذا اطول جزء كتبته والله ومشكوره ع التواجد بنت ابو ديب تسلمين يابعدهم والله وماعليج الياي احلى حسون ويعافيك اخوي ان شاء الله مابوقف اذا لقيت التشجيع الحلو منكم ومشكور ع التواجد ولا حرمني من ردك To0omy ربي يسلمج الغلا والي اينن حضورج والله وان شاء الله الاخير يوم الاثنين Canal1990 يسلمج الرحمن والتكمله بتلقينها يوم الاثنين شاكره لج الحضور Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.