روح علي ( قصه بمنتهى الروعه)

[عجمية حلوة]

حتى فهاي المنتدى مو مكملة القصة بس ماافي الا هذا البارت

 

*************************************************

6 شهور طويله مضت بعد كل هالأحداث.. سلمى وعلي عايشين في جنه مايعكر صفوها غير بعدها عن الأهل..وبالرغم من محاولات اميره انها تلتقي بعلي او تحتك فيه في الجامعه ماكان يعطيها وجه.. سارا وحسن..امير وعاليه.. ينتظرون بشوق كبير فلذات اكبادهم.. احمد وحنان بدو يتخطون خجلهم من بعض وينسجمون.. مريم ومحمد بعد زواج خيالي عايشين شهر عسل لانهائي مثل مايقول محمد.. يعقوب مازال يصارع آلآمه.. ويحاول يتخطى فرح..لكن..يمكن هالشي..صعب!

 

 

دخل محمد البيت وسحبه خشمه على طوول للمطبخ..

دخل المطبخ وهو يتلذذ بريحة الأكل:امممممممم..

ومد وفتح القدر ومريم تطالعه ساكته.. اخذ ملعقه ومدها للقدر ..طقت يده مره بأطراف اصابعها.. فرك يده وهي تقول: كل يوم؟؟..تخرب الأكل عشان تذوق!!..

محمد يفرك يده ويضحك:مريوم لازم تلقين لك صرفه على هالطبخ!.. ياتحطين عوزال للريحه ولا ماتخلينه لذيذ ولا ماتطبخين!!.. مايصير انا اجي ميت جوع وتقولين لي مااذوق!..

مريم تحط الرز في الصحن:يعني مايصير تصبر دقايق بس؟

محمد:لا ياعمر محمد..مااصبر ولا ثانيه!...

ضحكت وقالت:اقول روح غير على مااكمل الباقي..

طلع من المطبخ وهو يضحك.. قعدو يتغدون وهم يسولفون..

مريم :شفت سارا اختك امس؟

محمد ضحك:هههههههههههه.. ايه..تهاوشت معاي ليش اقول لها دبه!..

مريم ضحكت:حرام عليك..بروحها موصله حدها تعب تجي تزيدها..

محمد وهو يصب له عصير: والله عاد هي الي بتموت على هالدبه انا ماقلت لها صيري دبه!..

مريم تطالعها بنظره لها معنى: ماادري من الي سبحني بنحاسته بالماي واليوم الثاني اكلمه ميت من الفرح يقول باركي لي بصير خال؟؟...

محمد:انا؟

مريم:لا انا!..

محمد: الحين احنا شقاعدين نتناقش عليه اصلاً؟

مريم:هههههههههههههه..ايه تهرب تهرب.. المهم..

جات بتكمل بس رن جوال محمد..

محمد:هلا؟

فجأه تغير وجهه:متـــــــــــى؟

مريم خافت..قعدت تنتظر..بس سكر سألته:شصاير؟

محمد وجهه مخطوف:سارا في المستشفى..وفي خطر على الجنين..

مريم خافت:بتروح؟

محمد يجمع اغراضه في جيبه:أي بروج..

مسكته مريم:انتظرني..بجي..

محمد:مافي وقت..

الحت عليه الا بتجي.. وركضت لبست عباتها..وقلبها مفزوع.. صارت كلمة حالته خطيره تموتها تقتلها..تذكرت عبدالله.. كلمة حالته خطره تذكرها بوفاة عبدالله.. ياربي ارحمنا يارب.. يكفي علينا واحد وللحين ماالتأم جرحنا.. لاتفجعنا بسارا بعد..

كانت سارا بالنسبه لمريم مثل ماهي بالنسبه لسلمى..اخت!

 

راحو المستشفى وين ماالكل مجتمعين.. والحاله متعسره والكل يدعي الله انه يفك كربتهم...وصل الخبر لسلمى الي طاحت مباشره بدون ماتحس.. وبس قعدت اصرت على علي يرجعون بما انها فترة انقطاع دراسه..

علي:سلمى هدي.. ان شاء الله مابيصير فيها شي.. ماله داعي تسوين كل هالقلق..

سلمى و هي تصيح:ماله داعي؟؟..ماله داعي اخاف على اختي؟..ماله داعي اخاف على جنينها الي ماتت من الصياح تنتظره؟؟..ماله داعي انرعب من فقد ثاني بالعايله؟ علي مالي شغل..نرجع الحين..

علي بهدوء:سلمى المسافه موب شارعين ونوصل..الموضوع انك تعدين 3 قارات..

سلمى:حتى لو..أنا راجعه راجعه..اذا ماتبي توديني انا بروح اشتري لي تذكره وبرجع..

سكت وقعد يطالع وجهها الجميل الخايف.. وقال بعد فتره:تتحملين ترجعين بروحك؟

سلمى بأصرار:أي..

علي:ولو اني موب مطاوعني قلبي..بس عندي اختبارات مهمه بعد يومين..

سلمى:ماعليك..أقدر اروح بروحي..بس دبرني وانا ارجع..

زفر علي بضيق والفكره مو عاجبته..بس شيسوي..اميرته أمرت!

 

 

في القاره الثانيه حسن الي مايدري شيسوي ولا شيقول ولا شيفكر.. حالته حاله..قلبه مرعوب على سارا..الي صارت تعني له كل شي في الدنيا..

مشى في الممر وهو يحس الدنيا مظلمه في وجهه ..كلام الدكتور مايطمن.. والكل مفجوع وحالتهم حاله.. طلع من المستشفى يمشي بين المواقف كأنه تايه مايدري شيسوي.. شاف عجوز شكلها يكسر الخاطر.. فقيره و مامعاها احد.. تجمع من الناس كل واحد على حسب الي يعطيها.. بدون تفكير طلع كل الي في جيبه وعطاها اياه...

حسن برعب: ياخاله ادعي لزوجتي الله يهون عليها..

انطلقت من ثم المره احلى الدعوات مع رنة جوال حسن..

حسن:هلا؟.... ها؟؟..جاي..

وركض ركض للمستشفى بسرعه.. دخل المصعد واعصابه خلاص فالته..

 

 

حطت طيارة سلمى في مطار الملك فهد.. وحطت رجول اميره على الشاارع الي فيها شقة علي وسلمى..

 

 

*****************

 

 

:بســرعه!

فاطمه:يلا دقيقه الحين بخلص..

اكرم:يعني لازم نروح؟؟

فاطمه وهي تركب السياره:اكيد لازم.. بنت عمي بياكلوني اذا مارحت!!..

تأفف وساق السياره للمطار.. وركبو في مقعدين متجاورين.. فاطمه قعدت تطالع برا النافذه واكرم يقرا الجريده..

فاطمه بهدوء:اكرم..

التفت عليها بهدوء: نعم؟

فاطمه بحذر: ليش ماننقل الدمام..

اكرم:لا..

ورجع لجريدته.. غمضت عيونها بيأس تخفي دموع كانت بتطيح..

فاطمه:بس انا تعبت..مااقدر اعيش بعيد عن اهلي..

اكرم بعصبيه:انتي تشوفين هالمكان مناسب لهالنقاش؟

نزلت عيونها بحزن.. وسكتت.. حست بلمسة يده على يدها.. بس ماتحركت.. لو تحركت تدري بتصيح..

اكرم:فاطمه حياتي.. مااقدر..صعب..

فاطمه:خلاص..انسى..

بعد فتره حطت الطياره ونزلو كل الركاب.. توجهو اكرم وفاطمه للمستشفى مباشره وين ماالجميع ينتظرون بقلق.. سلمى الي توها وصلت.. ومحمد ومريم الي تعبو من القلق والأنتظار.. حسن الي احمرت عيونه من التعب والخوف.. ام محمد لسانها ماوقف عن التسبيح والدعاء لسارا.. حتى يعقوب كان موجود..

اتجه لمحمد يبي جواله لأنه نسى جواله بس محمد كل يكلم عالجوال.. راح لمريم..

يعقوب:مريم...عطيني جوالك شوي..نسيت جوالي..

عطته جوالها.. ابتعد شوي عشان يكلم..لكن الشاشه بدت تلمع بأسم خلى قلبه يجن جنونه.. *{فروح}*..

قعد يطالع الجوال وعيونه مفتوحه حدها.. رجوله ماتحركت من مكانها.. واتجه صبعه لزر الرد على المكالمات..

حط الجوال على اذنه وسكت..

فرح :الوو..مريوم طمنينا شصار على سارا؟

بلع ريقه وماقدر يتكلم.. طال السكوت واستغربت فرح..

فرح:الو..مريم وين رحتي؟

يعقوب بصور مهزوز:انا يعقوب..

فرح بارتباك واضح سببه تذكرها ان يعقوب عارف كل شي عنها وعن مشاكلها:السلام عليكم..

يعقوب:وعليكم السلام..

فرح:شخبار سارا؟

يعقوب: للحين ماندري..ماطلع الدكتور..

فرح:اها..أي شي يصير عليها طمنونا..

يعقوب:شخبارك فرح؟

صمت طويل.. جاه بعده صوتها خافت مهزوز:الحمدلله..

يعقوب:دوم يارب..يالله مع السلامه..

فرح:الله يسلمك!

سكر التلفون ورجعه لمريم بدون مايتصل على علي مثل ماوصاه!!..

 

 

**************************************************

 

 

 

وقف الكل في الممر..وطلع لهم الدكتور سأله حسن بلهفه:شصار؟

الدكتور:اضطرينا نولدها بعمليه..والجنين بخير..

حسن تمتم:الحمدلله..

زفر بقوه وسأله:وسارا؟؟

الدكتور سكت شوي..وبسرعه ثارت اعصاب حسن..

قال بصوت تعبان:سارا شلونها؟

الدكتور:شوف يااخ حسن..

حسن خلاص وصلت عندها لراسه مسك الدكتور من قميصه وهزه:يلا اخ بلا زفت لاتقعد تمد وتشد في الكلام قلي شخبارها واخلص..

كلهم جاو يهدونه والدكتور يحاول يفك نفسه من حسن الي يصرخ:قلي انها بخير..بس ابي اسمع انها طيبه ولا فيها شي..

الدكتور:يااخ اهدى..هي بخير لكنها تعبانه شوي..و باقي حالتها بطلعك عليها بعدين..

حسن بحده:لأ..الحين..

الدكتور زفر بضيق:بصراحه احتمال كبير المدام ماتقدر تنجب مره ثانيه..

[قمرة البدور]

مشكورة ع البارت

و الموقع الي فيه القصة مكتبة القصص ما تفتح

[wafooy]

ثانكس على البارت

 

ماقصرتي والله

 

 

 

نبي باااارت

 

 

[أم حماني]

ماقصرتين بردتي شوي على قلوبنا

[عجمية حلوة]

 

 

صاعقه طاحت على الكل..

ذيك الليله مااحد منهم ذاق النوم.. واي صوت يخلي الكل يقوم من مكانه.. الين اجتمعو في الصاله..مااحد قادر يرقد.. محمد ومريم الي ماراحو شقتهم وقعدو في غرفة محمد... سلمى تتقلب على سريرها وموب قادره ترقد طلعت الصاله بعد.. وام محمد الي تصيح على بنتها الكل يهديها..حتى علاوي الي مايدري شالسالفه ضاق من حال الكل..

 

حسن قاعد في ممر المستشفى وعيونه حمرا من التعب وقلة النوم بالرغم من محاولات الكل مارضى يروح البيت..

 

الصباح.. الساعه 8.. فتحت سارا عيونها ببطئ.. تحس فيهم حرقه من طول النوم.. حاولت تنادي احد لكن ماقدرت.. وكأن احد سلب منها قوتها كلها.. بصعوبه حركت يدها واتجهت لبطنها.. لولدها.. تبي تتأكد انه بخير.. آلآم فضيعه اجتاحتها.. ونزلت دمعه من طرف عينها.. دخلت وحده من الممرضات..

 

يشوف ناس واجد.. متجهين له من كل جهه.. يسألهم عن سارا مايردون... يبي احد يطمنه مافي.. فجأه فتح عيونه وشاف وجه قلق قدامه.. كانت الممرضه تقول له ان سارا صحت.. راح لها وهو مجهد وتعبااان.. دخل..شافها منسدحه عالسرير.. اتجه لها وهو يبتسم بصعوبه: الحمد لله على سلامتك ياام مصطفى..

بللت شفايفها الناشفه بطرف لسانها وابتسمت بس شافت وجهه.. تكلمت بصوت تعبان:الله يسلمك..

قرب منها وقعد على طرف السرير جنبها.. مسك يدينها بحنان وسألها باهتمام: شتحسين فيه؟

ابتسمت وهي تجاوبه: لاتخاف..انا بخير.. ولدي شلونه؟

اتسعت ابتسامته وجاوبها بفرح: ولدك البطل بخير.. صغير بس بصحه زينه..

سارا:متى شفته؟

حسن: قبل ساعتين تقريباً..

طالعت عيونه الحمرا بالرغم من الفرح الي ارتسم على وجهه.. سارا:حسن اتصل على محمد خله ياخذك البيت ونام.. شكلك تعبان..

حسن: مافيني شي..ماله داعي.. بعد شوي انا برجع بروحي..

سارا:لا.. محمد يوصلك.. اخاف يصير لك شي..

حسن:لاتخافين..مابيصير..

سارا:حســن!!!.. يعني لازم اتعب؟.. ياالله عاد تعبت وانا احن.. لاتزعلني..روح مع محمد..

حسن ضحك:زين يالخوافه.. تراني موب ولدك النونو تخافين لهالدرجه..

سارا: ابي اشوفه..

حسن:ان شااااء الله.. بس انتي ارتاحي الحين وبعدين يصير خير..

 

 

**************************

 

 

اتجهت للشقه ووقفت على بابها.. كل مامدت يدها تدق الباب ماتقدر.. ياربي.. الي اسويه صح ولا غلط؟.. احبه صح.. بس اني اهدم بيته هذا شي ثاني.. لالا.. مايصير..والله مااخليها تتهنى فيه.. علي..لي انا !!

مدت يدها وكلها قوه..دقت ودقت ودقت..لكن ماكان فيه احد في البيت.. علي كان مساعد عازمه يتعشى معاه.. رجعت للشارع والخيبه مرتسمه على وجهها.. لكن.. للحين قلبها..مايأس..

 

 

*******************************

 

 

يومين..مضو بعد الي صار.. سارا استقبلت خبر عدم انجابها مره ثانيه استقبال عادي ولا تأثرت الا شوي.. ركزت على ولدها وغمرته بالحب.. حسن الدنيا موب شايلته من الوناسه.. يقعد بس يطالع بولده ويبتسم.. سلمى كانت فرحانه واكثر من فرحانه.. مو بس عشان سارا.. لأنها كانت تتخيل فرحة علي اذا عرف انه قريب بيكون,,اب!

 

وقف يعقوب في الممر مبهوت.. مو قادر يصدق الي صار قدامه.. يحس الأرض تهتز.. يحس الدنيا مرجوجه.. مايصدق ان فرح كانت قدامه.. مايصدق انه تكلم معاها.. وبالرغم انه كان سلام عادي بس.. خلاه يتمنى يموت ولا يشوفها ويدري انه مستحيل يسمح لنفسه انه يرتبط فيها..

انتظر..وبس طلعو من غرفة سارا.. دق الباب دقات منتظمه ودخل.. وماطول لأن افكاره كانت في محل بعيييد.. طلع ورجع البيت.. بدل وراح لربعه يحاول يطلع روحه من الجو الي عايشه.. بس..,,,,ماقــدر!

 

 

*********************

 

ابتسامه غريبه ارتسمت على شفايف عبدالهادي وهو يسمع عبدالله يناديه(بابا).. طالعته نوف وابتسمت هي بعد..

نوف: هادي حبيبي.. سوق الحين وبعدين اسرح فيه على راحتك..بنتأخر..

ضحك وجاوبها:لو بكيفي اسرح فيه طول اليوم..ِشرايك انتي تسوقين وانا امسكه؟

نوف:والله؟؟؟.. أي أي أي أي أي أي مواااافقه.. بس خلني..

حرك السياره وهو يضحك: ليش انا مجنون؟؟.. اذا تبيني اقضي حياتي ادفع مخالفاتك تعالي سوقي!!!

نوف:افففففففففف.. ياربي شهالحاله!!.. يعني لو عندي سياره موب احسن؟؟.. اروح واجي على راحتي ومايحتاج اتعبك وصلني وودي وبروحي وبجي!!..

وضحكت ضحكه شريره:وحتى افحط على راحتي..

عبدالهادي:هههههههههههههههههههه.. بعد!!.. تبين تفحطين!!!!

نوف:اجل...انتو حلال واحنا حرام؟..اذا سقنا ان شاء الله بيكون لي اسم معروف في عالم المفحطين..بس اذا سقنا!!

عبدالهادي:نوف..

نوف:هلا؟؟

عبدالهادي: قولي ياليل مااطولك..

نوف:لو بتنفعني كان قلت..ماعندي مانع!

عبدالهادي:يلا وصلنا.. سلمي عالكل هناك..

نوف:ان شاء الله..

وحملت عبدالله ونزلت بهدوء..

نوف:مع السلامه..

عبدالهادي:الله يسلمك..

سكرت الباب ودخلت..

 

 

***************************

 

 

ابتسمت وهي تطالع الأسم (عش احلامي) قبل ماتضغط زر الأتصال.. رن ورن ورن.. وانرفع الخط..

سلمى:حبيبي مابتصدق الي بتسمعه..

:سلمى؟؟

سكتت.. وبلعت ريقها وعيونها ثابته ومتوسعه..

سلمى بخوف:منو معاي؟؟

:انا اميره..

سلمى:اميره؟

اميره: ماتتذكريني؟

سلمى ساكته ومبهوته.. موب قادره تتكلم..

اميره: شكلك مو متذكرتني..مع انك المفروض تتذكريني زين.. لأني بشاركك في اعز شي في حياتك.................................. علي..

سلمى بارتجاف:شتسوين في بيتي؟

اميره:امممممم.. ضروري تعرفين؟

سلمى :علي وينه؟

اميره: حياتي علي نايم.. واعذريني لازم اسكر عشان اسوي له فطور.. ماابيه يقعد ويطلع وهو جايع حبيبي.. واصلاً مااقدر اطول عشان هو يغار علي حيل ومايحب اكلم ناس واجد!باي..

سلمى:الووو..

فجأه..سمعت صوت خلى كل خلاياها تموت..

:سكري بسرعه..

وتسكرت السماعه..

طالعت الجوال بذهول وارتجاف.. طالعته بتمعن لدرجة انها حفضت كل تفاصيل الشاشه.. الساعه 2 وعشرين دقيقه.. الخلفيه صورة علي في يوم العرس.. التاريخ انطبع في ذاكرتها بسرعه خارقه.. وحتى رمز البلوتوث المشعل والرساله الي مافتحتها انحفرو حفر في مخها..

 

ولا دمعه نزلت من عيونها.. الا لمافتحت نافذة غرفتها المقابله لغرفة علي القديمه.. مدت يدها وفيها الجوال وتركته يهبط ومشت حتى بدون ماتشوف وين وصل او انكسر او لا.. طلعت من غرفتها تمشي بدون شعور.. ماتدري وين تروح.. وصوت علي يتردد في بالها بكلمه وحده (احبك).. نفضت راسها وهي تهمس:كذاااب..

حست بالرخام البارد يلمس رجلها على بداية الدرجات الرخاميه..وكان هذا آخر شي تحس فيه قبل ماتزل رجلها وترتطم عدة مرات بالدرج الى ماوصلت تحت وهي فاقده الوعي.. وللأسف مااحد حس فيها ولا سمع أي صوت لبعد الدرج عن باقي الغرف..

وبقت مكانها الى االصبح بدون أي حركه..

 

 

****************************

 

 

دقت الباب وكلها امل بوجوده.. فتح الباب وطالعها باستغراب..

اميره:هلا مساعد..

مساعد:ياهلا..

اميره:امممم.. انت عندك مفتاح شقة علي..صح؟

طالعها بشك:ليش؟

اميره: عنده كتاب لي مهم احتاجه الحيــن ضروري.. تلفونه مطفي ومايقدر يجي قالي اخذ المفتاح منك واخذ الكتاب..

مساعد:لحظه..

دق على جوال علي وطلع مطفى.. خذ المفتاح وطلع لها مره ثانيه..

مساعد: تعرفين وين موجود؟

اميره:وصف لي وين..

فتح الباب ودخلت.. وقف برا ينتظر وهي وقفت تدور أي رقم لسلمى..

لكن فجأه التلفون رن..

ردت عليه وكانت هالمكالمه هي المكالمه الي حلمت فيها..مااستمرت غير دقيقه قبل ماتسمع صوت علي وراها:سكري بسرعــه!

 

 

**********************

 

 

[Am Da Neet Gurl]

بلللللللللللللللل هالبارت قوي

 

ننتظر البارتات اليايه

[أم حماني]

بل شالسالفه مخي افتر من كثر مالبارت قوي

ننتظر البارت الياي بأسرع وقت .. وتسلمين على هالبارتين الي نزلتيهم

[citrus]

صج صج البات قوووي

يااربي شنوو بيصير

نبي بارت ثاني بعد

 

مشكوه اختي انقتينا ونزلتي لنا بارتين مشكوووره وايد حبيبتي

[بنوتة شرانية]

يالي اتنزلووون القصة ابيهااا اليوم ....

 

بلييييييييييييييز طلبكم لا تردووني...

[+-**شجون**-+]

thanx 3ejmeya 7elwa l2anech kamaltee