cofyana Posted يونيو 21, 2007 Author Report Share Posted يونيو 21, 2007 (edited) ههههههههههههههههههههههههههههـــ كشفنااااااااااااج انه قلت لها من قبل بس يمكن اهيا بالردود الي اردها بس يمكن مانتبهت او شي ... اهي قالت ان عندها اخت وحدة وبالقصة بعد اخت وحدة الي أهي (( منى)) واهي بعد اصغر منج بواايد ومثل الحاال يعني !! ماادري .. بس اشك انج ساارة = كوفينااا هههههههههههههههـــ يالله بسرعة لا تتأخرين عليناااا .. مع السلامة .. حتـى مريموووه ما عندها الا اخت وحدة واممممم شوق وهند بنات خاله سارة شوق ما عندها الا اختها هند وهند ما عندها الا اختها شوق يعني مو شرط آنه سارة ---------------- يا طويلة العمر من البوم الصور عرفت اهااااااا هههههههههه ما ينغفل عنكم -------------------- وانا بعد عندي احساس يقول انج سارة .. الأحساس ما يكفي لازم ادله وبراهيم خخخخ احسب روحي في محكمة ------------------- ورب الكعبة نفس الي كان في بالي بس ماحبيت اتكلم ومن التوقيع قولي لي ياوردة يحبني مايحبني ويت فور نيو بارت D: هههههههههههههههه بل بل عليكم حتى توقيعي جرتون عليـه صج إنكم خطيرين ! <<<<--- مستغربة من طريقة تفكيركم ! ------------------------- الصرااحه الي يعجبني انج اتابعي الاعضااء وتردي عليهم ويعطيج العافية بس لاااطــــــولي عليناا << بس ابي اعرف متى راح تكمل القصه؟؟ لان بعد يومين تقريبا راح انزل الجزء الاول من قصتي وابيج اتابعيني>>كوفيااناا واتمنى بعد من باقي الاعضاء انهم يتابعون كشووخ >زمن كشخــهــ <<< وآنه بعد يعجبني الاعضاء لما يتفاعلون معاي أحب كل واحد يرد يقول شي ما شيات ويبدي رايه الصراحة ما اقدر اقول متى بتكمل القصة لأن الأجزاء مو جاهزة وإحداث القصة للحين باقي وايد عليها ---------------------- يسلمو عل قصة بس جنه البااارت قصير شوي؟ المهم.. ننتظر الباارت اليديد الله يسلمج طولي بالج حبيبتي معانا مثل ما قلت آنه قاعدة اكتب كل جزء انزله وهذا صعب بالنسبة لي لأن عندي التزامات غير المنتدى والقصة عندي بيتنا وخصوصاً إني مخطوبة والله ستر وخلصت امتحاناتي واشياء ثانية وآنه ماحب اكتب البارت بشكل سريع عشان ما انسى بعض التفاصيل والمواقف لأني اذا نسيت احط شي في مكانه بصير صعب ارد اقولكم يا ناس ترى نسيت اقولكم صار جذي وجذي اتمنى منج تعذريني والاعضاء بعد يعذروني وآسفه على الاطالة اخليكم مع الجزء ************************** ((صباح يوم الأربعاء الساعة 7 تقريباً )) سارة وماجد كانو اون لاين يكلمون بعض .. - زين ما قلتي لي .. رحتي البارحة مجمع البحرين ؟ - هههههههه لاااااء .. ليش ؟؟ لاتقول إنك رحت !! (معصب)...:: لاااااه حلفي !!! مو آنه قايل إني بروح !! وبعدين ليش تجذبين علي ؟! (حز بخاطرها)...:: آنه ما جذبت عليك .. بس لأن ياو لنا ضيوف وما قدرنا نطلع وتكنسلت الطلعة! - زين آنه آسف مو قصدي اقول إنج جذابة .. بس من هذيلين لضيوف ؟ - خالاتي - وليش ما يآخذون موعد قبل لا ايوون ؟! - وووي عادي اذا ياو بدون موعد هذاا بيت اختهم .... وبعدين حياهم الله بأي وقت .. واستانسنا معاهم البارحة .... والطلعة تتعوض يوم ثاني .. اشفيها يعني ؟! - لااا لاا مافيها شي .. بس آنه البارحة تكسرت وآنه أدوور في المجمع ادوّر عنج !! - هههههههههههههه يحليلك .. اتخيّــل شكلك !! - اشفيــه شكلي ! - لالالا ... شكلك وانت تمشي وتدوّرنـي .. تطالع يمين ويسار وتلف ويهك ورى وجدام خخخ - لااااااا قايلين لج خبل !! .. حتى ولد عمي مسكين ما قصرت فيه تكسرت اريووله وحلف ما يطلع معااي - ههههههههههههههههههه ايـّــه عليك - اي اتطنزي اتطنزي (بعد فترة سكوت جم ثانية) - تعااااال ماجد - اوووكي الحين آنه بالطريج ياينج .. باي باي - هههههههههههههههههه اعقل مجوودي - اشدرااني فيج اتقولين تعاال - قصدي بقوولك - شنو ؟ - ليش قايل حق ولد عمك إنك بتروح المجمع !! ليكون قلت له رايح تجوفني ! - لالالا ما قلت له .. افا عليج آنه اعجبج ! - اي اشووووى - لكن بعدي منقهرر !! - لييييش؟؟؟؟؟ - على هالتعب إلي تعبته والدوااارة والمشي وبعدين ما جفتج - ههههههههههههههه يلا ما عليه خيرها بغييرها - انزين الحين ما عندج وقت تكملين اغراضج على قولتج .. ماعندج الا اليوم لأن باجر العيد ! - اي عادي بروح الليلة مع مرت خالي .. كلها اشياء بسيطة أصلاً إلي ناقصتني مو ضرورية - مرت خالج ؟! (( سارة عندها خال عايش في الكويت من 15 سنة تقريباً .. ومتزوج كويتية وعندهم ولد قد حموود اخوها.. وهم على طول ينزلون البحرين ... وإذا نزلوا البحرين يقعدون في بيت بو خالد (بيت سارة) لأن للحين ما بنوا لهم بيت بالبحرين.. يرقدون بالمجلس إلي يصير معزول عن البيت شوي ... وهذي مرت خالها طيبة حدهااا حدها .. وكلمة طيبة شووووي بحقها .. صراحة طيبة الدنيا كلها فيها واهي من النوع الخدووم .. يعني دايماً تقدم خدماتهاا .. واذا اتيي البحرين الكل يستانس عليها ونطلع معاها .. وعلى طول اتطلعنا ولا نجوف منها الا كل خيــر .. الله يذكرها بالخير)) ما كانت اتيي في احداث القصة لأني كنت اختصر اشياء وايد .. والحين اكاا قلت لكم عنها وعندي خال ثااني بعد عايش بالكويت ومتزوج .. وعندهم بعد بس ولد واحد .. ولكن هذيلين كلش ما نجوفهم الا في السنة حسنة مثل ما يقولون .. ما ينزلون البحرين وايد .. وإذا نزلو ... يوم يومين .. ثلاث بالكثيــر ويروحون ... المهم نرد لمحوور حديثناا - الا على طاري العيد .. وين تروحون بالعيد ؟ - امممممم طبعاً اول يوم ما نطلع بس في بيت يدي ونقعد مع الأهل ويمعة البنات ووناسة .. - وبس؟ - ويوم ثاني تتيمع العائلة الكريمة كلها عائلة ابوي وعائلة امي (لأنهم يصيرون لبعض) ونطلع نتغدى في مكان وبما إن الحين عيد الأضحى اكيد بنروح ساحل (......) مثل كل سنة عشان بعد الغدى يروحون اليهال يرمون الحيّّــة - اها - والليل بعد نطلع نتعشى كلنا في مطعم ... وناسة وحتى ثالث يووم يصير في برنامج حلو - يعني ما بتدشين النت ؟ - اممممم ماعتقد يصير وقت بأيام العيد .. لأن نطلع من البيت من صباح الله خير وما نرد الا انصاف الليالي بعد ما نموت تعب! - بتوحشيني ! - ماعليه كلها جم يوم ... وتعدي على خير إن شاء الله =) - ساااااااااروووووووه باذبحج الحييييين - شنو ؟ - اكاه ابوي يدق علي! - انزين رد عليه ! - اتأخرت على الشغل !!!! الحين اكيد بزفني .. والله مانتبهت للوقت كلش !! - ههههههههههه ما عليه .. يظل ابوك وتاج راسك - كللله منج - هههههه اوكي يلا قووم البس وروووح - لكن اراووويج شغلج اذا زفني هههههههههههه - كلي تحت أمرك - بعد جبدي انتي - وانتا :$ - يلا تحملي بروحج - وانت تحمل بروحي - روحج ؟! - اذا انت شاطر بتفهم منو روحي .. وشلون تتحمل فيها ..!!! يلا رووح لا تتأخر اكثر - اوكي باااي بااي - باي *************************** راح ماجد لدوامة وطبعاً مثل العادة ظلت سارة قاعدة على النت ... مرة تسولف مع ارفيجاتها .. ومرة تشارك بالمنتدى .. ومرة تتصفح بريدهاا .. ليش يات الساعة 12 ونص الظهر ((رن جرس البيت)) ((رحت ركيـــض لسماعة الجرس))....:: منـــوو ؟؟؟ - يلا يا سارة فتحي الباب - الاااااااااااي خالي !!! - ههههههه صج خبلة فتحي الباب وبعدين استانسي على راحتج - ههههههههههه اووكي اوكي الحين بروح اييب المفتاح وبافتح لكم ((رحت ادوّر مفتاحي بسرعة بسرعة مثل المينونة !! هههه وبالغصب لقيته ورحت فتحت الباب)) سلمت على خالي وتحمدت لهم السلامة (درب خمس ست ساعات الصراحة مو سهلة !!) وبعدها سلمت على مرت خالي .. وبستهاا على خدها اليمين ثلاث بوسات وسألتها عن اخبارها .. وسألتني عن أخباري .... وبعدها مديت يدي لـ (سالم) ولدهم الصغير ...::: شلونك سلوووم بس هو نحيس فشلني ما مد يده يرد السلام وانخش ورى امه !!! هههههههههه وطبعاً ما نسيت أقول لهم تفضلوو .. !! - حياااااكم دخلوا ودخلو الصالة وقعدو .. وبعدها رحت لأمي المطبخ اقولها إن خالي وزوجته وصلوا البحرين .... طبعاً استانست امي وراحت لهم الصالة فرحانة ... تسلم عليهم وترحب فيهم ... وبعدها رحت لـ مناتووو ام النووم الغرفة فتحت الليتات وطفيت المكيف والمروحة وفتحت الستااارة عشان يدخل ضوووء الشمس !!! <<<< ---- صج مزعجة ((غطت وييها كامل بالشرشف لأن اشعة الشمس ازعجتها))...::: اوهووو ساروووووه بلا نحاسة صكي الستارة (شلت الشرشف من عليها – طبعاً بدفاشة - )......::: مااااافي يلا قوووووومي خالي وزوجته وصلوا - انزيييييين - شنووووو انزين !!! قووووووومي ما تستحين !! - شسوووووي يعني .. !! بعدين بسلم عليهم - مااااافي مافي قووووومي الحين صج ما تستحين !!! اذن الظهر من زمان والحين بتيي حزة الغدااا وانت راقدة ((وما خليتها بحالها الا لمن جفتها بعيني تقوم من على السرير )) كانت عينها تطلع منها الشرار !!! خخخ ------------- كلها ساعة بالكثير وصار وقت الغدى وتغدينا يميع مع خالي وزوجته ... وبعدين قعدنا بالصالة سوالف مع صينية الجاي والحلووو ... وطبعاً في الليل رحت مع امي ومناتوو وزوجة خالي وشريت كل إلي ناقصني .. وظل حموود وسالم مع خالي (قال بيطلعهم) ***************************** (يوم الخميس) .. يوم العيد قعدت من الصبح مثل كل يوم .. بس اليوم قعدت من صوت فوضة خواتي واولادهم !! امممم .. يمكن ما قلت لكم إن عندي خمس خوات ... ثنتين متزوجين .. وحدة مخطوبة ... وعندي بس اخو واحد ... وعنده بنووتة اصغيرة توها والدينها قام ماجد من سريرة وراح يسبح ويتعدل ويكشخ – كشخة العيد- ولبس ذاك الثوب الكشوووخي ... وتسبح بالعطر .. ونسف الغترة زين ما زين .. ولما طلع يسلم على خواته ويعايد عليهم .. كلهم شهقوو فيه وقامو يصلون على النبي ... (رايح يسلم على امه ونزّل روحه عشان يبوسها على راسها –لأنه طووويل حدهـ -)...:::: عيدج امبارك يمه - جعل ايامك كلها سعيدة إن شاااء الله (واهي ضااامته بكل قوتها) (علاقة ماجد بأمه كبيـــره واايد .. ولا كأنها علاقة ولد بأم .. ماجد يموووت على امه بشكل مو طبيعي حتى إني مااقدر اوصف اشقد حبه لها .. وشلون يحترمها لأقصى حد ) بعد ما قعد شووي ويه امه وخواته .. وكمل سوالفه معاهم .. قام بيروح حق ولد عمه عشان يمرون على الأهل بيت خوالهم واعمامهم يعايدون عليهم .. ((بس أمه ما رضت يطلع من باب البيت قبل ما تبخرهـ من عين الحاسدين لأنه كان حلوو ووسيم ويشد انتباه أي شخص يمر جدامه !! .. عشان جذي خافت عليه ..)) ********************* وبنفس الوقت .. ولكن في بيت ثاني وفي منطقة ثانية سارة ومنى قعدو من النوم .. صار لهم تقريباً ساعة كاملة ... سارة واقفة قبال المنظرة كـ العادة (تكمل اللمسات الأخيرة) عشان تصير أحلى بنت ممكن تجوفها عيونكم ... ومدام اهيه تخط الكحل بعينها .... يات منى يمها عشان بتآخذ قلوس من علبة الميك آب الي محطوطة على طاولة المنظرة (الميز) إلي قاعدة تتعدل قباله سارة (ولمست سارة بالغلط لمسة خفيفة)...::: وووين قلوووسي الوردي العجوووبي ؟؟؟؟؟ (صرخت بأعلى صوتها)....::: يالمينووونة !!!! (منى فتحت عينها على وسعهم) (وبمثل الصوت العالي)...::: ما تجوفين ؟؟؟ اشله تدزيني !!! شفتي شلون خربتي الكحل !!!! - انتي المينووونة !!!!! بطيتي اذني على حساب كحل !!! ... وآنه اشدراني ما تسوى علي لمستج لمسة خفيفة يالرقيقة !!! (ومشت عنها) (ههههههههههههههههه هالخوات حتى يوم العيد يتهاوشون!!! يا دافع البلااا !!!!! )) كلها ربع ساعة الست سارة صارت جاهزة .... امممم مادري تبووني اوصفها لكم !!! ولا متمللين وتبون احداث القصة تمشي بسرعة ...؟! بس عشان ارضي الجميع .. راح اوصفها بسرعة بدون التفاصيل الدقيقة ! واقفة مثل العسل .... وكانت لابسة تنورة بيضة فيها شك بالوون الوردي (الزهري الفاتح) وفيها حرز واشياءات بسيطة وناعمة وموديل التنورة من تحت مقطعة بطريقة حلوة .... وفووق لابسة بلوزة وردية بلون الشك والتطريز إلي بالتنورة ... مووديل البلوزة صاير الـX على الصدر وبدون اكمام .. عشان جذي لبست تحتها بلوزة ثانية باللون الابيض ... نعالها (وانتو بكرامة) كان بسيط وناعم . صاير في الأرض بدون كعب ... لونه وردي وفيه نقش بسيط باللون الأبيض ... وشنطتها بعد ناعمة وبسيطة وكتكوووته (سارة ما تحب تلبس شنطة اكبيرة!) ههههههههههههههه يازعم بوصفها بسرعة !! وطولت عليكم ! ما علينا الحين شنو لبست سارة ... المهم طلعت من غرفتها ..... وراحت لغرفة الطعام إلي كان هناك الكل والجميع على الطاولة يتريقوون (سارة واهي فاتحة الباب بدفاشة)...:: صبـااااااااااااح الخيـــر .... وعيدكم مبارك ! (وكل واحد رد عليها بطريقته)..... راحت تسلم عليهم واحد واحد .. باليد ويتعايد عليهم ... خالها .. زوجة خالها ... ولدهم الصغير .. امها ... منى .... وأخيراً يى دوور البابا (حضنته بكل قوتها)....::: عيدك امبااااااارك يبــه (وهو يلف يده عليها)....:: من العايدين حبيبتي - هاااااا وين عيادتي ؟ - هههههههههههههههههههههههههه وانتي ياهل تطالبين بعيادتج ؟ - اييييييي بعد الحق حق !!! مافي ياهل ولا اكبير ! - إن شاااااء الله .. روحي ييبي بووكي من فوق المكتبة إلي بغرفتي (راحت طيران) كملوا فطورهم ... وبعدها راحو البيت العود مثل كل عيد .... يتغدون ويعايدون على اهلهم ويقعدون يستانسون معاهم لي الليل ... مر يوم العيد بسرعة على كل ابطالنا .. وجى وقت إلي يردون فيـه البيت .. ويرتاحون ************************* Edited يونيو 21, 2007 by cofyana Link to comment Share on other sites More sharing options...
السمكة المفترسة Posted يونيو 21, 2007 Report Share Posted يونيو 21, 2007 يسلموووو عالبااارت اممم .. يمكن ماجد يشوف سارة في مكان ناطرين البارت اليديد Link to comment Share on other sites More sharing options...
الزعلان Posted يونيو 21, 2007 Report Share Posted يونيو 21, 2007 شكرا ع البارت وننطلر الي بعده Link to comment Share on other sites More sharing options...
مـ2007 ـلاك Posted يونيو 21, 2007 Report Share Posted يونيو 21, 2007 صراحة قصة أكثر من رائعة .. وحبيت أقول لج اني من المتابعين للقصة ..(( سجلت عشاان القصة )) ومشكوورة عالبارت الحلووو .. وننتظر البارت الياي Link to comment Share on other sites More sharing options...
cofyana Posted يونيو 21, 2007 Author Report Share Posted يونيو 21, 2007 (edited) اممم .. يمكن ماجد يشوف سارة في مكان هههههههههههه لا تسبقين الاحداث خبـركم اليوم الخميس وبكرهـ الجمعة ويوم الجمعة مثل ما نعرف اجازة عن البارتات فـ يمكن يمكن قلت يمكن هااااا يمكن يمكن الليل ردتـي البيت اكتب بارت بخليها على مزاجي لأن آنه مزاجيـه حدي مزاجي صعب وبالغصب يصير لي مزاج اكتب جزء والله إني اكتب وآنه مو مشتهيه بس اكتب عشان خاطركم عشان جذي خايفة على احداث قصتي اكتبها بدون مزاج .. اخربها وتصير اجزائها مو حلوة اذا حسيتو اي جزء انزله مو حلوو بليييز قولو لي مابي قصتـي تخترب صراحة قصة أكثر من رائعة .. وحبيت أقول لج اني من المتابعين للقصة ..(( سجلت عشاان القصة )) ومشكوورة عالبارت الحلووو .. وننتظر البارت الياي انتـي المشكووورة حبيبتي ويشرفنـي انضامج مع متابعين القصة تحيـــــــــــــــــــــــــاتوو ... أحلااا كوفيانا Edited يونيو 21, 2007 by cofyana Link to comment Share on other sites More sharing options...
بدون اسم احسن Posted يونيو 21, 2007 Report Share Posted يونيو 21, 2007 ثانكس على البارت يعطيج العافية.. Link to comment Share on other sites More sharing options...
دلوعة مغرورة Posted يونيو 21, 2007 Report Share Posted يونيو 21, 2007 شكرا ع البارت الروعة وفي انتظار التكمله ويعطيج العافيه Link to comment Share on other sites More sharing options...
همسة وجود Posted يونيو 21, 2007 Report Share Posted يونيو 21, 2007 يعطيج العافية حبوبة على البارت الروعه وننتظر الباقي Link to comment Share on other sites More sharing options...
مشدخ Posted يونيو 21, 2007 Report Share Posted يونيو 21, 2007 يسلمو على البارت وفي انتظار الجديد Link to comment Share on other sites More sharing options...
بنت الأصول Posted يونيو 21, 2007 Report Share Posted يونيو 21, 2007 عجييييييييب الباااارت حدده والله رروووعه وانشاءلله سااره تشووف مماااجد في هالعييد عشاان يكون احلى عيد يمر عليهاا وننتظر حبيبتي بسررعه لا تطوليين عليناا Link to comment Share on other sites More sharing options...
Recommended Posts