babyzaho0or Posted أغسطس 15, 2007 Report Share Posted أغسطس 15, 2007 البارت قصييييييييييييييير Quote Link to comment Share on other sites More sharing options...
عوووشه Posted أغسطس 15, 2007 Report Share Posted أغسطس 15, 2007 روعه القصه يعطيج الف عافيه على البارتات Quote Link to comment Share on other sites More sharing options...
سحـر الليل Posted أغسطس 15, 2007 Author Report Share Posted أغسطس 15, 2007 الجزء 18 خالد : وين شجون : نزلني من على ظهرك خالد : ليش شجون : لاني مو تعبانه خالد : الحين صرتي مو تعبانه شجون : لا من يقول اني تعبانه انا اصلا ما فيني شي خالد : حالتنا حاله خلينا نغير ثيابنا على الاقل شجون : لا لاااااااا خالد : زين وصلوا الفندق .. و توهم طالعين منه عشان بياخذون لهم تاكسي طاحت شجون على خالد .. خاف خالد عليها قال هذي شفيها .. شسالفة .. اخذها الغرفة .. و الظاهر انها ما قدرت تقاوم النوم و التعب فداخت و نامت .. صحت شجون مبجر بس خالد كان نايم .. طلعت السوق تشرى هدايا حق خوانها و امها و عمتها و ربعها و اكيد ما نست نفسها .. و اهي تمشى بالسوق رن موبايلها .. هذا جاسم .. اخترعت اول ما شافت الرقم .. شجون : الووووووو جاسم : هلا شجون شلونج شخبارج ؟ وينج انتي صار لي مده ادق عليج ما تردين شجون : انا بخير .. تصدق عااد ما انتبهت جاسم : انا خفت قلت اكيد صار شي بينج و بين خالد شجون : لا ما صار الا كل الخير مو انت من يوم دقيت علي هذيك المرة بنفس اليوم دقت ريماس على خالد و طلع ان هذا مهو بجاكيت خالد جاسم : عيل جاكيت منو شجون : شدراني واحد كان هناك بالحفلة جاسم : وه الحمد الله انه طلع لغيره شجون : ايه جاسم : يعني ما يبتي له طاري عن السالفة شجون : لااااااا جاسم : احسن لج شجون : الا تعال نسيت اقولك احنا مسافرين اليوم جاسم انصدم : شنو اليوم ..؟ شجون : ايه اليوم جذي على الساعة 11:00 احنا بالمطار جاسم : بووووووه يعني من الصبح شجون : ايه جاسم : بس ليش توه ما صار لكم الا سبوعين او اكثر شجون : سارة اختي صار لها حادث جاسم : متى شجون : امس نغم دقت على خالد و قالت له و انت ادري بعد كل شي الا سارونة جاسم : ايه و الله اتذكر ايام يوم كنا مخطوبين كانت ما تفارقنا ابد شجون : ايه جاسم : يلا ما تشوف شر شجون : الشر ما ييك جاسم : يلا عيل متى نشوفج شجون : ليش انت متى بترد الديرة جاسم : و الله ما ادري بس اكيد قريب شجون : اشوف القعدة حليت لك جاسم : هذي روما ما تنمل شجون : ايه و الله .. الا تعال انت بعدك ما قلت لي شسالفة سوزان هذي جاسم : انشاء الله اذا شفتج لنا كلام شجون : يعني السالفة صج جاسم : لااااا شنو صج بس يعني لي سالفة معاج شجون بلقافة : سالفة شنو جاسم : بعدين تعرفين شجون : زين قولي جاسم : لا لا بعدين بعدين شجون : عن البايخة و يلا قولي جاسم : ما يصلح بالتلفون شجون : زين عيل انا عازمتك على كوفي جاسم : خفي لقافة يا مره شجون : شسوي فيك بعد تدري اني ملقوفة فليش تقول لي نص السالفة يا اخي كملها جاسم : انشاء الله من اشوفج اكملها شجون : زين عيل يلا روح خلني اعرف اتسوق كاني وصلت عند الكيشر جاسم : زين عيل نشوفج .. مو تنسينا عاد شجون : افا انا انساكم ما يصير جاسم : بنشوف مو دايما احنا الى نسأل ما عمركم سألتوا عنا شجون : الدنيا تشغلنا جاسم : يلا نخليج و سلمي على خالد و سارووووووونة و قولي لها انها وحشتني موت شجون : انشاء الله يوصل جاسم : يلا مع السلامة شجون : مع السلامة سكرت شجون الخط من عند جاسم و صارت تتشرى على كيف كيفها .. بعد مروا الاسبوعين و من هالمشاكل الى اهما فيها ما مداها تشتري هدايا الى احد .. و قالت خل اشتريهم بيوم واحد ... بس خالد بالبيت صحى على الساعة 10:00 .. تمغط له شوي و راح الحمام غسل ويهه و تفرس اسنانه .. لمن طلع من الحمام انتبه ان شجون مو بالغرفة .. بس لقى ورقة فوق التلفزيون " صباح الخير .. يا قلبي انا صحيت مبجر لقيتك نايم .. فما حبيت اصحيك ليش انك تعبان .. طلعت السوق اشترى هدايا .. شوي و رادة " بعد ما قراها .. طالع الساعة الا اهي 10:5 .. يعني ما بقى الا اقل من ساعة عشان يروحون المطار و اهما ما جهزوا الجنط .. ففتح الخزانه و طلع ثيابة و صفهم بالجنطة .. و توه فاتح خزانة شجون الا باب الغرفة يندق .. لمن راح يفتحه لقى شجون داخله و حاملة معاها اكياس وايد .. شجون : وه وخر خلني ادخلهم خالد : شماخذه انتي شجون : شويت هدايا بعد مو عدلة نرد و يدنا خالية خالد : وين بنحطهم شجون : بالجنط خالد : من وين يا حسرة شجون : سارة حطت لي جنطتين بداخل جنطتي عشان احط فيها اغراضها خالد : اغراض اختج يبغالهم عشر جنط مو جنطتين شجون : انا ما شريت وايد اغراض بس هدايا خالد : زين زين بسرعة خل نحطهم بالجنط ما بقى شي شجون تطالع بساعتها : وي رن موبايل خالد .. هذي ريماس .. خالد : الووووووو .. الحمد الله . ايه .. لا ما بقى شي .. انتو تحت ..! .. زين زين بس اغير ثيابي و نازل .. لا بس ثواني .. يلا باي شجون : منو خالد : هذي ريماس شجون : شتبي خالد : ما ادري عنها تبيني شجون : بس انت لمن كلمتها قلت انتوا تحت منو هذيلا الى انتوا خالد ياخذ نفس : ريماس و سارة و .. و شجون : و منو ؟ خالد : و بس شجون : و جمانة موو خالد : يلا احنا اليوم مسافرين وشفيها لو قالت لي باي شجون : يعني بتروح لها خالد : لا تخافين ما بيصير شي و اذا مو مصدقني طلي علينا من البلكونة بعد شجون : ليش انتوا بتوقفون عند البحر ؟ خالد : ثواني و راجع دخل خالد الحمام و غير ثيابة .. بعدين نزل لهم و شجون وراه بس اهي وقفت عند المصعد عشان ما يحسون فيها .. و لو ان الصوت ما يوصلها .. بس شافتهم يرحبون فيه و يضحكون .. تعرفون بعد حركات جمانة .. حضنت خالد .. و بشوي الا ريماس صارت اتكلم و تكلم و اهي منفعله .. و بعدين عطت خالد شي ملفوف بظرف صغير .. و بس بعدين مشوا .. رجعت شجون الغرفة عشان ما يحس فيها خالد .. و اول ما دخل الغرفة .. شجون : هااا شخبار ست الحسن و الجمال خالد : انتي ؟ شجون : لا جمانة خالد : و بعدج تغارين منها شجون : لا بعد هذا الى ناقص تحضنك شمفكرة نفسها هذي خالد : عدي هالليلة على خير و بعدين احنا خلاص ما بنشوفهم شجون : الا شعاطتج ريماس خالد : شنو ريماس ما عطتني شي شجون : بلى شي صغير ملفوف ما ادري محطوط بظرف خالد : ايه هذي هدية تبيني اوصلها لخالها شجون : اهاا خالد : هاا حطيتي كل شي بالجنط شجون : ايه خالد : ما نسيتي شي شجون : لا خالد : اكيد .. تأكدي شجون : لاا ما نسيت شي خالد : زين عيل يلا مشينا شجون : مشينا و في بيت ابو خالد الكل متيمع .. ابو خالد و ام خالد و نغم و معاهم بعد سارة و بنات عموم نغم .. كل البنات قاعدين بغرفة نغم .. و طاقينها ضحك و سوالف .. رنيم : بيه تأخرت وايد نغم : وي توها الا الساعة ست على شنو تأخرتي رنيم : اثاريج ما تدرين وراي مشاوير كل البنات : وين رنيم : بنروح السعودية سارة بلقافة : متى نغم : شنو ... رنيم : ايه اليوم بروح شوق : و مع منو بتروحين رنيم : يعني مع منو .. مع اخوي عزوز و استوى وي نغم احمر لمن قالت عزوز .. مريم : نغموو علامج سكتي شوق : الحب و ما يسوي سارة : عمى بعينكم انشاء الله علامكم على نغوم شوق : عمى بعينج الا انتي مريم : و بعدين الحب لاهو عيب و لا حرام رنيم : علامكم على مرت اخوي ليش جذي اكلتوها نغم : دامج انتي اخته هونت رنيم : و ليش عيوني مو تارسة عينج نغم : ما بقى الا اليهال يتكلمون بعد رنيم : عشتوا هذا و انا اصغر منج بشهرين بس نغم : شهرين بس يا كبرها بحلجج .. شهرين تسوي بلاوي شوق : ايه انا اكبر من مريمو بخمس شهور و الى يشوفني يقول هذي عمرها 20 سنه مريم : لا و الله شقصدج هاا سارة : اف تراكم لوعتوا جبدي .. غيروا السالفة نغم : ايه غيروا السالفة شوق : و انتي بس من يتكلم شنكل لحقتيه مريم : ايه مو شنكل و منكل ما يتفارقون سارة : شنكل بعينج .. انا شنكل شوق : ايه شنكل مريم تضحك : الاسامي لايقة عليهم هههههه رنيم تدق على اخوها : اف سكتوا شوي خلوني اعرف اتكلم شوق : تكلمين منو مريم : ايه منو ؟ رنيم : عزوز اخوي يعني منو شوق : غريبه نغم ما لصقت فيج نغم : شنو شايفتني مو شايفة خير مريم : يعني بعد الحب يعني .. سارة : اووووووه مللتوني اقول نغم تعالي خل ننزل تحت ابي اقعد مع خالتي نغم : ايه و الله احسن لنا شوق : يا زعم تستحي سارة : تستحي بعينج مريم : و انتي بس مخلينج مدافع سارة : ايه عندكم مانع شوق : لا دواس مريم : ههههههههههه طلعت سارة مع نغم من الغرفة و على ما اهم ينزلون الدري .. الا يسمعون صوت يشبه صوت خالد ... سارة : اف انا ما اقدر استحملهم رفعوا لي ضغطي نغم : اششش سارة : شنو نغم : خالد و شجون وصلوا سارة مستانسة : شنوووو صج اختي هني نغم : اششش لا احد يسمعج و نروح فيها سارة : ايه صح .. تعالي المفروض انا بالمستش... نغم : رحنا فيها ان درى خالد بيذبحني سارة : عادي انا ما بيسوون فيني شي اصلا انا واحشة شجون وايد و السفرة من غيري ما تسوى نغم : واثقة يعني سارة : ايه نغم : اقول امشي خل ادعسج بمكان سارة : وين بتدعسيني نغم : جدامي اقول جدامي سارة : زين لا تزفين و تحت بالصالة شجون و خالد يسولفون مع ام خالد و ابو خالد .. ام خالد : الا ليش رديتوا ابو خالد : عسى بس يا خالد ما خلصت فلوسك خالد : لا شنو خلصت شجون و لدموع بعينها : خالتي شلونها سارة الحين ام خالد مستغربة : سارة ..؟ بخير ما فيها الا العافية شجون : اكيد .. زين وينها فيه ام خالد : يا بنيتي علامج تبجين سارة ما فيها الا كل الخير كاهي فوق مع نغم خالد : شنو فوق ..؟ اهي رخصوها ام خالد : رخصوها ..؟ عسى ما شر شفيها عشان يرخصونها خالد : يمه مو سارة مسويه حادث ام خالد : سمالله عليها علامك تدعي عليها يمه شجون تطالع بخالد .. خالد : نغم من يومين داقة علينا و تقول ان سارة مسوي حادث ابو خالد : نغم داقة عليكم ..؟ ام خالد : سارة صار لها ثلاث ايام هني قاعدة عند اختك و ما فيها شي شجون : خالتي انتي متأكدة و لا بس .. ما تبيني احاتي اهي سارة فيها شي صار لها شي .. ابو خالد : حسب الله عليكم من بنات خربتوا عليهم شهر العسل و خليتوهم يردون خالد : يعني شلون نغم قاعدة تلعب علينا ام خالد : و الله ما ادري شقول لك ابو خالد : بعد دامهم حاطين روسهم ببعض لاعت جبودهم من بعض و دبروا شي و لعبوا عليكم خالد : هين يا نغم دواج عندي شجون : خالتي متأكدة من الى تقولينه يعني سارة كلش ما فيها شي ام خالد : ايه يا يمة ما فيها شي و اذا مو مصدقتني صعدي غرفة نغم اهي قاعدة مع نغم و بنات عمومها قامت شجون عشان تصعد فوق و لو انها مو مستوعبة فكرة ان سارة و نغم لعبوا عليهم و خلوهم يردون .. وصلت عند غرفة نغم و صارت تدق الباب و ردوا عليها البنات .. شوق عبالها ذيلا سارة و نغم : دخلوا بعد تبون عزيمة ههههههههه مريم : يمكن يستحون و اول ما فتحت شجون الباب لقت بس هالثلاث بنات الى قاعدين بس سارة و نغم مو معاهم .. اهي ما عرفت البنات بس اهم يعرفونها عدل .. رنيم : شجون متى رديتي شوق : وي هذي شجون مريم : هلا و الله بعروستنا شجون : هلا الا ما شفتوا سارة ؟ شوق : بلى شفناهم بس توهم طالعين من عندنا مريم : تلاقينهم يحوسون بالبيت يعني مني مناك شجون : اممم و توها بتطلع شجون عنهم.. شوق : شلج فيهم تعالي قعدي معانا مريم : و الله انكم وحشتونا رنيم تسمع موبايلها يرن هذا مسكول من اخوها عبد العزيز : يلا مع السلامة بناتز كاهو اخوي عند الباب شوق : رنيموووووو اخذيني معاج تكفين مريم : لو تقعديني بالصندوق قابلة بس خذيني رنيم : مرة ثانيه انشاء الله شوق : اوووووووه تمللت هني يا ربي حر حرر رنيم : كلش يعني هناك برد حتى هناك حر مريم : على الاقل اسمها سفرة تغيير جو رنيم : لا تخافون بتذكركم هناك شوق : شمنستفيد من ذكراج هذي رنيم : و الله عورتوا جبدي بس السيارة ما تكفى مريم : ايه لو نغم قايلة بتروح كان صارت السيارة تكفي و تزيد شوق تطق مريم .. ليش ان شجون هني .. ما تبيها تحس بسالفة عبد العزيز .. بس اهي ما تدري ان شجون اصلا مو معاهم كلش .. و توها رنيم طالعة من الغرفة .. الا بنغم و سارة داخلين ..و اول ما شافوا شجون شهقوا .. لمن شافت شجون سارة راحت لها و حضنتها بقوة .. شجون : وحشتيني يا دبة نغم : و انا يعني ما وحشتج شجون : انتي دواج عند اخوج نغم : وي و انا شسويت هذا كلا من اختج اهي الى قالت لي خل نخرعهم سارة : انا ..؟ يا الظالمة شجون : اصلا انا اعرف ان سارونة ما تسوي جذي نغم : لا كلش مسكينة اهي ما تسوي شي بس انا الى اسوي شوق : مريموو سجلي عندج مريم : شنو شوق : اول مرة بالتاريج شنكل و منكل يهاوشون نغم : عن البياخة سارة : يا لثقال شوق : طالعين عليج شجون : سارة يعني ما فيج شي و لا شي سارة : ما فيني شي كاني جدامج شجون : يا الدبه خرعتيني عليج سارة : عيل مصختوها هناك انا هني ضايعة من دونج و انتي قاعدة اتفرفرين مع هاللوح الى اسمه خالد نغم : احترمي نفسج عااد اخوي مو لووح شجون : ايه حبيبي مو لوح شوق : يعيش الحب مريم : ايه هذا الحب و لا بلاش شوق : شفتي شلون تدافع عن حبيبها شجون : ايه بعد خلودي هذا عين السيح و اهي تمدح و تمدح فيه و ما تدري انه واقف وراها ... خالد : هااا اشوفكم مشتغلين حش فيني سكتت شجون مرة وحدة .. شوق : أي حش الله يهديك هذي صار لها ساعة تدافع عنك من سحورة المسحورة Quote Link to comment Share on other sites More sharing options...
متيم عراد Posted أغسطس 15, 2007 Report Share Posted أغسطس 15, 2007 مشكورة عالبارت بس وايد قصير ننطرج Quote Link to comment Share on other sites More sharing options...
$$أميرة الظلام$$ Posted أغسطس 15, 2007 Report Share Posted أغسطس 15, 2007 مشكوره على البارت بس بصراحه واااااااااايد قصير ياريت تطولين البارت الجديد هالمره تحياتي Quote Link to comment Share on other sites More sharing options...
ملاذ الفجر Posted أغسطس 15, 2007 Report Share Posted أغسطس 15, 2007 ثااانكس ع البارت.. ناطرين الي بعده.. Quote Link to comment Share on other sites More sharing options...
السمكة المفترسة Posted أغسطس 15, 2007 Report Share Posted أغسطس 15, 2007 مشكوووورة عالباااارت خلي البااارت اطووول و لا تطولين علينا Quote Link to comment Share on other sites More sharing options...
..^ذبانة كشخه^.. Posted أغسطس 15, 2007 Report Share Posted أغسطس 15, 2007 يعطيج العافيه ناطرين الباقي : ) Quote Link to comment Share on other sites More sharing options...
متيم عراد Posted أغسطس 15, 2007 Report Share Posted أغسطس 15, 2007 في الانتظاار .. Quote Link to comment Share on other sites More sharing options...
عوووشه Posted أغسطس 15, 2007 Report Share Posted أغسطس 15, 2007 مشكورة على البارت Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.