حلا الكويت Posted أغسطس 23, 2007 Report Share Posted أغسطس 23, 2007 ابييييييييي الباااااااااااااااارت بليز نزليه بسرعه تسلمين على القصه الروعه Quote Link to comment Share on other sites More sharing options...
سحـر الليل Posted أغسطس 24, 2007 Author Report Share Posted أغسطس 24, 2007 الجزء 22 لبنى : ايه شجون : زين شبتسوين لبنى : ما ادري شجون : بتاخذين احمد لبنى : ما ادري شجون : زين دخلي لبنى : لا بروح شجون : وين بتطلعين هالحزة و الشمس حاره قعدي شوي لبنى : لاااااا بروح شجون : زين شبتسوين بالبيت لبنى : ... ببجي شوي .. و بنسى فارس شجون : و الله حرام عليج الى تسوينه بروحج لبنى : دخلي داخل شجون : لبنى لبنى : شنو شجون : عشان خاطري لا تخلين شي يشغل بالج لبنى : انشاء الله و مشت لبنى .. و ظلت شجون واقفة بالطريج .. بعدين دخلت داخل البيت .. و توها فاتحة الباب عشان بتدخل .. الا شتوف خالد بويها .. شجون : خالد خالد : شجون ؟ شجون : وين رايح خالد : لا بس عندي ... رايح مشوار صغير و راجع شجون : ايه وين خالد : عندي شغلة مع واحد من الربع شجون : يعني ما بتقول لي خالد : لا شجون : هين اوريك خالد : يلا باي .. الا تعالي شتسوين واقفة برا شجون : ما اسوي شي خالد : علينا شجون : اشم هوى حراام خالد : من زين الجو عاد شجون : الجو شحلاته خالد : صج شتسوين شجون : لا بس زهقت شوي خالد : من شنو شجون : و لا شي خالد : يعني ما بتقولين لي شجون : لا خالد : زين عيل في البيت نلتقي شجون : شنووووووووووووو خالد و اهو ماشي : الى سمعتيه شجون : شنو يعني انت وين رايح خالد : مو شغلج شجون : مو شغلي ؟ خالد : اقول لا يكثر و دخلي داخل لا تحترقين شجون بدلع : تخاف علي خالد : اقول دخلي لا ييج طراق يسدح ويهج شجون : افا انا تطقني خالد : ايه و اكسر ضروسج بعد شجون : ليش خالد : اغار شجون : تغار من منو ماكو احد خالد : ما تشوفين هالمراهقين بكل مكان شجون : وي عادي حسبت عيالي خالد : شنو ماخذ لي عيوز شجون : لااااا ماخذ لك بنت بعمر الزهور خالد : زين يلا دخلي شجون : مابي خالد : شجووووونوووووو دخلي شجون : مابي خالد : و الاخير معاج شجون : و ليش تبيني ادخل شبتسوي هني خالد : ما بسوي شي بس صج الشمس حارة اخاف تحرقج شجون : لا تخاف حاطه لي كريم على ويهي خالد : لا صج يلا دخلي شجون : عشانك بس بدخل خالد : عفية على الشاطرة شجون : وي اصغر عيالك خالد : لا اكبر عيالي شجون : بايخ خالد : ادري شجون : خخخخخ خالد : يلا دخلي خليني احرك السيارة شجون : زين زين بدخل حشى فضحتنا خالد : بسرعة جدامي فتحت شجون الباب : هااا كاني دخلت خالد : زين يلا باي شجون : زين ما بتقولي وين رايح خالد : رايح عند فارس ارتحتي شجون : لا تروح له خالد : ليش شجون : اخاف يعاديك و تصير مثله خالد : شنو فيه وباء شجون : ايه خالد : لا تخافين ماخذ مضاد شجون : كل ما يسوس براسك تذكرني خالد : ليش شجون : مو انا المضاد خالد : زين يلا و حتى ما قال باي الا بالبنات كلهم تيمعو عند الباب .. شوق : يا عيني يا عيني مريم : شوفو ولد العم شيسوي نغم : احنا هناك و اهم يتغازلون هني سارة : انت ما تستحي تغازل اختي خالد : بل علامكم علي شمسوي انا شوق : وي كل هذا و ما سويت شي خالد : لا نغم : شنو فاتحين السينما هني عند الباب مريم : الظاهر شجون : ليش كبرتوا السالفة ما صار شي سارة : شنو ما صار شي و اهو صار له ساعة يقولج باي و انتي تقولين له باي يبه خليه يذلف نفتك منه شجون : يذلف بعينج خالد : ايه هذي الزوجة السنعه الى تدافع عن زوجها شوق : لا تغير الموضوع و قولي شسالفتك اشوف قمت تلعب على الحبلين خالد : انا العب على الحبلين مريم : ايه مو عيب عليك تقطط عليها حجي يبه استح عيب خالد : شنو عيب هذي زوجتي شوق : زوجتك بالبيت مو هني مريم : ايه اهني في يهال عيب تعلمهم على الوصاخة خالد : و انا شسويت شوق : هذا الى يبط الجبد مريم : مسوي روحه بريء نغم : اقول وخروا عن اخوي علامكم عليه سارة : ايه شفيكم عليهم خلوهم يعبرون عن مشاعرهم شوق : شيعبرون عيب اهم واقفين بالشارع مريم : الشارع له حرمته خالد : اشوف الشارع ما صار له حرمة مع بياع الخضرة هاا شوق : وي هذا شدراه مريم : و الله ما قلت له شوق : اقووول لا اخذوا راحتكم مريم : اصلا احنا نمزح مو شوق : ايه ايه نمزح عاد انتوا كل شي تصدقونه مريم : اقول شوق تعالي داخل عندي لج سالفة شوق: ايه ايه يلا عن اذنكم و اخذوا راحتكم سارة : زين تسوون فيهم نغم : ايه و الله طلعتوا حرتنا فيهم خالد : زين يلا باي شجون : باي خالد : و انتي دخلي داخل و عن الفضايح شجون : زين دخلت شجون داخل .. بس تذكرت ان الاغراض الى اخذتهم من روما حق البنات بالسيارة .. بس خالد مشى .. فتحت موبايلها و دقت على لبنى تبي تتطمن عليها .. لبنى : الوووووو شجون : هلا لبنى : هلا شجون شلونج شجون : انا تمام انتي الي شلونج لبنى : قلت حق امي اني باخذ احمد شجون : شنووووووو لبنى : ايه باخذه شجون : شنو انتي مينونه لبنى و لدموع بعينها : عيل شتبيني اسوي شجون : زين صبري شوي لبنى : لا شنو اصبر امي كلمت ام احمد و قالت لها اني موافقة عليه شجون : بهالسرعة عااد لبنى : ايه لاني اعرف نفسي اذا طولت بالسالفة ما بنسى فارس شجون : يعني الحين انتي نسيتيه لبنى : لا ما نسيته بس صار في شي اقوى مني يعني بيخليني انساه و اهو احمد شجون : زين انتي ما شفتيه و لا قعدتي معاه يمكن ما يعجبج لبنى : كفاية ان فارس قال انه خوش ريال شجون : و انتي بس تصدقين كلامه لبنى : شنو بعد بتقولين لي انه يلعب علي شجون : لا مو قصدي بس يعني .. لبنى : على الاقل اذا اخذت احمد بلقى فيه شي من فارس شجون : و شلون لبنى : لان فارس قالي انه زين شجون : اهااا و ظلت لبنى تبجي شجون : و الله انج تضحكين لبنى : ليش شجون : ما ادري لبنى : اتطنزين علي شجون : لا ما اتطنز بس ما ادري شلون يعني تفكيرج غريب لبنى : اكيد من بعد فارس كل شي غريب فيني شجون : اممم بس تدرين احسن لج شلج فيه و اهو اصلا ما يبيج على الاقل بتاخذين واحد يعرف قدرج لبنى : و انتي شدراج انه ما يبيني شجون : و بعد كل هذا تبين تقولين لي انه يبيج لبنى : شجون بليز خليني انساه شجون : مو هذا الى ابيه لبنى : زين بس يا ليت يعني ما تذكرين اسمه جدامي شجون : الا شلون شكل احمد انتي شفتيه لبنى : ما ادري شجون : شنو ما تدرين ليش ما شفتيه يوم ياكم مع هله لبنى : بلى دخلت عليهم بس ما شفته ليش انه ما كان على بالي يعني كنت افكر بــ.. شجون : ايه ايه فهمت لبنى : شجون ما رد فارس شجون : يا ربي و هذي الى تقول تبي تنساه شلون بنسينه بالله لبنى : لا بس ابي اتطمن عليه شجون : طلع له خالد لبنى : يعني ما رد شجون : لا لبنى : زين تكفين اذا رد طمنيني شجون : استحي على ويهج بتاخذين غيره و تسألين عنه لبنى : القلب و ما يهوى شجون : زين يلا مع السلامة و سملي على يدتي وايد لبنى : يوصل يلا باي شجون : و سلمي على احمد بعد لبنى : من الحين صرتي تسلمين عليه شجون : ايه بعد هذا زوج الغالية لبنى : ههه شجون : ايه يبه ضحكي شوراج بعد كلها شهر شهرين و انتي عروس لبنى : اووووووه شجون شجون : ههه زين يلا باي لبنى : باي و على الساعة 6:30 العصر مر خالد على شجون و اخذها مع ام احمد و سارة .. و بطريجهم وصلوا ام احمد و سارة .. شجون : الا انت وين كنت فيه خالد : كنت مع فارس شجون : كل هذا قاعد مع فارس خالد : خبرج بعد السوالف شجون : اممم خالد : طلعتي برا شجون : لااااا خالد يطالع بشجون .. شجون : علامك خالد : حطي لج شي شجون : شحط لي خالد : شدراني حمره شدو .. طحين شجون : طحين بعينك خالد : صج حتى لو كحل شجون : شدعوه رايحة عرس خالد : مو انتي عروس شجون : بلى خالد : بس عيل شجون : وين بنروح يعني البيت خالد : يعني ما يسوى اتعدلين لي شجون : بلى يسوى فتحت شجون جنطتها و و حطت لها شويت بودرة مع شدو و حمرة خفيفة .. دخل خالد السيارة بالكراج .. و نزلوا من السيارة .. خالد : انا بدخل المطبخ باخذ لي ماي شجون : زين عيل انا فوق صعدت شجون فوق و فتحت باب غرفتها .. و لعت النور .. و الا تشوف الغرفة مليانه ورق ورد احمر و ابيض و حتى فوق السرير في .. حطت جنطتها على الطاولة .. و كان بعد جنب الطاولة اكو شموع فتحت شجون شعرها .. و فردته بأصابعها .. لفت راسها على السرير و لقت وردة حمرة .. قربت شجون من السرير .. مسكت الوردة و الا بدخلت خالد عليها .. اخترعت شجون : خالد ..؟ قرب خالد منها .. : علامج اخترعتي شجون : لا لا و لا شي .. اخذت شجون الوردة و حطتها على الطاولة ووقفت مجابل المرايا .. وقف خالد وراها .. و طلع من جيبه علبة صغيرة .. فتحها و اخذت منها سلسلة ذهب .. حدها نعومية .. رفع شعر شجون و لبسها السلسة .. و شجون مستغربة .. يعني لاهو عيد ميلادها .. و لاهو عيد الحب .. و لاهو بعد ذكرى زواجهم .. شجون : لشنو كل هذا خالد يهمس بأذنها : مفاجأة شجون : على شنو خالد : على مرور شهر من زواجنا شجون : شكرا على .. خالد : على السلسلة .. لا افا عليج تستاهلين اكثر شجون : لا خالد : عيل على شنو شجون : على انك معاي خالد : العفو شجون : خبري فيك لجة يعني من وين لك لفلوس خالد : انا مو لجة .. شجون : ادري خالد : عيل ليش تقولون عني لجة شجون : جذي خالد : اممم شجون : و انا بعد عندي لك شي خالد : شنو شجون : انت احزر خالد : عطر شجون : لاا خالد : امممم علاقة مفاتيح شجون : لااا خالد : اممم ما ادري شجون : بس هذا الى يهمك الماديات خالد : ايه عرفت شجون : شنو خالد : قلبج شجون : لا .. مو قلبي انت ماخذه من زمان خالد : اممم اذا مو قلبج عيل شنو لفت شجون عند خالد و اهي منزله راسها : اممم خالد انا .. خالد : انتي تحبيني شجون : عن البياخة انت تدري اني احبك خالد : عيل شنو شجون : خالد انا حامل و كأن احد ساكب عليه ماي بارد سكت .. و لا حس و لا نفس شجون : شنو علامك خالد : متأكده شجون : ايه خالد : زين شلون و من متى شجون : خالد شنو شلون الله يهديك .. قعد خالد على السرير : لا مو قصدي بس يعني صدمتيني قربت شجون منه : صدمة حلو موو طالع خالد فيها بعدين وخر ويهه عنها شجون : شنو و خالد ساكت شجون : خالد علامك و هم ساكت شجون : زين قول شي خالد : شتبيني اقول شجون : يعني انت مو فرحان .. بتصير ابو خالد : بلى بس.. شجون : بس شنو خالد : بس من سحورة المسحورة Quote Link to comment Share on other sites More sharing options...
..^ذبانة كشخه^.. Posted أغسطس 24, 2007 Report Share Posted أغسطس 24, 2007 ابي اعرف ساااااااااااااااااااااالفة البس .. وحرام لا خل لبنى تاخذ فارس << على كيفج .. يعطيج العافيه على البارت .. ولاتطولين علينا في البارت الياي .. Quote Link to comment Share on other sites More sharing options...
Miss.AJ Posted أغسطس 24, 2007 Report Share Posted أغسطس 24, 2007 يعني لازم تقطعين البارت في اهم شئ عالعموم مشكورة Quote Link to comment Share on other sites More sharing options...
ملاذ الفجر Posted أغسطس 24, 2007 Report Share Posted أغسطس 24, 2007 يسلموو ع البارت.. ناطرين الي بعده بسسسسسسسسسسسسسسسسرعة.. Quote Link to comment Share on other sites More sharing options...
الحايرة Posted أغسطس 25, 2007 Report Share Posted أغسطس 25, 2007 ثاااااانكس على البارت وفي انتظار البارت اللي بعده ... بليييييييييز لا اطولين علينه Quote Link to comment Share on other sites More sharing options...
سحـر الليل Posted أغسطس 25, 2007 Author Report Share Posted أغسطس 25, 2007 انشاء الله بكرا انزل البارت اليديد من سحورة المسحورة Quote Link to comment Share on other sites More sharing options...
بحرينيه^مزيونة Posted أغسطس 25, 2007 Report Share Posted أغسطس 25, 2007 حساافه كنت أبي أعرف بس شنوو مشكورة حبيبتي بإنتظار التكمله ؟؟ Quote Link to comment Share on other sites More sharing options...
بنوتة قطـر Posted أغسطس 25, 2007 Report Share Posted أغسطس 25, 2007 ثاااااااااااانكس ع البااااااااارت Quote Link to comment Share on other sites More sharing options...
السمكة المفترسة Posted أغسطس 25, 2007 Report Share Posted أغسطس 25, 2007 شفيه خالد !! مشكورة عالبارت ناطرين الباقي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.