$$أميرة الظلام$$ Posted سبتمبر 3, 2007 Report Share Posted سبتمبر 3, 2007 يالله سحور تعبنا واحنا ناطرين Quote Link to comment Share on other sites More sharing options...
عوووشه Posted سبتمبر 3, 2007 Report Share Posted سبتمبر 3, 2007 يلا باجر مدارس حاولي تنزلينه اليوم Quote Link to comment Share on other sites More sharing options...
MISS GREENZ Posted سبتمبر 3, 2007 Report Share Posted سبتمبر 3, 2007 يا الله سحوووووووووووووووووووووووووووووووووووووووووووووووووووووور Quote Link to comment Share on other sites More sharing options...
متيم عراد Posted سبتمبر 3, 2007 Report Share Posted سبتمبر 3, 2007 ناطرينج Quote Link to comment Share on other sites More sharing options...
السمكة المفترسة Posted سبتمبر 3, 2007 Report Share Posted سبتمبر 3, 2007 سحووور باجر المدرسة متى البااارت بليز خليه اليوم Quote Link to comment Share on other sites More sharing options...
سحـر الليل Posted سبتمبر 3, 2007 Author Report Share Posted سبتمبر 3, 2007 سوري على لقصوووور و سامحوني اذا نطرتكم وايد و يا ريت بعد ما تقروون القصة تعطوني رايكم بالقصة و بكل صراحة شنو الحلو فيها و شنو الى مو حلووو عشان احاول اني اصلحة بالمرة الجاية و تسلمووووووووون على متابعتكم للقصة و مشاركاتكم الحلوة الجزء 25 " و الاخير " شاكر : لا تستاهل كل الخير مو احمد خوش ريال فارس : انتوا من قال لكم ان ملجتها بعد بكرا فيصل : كل الناس تقول شاكر : و لا يفوتك ترى احنا معزومين فيصل : ايه ايه عشان ناكل شاكر : ايه بعد ملجة يعني مكسرات و حلوى و قهوى يا سلام فيصل : خبرك بعد احمد مهو بهين عنده خير من الله شاكر : بنطقها اغاني و وناسة الين الصبح فارس : شنو اغاني ووناسة هذي الا ملجة و بعدين انتوا شدراكم ان لبنى موافقة فيصل : و ليش ما توافق شاكر : يحصل لها فيصل : و بعدين لو انها مو موافقة جان ما عزموا شاكر : ايه صح فارس : الا وين خالد فيصل : شدراني شاكر : بمخباي هههههههه فارس : لا صج اليوم ما شفته فيصل : يا حليله ما يقعد شاكر : بعد معرس خله يستانس فيصل : قول ما شاء الله لا تصكهم بعين شاكر : ما شاء الله ما شاء الله شنو شايفني حسود فيصل : لا شايفك حسودة شاكر : هههههههههه فارس : انتوا كلا تطنزوون و بس فيصل : شتبينا نسوي يعني شاكر : فاضين ما عندنا شي فيصل : ايه و الله حمل فارس مفتاح السيارة و علبة السجاير و قام عنهم .. فيصل : على وين يا الحبيب شاكر : خله خله فارس : ماشي تبون شي فيصل : ايه انا ابي قوطي بيبسي شاكر : انا ابي سفن اب و شبس ليز الحجم الكبير فارس : حامض على بوزكم فيصل : بخيل شاكر : ايه حده فارس : باي شاكر : هاي فيصل : ماي شاكر : واي فيصل : ناي شاكر : آآآي فيصل : بس عاد فارس : ميانين فيصل : طالعين عليك و على العصر و شجون قاعدة بغرفة سارة .. دق عليها جاسم .. شجون : هلا جاسم .. .. تمام .. دام عزك .. و انت شلونك .. ههههه .. بدينا ... لا لا فاضية .. لا كلش ... ايه وين ... هالحزة ... زين .... لا بس عطني جذي اممم عشر دقايق ... اوكي يلا باي .. باي .. سارة : منو هذا شجون : تسوين روحج ما تدرين و انتي قاطة اذونج هني سارة : منو جاسم هذا بعد شجون : مو شغلج سارة : افا انا ينقال لي مو شغلج قامت شجون من على السرير : عندج كحل اخضر سارة : ليش شجون : ابيه سارة : وين بتروحين شجون : بطلع سارة : ايه وين شجون : بتمشى شوي سارة : زين وين شجون : بتعطيني و لا شلون طلعت سارة لشجون الكحل : هاج كاهو اخذيه لا تاكلينا شجون تبوس سارة على خدها : شكرا يا قلبي سارة : الحين صرت قلبج شجون : انتي دوم قلبي سارة : ايه باين حطت لها شويت كحل مع قلوز .. و غيرت ثيابها .. حملت جنطتها و نزلت تحت .. و بعد دقايق الا بجاسم ياي .. دخل و سلم على ام احمد و احمد .. و بعدين اخذ شجون و مشوا . و اهم بالسيارة .. جاسم : هاا شلونج اليوم شجون : الحمد الله احسن جاسم : دوم انشاء الله شجون : دام عزك جاسم : اليوم مفرفشة هاا شجون : ليش يعني جاسم : لابسة اخضر في اخضر شجون : يعني نغير شوي جاسم : امممم شجون : الا في شنو تبيني جاسم : لا بس ابيج تغيرين جو شوي شجون : زين تسوي مو طول ما انا بالبيت الافكار تاخذني و توديني جاسم : وين تاخذج شجون : يعني بالايام الياية جاسم : اهااا وقف جاسم السيارة بالبارك .. و نزلوا يتمشون على البحر .. و طول مااهم يتمشون ساكتين .. جاسم : حلو البحر موو شجون : ايه بس الشمس قوية جاسم : ما دق خالد عليج شجون : لا جاسم : كلش شجون : اممم اهو يسوي مسكولات بس ما ارد عليه جاسم : اهااا شجون : خلنا من خالد و قولي ليش ماخذني البحر جاسم : لانج تحبينه شجون : امممم ... صح انا احبه جاسم : مو بس انتي شجون : انت بعد تحب البحر ؟ جاسم : لا اصلا انا متعقد منه شجون : ايه عشان سالفة صاحبك جاسم : ايه جاسم متعقد من البحر ليش انه يوم عمره 16 سنه طلع البحر مع ربعه .. .. يبون يصيدون سمج .. و بنص الليل .. تراهنوا الشباب على الى يوصل الى نقطة معينه بالبحر .. و كان في بينهم واحد ما يعرف يسبح الى اهو صديق جاسم ... و لمن قال لهم صاروا يعايرونه فنزل معاهم ... و طبعا غرق .. و من هذاك اليوم كره جاسم شي اسمه البحر .. يحب يشوفه من بعيد بس انه يدخل مستحيل .. شجون : الكل يقول عن البحر غدار الا انا جاسم : ليش شجون : العيب مو بالبحر .. في الى ما يعرف له جاسم : و الله اكو ناس يعرفون له و يغدر فيهم شجون : لا تحاول انا احب البحر جاسم : حبيه احد ماسكج شجون : ههههههههه جاسم : دوم هالضحكة شجون : زين لا تغير الموضوع جاسم : موضوع شنو شجون : انا اليوم و الحين بهالساعة و بهالدقيقة و بهالثانيه ابي اعرف انت تحب منوووو ؟ جاسم : و ليش تبين تعرفين شجون : سمها لقافة أي شي بس انا ابي اعرف جاسم : دامها لقافة ما بقول شجون : لا صج قول يعني اذا ما قلت لي لمنو بتقول جاسم : هذيك المره مو انا قايل لج شجون : انت متى ؟ جاسم : اليوم امداج نسيتي شجون : ما قلت لي جاسم : كيفج عاد انتي نسيتي شجون : اووووووه منك ... يلا قولي جاسم: شتبين تعرفين شجون : منو اهي جاسم : وحده شجون : عيل واحد اكيد وحدة جاسم : ما ادري اذا عندي صورتها او لا شجون : بعد ماخذ صورتها جاسم : ايه شجون : من وين لك جاسم : اهي عاطيتني اياها شجون : متى جاسم : من زمان شجون : يعني انت تحبها من زمان جاسم : ايه شجون : زين عطني اشوف صورتها جاسم حط يده على مخباه : لاااا شجون : يلا عاد عن البياخة انا قلت لك اليوم اعرف اهي منو يعني اعرف جاسم : مو لازم تعرفين شجون : لا لازم اعرف جاسم : لاا شجون تبي تقص عليه : وي شوف شنو هذا جاسم : شنو مدت شجون يدها بجيبه و طلعت البوك و صارت تدور فيه جاسم : شجون عطيني البوك شجون تبحلس عليه : اممممم ماني ما بعطيك اول اعرف منهي هذي جاسم : شجووووووون .. فتحت شجون البوك و صارت تدور فيه بعدين لقت صورة .. طلعتها من البوك و صارت تطالع فيها فترة و اهي ساكته .. دار جاسم ظهره .. هذي الصورة اهي صورتها بس لمن كانت صغيره .. يعني بأيام الخطوبة اهي عطته هذي الصورة .. بس لمن انفصلوا اهو رد لها كل الصور و الهدايا الى منها له .. بس ما انتبهت انه ما رد هذي الصورة .. شجون بصوت واطي : هذي انا ..؟ و جاسم ساكت اخذ منها البوك و دخله بمخباته .. بس الصورة بعدها بيدها .. شجون : من وين لك هذي الصورة جاسم بأحراج : هذي الصورة كنت حاطها ببوكي من قبل لا ننفصل عن بعض شجون : ليش ما رديتها مع الاغراض جاسم : ما قدرت اردها .. ليش اني بهذيك الفترة كنت احبج حب مو كصديقة او كأخت مثل ما كنتي تقولين .. بس انتي لمن طلبتي الانفصال وافقت لاني ما ابي اجبرج على انج تبقين معاي شجون : زين ليش ما قلت لي ليش ما صارحتني وقتها جاسم : ما ابي اضغط عليج بشي شجون : و ليش هالصورة الين اليوم معاك .. جاسم : لاني الين اليوم .. احبـــ... ( و سكت ) شجون : يعني طول هالفترة انت نظرتك لي على اني حبيبة مو اني صديقة جاسم : لااااااا شجون : مو توك تقول انك الين اليوم تحبني جاسم : حب من طرف واحد ما يعني شي شجون : دام انك تحبني ليش هالكثر هامتك علاقتي بخالد و تبيني ارد له جاسم : لان الى يحب يبي يشوف حبيبه مرتاح و سعيد بحياته شجون : يعني انت تشوف ان سعادتي مع خالد جاسم : ايه لانج تحبينه و اهو يحبج شجون : لااااااا خالد ما يحبني جاسم : شجووووون شجون : جاسم ممكن تردني البيت جاسم : شجوون شجون : ممكن ابي ارد البيت جاسم : انشاء الله وصل جاسم شجون البيت ..مروا هاليومين بسرعة و اليوم ملجة لبنى من احمد .. شجون بالغرفة اتعدل .. قاعدة تحط لها ميك اب .. و سارة قاعدة بالصالة تكلم نغم .. سارة : شنووووو بعدكم ما لقيتوه نغم : لااا .. و اليوم ابوي راح الشرطى و بلغ سارة : ما ردوا عليكم نغم : لاااااااا سارة : لكن هذا كله من ورى راس شجونوووو نغم : ايه صج الا شسالفة سارة : وي ما تدرين شجون تبي خالد يطلقها نغم : و ليش ؟ سارة : ما ادري نغم : اختج هذي خبلة اخوي يموت فيها سارة : قلت لها بس اهي مصره نغم : من لاعب براسها عسى مو انتي .؟ سارة : انا ..؟ نغم : ايه مو انتي الى ما تواطنين خالد بعيشة الله سارة : امزح حرااام يعني نغم : اذا جذي السالفة عيل خالد ... يمة لا سارة : شنو نغم : تهقينه انتحر سارة : انتحر بعينج نغم : عيل شنو سارة : شدراني نغم : يا حسرتي عليك يا خالد سارة : اقول يلا الظاهر ان احنا بنمشي نغم : وين سارة : اليوم ملجة لبنى علامج نسيتي نغم : وي صج ... سلمي عليها وايد و باركي لها عني سارة : ليش ما بتيوون نغم : خل نخلص من هالمصيبة سارة : لا تخافين خالد ما فيه شي نغم : الله يستر سارة : زين يلا باي نغم : باي قامت سارة من الصالة و راحت لعند شجون .. و شجون تعدل بشعرها .. رن موبايلها هذا جاسم .. صار له من امس الين اليوم يسوي لها مسكولات و مسجات و اهي ما ترد عليه طبعا من بعد الى صار هذاك اليوم ... سارة واقفة عند الباب : شجون شجون : شنو سارة : خالد شجون من غير نفس : شفيه بعد سارة : صار له يومين و محد يدري عنه شجون يا زعم مو هامها شي : عادي تلاقينه ساهر مع واحد من الربع سارة : لاا دقوا على كل ربعة و محد يدري عنه شي شجون : شتبيني اسوي له يعني سارة : لا بس كنت ابي اقولج شجون : و كاج قلتيلي قربت سارة من شجون و حطت يدها على كتفها : يعني مو هامج شجون : و ليش بيهمني سارة : لا يعني .. بس هذا خالد شجون : و خالد يعني .. عباله بحركاته هذي بيخرعني سارة : بس خالد صج .. محد يدري عنه شي شجون : يعني وين بيروح .. مرده بيرد سارة : و اذا ما رد شجون : عاد هذي مشكلته سارة : زين يمكن انتحر شجون : هذي حياته و اهو حر فيها .. انا شكو سارة : بس بسبتج انتي بينتحر شجون : شنو انا طاقته على يده و قايلت له انتحر سارة : لا بس من حبه لج شجون : مابي احد يحبني زين .. و لو سمحتي سدي هذي السالفة مابي اعرف عنه شي .. و لا ابيه يعرف عني شي حملت شجون جنطتها و قامت و اهي معصبة .. وقفت سارة بالغرفة .. طلت عليها شجون : يلا بعد لمتى سارة : زين و الكل هناك الحبايب و القرايب .. ناس نعرفهم و ناس ما نعرفهم .. بعد هذي لبنى الغالية معارفها وايد .. .. سلمت شجون على يدتها و باركت لها .. و سلمت على خالاتها و بناتهم و على الى تعرفهم هناك و دخلت على لبنى بالغرفة .. شجون : لبنى لبنى : هلا شجون شجون تطالع بلبنى : الله شهالحلاه شهالزين لبنى : صج يعني طالعة حلوة شجون : ايه وايد .. هذا مو ستايلج بالمره لبنى : قلت اغير شكلي يمكن يتغير الى بداخلي شجون : شقصدج لبنى : يعني اقدر انسى الى صار بالسنة الى طافت شجون : لا تخافين احمد بينسيج لبنى : ليش اهو يحبني اصلا شجون : لو ما يحبج ما خطباج لبنى : بس اكيد .. و لا بس شجون : انتي بعدج تفكرين بفارس لبنى تهز براسها " ايه " شجون : صدقيني ما فيه خير .. لو يحبج صج .. جان ما رضى ان احد غيره ياخذج لبنى : بس اهو يعني ما كون نفسه بعده توه مشتغل من كم سنه يبغاله شوي شجون : و انشاء الله انتي بنتطرينه يعني الين ما يكون نفسه لبنى : لا بس يعني .. شجون : لبنى خلي فارس عنج و فكري بأحمد لبنى : احمد شجون : ايه .. مو كفاية انه يحبج .. و يبغاج تكونين زوجته لبنى : حبه لي مو كفاية يعني حراام اكون معاه و بتفكيري مع فارس شجون : عادي انتي بالبداية .. يمكن بيكون صعب عليج بس بعدين بتلاقين ان من غير احمد ما تقدرين تعيشين .. يعني بيصير جزء منج لبنى : افهم من كلامج ان خالد جزء منج الحين شجون : انا و خالد غير عنكم لبنى : لا مو غير اهو بعد يحبج شجون : يحبني بس يحب نفسه اكثر لبنى : الا شصار عليه اسمع يقولون ان الكل يدوره شجون : لا تسأليني لان ما عندي خبر لبنى : دورتي عليه شجون : و ليش ادور عليه لبنى تطالع بعيون شجون .. لمن شجون حستها تطالع فيها .. : شنو علامج لبنى : انتي بعدج تحبينه شجون : احبه و لا ما احبه هذا ما بيغير شي لبنى : لا بيغير شجون : لبنى انتي ما عليج مني ... لبنى : شلون ما علي منج و انتي تموتين فيه دخلت عليهم سارة : لبنى وينج الكل يسأل عنج قومي لبنى : زين يايه.. و شجون قاعدة على السرير و سرحانه .. كلش مخها بعالم ثاني ..لبنى : شجون شجون : شنو لبنى : قومي يعني بتقعدين هني شجون : زين زين قامت شجون من على السرير و راحت عند المرايا .. عدلت شعرها .. بعدين طلعت ورى لبنى .. و اول ما طلعت لبنى الكل كان يهلل لها و يصفق .. لبنى تمسك شجون من يدها : تعالي وين بتروحين عني شجون : علامك جذي لاصقة فيني لبنى : خليج معاي لا شعوريا اختلطت على شجون الاحداث و تذكرت لمن خالد قال لها .. من يومين و اهو يكلمها على الموبايل " خالد صار يبجي .. : شجون انا .. انا بتغير بس خلج معاي " .. فقالت شجون و كأنها تكلم خالد : لااااا لبنى تطالع بشجون و متعجبة منها : شنو لااا شجون : لا اقصد يعني اكيد بكون معاج قعدت لبنى و .. شجون تحتها .. .. و بعدين قربوا خوات احمد و خالاته و عماته .. يسولفون مع لبنى و يضحكون .. لكن شجون مو معاهم تفكر بخالد .. حست نفسها بهالحظة انها ندمانة .. يعني اهي من غير خالد ما تقدر تعيش .. فشلون تطلب الطلاق منه .. بس بعد شنو اكيد الحين خالد جهز اجرائات الطلاق .. و سارة قاعدة مقابلهم كانت تكلم نغم .. سارة : شنوووووو .. لحظة لحظة مو قاعدة اسمعج .. شنووو الووو نغم .. اغير مكاني بس لحظة .. قامت سارة ووقفت عند الباب ..: الووو .. ايه .. صج .. وين ... شنووووو من صجج انتي .. متاكدين يعني ... لا لا الحين احنا عندكم .... ايه اكيد بتيي معاي .. يلا باي و كانوا توهم بيدخلون لبنى عشان يعقدون عليهم عند الشيخ و الا بسارة و من بعد ما ما سكرت الخط راحت لعند شجون .. و من غير ما تحس بالي حواليها صرخت بصوت عالي : شجووون شجون لفت راسها و اهي ما تدري شسالفة ؟ : شنوو سارة : شجون خالد بالمستشفى و كل الى بالصالة متعجبين يعني هذي شفيها ... و منو خالد هذا شجون : ليش سارة : شجون خالد بالمستشفى توها نغم داقه علي .. و تقول ان حالته خطيرة شجون ما قدرت لمن سمعت ان حالته خطيرة : شفيه سارة : صاده حادث و اهو الحين بالمستشفى قامت شجون من غير ما تفكر بشي بس تبي توصل لخالد .. و طلعت برا .. و ركبت سيارتها ... لحقتها لبنى و سارة .. ركبوا معاها بالسيارة .. طلعت وراهم يدتهم .. اليده : لبنى وين يا بنيتي لبنى : بروح معاهم اليدة : وين بتروحين الله يهديج لبنى : يمه عفيه بروح مع شجون اليده : و المعازيم و احمد .. لبنى : شجون محتاجة لي اكثر و مشيوا .. طول الطريج و شجون ساكته .. و تمشى السيارة بسرعة .. بس تبي توصل المستشفى ..هني شجون حست بندم اكثر .. يعني الحين بهالحظة يمكن تخسر خالد و عطول .. بس هالفكرة هذي يننتها .. فوقفت بنص الطريج و صارت تبجي .. لبنى : شجوووووون علامج و اهي مواصلة بجي لبنى : تدرين نزلي انا الى بسوق عنج طلعت شجون من السيارة و خلت لبنى تسوق عنها .. بس و اهي بسيارة .. فكرة موت خالد ما راحت عن بالها .. و اول ما وصلوا المستشفى .. طلعت من السيارة ركض .. و سألت عنه .. شجون : وين غرفة خالد الممرضة : بالطابق الثاني ثالث غرفة على اليمين صعدت الطابق الثاني .. و لقت الكل هناك عمتها ام خالد و عمها ابو خالد و شاكر و فيصل و فارس و نغم .. الكل هناك .. و من ويوهم حست ان خالد خلاص راح .. وقفت عند الغرفة .. و طلت من الباب .. و لقته على السرير و الاجهزة مالية جسمه .. ما قدرت اتحمل الى قاعده تشوفه .. صارت تبجي بقوه .. و بهالحظة هذي مرت عليها كل الايام الحلوة الى قضتها مع خالد ... و حست بحسره وندم .. لمن كانوا بالمطار خالد : منو شجون : هذي سارة خالد : و الين هني لاحقتنا ههه شتقول شجون مرتبكة : تسأل عن اختها خالد : شدعوة عاد ياهل شجون : تخاف علي خالد : من شنو شجون : منك خالد : مني و ليش شجون : ليش ما تدري خالد : لااااا شجون : تخاف تاخذني منها خالد : ليكون اهي شريكتي و اهم بالطيارة شجون : اقول اربط حزامك و بسك كلام فاضي خالد : ليش شجون : الطيارة بتطير خالد : شنو الطايرة بطير وي شجون : علامك خالد : نسيت اقولج ان عندي فوبيا من الطيران هني شجون ما قدرت صارت تضحك عليه : ههههههههههههههههههه خالد : علامج شجون : ريال طول و عرض و مسوي روحك رزه و تخاف من طيارة خالد : شسوي بعد هذا الى صار شجون : زين عيل اربط حزامك خالد : شايفتني ياهل اربط حزامي اقولج فيني فوبيا من الطيران تقولين لي اربط حزامك شجون : بعد شتبيني اسوي لك خالد : تاخذيني بحضنج و تمسحين على شعري الى يهفهف و تعطيني بوسة قبل النوم شجون : انا ماخذه لي ياهل و لا ياهل لمن كانوا بالمطعم الشامي بروما طارق مبحلق عينه على شجون : و المدام شجون : اممممم انا ابي ريش و عصير ليمون طارق : لك على عيني و مشان خالد هيدا صحن دجاج مشوي من عندي هدية خالد : تسلم يا الحبيب طارق : الله يسلمك و يخليك لشجونة حبيبتك شجون : هههههههههه طارق : تسلم لي ضحكتك يا حلو خالد : احم احم زين بس خلاص ما نبي شي طارق : سواني و كل شي جاهز و بعد ما مشا عنهم ..شجون : يا حليلة خالد : احم احم نحن هنا شجون : هههههههههههه لمن كانت على البحر و زعلانه من خالد " سهيت بصفحة كتابي لقيتك باول الاوراق (للعلم كان كتاب عالم الحيوان) " فتحت شجون المسج و اول ما قرته ضحكت و لمن عرفت انه من خالد نزلت راسها و دخلت الموبايل داخل الجنطة ... قرب خالد منها و همس بأذنها : على فكرة كانت الصفحة الرابعة .. انواع البط في افريقيا لفت شجون راسها : خخخخخخ ما تضحك خالد : هذا و انا شايفج تضحكين شجون : ما كنت اضحك خالد : عيل شنو توكوكين شجون : اسكت لا اطلع الخافي طلع خالد الوردة لشجون : هذا الخافي في قلبي شجون : ايه قص علي بهالكلام خالد : افا انا اقص عليج من متى هذي شجون : من الاسبوع الثاني لنا بروما خالد يا زعم رومانسي ركع جدام شجون : سوغي سوغي شجون : مابي خالد : عاد شجون عن البياخة قلنالج سوغي بالغوماني هني يوم كانوا بيروحون حفلة ريماس خالد : ايه ده شجون : بايخ خالد : ايه الجمال ده شجون : اوووه لا تطالعني جذي عن البياخة خالد : دنتي امر شجون : امر بعينك و خالد مو شايل عينه شجون : بس عاد خلاص .. اف لازم اقول يعني استحي يا اخي علامك حس على دمك خالد : هههههههههه تستحي مني شجون تستحي شجون : ليش غير البنات خالد : اكيد غير مو انتي حبيبتي و توه مقرب منها , الا تعطيه شجون ظهرها و تروح عند المرايا : يلا بسرعة غير هدومك خالد : شنو شجون : ايه يلا و لا هونت و قرب منها مرة ثانيه و همس بأذنيها : شرايج بعشى رومانسي على كيف كيفج شجون : مابي و هني باليخت شجون : صوتك ييب المغص خالد : انا صوتي ييب المغص ..؟ شجون : ايه خالد : عيل ما سمعتي البومي اليديد الى كسر الدنيا شجون : وي قطيعه سمعنا اشوف خالد : احم احم .. كح كح احووو . حم شجون : علامك شقاعد تسوي خالد : اسوي تحمية لاحبالي الصوتية شجون : اهااا خالد : اخاصمك اه .. اسيبك لا لااااااا .. انا دانا انا دن دن .. فتح عينك تاكل ملبن .. رجب حوش صحبك عني .. رجب صحبك جنني .. رجب قرب طمني .... شجون ما قدرت صارت تضحك و تضحك فاطسة ضحك عليه : ههههههههههههههه خخهههههه هههاااي شنو هذاههههههه خالد : ايه حلو مو ادري تبين اسمعج غيرها شجون : هههههههههههه لااا تكفى لاااا هههههههه و هني لمن كانوا على الجزيرة مسك خالد يد شجون .. و طلع من جيبه خاتم و لبسه لشجون .. و شجون بعدها مستغربة .. شجون تطالع بالخاتم : شنو هذا خالد : غيرت الفص الاحمر و خليته اسود شجون : و ليش اسود يعني خالد : لاني احب الاسود شجون : اهاا بس هم احلا من الاحمر خالد : شجون انا ابي افتح معاج صفحة جديدة شجون : مو احنا من زمان فتحناها خالد : لا ابي افتحها من اليوم .. اعتبري الى راح كان تجربة صغيرة و استفدنا منها شجون : اممم خالد يطالع بشجون و مستغرب من ردها .. ما يدري انها حاملة بيدينها كومة رمل .. شجون : تدري انا ما ستفدت منها غير .. ( و قطت الرمل بويهه ) هذا خالد : عمى بعينج شنو هذا شجون : هههههههه فيتامين لويهك اعتبره ماسك خالد : ماسك هااا هين اوريج قام لها بس اهي شردت عنه : وين بتروحين يعني مردج بتيين بعدين لقت شجون فارس .. ياي و معاه الدكتور .. توها بتسأله عن خالد ... الدكتور : انتي زوجة خالد موو شجون تمسح دموعها : ايه الدكتور : خالد نزف وايد خلال الحادث .. و حطينا عليه دم بس الكمية مو كافية .. فياريت تيين معاي عشان نشوف فصيلة دمج اذا تلائم مع خالد .. راحت شجون معاه .. و اخذ منها دم ... و انتظرت شوي .. بس للاسف دمها ما يصلح له .. شجون : شلون يعني بتخلونه جذي الدكتور : و الله ما ادري سارة : انا يمكن دمي يصير معاه شجون : سارة ..؟ سارة : شنو لا تخافين بطلع هالدم من عينه بس خله يصحى راحت سارة معاهم .. و بالصدفة طلع دمها يصلح لخالد .. فأخذوا منها دم .. و نقلوه لخالد .. وقفت شجون عند الدكتور تبي تعرف اكثر عن حالة خالد .. شجون : دكتور الدكتور : شنو شجون : شلون خالد الحين الدكتور : حالته مستقره شجون : شلون يعني الدكتور : احنا كنا خايفين ان سالفة هالدم هذي تسبب له مضاعفات بس الحمد الله سيطرنا على الوضع شجون : ليش اهو من متى هني الدكتور : جذي من يومين شجون : زين ليش ما خبرتونا الدكتور : ما كنا نعرف عنه شي بس اليوم لمن الشرطة صارت تدور بالمستشفيات عنه .. لقوه عندنا شجون و لدموع ماليه عينها : زين يعني بيعيش الدكتور : ايه بيعيش انشاء الله شجون : ما فيه شي ثاني الدكتور : بلى عنده كسر برجله اليسار .. و عنده رض بالرقبه و مفاصل اصابعه .. شجون : بس بعد ما عنده شي ثاني الدكتور : بلى .. من امس الين اليوم لاحظة عنده شي غريب خافت شجون : شنو الدكتور : طول الليل يون و يقول شجون .. منهي شجون هذي شجون صارت تضحك : ههه هذي انا الدكتور : اهااا .. عيل لقينا دواه شجون : و شنهو دواه الدكتور : روحي له علامج قاعده هني شجون : لا بس كنت ابي اتطمن عليه الدكتور : ما فيه الا العافية شجون : متى بتشيلون الاجهزة من عليه الدكتور : قريب انشاء الله شجون : لان شكله بالاجهزة يخرع الدكتور : لا تخافين عليه مافيه شي شجون : زين عيل ما بطول عليك .. شكرا الدكتور : هذا واجبنا و توها بتمشى الا تذكر شي ... : دكتور الدكتور : شنو شجون : اقدر ادخل عليه ..؟ الدكتور : مو قلت لج انتي دواه ابتسمت له و راحت لعند غرفته .. طلت بالغرفة .. بعدين دخلت .. صارت تمشي شوي شوي .. قربت من سريره .. و لمن شافت حالته .. قلبها تقطع عليه فصارت تبجي .. .. قعدت على الكرسي الى جنب السرير .. و مسكت يده .. باست يده و قربتها لعند خدها .. بعدين ظلت تطالعه .. و الغرفة هدؤء مافي غير انفاسهم .. و اهي سرحانه و تطالع فيه .. قعد خالد يبي يخرعها .. قال بصوت عالي ..: بس هذا الى قدرتي عليه بستي يدي فزعت شجون منه : بسم الله الرحمن الرحيم .. علامك جذي خرعتني فطس خالد عليها ضحك : هههههههه اخترعتي شجون : ما تضحك خالد : الا اضحك و نص شجون : ما تضحك خالد : اضحك شجون : لا خالد : ايه شجون : اووووووه عن البياخة خالد : يعني ما ارتحتي الا لمن كسرتيني شجون : سلامتك يا قلبي عساه فيني و لا فيك خالد : عساه شجون : صج ما تنعطى وي خالد : طالع عليج شجون : ايه وايد خالد : الا شلون خلودي الصغير شجون : منو خالد يطالع بطنها ..شجون : لا تخاف ما يسلم عليك خالد : افا و هذا و انا ابوه شجون : ابوه على الطل خالد : افا بس افا هذا و انا الى احبك شجون : اهو ما يحبك خالد : اكيد ما بيحبني دامج انتي امه من وين بيحبني شجون : انت الى خربت على روحك .. و على فكرة وين ورقة طلاقي خالد : و ردينا انتي ما تيوزين يعني لازم تذبحيني شجون : امزح علامك حراام المزح خالد : ايه حراام التفت خالد على يده.. و فصخ خاتم شجون بس بعد ما مسح عليه بيده .. اخذت يد شجون و حطاه بصبعها .. خالد : سوري عاد تشمخ من الحادث شجون : ليش مو الماس على قولتك خالد : الاحجار الكريمة وايد و هذا واحد منهم شجون : و الله انك شلاخ خالد : شنو يعني تبيني اخذ لج الماس بذيك السالفة شجون : برهنت الحين انك لجة خالد : انا لجة زين شجون : ههههههه خالد : علامج شجون : و لا شي و بقاعة الانتظار .. كان فارس قاعد على الكرسي .. فدخلت لبنى عشان بتقعد على الكرسي الى بقسم الحريم .. بس من خوفها على حاله شجون و خالد ما انتبهت لفارس .. قعدت على الكرسي .. كان فارس يطل عليها بين فتره و الثانيه بس اهي ما تعطيه وي .. او اصلا اهي ما تدري انه هني ..فدز لها مسج .. و بما انها مغيره رقمها يعني مسحت رقم فارس منه .. " أخــذت حـبـي وودي وكـل أحاسيسي الرقـيقة تـرى قلـبي على قـدي وانـت دلـيت طـريقـة تـبي جـوابــي وردي ومشـاعري عـالحـقيقة لـو هي ظـروفي بيـدي مـا اغيـب عنـك دقـيقة " فتحت لبنى المسج و بعد ما قرته اسغربت يعني منو هالفاضي الى داز لها هالمسج .. فما ردت على المسج .. انتظر فارس بس ما شافها ردت فدز مسج ثاني .. " طال البعاد ولوع القلب فرقاك ومن غيبتك صاب المولع مضره اسهر طوال الليل واعيد ذكراك واراجع الماضي وبالقلب حره يذكر زمان فات بالخير وياك الله يعيده لو بالأيام مره " فتحت المسج و لقت انه نفس الرقم الى دز لها من شوي مسج فردت بمسج .. " منووووو ..؟ " لمن شافه ردت عليه " أنا مجرد بشر,, والشوق لوعني,, كني غريب لقى ((بعيونك أوطانه)) " احتارت لبنى تبي تعرف منو .. بس ما تدري .. كلش ما يا على بالها انه فارس .. فما ردت عليه قالت اكيد هذا واحد قليل ادب و فاضي قاعد يلعب عليها .. فدزت له و بعصبية .. " يا قليل الادب دور غيري تلعب عليه .. الناس مهي بفاضية لك .. و لاشكالك .." لمن فتح فارس المسج صار يضحك .. بعدين قام و قال هذي الظاهر مضيعة رقمي .. بس اهو ما يبي يحسسها انه كان قاعد هني .. فطلع من غرفة الانتظار و بعدين دخل مرة ثانيه .. يا زعم قاعد يدور على نغم .. فارس : نغم .. نغم ... و لمن وصل لقسم الحريم .. لقى لبنى قاعد هناك .. و سوى روحه توه يشوفها .. فارس : لبنى ..؟ رفعت لبنى راسها .. و لمن شافت فارس ابتسمت بس لمن تذكرت ان بينا و بين احمد ورقة و قلم .. سكتت .. لبنى : هلا فارس فارس : مبروووووك يقولون اليوم الملجة لبنى : ايه فارس : الا شيايبج هني لبنى : وصلت شجون قعد فارس بالكرسي الى يمها :: الا ما شفتي نغم لبنى : لااا فارس : اممم شلونج لبنى : تمام فارس : هاا متى العرس على خير لبنى : ما حددنا بعدنا فارس : اهاا و ظلت لبنى ساكته و منزلة راسها .. همس فارس بأذنها ..: عيل انا قليل ادب هاا تذكرت لبنى المسج الى دزته من شوي .. و صارت تضحك ..: شنو هذا انت فارس : لا يدي لبنى : بس شلون فارس : بهالسرعة نسيتينا لبنى : لا بس غيرت رقمي فارس : اهاا .. بعد احتياطات لبنى : ايه فارس : ليش احمد مو معاج لبنى : اهو هناك مع الرياييل و الشيخ فارس يقول بقلبة انشاء الله لا : ليش ما ملجتوا لبنى : لااا فارس : ما تبينه لبنى : لا مو هذا بس طلعت مع شجون فارس : اهاا .. سكت فارس شوي بعدين قال ..: انتي بعدج تحبيني لبنى لا شعوريا : ايه فارس : و انا هم احبج كأن احد ساكب عليها ماي بارد : شنووو لا يعني اقصد احبك مثل اخوي لا تفهمني غلط فارس : و انا بعد احبج مثل اختي ليش انتي فكرتي اني احبج احبج يعني لبنى : لا من يقول فارس : يلا عيل نخليج لبنى : وين قام فارس : بدور على نغم لبنى : فارس فارس : شنو لبنى : انا احبك فارس : ادري لبنى : لا احبك يعني مثل .. اممم حبيبي فارس : اهاا .. بس هالكلام طاف وقته انا بخطب لبنى : ليش فارس : شنو ليش لبنى : لا اقصد يعني بتخطب منو فارس : بخطب بنت لبنى : ايه اكيد بنت عيل ريال .. منو هالبنت فارس : بنت اسمها لبنى لبنى منحرجة : انا فارس : لا انا لا شعوريا قامت و حضنته : و انا قابلة فارس : علامج انتي لبنى : ايه مو اخاف تهون فارس : زين جاملي يعني قولي بفكر لبنى : فكرت من زمان و انا ابيك فارس : زين عيل نقرا الفاتحة لبنى : ههههههه ايه دخلت عليهم نغم .. و لمن شافتهم مع بعض استغربت ..: احم احم فارس فارس : هلا نغم نغم : صار لي ساعة ادور عليك و انت هني فارس يطالع بلبنى : ايه بعد الشروط هزت نغم براسها و اهي طالعة .. و بعد فترة جذي اسبوع طلع خالد من المستشفى و صار ياخذ علاج طبيعي حق رجله و بالمرة يتعالج عن الادمان .. و اكيد رد لشجون .. و هم لبنى بعد قالت انها ما تبي احمد .. و بعدها بسبوعين خطبها فارس .. و من كثر ما اهي فرحانه .. خلت الخطوبة و العرس بيوم .. خايفة انه يغير رايه ... و بعد الملجة بشهر كان يوم عرسهم .. و الكل هناك الحبايب و القرايب .. و اكيد بعد العرس بياخذها فارس شهر عسل .. بس اكيد مو روما .. قالوا بيقضون شهر العسل بتايلند .. طبعا اهو مو شهر شهر يعني اسبوعين جذي و بيردون و الكل هناك بالمطار بعد هذي لبنى مو أي وحدة .. شجون : هااا دير بالك تزعلها فارس : لبنى بعيوني خالد : ما عليك منها غير العين الحمرة لا تعطيها لبنى تخصر لخالد : لا عيوني سارة : لبنى هالله هالله بالصوغة عااد نغم : ايه نبي اغراض خالد : عيب عااد استحوا شجون : ايه و لا تنسين خلودي لصغير ييبي له شغلات حلوة لبنى : افا عليج كل شي حلو باخذه له فارس : ايه عااد مو كل شي له خلي شوي لنا لبنى : انا كلي لك خالد : لا تصدقها ترى كله كلام فاضي شجون : فاضي انتوا يا الرياييل ما يترس عينكم غير لتراب خالد : لا مو كلهم يعني عندج انا مثال حي فارس : زين يلا نشوفكم شجون : علامك مستعيل اصبر شوي فارس : ورانا درب خالد يغمز لفارس : عندك اياها بالطيارة يننها فارس : الفوبيا تقصد خالد : ايه يعني و اشياء اخرى شجون : حركاتك نعرفها خالد : لا بس يعني اعلمه شلون يعامل لبنى لبنى : تعلمة و لا تسوس براسه خالد : يعني شوي جذي و شوي جذي فارس : ههههههههه لبنى تحضن شجون بقوه : بتوحشيني يا دبة شجون : و انتي اكثر لبنى : سلمي على امي وايد وايد شجون : انشاء الله فارس : يا مع السلامة خالد : مع السلامة سارة + نغم : لا تنسونا لبنى : ههههههه انتوا احد ينساكم سارة : الصوغة يعني خالد يطالعهم و اهم ماششين : شرايج نروح معاهم شجون : لا ناقصة انا الى ياني من روما كفاني و هم تبينا نروح تايلند خالد : ايه تايلند حلوة شجون : حلوة من أي ناحية خالد : من جميع النواحي شجون : ايه خالد : عندهم بحر هناك شجون : صج و الله اقول مش جدامي خالد : ايه صج .. شجون خلي نروح شجون : لاااااااااا . . . . تأليف : سحر الليل من سحورة المحسورة Quote Link to comment Share on other sites More sharing options...
حلا الكويت Posted سبتمبر 3, 2007 Report Share Posted سبتمبر 3, 2007 يعطييييييج العافيه سحوره على القصه الروعه وننتظر جديدج Quote Link to comment Share on other sites More sharing options...
سحـر الليل Posted سبتمبر 3, 2007 Author Report Share Posted سبتمبر 3, 2007 تسلمين حبيبتي هذا من ذوقج من سحورة المسحورة Quote Link to comment Share on other sites More sharing options...
السمكة المفترسة Posted سبتمبر 3, 2007 Report Share Posted سبتمبر 3, 2007 يعطيج العافية سحووور القصة روووعه تسلمين Quote Link to comment Share on other sites More sharing options...
عوووشه Posted سبتمبر 3, 2007 Report Share Posted سبتمبر 3, 2007 يعطيج الف عافيه على القصه تسلمين والله ولا تحرمينا من قصصج Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.