ام عبادي Posted أغسطس 21, 2007 Report Share Posted أغسطس 21, 2007 يسلموو على البارت نبي بارت طويييييل Quote Link to comment Share on other sites More sharing options...
me-me Posted أغسطس 21, 2007 Report Share Posted أغسطس 21, 2007 ثاانكس Quote Link to comment Share on other sites More sharing options...
شموخ المشاعر Posted أغسطس 21, 2007 Report Share Posted أغسطس 21, 2007 خيتو وينج وين القصه ؟؟؟؟؟؟؟؟؟؟ تحياتي اختج شموخ المشاعر Quote Link to comment Share on other sites More sharing options...
غصون المحبة Posted أغسطس 21, 2007 Report Share Posted أغسطس 21, 2007 يسلمووووو على البارت ننتظر البارت الجاي لاطوولين علينا Quote Link to comment Share on other sites More sharing options...
مهــاوي Posted أغسطس 21, 2007 Report Share Posted أغسطس 21, 2007 هلا والله .. يسلمووو على هالقصه بس شكلج كذا بطولييييين؟؟؟ قوليلنا من الآخر شبيصييير؟؟ تكفــــــــــين لاتطولينها والله يعطيج العافية Quote Link to comment Share on other sites More sharing options...
m!s$ V!p Posted أغسطس 21, 2007 Report Share Posted أغسطس 21, 2007 قصة في قمة الروووووعة .. ننتظر البارت الجاي ع احر من الجمر والله يعطيج العافية ع هالقصة وياليت ماطولين عليناا .. Quote Link to comment Share on other sites More sharing options...
بنت مملكة بوسلمان Posted أغسطس 21, 2007 Author Report Share Posted أغسطس 21, 2007 اشكر كل متابعين قصتي وسامحوني على القصور : (( الجزء التاسع )) : في بيت بوراشد كان الكل متجهز عشان يروحون عيدميلاد جنى لكن شيماء ماكانت تبي تروح عقب الموقف اللي صار امس مع حنان ومنار فقالت بتسوي روحها مريضة بوراشد : يلا يا ام راشد تأخرنا ام راشد : انا بارزة بس وين العيال راشد : يمة وفاء راحت ويه ريلها قبلنا بوراشد : وشيماء وينها ام راشد : الحين اناديها راشد : يمة خلج انا بناديهاا اما في بيت بونواف فكانت الاغاني والوناسة والفرح ماليه البيت والكل فرحان بجنى وفاء : السلام عليكم الكل : وعليكم السلام وفاء وهيه تحب جنى : كل عام وانتي بخير حياتي وهذي هديتج حنان : مشكورة ياوفاء وفاء : العفو تستاهل مرت ولدي جاسم : حيالله بوعبدالرحمن شخبارك خالد وهوه حامل عبدالرحمن : الله يحيك انا الحمدالله تمام جاسم : عطني حماني ببنصوره ويه جنى ام نواف : وفاء الا وين امج وابوج ونواف وفاء : احنا سبقناهم بس اهمه ياين ورانه جنى : خالي بدر قثيت علي قلت بتبلي هدية ومابتلي (( ترجمة كلام جنى خالي بدر قصيت علي قلت بتيبلي هدية ومايبت )) بدر : بل ماتنسين نواف يالها وهوه حامل كيس وردي : حبيبتي جوجو ماعليج من بدر انا يبتلج وهذي هديتج جنى تبوس خالها : ثكرا بدر : جنوي بعطيج شي غالي علي بس هالله هالله فيه جنى بفرح : ثنو (( شنو )) بدر شال ميدلية مال مفتاح غرفته وعطاهة : هاج بس ديري بالج عليها ترى هذي الميدلية غالية علي ها جنى : خالي فثلتنا هذي هدية (( فثلتنا = فشلتنا )) بدر : لاوالله زين مني بعد عطيتج يبيها إذا ماتبينها حنان : لالا نبيها حق مفتاح شقتنا ينفع هههههههههههههه وشوي الا داخلين بيت بوراشد والحمدالله ان راشد قدر يقنع شيماء انها تيي لانهم مستحيل بيخلونها تقعد في البيت بروحها بونواف : تو مانورت الحفلة الحين بتكتمل فرحتنا بوراشد : والله الحفلة منورة بوجودكم راشد : جنى هذي هديتج جنى : ثكرا راشد : العفوو بس لاتنسين تيبينلي هدية عقب شهرين عيدميلادي جنى : اوكي منار : راشد شخبارك راشد : الحمدالله تمام بوراشد : منار يابنتي شهالزين شحلاتج صايرة منار : من ذوقك عمي نواف شاف شيماء مبوزة فحب يعدل الجو : عمي عاد اكو بنتك زعلت تمدح بس منار شيماء اكتفت بالابتسامة حق نواف : بونواف : لا عاد هذي شيماء مانقدر على زعلها بدر : شيماء وينج ماتبينين شيماء كانت تبي تطلع عذر : والله موفاضية كله استعداد حق المدرسة بدر : الله يوفقج وفاء : بدر عاد السنة آخر سنة بدر : ايه والله ياوفاء فكـــــــــــــــــة من المدرسة خالد : شد حيلك عاد يب مجموع حلو عشان تدخل الجامعة بدر : افا عليك ام نواف : الله يبلغنا ونشوفك انت ومنار وشيماء متخرجين منار : آمين ام راشد : مابينكم الا سنة لاتخافون بتلحقونه بدر : ايه يعني وراي وراي هالثنيتن حتى في الجامعة مابفتك من ويهم بوراشد : ايه عشان تتحمل فيهم نواف : بروحه يبيله احد يتحمل فيه بونواف : لا يانواف بدر ريال جاسم : يلا تعالو نقص الكيكة حنان : منار حبيبتي شغلي اغنية العيدميلاد منار : انشالله وفاء : يلا عاد كلكم غنو حق جنونة هابي بيرثدي الكل مع الشريط : هابي بيرثدي جنى جاجا هبي بيرثداي هبي بيرثداي هبي بيرثداي تو يو هيـــــــــــــــــه جاسم : يلا جنى طفي الشمعة جنى : اوووووووووووووووووووووووووف عقب ماطفو الشمعة راحو الكل يقعدون في الصالة يتعشون الا منار وحنان كانو يقصصون الكيكة عشان يقدمونها لهم بعد العشى ام راشد : وين حنان ومنار خلهم يون يتعشون ام نواف : لا بيبرزون الكيكة خليهم راشد : شيماء روحي ساعديهم لا بدر : رشود خلها تتعشى على راحتها عادي اهمه وياههم الخدامة شيماء بنرفزة على حركة راشد اللي احرجها : لا عادي انا شبعت بونواف : قعدي يبه اكلي شيماء : لا بس عمي بروح اساعدهم ام راشد : حبيبتي اذا احتجتو شي ناديني شيماء : انشالله في المطبخ كانت منار وشيماء يجهزون الكيك والصحون دخلت شيماء عليهم بهدوء شيماء : تحتاجون مساعدة حنان : شيماء حبيبتي جان تعشيتي احنا بنبرز شيماء : لا انا شبعت حنان : اوكي حبيبتي جهزي الصحون ويه منار لاني بروح اشوف جنى إذا تقدرين شيماء : اوكي طلعت حنان من المطبخ فكان السكوت مسيطر في المطبخ وكل وحدة تسوي شي ولا لاتكلم الثانية فقررت منار انها تبدي في الحجي منار : شيماء شيماء : نعم منار : شلونج شيماء : الحمدالله منار وقفت ويودت يد شيماء : شيماء شفيج علي إذا انا زعلتج بشي قوليلي شيماء : مافيني شي منار : لافيج شي عيل ليش ماتكلميني ولاتردين على مكالماتي شيماء وقفت وحضنت منار وقعدت تصيح ومنار نزلت دموعها غصبن عليها ونواف كان داخل المطبخ يغسل يده الا شافهم بهالمنظر نواف وهوه يصفر : ويووووووووووووووووووو منار : نواف نواف : ايه نواف عندج مانع خخخخخخخ المهم يلا يبو الكيك وبلا صياحكم وخرابيكم جنه ميت لكم احد منار وشيماء : ههههههههههههههههههههه شيماء وهيه تحط الكيك على الطاولة في الصالة : وهذي كيكة الحلوة جنى منار : اللي انا مسويتها بأيدي جاسم : لا والله انا حاجزها من المخبز متى سويتيها منار : الله يهداك جاسم ماتعرف تستر علي الكل : ههههههههههههههههههههههههه منار : اصلا انا قصيتها بالسجين يعني لازم تصير حلوة صح ولا لا محد رد عليها الا شيماء وراشد : ايه صح ام نواف تمد صحن الكيك حق بونواف : تفضل بونواف : مشكورة يالغالية بدر : يبه عيب مايغازلون جدام الاودام حنان : يعني هذا غزل شيماء عطت الكيك حق راشد : يود راشد : بل كلش مافي دلع ولا كانج بنية بدر : لاعاد حدك على شيماء هذي اصل الدلع شيماء : احم احم سمعت بدر شقال نواف : منار مابتعطيني كيك منار : افا عليك جم اخو عندي بدر : ثنينه منار وهيه تمد الصحن حق نواف : من قال انت اصلا ولد الجيران بدر : لاوالله منار : ايه إذا ماتصدق اسئل امي بعد ....... يمة مو صح بدر لقيناه يوم صغير في سلة مقطوط في الشارع وربيناه الكل : ههههههههههههههههههههههههههههههههه بدر وهوه مصدق الموضوع : صج يمه بونواف : هههههههههه لاعاد شفيك بدر تصدق راشد : لا بدور ترى صج اتذكر كنا نلعب انا ونواف ولقيناك منار : ايه صح بس ترى امي وابوي مايبون يجرحون احساسك فقالو انك ولدنا وفاء : بس عاد يننتو الصبي بدر : شفتي شلون ياوفاء يننوني خالد سمع صوت طفولي يناديه فلف الا شاف جنى تكلمه وهوه مو فاهم شتقوله جنى : عمي خالد ليث مايمشي هماني خالد : امبيه مافهم ترجمولي جاسم : ههههههههههه يا اخي تقولك ليش مايمشي حماني وفاء : حبيبتي لانه حماني بيبي توه صغير لين كبر مثلج جذي بيمشي شيماء : خالد ماتصلح ابو ماتفهم حق لغة جنوي شلون بتفهم عقب حق حماني خالد : والله جنى ماينعرفلها تبدل الحروف نواف : لاصراحة يحقلك ماتفهم انا خالها ساعات مافهملها جنى : بابا جاسم : هلا حبيبتي جنى : بابا في واهد همدالله والشكر عتاني ميدلية هدية بدر : امبيه فضحتنا هذي الكل : ههههههههههههههههههههه بونواف : حبيبتي جنى عاد فضحتي الولد جنى ببرائة : بابا عود هذا خالي بدر يعتيني ميدلية انا تتوي بالميدلية انا ابي لعبة بوراشد : اقول ياجنى يايبة الهدية مهما كانت يقولون عنها شكرا جنى مافهمت شسالفة راشد : يبه جنى شفهمها حق كلامك وووووووووة ووووووووووووووووووة وووووووووووووووووووووة على هذي الصيحة كان عبدالرحمن يصيح وفاء : خالد بس مشينا حماني مو راضي يسكت خالد : يلا عيل حنان : تو الناس وفاء : والله ودنا بس هالشيطون مو مخلينا ام نواف : الله معاكم ام راشد : ديرو بالكم على روحكم وفاء : انشالله يلا مع السلامة الكل : مع السلامة جنى استسلمت للنوم في حضن امها شيماء : ويه نامت جنى حنان : ايه وعليه اليوم قااعدة من الصبح منار : حنان تبين اوديها غرفتي حنان : لااخاف تصيح ومانسمعها راشد وقف راح يم جنى وصورها وكان الكل مستغرب منه نواف : رشود شفيك الحين قمت مرة وحدة وصورت جنوي راشد : احب صور اليهال وهمه راقدين بدر : ايه والله صاج فن برائة طفولية منار : تكلم عاد ولد الجيران خخخخخخخخخخخخ جاسم بغشمرة : عاد لازم ياراشد تستئذن تدري بنتي ممنوع التصوير عليها راشد : هههههههههههههههه ايه صح نسيت انها جنى بنت جاسم العالي لازم يسئذنون قبل تصويرها خخخخخ حنان : ههههههه صح لا بوراشد : يلا يا ام راشد مشينا بونواف : وين تو الناس راشد : عمي احنا من المغرب عندكم والحين الساعه 12 ام نواف : والله ماينشبع منكم ياولدي ام راشد : الايام ياية والحين تأخر الوقت يا ام نواف بوراشد وقف : يلا مع السلامة بونواف : مع السلامة راشد : نواف باجر بتصلك عشان نروح حق الربع نواف : ايه اوكي بدر : بايي وياكم منار : لحول رز ويهه ولد الجيران راشد : هههههههههههه انتي ليلحين على هالسالفة منار : لا صج راشد ماتغشمر ترى راشد : ولاتزعلين ولد الجيران ولد الجيران بدر : رشود ترى بزعل هاا راشد : انا اروح احسن قبل لازعل احد فيكم يلا فمان الله نواف وبدر : فمان الكريم شيماء : تصبحون على خير الكل : وانتي من اهله منار : راشد تحمل في شيوم راشد : قوليلها اهيه تحمل فيني مو انا اتحمل فيها منار : ايه صج شيوم انتي بعد تحملي فيه شيماء بستغراب : من ذيه اتحمل فيه ايه اوكي هههههههههههههههههه راشد : لا شيوم اكو ابوي وامي ترى بيمشون عنه شيماء : مع السلامة نواف : شيماء حسبتهم لج ولاعشرين مرة قلتي مع السلامة وتردين تسولفين شسالفتج اليوم رقدي عندنا بدر بفرح : ايه ايه رقدي عندنا شيماء وهيه طالعه من الباب : ههههه لا آخر مرة بقول مع السلامة صارت واحد وعشرين الكل : هههههههههههههههههه راح الكل وفضى البيت ومابقى الا منار وبدر في الصالة اما نواف فكان نايم حق الدوام منار حست انه بدر زعلان منها لانها قالت ولد الجيران وجذي فحبت تراضيه لانه غالي عليها وتحبه وايد رغم الهوشات اللي دايم بينهم منار : بدر بدر : شتبين منار : انت زعلان مني بدر : ليش فيه شي يزعل منار : ايه فيه بدر : خلاص يعني زعلان منار : بدر انا آسفة والله ماعيدها وعد وعد خلاص عاد سووووووووووري بدر ساكت ويطالع التلفزيون منار : بدر بدر بدر : خلاص رضينا يه منار : فديتك اخوي يلا بروح ارقد راحت منار ترقد لانها كانت تعدل نومها عشان تتعود حق المدرسة لانه باقي اسبوع وتفتح المدارس اما في بيت بوراشد فكانت شيماء متمللة لانه وفاء راحت بيتهم وهيه كانت متعودة عليها شيماء تقول في خاطرها : ياربي صج ملل شسوي انا الحين وعقب تفكير قالت مافيه الا اتصل على شيوم اتصلت على تلفونها وماشالته واتصلت على تلفون البيت وشاله بدر لانه كان الوحيد اللي قاعد حتى الخدامة راقدة بدر : الو شيماء : الو بدر : هلا والله شيماء : هلا بدر منار موجودة بدر : منار نايمة بس إذا تبين اقعدها انا حاظر لج شيماء بخجل : لابس خلاص خلها ترتاح يدر : إذا تبينها ظروري بقعدها شيماء : لا والله مو ظروري بس كنت متمللة قلت اكلمها ونسولف بدر : اهاا انزين نامي احسنلج شيماء: والله حاولت انام بس مافيني نوم بدر : امممممممممممم تصدقين مثلي شيماء : اهاا خلا اوكي بدر اخليك انا مع السلامة بدر : الله يسلمج شيماء سكرته وسرحت شوي مع احلامها الوردية بعدين ايقضها راشد من احلامها الوردية بصوته المزعج راشد : شيووووووووم شيماء : بسم الله الرحمن الرحيم شفيك تصرخ راشد : قاعد اناديج بهدوء ماتردين قلت مافي الا اصارخ عليج يمكن تسمعين شيماء : عاد تصدق توني بيلك غرفتك راشد : ههههههههه كنتي ماراح تلاقيني انا كنت ويه الربع وتوني راجع شيماء : رشود والله وايد ملل راشد : كلها ايام وترجع المدارس شيماء : افففففففففف لاتذكرني راشد : تعالي تحت نسولف شيماء : يلا في هالوقت بدر تعب من التفكير ونام على الكرسي في الصالة على امل احلام سعيدة بالحبيبة اما راشد وشيماء فكانو مسوين قعدة ويايبين لهم جبس وعصاير وياكلون ويسولفون وبطالعون التلفزيون راشد : خوش سهرة والله شيماء : ايه والله راشد : ناقصنا منار شيماء وهيه تغمزله : شمعنه منار راشد : ها لاقصدي منار ونواف وبدر شيماء : عليناا راشد : شتخربطين انتي شيماء : رشود انت تحب منار وكل شي باين في عيونك لاتخبي علي وانا اختك قص على الناس كلها بس انا فاهمتك عدل راشد بتنهيده : اه يا اختي احبها واموت فيها شيماء : ايوة ايوة اخوي عاشق ولهان راشد : تتوقعين اهيه تحبني شيماء : وتعشقك وتموت فيك راشد وهوه ينطر من الكرسي : شيوم حلفي قولي والله من صجج شيماء : ابه راشد : وشدراج شيماء : مثل ماعرفت انك تحبها عرفت انها تحبك كل شي واضح من نضرات عيونكم وكملوو سهرتهم وكانو يسولوفون عن منار وعن العيدميلاد وشيماء كان ودها تصارحه بخصوص بدر مثل ماهوه صارحها بس كانت خايفة من ردة فعله فسكتت وراحت نامت انتظرووووووووو الجزء Quote Link to comment Share on other sites More sharing options...
شموخ المشاعر Posted أغسطس 21, 2007 Report Share Posted أغسطس 21, 2007 تسلمين خيتو وبليييز لا تأخرين تنزلين البارت اللى عقبه Quote Link to comment Share on other sites More sharing options...
ملت مدامعنا Posted أغسطس 21, 2007 Report Share Posted أغسطس 21, 2007 (edited) تسلميييييييييييين حبيبتي ... وننطر البارت العاشر .. Edited أغسطس 21, 2007 by ملت مدامعنا Quote Link to comment Share on other sites More sharing options...
سندرا Posted أغسطس 22, 2007 Report Share Posted أغسطس 22, 2007 ننطر البارت الياااااي يسلمووووز Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.