][JaSSeM][ Posted أغسطس 22, 2007 Report Share Posted أغسطس 22, 2007 مرحبا .. كيف الحل ؟ .. أنا جاينكم أستفسركم .. و ياريت لو تخدموني و تنصحوني صج ! .. حبايبي .. أنا طلع لي تمهيدي هندسة كيميائيه ! .. أو خلينا أنقول هندسة كيميائيه ! .. (بس عندي سؤال هني .. شنو المقصود بـ تمهيدي ؟ .. ) طيب ... ! أحين بعد ما طلع القبول و كل شي .. ناس تقول لي أنه الجامعه مو إلى هناك و انه فيها ظلم ! و أنه الدكاتره إلا فيها حدث ولا حرج ! .. و أنه على التخصص إلا طلع لي .. باخد فيه 6 أو 7 سنوات ! .. هذا أكثر شي ! .. ( هو صحيح التخصص صعب ) .. ( بس هل صحيح أنه راح يطول المشوار ؟ في هالجامعه بالذات ؟ ) و أنه ما فيها نظام مسائي .. و إيضا ً دراسة صيف ما في .. بس يقولوا أنه رجعوها ! .. هل هالشي صحيح ؟! .. .. فما أدري يا أخواني و اخواتي .. جاي أبغى أعرف راي الكل في هالجامعه ؟ .. و عن شهادتها ؟ .. سواء طلاب الجامعه نفسها ! .. أو طلاب الجامعات الخاصه ! .. أخدوا راحتكم في الموضوع .. بس قلوا الصج ! يعني أظل في هالجامعه بهالتخصص .. لو أجوف لي جامعه ثانيه ؟! .. .. صحيح .. سؤال .. بالنسبه للمقابله .. كيف راح تكون ؟ .. أسئله عاديه ؟ .. ولا أسئله عبيطه ؟ .. و لا كيف .. يا ريت لو تقولون لي شلون ! .. ( معلش أعذروني .. ممكن تقولوا لي وين عايش ذا ما يدري عن الدنيا !! ) .. ( بس جاوبوني و إلا وياي في الجامعه باقوله حزتها ) .. سلام حلويـــن ! .. Quote Link to comment Share on other sites More sharing options...
A5er_El3n8ood Posted أغسطس 22, 2007 Report Share Posted أغسطس 22, 2007 السلام عليكم ورحمة الله وبركاته،، اول شي الف مبروك لك اخوي قبولك في تخصص هندسة كيميائية بالنسبة لكلمة تمهيدي تعني بأنك راح تاخذ اول كورس 3 مواد تمهيدية في اللغة الأنجليزية في حال معدلك اقل من 90 بس اذا كان 90 واكثر فكلمة تمهيدي مالها اي اهمية بالنسبة لتخصص الهندسة فأهو تخصص ممتاز بس ماعندي اي معلومة عن دكاترة الهندسة الجامعة ممتازة من حيث الشهادة واهي صج تعب لكن في النهاية تحس انك طلعت بنتيجة واهي شهادة قوية مافي شي تحصله بالسهل بتتعب بتحصل بتلعب مابتحصل شي لازم تحط على روحك من البداية من رأيي الشخصي ثبت قبولك في التخصص وانت مطمئن وايد غيرك يتمنون يكونون مكانك Quote Link to comment Share on other sites More sharing options...
عطر الأمل Posted أغسطس 22, 2007 Report Share Posted أغسطس 22, 2007 الأخت العنقود ما قصرت بس بالاضافة لكلامها.. اذا كانت هذي رغبتك أتمنى أنك تواصل فيها واذا تشوف انك مو حاب التخصص مافي شئ يجبرك تكمل لانه هاي مستقبلك بالنهاية.. Quote Link to comment Share on other sites More sharing options...
فلونة Posted أغسطس 22, 2007 Report Share Posted أغسطس 22, 2007 اذا كنت مهتم بالمستقبل الوظيفي قبل التخصص نفسه ورغبتك فيه فمعروفة ان تخصصات البزنس اللي فرصها اكبر حاليا واللحين في توجه حق الIT بعد فتخصصك اكثر شي يناسب البلدان الصناعية ,فعندك اهني البحرين ما اقول ما في اشغال بس محدود اشوي ..فممكن يتراوى لي تشتغل كمدرس لو تاخذ تربية او تشتغل في شركة البترول واللي معروفة اكثر شي اهني بابكو , يعني هاذي اكثر المجالات الوظيفية اللي ممكن تكون فيها .. فانت جوف اشلون قاعد يصير التوظيف اهني... بس من ناحية الجامعة زينة او لا هي يبغي لك تكون جاد اهم شي ,او حاط بالك ... لان العبء الاكبر يكون عليك . ومو لدرجة 6 سنوات يعني لو حطيت على روحك اكثرهم يكملون في 5 سنين يتراوى لي....وثاني شي وانت اشلك بالمسائي ) ؟ بس قلت لك لين حطيت على روحك ما بتتاخر و ما اظن في جامعه خاصة ثانية في البحرين تحمل هالتخصص,في حالة تبي اتغير الجامعه لنفس التخصص يعني . هاي البرنامج حق B.SC. in Chemical engineering http://www.eng.uob.edu.bh/departments/Prog...0November98.pdf اربع سنوات وهاي حق الكلية http://www.eng.uob.edu.bh/departments/chemical.html و اكو في احتمال يفتحون لكم ماستر بعد ... ومثل ما قالت اخر العنقود عن التمهيدي ان شالله احد من بتوع الهندسة يفيدك اكثر بعد Quote Link to comment Share on other sites More sharing options...
الغلا كلــه Posted سبتمبر 1, 2007 Report Share Posted سبتمبر 1, 2007 انا ما بتكلم عن التخصص لان ما اعرف عنه ولا شي بس اذا هذي رغبتك وانت حابها وتحس انك تلقى روحك في الهندسه الكيميائيه فاكيد اقولك خلاص ثبت القبول وانت مغمض .. انا توني في الصيف الحين كملت الدبلوم في الاعمال الماليه والمصرفيه فعشان جذي اقولك ان الدراسه كلش مو سهله بتمر عليك ايام بتحس انك مظلوم وبتيي ايام بتحس ان تدرس بس ما تحس بنتيجه يعني تدرس شي والامتحانات والكويزات شي ثاني .. غير الدكاتره اللي ما يعرفون يشرحون حدث ولا حرج .. اللي اقصده يعني ما تعتمد اعتماد كلي على الشرح في الجامعه لازم بروحك تدرس وتحفظ وتدخل موقع الكتاب وتحل اسئله يعني شغله طويله عريضه بس طبعا لما عقب هالتعب تحصل درجه سنعه راح تحس بالفرح .. هذي بس في جامعه البحرين .. في الجامعات الخاصه ومن كلام ربعي ان في دراسه وفي حفظ وفي بعض الجامعات كتبهم نفس كتب جامعه البحرين بس الفرق ان ما ياخذون كل المتيريال اللي مطلوب عندنا احنا في جامعه البحرين يعني اكيد بيكون اريح وافضل عندهم لذلك جامعه البحرين شهادتها اقوى وافضل .. اذا تحس انك تقدر على التعب والدراسه فانا اشجعك تواصل الطريج اما اذا تحس ان هالشي صعب اقولك روح جامعه ثانيه ترتاح فيها انا عن نفسي خذت دبلوم من البحرين وراح اكمل في جامعه خاصه ان شااء الله حق البي اس .. Quote Link to comment Share on other sites More sharing options...
* عذوب الكلام * Posted سبتمبر 3, 2007 Report Share Posted سبتمبر 3, 2007 المثل يقول "اسأل مجرب ولا تسأل طبيب" جامعة البحرين مو لأني طالبة فيها رح أمدحها.. بس هذا شي معروف إنها الأفضل وذات الشهادة الأقوى حتى من شهادات الجامعات الخارجية وتعادل شهادات جامعات أجنبية معروف صداها في مجال الدراسات العليا بس اخوي ماكو شي يجي بالساهل.. يعني جامعة البحرين اللي يبقى فيها اهو القوي والذكي اللي ينظم وقته و وقت دراسته، يعني بالعربي الفصيح "البقاء للأقوى" انا طالبة في كلية ادارة الأعمال والحمد لله ماشية عالخطة وكل شي من أحسن مايكون صحيح ان بعض الدكاترة يخلونك ماتحس بوجودهم وكأنك تدرس المادة ذاتي بنفسك وصحيح الأدارة الجامعية بعد تنفيذ المكرمات تتبع سياسة الجميع يذمها عليها بس اكيد الهندسة تخصص قوي وممتاز وصعب فيبي لك تشد حيلك وتتوكل على الله ومارح تندم ان شاء الله Quote Link to comment Share on other sites More sharing options...
![][JaSSeM][](data:image/svg+xml,%3Csvg%20xmlns%3D%22http%3A%2F%2Fwww.w3.org%2F2000%2Fsvg%22%20viewBox%3D%220%200%201024%201024%22%20style%3D%22background%3A%23a1c462%22%3E%3Cg%3E%3Ctext%20text-anchor%3D%22middle%22%20dy%3D%22.35em%22%20x%3D%22512%22%20y%3D%22512%22%20fill%3D%22%23ffffff%22%20font-size%3D%22700%22%20font-family%3D%22-apple-system%2C%20BlinkMacSystemFont%2C%20Roboto%2C%20Helvetica%2C%20Arial%2C%20sans-serif%22%3EJ%3C%2Ftext%3E%3C%2Fg%3E%3C%2Fsvg%3E)
Recommended Posts
Join the conversation
You can post now and register later. If you have an account, sign in now to post with your account.