ريم الحلوة Posted أغسطس 23, 2007 Report Share Posted أغسطس 23, 2007 هاااااااااااي يا شباب وبنات المنتدى موضوع الفقرة الجميلة الي يتكلم عن غموض النساء الكل اتفق وقال ان المرة مو غامضه وانها كتاب مفتوح وينفهم من الكلام هذا ان المرة الغامضة ما يفضلها الرجل وانا كان لي نفس الراي وانصدمت لما سمعت رأي ريماس | Suave S0ul وعقدت اجتماع مع ريماس و Reinad Almutairi في المسنجر ودار بينه حوار كشوخي ومنه تغير رأيي 180 درجة واقتنعت قناعة تامة في ان لازم المرة تكون غامضة وبنقل لكم الحين كل شي دار بينه بالتفصيل وابي اعرف اراء حضراتكم وخاصة الشباب ابي ردودهم صج يفضلون المرة اللي جذي والا لاء ؟ ============================ انه: للحين فيني فضول اعرف الاجابة غريبين الرجال ما تعرفين لهم اذا صارت كتاب مفتوح وقالت كل شي قالوا مصيبة هالمرة قرقة واذا سكتت قالوا غامضه ريماس: الاعتدال بكل الامور مطلوب القرقة ترفع الضغط والغموض قد يسبب جلطه انه: انزين ليش تفضلين الغموض اذا يسبب جلطه ريماس: مثل ما قلت لج مساع هذي طبيعة السكوت يحفظني من اشياءات كثيرة وهدوئي يخلي ردات فعلي تكون بسيطه ومحيرة للي جدامي انه : شلون يعني؟ ريماس:مثلا نظرة حاده او اي حركة ثانية تعبر على اني متنرفزة معصبة او متضايقه او اي كانت حالتيا نه: وخطيبج شلون متحمل الوضع؟ ريماس: خلي خطيبي على جنب مابي اخصه بالكلام انه: اوكي شلون يتحملون الوضع؟ ريناد: اذا كان عاهة او رقلة بيتحمل الوضع انه: هههههههههههههههههههههههه الله يغربل بليسج انزين رموس نبي نرسي على بر نبي نظرية نفهمها اي شي نفهمه ريماس: نظريتي واضحه وسهلة لكن مادري ليش الكل يدوج فيها وما يفهموها ريناد: خذينا على قد هبلنا وفهمينا ريماس: لغموض في الرياييل صفة فطرية وعشان جذي الغموض في المرأة يخليه ينجذب لها انه: سوري رموس وضحي شوي ريماس: اعيد واكرر الريال فطرة فيه الغموض والفطرة هذي تخلي الرجل قليل الكلام وقليل الكلام يؤتمن له فاذا ماوجد الرجل امرآة غامضة ينجذب اليها بسرعه اولا لانها تشاركه فطرته وثانيا يثق فيها اكثر من غيرها انه: ليش؟ ريماس: سألتيني ليش وفاتج كلامي من شوي قلت لج الغامض قليل كلام وقليل الكلام يؤتمن له فشي طبيعي ان الرجل يثق في المرآة الغامضة اكثر من غيرها اللاتي يراهن كالكتاب المفتوح بسبب افراغها كل مابداخلها من احساس وهموم واستياءا نه: توضيح دقيق شوي ريماس: ثقة الريال في قليلة الكلام اللي يضمن انها ما راح تطلع امور بيته ومشاكله لخارج نطاق البيت بعكس هذيج الهذرة اللي من تشوف قعدة حريم قالت الاكو والماكو هذي نقطة ريناد: يا حياة الشقى يا ليــل البعارين وفيها نقاط بعد هالرجال معقدينه معاهم بعد انه: والنقطه اللي وراها ريماس: النقطه الثانية انه ما يخاف من ردة فعلها لانه يعرف من غموضها وهدوءها انها اذا زعلت او تنرفزت وعصبت ما راح تثور وتقلب البيت على راسه ريناد: عيل شلون ترد عليه مو غير اصفقه بالطفاية لو يضايقني ريماس: رنود انا من اليوم اقول ردة فعلها السكوت او حركة تعبر عن اللي يجول بخاطرها واللي تحس فيه وردة الفعل هذي بتترك الطرف الثاني يسكت بعد ريناد: كيف؟ انه: انه بقول كيف فهمتها اذا كان الرجال معصب وزوجته صمتت وما تكلمت يخليه يهدىء من ثورته لانه اذا تكلمت يمكن يعصب اكثر عدل ريماس: عليج نور ريناد : فوزية بولند خلاص حفظنا الدرس انه: اقنعتيني والله ريماس: واضافة بسيطة يكون الريال مطمئن لها اكثر ويعرف ان هدوئها يتركها تفكر اكثر وتتصرف بحذر فدائما التروي والسكوت سببه الحذر شفيني دوجت بالموضوع السكوت والصمت يبعث على التروي والحذر في التصرف والتحكم في ردات الفعل انه: ماشالله عليج انزين رموس الريال يصبر على غموضها وسكوتها بس لانه يرتاح لها ويطمئن لها اكثر من امرآة ثانيه ريناد : ريومة شكلج بتصيرين نائبة رموس في الشسمه الفلسفة ريماس: وعلى فكرة تراني اعتقد ان الغامضة ناجحه دائما في حياتها الاجتماعية انه: شلون؟ ريناد: لانها حذرة واذا دخلت اي موقف شين او زين بردة فعلها البسيطه واللي قامت فيها بعد صبر وصمت وحذر يخليها تتصرف بحكمة ريماس: كلولولولولوووووووووش انه: هههههههههههههه اشلى اليباب الحين ريناد: ادري ليش لاني اخيرا شغلت مخي من اليوم وانا مابي اشغله ف22ا نه: ريماس سؤال بعد في الحياة انتي مع الرجال او المرة ريماس : الى جانب الرجل بالتأكيد ريناد: هذي اللي بصفقها بالطفاية اليوم كله مع الرياييل وبس ريماس: رنود شفتي ردة فعلج هذي تخليني اصر على اني الى جانب الرجل انه: ليش عاد ريماس: الرجل اكثر حكمة من المرأة واكثر عقلانيه لكن الحريم ناقصات عقل مندفعات بكل شي وتلاقين اغلب المشاكل يكون سببها المرأة ريناد : بذمتج الريال ما يسبب مشاكل؟ ريماس: اكيد في مشاكل يكون سببها الرجل ولكن انتبهي لكلامي قلت اغلب وليس كل ف11 ريناد : اوكيك لا تدفين ف32 ========================================== شرايكم في هالحوار ومن بعده صج يا شباب تفضلون المرة الغامضة والا العكس؟؟ ابي تفاعلكم مع موضوعي Quote Link to comment Share on other sites More sharing options...
Reinad Almutairi Posted أغسطس 23, 2007 Report Share Posted أغسطس 23, 2007 هههههههههههههههههههههههههههههههههههههااااي سويتيها ريومة ونزلتي المحادثة من جد اشوا انج حذفتي بعض الاشياء منها العقرة والقرقة اللي مالها لزوم والمداحر بيني وبين رموس ف22 ورايي تعرفينه اوافقها وما اوافقها الراي هو صج الرياييل يبيلهم تعذيب وهذا لكن مو كل بنت ممكن تكون غامضة الا اذا كانت طبيعتها جذي Quote Link to comment Share on other sites More sharing options...
محمد عجلان Posted أغسطس 24, 2007 Report Share Posted أغسطس 24, 2007 شفيكم انتو على الرياييل يعني لازم الريال يعصب عليكم يابنات وحتى لو كنتو غامضين يعني بتييبون الظغط وكل الامراض حق الريال صحيح انه الريال عصبي وشديد ويحتاج حق البنت الغامضة علشان يصرخ ويتكلم ويقول الي فقلبه ولين تعب سكت والبنية اذا ماراددته واهوة يتحجى ومعصب وترد عليه هلون بتصير مشاكل واااايد والله يعني فذمتكم في بيت مافيه مشاكل تره عندي راي وايد زين انه البنية الغمضة تصلح للريال العصبي وايد وماتصلح حق الريال الغامض انزي في الاخير تتوقعون لو في ريال غامض وبنية غامضة شراح يكون يروح موقفهم ممكن تردون علي يار ام ريان(رموسة ) وريم الحلوة وريناد المطيري ومشكورة اختي على موضوعج وتقبلو خالص تحياتي وامنياتي,,,,,, محبكم واخوكم,,,,,,, ولدالصـــــــــــــــــــــــــــــــــــــــــــــــــــــــــــ,,,,,,,,,,,,,,,,,,,,,,,,,,,,,,,,,,نــــــــــــــــــــــــــــــــــــــــــــــــــــــــــــــــــــــــــــ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,قــــــــــــــــــــــــــــــــــــــــــــــــــــــــــــــــــــــــــــــــــــــــ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,ــــــــــــــــــــــــــــــــــــــــــــــــــــــــــــــــــــــــــــــــــــل Quote Link to comment Share on other sites More sharing options...
.:!(coo coo)!:. Posted أغسطس 27, 2007 Report Share Posted أغسطس 27, 2007 مساكين الرياييل هههههههههه الله يعينهم على البنات Quote Link to comment Share on other sites More sharing options...
أمورة البحرين2 Posted أغسطس 27, 2007 Report Share Posted أغسطس 27, 2007 ناقلتها نقققققققل يعطيج العافية Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.