الملاك الحزين Posted أكتوبر 6, 2007 Report Share Posted أكتوبر 6, 2007 عساج عالقوه اختي ننتظر التكمله Link to comment Share on other sites More sharing options...
بتول السيد Posted أكتوبر 8, 2007 Report Share Posted أكتوبر 8, 2007 Link to comment Share on other sites More sharing options...
Manamiaعجميه Posted أكتوبر 8, 2007 Report Share Posted أكتوبر 8, 2007 تسلميين عل البااارت نتريااا اللي بعده Link to comment Share on other sites More sharing options...
شهلاء Posted أكتوبر 8, 2007 Report Share Posted أكتوبر 8, 2007 ننتظر البارت اليديد على احر من الجمررررررررر وثنكيوووووووو مقدماً ودائماً وابداً Link to comment Share on other sites More sharing options...
امووون Posted أكتوبر 8, 2007 Report Share Posted أكتوبر 8, 2007 يسلمووو Link to comment Share on other sites More sharing options...
دلوعة مغرورة Posted أكتوبر 8, 2007 Report Share Posted أكتوبر 8, 2007 وين البارت Link to comment Share on other sites More sharing options...
حلا الكويت Posted أكتوبر 8, 2007 Author Report Share Posted أكتوبر 8, 2007 مشكورين حبايبي على ردودكم الاكثر من روعه مثل ما عودتوني من بداية قصتي انا قلت لكم اني غيرت شوي بنهاية القصه وهالشي اهو الي كان يخليني اتأخر عليكم بتنزيل البارتات ..عشان ابيها تكون احلى واحلى وتنيل اعجابكم بحاول انزل لكم بارت ان شاء الله قبل العيد ...وعيدكم مبارك مقدما والله يعود علينا رمضان بالخير والبركه ويتقبله منا بمغفره بلا عذاب وجنه بلا حساب ودعاء مستجاب اللهم آمين اختكم : حلا الكويت Link to comment Share on other sites More sharing options...
ريم المها Posted أكتوبر 9, 2007 Report Share Posted أكتوبر 9, 2007 اللـه يعطـيج العافيـه أخـتي ,, وعساج من العايدين السعيدين Link to comment Share on other sites More sharing options...
حوريه المحرق Posted أكتوبر 9, 2007 Report Share Posted أكتوبر 9, 2007 شكرا اختي حلا الكويت على البارت وننتظر البارتات الثانيه وانشاء الله ماتطولين علينا عاد نبي عيديتنه بدل البارت بارتين وانشاء الله يكون عيد مبارك علينا وعلى المسلمين Link to comment Share on other sites More sharing options...
حلا الكويت Posted أكتوبر 12, 2007 Author Report Share Posted أكتوبر 12, 2007 الجزء السابع عشر الشركه بعد مرور شهر من موت ناصر... قام طلال وفيصل بتصليحات الشركه بعد الحريق .رد طلال للشغل مره ثانيه على ما يقوم جاسم من الغيبوبه... كان لاهي بالاوراق الي بيده ..رن موبايله ابتسم ورد عليه بسرعه طلال:تصدقين ولهت عليج حلا ترجع بالكرسي لي وره:وانا بعد طلال:للحين بالعياده؟ حلا:أي والله تعرف صار لي مده ما داومت واحس بتعب شوي طلال بخوف:سلامات حبيبتي شفيج؟ حلا:والله صداع طلال مادري من شنو طلال:اللحين جاي لج اوديج الطبيب حلا:لا حبيبي ماله داعي كليت بندول اللحين اصير احسن طلال:ديري بالج حبيبتي على نفسج حلا:ان شاء الله...انت شمسوي مع الشركه؟ طلال:فيصل ما قصر ساعدني وايد حلا :أي والله اهله كلهم ما قصرو بين معدنهم..الله يهني ميمي فيه طلال بغيره:وانا؟ حلا تحاول تكتم ضحكتها:انت شفيك؟ طلال:يعني فيصل احسن مني؟ حلا:هههه ما قلت جذي طلال بزعل:لا قلتي يعني انتي مو متهنيه وياي حلا:هههه طلال حبيبي شفيك من صجك زعلت؟ طلال :ايه حلا:لا حبيبي لا تزعل انت تسواهم كلهم طلال بفرحه:صدق؟ حلا:ههه أي صدق طلال:انزين متى نرد بيتنا؟ حلا:ههههه تو الناس باقي ساعتين على انتهاء الدوام طلال بملل:بيمرون علي كأنهم سنتين حلا:ههههه حبيبي لازم اخليك اللحين في مريض ينتظرني بره طلال بنرفزه:ايي يا حلووي صرفيني نفس كل مره حلا:ههه حرام عليك كلا ظالمني والله المريض ينطر طلال:اوكي ماردج لي بالبيت حلا:هههه..يلا مع السلامه رد طلال لشغله .. :قوه رفع عينه مصدوم من الصوت:....... تقعد بالكرسي الي قباله:شلونك حبيبي؟ طلال يوقف بصدمه:شذى شيايبج اهني؟ شذى:يايه عشانك حبيبي...عظم الله اجرك بعمك طلال بحزن:اجرنا واجرج مشكوره شذى:حبيبي ليش ما ترد على مكالماتي مو احنا اتفقنا.. طلال يقاطعها بعصبيه:شذى ارجوج سكري الموضوع..اتوقع تعرفين ان عمي الي توفى يصير ابو حلا ما اقدر اجرحها واهي بهالحاله شذى تروح له بدلع:حبيبي ماراح تدري بشي..انت تدري انك ماراح تستغنى عني مثل ما انا ما اقدر استغنى عنك طلال يحاول يتراجع:شذى اخير مره احذرج لا تقربين شذى بمكانها:حبيبي لا تلومني احبك والله احبك طلال بضعف:حتى انا احبج بس ما اقدر اجرح حلا فهميني يا شذى شذى تحاول تقنعه:ماراح تجرحها حبيبي صدقني طلال يقوم من مكانه ويعطيها ظهره :انا ما انكر اني احبج بس هم حلا احبها واهي زوجتي ما اقدر اخونها شذى توقف قباله: حبيبي انت بنفسك اعترفت انك تحبني وتدري مستحيل تنساني ليش تعذب روحك طلال يناظرها واهو ساكت يدري ان كل كلامها صح: بهاللحظه حلا دخلت المكتب لان شذى ما سكرت الباب يوم دشت ...طلال كان معطي الباب ظهره وشذى استغلت الوضع وسوت نفسها ما شافتها شذى تقرب منه وتحط يدها على صدره وبدلع:طلال تحبني؟ طلال بصدق:اكيد احبج شذى:اكثر من زوجتك؟ طلال بعصبيه خفيفه:شذى شالكلام..حلا قبل لا تكون زوجتي ترا هي بنت عمي واكيد احبها شذى تحوط رقبته بيدها:ادري حبيبي بهالشي ومتاكده ان حبك لي اكبر من أي حب طلال يشيل يدها بهدوء ويشد عليهم:حبيبتي حبنا حكم عليه الزمن بالموت قبل لا يبتدي شذى:نرد نحييه طلال بحيره:وحلا!!! شذى : ماراح تدري بشي طلال بحزن :ما اقدر اخونها شذى:نتزوج على سنة الله ورسوله طلال يرف عينه لها بصدمه:ما اقدر شذى فهميني..انا صج احبج وانتي حياتي كلها بس ما اقدر اتزوج على حلا شذى بدلع:يعني تحبني طلال يعبر عن حبه الصادق لها:كلمة احبج شويه ..طول الشهور الي مرت كنتي معي بكل لحظه ما اقدر اشيلج من بالي شذى لاحظت حلا الي طلعت من المكتب بهدوء من دون لا يحس طلال وعلامات الصدمه على ويها ودموعها ما وقفت ..كانت واقفه تشوفهم وتسمعهم ويدها على فمها تمنع صراخ من داخلها على خيانة زوجها لها وقبال عينها... شذى:قول لها طلال طلال بصدمه:شنو؟؟!! شذى :صارحها قول لها طلال:ما اقدر ما اقدر شذى بعصبيه خفيفه:ليش ما تقدر؟ طلال :راح تزعل وتضايق لانها مو مقصره معاي شذى:بس انت مقصر يا طلال دوم تفكر فيني واهي معك ليش تسوي بنفسك جذي الشرع حلل لك اربع وانت ماراح تطلقها طلال بحيره :مادري شذى مادري انا ما ابي اجرحها وهم ما اقدر استغنى عنج اكثر من جذي ..ما تدرين شنو صار فيني يوم شفتج بالمطعم قاعده ويا واحد ينيت توقعتج صرتي لغيري شذى بفرح:انا لك يا طلال وعمري ما اكون لغيرك قرب منها طلال بحب:خلاص حبيبتي انتي روحي اللحين وانا ان شاء الله افكر بهالموضوع شذى تقرب تساسره:احبك طلال تذكر هالشي طبعت بوسه خفيفه على خده وطلعت واهي تحس بانتصار ...طلال مهو قادر يتحمل بعده عنها اكثر من جذي ..كل ما يحاول يتأقلم مع فكره انه نسى شذى وحبه لحلا يملي حياته يرد يذكرها خاصة ان اهي ما تخلت عنه ...وهالشي مصعب عليه نسيانها مع ان حبه لحلا موجود ما ينكره... شقة احمد احمد بعد اخذ له اجازه يومين وراح فيهم العمره غير نفسيته ..يحس وايد ظالم غنيمه وياه مهو قادر يستحمل الوضع ... السفره وايد فادته وغيرت نفسيته...معاملته مع غنيمه ردت طبيعيه وغنيمه حاولت ما تسأله زود عن الي صارله الفتره الاخيره ما تبي تضغط عليه تنطره اهو يصارحها..وخاصة ان سالفة العيال تحولت للرفض من صوبه بعد ما كانت من صوبها.... كانو طالعين يتعشون بره ..دخلو الشقه والضحكه على ويوهم ..دخلت غنيمه تاخذ لها شاور اما احمد غير ملابسه وقعد بالصاله يشوف تلفيزون... طلعت غنيمه دورته بالغرفه ما لقته سمعت صوت التلفيزون بالصاله راحت له... غنيمه تطل عليه من المطبخ الي يطل على الصاله :حبيبي تبي معاي كوفي احمد شابك يده في بعض ويفكر :............... غنيمه تعلي صوتها:احمد اسويلك معاي؟ احمد انتبه لها:شتسوين؟ غنيمه :شفيك حبيبي صارلي سنه اسألك تبي وياي كوفي احمد:لا وراي دوام بس يبي لي معاج قلاص ماي غنيمه :اوكي ماسكه الكوفي بيد وقلاص الماي بيدها الثانيه ..جلست جنبه ومدت له قلاص الماي احمد:مشكوره غنيمه:بالعافيه لحظة صمت ..غنيمه حاسه ان وده يقول شي بس متردد غنيمه تلتفت عليه:احمد فيك شي؟ احمد يلهي نفسه بالتلفيزون:لا غنيمه ترد لقعدتها وتابع المسلسل:اوكي بريطانيا حور:ان شاء الله يبه بو حور:حبيبتي انا ما سويت جذي الي عشان مصلحتج حور ودموعها ما وقفت من يوم بلغها ابوها الخبر:الي تشوفه يبه بو حور :متاكده يبه؟ حور تغمض عينها بألم :أي يبه موافقه...كلها يومين وانا عندكم ان شاء الله بو حور:على خير ان شاء الله حور:اخليك يبه اللحين ..وراي شغل ضروري بو حور:اوكي حبيبتي ..ديري بالج على نفسج حور بقهر:ان شاء الله ..باي بيت فيصل قعد فيصل من النوم امبجر وبعد ما خلص من محاظرته راح لمخفر الشرطه الي اتصلو عليه ضروري بموضوع الي يخص فجر... دخل فيصل البيت بكل فرحه ينادي على انفال فيصل :نفوووله ..فوفي فوفي انفال تنزل من الدري بسرعه:خير فيصل شفيك؟ فيصل بفرحه:خلاص انتهت المشكله انفال مو فاهمه شي :أي مشكله؟ فيصل:فارس وبدريه انفال مستانسه:صج صج؟ فيصل :أي صج انفال:شلون.؟ فيصل يصعد لها:تعالي غرفتي اقولج كل الي صار بالتفصيل غرفة فيصل تم فيصل يقول لها كل شي بتفصيل فيصل :وهذا كل الي صار انفال: صج انه نذل فيصل:الحمدالله ان السالفه انتهت . انفال:الحمدالله فيصل:ما تدرين يا انفال شكثر كنت تعبان من هالموضوع ساعات ما اقدر انام الليل انفال تحط يده على جتفه:الحمدالله ازمه وعدت ونحمد ربنا انها وصلت لي هالحد وما انفضحنا جدام الكل فيصل ينفخ:آآآآآآآآآ خ ...الحمدالله انفال تقوم من على السرير:انا بروح ابشر فجر فيصل : وفهميها يا انفال ان الي صار لها درس بحياتها ولازم تستفيد منه انفال :ان شاء الله ويليت انت تسامحها يا فيصل انت تعرف شكثر فجر تحبك ومتعلقه فيك فيصل بحيره:مو اللحين انفال الي سوته مو شويه انفال تبتسم له:انا ادري ان زعلك عليها ماراح يطول لانك تحبها وتعزها فيصل :يصير خير راحت انفال لغرفة فجر ما لقتها ...نزلت تدور عليها ياتها الخادمه وقالت انها طلعت ويا نهى.... تمت انفال بالصاله تفر بالتلفيزون رن موبايلها ... انفال:هلا والله امامه :هلا بالقاطعه انفال:هههه سامحيني والله اموم بس انشغلت شوي امامه :تنشغلين عن حرمة اخوج انفال :فديتها مرت اخوي والله امامه : ايه قصي علي بهالكلام انفال:هههههه امامه:نفول شعندج اليوم؟ انفال:اممم ما عندي شي ..آمري امامه:ما يآمر عليج عدو...بس ان شاء الله اليوم انا عازمتكم انتي وفجر على العشى بره انفال:شنو المناسبه؟ امامه:ما في مناسبه بس عشان حلا تغير جو انفال :أي والله زين تسوين امامه :انا بمر على حلوي ومعي غنوم وننتظركم هناك انفال :اوكي أي مطعم تبون؟ امامه:حلووي تحب ميس الغانم الي على البحر انفال تذكر:اييه دليته امامه:اوكي عيل نشوفكم انفال :ان شاء الله امامه:باي انفال :باياات بيت طلال امس طلال رجع متاخر من الشركه بعد مقابلته ويا شذى ..وحلا استغلت الفرصه ونامت امبجر ...واهو يوم قعد الصبح استغرب انها للحين نايمه وحاطه ورقه جنبها كاتبه ((طلال حبيبي لا تقعدني حدي تعبانه ماراح اداوم اليوم)) لبس ملابسه سوى له كوفي على السريع شربها وطلع ...راح الشركه وكانت بانتظاره شذى.. حلا كانت حاسه فيه ...اول ما طلع من الغرفه دموعها بدت تنهل مثل النهر ... ((جذاااب جذااااب ...ليش اللحين ليش اللحين...ليش ما صارحتني يا طلال ليش ظلمتني وظلمت نفسك..ليش مثلت علي ليش )) بنفس الوقت بالشركه تستقبله شذى بابتسامه:صباح الحب طلال بابتسامه:صباح الخير ..شتسوين بالشركه؟ شذى تروح له : عازمتك على الريوق طلال :تصدقين عاد مو متريق شذى استغلت الوضع :افا حبيبي يوعان وانا موجوده اللحين اعزمك على احلى مطعم بالكويت طلال :بس ما نتاخر وراي شغل شذى تمسك من يده :من عيوني ..بس يلا خل نمشي طلال يوقفها :انتي روحي بسيارتج وانا الحقج شذى بوزت :ليش ؟ طلال:حبيبتي عشان بعدها ارجع على طول الشركه وانتي كملي طريجج شذى ما تبي تناقشه اكثر:اوكي حبيبي حلا خذت لها شور حار ريحت فيه اعصابها ...بعدها قعدت بالصاله تفكر بلي سواه طلال وشلون بتتعامل معاه ... قطع عليها تفكيرها تليفون البيت ردت ... حلا :الو نوال:حلا حلا:هلا والله خالتي نوال :هلا فيك حبيبتي كيف حالك ؟. حلا:بخير الحمدالله..انتي شلونج خالتي؟ نوال بفرحه:انا بخير قبل شوي اتصلو المستشفى خبروني ان عمج صحى من الغيبوبه حلا بفرحه:صج الحمدالله الحمدالله ...الحمدالله على سلامته نوال:الله يسلمك وين طلال خل يجي نروح له سوى؟ حلا بحزن :اتوقع بالشركه خالتي نوال:اتصلي عليه حبيبتي خليه يجي ياخذني حلا توهقت ما تبي تكلمه:ميمي وينها خالتي؟ نوال: اظن بالجامعه للحين ما جيت حلا :خالص انا اللحين اشوفها ونجي لج سوى ..لان طلال صعب يترك شغله اللحين نوال:اجل اسرعي يا بنتي انا انتظرج حلا:ان شاء الله خالتي نوال:مع السلامه حلا:مع السلامه دمعت عين حلا واهي تفكر حالتها ((شلون بتصرف معاه اللحين ..اهو ما يستاهل اني اسامحه ..ليش ما صارحني من اول جان رفضت اتزوجه وانا بنفسي اخطبها له...الله يسامحك يا طلال جرحتني وانا الي كنت اظن انك الوحيد الي عمره ما راح يتخلى عني..)) رفعت راسها شافت صورة ابوها..بجيها زاد وصارت تشاهق من البجي ((رحت عني يا يبه خليتني بروحي ..شلون اتصرف اللحين شسوي ..ما عندي احد بهالدنيا انت سندي الوحيد وتخليت عني الله يرحمك يا يبه ...شسوي اللحين ما اقدر اعيش معاه بعد اليوم ..)) رجعت راسها لي وره و تذكرت كلامه لها يوم يبلغها بوفاة ابوها ((حلا قلبها ناقزها:طلال شفيك؟ طلال يضمها لعنده:حلا صدقيني عمري ماراح اتخلى عنج..دوم بكون يمج حبيبتي حلا دمعت عينها من كلامه:ليش تقول كذا ؟ طلال يبعدها ويشد على يدها:عشان ابيج تتأكدين اذا كل الناس تخلت عنج برضاهم او لأ انا دوم بكون يمج لي يو مماتي)) قامت من مكانها بحركه هستيريه وحذفت كل الاغراض على الطاوله على الارض ((جذااااااااااااااب جذاااااااااب خاين ...ماراح اسامحك يا طلال ... لو تمووت وتريحني احسن ....ماراح اساااامحك طول عمري)) طلال الي ناسي نفسه بهاللحظه ..نسى انه متزوج.. نسى ان عنده زوجه تحبه وضحت عشانه نسى كل شي ...وصار جدامه بس شذى حبيبته .. شذى تناظره بفرح:احبك طلال طلال بنفس الشعور:وانا بعد شذى:حبيبي متى نتزوج طلال الي للحين ما حزم هالموضوع:لازم اقول لحلا قبل ما اقدر اتزوج عليها بالسر شذى بخوف:واذا رفضت؟! طلال بأنانيه:حلا تحبني وتتمنى لي السعاده اذا عرفت اني احبج ماراح ترفض شذى:ما في مره ترضى ان ريلها يتزوج عليها طلال بثقه:حلا غير عن الكل يا شذى ..اهي تدور راحتي وانا راحتي وياج ..وانا ماراح افرق بينكم ان شاء الله شذى :طلال لا تتخلى عني انا رفضت كل الي تقدمو لي عشانك طلال :عمري ماراح اتخلى عنج انتي لي يا شذى محد بياخذج غيري وطول الفتره الي انقطعت فيها عنج تأكدت من حبي لج شذى بتطير من الفرحه:اكيييييد يا طلال اكيييييييد على طاوله ثانيه حمد وعلي قاعدين يتريقون.... علي:الحمدالله يا حمد ما تدري انا شكثر مستانس انك بديت تتعالج حمد بحزن:الحمدالله يا علي لولا الله ثم انت جان انا للحين اتعاطى السم الهاري علي يشد على يده:انسى يا حمد وابدى حياة يديده حمد عيونه دمعت:انا انتهيت يا علي ...ابوي غضبان علي لي يومك هذا..ومحد بيوافق على واحد ماضييه مثل ماضيي الاسود علي:افا يا حمد شالكلام لازم املك يكون اقوى من جذي حمد :ما شفت نظرات ربعنا يا علي يوم دشيت عليهم الديوانيه الكل طلع منها كأني شيطان علي:ما عليه يا حمد انت اثبت لهم انك تغيرت حمد يمسح دمعته:الله كريم يا علي لا تتخلى عني علي:افا يا حمد شالكلام انت رفيجي ولا نسيت هالشي حمد:ربي يطول لي بعمرك علي:يلا عاد خلنا نتهني بريوقنا قبل لا نرد حق الكراف حمد :هههههههه شد انتباهه شذى ماسكه يد طلال طالعين من المطعم ...علي لاحظ سرحانه علي يلوح بيده جبال ويهه:وين رحت حمود؟ حمد انتبه له:ابد وياك علي:كمل اكلك يا ريال حمد بحزن لان اهو الي ساعد شذى على الانتقام:مو مشتهي يا علي علي يترك الي بيده:وبعدين يا حمد وبعدين عيزت وانا افهمك حمد:خل نمشي علي ماني قادر اقعد زود علي يأشر للجرسون اييب لحساب:براحتك يا حمد وبشوف اخرتها وياك وصلت البيت امامه لقت امها لابسه عباتها وقاعده بالصاله... امامه تبوس راسها:قوه يمه نوال:هلا يمه..تاخرتو كثير امامه مو فاهمه شي:على شنو يمه؟ نوال:كيف على شنو انا صارلي اكثر من ساعتين انتظرك انتي وحلا امامه:ليه؟ نوال:حتى نروح لابوك بالمستشفى امامه بخوف:ليش يمه شفيه ابوي؟ نوال تبتسم لها:ابوك صحى من الغيبوبه ...تعبت وانا اتصل على طلال ما يرد علي ..اتصلت على حلا وخبرتها انها تجي لي قالت لي تخبرج وتجون امامه :مادري والله يمه ما كلمتني نوال:كيف؟!! ليكون صار بالبنت شي امامه :يمه الله يهديج لا تخرعيني اللحين اتصل عليها امامه تمت تدق مده ما ترد ... امامه بحيره:ما ترد يمه على الجوال نوال:اتصلي على البيت شوفي يمكن ترد امامه :ان شاء الله يا ترى حلا شفيها ؟؟!! طلال بيقنع حلا بزواجه من شذى ؟؟!! حمد بيكون له دور في اصلاح ما بين طلال وحلا؟؟!! جاسم شنو موقفه من قرار طلال؟؟!! سبب رفض احمد للعيال وتغيره المفاجئ؟؟!! شنو الموضوع الي بين حور وابوها ؟؟!! هذا البارت نزلته لكم شوي طويل وان شاء الله يعجبكم لا تحرموني من ردودكم عشان اكمل كتابة القصه Link to comment Share on other sites More sharing options...
Recommended Posts