.. FaRaH .. Posted أكتوبر 25, 2007 Report Share Posted أكتوبر 25, 2007 تدري وش سوَّى غيابك ؟!مـوَّت غيابك سوالف ..! ما يخوِّفني زماني بس من فرقاك خايف ..!فجأه أصحـى ومـا أشوفك .. لا تهددني ... ظروفك إعتبرني .. حلم / واقع وإلاَّ ظلٍ ما يطوفـك ضاميٍ عطشان .. جيتك لا يعشمني سرابك ..! تسمح بكلمه ؟! بغيتك قبل لا تبدي غيابك ..! تدْري وشْ معْنى غيابكْ ؟ يعْني : أسْوَءْ شيْ شفْتَهْـ طولْ عمري !! تبْدي ضحْكاتي هلابكْ وفي وداعكْ ما ينامْ الجَرحْ بدْري وإنتْ كيفكْ شوفْ وشْ ناوي عليـه هاكْ قلبي وهاكْ سيفكْ وسوْ فيني اللــي تبيه! لا تحاتيْ صفّحْ بكيفكْ جروحي وإشْطبْ آمالي وطموحي وإعْتبرْ قلبي كتابكْ !! تدري وشْ حطّم غيابكْ مرْكَبْ بداخلْ شعوري منْ نسى قلبكْ .. حضوره قلبي ما واجَهْ / شعوره عندي ما بـه شي ضروري فاقد إحساسْ الأماني لا مراسي لا مواني وصارتْ الدنيـا / قسى !! وصار دوري.. أعشق أنواعْ الأَرَقْ .. وألفظ أنفاسْ الغَرَقْ وصوت معناه الخَطَر وقلبْ ميّتْ / يحتضر منْ غيابكْ السلامه فيها قلبي ما رسى لا صباحي هو صباحي ولا مسا قلبي / مسا يا حبيبي في .. غيابكْ إختلفْ شكلي ولوني صرتْ أنا إنسان / ثاني والسَهَر تعّبْ عيوني والسؤال اللي ذبحني : - صج اهو فعلاً نسى ؟ راح وأهداني الأسى! وما وصلتْ إلا لـ حقيقهـ : الجفـا أسْهَلْ طريقـهـ للقسى..! تدري لو ينطق غيابك؟ بس أبسأل وين كنت؟ ووين رحت بغيبتي؟ وبسأله عن وضع قلبك! هنت عنده أو ما هنت؟ ياللي مِن غيرك حياتي/ ما لها داعي ومعنى ! صار قلبي ما يحاتي: بعد ما تخليت عنـه ! إيه كل الناس عندي بس مابيهـم بدونك ..!! تدري يا عمري بأنك.. عندي كل الناس إنت ! ومهما تجرحني / مسامح وكِل طعناتي / عوافي عشت وافي لدنيتك وبموت وافي .. ما اخونك لو تجافي ما هو آنا اللي إن ضاقت علي الدنيا / خنت تدري وش صار بغيابك..؟ غاب [ شاعر ] أحتريه الوطن : يبكي عليه والورق : مسكين ضاق والقلم : يفقد إيديه عاجز التفكير فيني يلقى حلٍ للفراق الزمن مثله زماني والدقايق هي دقايق والسؤال اللي جرحني وين فايق وين فايق وين فايق..؟ ليه ما يكتب قصايد وين فايق..؟ ما نشوفه بالجرايد وين فايق..؟ نفقده بالحيل / وايد صج هو راح العراق..؟ وش يسوِّي ليه راح..؟ وين فايق..؟ ما تعب صوتي ينادي صرت مُزعج صرت هادي وفجأه قلت: بصوت صارخ " فاااااااايق " وأسمع جراح راح صوتي والصدى يرجع .. سكات مَنْ تُنادي ؟؟ لا حياة كم أسيرٍ جو رفات مات.... ومات.... مات.... ومات... لحظه لحظه منهو مات..؟ صرت أحس الإختناق يعني فايق ما رجع؟ ليه يا حظي وجع قلبي دقاته سباق مِن خبر موته فجع وهذا آخر شي صار مات فايق في العراق !!" اتوقعـ يقصد الشاعر الكويتيـ فايقـ عبدالجليلـ " > ادريـ مو وقتـ توقعاتيـ .. بس كملوا القصيدهـ لووولـ .. غيبِتِك [ قسمه ونصيب ] خلْني أشرَه عـ ( الزمن ) يا حبيبي .. ما هو عيب إن بكى فينـي .. الوزن ( يا تصيب و يا تخيب ) [ فكره ] .. في بالي تزن إنتَ [ أكثر ] مِنْ حبيب إنتَ لي .. معنى ( وطن ) ..!! يعني مِنْ غيرك " غريب " ما أساوي .. أي ثمن ..!! وإنتَ أقرب مِنْ / قريب [ رمش ] وشعوري جفن ولما عَن عيني .. تغيب لا مدينـه .. ولا سكن..!! مااااتــ .. إحساسي العجيب وصرت أبحَث عَن كفن.!! ما هو كل جرحٍ يطيب وما هو كل حزنٍ : " حزن " ..!! تدري وش ناتج غيابك ؟ زادت بـ قلبي الهموم ! [ الفَرَح ].. عنِّي مسافر وحزني ضيفي كل يوم صرت أسأل صرت " ضايع " حلم هذا أو حقيقه ؟! كنت شاري وإنت / بايع به مثل هـ الضيق ضيقه ؟! عطني من وقتك / دقايق شوف وش فيني و روح ! يا حبيبي حيل ضايق حس مرَّه بـ الجروح يعني جرحي ما يهمِّك ..!؟ وعادي عندك لو [ أضيق ] إنسى إنَّ إسمك .. حبيبي صير لي عون وصديق ليه قلبك .. ما يبالي ..؟ وقلبي " محتاجك " يبيك إنتَ عندي شخص غالي تكفى لا تصدمني فيك ما بقى لي شخص / غيرك وإعتيازي لك .. تعب إيه محتاجك وشوقي نار وغيابك " حطبــ " ! عليك شلون ما أزعل؟ وتسوِّي أشياء تجرحني ! تضايقني بـ أفعالك .. وتظن إنِّك مفرحني ؟ تسوِّد وجهي بـ طعونك .. وتبيِّض ( وجه ) أحزاني ..! [ ياليت ] اللِّي حصل منِّك .. حصل من واحدٍ ثاني ! مثل غيرك ومنتَ غير .. جرحت جروح ما طابتــ ..! هقيته فيك يطلـع خير .. ولكن هقوتي " خاااابت " صدمني الكل .. ومو ناقص ! بعد منِّك تجي صدمه تحطْها بذمِّتك ( عادي ) وسيعهـ صارت الذمه ! بسيطه كانت أحلامي .. توقعتك تحب لي الخير وتدوِّر .. راحة أيَّامي ! وأشوف إن الحقيقه غير .. تحب الخير لـ جروحي ؟ حبيبي الوقت ما قصَّر وكلمة حق .. يا روحي : ( جميع الناس تتغيَّر ) !!! تدري وش ينهي غيابك ؟! ينهي أحلامي و [ طموحي ] ويبتدي مشوار حزني .. وتنتشر فيني جروحي ! ما بقى للشوق حاجز من كثر ما عاش فيني كيف أقول : إشتقت لك ؟! وصورتك دايم بـ عيني ! كيف أضحك .. كيف أنسى ؟! وإنت غايب عن مكانك لو يخون الكل ويقسى قلبي لك عمره ما " خانك " .. ما قدر يترس عيوني .. من بعد عينك عيون ! ليه مستغرب جنوني ؟ يا موصلني الجنون .. شفت كل الدنيا هذي ؟! ما تساوي أي شي ! قمت أسأل نفسي [ وييينك ] .. من معاي ؟ ومن علي ! وبالنهايه لا تحاتي .. تبقى في دفتر حياتي : أغلى كلمه .. وأحلى كلمه ! إنطقت فيها " شفاتي " ..! تدري وش " يقتل " غيابك ؟! يقتل إحساسي وعمري ! وين رايح عن عيوني ؟ ليه ؟ تو الناس ! بدري ! إدفن أسراري معاي .. ما أبي أي شخص يدري لا تسولف من وراي ! خل يكون الحب " عذري " ..! وإن سأل عني قليبك ؟! لا تفكِّر في الجواب ! قول [ إحتاجك ] حبيبك .. وإنت لاهي بـ الغياب ! من يحبك .. وش مصيره ؟! - " يحترق " قلبه أكيد! تنهي أحلامه الكبيرهـ .. وتبدي في حبٍ جديد ! ولا يهمك قلب حبّك ! وضحَّى في عمره / عشانك .. المهم يرتاح قلبك .. وتلقى في الدنيا / مكانك ! صرت أبعد من منامي ! وكنت أقرب من ثيابك !! أختصر باقي كلامي ؟! حيل يقتلني غيابك تدري وش بكَّى غيابك ؟ موق عين اللي تحب ! مهتني حضرة جنابك والمشاعر " تنتحب " ..! المطر من غبت ينزل إمتلت عيني وخدِّي ! ما رضى قلبي يعزِّل رغم إنِّك صرت / ضدِّي ! إستحَت منِّك [ طعوني ] .. وما قويت أصير ضدِّك ! ليت ما شافت عيوني من يذمني [ ضيف ] عندك ! إنسَحَب فرحي / وطموحي ويني عنِّي ؟ - ما دريت ! صرت أضحك من جروحي وداخلي ياما ( بكيت ) .. ! صارت الراحه / ألَم واللي باقي .. ما سَلَم !! " التَعَب " واقع أعيشه قلبي بـ الفرحه حَلَم ..! دمعتي تمشي تسولف وإنعَمَت عين الشفايف وكل دمعه تطيح منِّي إنكتَب فيها " حسايف " مو غريب أبكي عشانك الغريب إنِّك .. تخوِّن !! ويبقى مثل أوِّل مكانك وأعتبر هـ الجرح ( هيِّن ) ..! فدوه لك جرحي .. وضيقي المهم قلبك يحب .. تدري وش موتي الـ حقيقي ؟! [ من حياتي تنسحب ] .. تدري وش صحَّى " غيابك " ؟ جرح نايم من سنين ! ما ربحت وما فرحت جرحي فيني يستهين ! غيبتك كانت خساره إفهم التعبير زين من ترك قلبك دياره وجه جدرانك ( حزين ) ! دمعتي تملي عيوني عين تسأل فيني عين تبكي فيني أو بدوني وضعت بين الدمعتين ! وين أيَّامك يا " غايب " ؟ قلبي يسأل قول وين !! يا بعد كل الحبايب .. شوف وش سوى الحنين ! نمت وفي حلمي لقيتك وقمت أردد كلمتين : لا تغيب أكثر فديتك نامت أفراح السنين ! تدري وش وقَّف غيابك ؟ وقَّف غيابك [ سنيني ] ! نبض قلبي .. ليه ساكت ؟ والدموع اللي تباكت ؟ كل هذا صار فيني !! يعني معقوله تغيب وما تراجع بـ القرار ؟ منظر غيابك كئيب ! واقف بـ " سكة قطار " ! في قفص صدري ربيت كيف أحس الطير طار ؟ لا نهاري هو نهار .. وفيك أسهى ما دريت ! ومن يكلمني يقول : يا بخت من به سهيت إنت ما حسيت يمكن والغياب أكبر دليل , دايم يردد لسانك : " لذَّة الشي القليل " راضي قلبي في قليلك ! المهم ألمح وجودك تحترق أعصاب قلبي .. وإنت غايب ! يا برودك !!! تدري وش بعثر غيابك ؟ قلب من تغليك عينه ! من بعد ما كان يشوفك رغبته ومعنى سنينه ليه يا عيني بكيتي ؟ قالت عيوني : حزينه ! قلت يرجع إن هديتي قالت إبتنهيد : وينه ؟! هذا " قلبك " بين إيدينك .. وما أبيك ترده لي ! من كثر ما قلت : وينك ؟ صرت أسألني علي ! ضعت في زينك وشينك مات قلبي وإنت حي ! ما تهم صارت سنينك وما يهمني كل شي ! كل هذا وإنت باقي .. مستغل نقطة فراقي ! ما لقيت بوقت همي " شخص " .. وبـ الفرحه ألاقي ! مدام الشوق ما جابك وبقلبي الشوق متنثر : غيابك حيل يذبحني .. ويخلي الحب يتعثر ! قليل إن قلت في حقك ومهما قلت أنا مقصِّر ! كثير أشياء تدفعني عليك ، إعذرني ما أصبر ! أحبك ( لا ) ما أبيها ! أبي أكثر من [ أحبك ] ... ومدامك دنيتي فيها حبيبي ما أبي " أكثر " ! قدرت أنسى جميع الناس وفعلاً صرت أنا ناسي ..! يا ماخذ منِّي الإحساس أبي أنساك .... ما أقدر !! معاي إنتَ أكون بخير وقلبي حيل مستانس .. عن العالم حضورك غير وفيك [ الكل ].. متأثر ! تبي تقسى تبي تبعد ؟ وأنا أشتاق لك ويَّاك ! تعال إن جابك الموعد أنا ما أبيك ( تتأخر ) ! حزين القلب بـ غيابك وفيه الجرح ما يصغر أقول أشفى مع المُدَّه ! وأشوفه يكبر .. و يكبر .....! تدري وش معنى غيابك ؟ يعني " الموت " المحقق ! عمرك إنتَ شفت [ دفتر ] .. من غلا شخص يتشقق ! يعلَم الله .. وش [ ظروفي ] .. يا بعد عيني .. وشوفي .. مدري وش فيها حروفي ! ما تبي تكتب ( أحبك ).. ! ليتك .. الليله " معايه " ..! ليمتى وهذي السوالف ؟ كل ما جيتك .. تخالف ! قول إذا عـ البُعد حالف وما تبي ترجع لي ثاني ! قول .. علمني .. عشاني لا تعلِّقني .. بـ دربك بين قلبي .. وبين قلبك ! ما أبي أكثر .. أعاني .. عـ الأقل , عطني [ نهايه ] ..! من أماني لي أماني في دقايق في ثواني .. أحترق وأقول : وينك ..؟ إيه وينك ..؟ وين عينك ! يمكن بلحظه أشوفك .. ويمكن إنِّي ما أشوفك ! وبين كل يمكن .... أموت ! وأرجع أرجع للسكوت يعني أرجع للـ " بدايه " ..! تـحـيــاتـي .. فـــــــــرح .. ---------------------------------------- Quote Link to comment Share on other sites More sharing options...
kuwait heart Posted أكتوبر 26, 2007 Report Share Posted أكتوبر 26, 2007 تدري وش صار بغيابك..؟ غاب [ شاعر ] أحتريه الوطن : يبكي عليه والورق : مسكين ضاق والقلم : يفقد إيديه عاجز التفكير فيني يلقى حلٍ للفراق الزمن مثله زماني والدقايق هي دقايق والسؤال اللي جرحني وين فايق وين فايق وين فايق..؟ ليه ما يكتب قصايد وين فايق..؟ ما نشوفه بالجرايد وين فايق..؟ نفقده بالحيل / وايد صج هو راح العراق..؟ وش يسوِّي ليه راح..؟ وين فايق..؟ ما تعب صوتي ينادي صرت مُزعج صرت هادي وفجأه قلت: بصوت صارخ " فاااااااايق " وأسمع جراح راح صوتي والصدى يرجع .. سكات مَنْ تُنادي ؟؟ لا حياة كم أسيرٍ جو رفات مات.... ومات.... مات.... ومات... لحظه لحظه منهو مات..؟ صرت أحس الإختناق يعني فايق ما رجع؟ ليه يا حظي وجع قلبي دقاته سباق مِن خبر موته فجع وهذا آخر شي صار مات فايق في العراق !! صح لسانج اختي واشكرج على هذا الانتقاء العجيب الجميل فعلا جميل وكلمة شكر قليله .. لكن تقبلي شكري وتحياتي Quote Link to comment Share on other sites More sharing options...
.. FaRaH .. Posted أكتوبر 26, 2007 Author Report Share Posted أكتوبر 26, 2007 العفو اخويـ .. مشكور عالمرور .. تـحـيــاتـي .. فـــــــــرح .. ---------------------------------------- Quote Link to comment Share on other sites More sharing options...
دلع دلوعتي Posted نوفمبر 10, 2007 Report Share Posted نوفمبر 10, 2007 شكرااااا Quote Link to comment Share on other sites More sharing options...
الغندة Posted نوفمبر 10, 2007 Report Share Posted نوفمبر 10, 2007 (edited) وقفة تحيه للحروف التي تجبر الاحساس على الاحترام سلمت يد من خطها قرءها ومن نقلها تدري وش سوَّى غيابك ؟! مـوَّت غيابك سوالف ..! Edited نوفمبر 10, 2007 by الغندة Quote Link to comment Share on other sites More sharing options...
xXxفديت الي في قلبيxXx Posted نوفمبر 13, 2007 Report Share Posted نوفمبر 13, 2007 يسلمووووو Quote Link to comment Share on other sites More sharing options...
.::[ جـ عمري ـروح ]::. Posted نوفمبر 18, 2007 Report Share Posted نوفمبر 18, 2007 كلـمـاااتـ و لا أرووع و مـعاهـا الصـور أحلى تسلمينـ أختيـ ع الموضوووع Quote Link to comment Share on other sites More sharing options...
xXxفديت الي في قلبيxXx Posted نوفمبر 20, 2007 Report Share Posted نوفمبر 20, 2007 يعطيج العااافيه Quote Link to comment Share on other sites More sharing options...
عجمية حلوة Posted ديسمبر 20, 2007 Report Share Posted ديسمبر 20, 2007 لووووووووووووووووووول عجيبة يسلمووز Quote Link to comment Share on other sites More sharing options...
صوفيا Posted يناير 13, 2008 Report Share Posted يناير 13, 2008 رووووووووووعة رووووعه تسلمييييييين الغآليه وصح لسانـ شآعرهآ ولآهآن نآقلهآ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.