حماده سكر زياده Posted نوفمبر 11, 2007 Report Share Posted نوفمبر 11, 2007 متى بدات موهبه التمثيل معكم من يوم كنت صغير كنت كله امثل مع اخوي في البيت كله فار وقطو ويا بعض والصراحه انه احب التمثيل وايد وايد واعشقه عشقي التمثيل وايد بس ماسمحتلي الفرصه اني اطلع وحاولت اني اوصل حق اي مخرج واكلمهم بس ماصار نصيب وكنت اقول كل سنة في رمضان انشالله باطلع في مسلسل او اي شي بس الله موكاتب كنت ادعي يارب تحصلي فرصة واني اطلع في الوسط الفني وامثل والحمدالله الله عطاني على قد نيتي وتحقق حلمي وانه للحين مو مصدق نفسي اني مثلت واني وقفت جدام كاميرة التصوير انشالله راح اتوفق وهذي الفلم بداية ناجحة انشالله يارب العالمين قولو آمين. من الذي له فضل على اكتشافكم الاستاذ المخرج الكبير المبدع بسام الذوادي اشكره جزيل الشكر لانه اختارنه من ضمن الفيلم وحقق لنه حلمنه ومرادنه انه انمثل والصراحة ماتدروون اشكر انه مستانس وايد الله حقق لي حلمي وانشالله الى الابداع . ماذا يعني لكم فلم 4 بنات اول شي باتكلم عن الفلم الفيلم يطرح مشكلات شبابية عصرية في حياة 4 فتيات يعانين من البطالة ويفكرن في مشروع يؤمن حاجاتهن المادية مسألة تمكين المرأة وخصوصا في الخليج فإنها تعاني من تمييز كبير، وخصوصا في مسألة التوظيف كونها امرأة تحكمها العادات والتقاليد وتقلل من فرصتها في الحصول على بعض الوظائف التي في نظر المجتمع بأنها لا تليق بها وأنها محصورة في نطاق معين، والمحور الثاني يعلج التطــــرف في الحكــــم على الآخرين، أما المحور الثالث والأخير فإنه يحاكي دعم المشروعات الشبابية الصغيرة وإنه من المهم أن تخلق جهة لدعم تلك الطاقات الشبابية. الصراحه يعني لي الكثير وايد مستانس لاني مثلت في هالفلم لاني موبس كنت امثل تعرفت وجفت وجوه الفنانين وقعدنه مع بعض وتكلمنه وهذي الفلم يعني لي بدايه ناجحه وموفقه لي وانشالله راح يعجبكم دوري في الفيلم وتابعوني في الفيلم لايفوتكم. ما المصاعب التى واجهتكم بالتصوير في البدايه يعني كانت شويه صعبه كنت متخوف اني اوقف جدام الكاميره وفتره البروفات كانت وايد واستفدت وايد من خلال الاداء والكلام بس بفضل الله وبفضل مساعدين الاخراج قدرت اني اثبت وجودي واتقن دوري وادائي يكون مميز واشكر الفنان القدير محمد شريده لولافضل الله وثم فضله لان صج بصراحة تعب ويانه في البروفات طلعناله قروون كان يعصب علينه وعقب نأدي الدور صح يستانس ويشرب كوفي فديته انه والله له وحشه اشكره من صميم قلبي لان له الفضل الكبير في طلوعنه والحمدلله قدرت اني اتقن دوري صح واجيده. من هو مثلك الاعلى من الفنانين مبارك خميس ابراهيم بحر سعد البوعينين حسين عبدالرضا وغانم الصالح من الكويت من زملائك بالوسط الفني خالد فؤاد , دارين خالد الشيخ , شيماء جناحي , هبة الدري , ابتسام العطاوي , فهد مندي , خالد الرويعي ما الذي صابك في تصوير مقطع الصابون الصراحه ماقصرو فيني طقوني طق وغسلونه عدل ماتم صابون مادش فيني في كل جسمي دخل والله هاذي المشهد اللي طول عمري ماراح انساه حتى بعد ماخلصنه من المشهد عيوني صارت حمره الصابون مله عيني بس مكان قصدهم يعني بس الصراحه شهاده لله يوم خلصنه من تصوير المشهد الكل شجعنه وصفق لنه وحيانه موقف حلو اني ضحكت ضحك على نفسي يوم خلصنه المشهد وسعاد ام علي تسبحني وتقولي انه الشبح ويودت شعري مجعته تمجع ها الحين اراويك الشبح من وتقول باموت اهني وغسلوني ها الحين اراويك شلوون يغسلوونك, ابتسام العطاوي ماقصرت بعد فيني الكلك مال الصابون كله كبته على ويهي و فعيوني وخشمي وحلجي , والفنانه القديره سعاد علي ماقصرت بعد اسحبت شعري وغسلتني بس بعدين صرنه منهم وفيهم في المغسله يعني يحتاجونه في اشياء يعني بعد ماغسلتنه ونظفتنه عدل قالتلنه عطتنه بيزات وقالت لنه تبي باليس وان مايينه بتطلعنه من تحت الارض وعقب صرنه منهم وفيهم في المغسلة صارو مايتسغنون عنه. فنان وفنانه تود التمثيل معهم والله لو على الفنانين ماينعدون ولايحصوون بس يعني اتمنى اني اشارك مع الفنانين الكبار البحرينين وانشالله في الاعمال القادمة راح ينادونه حق مسلسلات بأذن الله حق رمضان الفنانين من السعودية ناصر القصبي وعبدالله السدحان ماذا يعني لك كل من المخرج حسين الحليبي يعني لي الكثير اهو المخرج المشاغب في التصوير المكافح الحبوب والحنون استطاع ان يثبت وجوده في الاخراج السينمائي هذي بدايته الاولى في الاخراج السينمائي اهو الي عطانه معنويات ودافع قوي ووجهنه لولا وجود المخرج والمساعدين اللي اضهرنه بمستوى طيب والصراحه بذل مجهود رائع علشان يطلع اول فيلم سينمائي شبابي ناجح له وينكتب له واتمنى للمخرج النجاح في كل حياته العمليه واتمنى انه يستمر على نفس النمط وبيكون ناجح باذن الله وتنه عن نفسي اقول انه له بداية موفقه وناجحة واهوة مخرج طموح ويحب المجازفة في المشاهد اتمنى له من كل قلبي التوفيق في فيلم اربع بنات. الفنان فهد مندي فنان قدير ومحبوب وخجول وايد وتمثيلة وايد حلو واتمنى له النجاح في حياته العمليه واتمنى اني امثل معاه في بطولة مع اخوي. الفنانه هبه الدري فنانه قديره وحبوبه وماقصرت معاي يعني بس للاسف مصار لي نصيب اني امثل معاها في مشهد من المشاهد في الفيلم اتمنى لها السعاده والاستقرار من كل قلبي واني امثل معاها في اعمال قادمه انشالله ووحشتني وايد هبونه فديتهة والله انه ربي يحفظهة انشالله. الفنانه سعاد على تعني لي الكثير فنانه قديره ودمها خفيف وانه الصراحه حبيتها ماقصرت معاي كفت ووفت ووقفت معاي وشجعتني وعطتني معنويات كبيره اشكرها الشكر الجزيل واتمنى اني اعمل معاها في الاعمال القادمه اذ الله كتب انشالله الفنان خالد فواد ماشاء الله عليه اخوي خالد يعطيه الف الف عافيه فنان مبدع متالق وقدير ودمه خفيف انه الصراحه وايد حبيته من اول ماكلمته وتعرفت عليه في البروفات ماصدقت نفسي لما جفته انه يمثل معانه الصراحه لي الشرف اني اتعرف على الفنان خالد يعطيه الف صحه وعافيه واقوله من كل قلبي الى الامام ياخالد ولا تنقطع عن التمثيل ولا الغناء والله يعطيك الصحة والعافية ياربي. ماهي طموحاتكم المستقبلية اتمنى اني اكون ناجح في حياتي العملية والفنية واكبر شي اهوة رضا امي وابوي علي واني اتزوج وابني حياتي واستقر مع شريكة احلامي وحياتي . كلمه اخيره توجها لجمهور واعضاء منتدى فلم 4 بنات اول شي اشكر جميع طاقم فلم اربع بنات الصراحة ابطال كلهم من فنيين اضاءة وهندسة صوت ومصوريين ومنتجيين والمخرج المبدع حسين الحليبي الصارحة كفيتو ووفيتو ومبدعين كلكم اتمنى اني اكون عند حسن الجمهور واعضاء منتدى بحرين تودي واقولهم تابعوني في فيلم اربع بنات ماراح تخسرون شي انشالله راح يعجبكم دوري اهو شخصية التؤام الثاني واشكركم جزيل الشكر واتمنى من كل قلبي انه ينجح الفيلم ياربي ومشكورين وتابعوني واترك لكم التعليق ,,, Link to comment Share on other sites More sharing options...
محرقية كيووت Posted نوفمبر 11, 2007 Report Share Posted نوفمبر 11, 2007 يعطيك الله الف عافية اخوي حمادة ع المقابلة Link to comment Share on other sites More sharing options...
حماده سكر زياده Posted نوفمبر 11, 2007 Author Report Share Posted نوفمبر 11, 2007 الله اعافيج Link to comment Share on other sites More sharing options...
انا توته انا Posted نوفمبر 11, 2007 Report Share Posted نوفمبر 11, 2007 ثااااااااااااااااااااانكيوووووووووووووووووو ع المقااااااااااااااااابله Link to comment Share on other sites More sharing options...
bnt elbahrain Posted نوفمبر 11, 2007 Report Share Posted نوفمبر 11, 2007 يعطيك العافيه ... والله يوفقه،،، Link to comment Share on other sites More sharing options...
حماده سكر زياده Posted نوفمبر 11, 2007 Author Report Share Posted نوفمبر 11, 2007 تـــــــــــــــــــــــــــــــــسلمون Link to comment Share on other sites More sharing options...
فقيرو Posted نوفمبر 11, 2007 Report Share Posted نوفمبر 11, 2007 الف شكرا لك اخوي حماده على المقابله وبالتوفيق لاخونه محمد Link to comment Share on other sites More sharing options...
حماده سكر زياده Posted نوفمبر 11, 2007 Author Report Share Posted نوفمبر 11, 2007 تسلمون Link to comment Share on other sites More sharing options...
MU7aR8aWY Posted نوفمبر 11, 2007 Report Share Posted نوفمبر 11, 2007 يسلمـــــــــــــــــــــــــــــــــــــــــــــ,ـو قلبــــــــــــــــــــــــــــــــــــــــــــــي اخوي حماده ناااااااااااااااااايـــــــــــــــــــــــــــس هالمقـــــــــــــــابلــــــــــــــــــــة ............................................................................................... Link to comment Share on other sites More sharing options...
شيوخ@محرق Posted نوفمبر 11, 2007 Report Share Posted نوفمبر 11, 2007 يعطيك العافيه اخووي ومشكووور ع المقابله Link to comment Share on other sites More sharing options...
Recommended Posts