هولي كيوووت Posted نوفمبر 11, 2007 Report Share Posted نوفمبر 11, 2007 السلااااام عليكم شخبارك فناننا يوسف محمد .. عساك بخير ؟ راح اكتب مجموعة من الملاحظات حول البومك الاخير اللي كان تحت اشرافك ( اغاني الاطفال الشعبية ) سلمك الله الالبوم بشكل عام .. جدا جدا رائع .. انا تعرفت عليه من خلال برنامج ( الدروازة ) اللي من تقديم محمد الشروقي واعداد واشراف المذيع فايز السادة عقب لما دخلت قسمك .. جفت الموضوع خبر نزول الالبوم وعرفت ان موجودة الاغاني اللي اسمعها في برنامج الدروازة .. انا في نظري .. انك تسرعت وااايد في طرح الالبوم الالبوم لو كنت ماعطه وقتك اكثر .. وجهدك ومتابعتك له .. كان بيطلع افضل بكثير غلاف الالبوم جدا جدا جدااااااااااا صعيف وبسيط مستوى الغلاف جدا ماكان المطلوب ناهيك عن الصورة انها غير واضحة ( صورتك مع الطفل ) وطوالية .. والكواليتي جدا رديء كان الشباب البحرين يمتلك طاقات .. عندنا شباب يصممون اشية حلوة ويقدرون يسوون تصاميم حلوة ويصممون لك غلاف من احسن ما يكون وتقنية واحتراف يعني لكن مادري ليش التصميم ماكان اوكي كلش والمفروض يكون احلى من جذي هاي بالنسبة للغلاف بالنسبة للأغاني شي جميل ورائع انك احييت التراث وطورت الاغاني القديمة و التوزيع فعلا فعلا رااااااائع بمعنى الكلمة التوزيع الموسيقي حلو كان لكن عندي ملاحظة بالنسبة للكورال كل الاغاني .. تقريبا نفس الكورال .. ونفس الاطفال اللي يغنون لكن الاغاني بتطلع احلى لو نوعت فيها من ناحية الكورال اغنية : جان فيكم شدة .. تعالوا مب حلوة بناااااات يقولونها .. وغير جذي .. بنات يردون على بنات .. طبيعة الاغنية : صبيانية مثل ما احنا كنا نجوفها في مسلسل البيت العود .. والكورال اغلب شي متكرر .. ونفس المود وماكان فيه حركات او هارموني خفيف مثلا وفي اغنية عندي ملاحظة واااااااااايد مهمة .. اغنية : حمامة نودي نودي .. الاغنية مع احتررراامي للكل احس بنوع من الملل لما اسمعها ليش .؟؟ لانه اللي تغني الاغنية .. ماكاااانت تغير بالاداء .. ونفس اللحن طووووووووووووول الاغنية (( حمامة نودي نودي .. سلمي على سيودي .. سيودي راح المكة .. اييب ثوب العكس ..... الخ )) كللللللللللللله نفس السرعة ونفس اللحن .. بصراحة بصراحة راااااااسي عوووووووووورني لما سمعتها .. تخيل يعني اغنية كااااااااااااااااملة كلها نفس اللحن وجنه شي قاعد ينعاد بروحه ويتكرر .. ماكان فيها تنوييييييييييييع كللللللللللللش وكانت جااافة نوعا ما يعني الاغنية مادري جم مدتها بس اكثر من دقيقة وحدة .. كللللللللللله نفس البنت تقول الاغنية كاملة على نفس الوزن والتون واللحن .. بدون ما كانت تغير اي شي هاي بعض الملاحظات اللي حول الالبوم انشالله تقراها يا فناننا وترد عليها لو ما عليك امر يعطيك العافية .. وموفق انشالله Quote Link to comment Share on other sites More sharing options...
خادمة الامام الحسين(ع) Posted نوفمبر 13, 2007 Report Share Posted نوفمبر 13, 2007 أنشااااء الله يرد علييييييييييك أخوووي Quote Link to comment Share on other sites More sharing options...
يوسف محمد Posted نوفمبر 16, 2007 Report Share Posted نوفمبر 16, 2007 مرحب اخوي هولي كيووت ، وماتتصور سعادتي وانا اقرأ رسالتك وعليها ملاحظاتك على شريط اغاني الاطفال واسمحلي اني أخرت عليك في الرد بالنسبة حق الغلاف اتفق معاك بأن الطباعة كانت غير واضحة وهذي كانت ملاحظاتي ايضاً على المطبعة ولكن هناك بعض النسخ اللي توزعت في الاسواق كانت منسوخة ومطبوعة مرة ثانية دون علمي، وبالنسبة حق التصميم اجتهاد من المصمم وحاونا نقدم شيْ غير المألوف ، وانا يسعدني اني اتعاون مع مصميم بحرينين شباب وبالعكس اذا اعرف احد ياري ادلني عليه وراح اكون ممنون لك اما فيما يخص الكورال فملاحظتك في مكانها خاصة فيما يتعلق بأغنية جان فيكم شدة، ولكن الكورال اطفال صبيان وبنات ويمكن الصوت الغالب هم البنات، وهذي ملاحظة راح اخذها في الاعتبار للاعمال القادمة واسم الله على راسك لانه عورك من اغنية حمامة نودي احب اوضح لك بأن هذا العمل يوثق التراث وليس هناك مجال لاعطاء خيال في اللحن بل يمكن يكون الخيال موجود في التوزيع ونغمة هذه الاغنية هي واحدة واذا غيرتها ممكن اخرج عن اطار الموروث وتكون اغنية جديدة ابتعدت عن مضمون الراث عموما ياصديقي العزيز انا سعيد جدا بملاحظاك ويسعدني اني استمع لها في كل عمل اقدمه ولاتبخل علينا بهذه الملاحظات الجميلة منك ومشكور وماقصرت وان شاء الله نقدم لكم اعمال ترضي ذوقكم وتسعدكم مع كل تقديري لك / يوسف محمد Quote Link to comment Share on other sites More sharing options...
هولي كيوووت Posted نوفمبر 19, 2007 Author Report Share Posted نوفمبر 19, 2007 الله يسلمك والله .,. مشكور على ردك طبعا .. وووووووو بالنسبة لأغنية حمامة نودي نودي .. مثل ما قلت يمكن التوزيع يقدر يغير .. لكن اللحن مثل ما اهو .. مثل باقي الاغاني الموجودة بالالبوم: نفس اللحن الأصلي .. لكن التوزيع لعب دور وايد وغير شغلات وايد .. بس حمامة نودي نودي .. يمكن يمكن التوزيع ما لعب دوره كامل .. بس مثل ما قلت لك ان كانت طوووووووووويلة وايد المقدمة .. تعتبر وجهة نظر .. يمكن انا اول وآخر واحد يقولك هالملاحظة على اغنية حمامة نودي .. وبخصوص المصممين ماشالله .. منتدى بحرين تودي تحتضن مواهب مختلفة .. وماشالله مصممين الفوتوشوب كثـار .. حتى تقدر مثلا تشوف فهد مندي ويقولك العضو المناسب واللي اوكي وايد بهالشغلة .. او يمكن يدلك على واحد يعرفه اهو .. ويعطيك العافية ومشكور على ردك يالغالي Quote Link to comment Share on other sites More sharing options...
رفاعية والكل يبيني Posted ديسمبر 18, 2007 Report Share Posted ديسمبر 18, 2007 البومك واايد حلو وياريت اتسجل اغانيك فيديو كليب تحياتيــ بنت اختك Quote Link to comment Share on other sites More sharing options...
F6O0OMA Posted ديسمبر 24, 2007 Report Share Posted ديسمبر 24, 2007 ألبومك رووووووووووووووووووووووعة Quote Link to comment Share on other sites More sharing options...
لاعب نادي الجزيرة الاماراتي Posted يوليو 2, 2008 Report Share Posted يوليو 2, 2008 ان شاء الله يرد عليك Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.