حشمه Posted مارس 22, 2008 Report Share Posted مارس 22, 2008 السلام عليكم هذا تصنيف شفته في منتدى كويتي عن بنات البالتوك شوفوا روحكم من اي صنف خخخ النوع الماصخ والمايع؟ طبعا الله يسلمكم هالنوع باختصار اي شي! تدش الروم اول شي تقوله قوه شباب جنه ماكو بنات ولمه تتحجى تقول وحده تبي تنام وكل ساعه تتنهد حالتها كسيفه وطبعا هالنوع اهو النوع المفضل عند خرفان البال توك الي راح اتطرق لهم بعدين هالنوع عادي واليف ولكن اذا دش واحد وسبهم تعالو سمعوووووو ماكو سبه وصخه ما تيي على بالك الا تقولها وتشرشح الريال اذا سبها وبحجي الله لا يوريكم!!ودايما البرايفت مشرع ودايما مشغوله برايفت ولستتها متروسه ترسسسس النوع التافه حده !! هذا النوع المليق اغلبيتهم يدد والبرايفت مشرع والكل يترجاها تاخذ المايك واهي تقول لا صوتي مو حلو اسمحولي مريضه واذا اخذت المايك تقعد تضحك بروحها تقول احد يدلدغها وتستانس وتنط بمكانها اذا احد ياب سيرتها بالمايك وعلى فكره مو كلكهم يدد في منهم ما يدش الا بالسنه حسنه النوع المليسن! النوع المليسن وما ادراك ما المليسن هذا احسن نوع بالنسبه لي ولكن اهو ازفت نوع حق الصبيان تعرفون ليش؟ لانه هالنوع يقط الحجي بالوي واذا احد ياب سيرته تمسح فيه ارضيه الروم وهالنوع حده مظلوم لانه معظم شباب البال توك اذا كرهو بنيه لانه ردت عليهم يطلعون عليها حجي اشكال والوان ولكن ارد واقول هالنوع كيرلس وما يهتم ودايما البرايفت مسكر النوع الماصخ من قلب هالنوع ماكو وايد منه ولكن تحفه والخرفان يموتون على هالنوع لانه هالنوع يرفع معنوياتهم لانه الله يسلمكم كل كلمه تقولها هالبنيه تتمسع فيها وكله تقول لك المايك يا عمري اشلونك يا قلبي واذا احد طلب منها ادد تقول من عيوني يا روحي وعاد تعالو شوفو الصبي شنو يكيف حده جنه ما يدري هذي تمشي وتقول هالحجي حق عوير وزوير وبرايفتها مسكر واغلبيتهم عندهم رومات على شان جذي لسانها ينقط عسل ويرتفع ضغطها اذا دشت بنيه الروم النوع الخبل!! هذا نوع جيد ولا بأس فيه هالنوع ديما تكون بنيه مع رفيجاتها او بنات ثانيين وتلقاهم يا يضغطون احد او يغنون او ماخذين المايك ويسولفون مع بعض هالنوع مو مفضل للشباب لانه يقولون عنهم خبول ولكن الاغلبيه يكرهونهم كره لانهم يتليسنون وما يسكتون واذا واحد من الروم عيب على وحده منهم الكل يطبون فيه يستاهل الصراحه النوع الجااااااد!! هالنوع مكروه من امه عند الصبيان هذا النوع يحب المواضيع والسياسه وما عندها مانع تدش رومات مسابقات واذا دشت روم اغاني تقول شنو هذا لوعتو جبودنا كله اغاني واذا شفتها اخذت المايك محلله سياسيه ومبلتعه وبكل موضوع تطب وتتحجى هالنوع اغلبيته كبير بالسن ويبين من الاصوات بعض المرات ويستلمونها الشباب بالقاب مثل العانس ولا روحي ربي عيالج ومن هالسوالف الي العقد يقولونها اذا ما عجبهم الحجي النوع المسالم!! هالنوع كافيه خيرها شرها تدش تحط اغاني ولا تسلم يعني يعني مالها شغل باحد اذا احد قال لها ادد تفكر وتعطي الجواب تحب المسابقات بعض المرات يغيرون اصواتهم يسوونه صوت يهال ولكن حبوبين لول بعضهم ياخذون المايك تسولف عن الامتحانات والمدرسه والابلات وبعضهم شنو كلت وشنو تغدت احسن من غيرهم وهالنوع مو مكروه عند الشباب يعني يتقبلونه بصدر رحب كركركر النوع التكانه!!! هذا نوع تكانه وهذا ما يعني الانواع الي قبل مو تكانه لا في جم نوع ذكرته خوش بنات ولكن هالنوع مميز وتقريبا انقرض من البال توك هالنوع هادي وايد ما تاخذ المايك الا قليييييل تحب المواضيع عن المجمتع وحقوق المرأه وعلى شان اهي مع حقوق المرأه اهي اتعس نوع عند الشباب ودايما حاطين عليها هالنوع قليل ما يدافع عن روحه لانه مسالم ويسكر البرايفت وبالغضب تسوي اد حق احد ويالله تشبك يعني مو دايما قليل بس وبسرعه تمل وتروح النوع العجيب!! هالنوع عجيب ولمه اقول لكم عجيب انا من صجي هذي سالفتها سالفه تلقاهم متزوجين او مو متزوجين وعندهم يهال و24 ساعه شابكين وبعضهم كبر امي وشابكه والي توها متزوجه وشابكه ومرات تسمع صوت عيالهم يمهم وينادون الخدامه تعالي اخذي عبود ولا خلود ولا فطوم يعني هذولي عجيبين هالنوعيه اغلبيتهم رياييلهم يشتغلون متاخر واهي مسكينه لا شغله ولا مشغله تشبك وفيهم مطلقات واعتقد فيهم ارامل هالنوع ما يهمه احد كيرلس البرايفت يكون مسكر حبوبين اغلبيتهم وخوش ناس بس لو يجابلون عيالهم شوي ويخلون البال توك عنهم وعلى فكره قليل منهم يشبكون 24 ساعه اغلبيتهم ما يشبكون وايد Quote Link to comment Share on other sites More sharing options...
قطوة البحرين Posted مارس 22, 2008 Report Share Posted مارس 22, 2008 خخخخخخخخخخ يسلمووو انه يمكن من النوع الهبل Quote Link to comment Share on other sites More sharing options...
T A Z O Posted مارس 22, 2008 Report Share Posted مارس 22, 2008 انا احب النوع العقار الغشمري يسلمو حشمة Quote Link to comment Share on other sites More sharing options...
حشمه Posted مارس 22, 2008 Author Report Share Posted مارس 22, 2008 يسلمووو ع المروووور Quote Link to comment Share on other sites More sharing options...
she5t_albnat_vip Posted مارس 22, 2008 Report Share Posted مارس 22, 2008 انه احب الغشمر يسلموووووووووووووووو حشموووووووووووووووو على الموضوع Quote Link to comment Share on other sites More sharing options...
يوسف الهاجري Posted مارس 22, 2008 Report Share Posted مارس 22, 2008 يسلموووووو على الموضوع Quote Link to comment Share on other sites More sharing options...
ربـيـع الـقـلـب Posted مارس 22, 2008 Report Share Posted مارس 22, 2008 انه مثل تازو كككككككك يسلمممممممممم حشمة الغلا Quote Link to comment Share on other sites More sharing options...
حشمه Posted مارس 23, 2008 Author Report Share Posted مارس 23, 2008 شكرا على المرور الله يسلمكم من الشر Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.