@شرشبيل@ Posted April 6, 2008 Report Posted April 6, 2008 سلااام عليكم،، يعطيكم العافية شباب الديوانية ... ،، انا عضو قديم .. بس صار لي فترة ما ادخل المنتدى ولا اشارك لظروف مب بيدي وان شاء الله من هالمشاركة نتفاعل معاكم المرات الياية ،، اليوم ياي لكم وعندي لكم سالفة .. صارت امس الليل في روحتى الشغل .. السالفة تبتدي من عند اشارات المنطقة الدبلوماسية .. وانا واقف عند الاشارات الا دورية مرور وراي .. وماكو حد في الشارع الا انا والدورية لأن الوقت متأخر كان .. الا اجوفهم مشغلين لي "الفلشر" الي بلون الازرق هاي معناتها وقف على صوب .. انا حطيت يدي على قلبي .. شلى يبون يوقفوني ؟؟؟ يوم وقفت على صوب .. انا ما طلعت من داخل السيارة بقيت داخلها ونطرت المرور ايني .. ياني المرور لا سلام ولا كلام جنه يبي يتهاوش .. الا يقول لي " وين ليسنك؟" .. عطيته الليسن .. ياني مرة ثانية .. الليتات الي ورى شغاليين لو شنو سالفتهم .. قلته اخوي هاي الي ع اللتات باليس ترى اذا تبي تأكد بشيله الحين .. الا يقول لي بس ما يبين الليت ورى كلش .. كررت كلامي عليه وقلت له هاي باليس وانا حاطه ع الليتات. الا يقول لي : اوكي انا بامشيك ع الليتات .. بس انت مب لابس لحزام .. اهني صج عاد وهقني طلعت لعذر وبس مب لازم تعرفونه .. حاوت معاه ان يمشيني مب راضي .. لا عقب يطوف علينا موتر كامري ازرق لونه .. بعد وقفه المرور .. المرور راح له .. وانا ظليت داخل السيارة آخذ لي نفس .. عاد وانا يالس احرق صدري .. سمعت هالشي بين المرور والي وقفه جوفوا الي صار واحكموا انتوا : المرور : يه فلان انت رجل امن بعد معانا ومخالف القوانين حاط لك رايبون ممنوع ؟؟؟ راعي الكامري: شدعوة يا بو فلان موقفني على جذي يعني لو عطيتني مخالف مردك بتكنسلها .. "وقاموا يضحكون مع بعض " . انا صج صج انصدمت من الي سمعته .. وعقب المرور مشى الي وقفه وخلاه يروح الا انا نقعني .. طلعت من سيارتي ورحت له ,, قلت له : طويل العمر .. شنو ناس وناس .. انا موقفني على حزام وذاك رايبون صك ما يبين شي داخل موتره بس لأنه رجل امن معاكم يشتغل القانون ما يمشي عليكم يعني ؟؟؟ الا يقول لي المرور : انت تدري شلى موقفه .. وثانيا رايبون ماله مسموح مب ممنوع . صار ويهي جذي قلت له اخوي لو صج مسموح الرايبون الي حاطه جان ما وقفته من الاساس .. وعبالك احنا ما نعرف نفرق بين الممنوع من المسموح!!!!!!!!! الا المرور قال لي تدري .. طف جقارتك وصك موترك .. الحين الرافعة بتيي تشيل موترك لأني بحجز عليه وانت بتشرفنا داخل الدورية رديت عليه .. شلى عاد والله كل هاي لأني قلت الصج والي جفته بعيني .. اوكي انا بصك موتري وبخليكم تشيلون الموتر وانت بدخلني ع الضابط اوكي لكن الي جفته بعيني ... وهاي الي صار يا الربع والله .. بس سوى فيين حركة المرور ما دخلني ع الضابط .. والله للفير واان في المرور حق اخلص موتري... ناس وناس يا جماعة .. واسمحوا لنا ع الاطالة ادري طولت عليكم بس والله من القهر ..
فراوله حامضه Posted April 6, 2008 Report Posted April 6, 2008 هههههههههههههههههههههههههههههههههههههههههههههه جـفت شـلون الـي مـن صوبهم يـدسسون عـليه السـوالف يـــلا هــارد لـك الله يـاخذ حقـك منـهم
عاشقة الاخوة 27 Posted April 6, 2008 Report Posted April 6, 2008 والله شاقول لك يالاخو اهو فعلا ترى في ناس تمشي على مبدأ ناس و ناس و البعض الاخر بالعكس يمشون القانون على الكل .. بس انت الله يهداك لو كنت ساكت وايد احسن لك لان انت بمجرد ما جفت ان اهو تصرف هالتصرف لازم تعرف ان الاخو ضميره قاصر يعني عادي يستغل شغلته في مضرتك مثل ما سوه معاك ، بس الحين الندم ما ينفعك بس زين جفت شي بعينك وتعلمت منه ، والله يهدي الجميع ويعطي الضمير للي ما عنده ضمير .
انين الروح Posted April 6, 2008 Report Posted April 6, 2008 اي و الله اللي من صووبهمـ يمشوونه الله يااخذ بحقكـ اخوووي
Minnie mouse Posted April 6, 2008 Report Posted April 6, 2008 موو شرط من صووبهم واذا جافووو بنات حلووين عااااااااد الله عااااااااد يووووووووووووووود بس اتلااااقيه ايطووفها بس اوول شي تاخذ الرقم عقب ايمشيها خخخخخخخخخخخ
زرو العجمية Posted April 6, 2008 Report Posted April 6, 2008 (edited) انت تقول ناس وناس ,, شي عاااادي .. الله يساعدك Edited April 6, 2008 by زرو العجمية
Miss Girl Posted April 6, 2008 Report Posted April 6, 2008 صدق يعني ما يمشوون إلا بالواسطااات ان شااء الله الله بيااخذ حقك منهم
مجروحه الخاطر Posted April 6, 2008 Report Posted April 6, 2008 اي هاذلين كله هلون وانا اللي ينرفزني لما في تفتيش في الشارع يوقفوني من غير سبب السياره مسجله واللحزام لما اجوفهم من بعيد البسه ورايبون مافيه بس يوقفوني وين ليسنج ويقعد يتسبب ويمشيني سخافه
@شرشبيل@ Posted April 6, 2008 Author Report Posted April 6, 2008 اهلييين خواتي ،، تسلمون والله عالردود والتفاعل وقواكم الله ،، فراوله حامضه: خخخخخخخخخ ايييي والله ناس وناس يبه القانون ما يمشي الا علينا عليهم لااا اهما فوق القانون " وبلا شماته مرة ثانية لو سمحتي " عاشقة الاخوة 27: تسلمين اختي ع الرد .. بس والله ما قدرت ما تحملت وانا اول مرة ترى ارادد او أتلاسن مع شرطة عمري ما سويتها بس هاي الي صار . انين الروح: تسلمين اختي والله ع المشاعر والله يسمع منج،، Minnie mouse: الله يهديج اختنا شدخل هالسالفة بسالفتي خخخخخخخخ تسلمين لكن ع المرور،، زرو العجمية: يعطيج العافية ع المرور،، Miss Girl: يسلمووووو اختي واللهم آمين الله يسمع منج ،، مجروحه الخاطر: نحترم رايج اختي ويسلمووو ع المرور و ،،،ـــلامــــتــــكــــمــ،،
شيطونة عسل Posted April 6, 2008 Report Posted April 6, 2008 شي اكيد من الربع لازم ناس وناس هاي مشكلت البحرين كله واسطات الله ياخذ حقك منهم ويهديهم
Recommended Posts
Create an account or sign in to comment
You need to be a member in order to leave a comment
Create an account
Sign up for a new account in our community. It's easy!
Register a new accountSign in
Already have an account? Sign in here.
Sign In Now