xAvRilx Posted مايو 22, 2008 Report Share Posted مايو 22, 2008 يسلموو بانتطار البارت : ) Quote Link to comment Share on other sites More sharing options...
بيل وسبيستيان Posted مايو 22, 2008 Author Report Share Posted مايو 22, 2008 مبروك افتتاح المنتدى الجزء الثامن والعشرين قعدت من النوم الساعه 11 او نص .. مافي ولامسد كول من يوسف .. عكس العاده .. وانا اصلا ماكنت حاطته سايلنت كان يم راسي او ناطره يدق يقعدني .. دقيت عليه رد علي .. قلت له وينك قالي موجود قلت له مادقيت قالي انتي نايمه قلت له انزين العاده تدق قالي انشغلت كان يتكلم ببرووووووود .. اول مره يسويها بس انا تصرفت عادي .. قلت له بقولك عن البارحه انا اسفه تلفوني مافي شحن او خليته بالدار قلت ارجع له او نسيت .. قالي اها .. قلت له .. شبرنامجك؟ قالي عندي بارت تايم اليوم بعد قلت له الله يعطيك العافيه بقوم اغسل او بكلمك انا عندي اجتماع بعد شوي " رد علي اهو" بكلمج انا اذا خلصت قلت له خلاص اوكي .. غسلت اوو طلعت قعدت مع امي نشوف التلفزيون .. انسدحت جدام التلفزيون .. سألتني امي شبتسوين اليوم؟ قلت لها ماعندي شي .. قالت لي يوسف وين؟ قلت لها دوام قالت لي تبين نطلع؟ قلت لها اوكي.. قالت لي نروح سوق الذهب .. قبل لاتطير فلوسج .. قلت لها خلاص اخلص من الجامعه او امرج قالت زين .. يا ابوي او قعدنا نتغدى .. كنت حاطت لي دفتر اجمع فيه طبخات .. عشان اطبخهم بعدين يبته او قعدت اكتب الطريقه من امي .. الخادمه اهيا اللي تطبخ بس امي معلمتها او اكل امي مافي عليه ماشاءلله المهم .. قعدنا او طار الوقت صار حزت الجامعه .. يوسف للحين مادق ركبت السياره .. واهيا تسخن كتبت حق يوسف مسج " الله يعطيك العافيه حبيبتي .. مابي ازعجك بس وحشتني او انتظر اتصالك لاتطول علي انا رايحه الجامعه اللحين بس بنتظر مكالمتك " وانا بالمحاضره دق .. دزيت له مسج قلت له انا بالصف باقي نص ساعه بكلمك اول مااطلع طلعت او دقيت .. ولا صوته كلش .. متنرفز ومعصب .. كنت بفتح الموضوع بس قلت خل اقصر الشر .. قالي راده البيت؟ قلت له اي باخذ امي او بنروح السوق قالي متى بترجعين؟ قلت له ماادري ويا امي يعني قالي انزين انا تعبان بروح البيت ارتاح قلت له اوكي حبيبي .. دقت علي بدور تسولف .. تقول متملله .. قلت لها تعالي وياي انا او امي بنروح السوق قالت اوكي . مريت امي .. او تلاقينا مع بدور عند سوق الذهب .. تمشينا او تشريت اغراض .. او لقيت محل غتر خذيت حق يوسف .. او قلت حق بدووور فكرتي حق عيدميلاد يوسف او عجبتها .. رحنا بعدين نتعشى او ردينا البيت .. دقيت على يوسف مارد .. دزيت له مسج .. "حبيبي اكيد نمت .. نوم العوافي .. بتوحشني لليلتين ماكلمتك .. اول ماتقعد حاجني .. بأي وقت عادي" دق علي .. قالي انا مو نفسج مااهتم .. انا كنت اسبح او قلت بكلمج .. قلت له عمري والله ادري غلطت سامحني ماكان في شحن او لهيت قالي انا اليوم وايد كنت مضغوط او ادري زودتها .. كفايه مسجج .. ترى فرحني بس قلت بثقل .. قلت له يالثقيل خرعتني تصدق قالي اخيرااا خفتي مني .. قلت له يمه .. انا احترمك ليش تبيني اخاف منك الاحترام كفايه .. او سولفنا شوي او نام قعدت عالنت .. او نمت بعدين انا بعد Quote Link to comment Share on other sites More sharing options...
عاشقة الاخوة 27 Posted مايو 22, 2008 Report Share Posted مايو 22, 2008 يعطيج العافية بس البارت حــــــــــده قصيـــــــــــــــر Quote Link to comment Share on other sites More sharing options...
بيل وسبيستيان Posted مايو 22, 2008 Author Report Share Posted مايو 22, 2008 ذي جزء بعد الجزء التاسع العشرون بنتقل لكم لين يوم عيدميلاد يوسف على طول .. قبل بيوم كنت موصيه محل ورد يودون له بوكيه .. اهوا يحب الورد الغريب .. النادر .. فخليتهم يسوون باقه كلها ورد غريب او ألوان .. او حط لي عود صغير مكتوب عليه happy Birthday طبعا لازم اقول لكم قبل .. طبعا ماقدرت اتشرد منه اسبوع كامل .. فشافني .. بس الحمدلله نطق .. قالي ضعفتي .. بس لاتضعفين اكثر مو حلو .. اهوا له بالقطات اللي بالويه .. المهم .. وصل البوكيه الساع 9 الصبح على مكتبه .. اهوا اول شي تكون عنده جوله او عالساعه 10 يرجع المكتب كنت حابه يشوفه اول مايرجع .. قعد يدق علي انا نايمه .. بعدين دزيت له السايق بالكيك .. معاه هدية العطر .. غلفت الهدايا كلها بورق كحلي او ربون ابيض .. لونينه المفضلين .. اول هديه العطر .. دق علي بعدين .. قالي شهالمفاجئات الحلوه .. ونستيني حبيبتي .. او انا استانست .. المهم قلت له بنطلع نتغدى قال لي اي .. رحت لبست جينز او توب ستان بيج او اسود.. او شال اسود الجو كان بااااارد .. او لبست قلوب لولو .. رحت اول شي بيتهم نزلت هدية الليل اللي اهيا القلم او نزلت الهديه الثانيه بالمطعم .. بعدين وقفت سيارتي عند دوامه او طلعنا .. رحنا لورانزو اللي يم الشيراتون .. عاد انا كنت رايحه من قبل او ماعطتهم الهديه مغلفه .. خذت له جماغ او غتره .. من جيفينشي .. غلفتهم مع بعض .. كنت باخذ بزمات .. بس انتبهت انه مايلبس .. فخذيت له مسباح كحلي من دماس .. ماعرف شسم الحجر .. بس فيه لمعه او شكله وايد حلو او كركوشته فضه او رخيص كان مو غالي .. بس شكله ذرب وايد حلو .. بعد ماخلصنا غدا وداني الجامعه او راح الدوام .. احنا نخلص مع بعض .. فرجع اخذني .. كنت خاشه المسباح بجنطتي .. ركبت السياره .. قلت له يالله البيت او بالطريج عطيته المسباح .. رفيجتي رساامه .. تعرف تطبع الويوه بالضبط .. كنت ماعطتها صورت يوسف بالملجه او رسمت لي اياها عالسريع .. كانت عاديه بس حلوه مبين انه اهوا .. هذي خليته حق هدية من البيت .. وصلنا امي ماقالت لي كانت مسويت له كيكه صغيره او معدلتها بروحها .. واااااااااااايد استانس عليها .. يقولي دورتي راسي كل ماقول خلاص طلع لي شي يديد .. وايد كلفتي على عمرج حبيبتي .. المهم .. كنت مرتبه داري او مغيره فيها شوي .. او موصيه الخدامه تحط الفواحه .. ريلي كلش مايحب البخور .. عاد انا ذبحتي .. المهم فصرت عايشه عالفواحات والحمدلله مشو وياه .. قعدنا بداري نطالع التلفزيون وقعد يفتح الهدايا او وايد عجبته الرسمه او كلشي عاد اهوا لين يبي يرفعني يوصلني لي السما ... بعد عمري .. او سهرنا لي الساعه 11 .. قالي خلص عيدميلادي حسافه .. كنت كل مامشي خطوه اتوقع منج شي يديد .. المهم قلت له اي خلص بعد شستوي .. طلع او راح البيت او شاف الهديه اللي ناطرته .. بعد ودق علي .. نواروووووه يالساحره .. القلم فضيــــــــــــع وايد حلو او عندي نظاره نفسه تخيلي الطقم انتي بس .. او تم يسولف لي الساعه 2 او نام .. طبعا اهوا نومه اللي ساعتين باليوم تكفيه ماشاءلله عليه او انا العكس!!! امووووت عالنوم! .. الله يستر شبيسوي فيني لين سافرنا انا النوم مااصادق عليه Quote Link to comment Share on other sites More sharing options...
عاشقة الاخوة 27 Posted مايو 22, 2008 Report Share Posted مايو 22, 2008 ثااااااااااانكس يعطيج العافية Quote Link to comment Share on other sites More sharing options...
مينونة ومخرفة ومخرخشة Posted مايو 22, 2008 Report Share Posted مايو 22, 2008 بصراحة وايد عجبتني الحركه مالت العيد ميلاد يسلموووووو .. نتظرج Quote Link to comment Share on other sites More sharing options...
بنت السعيد Posted مايو 22, 2008 Report Share Posted مايو 22, 2008 يسلمووو وننطر الباقي Quote Link to comment Share on other sites More sharing options...
لط لط Posted مايو 22, 2008 Report Share Posted مايو 22, 2008 ثاااانكس و الله حلو العييد ميلاد حددددددددددده!! Quote Link to comment Share on other sites More sharing options...
السمكة المفترسة Posted مايو 22, 2008 Report Share Posted مايو 22, 2008 يسلمووو عالبارت بس ما عرفت شسوت نوار ناطرين البارتات الجاية Quote Link to comment Share on other sites More sharing options...
غصون المحبة Posted مايو 22, 2008 Report Share Posted مايو 22, 2008 يسلمووووو على البارتات يعطيج العافية ننتظر الباقي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.