ريم الإمارات Posted مايو 29, 2008 Report Share Posted مايو 29, 2008 الحلى اليوم عبارة عن cup cake بالشوكولاتة، الطريقة جداً سهلة ولا تحتاج مقادير كثيرة ولا خلاط... و سويت عليه تغيير بسيط أخذت فكرته من موقع أجنبي... و النتيجة مبهرة بمعنى الكلمة... و الكل أعجب بطعمه... ما أطول عليكم و نبدأ بسم الله... أول شي نحمي الفرن على حرارة 350... و نجهز صينية ال cup cake الحجم الصغير بالقوالب الورق... و على جنب بيكون كاكاو نوتيلا للحشوة، و في وعاء عميق نخلط المقادير الناشفة: 4/3 1 كوب طحين منخول 2 ملعقة صغيرة بيكنج باودر 2 ملعقة كبيرة كاكاو بودرة 1 كوب سكر نخلطهم مع بعض و نتركهم على جنب... في وعاء عميق ثاني نخلط المقادير السايلة: كوب حليب سائل بحرارة الغرفة 3/1 كوب زيت بيضة ملعقة صغيرة فانيلا بالخلاط الشبك اليدوي، نضرب هذي المقادير مع بعض... بعدين نضيف المقدار السائل على مقدار الطحين و نخلطهم مع بعض لحد ما يتجانسون... و هذا شكل الخليط... الحين نجيب ملعقة صغيرة، و ناخذ مقدار نص ملعقة من خليط الكيك و نصبه في القوالب اللي جهزناها... بعدين نجيب كاكاو نوتيلا، و ناخذ منه مقدار ربع ملعقة و نحطه فوق خليط الكيك اللي في القوالب... و نحاول يكون في النص... بعدين نرجع مرة ثانية ناخذ قد نص ملعقة صغيرة من مقدار خليط الكيك و نصبه فوق النوتيلا... و في الأخير لما نخلص، نجيب حبات الهيرشيز و نحطها عالوجه... أنا حطيت 3 حبات في كل قالب... الحين ندخلها الفرن في الرف الأوسط و لمدة ربع ساعة بالضبط... و هذا شكلها بعد ما نطلعها من الفرن... و هذا شكلها من داخل مع الحشوة... Link to comment Share on other sites More sharing options...
شوق بحرينية Posted مايو 29, 2008 Report Share Posted مايو 29, 2008 وووووووووووووووووووووواو يجنن ما شاء الله عليكى يا قمر ان شاء الله اطبقة - يسلم ايديكى الحلوة Link to comment Share on other sites More sharing options...
فراشه الزهور Posted مايو 30, 2008 Report Share Posted مايو 30, 2008 روعة يا ريم ان شاء الله يضبط معاي Link to comment Share on other sites More sharing options...
بحرينية (A) Posted يونيو 11, 2008 Report Share Posted يونيو 11, 2008 تسلمين الله لايحرمنا من جديدج Link to comment Share on other sites More sharing options...
لط لط Posted يونيو 14, 2008 Report Share Posted يونيو 14, 2008 ابببي بس آكلهاا ما اطبخها هههههههههههههههههههه عجيييييييييييبة يمممممممممممممييييييييييييييي Link to comment Share on other sites More sharing options...
مرايم Posted يونيو 14, 2008 Report Share Posted يونيو 14, 2008 تسلم يدددددددج شكلها لذيييييييذه Link to comment Share on other sites More sharing options...
عاشقة طيف Posted يونيو 29, 2008 Report Share Posted يونيو 29, 2008 يسلمو الأيادي ريوم يعطيك العافية دمتي بود Link to comment Share on other sites More sharing options...
Recommended Posts