ريم الإمارات Posted أغسطس 15, 2008 Report Share Posted أغسطس 15, 2008 عطونا حق الله ... عطونا حق الليلة... جدام بيتكم وادي... والخير كله ينادي... جدام بيتكم عيله... عطونا حق الليلة .. جدام بيتكم طاسة .. ويديكم محتاسة ... جدام بيتكم طمطمة ... وعجوزكم متحرطمة............. عطونا عطونا عطونا الله يعطيكم بيت مكه يوديكم كلمات حلووه كنا نرددها زمان اوول ويعرفها كل خليجي أحتفال بليلة النصف من شعبان كل واحد ما شاء الله شال كيسته وياه ويطلب من البيوت حلاوه في الامارات يسمونها :-- حق الليلة في الكويت والبحرين يسمونها :-- كرنكعوه في السلطنة يسمونها :-- القرنقشوه أو الطبلة أما في السعودية يسمونها :--- الكريكعان أو الناصفة أو الكريكشان أسامي حلوووه صح ما زالت العادة لين الحين مستمره بس فيها شوي تطورات حديثة طرت عليها بس ما منسا هذي الايام الحلووه طبعا كل واحد في صغرة سار يليل ويلقط حلاوه صح واولهم انا لين كنت صغيره والله ما ادري اذا انتوا بعدكم محافظين على هالتراث ولا نسيتووه ،، بس نحن بعدنا عايشين عليه ودووم نحتفل به خخخخخخخ يالله اللي يدش الموضوع لازم يحطلي حلاوه ههههه لالالا اللي يبا حياه الله قوولو يالله تراني مجهزتلكم القرقعون على قوله أخوانا الكويتين بعطيكم عنا عيالكم بعدين يقولون لي : جدام بيتكم طاسة .. ويديكم محتاسة ... جدام بيتكم طمطمة ... وعجوزكم متحرطمة .. توني شباب بعدي ما عيزت .. ووين أ كياسكم مال أم خماس تفضلوا باب منتدانا مفتوح .. حياكم الله ماما طيف كريمه وأنتوا تستاهلون يالله تفضلوا حبايبي وكل عام وانتو ابخير اذكر من زمان انا واخووي ,اختي وولد عمي يوم حق وكل واحد طبعا كاشخ ولابس احلى الثياب وما شاء الله الكيس................ كيس بلديه هذا الكبير الي كنه خريطه انسحبه ويانا وطبعا محملين اكياس أحتياط للضروره................ مرة انا كيسي اتمزق تناثر الحلاوه كله على الشارع وشويه تيني صيحه بس طبعا كيس االاحتياط ما قصرت ويقوم اخويه يلقط الحلاوه ويحطه في كيسه وما شاء الله علينا ما نخلي فريج ما سرناه نترس الاكياس ونرد البيت ونحمل اكياس الدفعة الثانية (( اللقافة طالعه على حقيقتها )) :مكر: :مكر: :لقافة: :لقافة: شو أنسوي صغار بعدنا ميهمنا الا الحلاوه ............ ويوم تظلم الدنيا انرد البيت وكل واحد محمل كيستة وياه ونفرغ الحلاوه كلها ولقط النوع الزين من المصاص واللبان والكا كاو ونخلي المكسرات اتولي يالله الحينه وبعد درتوا البيوت وما خليتوا مكان ما رحتوا له .. وأكلتوا حلاوه حق الليله قولوا لنا حبايبي الأعضاء .. عن لمن كنتوا صغار وكيف تحوطون تدورون حق الليله .. قولوا لنا مواقفكم الحلوه في هالليله الغاليه علينا Link to comment Share on other sites More sharing options...
uae girl Posted أغسطس 15, 2008 Report Share Posted أغسطس 15, 2008 (edited) ذكريات حلوهـ أختي ريم الإمارات بس العادات تختلف مب كل اللي بالإمارات عندهم مثل هالعادهـ.. ما أذكر كنا نسوي حق الليله... بس عاده حلوهـ نتريا ذكريات الأعضاء عن حق الليله وكل سنه وانتوا طيبين وفنانتنا طيف بخير Edited أغسطس 15, 2008 by uae girl Link to comment Share on other sites More sharing options...
عاشق طيف Posted أغسطس 15, 2008 Report Share Posted أغسطس 15, 2008 لاتنسينا بالحلوياااات الاماراتية ارسليهن عبر ((DHL )) دمتم سالمين Link to comment Share on other sites More sharing options...
عاشقة الكوثر Posted أغسطس 15, 2008 Report Share Posted أغسطس 15, 2008 ريم الامارات ذكريات الا تنسى اشكرك على الناصفة وتمنيت فنانتنا معانا لكي تشاركنا الفرحة وكل عام وانتم بخير Link to comment Share on other sites More sharing options...
ريم الإمارات Posted أغسطس 15, 2008 Author Report Share Posted أغسطس 15, 2008 (edited) عليكم بالف عافيه حبايبي وكل عام وأنتوا بخير ومبرووووك عليكم شهر رمضان مقدما الله يعوده علينا وعليكم باليمن والبركاات وهلا فيج حبيبتي وبنت بلادي uae girl حيااااج الله فيج معانا في منتدى الفنانه ماما طيف إذا ما شالج مندانا بتشيلج عيونا يالغاليه .. هيه والله أيااام حلوه ما تنسي .. ويارب تعود علينا كل سنه وكل حول .. إن شاء الله من عيوني أخوي الغالي عاشق طيف أنت تأمر بس .. لو تبغي كل الحلويات اللي في الإمارات ما تغلى عليك يالغالي ,, بس جهز كيسك .. تسلمييين حبيبتي عاشقة الكوثر أتمنى هالناصفه تدوم علينا كل سنه ونكون حيينا ونشوفها كل سنه وكل حول ماما طيف إن شاء الله بتكون معانا .. Edited أغسطس 15, 2008 by ريم الإمارات Link to comment Share on other sites More sharing options...
عرقوب Posted أغسطس 15, 2008 Report Share Posted أغسطس 15, 2008 تسلمين حبيبتي ريوووومه ع الناصفه ^^" وذكريات الا تنسى .. وكل عام وانتم بخير تسلمين حبيبتي ع الموضوع روووعه .. ويعطيج الف عاافيه . Link to comment Share on other sites More sharing options...
ريم الإمارات Posted أغسطس 16, 2008 Author Report Share Posted أغسطس 16, 2008 عليج بالف عافيه حبيبتي عرقوبه وكل عاموأنتي بخير ومبرووووك عليج شهر رمضان مقدما الله يعوده علينا وعليج باليمن والبركاات وأنتي الأرووووع حبيبة قلبي .. تسلمييين يالغاليه Link to comment Share on other sites More sharing options...
عاشقة طيف Posted أغسطس 16, 2008 Report Share Posted أغسطس 16, 2008 واااو احلى الذكريات كل عام وانتوا بخير ومشكورة ريومتي على الموضوع الحلو دمتي بود Link to comment Share on other sites More sharing options...
شهودة الدلوعة Posted أغسطس 16, 2008 Report Share Posted أغسطس 16, 2008 بصراحة الناصفة في السعودية حلووووة كثير ذكريات جميلة مشكورة ريم على المواضيع الروعة ويعطيك العافية Link to comment Share on other sites More sharing options...
فراشة الزهور Posted أغسطس 17, 2008 Report Share Posted أغسطس 17, 2008 (edited) في نص من شهر شعبان يحتفلون الناس بالقرقيعان كبار و صغار قبل القرقيعان كان احتفال للصغار بس .. يروحون يطقون البيبان و يغنون .. قرقيعان و قرقيعان .. و سلم ولدهم يالله .. أما الحين .. الخدم يلفون معاهم و المسجلات اللي تقرقع ..!! و لازم تجهيز له من علب و شرايط و يتنافسون منو قرقيعانه أحلى و منو أحسن و منو أكشخ ..!! و حتى المولود صاروا يسون له قرقيعان و يحطون صورته و اسمه عليه و يوزعونه على الكبار قبل الصغار !! القرقيعان فرحه للصغار و الكبار .. ع الرغم من الزحمة والفوضة والناس بس ليلة عجيبة استانس لما أشوف الياهال لابسين الملابس الشعبيه و يطقون البيبان و يغنون .. ترجع فيني الذاكره لايام طفولتي و أحس بالوناسه و الحنين لذيك الايام اذكر و الله لما انطق الباب ويقولون مافي قرقيعان انرد انطق الباب ونأذيهم<<<<<<<<<< لعانه خخخخخخخخخخخخخخخ واهم شي الحلاوه والمصاصات الحمرا الله على ايام القرقيعان حركة روعة كل نسويها وحتى اذا عطونا شي مو حلو بعد نسويها بس طبعا هالشي ايام الطفولة الحين كبرنا وعقلنا ههههههههههه نسيت ماقلت الكم تراني اليوم رحت سويت قرقيعان والله طلعت من الشغل من وقت ورحت مع صديقتي وخطيبي يضحك عليه يقول لي مثل الاطفال هههههه المهم الله يبارك بعمرك يالغالية... وانتي متباركة ^^ ولاتنسينا من الحلاوة ,... ومشكورة ع المبادرة الحلوة منك.. وربي يحفظج من كل مكروه ان شااء الله.. ويوفقج يااارب سلآمي ومودتي... Edited أغسطس 17, 2008 by فراشة الزهور Link to comment Share on other sites More sharing options...
Recommended Posts