وردة القمر Posted أكتوبر 2, 2008 Report Share Posted أكتوبر 2, 2008 تسلم أناملج حبوبة .. بارت روووعة تحياتي .. Quote Link to comment Share on other sites More sharing options...
بنت الحداده Posted أكتوبر 5, 2008 Author Report Share Posted أكتوبر 5, 2008 رامي ماسك دمعته ,, الله يالريييم ,, كبرتي وصرتي مره ,, ومو اي مره الله يهنيك ياهاني بزين البناات ,, الكل كان فرحان ,, بستثناء بو طارق ,, الي كانت نظراته تقول كلام وكلام ,, ووجوده كان كأنه بالأجبار ,, هاني ,, بهمس : خدي عورني من شقة الحلج ,, ريم محمررررررره .. هاني بس يتغزل فيها من دخل ليحين ,, المصوره كل ما تقوله سو حركه يعانند ويسوي حركات على كييفة ,, أم طارق ,,: خلاص هاني يننت المره ,, هاني ,,: شله اهو على كيفها سو جذي وسو جذاك ,, كيفي أنااا ملجتي ومرتي اهي شكو ام طارق ,,: ياربي عليك يحب يعاند هل ريال ,, هاني ,, : عاد ريماني ما سمعت صووتج من دشيت ليحين ,, ريم وهي مو قادره تتحجى من زود الحيا ,,: ماعرف شقوول ,, هاني ,, ,, بحب ,,: انتي بس طالعيني وعيوونج بتقوول ,, ريم رفعت عينننها ,, وطالعته بنظره غريبة عجيييبة ,, بس ماقدرت نزلت عيوونها ,, هاني ,,: باال شهل نظررة الحين انا شفسر شخلي! ريم ,, ابتسمت ,, هاني ,,: تدرين الريييم ,, عيووونج فيها شي غريب ماعرف اوصفه ,, يخليني انسى الي حوولي اذا اشووفها ,, ريم ,,,,,,, هيام ,,: هاني ,, يلا عشان تلحقون على الأستيديو ,, ريم !! ,,: بعد تصوير!! هاني ,,: اييي لازم ,, عبالج يكفيييني لو اصورج من اليوم لباجر احس ان بعد لازم اصور هل جمااال ,, ريم ,,, : هااني حرام عليك قولي شي اعرف ارد عليه مخليني غمته من هل حجي ,, هاني ,,: هههههههه نظر عيني انتي والله ,, شااسوي طول هل مده كااتم في قلبي ,, وما صدقت على الله آخذ راحتي في الحجي ,, ريم ,,,,,,,,,, : انزين بنروح الحين! هاني ,,: اي يلا حبيبتي ,, مشى هاني مع ريم ,, هاني اشر لهيام اتيي ,, راحت ,, هاني ,,: اقولج انا قاط تلفوني مادري وين في الميلس يبيه ,, هيام ,,: أنااا!! هاني ,,: شوفي لج دبره ,, قولي لعمتي ام رامي ,, او ايشي ,, هيام ,,: انزين ,, انطر ,, دخلت هيام ,, وتمت اتدور ام رامي في هل زحممة ,, وأخيراً لقتها ,, هيام ,,: خالتي ,, ام رامي ابتسمت لهيام ,,: هلا حبيبتي ,, هيام ,,: هاني ناسي تلفونه في الميلس ,, ويبيه ,, ام رامي ,,: انشالله ,, بقول لرامي اييبة الحين ,, هيام تغيرت ملامحها بس تداركت الوضع ,, : اووكي راحت ام رامي ودقت باب الميلس,, طلع لها رامي ,, رامي ,,: هلا بالحلوة بالزينه لا لا لا ماقدر شهل زييييييييييييييين هيام كانت واقفه على صووب وتسمعه وتطااالعه ,, بس اهو ما شاافها ,, حست بنوع من الغيره معنهاا امه ! ,,, ام رامي ,,: بسك حجي ماله معنى ,, رامي ,,: افا يمة هزا يزاي قاعد اتغزل بهل جمال ,, ام رامي ,,: اقوولك بسك هذره بسك ,, روح ييب تلفون هاني ,, رامي ,,: انزين يمة ما اثنيتي على كشختي ,, ام رامي ,,: عدل نسفتك ,, رامي ,,: يمة ! ,, هاذي اثنااء عاد! ام رامي ,,: ياحبك للحجي الماصخ ,, رامي ,,: ههههههههههه والله حلو وعسل مثلج ,, ام رامي ,,: يلا لا تعطلهم هيام بتاخذه لهم ,, رامي سمع اسم هيام تجمد ,,, ورفع عينه بالعدااال ,, وانصعق بهيااااام ,,! كانت كلمة فاتنه شوية عليها ! ,, مقطعه شعرها ,, وحاطه لها ميك أب خفيف بس مبين وسع عينها ومعطيها لمسة ناااعمة ,, ومنضفة حوواجبها لأول ,, مرره ! ,, وطالعه غااااوية ,, الي يطالعها لازم يتم يطالع مده يتعجب من هل جمال! ,, معقوله في جمال جذي! ,, سبحان الله سبحااانه! ,, والي ذبح رامي انها كانت واقفة اتطالعه ,, ولأول مره يحس ان نظراتها فيها مثل الكهربه ,, طبعاً اول ما طالعها نزلت عينها على طوول ,, وتم متجمد مكااانه ,, وهيام تفشلت اشلي اطالعه الحين شبيقول عني ,, واااي تفحم ويهي ,, شهل فشششلية ,, رامي كان لابس ثوب قطرية من المطرزين بس التطريز مو اوفر ,, وطبعاً النسفة القطرية والعقال القطري الي فيه خيوط ليبتووون والعقال عووي عشان تضبط النسفة ,, ومرتب السكسوكه مخليها عريضة شوي من تحت ومن فوق عرضها طبيعي بس بالنسبة لعرضها تحت فوق اضعف ,, ام رامي شافت ولدها تسودن ,,: رامي !! ,, رامي كان للحين متمجد كأنه أول مره يشوفها ,, واحشته ,, واحشته وايد ,,, معنه مو من زمان مو شايفها ,, ام رامي ,,: رامي اشفيييك! رامي اوتعى ,,: هلا يمة!! ام رامي ,,: روح ييب تلفون الريال وتعال بسرعه لتعطلهم ,, رامي ببتسامه وهو يطالع هيام ,,: برق ,, دخل رامي يدور التلفون ,, ام طارق ,,: ام رامي ,, تعالي خلينا نصوور ,, ام رامي ,, راحت مع ام طارق ,, وتمت هيام ! ,, الحين شسوي ! شلون راحت وخلتني ,, مادري اخلي هنوي يولي شبيسوي في التلفون يعني اهو ,, افففف اشهل فشيله !! ,, طلع رامي ,, وشاف هيام بروحها ,, ابتسم ,, وراح لها ,, هيام اتطالع الأرض ,, رامي ,,: هيام اشلونج ,, هيام بصووت مخنوق ,,: أنـ ه ,, بخير ,, رامي ابتسم لها ,, وده ترفع عينها ويطالعها في عينها ,, تم سااكت يتأملها ,, هيام شافته طول!! ,,: أممم حصلت التلفون ؟ رامي ,, : اي ,, هيام ,,,!! ,, شينطر يعني !! ,, سمر شافته واقف مع هيام !! ,, اشفيه هذا ناوي يطيح من عيني ,, راحت ,, لهم,, سمر ,,: السلام عليكم ,, رامي ,, ببتسامه ,,: وعليكم السلام ورحمة الله وبركاته ,, سمر !! ,, يابرووده ! ,,: شلونك رامي ؟ رامي ,, : بخير الحمدلله ,, أنتي شلونج ,, هيام شافت سمر ,, ياويلي الحين اكيد افهمتني غلط ,, سمر ,, شقول الحين ليش واقفين مع بعض , لا لا مب عدله ,, سمر ,,: هيام تعالي ما بتصورين معانه ؟؟ هيام ,,: أنه ,, قالي هاني انه يبي تلفونه ,, وو راح رامي اييبه ,, رامي ,, ياحلو اسمي والله انه احلى اسم بالعااااااالم ,, ,, سمر ,, ويي واعليه عليج ظلمتها ,,: اهااا ,, رامي مد يده ,,: وهذا التلفون ,, سمر خذت التلفون ,, وعطته هيام ,, حست روحها هبله رازه ويهي ومسوية فيها يا ارض اهتزي ما عليج قدي على شي ما يسوى ,, هيام خذت التلفون ,, وشالت عليه ,, رامي تم يطالع هيام وهي تروح بسرعه ,,, سمر اتطالع رامي !! ,, احسه جريء وواثق !! في نفس الوقت !! ,, رامي ,,: يلا تامرين على شي خيتي ؟؟ سمر !! ,,: سلامتك ,, راح رامي ,, وتمت سمر واقفه تفكر !! ,, هل انسان غريب! ,, معقوله الكلام الي قاله لي طارق عنه صج! ,, يعني في ناس تكافح عشان غيرها وتبني نفسها ,,في نفس الوقت ! ,, احسده على قوته !! ,, ويابختج يا هيووم لا صار من نصيبج ,, راحت هيام وعطت اخوها التلفون ,, هاني ,,: جان تأخرتي بعد ,, هيام ,,: هنوووي روح عني حطيتني في موقف محرج ,, هاني ,,: انزين يلا بااي هيام ,,: بااي ,, ركب المرسديييييس بنز ,, وريم على حالتها صمن بكمن ,, واذا تحجت كلمتين ,, هاني ,,:سووري على التعطيييل ,, ريم ,,: لا عاادي ,, هاني ,,: كوومار طير على الأستيديوو ,, حرك كوومار ,, هاني قعد مكاانه ساااكت ويطالع ريم ببتسامه فيها امتنان فيها فرحة مو طبييعية ,, ريم اتطالع الأرض ولا هي عارفه تتكلم ولا تشيل عنيه من عليها ,, وتموو على هل حااال لين وصلو الأستيديو ,, وقف كومار وهاني للحين سرحااان ,, ريم ,, وصلنا !! ,, ليمتى يعنييي!! ريم رفعت راسها شافته شلون يطالعها نست شكانت بتقووول ,, والغريب في الووضع انها اهي الثااانية تمت اتطالعه في عيينه مممدددده ,, كومار !! ,, دقيقة ,, دقيقتين ,, ثلاااااث !!!!! ,, واربع ,, وخمس !! ,, كومار بصوت عالي ,,: بابا هااانييي ,, هاني اوتعى على صوت كووومار المزعج ,,: شفيك شتبي ناط لي يا هادم اللذاات ,,؟؟ ريم تمت تضحك ,, كومار ,,: بابا انا في وقف من زمااان ,, أنتا مافي ينزل هاني ,,: وأنت شعليك! ,, انت توقف ولا عليك تسوق وانت ساكت ,, كومار ,,: خلاص بابا لا يسوي جنجاال انا في يسكت ,, هاني ,,: هاذي الي يبيني آذبحه جنجااال ها.؟؟ كومار ,,: لا بابا انا مافي يقول بعد مره ثانية ,, هاني ,, طالعها هدأت اعصاببه قاعده وتضحك بهدووء على عصبيته ,, بغى يسوي روحه معصب عليها ,, هاني بتمثيل ,: وأنتي شعليه اتضحكيين؟ ريم ,,: علييك ,, هاني ,,: شله مطنزه انه ,, ريم !!! ,,: آسفة ,, هاني ببتساامه ,,: طالع هذي صدقت ,, ريم ,,: صج انك باايخ ,, هاني وهو يضحك ,: بايخ منج كأنها حبيبي ,, ريم احمرت ,, هاني ,,: انزين خلينه ننزل انصوور , ريم انزلت معاااه ,, ودخلوو يصوووروون ,, هاني طفش المصورة كل ما تقوله سو شي يسوي شي ثاني على كيفة ,, لين ما كملوا,, وراحووا يتعشووون ,, هاني طلب الأكو والماااكو وتم يلقم ريم واهي مو راااضية ,, واهو مصر الا يلقمها بيدينه ,, ردها نهااية اليوم او خلونا انقول بداية اليوم اليديد لأنه الساعه كانت 12 وربع ,, هاني ,,: قلبي مو مطاوعني اروح وأخليج ,, ريم ,,: هاااني وراي مدرسة لازم ارقد ,, هاني ,,: افف من هل مدرسة ,, ريم ,,: شاسوي بعد ,, هاني ,,: انزين حبيبتي ( مسك ايدينها بحنية) في خاطري كلام ودي اقوله ,, ريم وهي محمره بس اتطالعه في عيينه ,, تحس بعيووونه تنخش عن كل الناااس تحس بأماان وحب وحنان ,, شي ما ينوصف الي تلاقيه بعيون هاني ,, ريم ,,: قول ,, هاني ,,: اليوم كان احلى يوم في حياتي ,, اليوم بس صار لحياتي معنى وهدف وطعم ولون وكلشي حلو ,, ريم انتي نورتي حياتي وسحبتيني من حياتي التافهه الي كنت اعيشها صدقيني ريم انا حبي لج ما اقدر أوصفه ,, ما تتصورين لأي درجة انا مستانس هل جم ساعه الي قضيناها مع بعض حسيت وكأني طلعت من هل دنيا ورحت عالم ثاني عالم مافيه غير الأبتسامه وأنا وأنتي ,, ريم ,, تمي نوري حياتي ,, ريم ,,, كلامه كان يحرك مشاعر الحجر شكله وهو يتكلم ونظراته وطريقته ,, كانت رومانسية بطريقة تجذب اي بنت ,, فشلون وريم بدت اتحبه من مده !! ,, نست حيااها وكلشي وضمته ,,, هاني استغرب من ردت فعل ريم ,,, بس ادمعت عينه ,, شلون سمحت لنفسي اضيع ثانية من عمري بدونج ياريم ,, الله لا يحرمني منج ,, ريم هدته وشافت الدموع على خده ! ,, ريم ,, : اشفيك ؟ هاني ابتسم ,,: ولاشي هذي دموع الفرح يارييم ,, ريم مسحت دموووعه بيدينها ,, : مابي اشوف دموعك ,, ابيك انت تمسح دموعي ,, مو أنا امسح دمووعك ,, هاني ,,: ههههههه ليش انا اساساً بسمح لدموعج يطلعون عشان امسحهم؟؟ ريم ابتسمت له ,,: أنه محظوظة فيك ,, هاني ,,: أنا الي محظوظ فيج ,, ريم ,,: لا انه ,, هاني ,, : لا أنا ,, ريم ,,: لا أأنهه ,, هاني ,,: خلاص انا وأنتي ,, ريم ,,: أممم يلا احسن من ولاشي ,, هاني ,,: ههههههه يحليلج يل ريم تدرين اي كثر صار لنا واقفين على الباب .. ريم ,,: ها جم؟ هاني ,,:: نص سااعه ,, ريم ,,: بييه ولا حسيت بالووقت ,, هاني ,,: ولا انا ,, اصلا انا عاجبتني الوقفة شرايج نسهر عند باب بيتكم ,, ريم ,,: ههههههههههه هااااني هاني ,,: يا عيووووووونه ,, ريم ,,: انزين يلا رووح وايد تأخرت لازم ارد البيت وآرقد ,, هاني ,,: قبل لا اروح ابي اسمع شي يصبرني على فراقج جم ساااعه ,,, ريم ,,: هههه اشعندك على التصبيرة ,, هاني ,,: ههههههههه واحليلي فقيروو اتصبر بعد شاسوي بقلبي ,, ريم ,, ابتسمت له وبصووت مو مسموووووع ,, : احبك ,, هاني ,,: اتساسريين رووحج !! ترا انا ماسمعت ,, ريم ,,: أمبله سمعت ,, هاني ,,: لا والله صدقيني ما سمعت ,, ريم ,,: أمبله امبله شوف ويهك يقول انك سمعت ,, هاني ,,: صدقيني يابنت الحلال ما سمعت شييي ,, ريم ,, بصوت اعلى شوي ,,: احبك ,, هاني ,,,,,,,,,,,,,,,,,,,, تجمد وتم ساكت ,, ريم ,, خافت انه سمع شي ثاني !! ,,: هاانيي؟؟ هاني للحين نظرته متجممده وملامحه متجممده ,, ريم تهزه ,,: هاني اشفيييك !! هاني ,, : ريم قوليها مره ثاانية ,, ريم ,,: افف خرعتني عبالي سمعت شي ثاني ,, هاني ,, : تكفيين قوليها مره ثاانية ,, ريم ,,: لييش؟ هاني ,,: اتعرفين شحسيت فيه ؟؟ ريم .,: شنوو؟؟ هاني ,,: حسيت ان قلبي قام ينبض غيييير ,, ويااني احساااس حلووو في صدري حسيت بشي ماعرف اوصفه ,, ريم ابتسمت له ,,: لهل درجة ,, هاني ,,: وأكثر يالريييم ,, ريم ,,: انزين يلا خذت تصبيره على قولتك ,, آنه باروح آرقد هاني ,, : أنزين قوليها مره ثانية قبل ,, ريم ,,: بقولها لك الصببح ,, هاني ,,: يعني افهم من كلامج اني اول ما اقوم من رقادي اتصل فيج !! ريم ابستمت له ,,: انت تتصل في اي وكت ,, هاني ,,: حتى الحين؟ ريم ,,: ههههه ابي آآرقد ,, هاني ,,: يعني مو اي وقت ,, ريم ,,: امبله بس يعني انت تحب إني آتعب ؟؟ وباجر ما افهم شي ؟ هاني ,,: لا والله يعل فيني التعب ولافيج ,, يا نظر عيني ,, ريم ,:خلاص ,, باجر اتصل الصبح ,, هاني ,, بحب وسرحان ,,: انزين ,, ريم ,: يلا مع السلامة ,, هاني ,,: الله يسلمج ويحفظج ولي يخليج ,, دخلت ريم البييت ,, وهي في حالة حب وهيام وسرحاااان ,, وراح هاني البيت وهو سرحاان حاله حالها ,, حتى انه يوم وصل كومار البيت نسا رووحه ودش دار امه وأبووه ! , عقب اوتعى على روحه وصعد فوق ورقد مثل اليهااال ,, عقب ما تعب عقله من التفكير ,, وعضلات خده قامو يعورونه من كثر ماهو شاق حللجه ,, مرت هل ليلة على غير المتعاد ,,, وكلن يغني على ليلاه ,,,,,,, الصبح ,, سمر قاعده من رقاادها ,, وتسحي شعرها ,, طارق ,,قام عقب ما رن المنبه ,, لأول مره ! ,, طارق ! ,,: صباح الخير ,, سمر ,,: صباح النور ,, طارق ,,: ورا ما قعدتيني .؟ سمر ,,: ماحبيت ازعجك ,, طارق؟؟ ,,: تزعجيني ؟؟ سمر قامت من صوب المنظره وسحبت الشيله ,,: اي ,, طارق ,,: وين بتروحين ؟؟ سمر طالعته بسغراب ! ,,: نسيت الموعد! طارق حس كأنه احد عاطيه كف! ,, : بس تو الناس! سمر ,, ابتسمت بستهزاء ,,: تو الناس على شنو!؟؟ طارق ,,: على الموعد ,, سمر يابت المنبه ,,: الموعد الساعه 8 والحين 8 الا عشر !! ,, طارق عقد حواجبه ,, سمر قامت ,,: نسيت! طارق ,,: ها !! ,, لا ما نسيت بس ,, سمر ,,: بس شنو!!؟؟ طارق قام من مكانه ,, : أنا توني قاعد من الرقاد فـ اعذريني ,, سمر ,,: ظنيتك تحاتي هل ساعه مثلي ,, طارق ! ,,: سمر شقصدج ؟؟ سمر ,,: طول الليل وأنه اتقلب ومو عارفة آرقد ابي اكلمك ييت وقلت لي لا تزعجيني وآبي آرقد ,, وكأنك مو مهتم ,, طارق بعصبية ,,: انتي شتقولين ! ,, سمر اشفيج ! ,, انتي مو سمر الي اعرفها ,, سمر بعصبية والدموع في عينها ,,: ولا انت طارق الي اعرفه ,, طارق ,,: أنتي من حطيتي سالفة الحمال في بالج وأنتي متغيره ودي اسمع منج كلمه حلوة ودي احس بحبج لي مثل الأول تحاتيني وتسألين عني ,, حتى غيرتج اختفت ! ,, صرتي مهمومه وشارده وسرحانه طول الوقت ,, سمر ,, والدمووع اربع اربع ,, وصوتها فيه غصه ,,: كلشي انه ,, كلشي أنه ,, مب كأنك صرت تتحاشا تكلمني تبي تستانس ما تقول مرتي تعبانه ومتضايقة ومحتاجه حد يسمعها ,, بس تبي تسمع كلام حلو وتعيش حياة حلوة ,, وأنا بالطقاق تضايقت زعلت طارق عصب اكثر ,,: انا صرت اتحاشا اكلمج لأنج ما عندج سيرة غير سيرة الحمال ,, وقعدت وكلمتج وطمنتج وايد ,, وبعدين مو شي يديد الكل يبي يعيش حياة حلوة مب كدر في كدر !! ,, سمر ,,: وايد عليك هل مرتين الي خففت عني فيهم !! ,, طارق ,, سحب عقاله وغترته ,,: بنشوف آخرت هل فحص!! ,, سمر مسحت دموعها ,, وطلعت ,,: أنا في السياره ,, طارق غسل ويهه وأسنانه ولبس ثوبة وغترته ,, ونزل ,, ركب بالسياره وحرك ,, طول الطريج والأثنين ساكتين ,, وصلوا ,,, طالعته بخوف ونزلت ,, طارق حس بألم وبخووف مثلها ,, اهي تسحب ريوولها مو شايلتها ,, وهو متقدم وكل شوي يلف لها ,, للحين ما وصلت تمشي بطيء ,, صعدوا للدكتور ,, سمر قعدت وقلبها قابضها ,, الدكتور طلب من السيستر اتييب له النتايج ,, سمر يوم يابو النتايج حست ان راسها يدور ومو قاعده تشوف زين ,, الدكتور بعد ما قرا النتايج ,, تبلعم وما عرف يتكلم ,, سمر وهي ترجف !! ,,: دكتور ! .. !! !! أنه !! الدكتور مو عارف يتكلم ,, طارق !!!!! طالع سمر بخوف !! لا لا ,, لا مستحيل سمر يكون فيها شي ,, : دكتور طمنا .,, الدكتور ,,: بصراحه مادري شقولك ,, طارق!! ,,: تحجى قوول! ,, سمر مو عارفه تتحجى بس عينها تدمع ويدينها يرجفون ولو تسمع اي كلمة الحين تنهارر ,, الدكتور ,,: بصراحة الحاله صعبــة ,,وما اعتقد في مجال انها تحمل ,, سمر ,,,, التفت لطارق !!!!!!!!!!! ,,: شفت !! ,, شفت !! أنه قلت لك !! ,, قلت لك ,, وبدت تبجي بهستيريا ,, طارق راح لها ولمها , : سمر الله يخليج لا تبجين كلشي وله حل ,, الدكتور ساكت ,, شكل سمر واهي تبجي يقطع القلب ,, طارق يحاول يهيدها بس كانت مو قادره انهارت ,, انهاارت ,, شكوكها طلعت صح! ,, وبتخسر طارق حب حياتها وعمرها كله ,, تشوشت قامت الأفكار تتضارب في مخها ,, ما تسمع احد بس تبجي وتفكر ,, ما كانت تحس بأيشي حواليها كان احساس الحرقة الي في قلبها طاغي على كل احساس ممكن تحس فيه ,, مره وحده يودت نفسها ,, استغرب طارق ,, واستغرب الدكتور ,, قامت خذت شنطتها ومشت ,, طارق! ,,: سمر وين رايحة ,, لحقها ,, كانت تمشي بسرعه ,, وكأنها بتسوي شي ! , طارق يناديها وما تسمعه !!! ,, طارق ركض ويودها ,,: سمر اشفيج !!1 سمر تمت اتطالعه ,, ووويها احمر من البجي والدموع غاسله ويها ,, طارق من خوفه عليها شوي ويبجي ,,: سمر ردي علي ! ,, سمر ,, ميودها من جتفها ويهزها واهي ما ترد عليه ,, سمر بملامح جامده ,,:خلاص طارق ,, طارق حس كأن أحد عصر قلبه ,,: خلاص شنو سمر انتي شتقولين!! سمر ,, : هذي النهاية ,, طارق بخوف وتوتر !! ,,: نهاية شنو سمر احنا نحب بعض احنا مشكلين احلى ثنائي ,, سمر انا طارق !! زوجج ! الي يحبج ويموت فيج ,, سمر بألم ,,: أنه بعد أحبك ,, بس كلشي انتهى ,, طارق ,, بعصبية ,,: شلي انتهى شتقولين انتي !! ,, سمر شالة ايدينه من على جتفها ,,: طلقني ,, طارق فقد اعصابه وعطاها كف ,, سمر من قوة الكف طاحت ,, وتمت تبجي ,, طارق ,, بدون وعي ,,: قومي ,, سمر رفعت راسها اتطالعه ,, بخوف ,, : طلقني طارق , بصراخ ,,: جااااااااب ,, سمر ,, بصياح بصوت عالي ,,: طلقني أنه مابييك ,, في واحد من الماره ,,: حرام عليك !! ,, ليش اتطق البنت ,, طارق بعصبية حس انه فقد الكنترول على تصرفاته ,, وبصراخ ,,: انت ما يخصك ,, سمر قامت ,, وسحبها طارق بقوة ,, ودخلها السياره ,, سمر في السياره تبجي بحرراره ,, : ماقدر اعيش معاك ,, طلقني تفهم طلقني ,, طارق يسوق بسرعه وملامحه كلها عصبية وما يرد عليها ,, سمر ,, بلوعه ,,: طارق ,, اذا تحبني طلقني ,, طارق للحين على حالته ,, وصلوا البيت ,, ودخل سيارته في الكراج , ونزل ,, وراح فتح الباب ,, وطالعها بعصبية ,,: قومي ,, سمر ,,: مب قايمة ردني بيت هلي ,, طارق ,, : قومي ,, سمر ,,: مابي مابي ,, طارق : اقولج قومي !! سمر ,, بصراخ ,,: طلقننننننننننننني طارق هل كلمة في نفسه مثل الطعنه ,, الي اتقطع اوصاله ,, طارق سحبها ,, وتم يسحبها لين دخل البيت ,, واهي مو راضية !1 ام طارق!! شافتهم جذي ين ينونها ,, وسحبت سمر من يد طارق ,,, ام طارق بصراخ ,,: انت ينيت .؟ طارق ,,: أنا طالع ,, واذا طلعتي يا سمر ما تلومين الا نفسج ! ,, سمر بصراخ وبهستيريا ,,: أنه مابيك طلقني طللللللللللللقني طارق ين ينووونه ,, واخذ المزهريه الي فيها وردوود وكسرها !! ام طارق ,,: اشفيكم !! طارق انت ينيت شصار شمسوي في البنية !! طارق طلع وصفق الباب وراه ,, وطاحت سمر على الارض وهي ميته من البجي ,, ام طارق قلبها تقطع ,,: سمر اشفيج ! اشصاير شمسوي فيج طارق , سمر بألم ,,:آآه يا خالتي ,, ( تبجي ) انا ما انفع لطارق خلاص خلااااص ,, ام طارق وهي تبجي ,, معاها ,,: ليش تقولين جذي!! ,, انتي مرته على سنة الله ورسولة !! , شهل كلاام !! ,, سمر بحرقه وهي تطالع ام طارق بحسره ,,: أنه مافيني عيال ,,!! يا هل خبر على ام طارق مثل الصفعه الي خلتها غمته ما تعرف ترد!! ,, سكتت وتجمدت نظراتها ,, سمر خذت نفسها وراحت الدار ,, قطت روحها على السرير ,, وتمت تبجي وتبجي ,, لين باح صوتها ,, وتعبت ,, ليالي ما نامت ,, خلصت دموعها ,, واستسلمت لتعبها ,, ورقدت ,, ام طارق ,,,!! !!!!!! !! !! !! !! ,, ياربي رحمتك ! ,, معقوله سمر مافيها عيال ! كل الحريم يسقطون ! ,, اشمعنى اهي ,, يارب رحتمك ,, دخلت ام طارق دارها وسكرت على نفسها ,, وتمت تفكر بألم ,, سمر مو بس مرت ولدها وبنت اخو زوجها ,, سمر بنتها الي ما يبتها ,, ومعزتها ما تقل عن معزة هيام بقبلها ,, هاني ,, كان غايص بالحب ,, ورايح عند البحر يتذكر امس شلون كان ,, وكل شوي ياخذ تلفونه ويكتب شي من الي يخطر على باله ,, صار يكتب كلام حلو ,, الحب ما غير شخصيته بس ,, الحب خلاه يصير شاعر ,, كان ينطر هدة البنات على احر من الجمر , من عقب ما صارت ريم خطيبته الحين اهو الي ياخذها وياخذ هيام من المدرسه بعد ما اقنع رامي أنه ماله داعي اثنينهم يروحون , وأنه يبي يشوف ريم في نفس الوقت ,, حرك سيارته قبل بنص ساعه تم واقف عن بوابة المدرسة ويتأمل الباب ,, شوي يتذكر ابتسامة ريم ,, وشوي يتذكر كلامها ,, كان مثل السكران بس بالحب ! ,, في عالم آخر ,, عالم مافيه غير حبيبته ريم ,, ورن الجرس وبدوا يطلعون البنات ,, في الصف ,, سوسن ,,: يعني شلون تعطلت سيارتك شلون ارد اليوم ضاري ,,: خلاص انا اتصرف ,, سوسن ,,: اذا هلون بروح مع شيخه ,, ضاري ,,: لا تروحين مع احد الحين بدبر لي توصيله ,, سوسن ,,: أوكي ,, ضاري ,,: باي ,, شيخه ,,: اشفيه اخوج ذي معاديني يعني اشفيها لو وصلتج ,, سوسن ,, : شدراني فيه ,, هيام ,,: أووف انا نسيت مقلمتي في المختبر ,, ريم ,,: انزين بنروح انييبها شواراانه ,, نزلوا البنات اييبون المقلمة ,, عند ضاري ,, واقف يتصل في ارفيجه ,, ضاري,,: لا خلاص مشكور ,, ما يمدي , سكر الخط وتم يفكر شيسوي ,, علي كان طالع من البيت ,؟, شافه يعابل السياره ,, علي ,, يلا خلني اسوي خير هذا اخو سوسن ,, ضاري علي ,,: عسى ماشر ,, ضاري ,,: الشر ما اييك , بس السياره عطلانه ,, علي : اي خدمة ؟ ضاري ,,: والله اختي بالمدرسه الحين ولازم اييبها ,, علي ,,: تفضل الحين انروح انييبها سوى ,, ضاري ! ,,: مشكوور وما تقصر بس مابي اثقل عليك ,, علي ,,: لا عاادي افا عليك حياك ,, احنا ييران وأخوان ,, ضاري ,,: تسلم ,, راح علي مع ضاري ,, عند المدرسه ,, طلعوا البنات ,, هيام ,,: كاهو هاني ,, ريم هاني بيوصلج مو؟ ريم !! ,: ها ! هيام ,,: ايي انا سمعته يقول اهوه بييبنا من المدرسه ,, ريم ,,: بس رامي ما قالي ,, هيام ,,: يلا لا اتحججين هاذي ريلج بعد مافي حيا ولا مستحى ,, ريم راحت مع هيام ,, هيام اسبقتها وقعدت ورا ,, ريم توها بتفتح الباب الي ورا ,, هرن هااني وزهقها ,, فتح الدريشه ,,: وين وين حبيبتي تعالي قعدي قداام ,, ريم ! ,, انصااعت لأوامره , وركبت ,, هاني ببتسامه ,,: يسلم لي هل ويه ,, هيام ,,: أنا بحط الآيبود في اذوني خذو راحتكم ,, هاني ,,: هههههه تسلم لي الأخت الذووق ولله ,, هيام ببتسامه ,,: يمة منك ,, حرك هاني وهو شوي يطالع الشارع ويشوي يطالع ريم ,,, وكل ما سد حلجه طلعت سالفة يديده وتكلم فيها ,, شيخه ,,: الحين بيوصل ناصر ,, اذا وصل قبل اخوج اتروحين معاي ,, سوسن ,,: مافيني شدة صرااخه ,, شيخه ,,: افيي وصل علي معاه ضاري ,, سوسن ! ,, : هاذي مب سيارة علي ,, شيخه لفت على طول ,,! ,,: وين ,, سوسن ,,: كاهي ,, نزل ضاري وأشر لسوسن , اتيي سوسن ,,: بييي شهل فشيله علي معاه بالسياره ,, شيخه ,,: ودي ادعي عليه بحادث اييب اجله بس انتي معاه ,, سوسن ,,: لا دخيلج للحين اصغيره أنه ,, شيخه ,,: ذلفي لا بارك الله فيه ,, سوسن ,,: يلا باي , علي شاف شيخه وابتسم ابتسامة شر ,, والله وياتني من الله ,, ركبت سوسن ,, ورجع علي ريوس ,, وخذ مساافه ,, وداس بترووول وقحص صوب شيخه ,, وغبر عليها ,, ومشى ,, شيخه ,, وهي تكح من الغبار: يامال الي الكيماوي الي يتطشر عليك السخيف التافه ,, والله لردها لك ,, علي شافها شلون تكح من الغبار واستانس ,, ضاري استغرب من تصرفه ,, بس تم ساكت ,, لأنه الريال مسوي لهم خدمة واساساً مابينه وبين ضاري اي علاقة مسبقه عشان يعلق عليه ,, سوسن في قلبها ,, صج انه يااهل ما توقعته يفكر هلون ,, وصلهم البيت ,, ضاري ,,: مشكور ,,, علي ,,: العفو ,, نزلوا من السياره وطار علي بيت جمال ,, ودق الجرس عليه مثل المصروووع ,, طلع له جمال !! ,,: اشففففففففيك!1 علي ببتسامة شر ,,: رديتها لها ,, جمال ,,: اشرديت! علي ,,: اليوم لو تدري شصار تقول سبحان الله الله خالق الصدفة هذي عشان آخذ حقي منها , جمال ! ,,: اي حق ! علي ,,: اففف جمال اشفيك ,, جمال ,,: شسالفة قولي ! قاله علي الي صار بالتفصيل جمال ,,: اقولك عااد,, علي ,,: قول ,, جمال ,,: انت مو مفتكر بسوسن ,, انت مفتكر برفيجة سوسن ,, علي ,,: انت ماتدري شلي بقلبي شلون حكمت ,, جمال ,,: أنا حكمت على تصرفاتك ,,, اهتمامك باين في رفيجتها اكثر ,, علي بغرور ,,: مافي اهتمام بس انا ما تعودت حد يدوس لي على طرف ,, جمال ,,: اقوولك وليش ما استانست انك وصلت سوسن اليوم؟ علي ,,: من قالك مااستانست بالعكس استانست ,, جمال ,,: مو باين !! ,, علي ,,: أنت وايد تفتي بشي ما تدري فيه ,, ادرى احد بمشاعري اهو آنه ,, جمال ,,: اقولك عن هل كلام الفاضي وتعال نشرب لنا قلاص جااي ,, دخل علي مع جمال بيتهم وهو على ويهه ابتسامة النصر ,, في بيت مطر ,, ( بو عبدالله ) عادل ,,: دلال ,, دلال ,,: هلا ,, عادل ,,: شلون المدرسة معاج ,, دلال ,,:بخير الحمدلله ,, عادل ,,: شدي حييلج ,, عشان اتكملينها وتدشين الجامعه ,, دلال ,,,: أنا مالي خاطر اكمل دراستي ,, عادل ,,: ليش؟؟ دلال ,,: مادري بس احس ماله داعي ,, عادل ,,: بالعكس الدراسة شي مهم ,, دلال ,,: انت تبيني اشتغل يعني ,, عادل ,,: لا طبعاً ,, الشهاده لج حبيبتي حتى لو ما بغيتي تشتغلين ,, دلال ,,: أنه المدرسة وبالزور بكملها بعد مب ادخل جامعه ,, عادل ببتسامه ,,: براحتج حبيبتي بس متى ما فكرتي تدشين جامعه ,, حتى لو خاصه ما بقصر ,, دلال ببتسامة ملل ,,: شكرا ,, رن تلفون عادل ,, امه متصله ,, تضايق ,, دلال ,, : منو متصل ؟؟ عادل ,,,: هذي امي ,, دلال ,,: وشله ما رديت عليها ؟؟ عادل ,, وهو يبي يرقعها ,,: يعني مابي اقطع كلامي معاج ,, دلال ,,: عادل رد عليها ,, انا ادري انها ما تحبني ,, عادل انصدم ! ,,: ليش اتقولين جذي ,, دلال ,,: كلشي مبين ,,, عادل ,,: لا تقولين جذي صدقيني اهي تحبج ,, دلال ,, : أنا مب معاديتها ,, بس ما راح اسكن في نفس البيت ,, عادل !! ,,: والشقه الي انا بانيها ! ,, دلال ,,: شوف لك حل ,, عادل تم ساكت ,, الحين لو امه درت ! بتقوم الدنيا وما بتقعدها ,, شسوي شلون اتصرف شلون ارضي الطرفين!!! ,, طارق تم يلف الشوارع ساعه كامله وباله مو معاه ,, آخرشي راح الدانة وقعد في واحد من الكوفي شوبات ,, طلب واحد نيسكافي .. وتم يفكر والتعب باين عليه ,, في الطاولة الثانية كان في وحده قاعده اتطالعه !! ,, معقوله تجمعنا الصدفة ! هلبنت اهي !! ,, صفاء ,, اكيد نسيتوها ,, صفاء اهي البنت الي كانت اتساوم في جواد ويا طارق وساعدها يوم يروح مع سمر يشترون اثاث لدار الياهل ,, الي ما انكتب له ايي على هل دنيا ,, تبي تروح له بس مو عارفة ,, آخرشي تجرأت ,, صفاء ,,: السلام عليكم ,, طارق كان سرحان ميود الكوب ومو في الدنيا ,, ,, صفاء ,,: سلمناا ,, طارق ,, رفع راسه بدون نفس ,: عليكم السلام ,, صفاء استغربت لهجته ,, : ممكن اقعد ! طارق طالعها بستغراب بس ماكان له بارض يتكلم ,, هز راسه ,, قعدت صفاء ,, وتمت اتطالعه ,, وهو سرحان وساكت يطالع الكوب بتعب ,, صفاء ,,: اذا عندك هم قولي عليه يمكن اساعدك! طارق !! ,,:تعودتي تقولين همج لحد غريب ؟ صفاء حستها صفعه ,, بس ابتسمت وزاد اعجابها فيه ,,: لا ,, طارق ,,: خلاص ,, صفاء ,,: شكلك ما تذكرتني ,,, طارق ! ,,: ليش حضرتج تعرفيني ؟؟ صفاء تغاضت عن اسلوب الأستهزاء الي يكلمها فيه ,,: اي ,,! طارق,,: أنا ناسيج ممكن تذكريني؟ صفاء ,,: أنا الي كاسرت عني ,, طارق !!,,: كاسرت على شنو؟ صفاء ,,:طقم غنفات ,, طارق تذكرها , وتذكر شعشانه كانو رايحين اهو وسمر وزادت ضيقته ,, صفاء ,, بستغراب من تغير ملامحه ,,: تذكرتني؟ طارق هز راسه بألم ,, صفاء ,,: مبين عليك مهموم وايد ,, طارق ,,: كلن مهموم في هل دنيا ,, صفاء ما عرفت شتقول ,, بس كل الي كانت اتعرفه انها تبي تتعرف عليه ,, وأنه من يومها يطري على بالها مو بشكل متواصل بس موجوود في بالها ,, والموقف للحين حاظر على بالها ,, صفاء ,,: انزين ممكن اعرفك على نفسي ,, طارق استغرب منها ,, ! ,,: انتي متعوده اذا شفتي ريال بروحه تيين وتعرفينه على نفسج ؟ صفاء بأنفعال ,, : لا لاتفهمني غلط ,, أنه ييت لأني عرفتك وعقب ما شاورت نفسي الف مره , طارق ,, سكت حس انه احرجها ,, صفاء ابتسمت ,,: أنه صفاء ,, طارق هز راسه ,, صفاء ,,: ممكن اعرف اسمك ,, طارق بملل ,,: طارق ,, صفاء , , استانست انه بدى يتجاوب معاها ,, : عاشت الأسامي , طارق ما رد ,, صفاء ,, : اممم اتيي هني وايد ؟ طارق ,,: مرات يعني ,, مو دايماً ,, وتواصل الكلام ,, وصفاء قد ماتقدر تعرف عن طارق معلومات ,, طارق كان مب طايق يتكلم ,, بس شوي شوي ,, قام ياخذ ويعطي كان محتاج يطلع من الحاله الي اهو فيها ,, طالع الساعه ! ,, الحين الساعه خمس!! ,, طارق ,,: أنا تأخرت ولازم امشي ,, صفاء ,,: تصدق ما حسيت بالوقت ,, طارق حقرها ,, : مع السلامة ,, صفاء وقفت ,,: ألله يسلمك ,, راح ,, ركب السياره وهو يفكر شممكن يكون ناطره في البيت ,, معقوله سمر اتكون راحت بيت اهلها تضااااايق من قلب ,,ما يتخيل البيت بدونها حتى لو مخاصمته ,, يارب ساعدني هذي مرتي الغالية وما ابي اخسرها ,, عقب ربع ساعه في الطريج وصل ,, وقف السياره ونزل وهو خايف من الي بيشوفه في البيت ,, دخل البيت ام طارق وقفت وهي خايفة وحذاها هيام ,,وبو طارق معصب عليه ,, وهاني بعد قاعد وكأنهم ناطرين وصوله ,, سكر الباب ,, ودخل ابرود ,, بو طارق بصوت عالي ,,: طارق ,, طارق ,,,: نعم يبة ,, بو طارق ,,:شلون تتجرأ وتمد ايدك على سمر !!!!!! طارق نزل راسه ,, ماعنده عذر وهو غلطان بس سمر خلته يفقد كل ذرة عقل فيه ,, بو طارق ,,: هذي وصية المرحوووم اخوي !! تفهم انت ولا ما تفهم؟ طارق ,, : أنا ,, بو طارق ,,: انت شنو,, ؟؟ وين رجولتك! ,, في ريال يضرب مرته ! يضرب مره ! طارق بألم ,,: بس يبة انت ماشفت اهي شقالت لي ,, ولا شفت الموقف شلون كان ,, بو طارق ,,: انت غلطااااااان لو شنو تقول ما تمد ايدينك عليها!! ,, الكل ساكت بو طارق لين عصب يختل البيت ,, طارق ,, ,,,,, بو طارق ,, : شوف اشسويت ,, البنت قافله الباب على نفسها ومو راضية تفتح! طارق رفع راسه بخوف ,,:من ردت لييحين! بو طارق ,,: ياحنووون!! اي وفوق هذا ما ترد! طارق ركتب فوق بسرعه ,, وقام يدق الباب بخوف ,, طارق ,,: سمر ,, سمر ,,, سمر فتحي الباب ,, سمر حبيبتي ,, وما يسمع اي رد يذكر ,, هيام صعدت ورا أخوها ,, هيام ,,: طارق ,,, ما عندك سبير؟ طارق وهو خايف ومو عارف شسوي ,: اي اي عندي ,, هيام ,, : طلعه شناطر؟؟ طلع طارق المفتاح وهو متوتر ويرجف ومو عارف يدخله بالقفل من كثر ما ترجف ايدينه ,, هيام بخوف على اخوها ,,: عنك ,, خذته وافتحت الباب ,, كانت سمر قاعده ومقابله شنطتها ونظرااتها فيها جمود مخييف ,, طارق شاف شنطتها عوره قلبه ,, هيام راحت عشان ياخذون راحتهم ويتفاهمون ,, طارق قعد قبالها ,, وبصوت مخنوق ,,: سمر ! ! ! ! سمر رفعت عينها وطالعته بعتاب ,, طارق يود ايدينها ,,: سمر سامحيني ,, سمر ,, وهي تتجاهل كلامه ,,: ابي ارد بيت اهلي , طارق ,,: سمر انا ماقدر اعيش بهل بيت بلياج ,, سمر ,, بحزم : كلامي واضح ,, طارق ,, : عطيني فرصه سمر ادري اني غلطان ,, بس خفت اخسرج وتصرفت مثل المينون ,, سمر ,,: انه مابي اناقش معاك اي شي ردني بيت اهلي ,, طارق ,,: سمر ولي يعافيج لا تعذبيني والله ماقدر على بعدج انا ,, سمر قلبها متقطع بس ميوده نفسه وتتكلم ببرود وقسوة ,,:انا بروح بروحي ,, وقفت سمر ,, طارق بلوعه ,,: أنا ,, أحبج ,, صدقيني يعل يديني القص جانها انمدت عليج يا ضوى عيونني سمر انا ماقدر اعيش بدونج ,, سمر الدموع ينزلون من عينها وبتدخل بنوبة بجي موطبيعيه لو طالعته بس ,, ,, بس استغلت كونها عاطيته ضهرها ,, ومسحت دموعها ,, وسحبت الشنطه ,, وطلعت ,, هيام كانت قاعده بالصاله الي فوق ,, شافت سمر طالعه وقفت ,, سمر في حاله اول مره تمر على هيام ! ,, كانت تعبانه بصورة غريبة !!!! هيام تجمدت مكانها , يوم شافت اخوها يبجي ,, اي يبجي!! يمسح دموعه مثل الياهل ومو قادر يتكلم ,, نزلت سمر ,, والكل وقف ! ,, سمر لو تتكلم كلمة وحده راح تنهار ,, تنهار اكثر من ماهي منهاره ,, ام طارق راحت ولمتها وشوي وتبجي ,,: لا تروحين يابنتي تمي الله يخليج ,, بو طارق ,: سمر حبيبتي ,, انا بوصلج ,, الكل طالع بو طارق بستغراب !1, نزل طارق وعيوونه مليانه دموع !! ,, بو طارق يود شنطة سمر وتقدم ,, وكانت تمشي وراه ,, بهدوء وبألم ,, ما فكرت تلتفت تطالع طارق ,, لأنها بتضعف طلع بو طارق وسمر ,, وقعد طارق على عتبة الدرج وعينه تدمع ,, وملامحه كلها الم ,, ام طارق ,, راحت ولمت ولدها , طارق ,,: يمة ,, يمة سمر تبي الطلاق ,, ام طارق ,,: لا يمة لا تقول هلون انشالله ما يصير الا الخير ,, طارق ,, وهو يمسح دموعه ! : أنا غلطان , أنا السبب يمة ,, Quote Link to comment Share on other sites More sharing options...
girlheart Posted أكتوبر 5, 2008 Report Share Posted أكتوبر 5, 2008 ابي اكون اول من ترد عليج ههه ما قرأت البااارت سوري لان باجر علي اختبار و علي وايد اشياء اسويها بقرأه باجر اذا ما عندي شى يسلموو Quote Link to comment Share on other sites More sharing options...
بنت الحداده Posted أكتوبر 5, 2008 Author Report Share Posted أكتوبر 5, 2008 ابي اكون اول من ترد عليج ههه ما قرأت البااارت سوري لان باجر علي اختبار و علي وايد اشياء اسويها بقرأه باجر اذا ما عندي شى يسلموو لا عادي حبيبتي ومشكوووره على الرد وانشالله اتسوين في الأختباار زيين Quote Link to comment Share on other sites More sharing options...
ذكرى ! Posted أكتوبر 6, 2008 Report Share Posted أكتوبر 6, 2008 يسلمووو بنوته ع البارت يعطييج الف عاافية وننتظر التكلمة Quote Link to comment Share on other sites More sharing options...
M!$$ MeMO Posted أكتوبر 6, 2008 Report Share Posted أكتوبر 6, 2008 حلوو البارت يعطييج العااااافية Quote Link to comment Share on other sites More sharing options...
girlheart Posted أكتوبر 6, 2008 Report Share Posted أكتوبر 6, 2008 (edited) يسلمووو بنت الحداده ع الباارت صراحهـ ولا احلى وايد فن و في وايد مغامرات عجبني عجبني كشووخي ولا عاد شيخوو يامال الي الكيماوي الي يتطشر عليك ذبحتيني من الضحك اقرأ و اضحك ننتظر الباارت الي بعده لا تطولين و نبي احداث فن بعد Edited أكتوبر 6, 2008 by girlheart Quote Link to comment Share on other sites More sharing options...
maiooo Posted أكتوبر 6, 2008 Report Share Posted أكتوبر 6, 2008 ثااانكس عل بااااااااارت واااايد حلووو وواااايد اكشن فييه بس والله لحييين قلبي يعورني على طااارق وسمر يااتني الصيييحة... حرااام والمفروووض طاارق كاا يسوي فييهاا جذي.. كاان المفروووض يواااسيهااا مووو يطقهااا !! بس اهيه بعد ماا كاان المفروووض تقووول له جذي.. وانهاا تبي تتطلق.. بس بعد في حاالتهاا معذووورة.. اول البااارت خليتيناا نستاانس في خطووبة هاني وريييم والمواااقف الي بينهم.. وموقف هيااام مع رااامي.. وحركة علي لشيخة.. بس في النهاااية صيحتينا انشالله يصييير كل شي اووكي بين طاارق وسمر وتعووود الميااه لمجاااريهاا ثاانكس مرة ثاانية عل بااارت.. الصراااحة ابدعتي فيييه ننتظر الباااارت الياااااي وسووري عل رد القصييير.. بس انا بزوور قدرت اقرا البااارت من المدرسة والتقااريير ! Quote Link to comment Share on other sites More sharing options...
شقرة البحرين Posted أكتوبر 6, 2008 Report Share Posted أكتوبر 6, 2008 يسلمووووووو ع البارت Quote Link to comment Share on other sites More sharing options...
حلوه اموره Posted أكتوبر 6, 2008 Report Share Posted أكتوبر 6, 2008 اصرااحه احلى بارت قريته في القصه بس احس الموقف الي بين سمر وطارق ايصيح اشوي ماشاالله عليج عندج خيااال وااسع تصلحين اصيرين كاتبه ومششكووووووووره حبيبيتي ع الباااارت و الله يخليج لنا تحياااتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.