ذكرى ! Posted ديسمبر 12, 2008 Report Share Posted ديسمبر 12, 2008 في الانتظاار Quote Link to comment Share on other sites More sharing options...
وردة القمر Posted ديسمبر 12, 2008 Report Share Posted ديسمبر 12, 2008 بارت جدا جدا جدا روووعة .. تسلم اناملج حبوبة وسوري ع التأخير في الرد بس لاني وايد مشغولة هالفترة لكن مانسيت قصتج لانها بلسم حياتي مهما تاخرت لازم اقراها ( : تحياتي لج وبانتظار جديدج ومقدرة ظروفج Quote Link to comment Share on other sites More sharing options...
ولائية Posted ديسمبر 13, 2008 Report Share Posted ديسمبر 13, 2008 ننتظر Quote Link to comment Share on other sites More sharing options...
● MaRwA ● Posted ديسمبر 13, 2008 Report Share Posted ديسمبر 13, 2008 نبي بارت =( وآيد تأخرتي علينا Quote Link to comment Share on other sites More sharing options...
بنت الحداده Posted ديسمبر 13, 2008 Author Report Share Posted ديسمبر 13, 2008 سمر ,, دخلت السياره وحركت ,, لامت نفسها ,, بس في نفس الوقت ما تبي تكون انانية ,, اليوم يا طارق تحبني وأنه اهمشي ,, باجر تبي العزوة تبي العيال الي يشيلون اسمك ويملون عليك البيت ,, مابي اشوفك متحسر ,, لأني قررت وبأنانية احرمك من العيال ,, مستحيل طارق يسوق وحابس دمعته بين جفوونه ,, سمر يعني روحه ,, وشلون يعيش بدنياه بدون روح!! ,, وصلهم البيت ,,, واتصل في رامي ,,يبي يكلمه ,, طارق ,,: الحين وين نتلاقى رامي ,,: بالكوفي شووب المعتااد طارق ,,: هاا؟ رامي ,,: اشفيك؟ طارق ,,: لا ولاشي ,, طالع الساعه ,, وشاف ان الوقت متأخر قال في نفسه اكيد راحت ,, طارق ,,: خلاص انتلاقى هناك ,, توه بيطلع رامي ,, الا ريم وصلت ,,وواقفة تكلم هاني عند الباب ,, رامي ,,: هاني؟ حياك شله واقف عند الباب ,, هاني ,,: أنا لازم الحين الشركة الحين ,, خبرك صرنا انداوم رامي ,,: ههه عساك على القوة عيل ,, يلا ريم ما وصيج لا تأخرينه ,, راح رامي ,, ريم ,,: انزين هاني روح عشان لا اتأخر ,, هاني ,,: ودي بس مو قادر ريم ,,: وليش مو قادر..؟ هاني ,,: يعني ما تدريين؟ ريم,,: لااا مادري,, هاني ,,: لأنه عيووونج مثل المغنااطييس وعلى سطح بيت (مطر) بو عبدالله ,,,,, عين ,, لاحقت رامي لين اختفى من الدرب ,,, دلال ,, كأنها حاسه أن رامي بيطلع كانت واقفة تطل ,, وطلع رامي ,, وأخيراً شافته ,, كان واحشها واحشها ,, استفقدت مشيته وصوته وابتسامته ,, رامي وصل الكوفي شوب قبل طارق ,,, وعقب عشر دقايق وصل طارق ,, طارق : سلااام رامي ,,: وعليكم السلااام ,, قعد طارق ,, رامي ,,: عسى ما شر؟ طارق خذ نفس وتوه بيتكلم ,, صوت قطع عليه كلامه ,, صفاء!! ,,: طارق!!!!!!! رامي التفت على طول!! ,, طارق!!!!!!! ,,,,!,!, صفاء ,,: وينك اليوم ما بينت! رامي يطالع طارق بستغراب ,, طارق ,,: بس ماكان لي بارض ,, رامي ؟!؟! ,,: طارق؟ طارق ,,: رامي ,, لا تفهمني غلط !! صفاء ,, !! طارق ,,: هذي البنت مجرد اخت لا اكثر ولا اقل! صفاء حست انها يات في وقت غلط ! وأنها سببت لطارق مشكله ,, فحبت تنسحب! , صفاء ,,: عن اذنكم!!,, راحت صفاء وتم رامي يطالع طارق بستغراب !!!!! طارق ,,: رامي ,, صدقني ما بيني وبينها اي شي؟!! رامي ,,: فسر لي الي شفته ! ! ,, طارق ,,: هذي صار موقف معاها من زمان ,, كاسرت عنها ,, ويوم صارت سالفتي مع سمر قمت ايي هني وايد واهي شافتني واعرفتني ,, وتمت اتيي تقعد معاي لين ييت ,, رامي!! ,,: بنت بروحها تيي تقعد معا واحد غريب !! ,, اي صفة تبيني اقول عنها ؟؟ طارق ,,:ما تجاوزت حدودها ,, ولو انت مكاني ,, وحده يات وقعدت قدامك بتقول لها قومي؟ رامي ,,: لا ! ,, بس بالمقابل اذا شفت انها تتردد هني على طول ما ايي هني! طارق ,,,,,,:أنا مو قصدي ,, رامي ,, : طارق ,, انت ريال متزوج ترا هل حجي ما اييوز ,, طارق ,,,: ! رامي !! !! ,, انا عمري ما تجاوزت حدودي معاها ! ولا حتى اهي رامي ,,: حتى لو ! ,, افرض احد شافك ! شبيقول ؟ طارق ,,: الناس تتكلم وايد ,, ورضى الناس غاية لا تدرك ,, رامي ,,: بس لازم تتحاشا الشبهات كثر ما تقدر ,, طارق ,,,: خلنا في الي احنا يايين عشانه ,, تم طارق يقوله عن الي صار ,, رامي ,,: الله يعينك طارق ,,: والله أنا تعبت ومو قادر اتحمل رامي ,,: ما بعد الصبر غير الفرج ما تدري ربك شمقدر لكم ,, عقب ثلاث ايام روتينيه فيها الحب والشوق والعذاب ,, رن جرس بيت بو رامي ,, ريم ,,: انزين هاني الجرس يرن بروح اشوف من عند الباب وباتصل فيك هاني,,: اووف ريم ,, يلا مع السلامة ,, هاني ا: الله يسلمج طلعت ريم افتحت الباب ,, كانت وحده معطية الباب ضهرها ,, ريم ,,: حياج اختي ! الفتت لها ,, وعلامات الحزن مبين على ويها ,, ريم شافتها جذي !! ,,: خير عسى ما شر؟ كانت شيماء ,, الي انتظرت هالحظة بقوة وما صدقت على الله اتيي ,, شيماء وهي تمسح دمتعها البلاستيكية ,, : ممكن ادخل ؟ ريم ,,: اكيد حياج ,, دخلتها الميلس واقعد ,,: خير اختي عسى ما شر؟؟ شيماء طلعت ضرف من شنطتها ,,, وتمت اتطالعه واهي ساكته ,, ريم ,,: خوفتيني ممكن اتقولين لي اشفيج؟ شيماء بنبرة حزن مسطنعه ,, : اول شي حبيت ابارك لج ملجتج ,, ريم استغربت أنها تعرف واهيه اول مره اتشوفها ,, ريم ,,: ممكن اعرف انتي منو؟ شيماء , بتمثيل ,,: أنا ,,, اأناا ,, وسوت نفسها تصيح ,, ريم !! ,, شيماء ,,: انا ما ودي اخرب حياتج ,, بس مابيج اتجربين التجربة الي انا جربتها ,, ريم !! ,,: اي تجربه .؟ شيماء طلعت الصور من الضرف وفيهم صورها واهي لامة هاني ,, اكثر من صورة ,, اكثر من زاوية ,, ريم قامت ترجف اول ما شافت الصور وقطتهم , وغمضت عينها ,,,, ريم ,,: أنا على من الحاضر انا ما علي من ماضي هاني ,,, شيماء ,, تقدرين اتشوفين التاريخ ,, هالصورة صارت عقب ملجتج بثلاث ايام ,, ريم كانت تسأل نفسها اشوف الصورة ولا لا !؟.؟ اكيد هاني ما يسويها , حبيبي ما يسويها ,, مستحيل هاني يجذب علي ,, خذت الصورة وقامت اتطالع التاريخ وهي تحس ان الارض تدور فيها ,, خاين ,, جذاب ,, جذاب ,, كل حبه لي جذب شيماء ,,,: خلال علاقتنا ,, كان له علاقات مع غيري ,, وكان كل مره يقولي خلاص باتغير ,, ونفس الشي ,, لين تزوج وصدمني ,, وما عرفت منه ,, عرفت من ناس ريم اتطالع شيماء والدموع تنزل لا ارادياً من عينها ,, وهي تبي تصحى من الكابوس ,, هذا كابوس ,,, كابوس ,,,, شيماء ,,: انا نهيت كلشي بيني وبينه ,, بس حبيت انبهج له ,, لأنه لعوب ,, ريم ما قدرت تنطق ولا تتكلم ,, شيماء خذت الصور وقامت طلعت وخلت ريم مكانها ,, بين صدمتها و دموعها ,, للحين مو قادره تستوعب الي قالته للحين عندها امل ان يطلع هذا كله حلم ,, هاني حبيبها الي سحب قلبها ما بين ضلوعها طلع خاين وجذاب ,, شلون قدر يقنعها بحبه ويخليها تحبه بجنون ,, وهو مجرد انسان خاين وجذاب ,, ما يعرف بالحب ولا يفهم فيه اكيد استرخصني لأني بنت ناس على قد حالهم ,, تلفونها رن هاني يتصل ,, افلتت التلفون وكسرته ,, واقفلت باب الميلس عليها ,, تمت اتصيح ,, وتنزف من داخلها كل الحب طلع وهم ,, طلع سراب العالم الوردي الي كنت اعيش فيه طلع غابة وحوش ,, ظلمة ,, هاني عقب ما سكر الخط بصورة غريبة في ويهه ,, اتصل مره ثانية وشافه لايمكن الأتصال ,, قام يحاتي ,, بس قال يمكن خلص جارجها ولا شي وعندهم ناس ,, في بيت بو ابراهيم ,, ام ابراهيم ,,: والله ان حالك هاليومين ما ينعرف له علي ,,: متملل يمممممة ,, ام ابراهيم ,,: ورا ما تطلع مع جمال وتغير جو ,, علي ,,: مالي بارض ,, ام ابراهيم ,,: يه ! ,, شقصتك .؟ طرت سوسن على بال علي ,,,,, علي قام من مكانه ,, وطلع قعد مقابل بيت بو ضاري ,, تم يمكن نص ساعه ,, طلع ضاري شافه ,, سلم عليه من بعيد ركب السياره ,, ضاري ,,: هاذي ولد جيرانا شكله مينن مب صاحي ,, وعلي للحين على حالته قاعد مكانه ,, مرت ساعه ,, وبدا يفقد الأمل ,, توه بيقوم ,, الا سوسن طالعه من البيت ,, شق الحلج وراح لها ركييض اهي ما كانت منتبهة له وخرعها , سوسن ,,: بسم الله بسم الله علي ,,: شلونج سوسن؟ سوسن !,,: بخير! علي بثقة ,,: وين رايحة! سوسن ,,: سوري يعني ,, بس انت شكو؟ علي !! حس كأنها عطته كف ,, : حبيت اسأل حرام؟ سوسن ,,: مو لازم تعرف؟! علي ,,, :انزين انا ياي اقولج شي ,, سوسن ,,: خير انشالله ؟ علي ,, تزعزت ثقته من عقب ما ردت عليه ,,:أنا ,,, أنا ,, أنا ,, معجب فيج ,, سوسن ,,: مسامحة خوي بس انا مرتبطه ! علي انصعق,,,, وبدون اي مقدمات لف ضهره وراح عنها ,, دخل البيت وهو مصدوم ,, أنا ,,!! أناااااا !! ,, الي البنات يتمنون مني نظرة هذي اتقولي انا مرتبطه ! واتكلمني بهال اسلوب !!!!!! صعد داره على طول تلحف وتم يفكر تحت الحافه ,, شلون ! ,, شلون انا في بنت ترفضني ,, انا الي كامل وصوفي مال وجمال ,, واهي مو جاهله بهل شي وارفضتني لييييش!!!! سوسن كانت رايحة البراده ,, حست انها كانت فضة نوعاً ما معاه ,, يات شيخه على بالها قالت اتصل فيها اشمتها فيه يمكن تبرد حرتها ,, سوسن ,: الووووو شيخه ,,: هلا بالطش والرش سوسن ,,: حي هالصووت شيخه ,,: تو ما نورت السماعه سوسن ,,: اقلطي اقلطي شيخه ,,: ههههههههههههه يالخدية وين اقلط؟ سوسن ,,: مادري بج ,, اترحبين فيني كأني ياية من سفر شيخه ,,: ويييييي ! صج انج مب ويه نعمة هذا يزااااااي؟ سوسن ,,: اقوولج لا تغللطين ,, تراني يايبة لج خبر اتبوسين راسي عليه شيخه ,,: هاااااا قوولي سوسن ,,: علي شييخه ,,: مسود الويه السخيف قليل الذوووق ماغيره ؟ سوسن ,,: بعينه وعللمه ,, شيخه ,,,: ماااااات؟ سوسن ,,: لاااا شيخه ,,: يحتضررر؟ سوسن ,,: ما حزرتي شيخه ,,:مسوي حااادث سوسن ,,: لااا شيخه ,,:يه اذا ولاشي من ذيله يعني خبر مب شي سوسن ,,: سمعيه بعدين حكمي شيخه ,,: قووولي سوسن ,,: اليوم انا طالعه من البيت رايحة البرااده ماشفته الا ياي لي دبيييج خرعني ,,, يقولي شخبارج سوسن ,, قلت له بخير الحمدلله سألني وين رايحة , شيخه ,,: ويييييييييييي بعد ما يستحي على ويهه يتعلف ابنات النااس جليل الحياااااا سوسن ,,: انتي سمعيني خليني اكمل ,, شيخه ,,: كملي ,, سوسن ,,: قلت له انت شكو قالي حرام اسأل قلت له مو لازم اتعرف تخيلي عقب اشقالي ؟ شيخه ,,: اكيد سبج سوسن ,,: لااااا شيخه ,,: عيل دعا عليج جدامج سوسن ,,: هم لاااا شيخه ,,: شنووو عيل؟ سوسن ,,: قالي انا معجب فيييج شيخه انصدمت! ,,,,,, سوسن ,,: الووووووو شيخه ,,: ها ها شتبين سوسن ,,:وينج؟ شيخه ,,:ولاشي بس الخط يقطع اكلمج بعدين ,, سكرت الخط ,, شيخه ,,, معجب في سوسن ؟؟ دخلت عليها حنان مثل الشرطه ,, حنان ,,: شيخه شيخه شيخه شيخه شيخه شيخه شيخه شيخه ,,: هااااااااااااااااا شتبيييييين كرهتيني بسمي حنان ,,:لحقي لحقي لحقي شيخه ,,: لحوووول انتي شكله شريطج خربان شعليه الحق ,, حنان ,,: اخوووج نصوووووور شيخه ,, : اشفييييييه حنان ,,: بيخطب شرييييييييفة شيخه ,,: حلفي حلفي حلللللللللفي حنان ,,: واااااالله كاهو يقول يحدد يووم مع امي عشان يخطبونها رسمي طلعت شيخه مع حنان ,, شيخه ,,: يمممممة صج صج الي سمعته ام ناصر ببتسامه ,,: اي صج شيخه ,,: افضل الصلااااااااة والسلااام عليك يا حبيب اااااااااالله محمد كلولولولوللولولووووش راحت واحضنت اخوها ,,: مبروك يالشايب ما بغيييت ناصر ,,: هههه الله يبارك فيييج قعدت شيخه صوب اختها وامها : يلا يلا يلا غنوا وصفقوا معااي شيخه ,,: يا معيريس عين الله ترااااك القمر والنجوووم تمشي وراااك ,, يا معيرييييس عين الله تراااك القمر والنجوم تمشي وراااك ,, تموا يغنون وشيخه نست السالفة وأنشغلت بأخوها ,,, في بيت بو عادل ,, اليوم كان اليوم الي حدده عادل عشان يكلم امه ودلال فيه ,,, عادل ,,:دلال ,, انا الحين زوجج على سنة الله ورسولة ,, اتمنى اتقدرين ضروفي ام عادل ,,: هه وين اتقدر هاذي عادل ,,: يمة! دلال ,,: شلون تبيني اعيش معاها ! اذا اهي على الكلمة اتصيد لي؟! عادل ,,: ممكن تسمعوني؟ اسكتوا ثنتينهم ,, عادل ,,,: يمة ,, هذي مرتي وام عيالي انشالله وشريكة حياتي ,, ابيها تكون بنتج ,, دلال ,,, هذي امي الغالية تاج راسي خليها تكون امج ,, دلال ,,: أنا ما سويت شي اهي ما تحبني من الله ,, ام عادل ,,: ويي! مادري من ميننة الولد وكل يوم طالعة لها بسالفة ,, والله أنا مني والطريج ما باحبج؟ عادل ,,: ما تبون توصولون لحل يعني .,, دلال كانت من داخلها ما تبي حل ,, لكن في نفس الوقت تفكر عادل يحبني ورامي ما يفكر فيني ,, لو خلاني عادل يمكن ما احصل مثله ,, كانت تناقض نفسها مرات تبيه ومرات ما تبيه ,, عادل ,,: أنا ما عندي غير هالشقة يا دلال بنيتها وصرفت عليها دم قلبي ومستحيل اقبل اعيش على حساب ابوج لأني مسؤول عن نفسي وعنج ,, يمة انا احب دلال حبيها لأني احبها يالغالية تموا ساكتين ,, عادل ,, خذ ايدين كل وحده فيهم وحطهم ببعض ,, عادل ,,: أنتوا وأبوي اغلى ما املك في هالدنيا ,, اتمنى ما تحرموني من اغلى ما املك ,, في بيت بو سالم وفي دار سمر متسنده على سريرها وتلعب بخصلات شعرها تتذكر كلشي صار في عذاري ,, تحس بألم بس فس نفس الوقت اهي تحس بالراحة ,, حب طارق لها ما قل وهو مستعد يسوي ايشي عشانها ,, شي يألمها انها الحين بعيده عنه وطلبت الطلاق ,,, يعني نهاية علاقتها فيه بشكل جذري ,, بس بينها وبين نفسها تدري ان طارق لا يمكن يطلقها ,, رن تلفونها وكان طارق تمت تسمع الرنه ,, بهدوء وهي تتذكر كل لحظة حلوة عاشتها معاه ,, تحبه وحبها له يكفي بأنه يخليها مستانسه حتى وهي بعيده عنه,, غمضت عينها وحطت راسها جنب التلفون على سريرها ,, طارق تعب من كثر ما اتصل ,, وطرش لها مسج ,, " وهنت عليك يا بعد عمري تخليني محتار انا بأمري ,, فرقاك والشوق بالحيل ضاق انا صدري ,, تعبت اسأل والآقي الصد وأنت بحالتي تدري ,, معقوله هذا قدري؟ " سمر قرأت المسج وقلبها عورها ,, اكتبت له ,, " اشكي قلبك ,,اتهمني فيني وأنا من اتهامه بريئ ,, في الحشا حب قلبك وفي بعاده اموت موتٍ بطيئ ,, " طارق ابتسم ,, اسمالله عليج من الموت ,, وطرش لها ,, "أختار قلبك بعدي ,, هقيته ما يصبر على الفرقا اثريه قاسي ,, شتتني تعبني من عناده وادري به حبي ماهو ناسي ,, دخيلك ارحم لك احتياجي ,, لا تخلي عنادك يذبح بالبعد فؤادي ,, " قرأت المسج ,, كان ودها ترد عليه تقوله تعال خذني من بيت اهلي احس بختنق بدونك ,, لكنها داست على كل مشاعرها ,, وسكرت التلفون ,, ما تبي تضعف ماتبي تلين ,, اختارت قرارها بعقلها ,,,,, في بيت بو رامي ,, ام رامي وابوها واقفين على باب الميلس يبون ريم تفتح واهي ما ترد عليهم ,,, دخل رامي البيت وشافهم جذي !! رامي ,,: شصاير؟ ام رامي ,,: ريم ,, ريم قافله على نفسها الباب ولا ترد ,, رامي!! ,,: ليش شصار؟ ام رامي ,,: مادري ! ,, ياتها وحده وأطلعت وما ييت الا الباب مقفول! رامي ,, : وين السبير يمة؟ ام رامي ,,: مادري مادري وين حطيته ,, تم رامي يدور بالبيت ,, لين لقاه ,, فتح الباب ,, لقى ريم لامة ريولها وتبجي من قلب ,, قلبه تقطع عليها ,, راحت لها امها ولمتها ,, ام رامي ,,: اشفيج حبيبتي ,, اشعليه تبجين؟ ريم ,, بصوت بايح ,,: ذبحني يمة ,,, ذبحني ,, ذببببحنننننننننني ,, وراحت تبجي في حضن امها ,, رامي ,,: هاني؟ اشسوالج ؟؟؟ ريم ما ترد كانت تبجي بحضن امها بشكل متواصل ومتزايد ,, تحس روحها بتطلع من جسمها من حرقتها ,, رامي ,, : ريم ردي علي ,, قوليلي اشسوالج ,,, بو رامي !!} ,,: اتصل فيه شوف شمسوي فيها ريم بعصبية ,,: لا لحد يتصل فيه مابيه يعرف شي عني رامي ! ,, : انزين تحجي قولي شمسوي !! ريم , انهارت ,,: ذبحني ياخوووووي ,, الخاين الجذاب ,, بو رامي!! ,,: مايصير هلون يايبة قوليلنا شمسوي فيج عشان انتصرف ام رامي أحضنت بنتها ,,:خلاص يمة لا تبجين ,,, ريم ,,, ,,,,,,,, رامي ,,: اذا ما تكلمتي مو بس باتصل فيه باروح له البيت! ريم وهي تمسح دموعها واتباعد عن حضن امها ,: رامي ,, قلت لك مابي اتكلم ,, خلاص خلوني بروحي , رامي ,,: يمة ,, يبة خلونا شوي بروحنا ,, ام رامي اطلعت مع ريلها ,, رامي ,, واقف قبال ريم ,,: والحين؟؟ ريم ,,,,,,,, رامي قعد جنبها ومسح على شعرها ,,: الي يرشج بالماي يانظر عيني ارشه بالدم ,, درت انزلت دموع ريم غصبن عنها ,, وقالت وهي تشهق ,,: مابي اتكلم ,, خلني بروحي رامي الله يخليك رامي!! ,,: ريم ,, اذا ما قلتي لي من له بتقولين؟ ريم ,,: ابي اقعد بروحي ,, ابي اراجع حساباتي ,, خلني رامي خلني ,, رامي ,,: ماقدر اخليج وانتي بهل حاله ,, ريم بألم وعينها حمرة من البجي ,,: أنا بخير ,, بس احتاج وقت ارتاح فيه ,, رامي ,,,,! ,: بس ,, ريم ,,: خلاص رامي ,, انا مو متحمله احد يحن علي خلني بروحي ,, رامي ,,: بكلمة ,, ريم ,, و,,,: خلاص يعني ! لهل درجة انا مثقله عليكم تبون تفتكون مني ! خايف لا يكون بيطلقني؟ رامي حس بألم ,, وغصبن عليه يات الدمعة بعيونه وكتمها ,,: انا !,,! ارخص بج يا اغلى من روحي؟ ريم ,,: رامي ,, أنه تعبانه ابي اقعد بروحي خلني لو سمحت ,, رامي لمها ,,,:خلاص الي تشوفينه مر اليوم ,,,, وكان اليل طويل على غير العادة ,, كلمتها الدموع بدل هاني هل ليلة ,, كلمها الهم والحزن والجرح , ,,,, كانت اصعب ليلة مرة على ريم ,, هاني ,, قام يحاتي وحاول يتصل اكثر من اربعين مره ,, والجهاز مغلق ,, حاول ياخذ رقم رامي من طارق ,, بس طارق تأخر واايد ,, والغريب ان مر اليوم كله وطارق ما يا البيت ,, اليوم الثاني كان دوام ,, هاني ما قدر يرقد فـ راح دار هيام الساعه خمس يقعدها من رقادها للمدرسة , استغربت منه وقال لها ان طول اليل يتصل في ريم ولا يمكن الأتصال ويبي يروح من وكت يشوف شصاير ,, قامت هيام ولبست على عجل ,, لأنها قامت اتحاتي ريم بعد ,, انزلوا ,, شافتهم ,, أم طارق ,, ام طارق ,,: يمة هاني ,,, طارق رد البيت امس؟ هاني ,,: لا يمة انا تميت انطره طول اليل ومارد ,, ام طارق حطت يدها على قلبها وراحت اتقول لبو طارق ,, هيام ,,: شلون ما رد؟؟ هاني ,,: مادري اتصلت فيه أكثر من مره ما يرد علي مادري شصاير بالدنيا امس!! شوي وطارق داش البيت ,, هيام ..,,: طارق! ,, وين كنت ؟ طارق ,,: وقفت سيارتي جدام البحر ونسيت روحي ورقدت ,, ام طارق اطلعت من دارها اول ما سمعت حس ولدها ,, ام طارق ,,: هلون يايمة اتخليني احاتيك !!,, حرام عليك بتوقف قلبي طارق باس راس امه ,,: مسامحه يالغالية ,, هاني ,,: يلا هيام ,,, ام طارق ,,: وين!1 توها الساعه خمس! هاني ,,: يمة ,, أنا اتصل في ريم من أمس وما ترد علي ابي اروح اشوف اشفيها ,, ام طارق ,,: انشالله مافيها الا الخير ,, هاني ,,: أنشالله ,, طلع هاني مع هيام ,, وعلى غير عوايد هاني ما شغل اغنية ولاشي وتم يسوق وهو ساكت ,, خايف على ريم ,, خايف يكون فيها شي حزتها الله اعلم شبيصير فيه ,, هيام اتشوف ملامح اخوها الجامده وعيونه التعبانه مبين عليه مو راقد اليل كله ,, الله يستر ياخوي ,, وقفوا عند الباب ,,, هاني نزل على طول ما فكر حتى اذا تو الناس ويمكن نايمين ,, رن الجرس ,, وكانت ريم بدارها حست بنغزه بقلبها ,, اكيد هذا هاني ,,,,, تمت اهي الوحيده الي قاعده بالبيت وتسمع الجرس ولا ترد عليه ,, شوي زاد الدق وقام رامي من رقاده ,, شعره معفوس فتح الباب ,, شاف هاني واعتفست ملامحه ,, كان وده يتهاوش معاه ,, شلون يتجرأ يسوي جذي بأخته وأهي حتى شهر ما مر على ملجتها ,,, هاني ,,: رامي ,, ريم وينها؟ رامي ,, بهدوء ,,,: حياك ,, هاني ,,: انزين هيام بالسياره ,, رامي من طرى اسم هيام اعتدل مزاجه ,,,,, رامي ,,: حياها ,, هاني راح لها ,, هاني ,,: نزلي ,, هيام ,, وهي اتطالع رامي الي واقف عند الباب ويعرك عينه لأنه توه قاعد من الرقاد ,, هيام ,,: في شي؟ هاني ,,: مادري ,, شكل رامي ما يطمن ,, هيام ,,, انزلت واهي متردده اتحس مالها سالفة اتيي مع اخوها المشكله مشكلته واذا عن التوصيله اي احد يقدر يوصلها ,, بس كانت تحاتي ريم ,, وتبي اتطمن عليها ,, انزلت ,, وادخلت الصاله ,, أم رامي كانت قاعده بس كالعاده تحوس بالمطبخ ,, ناداها عشان تقعد مع هيام ,, ودخل اهوه وهاني الميلس ,, قعد هاني واهو على اعصابه ,,: ريم وينها؟ رامي ,,: هاني ,, هاني ,,: اشفيك رامي تكلم انا ماقدرت ارقد امس ليش تلفونها مسكر؟ رامي ,,: اسمعني عشان اقولك لا! هاني ,, ,,,,, : قول ,, رامي ,,: هاني ,, أنا بصراحة مادري شنو في ريم بالضبط بس الي اعرفه انها كانت منهاره امس بسبب شي متعلق فيك ,,,, هاني !!!!!!!!!!!!!!! ,,: شنو ؟ شسويت أنا وليش؟ رامي قاطعه ,,: انا مادري ,, وحاولت معاها واااااايد وما رضت اتكلم , هاني ,,: وينها ابي اشوفها ,, رامي ,,: الحين ما ينفع ,, اذا تبي زواجكم يستمر احسن لك ما تشوفها الحين!! هاني ,,: بس لازم اعرف انا شسويت!! رامي ,,: ما كلمتها امس وقلت لها شي جرحها ما سويت شي متأكد؟ هاني ,,: والله يارامي أنا ازعل نفسي ولا ازعل ريم ,, صدقني ماسويت لها شي ولا نطقت بحرف ضايقها,, رامي ,,: عيل ! ,, اشفيها شالي صار.! هاني ,,:اي نادها عشان اعرف!! ,, رامي !! ,,:حالتها ما تسمح يا هاني هاني ,,: رامي ,, انا لازم اشوفها لازم اعرف شسالفة ,, الي بيذبحني ان لي يد في الموضوع مادري شقصتها ماذكر اني سويت شي لها ,, رامي ,,: ,, اتمنى اتصفي امورك يا هاني ,, ما بسمح لك تبجي اختي مره ثانية ,, هاني ,,: ابي اشوفها الحين ,, رامي ,,: قلت لك الحين ما ينفع .. هاني ,,: رامي ,, من حقي اشوف زوجتي ,,! رامي ,,,, طلع ,, شاف هيام منسجمه بالسوالف مع امه تم يطالع ابتسامتها وضحكتها واسلوبها بالكلام ابتسم واخذ نفس ,, احلى ما في هالدنيا ان يكون عندك حد لا طليت بويهه وسمعت صوته ,, تنسى هالدنيا وهمومها ,, دق الباب على اخته ,, ودخل ,, ريم ,,: اذا قال يبي يشوفني قوله أنا مابي اشوفه ,, رامي ,,: ريم ,, لمتى بتمين ساكته ومو راضية اتكلمين اذا عندج شي واجهيه ,, ريم ,,بألم ,,,: مابي أواجهه مابي اضعف ,, رامي ,,: يعني شنو نهاية حالتج هذي!! ريم ,,: ,,,,,,,, رامي ,, : عموماً براحتج اذا تبين اتشوفينه ولا لا ,, ريم ,,: أنا تعبانه ومابي اشوفه ,, رامي ,,: أمم انزين ,, هيام ,, ريم ,,: رامي ! ترا مالي مزاجك صدقني! رامي ,,: اشفيج كلتيني بقشوري ,, اهي ياية معاه ,, ريم ,,, : ,,,,,, رامي ,,: ريم وسعي الصدر ,, احمل لأخيك المؤمن على سبعين محمل ,, ريم طالعته بألم!! رامي ,,: أنا حسيت من كلامه أن في سوء تفاهم يمكن انتي فاهمه الموضوع غلط ولا شي! ريم ,,: مو يمكن يكون ممثل فنان !! ولو اهوه مو ممثل ما خلاني احبه ,,لهل درجة رامي ,,: والي يبي يمثل ايي من الباب ويملج ؟ ريم ,,,,,,,,, : مو يمكن استرخصني لأني بنت ناس على قد حالهم ! رامي عصب ,,,: انتي شتقولين ! ,, شنو استرخصج ! ,, الريال كان ياي وشاريج ولو حسينه للحظة انه مسترخصج ما زوجناج ,, ريم ,,,,,,,, رامي ,,: انتي قاعده اتخبصين انا بخليج ,, وبروح ,, طلع رامي ,, ومشى وهو منزل راسه معنه يبي يشوفها ,, ودخل الميلس مره ثانية ,, كانت عين هيام تراقبه بدون ما تركز عليه ,, ,, احبه ,,, هيام ,, : اممم خالتي ,, وين ريم؟ ام رامي ,,,: بدارها ,, هيام ,,: راقده؟ أم رامي ,,: ما ارقدت طول اليل يا نظر عيني ,, هيام ,,: ليش؟ ام رامي ,,: والله اخوها امس قعد معاها ما رضت اتقول شي ,, هيام ,: انزين ممكن ادخل اشوفها؟ ام رامي ,,: اكيد يمة ,, هيام استأذنت ام رامي ,, ودقت الباب ,, هيام ,,: ممكن آدخل ,, ريم ,, قامت وافتحت لها الباب ,, هيام شافت شلون ويها تعبانه وعينها حمره ,, هيام ,,!! ,,: عسى ما شر؟ ريم اقعدت ,, هيام سكرت الباب وراها ,, هيام ,,: ريم اشفيج؟ ريم ,,: ولاشي ,, هيام ,,: شلون ولاشي وانتي جذي؟؟ وأمج تقول انج ما رقدتي امس ,, ريم ,,,, هيام ,,: ريم ,,, ! هاني سوالج شي ريم ,,: ,,,, هيام مابي اتكلم الله يخليج لا تفتحين هل موضوع هيام ,,: مافي شي بينحل اذا انتي سكتي لازم اتكلمين عشان انشوف شالموضوع ,, ريم ,,: ,, بس انا مابي اتكلم مابي انهار مثل امس ,, تعبت من البجي ,, هيام ,,: ,,,, لهل جرحة الشي جايد.,, ريم ,,الدمعة محكورة بين جفونها ,, ,,, هيام ,: انا مادري شصاير بس ,,صدقيني هاني يحبج وأمس بطوله ما قدر يرقد ويالي اليوم الصبح يقعدني عشان اييج ,, شتفسرين هاذي كله ,, ريم ماقدرت اتيود روحها وقامت اتصيح مره ثانية ,,,, هيام ,,,,,, لمتها ,,, وهي تحس انها كاتمه قهر وألم مو طبيعيين ,, في الميلس ,, هاني ,,: ابي اشوفها شلون يعني ما تبي اتشوفني ,,, رامي ,,: معليه خلها اليوم باجر تهدى ,, هاني ,,,,,,, في بيت بو ناصر ,, شيخه راقده ,, وحلمت أن سوسن تزوجت علي ,, وكأنها اهي في حفل زواجهم! ,,, قامت من رقادها ,,! ,, شيخه ,,: انا اشفيني اكيد فيوزاتي ضاربه ! راحت غسلت اسنانها وويها ,, وانزلت تحت وكل شوي تسمع في مخها ,, قال معجب فيني ,, قال معجب فييني ,, راحت وحطت هدفون بأذونها ونفس الشي ,, شيخه ,,: اوووووف!! ,, شهل كابوس هذا الله ياخذ روحه ويفكني منه ,, ناصر ,, وهو نازل سمعها ,,: منو هذااا شيخه اخترعت ,,: تف تف اشفييييييك خرعتني ,, ناصر ,,: قلت يمكن قاعده تدعين علي , شيخه ,,: لااا وين ادعي على معرسنااا ناصر ,,: هههههه عيل من عليه كنتي تدعين ,, شيخه ,,: على ولد يران سوسنوو,, ناصر ,,: ليش شمسوي لج شيخه ,, خافت اتقوله يقوم يسوي سالفة شكبرها ,,: بس هلون آكرهه من الله من اشوفه اتنرفز ناصر ,,: عيل امه داعيه عليييه ,, بتولينه سب وشتيمه ومصخره لين ما يمووت شيخه ,/: ها ناصر جنك سبيتني ناصر ,,: لا لا وين سبيتج الله يهداج امزح معاااج ,, شيخه ,,: اي عبالي ناصر ,,: ما بتروحين المدرسة.. شيخه ,,: آآآآآه ياريت ناصر ,: قومي لبسي شبقى على دوامكم خلاص بتخرجون كلها اسبوع دوام وعقب بتغيبون للنهائي ,, شيخه ,,: الله يستر الله يستر من النهائي,, راحت تلبس مريولها ,, سوت شعرها وتمت اتطالع نفسها واتذكر آخر مره ماتدري ليش ماتبي اترد له الحركه ,, هالمره غير باجي المرات ,, شالته من بالها ونزلت عشان يوصلها ناصر المدرسة ,, في بو عبدالله ( مطر ) ام عبدالله مزهبه الريوق ,, والكل متيمع على السفره ,, بو عبدالله ,,: انا اجلت طلعت لصغير لي العطله ,, عبدالله ,,: خير ما سويت يايبة ,, ام عبدالله ,,:عيل زين خبرتني عشان اقول للي قلنالهم قبل, بو عبدلله ,,: دلال ,, دلا ل,,: نعم يبة؟؟ بو عبدالله ,,: شصاير بينج وبين عادل؟؟ دلال ,,: ولاشي يبة ,, ام عبدالله ,,: ام عادل حاطه بالها من بال دلال ,, وتبي اتطفشها بو عبدلله ,,: ليش سويتي شي؟؟ دلال ,,: لا يبة ,, اهي مني والدرب ما تشتهيني,, بو عبدالله ,,: شتسوي لج يعني ,, دلال ,,: اتكلمني بأسلوب مو حلو ويعني دايماً تغير مني ,, بو عبدالله ,,: لا حول ولا قوة الا بالله ,, معليه يبة تحمليها مهما يكون هاذي مره كبيره ,, وحسبت امج ,, ام عبدالله ,,: اي يامطر ,, ! بس الانسان طاقة واهي تبي تبي اتهاوش معاها ,, بو عبدالله ,,: تبين اكلم لج عادل... دلال ,,: اهو يدري بكلشي ,, بو عبدالله ,,: خلاص لين ما لقالج حل قوليلي ,, دلال ,,: انا شبعت ,, قامت دلال ,, وطلعت عند الباب ,,عن يازعم تنطر عادل ,, واهي تدري ان عادل ما ايي هالحزه كان الغرض من طلعتها رامي ,, قربت من بيتهم ,, طلع ,, هاني من بعد ما يأس ان ريم ترضى اتشوفه او اتخليه يوصلها المدرسة ,, طلع رامي يوصلهم ,, كان هاني طالع قبل ,, ووصله رامي وتم واقف ,, طاحت عينه على دلال الي من شافته ارفعت البوشية ,, وتمت اتطالعه بشوق وبتفحص ,, رامي تضايق,,! البنت تزوجت وللحين اتسوي له هل حركات , شيسوي بروحه يعني! رامي ,, راح لها ,, وطلب منها اتنزل البوشيه ,, كانت هيام توها طالعه ,, وشافته واقف حذاها ,, ويكلمها ,, لمحتها كانت قمة في الجمال ,, لكن طبعاً ولاشي صوب هيام ,, هيام اول ما شافتهم هلون حست انها بتين ,, بتستخف ,, بتنفجر ,, بتموت من القهر ,, كانت تبي تروح له ,, تسحبه او اتدزها بعيد عنه ,, تمت واقفة مو قادره اتروح السياره وانفاسها تتسارع من القهر والغيض ,, مو قادره تتحرك وتشوف هالموقف جدامها ,, من هاذي؟ تبين صغيره ,, يمكن بنت الجيران الي تحبه ! ,, مو تزوجت ليش يكلمها ,, واذا مو اهي ,, اشعنده واقف معاها ,, كانت الأفكار اتقطع فيها ,, لين لف رامي وشافها كانت تلومه بنظراتها ,, ,, ما عطته فرصه يبرر لها ولو بنظره ,, وأركبت السياره ,, Quote Link to comment Share on other sites More sharing options...
شقرة البحرين Posted ديسمبر 13, 2008 Report Share Posted ديسمبر 13, 2008 مشكورة أختي ع البارت الأحلى من الروعة بصراحة حده فن والأحداث شي شي Quote Link to comment Share on other sites More sharing options...
فنكوش Posted ديسمبر 13, 2008 Report Share Posted ديسمبر 13, 2008 الحمدلله على السلامة ,, ما بغيتي تحطين البارت ,, واايد طولتي خخخخ معذووره بس انا جذي احب اتسبب شوي المهم يعطيج العافية على البارت بس القبلي كان احلى بواااااااايد الصراحه ,, اللي محليه طلعة عذاري زين سوى رامي في طارق ,, عيل يعتبرها اخت !! شفييه ذي مو صاحي !!!! ولله ساعات ودي ازنطه و ابط عينه ,, يقهرني ,, عيل وحده تقبل تقعد معاك بروحها و في مكان عاام و تاخذ راحتها معاك بالسوالف ,, شتقول عنها !!! و اللي يقهرني يقول انها مجرد اخت ,, ياعمي استرييييييييييح بس ,, اتمنى يقطع علاقته فيها لأني مو مرتاح لها نهائيآ ,, ينخاف منها الصراحه شيماءوووه الخايسه الحماره ,, شهل الحقاره يعني اللي سوتها !!!! ,, اففففففففف ولله قهر ,, جنه مثل سنوات الضياع يوم ام لميس تروح حق يحيى و تقوله ان لميس حامل من تيم خخخخخ ,, بس صج انقهرت و المفرووض حتى لو جافت التاريخ لازم تخليه يواجه شيماء و اهي قاعده معاهم بس بعد معذووره ريم يعني , من هول الصدمه شي طبيعي ما فكرت بهالخطوه ,, الله يكوون بعونج يا ريم بس معليه انشالله بتنحل الامور و بتعرف انها كانت نذاله و حقاره من شيماء بنت ابليس !!! بس لحظه يا بنت الحداده بسئلج ,, اهي شدراها بعنوان بيت ريم ؟؟ منوين عرفته؟؟ خخخخخخ مسكين علي صج صج صدمه قوويه ,, بس صج جريء شلوون يسوي جذي !!!! الحمدلله بس ان ضاري ما شافه ولله جان بصير الطق يمكن ,,,, بس عجبني تعامل سوسن معاه صج خووش بنيه زين سوت فيه علشان يستحي و ما يسوي جذي ,, عيل من هو علشان يروح لها و يقولها انتي وين رايحه !!! ههه لا بعد الاخ وااايد جايف روحه بس جاف شكله حلو و وسيم و الله ناعم عليه قال خلاص مافي أي وحده بترفضني و كل البنات بلاحقووني ,, يا عمي طيييييييييير مناك ههههههههه ياحليلها شيخووه ,, خلااااص تأكدت انها تحبه بس اهي عنيده ما تبي تعترف حتى لو بينها و بين نفسها يعني مع كل الكره و الحقد منها عليه الا انها منجذبه شوي ناحيته بس ما تبي تعترف ,,, عنييده و راسها يابس بس مربوشه ههههههه تعجبني شخصيتها ولله صج صج فكاهية ,,, حتى حنانووه بعد احبها ههههههههه تضحكني هالنزغه احس فيها براءة على خبث خخخخ الله يخليها و يحفظها من كل عين اما عن عادل و دلال ,, الله يعلم متى بيرسون على بر و بحلون مشاكلهم ,, بس اتوقع يعني بنسبة 80 بالمئة انهم بينفصلوون لأن دلال واااااااااااايد مصختها خصوصآ الحركه السخيفه اللي سوتها يوم راحت عند بيت رامي !!! بعد يعني مادري شله شغل رامي رايح لها و قاعد يحاجيها !!!! جان سفه لها و دش بيتهم ,,, لااااااااا ما عجبتني في هذي يا رامي ,,, الحين عااد هيام بركاان من الغضب عليه آخ على سمر و طارق ,, ياعمري عليهم بس و على مواقفهم و على قصة الحب اللي عايشينها ,,, احبها سمرر ولله احب شخصيتها و طيبتها و حنيتها و امووووووووووووت في غيرتها ,, آخ على مسجات الحب بس حركااات بعد سمر رزينه صج صج رزينة و فعلآ ما تبي تضعف تحب دايمآ تكوون قوية في مثل هذي الظروف و هذا اكثر شي عاجبني بشخصيتها ,, تعجبني البنت الرزينة جذي و اللي تفرض شخصيتها على الآخرين يسلموووووووووووو بنت الحداده على البارت و عساج عالقووه بس بسئلج ,, المسجات من تأليفج؟؟ Quote Link to comment Share on other sites More sharing options...
دلـوعـــة محرقيــة Posted ديسمبر 13, 2008 Report Share Posted ديسمبر 13, 2008 تسلمين والله على هالبارت .. انا ترى توني يمكن صار لي اسبوع من بديت اقرى في القصهـ بس الصراحه الصراحه بدون مجاملهـ كل بـارت حلى من الثاني ويشوقني اكثر اني اكمـل او بس يالسه وكل ما شفت احد في الشارع او في التلفزون يلست افكر واقول اي ذي يشابهـ طارق وذي يشابهـ ناصر والا هاي البنيه تشابه هيام ومادري شنـو .. وامي تقول لي لوعتي جبدي انتي ويا هالقصه شسالفتهـا اقول لها انتي شعرفج بقصص الحب تحمد وتمشي عني .. بس والله يا بنت الحدادهـ ابدعتي من قلب من قصتج خليتيني احس ان صج ليحين في ناس يحبـون من قلب على رغم ان اهيا بس قصهـ وفوق هاي كله شوقتني حق آحب << عشان يذبحوني بيتنـا هع هع بس الصراحهـ الموقف اللي في عذاري مال طارق وسمر من قلب شلخنـي .. بس ذي جليلة الحيـا شيمـاء قاهرتني ودي اذبحهـا .. سوي لها صرفه طلعيها من البارت تنرزفني وخلي ريم ما تصدق الحجي وتوثق في هنوي شوي .. وخلي رامي من نصيب هيـام .. وعلوي يصير ويا شيخهـ لان اصلا اشكره يحبها بس ما يبي يعترف .. << حني صايره ام العريب .. اي صح ولا بعد ذي ام سلطـان تشلخني .. يلا عـاد هالله هالله في البارت اليديد ... Quote Link to comment Share on other sites More sharing options...
● MaRwA ● Posted ديسمبر 13, 2008 Report Share Posted ديسمبر 13, 2008 وققققفتي مكان خطأ يعطيييييج العافية ع البااارت حددده روووعة Quote Link to comment Share on other sites More sharing options...
بنت الحداده Posted ديسمبر 13, 2008 Author Report Share Posted ديسمبر 13, 2008 مشكورة أختي ع البارت الأحلى من الروعة بصراحة حده فن والأحداث شي شي تسلمين حبيبتي على الرد الحلو ,, الحمدلله على السلامة ,, ما بغيتي تحطين البارت ,, واايد طولتي خخخخ معذووره بس انا جذي احب اتسبب شوي المهم يعطيج العافية على البارت بس القبلي كان احلى بواااااااايد الصراحه ,, اللي محليه طلعة عذاري زين سوى رامي في طارق ,, عيل يعتبرها اخت !! شفييه ذي مو صاحي !!!! ولله ساعات ودي ازنطه و ابط عينه ,, يقهرني ,, عيل وحده تقبل تقعد معاك بروحها و في مكان عاام و تاخذ راحتها معاك بالسوالف ,, شتقول عنها !!! و اللي يقهرني يقول انها مجرد اخت ,, ياعمي استرييييييييييح بس ,, اتمنى يقطع علاقته فيها لأني مو مرتاح لها نهائيآ ,, ينخاف منها الصراحه شيماءوووه الخايسه الحماره ,, شهل الحقاره يعني اللي سوتها !!!! ,, اففففففففف ولله قهر ,, جنه مثل سنوات الضياع يوم ام لميس تروح حق يحيى و تقوله ان لميس حامل من تيم خخخخخ ,, بس صج انقهرت و المفرووض حتى لو جافت التاريخ لازم تخليه يواجه شيماء و اهي قاعده معاهم بس بعد معذووره ريم يعني , من هول الصدمه شي طبيعي ما فكرت بهالخطوه ,, الله يكوون بعونج يا ريم بس معليه انشالله بتنحل الامور و بتعرف انها كانت نذاله و حقاره من شيماء بنت ابليس !!! بس لحظه يا بنت الحداده بسئلج ,, اهي شدراها بعنوان بيت ريم ؟؟ منوين عرفته؟؟ خخخخخخ مسكين علي صج صج صدمه قوويه ,, بس صج جريء شلوون يسوي جذي !!!! الحمدلله بس ان ضاري ما شافه ولله جان بصير الطق يمكن ,,,, بس عجبني تعامل سوسن معاه صج خووش بنيه زين سوت فيه علشان يستحي و ما يسوي جذي ,, عيل من هو علشان يروح لها و يقولها انتي وين رايحه !!! ههه لا بعد الاخ وااايد جايف روحه بس جاف شكله حلو و وسيم و الله ناعم عليه قال خلاص مافي أي وحده بترفضني و كل البنات بلاحقووني ,, يا عمي طيييييييييير مناك ههههههههه ياحليلها شيخووه ,, خلااااص تأكدت انها تحبه بس اهي عنيده ما تبي تعترف حتى لو بينها و بين نفسها يعني مع كل الكره و الحقد منها عليه الا انها منجذبه شوي ناحيته بس ما تبي تعترف ,,, عنييده و راسها يابس بس مربوشه ههههههه تعجبني شخصيتها ولله صج صج فكاهية ,,, حتى حنانووه بعد احبها ههههههههه تضحكني هالنزغه احس فيها براءة على خبث خخخخ الله يخليها و يحفظها من كل عين اما عن عادل و دلال ,, الله يعلم متى بيرسون على بر و بحلون مشاكلهم ,, بس اتوقع يعني بنسبة 80 بالمئة انهم بينفصلوون لأن دلال واااااااااااايد مصختها خصوصآ الحركه السخيفه اللي سوتها يوم راحت عند بيت رامي !!! بعد يعني مادري شله شغل رامي رايح لها و قاعد يحاجيها !!!! جان سفه لها و دش بيتهم ,,, لااااااااا ما عجبتني في هذي يا رامي ,,, الحين عااد هيام بركاان من الغضب عليه آخ على سمر و طارق ,, ياعمري عليهم بس و على مواقفهم و على قصة الحب اللي عايشينها ,,, احبها سمرر ولله احب شخصيتها و طيبتها و حنيتها و امووووووووووووت في غيرتها ,, آخ على مسجات الحب بس حركااات بعد سمر رزينه صج صج رزينة و فعلآ ما تبي تضعف تحب دايمآ تكوون قوية في مثل هذي الظروف و هذا اكثر شي عاجبني بشخصيتها ,, تعجبني البنت الرزينة جذي و اللي تفرض شخصيتها على الآخرين يسلموووووووووووو بنت الحداده على البارت و عساج عالقووه بس بسئلج ,, المسجات من تأليفج؟؟ بس لحظه يا بنت الحداده بسئلج ,, اهي شدراها بعنوان بيت ريم ؟؟ منوين عرفته؟؟ الي يسأل ما يضييع بس بسئلج ,, المسجات من تأليفج؟؟ اي نعم كلشي من تأليفي بستثناء الأغاني والأمثال طبعاً ههه والله أنا مابغيت اطول عليكم بس شسوي غصبن عني ,, مشكووور فنكوش على الرد الحلو والمتابعه الأحلى ,, دائماً ترفع من معونياتي تسلمين والله على هالبارت .. انا ترى توني يمكن صار لي اسبوع من بديت اقرى في القصهـ بس الصراحه الصراحه بدون مجاملهـ كل بـارت حلى من الثاني ويشوقني اكثر اني اكمـل او بس يالسه وكل ما شفت احد في الشارع او في التلفزون يلست افكر واقول اي ذي يشابهـ طارق وذي يشابهـ ناصر والا هاي البنيه تشابه هيام ومادري شنـو .. وامي تقول لي لوعتي جبدي انتي ويا هالقصه شسالفتهـا اقول لها انتي شعرفج بقصص الحب تحمد وتمشي عني .. بس والله يا بنت الحدادهـ ابدعتي من قلب من قصتج خليتيني احس ان صج ليحين في ناس يحبـون من قلب على رغم ان اهيا بس قصهـ وفوق هاي كله شوقتني حق آحب << عشان يذبحوني بيتنـا هع هع بس الصراحهـ الموقف اللي في عذاري مال طارق وسمر من قلب شلخنـي .. بس ذي جليلة الحيـا شيمـاء قاهرتني ودي اذبحهـا .. سوي لها صرفه طلعيها من البارت تنرزفني وخلي ريم ما تصدق الحجي وتوثق في هنوي شوي .. وخلي رامي من نصيب هيـام .. وعلوي يصير ويا شيخهـ لان اصلا اشكره يحبها بس ما يبي يعترف .. << حني صايره ام العريب .. اي صح ولا بعد ذي ام سلطـان تشلخني .. يلا عـاد هالله هالله في البارت اليديد ... هههههههههه ,, تذكريني بروحي ,,أنا عندي حلم ازلي اني اسوي هالقصة مسلسل , فـ كل ما اشوف احد اعطيه دور ولا اقعد افكر بعد وين بنصور واللوكيشنااات يعني ,, ادش فيلينق ,, تسلمين حبيبتي والله ,, هذا من ذوووقج,, هههههههههههه ,, لازم في احد ينرفزكم عشان تتشوقوون لااا مشكوورة حبيبتي على الرد الحلو بصراحه وايد استانست وأنه اقراه وققققفتي مكان خطأ يعطيييييج العافية ع البااارت حددده روووعة ههههه ,, عشان تتشوقووون الله يعافيج عيوني ثانكس على الرد Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.