(مريم العذراء) Posted ديسمبر 16, 2008 Report Share Posted ديسمبر 16, 2008 يسلمووووو حبوبة على البارت الروعة ننتظر البارت الجاي Quote Link to comment Share on other sites More sharing options...
وردة القمر Posted ديسمبر 17, 2008 Report Share Posted ديسمبر 17, 2008 يعطيج العافية حبيبتي .. بارت حلو ومتنوع .. بانتظار جديدج تحياتي Quote Link to comment Share on other sites More sharing options...
جمـــا "معذبهم" لـــي Posted ديسمبر 19, 2008 Report Share Posted ديسمبر 19, 2008 واااااااااااااااااااااااااااااااااااااااي صج صج كنت متوشقه لهباارت بس اندممجت حددي بنهاايته طللعت رووووووحي يوم خلص البارت هههههههههههه ابي اعرف شصااااااااااااااااااااااار خخخ فدديتج كاتبتنه يعطيج العافيه .. ننطر البارت إلي عقبه بحرررررررررررررقه تحيـــاتي ... Quote Link to comment Share on other sites More sharing options...
بنت الحداده Posted ديسمبر 19, 2008 Author Report Share Posted ديسمبر 19, 2008 تمت واقفة مو قادره اتروح السياره وانفاسها تتسارع من القهر والغيض ,, مو قادره تتحرك وتشوف هالموقف جدامها ,, من هاذي؟ تبين صغيره ,, يمكن بنت الجيران الي تحبه ! ,, مو تزوجت ليش يكلمها ,, واذا مو اهي ,, اشعنده واقف معاها ,, كانت الأفكار اتقطع فيها ,, لين لف رامي وشافها كانت تلومه بنظراتها ,, ,, ما عطته فرصه يبرر لها ولو بنظره ,, وأركبت السياره ,, رامي!! ماعرف يتصرف ,, راح ودق الدريشة على هاني بسرعه قبل لا يحرك ,, هاني ,,: هلا ,, رامي ,, يا بدون حواس كان يبي يشرح لهيام الي شافته بس اوتعى على ان اخوها وياها ,, شلون بيكلمها! ,, تضايق رامي ,, وهو يطالعها ,,: ها ,, لا بس حبيت اقولكم انتبهوا للدرب هاني وهو متضايق ,,: ريم بتروح المدرسة اليوم؟ رامي ,,: والله مادري بشوفها انشالله اتروح ,, هاني ,, : انزين رامي ,, اذا وصلتها وراحت لا تيي تاخذها خلني اردها ,, رامي ,,: ماقدر بس تقدر اتكلمها وأنا ما بتدخل ,, لأني لو سويت جذي أكيد بتزعل مني ,, وأنا مابي اضايقها فوق ماهي متضايقه ,, هاني ,,: انشالله تروح اليوم ,,, رامي ,,: انشالله , هاني ,,: يلا مع السلامة ,, رامي ,, وعينه معقله على هيام الي ويها محمر من القهر وقاعده تحوس بجرار شنطتها ,, وتتنفس بسرعه والتوتر باين عليها ,,, كانت قاعده ورا هاني ,, وكأن هاني دريول عندها ,, حرك هاني السياره ورامي حاط يدينه على الدريشة ,, تحركت السياره ورامي واقف مكانه كانت يده تتحرك مع السياره لين وصلت لدريشة هيام كان يطالعها تمنى لو تشوفه ,,,, لكنها ما كانت تبي اتشوفه ,, تحس لو طالعته بويهه ,, راح تبجي ,, وتشكي له تبي اتقوله انها تغار وما تبي تشوفه مع ولا وحده غيرها ,, تغير لمجرد انها تحسه ممكن يلاطف اي وحده بالكلام ,, او يبتسم لها ,, راح هاني ,, ودلال للحين واقفة مكانها ,, طالعها رامي واخذ نفس ,,, راح لها ,,: الله يخليج دشي البيت مب عدله هلون ,, دلال .. : الحين بيي عادل ,, رامي هز راسه ومشى عنه ,, دلال ,: رامي ,, رامي التفت لها! , دلال بغصه ,,: الي اركبت السياره !؟ رامي ,, : اي ,, هذي اهي ,, دلال حست بألم ,, وماقدرت تيود دمعتها ,, تحت البوشية كان في عيون عسلية تنزف بحرقه ,, وتطالع رامي بلهفه ,, مع كل جرح ,, يزيد حبها ! ,, دخل رامي البيت وهو متضايق ,, اكيد افهمته هيام غلط ,, اوووف ,, دخل دار ريم ,, كانت قاعده تلبس دلاغها ,, رامي ,,: بتروحين المدرسه ,, ريم وهي تروح جدام المنظره وتطالع نفسها بعيونها المنهكه ,, ريم ,,: اي ,, رامي ,,, طالعها وهو قلبه معوره ,,, شصار شالي قلبها جذي ,, ليش كل هذا شمسوي هاني! ,, معقوله في شي يزعل احد من الي يحبه لهل درجة! ,, تذكر الموقف الي عند الباب ,, لا اكيد هيام ما زعلت مني هالكثر ,, اكيد ,, اهي تدري انا شكثر احبها ,, واهي شدراها! ,, يمكن الحين تفكر أني العب عليها ,,! رامي .,: انا انطرج في السياره ,, طلع رامي ,, وأطلقت ريم لدموعها العنان ,, آخرشي توقعته انها تصحى من حلمها الوردي بصفعه ,, صفعه ,,, فيها اهانه ,, وألم ممزوجين ,, شلون من بعد هالفرحه الي ملت حياتها ,, تكتشف انها كانت تعيش الجذب ,, والخيانه ,, بدل الصدق والأخلاص ,, ليش يا هاني ؟ كل هذا بس لأني بنت ناس على قد حالهم! .؟ لهل درجة احنا مالنا قيمة! ! اطلعت من الدار بعد ما امسحت دموعها بقهر ,, وكأنهم السبب ,, اركبت السياره ,, رامي طالعها كان يبي يتكلم بس فضل السكوت ما يبيها تبجي بعد ,, كفاية عليها ,, حرك ,, والسكوت سيد الموقف , ريم ,, : لا تتأمل خير من حبك لهيام,, رامي طالعها بخوف!!,: شنو؟ ليش !! ريم ,,: احسن لك ياخوي تبعد عن هالناس ,, رامي ,,: ريم !! ممكن اتفهميني شصار؟ ريم ,,: أنا مابي اتكلم ,, بس حبيت انبهك ,, رامي ,,: بس هيام ارفيجتج عمرج شفتي عليها شي,, ريم ,,: اخوها ,, رامي!,,: اشفيه اخوها شسوالج؟ ريم ,,: ولاشي ,, رامي ,,: أنا اعرف اخوها الثاني ,, !! , وماقدر اقول عنه غير انه ريال ريم ,,: ,,,,,,, رامي وقف على صوب ,,: ريم اشفيج حاجيني يابنت امي وابوي ,, قوليلي عن الي فيج ,, ريم انهارت بحضن اخوها ,,: أنه تعبانه ,, تعبانه وايد ,, رامي ,,: تكلمي يمكن ترتاحين ,, ريم ,,: مابي ,, مابي اشوه سمتعه رامي طالعها والغصه ذابحته ,,: اصيلة ,, طول عمرج اصيله ريم ,,,,,,,,,,,,,, :ياليتني مت ,, ياليتني مت ولا سمعت الي سمعته ,, رامي حس انه عاجز احته تحتضر واهو ما يقدر يسوي شي ,, لمها بقوة ,,: لا تقولين جذي اسمالله عليج ,, ريم ,,: شفايدة حياتي ؟؟ انا شنو في هالدنيا ! ,, أنا ولاشي ,, ولاشي ,, رامي , حس انه بيبجي معاها بس يود نفسه ,,: ريم ,, انتي اختي ورفيجتي ,, وكلشي بدنيتي ,, انتي روح البيت ,, انتي دلوعة الوالد انتي اخت الوالده ,, انتي انسانه طاهره ,, لا تقولين جذي ,, ريم تمت اتصيح ,, واخوها لامها ,, ررامي ,,: انا اقول لا تروحين المدرسة اليوم ,, ريم ,,: لازم اروح ,, رامي ,,: لا ارتاحي ,, ريم ,,: في تقارير لازم اسلمهم اليوم ,, رامي حرك السياره ,, واخته تمسح دموعها ,, نزل اخته ,, عند المدرسة ,, , ونزلت ,, نطرها تدش المدرسة ومشى ,, كانت تمشي ووتفكيرها مو عندها ,, ادعمت بسوسن الي كانت واقفة تسولف,, ريم ,,: آسفة ,, سوسن شافت ريم ,, مبين عليها تعبانه ,, سوسن ,,: ريم فيج شي., ريم ارسمت ابتسامة بلاستيكية على ويها ,,: لا مافيني شي ,, مشت عنها ,, سوسن الحقتها ,,,: ريم ,, ريم ,, اوقفت وبجدية ,,: اي سوسن فيني شي ,, بس مابي اتكلم الله يخليج لا تلحين علي ,, سوسن تمت مصدومة ,, !! اشفيها ريم ! عمرها ما شافتها جذي ,, سوسن ,,: انزين ممكن امشي معاج ,, ريم سكتت ,,وبعد فتره من تفحص ملامح سوسن ,: اكيد ,, تموا يمشون ,, سوسن ساكته يمكن اذا ما قدرت اتخفف بالكلام اتخفف بوجودها ,, ادخلت الصف واقعدت هيام كانت هناك ,, ريم حطت شنطتها واقعدت ,, سوسن راحت لهيام ,, : اشفيها !! هيام وهي اتطالعها بألم ,,: مادري شصاير بينها وبين هاني ,, شيخه ,, ادخلت الصف ,, وركيض لسوسن ,, شيخه ,,: سوسنووووو سوسن ,,: هلاا شيخه ,,: ابيج بكلمة اريوول سوسن ,,: وايي لج بارض من صباح الله خير ,, شيخه ,,: وليش ما يصير لي بارض ها ها ها حد ميت ! سوسن ,,: لا بس ريم متضايقة ,, شيخه !! ,,: وي اشفيها حبيبتي ريماني ,, راحت لها ,, واقعدت حذاها ,, شيخه ,,: الحلوة زعلاااانه الحلوووة زعلااانه ,, منو يرااضيها ,, انا ارااضيها وبروحي افدييها ,, ريم ما كان لها مزاج ,, فأكتفت بالسكوت ,, شيخه ,, يوم شافت ردت فعل ريم حست ان فيها شي جايد ,,: ريم .. شكلج ما تبين اتكلمين ,,, بس بقولج شي,, ريم طالعتها ,, شيخه ,,: حكمتي في الحياة تقول ,, الكل يطالع شيخه يعني بتقول حكمة الحين ,, شيخه ,,,: كلما تتضايق ,, اشرب وهي اتطلع الآيستي من شنطتها ,, وبطريقة سينمائية ,, شيخه ,,: اشرب آيستييييييي ريم ابتسمت غصبن عنها شكل شيخه ,, وهي اتقولها كان فنتق,, سوسن و هيام ضحكو ,,, شيخه ,,: وهذا الآيستي الغالي النفيس مال شواخي ,, مني لج ,, وخصائصه كتالي,, 1, يخفف همج ,, 2, يسم عدوج ,, 3, يزيد هرمون الضحك عندج ,, هيام ,,: هرمون الضحك شنو بعد شيخه .,,: خليني اكمل ,, 4, يزيد زوايا الأنفراج في ضحكتج ,, يعني اتصير اكثر من 90 درجة زاوية منفرجه يعني 5, ويزيد نسبة الأكسجين الي يدخل لرئتينج ويخلي تفاعلات العصارات الهاضمة آمن 6, يخلي موجة الصوت مالت الضحكة عندج سرعتها اكبر 8, يخليج لون ويهج ابيض يعني تمتصين كل الألون شفتي شلون عاااد سوسن ,,: شيخه ,, سكتي ولي يعافيج ,, ما باجي غير اتدخلين الرياضيات شيخه ,,: نطري لااا 9, يصير عندج مسألة اشتقاق في مخج اتحلينها بالقانون بس تحملي تحلينها عادي لازم تحلينها بصيغة اكس اول ,, ريم ,,: ههههه ,, شيخه ,,: شفتو شفتو ,, انا خوش رفيجه ,, ريم ,,: حسبي الله على بليسج ,, شيخه ,,: فديتج اعجبج آنه ,, هيام ,,: شيخو ليش ما تطلعين هالشطاره بالمتحااناات هااا شيخه ,,: انا صراحة انسانه متواضعه ماحب اييب وايد درجات ,, يعني اكتفي بالقليل ,, حرام يعني اسبب لكم صدمة وأطلع الأولى على العالم ,, سوسن ,,: سمالله عليج ,, لا يمة خلج هلون بعدين تصيدج عين ,, شيخه ,,: صدقتوا صدقتوا ما صدقتوا ,, ترا انتو خسرانين ,, على فكرة ,, أنا افهم اكثر من آنشتاين ,, حتى اني كنت بطلع قانون يديد ,,بس خفت لا ابلي الجيل الياي مثل ما بلانه هيام ,,: امبيييه ,, شيخه بس بس بتذبحيني بالسكته انتي ,, شيخه ,,: يه شعرفهم ذيلين بس أنه وريماني نعرف مب لاا ريم ,,, ابستمت لشيخه ,, في شركة بوو طارق ,, طارق ,, : هالتسيب مب عندنا ,, واعتبر نفسك مفصول ,, طلع الموضف ,, طارق مزاجه زفت ,, وكلشي قاعد يصير عكس الي يبيه حاول بيأس يتصل في سمر ,, سمر ,, كانت تطالع التلفزيون رن تلفونها ,, شافته طارق ,, كانت تبي ترد عليه ,, بس قست على قلبها للمره المليون وخلته يرن ,, مره ومرتين وثلاث واربع ,, لين يأس طارق ,, وبند التلفون ,, حست بضيجه ,, انه يأس,, ماكنت ابي اوصل معاك يا طارق لهل مرحلة ,, رد رن تلفونها ,, وشالته بدون اي حواس ,, سمر ,,: الو المتصل: الو السلام عليكم ,, اخت سمر؟ سمر استغربت اعتقدت ان طارق المتصل لكن خاب ضنها ,,: اي نعم ؟ المتصل:اخت سمر ممكن تراجعينا ؟؟ سمر ,,: عفواً ,, من معاي ؟ المتصل: مستشفى ***** ,, اتمنى اتراجعينا سمر!!! خافت ,,: خير في شي؟ المتصل ,,: راجعينا وراح يتم شرح كلشي ,, سمر ,,: اوكي ,, مع السلامة ,, قامت سمر اركضت دارها البست عباتها بسرعه ولفة الشيلة ,,, اركبت السياره ,, وراحت المستشفى فلت ,, وكانت تمشي بخطوات سريعه ,, من كثر ماهي خايفة وقلبها يدق ,, ادخلت على الدكتور ,,, واستقبلها ببتسامة ,, الدكتور ,,: تفضلي,, سمر اقعدت ,,:: خير دكتور؟ الدكتور ,,: بصراحة مادري شلون اعتذر لج ,, سمر بخوف!!,,,: شصاير؟؟ الدكتور ,,: اهي فعلاً نادراً ما تصير خصوصاً بالمستشفيات الخاصه لكن ,, الخطأ وراد ,, سمر ,,!!!! الدكتور ,,: بالصدفة ,, كان في زوجين طالبين هذا الفحص لهم نفس اساميكم ,, سمر!! ,,: انزين! الدكتور ,,: ابشرج ,, انتي مافيج ايشي ,, مجرد التباس خلانا نعطيكم نتيجتهم ونعطيهم نتيجتكم ,, سمر ,,,: شنو !! انا ؟؟؟؟ أنا مافيني شي !! ,, يعني انا اقدر احمل؟؟؟؟؟؟ الدكتور ببتسامه ,,: اي ,, انتي مافيج ايشي ,, سمر !! ,,,,,: تدري غلطكم هذا كان بيدمر حياتي!! الدكتور ,,: اسمحي لي اقدم اعتذاري للمرة الثانية ,, بس في شي يمكن لو قلت لج عليه يخفف عصبيتج ,, سمر ,,: أنا كنت بتطلق من ريلي الي احبه وما اتخيل حياتي من دونه وأنت تقولي شي يخفف علي!! الدكتور ,,: الحالة الي خبرتج عنها ,, كانوا في حالة صعبة جداً وكانوا فعلاً على وشك الأنفصال ,, لكن خبر انهم مافيهم شي رد المياه لمجاريها ,, وبعد ما خبراهم بحقيقة النتيجة,, تقبلوا الموضوع بصورة غريبة ,, لأنهم وصلوا للتفاهم في علاقتهم ,, اخت سمر ,, مافي شي يشفع لنا وفعلاً هذا غلط فادح والأكبر ان احنا تأخرنا في اكتشافه ,, سمر اسكتت ,,,,,,,, للحين في فرصة عشان ارد لطارق ويرد لي ,, للحين ,, الحمدلله لك ياربي ,, فعلاً تدبيرك شي اكبر من اننا نفهمه ,, اطلعت سمر من المستشفى واهي مبتسمه ,, مستانسه ,, ما كانت متوقعه ان كل العقبات ممكن تنزال بهل سرعه ! ,, الحمدلله لك ياربي الحمدلله ,, راحت بيت بو طارق ,, وباست راس عمتها وخبرتها بالي صار ,, فرحت ام طارق من قلبها ,, وراحت للتلفون عشان تتصل في طارق وتبشره ,, سمر ,,: لا انا بروح له بنفسي.,, في الشركة ,, طارق طلب من ابوه ان يخليه يطلع لأن اعصابه تلفانه ويبي يريحهم ,, من غير حواس راح للكوفي شوب المعتاد وبالصدفه في الوقت المعتاد ,, وكالمتعاد ايضاً ,, شاف صفاء هناك ,, ومن دورها راحت له بسرعه خصوصاً وأنها حابه تعتذر له عن الي صار آخر مره ,, صفاء ,,: صدقني ما كنت اقصد بس كنت احاتيك ,, طارق بضيقة ,,: حصل خير ,, سمر اوصلت الشركة وادخلتها واهي مبتسه ,, حاسه بالفرحة بطريقة غريبة ,, ادخلت مكتبه وما شافته ,, قالت يمكن عند عمها وبالمره اتشوفه وتفرحه بالخبر ,, ادخلت على عمها ,, بدون سابق انذار ,, لمى شافها استانس وابتسم ولمها على طول ,, بو طارق ,,: شهل نور !! شهل زين شهل حلاة كلها الي زايرتني ,, ابتسمت سمر وباست عمها على راسه ,, وخبرته بالي صار ,, استانس وايد ,,, بو طارق ,,: طارق لازم يعرف سمر ,,: ليش اهو مو بالشركه؟ بو طارق ,,: اهو وايد متضايق ,, قالي بيطلع لأن اعصابه تلفاانه ,, سمر ,,: انزين وين احصله ؟ بو طارق ,, : بتروحين له بنفسج؟ ليش ما تتصلين له تخلينه اهو ايي لي عندج ,, سمر ,, ببتسامه ,,: ابي اسويها له مفاجئة واشوف تعابيره واهو يعرف الخبر ابي اقوله انه وحشني واني احبه وايد ,, وانه اتأمله ,, بو طارق ,,: ياعيني على الرومانسية ,, خلاص الحين اسأل لج ,, جاسم دايماً يعرف وين يروح طارق اتصل في مكتب جاسم ,, وقاله بالمره عن الموضوع واستانس وايد وخبرهم انه عادتاً يروح الكوفي شوب الفلاني ,, بو طارق خبرها ,, سمر ,,: انزين أنه اترخص بروح اشوفه ,,, بو طارق ,,: ابي اشوفج على الغدى اليووم هااا سمر ,, ببتسامة ,, : أنشالله اطلعت سمر ,, واركبت سيارتها على عجل ,, وداست بترول بقوة ,, تبي تغمض وتفتح تلقى نفسها معاه ,, ادخلت المجمع بسرعه ,, شافت الكوفي شوب من بعيد واخذت شهييق ,, وراحت ,, تلفتت شوي ,, وشافته ,, لكن !! ,, مو مثل ما توقعت!!!! مو مثل ما رسمت بخيالها مو مثل ما اهي بغت ,, التفت لها طارق !!!!!,, وقام من مكانه ,, : سمر!! صفاء اوقفت !! ,, سمر ,, طلعت الدموع من عينها غصبن عليها ,, وراحت ,, ركض طارق وراها ,, طارق ,,: سمر ,, سمر سمعيني ,, كانت تمشي بسرعه ,, وبهرولة ,, اطلعت من المجمع واهو للحين يلحقها ,, سمر ,, تدور سيارتها بالباركات ,, نست وين حطتها نست وين بيتهم ,, نست كلشي ,, آخرشي توقعته ,, ان طارق الي يحبها ويموت فيها يخونها ,,,,,, طارق ,,: سمر سمعيني ,, سمر ,, سمر اوقف تتلفت تدور السياره ,,,, طارق يودها ,,: سمر ,, صدقيني مابيني وبينها ايشي ,, سمر ,, تباعدت عنه ,, واصفعته كف ,, سمر ,,بدموع: روح لها ,,انت ما تستاهل ابجي عليك ,, لقت سيارتها ,, وراحت لها , اركبت وقفلت الباب ,, وطارق يحاول يكلمها واهي رافضة ,, حركت السياره ومشت عنه ,,, وخلته ,, فصخ عقاله ,, وغترته ,, يودهم بقوة ,, غمض عيونه ومشى لسيارته ,, ركبها بألم ,, شلون سمحت لنفسي اقعد مع صفاء ,, مهما يكون اهي بنت غريبة عني وأنا متزوج ,, أكيد سمر يات وفي نيتها انتصالح ,, بس انا غبي ,, غبي ,, سمر ,, كانت تبجي ,, من القهر ,, من الحسره ,, أنه الي وصلته للي وصله له ,, ما كان لازم اصده ,, بس انا كنت اقصد له الخير ,, ليش يا طارق ليش ,, حرام عليك تذبحني ,, حرام ,, ردت البيت ,, والدموع على خدها ,, ام سالم ,,: سمر اشفيج ؟؟ سمر ما ردت على أمها ودخلت دارها واقفلت الباب ,, طاحت على السرير واهي تبجي ,, لماذا السعادة سراب؟ كلما دنوت منها تلاشت ,, هل احببت وهما؟ أم اني تعلقت بالخيال ؟ وكيف للعاشق ان يخون ,, والحب لم يلبث السنة منذ ابتعد ,, في جوفي طعنـة ,, وهل ينزع السكين سوى من غرسها؟ رحمتك ربي ,, فقد ذبحتني الغيره ,, واخشى ان اتفوه بما لا يجب ان اتفوه به ,,, ربي ,, ادم لي ضله ,, فلا اقوى على تخيل حياتي بدونه ,, هو من آلمني وابكاني ليالٍ طوال ,, دون أن يأبه لي ,, او ينظر في امري للحظات ,, لكنـي اهواه ,, وبجلالتك ,, تعلم مدى صدقي ,, هو زوجي وحبيبي وكل مالي في هذه الدنيا,, لا تحرمني منه ,, ولتذهب تلك الملعونه للجحيم ,, فقد آذاني مجرد النظر اليها ,, وأوجعني وجوده بجوارها ,, وذبحني حديث جمع بينهما ,, رباه ,, أعني ,, في الهده ,, طلعوا البنات ,, هاني كان واقف وناطر وأول ما شاف ريم ,, راح لها ,, هاني ,,: ريم ,, ريم طالعته بنظرة عصبية ولفت عنه ,, هاني ,,: ريم اشفيج علي ,؟؟ انا شسويت؟ ريم ,,: هاني ,, مافي شي نتكلم عنه ,, هاني ,,: اي فهميني اشفيج علي ليش تتحاشيني ؟؟ وشالي صار امس؟ ريم ,,: قلت لك مابي اتكلم ممكن تفهم هذي النقطة ؟؟ هاني ,بصوت عالي,: لا ما بفهم ,, لأن من حقي اعرف شصاير ,, ريم ,,: لو سمحت ,, ماله داعي تسمع الكل هاني ,,: خلااص ,, آخذج ونروح مطعم ونتفاهم ريم ,,,,: مابي ,, ولا تخليني افقد اعصابي اذا تفضلت ,, هاني ,بهدوء وبحب,: ريم ,, اشفيج حبيبتي شالي صار ريم ,, شافت اخوها ,, وراحت بتروح له ,, هاني يودها ,,: نطري ,, ريم اسحبت يدها ,,: لا تلمسني,, هاني ,,: لازم تقولين لي شصار مايصير جذي! ريم ,,: وأنه مابي اقولك شي ,, ممكن تخليني اروح! هاني ,,: لا مو ممكن ,, ريم ,, شافت ان الكل قام يطالعهم ,, : مع السلامة,, مشت بسرعه للسياره ,, كبريائه ما سمح له يروح وراها ,, تم مكانه وهو حاكر دمعته بين جفونه ,, حرك رامي ,, وقلب هاني يتقطع ,,, هيام شافت كلشي ,, وتضايقت ,, شسويت يا هاني عشان يصير كل ذي!! ,, مشت هيام مع اخوها ,, شيخه وهي مو عارفة شلون اتحجه ,, شيخه ,,: أمم سوسسن ,, سوسن ,,: ويي شعندها الذربه ! شيخه ,,: اووف عاد من صجي اتكلم ,, سوسن ,,: شفيج؟ شيخه ,,: امم امس يوم اتقولين لي انه قالج معجب فيج ,, سوسن ,,: انزين؟ شيخه ماعرفت اتكمل ,, كانت تبي تسألها شلون كان شكله يبين عليه صاج؟ ولا لا وشلون كان اسلوبه وهو يقول لها ,, وليش اختارها اهي بالذات وايد اسأله كانت في بال شيخه بس ماقدرت تسأل ,,: خلاص خلاص انسي ,, سوسن ,,: اشفيج شيخه ,, قولي شعندج سوالج شي؟ شيخه ,,: لا ما سوالي شي ,, سوسن ,,: عيل,, شيخه ,,: ولاشي ,, كاهو ناصر يا تبين انوصلج؟ سوسن ,,: لا الحين بيي ضاري,, شيخه ,,: انزين يلا باي,, سوسن !! ,, غريبة اول مره شيخه ما تلح علي ولا اتحنده على اخوي ,, اركبت شيخه السياره ,, وتفكيرها مو عندها ,, عنده اهو الي بالها عنده ,, علي ,, : والله مادري جمال ,,: يمكن لأن البنت ما ردت لك الحركة ,, علي ابتسم ,,: والله كنت عايش اكشن ,, جمال ,,: ماعندك سالفة ,, علي ,,: على كثر ما قهرتني ,, بس سوت لي جوو ,, جمال ,,: يالله هذا بداية الأعجاب ,, علي بخيبة ,,: اي اعجاب الله يهداك,, خلاص من بعد الي صار حرمنا ,, جمال ,, : افا كل هالثقة تتبخر بثواني؟ علي ,,: لو كنت مكاني جان عرفت شلون كان الموقف جمال ,,: ياريااال حال الدنيا جذي,, وبعدين مو معناته ان سوسن ارفضتك غيرها كلهم بيرفضونك ,, علي ,, :لو ما ارفضوني بيكون لفلوسي,, جمال ,,: انت ما عندك ثقة بنفسك ,, علي ,,: يمكن ,, جمال ,,: الا اكيد,, يعني ما تصدق ان ممكن وحده تحبك لشخصك علي ,,: ما اعتقد , شالزود فيني ! جمال ,,: ههههه باال لهل درجة احبطت معوياتك ,, علي ,,: كان بالنسبالي مثل الكف ,, جمال ,,: ياريااال هونها وتهوون ,, ام ابراهيم ,, : حياكم يمة انا اليوم مسوية خوش برياني ,, علي ,, : قوم برياني الوالده مافي مثله ,, قام جمال وعلي واقعدوا على الطاولة ,, وعلى رنة الجرس تقطعهم ,, ام ابراهيم ,: هذي اكيد سبوج ,, افتحت لها الباب الا اهي صج والله ام سلطان وحاملة معاها صحن غداها ,, ام ابراهيم ,,: حياج ,, ادخلت وحطت صحنها ,, ام سلطان ,,: ويي اشعندكم تاكلون برياني ,, اكلو مجبووسي يرد الرووح ام ابراهيم ,, : خليهم على راحتهم ام سلطان ,,: اشفيج انتي ,, ماعليج اخذو يمة ,, حطت لكل واحد في صحنه ,, وقاموا ياكلون منه ,, علي ,,: اححح خالتي ورا هلون حااار ام سلطان ,,: حلاته حار يمة ,, ام ابراهيم ,,: لا تحرقين لسان وليدي ,, خذ يمة اشرب ماي ,, وخل عنك مجبوسها ,, جمال ,,: والله انه مجبوس يعدل الرااس تسلم الأيادي ام سلطان ,,: اي هذيله الي يفهمون بالأكل بالعافية يمة ,, في بيت بو طارق ,, دخل طارق حالته حاله غترته وعقاله بيدينه ,, ويمشي وهو مو طايق نفسه عكس ما توقعت امه ! ام طارق ,,: طارق!! اشفيك يمة؟ طارق ,,: سمر يايمة ,, سمر ,, ام طارق ,,: صل على النبي يايمة سمر توها شحلوها اليوم يايتني ,, وقالت لي ,, ان المستشفى اتصلوا فيها وقالوا لها ان كان في خطأ ,, وأنها مافيها الا العافية ,, طارق!!!!!!!!!!!,,: شنو!! يمة انتي شتقولين !! ام طارق ,,: اشفيك طارق!! ,, هذا الي صاار!! طارق!!! : يعني اهي كانت ياية تبشرني وتقولي ,,,,,,!!!!!!!!!! انا !!!!1 طلع من البيت ,, وراح بيت بو سالم ,, طارق ,, فتح الباب ,, وشاف خالته ام سالم ,, ام سالم ,,: طارق !! شصاار !! طارق ,,: وينها سمر؟ ام سالم ,,: بدارها ,, طارق ,, صعد فوق ,, وتم يدق الباب ,, اهي اسمعت صوته حست قلبها وقف ,, طارق ,,: سمر ,, سمر فتحي الباب ولي يعافيج ,, سمر ,, صدقيني انا ماا بيني وبينها ايشي ,, سمر خلينا نرد مثل ما كنا ولي يعافيج سمر ,,,,,,,,,, ام سالم ,,: خلاص يايمة ,, تعال باجر تكون هدت ,, طارق ,,: سمر ,, انا تعبان بدونج احتاجج ,, لا تخليني سمر زاد بجيها عقب ما سمعت كلامه ,, بس للحين للحين صورته واهو قاعد معاها ما تروح من بالها ,,, شلون تجرأ ,, شلووون ,, طلع طارق من البيت بخيبة امل ,, ركب سيارته ,, وحرك ,, رد البيت ,, ودخل بسكات ,, وقفل عليه باب حجرته ,, في دار هيام ,,,, كانت مقهوره ,, متضايقة وكارهه الدنيا ,, ودها تكلمه وتعاتبه ,, ودها تصرخ بويهه ,, وتقوله ما يحق لك ,, انت لي انه بس انه بروحي محد يشاركني فيك ,, اطلعت من دارها بعد ما ذبحها التفكير ,, راحت لهاني ,, الي كان يبجي ,, بس من سمع صوت الباب مسح دموعه ,, هيام ,,: هاني؟ هاني ,,: ,,,,, هيام ,,: هاني انت كنت تبجي؟ هاني ,,,,,,,,,,, هيام راحت لأخوها ,,: انت شسويت ,,,, هاني ,,: مادري مادري الي بيذبحني اني مادري انا شمسوي!! هيام ,,: تذكر ,, مافي شي ؟ هاني ,,: شممكن يصير يعني؟؟ هيام ,,: مادري ,, شلونها شيماء؟ هاني تذكرها وفتح عينه!,,: اتهقين! هيام ,,: أنا مادري ! انت ما قلت لريم عنها ؟ هاني!!!! },,: لا ما قلت !!!!! هيام ,,: ليييش!!!! هاني ,,: انا!! ,, انا كنت ناوي اقول !! هيام ,,,,,: مو يمكن اهي مسوية شي مني مناك!! هاني ,, !!!!!! ,,,, طلع رقمها ,, واتصل فيها شيماء شافت رقمه اضحكت بصوت عالي,, خلته ينطر ,, ويتصل مره ثانية وشالته ,, شيماء ,,: الوو هاني ,,: شيماء!! ,, انتي سويتي شي؟ شيماء ,,: الناس اتسلم بالأول هاني ,,,: جاوبيني شيماء,,: تسأل عن احول الي متصله فيها هاني ,بعصبية,: شيماااااء ,, جاوبيني شيماء ,,: عندك دليل! هاني!! ,,: شسويتي!! شيماء ,,: قالت لك ست الحسن !! هاني ,,: تكلمي شسويتي!! شيماء , بلهجه استفزازيه ,,: تذكر يوم المك؟ هاني!!!!!!!!!!!!!!!!!!!!!! ,,: انزين! شيماء ,,: في احد صورنا ,,,,, هاني ,,: شنو! انتي شتقولين! شيماء,,: الي سمعته ,, خذت الصور لها ,, وقلت لها شوفي حبيبج وريلج ,, يسرح بالعسل مع غيرج ,, هاني وهو يقوي قبضته على التلفون ,, :يالـــــ شيماء ,,: هااا تحمل تغلط ,, هاني ,,: انتي شنو! انتي شنو!! ليش تسوين جذي شيماء ,,: ليش اسوي جذي!! ,, ما سألت نفسك هالسؤال يوم ترميني وأنا ابيك؟ هاني ,,: وأنا ما ابيج وقلت لج هالكلاااام ليش ما تخليني ارتاح بحياتي !! شيماء ,,: ههاهاهاهي ,, دخول الحمام ياروحي مش زي خروجو هاني ,, : اصلا ريم تدري اني قطعت كل علاقاتي عقب الملجه ,, شيماء,, : ههههههههههههههههههههه هاني حبيبي ,, انا غيرت التاريخ وخليته بعد ثلاث ايام من ملجتج هاني زم على اسنانه ,,: انتي ابليس في صورة انسان لا يمكن اتكونين طبيعية ,, شيماء ,,: اسمعني زين عااد , ثمن كلامك ,, وعرف من قاعد اتكلم ,, هاني ,,: ومن اكلم انشالله ! ,, وحده ما عندها ذرة احترام لأهلها ! ولا عندها ذرة احساس ولا ضمير ,, تبي تخرب بين زوجين! ,, تشوفين نفسج تستحقين الأحترام ,, شيماء ,,: غصبن عليك ,, هاني ,,: مافي شي غصبن علي ,, عن اذنج , سكر الخط بويها ,, وخلاها تحترق بعد كلامه ,, حسسها انها فعلاً ما تسوى شي ,, سوت شي في النهاية ما بينوبها منه اي شي غير الأثم ,, وعند هاني ,, قعد وهو شبه منهار ,, شلون بيقنع ريم بالعكس؟؟ وأهو في نظرها جذاب وخاين ,, شلون! هيام ,,: شناوي اتسوي؟ هاني ,,: مادري ,,مادري ,, هيام ياليتني اقدر اساعدك ياخوي ,, ياليتني اقدر اردك لريم وارد طارق لسمر ,, Quote Link to comment Share on other sites More sharing options...
● MaRwA ● Posted ديسمبر 19, 2008 Report Share Posted ديسمبر 19, 2008 مشكووووورة يعطيييييج العافية Quote Link to comment Share on other sites More sharing options...
دمووع الورد Posted ديسمبر 19, 2008 Report Share Posted ديسمبر 19, 2008 رررررررررروعــــــــه البببارت وفعلاً طـاارق ماكـان لازم يقعد مع صفـااء .. جوف شلون خررب كل شي احيين و شيمـاء يعني قمـة الانحطـاااط .. شلون في نـاااس جذي ... امـا هيييام الله يعييينها وشييخه وعلييه كسررت خاطرررري .. ان شاءاللهـ كل شيي يرد لطبيعته و هـاني يقدر يفكر بخطهـ .. وحسـافه ماسجل صوت شيماء واهوا يكلمهـا .. وان شاءاللهـ سمر تتفهم طـارق .. واهوا بعد هالشي يكون عبرهـ لهـ ... واهم شي ان النتايج كـانت غلط وانا اتوقع ان اهمه راح يردون لـ بعض ... اما دلال يعنـي ... ماادري شـاقول ... المفروض تعتبر و تبتعد عن حيـااة رامي Quote Link to comment Share on other sites More sharing options...
فنكوش Posted ديسمبر 19, 2008 Report Share Posted ديسمبر 19, 2008 اففففففففففف مادري وش اقول وش احجي ,, ولله استانست حدد امي يوم قريت ان سمر مافيها شي و تقدر تييب عيال ,,, بس مسرع ما خرب فرحتي هالتافه السخيف المنحط طارق !!!! ,,,, افففف ليش جذي عااد ولله العظيم عورت قلبي سمر ,, صدقيني يا بنت الحداده من يووم جاسم قالهم ان طارق يرووح الكوفي شوب اقولج قمت اضغط على اسناني و ارفس الطووف من القهررررررر لأن فعلآ اندمجت ,,, و انا احبها سمر وااااااااايد مابي اجووفها زعلانه و متضايقه ابيها دووم فرحانه ,,, و هالدكتور الغبي الصراحه قهررني الهيس و فعلآ هالشي مو منتشر في المستشفيات الخاصه فقط ,, حتى بالحكومية مثل مستشفى السلمانية واااااايد يغلطووون و اروااح تمووت بسبة هالأخطاء الفادحه ,,, لو سمر تفلت في ويهه قبل لا تطلع جان بردت قلبي شوووي اممممممم صج صج صعبه يا هاني مادري شلوون بتنحل هالمشكله الحين ,, و القهر ان شيماء ماعطة ريم دليل قووي على فعلتها مع هاني !!!! ,,,, يله انشالله تنحل الامور بينهم و ترجع المياه لمجاريها ,, ووو معذووره يا ريم ,, الخيانه شي مب سهل جدآ جدآ على الانسان وقتها يحس ان كرامته انهانت و انه انطعن طعنة ما بينساها طوول عمره !! شيخووووه ,, الشخصية بالوحيده بالبارت اللي ضحكتني خصوصآ يوم تعطيهم مواصفات الآيستي خخخخخ <<<< على فكره ترى ما احبه كللللللش ,,,, اهي غيرانه ترى من سوسن بس اهي تكااابر واايد ما تبي تعترف بهل الشي حتى و لو بين نفسها ,,, آآخ ابي اعررف بس لو علي جاف واحد يغازل شيخووه شبسوي حزتها شلون بتتكوون ردة فعله !!!!! خخخخخ كشخه ولله ام سلطان جنها يدتي ,,,, بالعكسسسسسسس انا احب المجبووس خصوصآ اذا كان حاار ,,, صدقت ولله اصلآ حلاتها حاار يعطيج العافيه بنت الحداده و يسلمووو على البارت بس قصيييييير<<<< صرت منهم هاااا خخخخخ عساج عالقووه ,, ووو ننتظر البارت الياي ,, و متلهف اعرف شبصير بين سمر و طارق Quote Link to comment Share on other sites More sharing options...
جمـــا "معذبهم" لـــي Posted ديسمبر 19, 2008 Report Share Posted ديسمبر 19, 2008 لاحول ولا قوة إلا بالله تتصلح من اهني تخرب من اهني اووف اووووف ههههههههههههههههههه اشفيني حدي عشت الدور ههههههههه يسلموووووووووووووووووووووووو كاتبتنه على الباارت حددددددددده يه في وققته ننطر الباارت الآآتي على احر من العللقم تحيـــــــــاتي .. Quote Link to comment Share on other sites More sharing options...
محرقاويه مفتخره Posted ديسمبر 19, 2008 Report Share Posted ديسمبر 19, 2008 هالدكتور نرفزني يوم قال ان غلط لو الحين سمر وطارق مطلقين لكن الحمدالله انها يات على جذي وهاني لو قايل حق ريم عن شيماء من البدايه جان مابتكون ذي حالته وطارق بعد ماشبع من هالصفاء الي كل يوم يقعد وياها يسلمو بنوتو ع البارت الاكثر من روعه تقبلي مروري محرقاويه مفتخره Quote Link to comment Share on other sites More sharing options...
شقرة البحرين Posted ديسمبر 19, 2008 Report Share Posted ديسمبر 19, 2008 ألــف ألف شكر لج حبيبتي وبصراحة وبدوون مجاملة أنتي مبدعة فعلا بصراااحة باااارت ولأحلى والأشعار فظيعة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.