a7la 7o0ob Posted يوليو 26, 2009 Report Share Posted يوليو 26, 2009 ماحبيته البارت معور قلبي وايد فديته رامي اوويا عليه انا كان قلبي ناغزني ان بيصيده شي بس سالم يبيله تكفففففففخ مايصير يهدونه هلون انشا الله ايودونه الانتربول كان بيذبح الريال علشان البيزات مادري شبيسوي في البيزات بيدخلهم وياه القير والله باط جبدي هالادمي ولا هيام وعليه كاسره خاطري اعتذارها وايد يه متاخر الحين لو رامي ماقام بـــل اتخيل شنو بيصيدها اسم عليه رامي والله اما سمر و طارق يضحكوني هالاثنين بس سمور وايد تغير ترى موب شي هلون ما ينفع و امممممم يا بو طارق مايندره شبيصدكم و الله يستر من الياي ماشا لله الي قبلي قالو وايد حجي مادري شاضيف بس صج صج بيوحشوونا هيام ريم جسوم كلهم بيوحشونا ان خلصت القصه Quote Link to comment Share on other sites More sharing options...
a7la 7o0ob Posted يوليو 29, 2009 Report Share Posted يوليو 29, 2009 وين البارت طوووووووووووووووووووووووووووووووووووولتي Quote Link to comment Share on other sites More sharing options...
مينونة ومخرفة ومخرخشة Posted يوليو 30, 2009 Report Share Posted يوليو 30, 2009 حرااااااااااااااااااام ليش صار حق رامي جذي .. تكفين لاتذبحينه .. الله يقومه بالسلامه .. هياااااااام عورت قلبي واااااااايد لو انه مكانها بمووت .. ابو طااارق زين حن قلبه عقب اللي صار .. علوووووووي صج عجيب عليه حركااااات زين خل شيخوو ترضى .. وسالم هالنذل ان شاءالله بيصيدونه وبسجنونه .. اففففف اكرهه بذبحه اذا صار في رامي شي .. سمر وطاارق .. هالاثنين حدهم فن .. تعجبني غيرة سمر .. تسلمين اختي ع الباااارت .. خساااره القصة جربت تخلص مانبيهااا تخلص .. Quote Link to comment Share on other sites More sharing options...
(مريم العذراء) Posted يوليو 31, 2009 Report Share Posted يوليو 31, 2009 يسلمووووو حبوبة على البارت واننتظر البارت الاخير لا طولين يعطيج العافية Quote Link to comment Share on other sites More sharing options...
بنت الحداده Posted يوليو 31, 2009 Author Report Share Posted يوليو 31, 2009 سامحوني على التأخير بس عندي ضروفي النفسية الخاصة الي ما تخليني اكتب .. صبرو علي شوي Quote Link to comment Share on other sites More sharing options...
girlheart Posted يوليو 31, 2009 Report Share Posted يوليو 31, 2009 عادي حبوبه اخذي وقتج .. كل شى ولا حالتج النفسيه نبيها تكون 100 على 100 حق يكون البااارت حلو Quote Link to comment Share on other sites More sharing options...
ذوق وطموحاتي فوق Posted يوليو 31, 2009 Report Share Posted يوليو 31, 2009 يسلموووووووووووووو على القصة الحلوة Quote Link to comment Share on other sites More sharing options...
محرقاويه مفتخره Posted أغسطس 3, 2009 Report Share Posted أغسطس 3, 2009 اخذي راحتج حبيبتي واحنه بنصبر ما ورانه شي اهم شي حالتج وصحتج ربي يعافيج Quote Link to comment Share on other sites More sharing options...
a7la 7o0ob Posted أغسطس 4, 2009 Report Share Posted أغسطس 4, 2009 اوووووبي وحشتناا القصه اوبي اعرف شصار قبل لا اسافر Quote Link to comment Share on other sites More sharing options...
بنت الحداده Posted أغسطس 9, 2009 Author Report Share Posted أغسطس 9, 2009 قبل ما احطه .. هذا البارت قبل الأخير اذا الله اراد حسيت هذي الكمية لازم تنزل بمفردها سمر ..: بس هالمرة ما تروح المستشى الا ريلي على ريلك طاررق ..: يكون احسسسن بعد يومين .. رن الجرس افتحت الباب الخدامة ناصر ..: بو نواف موجود؟ دشت الخدامة تناديه .. طلع بو نواف "شريفة" .. شاف ناصر بو نواف ..:حياك ناصر بضيقة صدر .. : أنا مو ياي ادخل .. وبتردد طلع ضرف من جيبه وعطاه اياه .. ناصر بغصة ..: هذي ورقة طلاقها .. بو نواف طالع الورقة بهدوء وأخذها .. ناصر ..: شرفني نسبكم .. ابتسم له بو نواف .. وراح ناصر .. وقلبه معصوور . . الحين بس حكم على حياته بالتعاسة والحين انتهى امله بكلشي .. ساق بهدوء مايدري وين يروح بس متأكد انه ما يبي يروح البيت ما يبي يسمع لوم ما يبي يسمع عتاب .. يبي يكون بروحه يفكر بحاله في بيت بو ناصر .. قرروا يسوون حفلة ملجة بسيطة .. هيام ما كانت تعرف تبتسم ولا عرفت شلون تشارك اختها بفرحتها .. كان كلشي بعيونها اسود وبالها على طول مشغول برامي .. الي بين الحياة والموت .. نفس الشي قلبها مع رامي بين حياته وموته ... شيخه .. حبت ام ابراهيم .. حبت بساطتها على غناهم الي ماله حدود حبت سوالفها وطيبة قلبها حبتها وصارت تعتبرها امها الثانية .. علي كان واصل لقمة الفرحة .. حلمه صار مع حبيبته شيخة شيخة البنات كلهم .. الي حلم فيها وتمناها من كل قلبه كان قاعد يمها ما يحس بوجود احد شيخه محمرة ومستحيه واهو كان ببتسامة يتأملها ما يسمع اي احد اليوم صار حلمه حقيقة .. اليوم شيخه صارت مرته وشريكة حياته كان يتأمل بجمالها الي كل ما شافها حس انه يشوفها لأول مرة .. يشوف بنت آية في الجمال والأنوثة والأحلى والأروع انها ملكة قلبه الي قدرت تغير علي العنيد المغرور الأنطوائي الفض .. وتحوله لعاشق ما يعرف قلبه غير حب شيخه .. كانت الحفلة مع بساطتها مثل الخيال .. ريحة بخور العود تعطي الي يدش المكان نشووة وفرحة .. الأضائة والضحكات كان الجو مليان حب مليان فرحة .. وكأن الفرحة الي بقلوب الأهل انتقلت للجو عشان تعطيه لمسة مميزة تخلي الي يدش لابد يحس بالفرحة مثل السحر كان بيت بو ناصر مصدر للفرحة .. حتى ناصر تناسا ضيقته و عاش لحظة زواج اغلى خواته نور البيت جو البيت كله .. كلهم معورهم قلبهم عليها شلون بيصير البيت بدون شيخه!! .. مرت الساعات .. والكل راح لبيته .. وضلت شيخه مع علي بعد ما تعمدوا كلهم يروحون عشان يقعدون مع بعض .. علي ابتسم لها ورفع خصلة شعرها عن ويها . . وهي منزلة راسها علي ..: حد قالج قلبي انج تطيحين الطير من السما؟ شيخه رفعت راسها وهي مبتسمة ..:ما يحتاي حد يقولي علي ..: ههههههههههه ماقدر على الواثقة علي كان مرتب سكسوكته .. ولابس قطري العقال على صووب والثوب مطرز .. وبشت اسود فخم .. علي ..: شيخه .. سمعيني كلمة نطرتها منج من زمان شيخه ..: اي كلمة .. ؟ علي ..:مادري انتي ادرى.. شيخه ابتسمت له .. وبصوت خافت ..: احبك علي ..:ها ها ما سمعت؟ شيخه .. : احبك علي ..: بعد مرة .. شيخه ..: احببك علي ..: بعد مرة شيخه ..: بس بعدين تمل علي ..: افا ! .. والله انا ما ودي اروح وأخليج شرايج اتيين معاي شيخه ..: لاا عقب الزواج بنتقل معاك .. بس بشرط علي .. : آمري شيخه ..: ابي يدتك معانا .. علي ابتسم لها ...: تدرين شيخه .. شيخه ..: همم..؟ علي ..: قبل كنت خايف لا اتزوج وزوجتي تبعدني عن يدتي ... شيخه ..: ليش انت متعقد من البنات؟ علي ببتسامة ..: وانتي فكيتي لي عقدتي شيخه بحيا ..: شلون؟ علي ..: انتي اول بنت تعاملني بطريقتي .. شيخه ..: طريقتك؟ علي ..: ههههههه كنتي تتصرفين بعنف وشراسة مثلي شيخه ..: ههههههههههههه انت الي بتديت علي .: وايد بنات حاولوا يتقربون مني عشان اسم العائلة وحالتي المادية .. عشان جذي تعقدت .. شيخه ..: عشان جذي جذبت علي؟ علي ..: اي .. شيخه ..: اقولك سر؟ علي ..: قولي شيخه .. : على كثر ما كانت حركاتك تقهرني بس كنت استانس! .. علي ..: ههههههههه وأنا اكثر منج اتصدقين اني كنت احاول اختلق المواقف بيني وبينج .. شيخه ..: شكنت تقصد بنظرتك لي في السيتي ؟ علي ..: كنت ابتديت احس بأنجذاب جنوني لج .. شيخه ..: مرة وحدة؟ علي ...: اجذب عليج اذا قلت لج مرة وحدة .. من اول ما شفتج انجذبت لج وكان انجذابي يقوى كل مرة .. شيخه ..: احبك علي علي قرب يمها ..: انا ميت فيج بعد كم ساعة .. طلع علي معن قلبه ما كان مطاوعه يطلع لولا ان الساعة صارت 2 باليل ... يوم ثاني بالصبح .. بصورة روتينية .. ريم وهاني وبو رامي وام رامي راحوا المستشفى .. بس الغريب ان اليوم هيام ما يات ... لأنها ما قامت الصبح مثل كل يوم تنطر هاني عشان ياخذها معاه .. هاني توقع انها راقدة وقال ما بيقعدها بيخليها ترتاح .. عند باب بيت بو طارق .. سمر .. ميودة طارق ..: تحمل بروحك حبيبي طارق ..: من عيوني سمر ..: طارق طارق .: عيونه سمر ..: بتوحشني طارق ابتسم لها ..: بتوحشيني اكثر .. لا تنسين تتصلين فيني كل دقيقة سمر ..: ههههههههههههه تتطنز؟ طارق ..: هههههههههههه لا والله امزح معاج سمر ..: شاسوي ماقدر ما اسمع صوتك ايصيدني صدااع طارق .. : سلامته راس حبيبتي من الصدااااااع .. اصلا انا ما احس روحي طبيعي الا اذا بالدقيقة يرن تلفوني سمر..: حبيبي انت والله طارق ..: يلا حبيبتي .. مع السلامة سمر ..: الله يسلمك طلع طارق .. وصعدت سمر .. شافت ليتات دار هيام مفتوحة والأيسي شغال .. غريبة ما راحت المستشفى؟ دقت الباب محد يرد .. افتحته .. شافت هيام بعباتها طايحة على الأرض.. راحت لها ركيض .. سمر ..: هيام .. هيام راحت بسرعة يابت ماي وكتته على ويها .. اوتعت هيام .. سمر ..: اشفيج ؟ هيام بتعب ..: مافيني شي بس مرة وحدة اغمى عليّ .. سمر ..: اكيد ما كليتي شي ! هيام ..: مو طايقة آكل شي سمر .. سمر ..: هيام الي تسوينه في نفسج حرام ترى !! .. هيام .. تطالع الساعة : اووف هاني من زمان رااح سمر ..: قومي قومي معاي.. هيام ..: وين؟ سمر ..: بلبس وبنطلع نتريق برى هيام ..: مابي سمر .. خلينا نروح المستشفى سمر ..: صدقيني اقول لأمج الحين وأهي تعرف شغلها معااج هيام ..: لا لا تكفين .... سمر ..: يلا قومي.. راحت سمر لبست عباتها وشيلتها وطلعت مع هيام سمر ..: هالي تسوينه في روحج شي مو طبييعي ترى! هيام.... سمر ..:بذمتج شايفة شلون صايرة صفرة! هيام..: سمر سمر..: لو سمحتي لا تقعدين تدافعين عن عمرج .. الحين بتاكلين يعني بتاكلين وصلوا .. وتريقت هيام غصبن عليها .. هيام ..: يلا خذيني المستشفى .. سمر ..: اي الحين اوديج هيام ..: والله احس بزوع .. مخليتني آكل عن عشرة سمر ..: صلي على النبي ما كليتي شي اصلا هيام ..: افف وصلوا المستشفى .. دشت هيام مع سمر .. يمشون بهدوء . قربوا غرفة رامي شافوا وايد ناس متيمعين .. هيام خافت راحت تركض .. شافته .... ريم لامته وتبجي .. ماقدرتت اتشوف ويهه .. بس شافت شلون ريم تبجي .. هيام ..: مات!.. واغمى عليها .. سمر ..: هيام .. هيام .. شالوها .. وبعد ما وعوها .. هيام وهي تحس نفسها مخنوقة .. : سمر .. رامي وينه؟؟ سمر والدموع بعيونها واهي مو مصدقة ..: هيام هيام بعصبيه .. : لا تقولين لي مات سمر .. لا تقولين لي سمر .. لمتها .. : هيام .. رامي هيام وهي تبجي ..: لا تقولين لا تقوليييييييييين سمر ..: هيام .. رامي قام من الغيبوبة .. هيام واهي تمسح دمووعها وتبتسم بخوف: رامي..! سمر : اي .. قام من الغيبوبة .. هيام.. واهي تبتسم مو مصدقة ..:حلفي سمر .. سمر وهي تمسح دموعها ..: والله العظييم .. هيام قامت ...: خذييني له راحت معاها .. لغرفته .. شافت مافي شي .. الغرفة فاضية هيام التفت لها !!!!!! .: وينه ! سمر .. نادت الممرضة ..: المريض الي كان بهل غرفة وينه الممرضة ...: انقلوه الغرفة *** كانت اتعد خطواتها..! ما تسمع شي غير دقات قلبها الي تتوافق مع صوت مشيتها بالضبط ... حبيت .. انا حد يؤلي ان انا غلطااانا منا برضو بحس اصل انا انسانة اكثر بكتير من الي انا تمنيت وياريت البك يا حبيبي يكون مشغول لو تفضل ساكت لازم أأول انا غلطت عمري ان انا اسنتيت تستاهل اكتر من حبيبي كلامي عنك مش كفاية هفضل احبك للنهاية تستاهل اكتر من حبيبي كلامي عنك مش كفاية هفضل احبك للنهاية على فين حبك يا حبيبي واخدني لفين تعرف لو يوم غمضت العين .. بعيون الألب هكون شيفاك مرتااح ؟ انا حاسة بجد ان انا عشئاك البي متطمن وأنا وياك .. اجمل ايام العمر وانا وياك تستاهل اكتر من حبيبي كلامي عنك مش كفاية هفضل احبك للنهاية تستاهل اكتر من حبيبي كلامي عنك مش كفاية هفضل احبك للنهاية شيرين – حبيت! افتحت باب الغرفة .. ودشت بسرعة .. كانت تعبانه انفاسها مسموعة .. شافته فاتح عينه ابتسمت بتعب .. ريم .. حستها بتطيح ريم يودتها :: هيام اشفيج .. كانت ترجف .. قعدتها على الكرسي.. سمر ..:هيام خلينا نرد البيت انتي تعبانه .. هيام رفعت عينها وطالعته .. كان هادء .. مثبت عينه عليها .. يطالعها بتعب .. هيام ...لفت لريم بعد ما حست ان فيه شي مو طبيعي .. : فيه شي؟ ريم ابتسمت وبصوت خافت..: لا مافيه شي ..... كنت حذاه يوم يقوم .. ميودة يده واظاهر فكرني انتي .. وناداج اكثر من مرة واهوه يهلوس .... اول ما قام هيام والدموع بعينها طالعته ... هيام بصوت مبحوح مخنوق ...: رامي.. رامي اشر لها اتيي .. هيام قربت شوي حذاه .. رامي...:انا سمعتج هيام حست بغصه ... نزلت عينها رامي ...: هيام.. رفعي راسج.. لا تنزلينه وأنا راسي يشم الهوى هيام.... رامي .. وهو ياخذ نفس عميق:احبج هيام حمرت ارتبكت وتوترت .. رامي ..: هيام .. طلبتج هيام .. طالعته رامي .. :قولي احبك هاني ..: ياااا حلاااوة الروماانسييية ريم ..: هههههههههههههه صج انك تحب تخرب هاني ..: اقول ريم فوليلي احبك يلا ريم : ههههههههههه انا اموووت فييك رامي ..: يصير تعطونا خمس دقايق هاني ..: لامايصير لين صارت مرتك بعدين نعطيكم رامي ..: هاني .. هاني ..: هلا رااامي رامي ..: عشان خاطري .. هيام كانت متجمدة مكانها .. طلعوا .. رامي..: يصير اسمعها ؟ هيام مو قادرة تتكلم .. حاسة لسانها مربوط رامي..: هياام .. اذا لي معزة عندج قوليها هيام بصوت خافت ..:احبك.. رامي غمض عينه .. هيام خافت ..: رامي..! رامي ..: عيونه .. هيام ..: فيك شي رامي .. : لا بس احساسي كان قوي لدرجة تخليني احتاج اغمض عيني عشان احس فيه هيام...... هاني دش ..: خلصت الخمس دقايق ترى رامي ..: هاني .. يصير تعطيني التلفون؟ هاني طاوله التلفون ... اتصل في بو طارق.. بو طارق ..: الو رامي ..: الو بو طارق وهو مو مصدق!!!..: رامي..! انت رامي؟؟ رامي .: اي انا رامي بو طارق ...: دقايق وياييك سكر الخط .. وعقب عشر دقايق وصل اهو مع طارق بو طارق ببتسامة ..: الف الحمدلله على السلامة طارق ..: حمدلله على السلامتك حبيبي رامي ..: الله يسلمكم بو طارق سحب الكرسي وقعد .. بو طارق ..: ها شلون حاس عساك مرتاح رامي ..: بوجودكم مرتاح بو طارق ابتسم له ويود يده ..: خلاص كلها يومين وتطلع من المستشفى رامي ..: بو طارق .. بو طارق ..: آمر رامي..: ما يامر عليك عدو .. طلبتك بو طارق ..: عطيت رامي ابتسم له ..: قبل لا تعرف بو طارق التفت لهيام ... : انا موافق هيام قلبت حمرة وصفرة وبنفسجية .. رامي مو مصدق .. : يعني اطلع من المستشفى.. وأخطبها ..؟ بو طارق ..: اعتبر نفسك خطبتها رامي ..ببتسامة وفرحة مو طبيعية: مشكور .. مشكور يا بو طارق .. بو طارق ..: لا تشكرني .. انت لو ما تستاهلها ما عطيتك اياها .. التفت وراه .. بو طارق ..: هيام هيام وقلبها يدق بقوووة .. وميته حيا .. بصوت مبحوح ..: هلا يبة بو طارق ..: موافقة عليه ؟ هيام ما قدرت تتكلم .. بس ويها قلب احممممممممممر .. سمر ..: عمميي لا تحرجها الحين بتصير طماطة .. الكل ..: ههههههههه بو طارق ...: مبارك عليك هيام .. رامي ببتسامة ..: الله يبارك فيك .. شوي ودش مطر معاه بو رامي وام رامي .. وعادل ودلال اول مادشت ام رامي راحت لمت ولدها وتمت اتصيح واهي حاضنته وتم ابوه مدة يحمد الله على سلامته .. هيام يوم شافت دلال اختبص مزاجها .. عادل ...: خوفتنا عليييييك رامي ..: هههههه لا تخاف علي انا احسن من قبل الحيين عادل ..: احسن وهالرض براسك شكله بس يخرع رامي ..: هههههههه قلبي مرتااح يا عادل .. هيام محمرة.. : ااممم سمر تعالي شوي طلعت معاها سمر ..: اشفيج؟ هيام ..:بس احترق ويهي ماقدر استحمل سمر ..: ههههههههههههههه ايه عليج ... هيام .: بس بنوقف هني سمر ..: عيل شلة طالعين هيام ..: دلال هني سمر ..: اهاااا حرام عليج شكلها تغيرت هيام ..: ولو سمر ...: هلااااااااا شيخوو شيخه ..: هلااااا علي ..: السلام عليكم سمر وهيام ..: وعليكم السلام شيخه ..: شعندكم واقفين برى .. سمر ..: زحمة دااخل علي..: انزين احنا بدش نتحمد له على السلامة شيخه ..: ههههههههه اشفيج هيوم صايرة طماطة هيام ..: بعدين اقولج علي ..: يلا شيخه .. شيخه ..: صبر شوي.. قوليلي الحين مافيني صبر علي سحب شيخه .. شيخه ..: آآآآآآآآآي يدي علي ..: ههههههههههههههههههه مو قصدي شيخه سحبت يدها ..: يالدفش كسرت لي يدي علي يساسرها ..: عشان تخليني اولي وتسولفين مع ربعج شيخه ..: لا والله علي ..: احلام اتقول .. اغار من الهوى وضلك شيخه ..: بالله! علي ..: هههههههههه احبج شيخه ..: اي تكسر يدي وتقول تحبني عبالك انا ريال اتسحب فيني هلوون علي ..: هههههه مو قصدي سمر ..: الحين شيطلعك من لسان شيخو شيخه ..: هههه حبيبي هذا .. خلاص انا بدش اتحمد لهم على السلامة معاه كلشي ولا زعل علاوي علي .. وهو يعدل ابة قميصة ..: احم احم شيخه ..: ههههههههههههههه هيام ابتسمت ..: حليلها شيخو .. مناسبين بعض وايد سمر ..: ايي بعد شوي طلعت دلال .. دلال بصوت خافت ..: هيام هيام التفت لها على طول .. دلال ..: انا ابي اعتذر منج على كلشي صار.. هيام ..: ها..! دلال ...: هيام رامي يحبج .. الله يوفقكم سوى هيام ....!! دلال ..: انا متزوجه واحب زوجي لا تتضايقين من وجودي .. هيام ..: أنا .. دلال ..: فاهمة عليج ... بس حبيت اوضح لج راحت دلال .. وتمت هيام مكانها ..ارتاحت ارتاحت وايد .... يرقص قلبي .. فرحناً .. ولهاناً .. مغرماً .. وعلى انغام ضحكات .. حبيبي ابتكر الرقصات .. فمعه ..للفرحة اكثر من طعم.. أكثر من لون .. حبيبي ليس انساناً .. انه بحقٍ ملاك.. نزل للأرض لأموت في طهارته.. ولأعشق تقاسيمه الملائكية احببته ! .. بأسبابٍ مقنعة.. احببته .. ولم يكن لي خيار سوى حبه! مرو اليومين .. بسرعة .. ورامي رد البيت ساعة وطار على بيت بو طارق بسرعة . . كان مستعيل على حلمة على امنية حياته! بو طارق ..: ابي عرسكم يكون ما صار ولا استوى.. رامي ..: انا حاضر بالي تامرون فيه .. بو طارق ..: اسمح لي يارامي انا بتكفل بمصاريف العرس.. رامي ..: لا عمي .. انا عندي مبلغ والحمدلله .. هذا واجبي ... بو طارق ..: خلو الفلوس تنفعكم حق وقت ثاني رامي ..: لا هذا وقتها .. اهمشي اشوف هيام مستانسة .. وفرحانه بو طارق ابتسم له ..: كفو .. اتفقوا على كلشي.. والملجة عقب اسبوع .. ام طارق ..: يه ما يمدينا يا بو طارق اسبوع بس بو طارق ..: نبي الملجة عائلية مثل ملجة علي على شيخه .. والعرس ان شاء الله نعزم فيه الكل .. ام طارق ..: ومعارفي شاقول لهم بو طارق ..: دبري روحج يمنيرة مب انا الي اعلمج .. ام طارق ..: وأنتي هيام شرايج ؟ هيام ..: ها .. مادري براحتكم بو طارق..: ههههههههههه موافقة ماعليج منها هيام ابتسمت ...... رن تلفون البيت .. ام طارق راحت بترد بو طارق ..: عنج انا برد .. بو طارق ..: الو .. اي .. خلاص مو مشكلة اخلي هاني ياخذها واييكم .. ههه يلا مع السلامة هيام .. : يبة من هذا؟؟ بو طارق .. ببتسامة ..: هذا رامي يقول يبي يمر ياخذج باجر عشان اتشرون .. هيام .ابتسمت وهي محمرة .: .... بو طارق ...: اييه من بقى بالبيت غيري انا وانتي يا ام طارق ام طارق ..: اي والله البيت بيفضىى في بيت بو رامي .. رامي ..: انا بسوي لكم العشى اليوووم ام رامي ..: وأنت بهل حالة رامي ..: يمة انا مافي احد احسن مني اليوم .. مستانس حدي .. بو رامي ..: بس مايصير اتعب نفسك رامي ..: يبة انا بخييير ريم وهي تطلع من الدار ..: يبة هذا شكله الضربه خلته يستخف شوف شلون شوي ويناقز لنا هني رامي ..: ما علي منج انا .. شتبون عشى؟ مرت اليلة اطول من الدهر على هيام ورامي .. الأثنين كانوا ينطرون عصرية هذا اليوم بفارغ الصبر اشتاق .. لقلبٍ .. تعب قلبي يشتاقه اشتاق له .. بشدة.. بقسوة ,, وبكمٍ هائل ,, يخفق قلبي ولهاناً.. هل احسب اللحظات؟ ام استعجل الوهلات .. للقياك ,, عجباً .. كيف تخونني الكلمات واعجز كعجزي عن الطيران عن وصف ذالك الشعور المزمن في صدري..! حبيبي رفقاً بيّ..! مرّ اليل .. راحت هيام الجامعة والأبتسامة شاقة حلجها .. وردت البيت واهي متشوقة متحمسة .. وولهانة كانت مجموعة من المشاعر المختلطة ببعضها بعض .. مشاعري فك شفراتها صعب .. مزيج من الفرحة والشوق والحب .. حلمت بهل ايام .. وتمنتها مثل كل بنت تحلم بهل ايام وتتخيلها .. لكن هيام مرت بضروف تخلي فرحتها دبل ,, صار شي صعب وشبه مستحيل والأحلى .. رامي الي لو تتكلم عنه ما تخلص تحب تذوب بعيونه يحتويها بحبه الهائل الي تحس انه يفوق حبها له شي عجيب غريب في هالريال ,, اقرب للخيال رامي كان يتزهب بفرحة وهو مستانس ويصوفر ,, اي نعم كلشي بالأصرار يصير .. كلشي بالصبر والأيمان يتحقق حبه الخرافي لهيام خلق المستحيل اوجد عنده الصبر وعزز كل اخلاقياته الي تبين له منها انها الطريق الأصح لكل حلم .. الحب مو غلط الحب موجود الحب بقلوب المؤمنين كل قلب يحب رب العالمين مهيء للحب الطاهر العفيف الحب الي نهايته سعيدة الحب المتجدد الا متناهي .. في المجمع .. ريم وهاني مع بعض وهيام ورامي مع بعض .. هيام كانت مو عارفة تتحرك من زود الحيا . رامي ..: هههه يلا امشي بتمين واقفة؟ هيام ..: ها .. ؟ رامي ..: يلا ! مشت معاه رامي .. بصوت خافت..: مو مصدق .. هيام..: شنو؟ رامي ..: أنا امشي مع هيام حبيبتي هيام اعتفست اول ما قال حبيبتي .. ما عرفت تتصرف .. ولا ترد رامي ..: ههههه يلا ندش هني؟ هيام .. كانت مو مركزة على شي كثر ماهي مركزة على رامي .. مو مفتكرة شبتشتري كثر ماهي مفتكرة بوجوده يمها شكثر اهو حلو .. احلى من ما تصورت .. تحس بأن الحياة جنة لا طالعت ويهه وترتاح على نغمة صوته .. وضحته وغزله الي يذوب الصخر رامي لأنه ما ملج عليها ما سمح لنفسه حتى يمسك يدها هالشي خلى هيام ترتاح وتحس بقمة الأمان معاه .. كان مستانس معن الرض الي براسه للحين مبين بس كان قمة الوسامة رامي كان يحس بفرحة عاشق نال مراده بعد معركة ضارية .. وفي نظره كل الي سواه ولاشي جنب غلاة هيام بقلبه هذا الملاك الطاهر .. الي للحين يحس برعشة لمى يطالعها في عينها كل تصرفات هيام بنظر رامي مميزة وجذابه كان يدور فيها عيب ما يلقى كان ما يشوف جدامه الا حورية .. كائن وين ما حل يزرع الفرحة بقلب رامي كان مدمن على صوتها الناعم الأنثوي الطفولي ,, يحاول بكل الطرق يخليها تتكلم عشان يسمعه مثبت عينه عليها خايف تمر لحظة بدون ما يشوفها يحسها خسارة .. خسارة تمر لحظة بدون ما اكحل عيني بشوفتها .. مرت الأيام بسرعة .. لكن مع هذا هيام ما تعودت على رامي كل ما تشوفه تحس بنفس الحيا تحس بنفس الشوق كل ما ترد البيت .. رامي تعلق فيها هيام اضعاف كان حبه لها وهو مجرد يشوفها من بعيد ويكلمها بالنادر هائل شلون والحين صار له اسبوع يطلع معاها عشان يشترون كل تجاهيز الملجة .. عقد الشيخ وقام اليباب .... ام رامي ..: افضل الصلاة عليك يا حبيب الله محمد كلولولولولش والكل ايبب ام طارق ..: بنات تحجبو رامي بيدش.. دش رامي .. الأبتسامة شاقة حلجة كانت صالة بيت بو طارق كبيرة ومع التعديلات الي سووها عشان الملجة صارت كأنها صالة فندق .. دش رامي وفي خطواته هيبة .. البشت البني والغترة المسنعة والعقال المضبوط .. وريحة العطر العربي تفوح منه كان يمشي وريم اخته جنبه .. كل الحريم صلو على النبي لمى شافوه .. وسيم لدرجة تجبر الي يشوفه يطيل النظر .. وصل لي عندها .. وقعد على الغنفة يمها .. كان لازم يكشف ويها بس كان متوتر .. خايف يشوفها يطير عقله اهو بدون مكياج ومستخف عليها .. هالدور بمكياج ومتعدلة.. وزوجته! ريم اتأشر له من بعيد . . يكشف ويها .. بلع ريقه .. وكشف ويها .. بهدوء .. كانت منزلة راسها .. وميته حيا ,,, رامي رفع راسها بصبعه رامي يوم شافتها افتر راسه الكحل محدد عينها .. الواسعة ومبين لون عينها البني الفاتح والشدو مزيج بين اللونين البني والذهبي .. حس بألم في قلبه مو مصدق عينه هيام جميلة بمعنى كلمة جميلة هيام رفعت عينها بهدوء وبحيا .. طالعته وابتسمت رامي يود يدها وضغط عليها بقوة وهو مو مصدق ..: هيام .. هيام .. .. رامي ..: انا مو مصدق نفسي انتي زوجتي..؟ هيام ابتسمت بحيا بدون ما ترد عليه .. رامي خذ نفس بقوة .. : احبج يا هيام .... احبج هيام قام قلبها يدق بقوة .. رامي باس يدها بهدوء .. والمصورة تصورهم .. رامي بهمس ..: اخاف احسد نفسي.. هيام.... رامي ..: هيام عاد سمعيني صووتج هيام ..: شقول؟؟ رامي ...ببتسامة ...: ايشي بس سمعيني صوتج هيام بهمس ..: احبك رامي ..: شنو ما سمعتت هيام ..: احبك رامي ..: ما سمعت هيام : احبك رامي ..: بعد مرة هيام ..: بس لاا رامي..: لا مو بس .. لو تدرين شقد متلهف على هالكلمة ما قلتي بس هيام ابتسمت له ...: احبك بعيد عنهم شيخه ..: يمة .. ام ناصر ..: هلا شيخه ..: يمة مادري من برع .. قاعد يرن الجرس ام ناصر ..: يه من يرن الجرس هالحزة .. شيخه .. : خلاص انا باطلع .. افتحت الباب الا علي جدامها .. شيخه ..: يه .. انا قايلة لك الرياييل بيقعدون بالميلس علي ..: انا مب ياي اسألج عن الرياييل .. شيخه ..: عيل شعنه علي .. : وحشتيني شيخه ..بدلع : لا والله علي ..: اي والله شيخه ..: شنو دليلك علي خذ يدها وحطها على صدره ..: انا ألبي دليللي شيخه ..: هههههههههههههههههههههههههه حليلك علي ..: ماقدر انا على هالضحكة تذبحني تذبحنننننننني شيخه .. وهي تطالعه بحب ..: صج؟ علي ..: الا صجين وثللاثة واربعة وخمسة بعد شيخه ..: هههه انزين يعني انت بتمشي الحين؟ علي ..: لا والله وأخليج وأنتي متعدلة وصايرة تطيحين الطير وارد البيت شيخه ..: وه يعني بتم واقف هني لي الصبح؟ علي ..: هههههه لا .. بس انا بوصلج بأيديني لباب البيت .. وويهج اتغطينه شيخه ..: لا لا أفطس ماحب اغطي ويهي علي ..: مو شغلي انا شيخه ..: انزين برد البيت وأنا مغطية ويهي علي ..: لا هم اخاف حد يتنقرش فيج .. شيخه ..: وي من بيتنقرش فيني جدام البيت .. علي ..: عاد انا ما بذني ماي ومب راد البيت الا اذا وصلتج لي عند الباب شيخه ... بحب ..: احبك .. علي ..: أمووت فييج شيخه ..: انزين عطلتني يلا انا بدش داخل .. علي ..: افاا بتدشين وبتخليني يالفقير هلوون .. شيخه ..: عيل شاسوي ان شاء الله اتم هلون واقفة اكلمك بالطريج علي ..: هههههههههه تحنني علي بشي شيخه ..: هههههههههههههههه علاوي .. باي حبيبي اشوفك بعدين علي ..: ولا حتى لمة شيخه ..: بعدين بعدين علي ..: الله لي شيخه ..: باااي علي ..: احبج شيخه ..: احبك دشت داخل واهي مبتسمة بحيا وسرحان .. ام رامي واقفة مع سلمى .. سلمى ..: ما شاء الله عليه رامي . وايد وسيم ام رامي ..: انتي الي وايد حلوة .. سلمى ..: من ذوقج يالغالية .. ام طارق ..: يلا تعالوا نصور نصورة جماعية .. راحوا الحريم يصورون صورة جماعية .. الكل كان مستانس .. بستثناء شخص واحد .. كان مثل الملدوغ مو مصدق الي يصير .. بميلس الرياييل .. جاسم ..: الحين عاد الحريم الردحة عندهم على اصول .. حلاته انا داخل ارقص مع مرتي .. هاني ..: آآآه اسكت لا تحرني شوف الرياييل شلون كئيبين جنه عزى بو طارق ..: ههههههههههههه حطو لنا شي خل نوريهم الرقص .. شغلوا لبو طارق .. الدقة الي يحبها وقام يرقص بالسيف مع الخال سلمان وعلي .. هاني ..: يلا خذ هالرقص الي ما يغني ولا يسمن من جوع جاسم ..: هههههههههههههههه شدراني بو طارق ..: مو عاجبك يعني هاني ..: والله مب شي طارق ..: هههههه ماتسوى يبة بدون الحريم جاسم ..: اي والله صدقت .. ناصر كان قاعد يطالع الكل بدون ما يسمع احد .. كلشي ضاع كلشي راح منه اليوم هيام صارت لريال غيره واهو خسر كلشي خسر هيام وخسر شريفة وخسر عمره الي طاف بدون زواج .. بدون ذرية يحس بأحباط وبيأس مو طبيعيين .. ياي مغصوب عشان محد يشره عليه .. وكأنه ياي يدفن سعادته وللأبد .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.