زنجبيل المملكة Posted نوفمبر 4, 2008 Report Share Posted نوفمبر 4, 2008 انزل هذه قصه لي باللهجه العاميه ... ((انـــــــــــــــــا وزمـــــــــــــــــــــــــــانــــــــــــــــــي)) عشقت القلم منذ الصغر ...كان صديقي الوحيد نبضه كان انشودتي المحببه ...لم تعجب عيني قط بأكثر منه استحوذ قلبي فالسبيل الوحيد للبوح والمشاعر والنقاش والجدال وايصال الحقائق هو القلم نعم هو الوحيد القادر على الوقوف مهما انهالت عليه الضربات يظل صامداً حتى اوقات الانهزام ياله من بطل عجيب ... قصة تحكي الالام ,الأمل,الحزن,الفرح, الحب,القهر,الوحده......جميع المشاعر ستسير من الماضي الى الحاضر والمستقبل بها هي سنرى صراع شخصاياتها مع الحياة فمن الغالب ومن المغلوب اهي ام هم ومالسبب ولما ؟؟ انتظروا البارت الاول .. القصة منقووولة Link to comment Share on other sites More sharing options...
زنجبيل المملكة Posted نوفمبر 4, 2008 Author Report Share Posted نوفمبر 4, 2008 " الحلقة 1 " ام حامد جالسة وجنبها بنتها منيره الي عمرها 20 سنوات ابو حامد:ام حامد ابي اقولج شي ام حامد:خير يابو حامد ابو حامد:ابي ازوج حامد ام حامد:شتقوووووووول!!!! ابو حامد:أي ابي ازوجه ام حامد:بس بعده صغيرهوماطلع من 16 ابو حامد:انتي تدري ان حنا حاجزين بنت اخوي واذا ماتزوجها الحين بتروح علينا البنت يمكن يجي حد وياخذها ام حامد:لا دام حاجزينها خلاص ولدك بعده يابو حامد :ابو حامد:بس انا اعطيت كلمه وجاي اعطيج خبر وخلاص بعد اسبوعين بنتقدم رسمي ام حامد:انت بتضيع ولدك وبنت اخوك والسبب كله من قراراتك الي بتوديك بداهية ابو حامد عصب مايتحمل حد يناقشه او يعارضه :قلت لج مو كيفج وطلع من عدها اعرفكم على اسرة حامد... ((ابو حامد((احمد))ام حامد((دلال)) ابو حامد عصبي بسرعه يعصب مايتفاهم ابد مع ذلك اكبر حنون على اولاده لكن الي مخلنه كذا انه يتناقض مع نفسه كثير .. ام حامد:وحده طيبه وحنونه لكن زوجها دايم يضربها حامد:عمره 16 طيب وحنون عصبي يعتمدعلى نفسه واجد طفولته ماعاشها ابداًمن ابوه عدم طفولته حصره بين الشغل وبس ومع هذا اكثر واحد ابوه يحبه له مكانه خاصه بالعايله ولو انه احياناً يطرده ابوه من البيت اذا مارس حق من حقوقه وهو وسييييييييييييييم وااااااااااااااااااجد عامر:عمره 14 ذا نبر ون في التعليق والضحك لكن عصبي اشوي واذا عصب يحرق الاول والتالي وسيم بس مو مثل حامد لكن عامر اطول من حامد اشوي انور:8 سنين ذا الولد وسيم ويشبه حامد بكل شي الا انه معوق ماعنده الا يد وحده والثانيه من الولاده والسبب ابوه ضارب امه واهي حامل بشهرها الرابع رامي:عمره 6 ذا يموت بشي اسمه رياضه بس بنوتي اشوي دمعته دوم على خده سامر:اصغر واحد:عصبي مولع طول الخط نقطة ضعفه امه عمره 2 البنات: منيره عمرها 20 سنه متزوجه من واحد والعياذ بالله مايستحي ويضربها وحتى انه يسكر احياناً والعياذ بالله .. رزان:عمرها 15 حلييوووه واجد بس الي طاغي على حلاوتها تكبرها شايفه عمرها واجد وفاء:ذي تجنن فن دوم تعلق الي يجلس معاها يطلع والفم شبرين من الضحك صاحبة اكشن عمرها 9 ريم:مشاء الله عليها جمال لكن ام دموووووووووووووووووووووع وخوافه عدل عمرها 8 شيرين:ذي عصبيه الي بقلبها على السانها تقوله من صغرها صاحبة اللسان طويل عمرها 7) طبعاً ابو حامد متزوج وحده ثانيه لكن مالهم دور كبير وشخصاياتهم بتتوضح من القصه .... ابو حامد راح الى ولده وناداه حامد:هلا يبه ابو حامد:ولدي ابي اقولك شي وابيك تفهمني حامد:امر يبه قول ابو حامد:اسمع انا ابي اخطب لك بنت عمك مهره حامد جاته مثل الصدمه خلته مايعرف يتوازن شنو ابوه اش صابه يبي يزوجه يهالعمر:بس انا مابي الحين ابو حامد:بس انا كلمتهم قاطعه حامد بقوه:شنوووووووو؟؟؟ ابو حامد وعصب مسك ولده من بلوزته :أي اسمع الي قلته بتاخذها يعني بتاخذها وبعد اسبوعين جهزنفسك فاهم حامد بدا يعصب بس عارف انه ما يقدر يسوي شي مع هالابو القاسي فطلع من البيت وركب سيارته وراح بعيد يلف مو عارف وين يروح ولاتستغربوا اذا قلت الكم انه ركب سيارته لانه ابوه علمه على السواقه من كان عمره 10 سنين حامد مايبي بنت عمه لانه وحده صاحبة مشاكل مايبيها اهو يدري عنها بنت عمه مو غريبه عليه يعرفها انه وحده بس انخلقت تطلع وتنعاند وتجيب المشاكل لكن وين المفر وين ؟؟ظل يدور بالسياره بالشوارع الى ماوصل الى البحر نزل وقف يطالع موج البحر الي يتلاطم فجأه وهو سارح جا له رجال من وراه ومسكه قال له تعال معاي ابيك حامد حس بنظراته انها نظرات خبث فقال له شل ايدك عن وروح ابعيد ممكن الرجال مسكه اشوي بس لا وين يقدر يمسك حامد ركض الى السياره وركبها وفحط بالسياره والرجال وراه والشوارع كانت مخيفه ليل واول ماكانت فيه انوار واجد من يجي المغرب خلاص يحل الظلام بس حامد حافظ الشوارع فضيع الرجال الى مااختفى عنه ووصل اهو الى البيت دخل بسرعه غرفته وانسدح على المفرش نام وبعيونه دموووع القهر على ذي حياة و سيكون فيه اشخاص جدد خلكم متابعين ابي توقعااااتكم ترى ازعل Link to comment Share on other sites More sharing options...
girlheart Posted نوفمبر 4, 2008 Report Share Posted نوفمبر 4, 2008 (edited) الحمدلله اول من يرد ع الموضوع اممم اتوقع انه حامد بيتزوجها رضى ولا ما رضى غصب عنه بياخذها شكله ابووه مصر و اذا قال كلمة يسويها يسويها بس يمكن بعدين يا يطلقها او اهي تعتدل مادري بس اعتقد ان بتحبه و يمكن تتغير عشانه رزان احسها بطيح في مشكلة بسبب جماله او يمكن احد يقص عليها ولا شى و خصوصا انها شايفة نفسها فبتكون في موقف يخليها تندم ع هالشى و بتكون في الاخير طيبة و حبوبة و متواضعة انور احسه بيتعقد من الدنيا خله صغير وايد ابرك له لان الا ابوه سوواه مستحيل ينساه و خصوصا انه تضرر منه و اهو مب مسوي شى غلط فبظل هالشى يأثر فيه و يمكن اذا كبر يحب وحدة و تعوضه معن هالشى ما يتعوض بس تنسيه شوي وفاء بتخلي القصة تصيير كشووخي بتسوي جوو شوي سامر من كلامك انه متعلق بأمه وايد الله يخليها له و انشالله ما تفارقه حق لا يصير فيه شى مب زيين منيره احسها في الاخير بتتطلق و بكون عندها عيال من زوجها الي ما يخاف الله بس بتحاول تكون لهم الام و الابو في نفس الوقت و ما تخلي شى في خاطرهم امم بس انشالله يطلع شى من الي قلته صح عاااد Edited نوفمبر 4, 2008 by girlheart Link to comment Share on other sites More sharing options...
زنجبيل المملكة Posted نوفمبر 4, 2008 Author Report Share Posted نوفمبر 4, 2008 الحلقة " 2 " ضوء الصباح اخترق كل نوافذ المدينه جلست ام حامد وجلست بناتها واولادها من النوم الا حامد مارضى انه يجلس كان تعبان فخلته نايم ابو حامد طبعاً ماينام معاهم تاركنهم من تزوج ثانية ينام معاها واما الاكل والشرب معاهم ظلت الاحداث خلال هالاسبوعين بارده مافيه أي شي صار سوى انه بيوم الخميس من الاسبوع الثاني جا ابو حامد وهو معصب حده دخل البيت ابو حامد بصوت عالي:ام حااااااااااااااااااااااااامد جاته ام حامد وهي خايفه وماتكلمت ماتفاهم على طول ضربها على وجها ضربه قويه واخذ العصا الي جنبه ورماها عليها بقوه الى ماطلع الدم منها قام وجرها من شعرها البنات يطالعوا وهم يصيحوا مو عارفين اش يسو ومنيره مو موجوده لانها متزوجه وماتدري رزان تحاول تطلع ماتبي هالمشاكل وطلعت واخذت معاها شيرين وريم وتركت وفاء وفاء ماتحملت قامت صرخت:يبه حرام وبهالاثناء دخل حامد وعامر وشافو ا الوضع قاموا ومسكوا ابوهم القاسي ابوهم الي مايعرف الرحمة وشالوا امهم المعذبه من بين ايده شالوها واهيا تنزف دم خذها داخل الغرفه عامر:يمه ليش ابوي ضربج موقادره تتكلم اشارت براسها انها ماتدري ليش جو البنات بعدين وحاولوا مساعدة امهم الى مانامت وارتاحت حامد وده يصرخ يضرب يسوي أي شي حرام الي يصير ذا اكبر حرام محد يتقبله قام وراح الى ابوه دخل لااحم ولا دستور حامد:ليش يبه ضربتها اش سوت لك؟ ابو حامد بصراخه المعتاد:انت الي دفعتني اضربها حامد:شنوووو! ابو حامد:والله ليش ماتجهزت وحتى امك هالغبية ماراحت شرت هدية للعروس ناسين انه بكره بنروح نتقدم رسمي وهم راح ننهي كل شي وراح يتحدد موعد الزواج بعد شهرين حامد:قولي يايبه انتا شنو؟ ابو حامد وده يقوم يضربه بس ذا مهما كان حامد الغالي:اسكت واطلع برا احسن لك دام النفس راضية حامد:انا بطلع بس أي شي يصير بالمستقبل انت المسؤول طلع حامد وراح الى امه وشافها نايمة طلع مع عامر وانور الى بيت منيره وكلموها انهم يبوها تشتري هدية الى العروسة وراح حامد وجهز نفسة يوم الجمعة كان اليوم المحدد.......... ابو وليد:ياهلا والله تفضلوا .... ابو حامد:هلا فيك..اخبارك الغالي؟ ابو وليد:بخير الله يسلمك ...اخبارك واخبار العيال؟ ابو حامد:الحمدلله ابو وليد:اجلسوا هنا تفضلوا البيت بيتكم وجلسوا ابو حامد وحامد وعامر وانور ورامي عند الحريم: دخلوا وجلسوا مع بعض طبعاً البنات ماختلطوا مع بعضهم البعض لانهم من اصل مايحبوا بعض ومن فتره ماشافوا بعضهم رزان بصوت خفيف:الحمدلله والشكر مدري من وين جاية تفشل وفاء:حد خلع شعرها عشان يوقف بصراحة انا بروح الى اخوي ليلة عرسهم عشان لاينسرق بس يلا الجمال مو كلشي رزان:الا الجمال كل شي بس يلا بنسكت وفاء:أي لازم نسكت تبين تصير حرب وبننهزم صراحة والسبيبب شعرها يقص قص مثل المنشار وتضحك ريم حدها انتبهو الها مهمره تستفهم عن ضحكهم بتكبر لانها اهيا من اصل كذا متكبره وشايفه حالها ام حامد:لالا بس يتذكروا مواقف المدرسه وفلصت وفاء في رجولها عشان لاتعيدها المهم خلصواواتفقوا ورجعوا بيت ابو حامد الى بيتهم الا حامد الا طلع مايبي يرد يبي يفرغ همه وحزنه اهو مايبي هالبنت عمه ليش ابوه حرمة من طفولته وكل شي والحين بيقضي عليه بهالزواج حصره بين الشغل وحمله المسؤوليات مهما كان هو محتاج الى ممارسة طفولته حرام عمره 16 وبيتزوج مايبي بس خلاص وين المهرب من هالنار مافي الا لما تحرق الاول والتالي.. بعـــــــــــــــد شهرين يوم الزواج الكل فرحان ومستانس ومهره ميته من الفرح بتتزوج حامد ولا مو أي واحد غني وعنده فلوس ويشتغل ووسيم كل مواصفات الحلوه فيه والي تتمناه كل البنات وحامد مقهور ووده يطير هالمهره الى المريخ بس مافي امل كان حامد واقف برا ويطالع المعازيم والحوسة وهو يمشي شاف بنوته عمرها 10 سنين تجنن حليوه جالسه جنب امها وقفت وطاحت عليها اللمبات الصغيره قام وشالهم عنها هي ذي البنت قصيره حيل عمرها عشر وطولها طول وحده عمرها 7 سنين جت امها الها :مبروك حامد :حامد:هااا مرت خالي الله يبارك بحياتك شخبارك؟ ام خالد:بخير الله يسلمك ... حامد:ذي بنتك صح ام خاالد:أي ذي بنتي سمر حامد:خليها معاك تو طاحت عليا لمبات الزينه ام خالد:انا جايه اخذها واقولك روح الى ابوك يناديك بعد انتهاء العرس ودخول مهره عايلة ابوحامد حامد جالس على الكرسي ومهره على الكرسي الثاني مهره:حامد رفع راسه بدون رد مهره:ابي بعد اسبوعين اسافر حامد:ومن قال لج اني بقدر اسفرج وانا بهالعمر مهره:تصرف كــ صديقتي نوال تزوجت وبعد اسبوع بتسافر ليش بالله ماتسفرني انا بعد حامد:شوفي يامهره زوج نوال صديقتك غير انا حامد يامهره اعرفي هالشي مهره طالعته بتكبر:وانا مهره والي ابيه بسويه فلا تقوم حرب ياحامد من البداية حامد قام وهو معصب:مهروووووووه مو انتي الي تقول هالكلام الى حامد فاهمه وطلع مهره صارت دوم تطلع وبدون اذن يعني من تجي الساعة 3 العصر الى الساعة 8 الليل او تسع ويوم من الايام بحدود نهاية الشهر الاول من زواجهم جا حامد وسأل عنها ماشافها ماجت كان يبي يعدل الوضع وينهي هالنزاعات الي بينهم لكن البنت ماردت ظل يسأل يستفسر الى الساعة 2 الليل توها راده دخلت وهي مستانسة على عمرها حامد:كان لارديتي مهره :بكيفي حامد:صج انج حقيره ومو مؤدبة مهره:موفاضية لك حامد قام وعصب مسكها من شعرها قولي لي وين كنتي مهره:هدني حامد:قلت لج قولي لي مهره:مع صديقتي نوال توها راده من السفر حامد:ماعندج بيت تسألي عنه مهره:لا ولاابي اسأل اسأل عن منو يعني حامد:الحياة معاج مستحيلة مهره:ومعاك اعظم حامد:انا مابيج تفهميني مابيج ومثل ماجيتي بطلعج من حياتي مهره:ماتقدر حامد:وعندج السان بعد بطلعج يعني بطلبعج كل الي في البيت سمعوا صراخ حامد وركبوا يشوفوا اشصاير لكن مافي امل اخيراً سمعوا حامد حامد:انتي طالق ...طالق ..طالق مهره جلست تصيح وطلع حامد عنها وهو يقول مابي اشوف وجهج مره ثانية فاهمة طلع حامدمن البيت وهو مايدري الي صار صح او غلط بس هو مايتحمل هو انسان عصبي وثانياً ضغوط الحياة اتعبته مهره طلعت وراحت بيت اهلها وهي تصيح وابو حامد متحلف بولده واهل مهره قامت عدهم القيامة بنتهم بشهر الاول من زواجها تتطلق وحامد مابيردها لو القيامة تقوم... ظل يدور ويمشي وقف عند البحر يبكي على هالحال ليش ليش هالامتحان ليش الدنيا دوم تصفعة ليش الحرمان صج انه مو محروم مادياً لكن محروم معنوياً من جميع النواحي ليش هالصعوبات ليش ابوه مايتفهمة ويرغمه الجبروت التسلط القهر محيط كونه ابوه حرمهم من الاستقرار بزمن اشد الحاجة الى الاستقرار وين يروح وهل الدنيا تخفي بعد الام هالدنيا تعاملة مثل ماتعامل السفينه بوسط البحر صاير اهو السفينه الي تشق البحر وموجة يلاطمها بكل وقت وعواصف الرياح تلعب بها موعارف شنو الحل سؤال يقتله هل بيجي اليوم الي مركب حياته بيوصل الى الساحل بأمان كان يبي يجلس اكثر بس هيهات المسؤؤلية تجبره صج ابوه موجود بس هو المسؤؤل عن اهله صج عيشة صعبة ركب سيارته ومشى بهدوء بالسياره رد البيت واول ماوصل دخل شاف الكل نايم راح اهو بعد يبي ينام لكن اثناء دخوله في يد مسكته بقوه ورمته على الارض رفع راسه بوسط الظلام يبي يميز بس مايحتاج يدقق جاه الصوت الي عرفه بصاحب هاليد هو ابوه الي المفروض يكون مصدر امانه قام حامد يحاول يدافع عن نفسه عن لايصضربه ابوه بس المفاجأه جلس يبكي انخطفت الوان حامد ابوه يبكي ابوه يصيح!!!!!!! مستحيل ابوه الجبل ابوه الي مايهاب شي الي قلبه حجر يصيح نزل وجلس على الارض جنب ابوه شاف انها الفرصه الوحيده الي يرمي فيها براسه على صدر ابوه عشان ياخذ منه الحنان المفقود رمى نفسه باحضان ابوه وابوه ضمه واهو يقبله ويقوله ليش سويت كذا ياحامد ليش قول لي ليش؟!! حامد:يبه اهيا الي دفعتني اهيا انسا..قاطعه ابوه ابو حامد:ادري ياولدي بالي تبي اتقوله وانا كنت صج متحلف فيك لكن لما جت لي وفاء وريم وفهموني السالفه بالبداية انا ماصدقتهم بس لما كلمني اخوي وقال لي عن انك ماتسفرها وماتطلعها وانها شافت هالطريقه احسن حل عرفت كل شي والي خلاني اضربك هو انك طولت برا تدري اني مأمنك على هالعايله حامد ساكت الي يشوفه مو طبيعي قام ابو حامد وطلع بيتهم راح ينام وظل حامد بوسط البيت يفكر ليش ابوه كذا صاير ارق من النسيم واشد من النار ابوه لغز محير ليش قاسي وليش حنون تعب من التفكير وراح نام الايام تضارب الايام والسنين تمشي ومن ذاك الحدث الطويل مرت اربع سنوات غيرت كثيييييييييييييييييييير وانتجت الكثير لكن ظلت احقاد البعض ولاندري متى هالاحقاد تختفي من على وجه البسيطه فكره بسيطه خلال الاربع سنوات ((حامد ابوه وامه حاولوا فيه يتزوج بس هو رفض ومايبي يتزوج...خلوه على راحته مايبون يغصبوه على شي هو مايبيه ...ابو حامد وابو وليد مايكلموا بعض والسبب الي صار قبل اربع سنين...رزان تزوجت من ولد عمتها كانوا محجوزين الى بعض وفاء تقدموا الها اثنين ورفضتهم مع محاولات امها تبيها توافق بس اهيا ترفض ماتبي جدة العايلة ام ام حامد جت البيت واسمها مزنه وابو حامد مو راضي بوجودها معاهم وينرفزهم وضرب زوجته ضرب على انها جابت امها معاها مسكينه امها وحيده مالها بهالعالم غير بنتها زوجها توفى وولدها كان اعمى وتوفى من شهرين وزادت هي تعب بس هالانسانة مؤمنه على مرضها وعمرها الكبير تصلي قايمه قاعده ماتصلي من جلوس ودوم تحث احفادها على الصلاه مع ان عمرها فاق 80 كانت ذي الاحداث الي مرت على عا يلة ابو حامد خلال هالفتره )) بيوم من الايام كان الظهر بعد الغدا كان حامد وعامر ورامي وانور وسامي والبنات وفاء وريم وشيرين جالسين يتكلموا جا ابو حامد مسرع اخذ ظرف وطلع عامر:اشفيه ابوي مسرع ضحك انور :ابوك دايم مسرع ماتشوفه دايم معصب وواصل حده رامي:ماقول الا الله يعيينا انور:حامد كم سنة لك تشتغل الحين حامد:خمس سنين بس ماشتغل بس ادرس بعد وبعد سنتين امارس شغلي عادي عامر:والله ودي اقدم معاك بعد حامد:حاول وشوف بس لانه العدد اكتفى انتظر بعد فتره بس لاتتركهم ابد الى ماتوصل يمكن يقبلوك عامر:مشكلتي ملوووول وابي كل شي بسرعه وفاء:وتعترف بعد ريم:احلى ياعمور مثلي وفاء:صحيح بس اخوج يحب يهايل بالطريق وانتي مييييييييييح بس بالبيت ولاتقومين بعد يعني ماقلنا لج اطلعي بس قومي تمشي تحركي شيرين :مومثلي رامي:اكيد محد مثل ام السانين ام حامد دخلت ونادت حامد حامد:هلا يمه ام حامد:حامد ابي اقولك شي تعرف عمة ابوك نوير حامد:أي ام حامد:توفت اليوم وابوك راح الهم وشكله ضايقه به الدنيا خلاص حامد:!!انا لله وانا اليه راجعون ..خلاص طالع له انا الحين ام حامد:أي روح له لاتخليه طلع حامد الى ابوة ولما وصل له شافه وهو حالته حاله كان صج واصل حده من الضيق حامد:عظم الله اجرك يابوي ابو حامد بصوت هموم الدنيا حوله:اجرنا واجرك ظل حال ابو حامد كذا لمدة شهر ونص وهو مايتكلم حزين على فقده لعمته الي كان يصرف اهو عليها وعلى عيالها وكان المتكفل بكل شؤون حياتهم حامد:يبه خفف عن نفسك اشوي لاتهلك عمرك والله اشتقنا لك بعصبيتك وابتسامتك بعد يلا يابو حامد رد الاولي ابو حامد يبكي بحسره وذي المره الثانية الي يشوف حامد ابوه بهالحال لكن مايدري ليش انه يحس بسر في قلب ابوه يخليه كذا نار وماي حامد:يبه لاتبكي وتقطع قلبي خلاص هون على نفسك ابو حامد:يحامد يولدي ابي افرح اتعبت من الحزن حامد:انسى همومك يابوي ابو حامد:لو اطلب منك طلب ياولدي ماتردني حامد:اكيد يايبه ماردك ابو حامد:ابيك تتزوج وكأن حد طعنه بقلبه وجمع هموم الدنيا عليه اهو رافض هالفكره من جذورها لكن لازم يضحي :خلاص يايبه بتزوج ابتسم ابو حامد واستانس وراح البيت لاول مره ينادي ام حامد بصوت حلو ومريح ابو حامد/ام حامد يالغالية تعالي ابيج ام حامد:هلا تفضل امر ابو حامد:حامد قرر يتزوج دوري له ازين واحلى بنت بالدير ه ام حامد استانست مومصدقه الخبر:من اليوم بدور له اهو يامر بس ارتاح حامد لانه امه وابوه استانسوا لكن هالفرحة ماصارت الا بالتضحيه غمض عينه يعيد شريط ذكرياته وقف عد نقطه عند مطاف عند منحنى عند سمر أي بنت خاله سمر بالليل جت له امه وقالت له انها لقت اربع بنات من احلى البنات وازينهن حامد:مابي ولاوحده ام حامد:ليش ؟ سكت حامد ام حامد:اذا حاط براسك وحده قول ياولدي من بكره اخطبها لك حامد:أي ابي سمر بنت خالي ام حامد :سمر حامد:أي وغيرها مابي ام حامد في شي بعلاقتها بعايلة سمر بيتوضح بالبارتات الجايه لكن مصلحة ولدها خلتها تنسى الي بينهو ووافقت على زواج حامد بسمر Link to comment Share on other sites More sharing options...
زنجبيل المملكة Posted نوفمبر 4, 2008 Author Report Share Posted نوفمبر 4, 2008 الحلقة " 3 " و الاخيرة ام حامد خبرت ابو حامد عن رغبة حامد بالزواج من سمر طبعاً ابو حامد رحب بالفكره وبالذات انها سمر الي دوووم كان يتمنى ان حد يخطبها من اولاده ولو انه عارف بالعلاقة الي بين ام حامد واهل سمر لكن مهما كان سمر بتصير زوجة حامد ومعزتها من معزة حامد كانت ماسكه اخوها الصغير رائد وتلاعبه سمر بنت رقيقه ناعمه بنت تحب العالم الناعم اللطيف الهادئ الخالي من الاشواك ومع هذا ماتدري هل ان القدر بيصفعها او بعيشها باوساط سهام العذاب او ان حياتها بتستمر على وتيره وحده صج انها من عايله فقيره لكن عايله مو متفككه عايلة تحب السلام وهي جالسة سمعت صوت الباب ينضرب سمر:مين؟؟ :ابو حامد معاي الاهل سمر:لحظة راحت سمر وخبرت اهلها وطلعت غرفتها ابو ياسر:هلا والله اخبارك يابو حامد اخبار الاهل والعيال من فتره ماشفناكم ابو حامد:بخير الحمدلله اخبارك وشمسوي مع هالدنيا ابو ياسر:الحمدلله عايشين..تفضلوا دخل ابو حامد وجلس طبعاً جلست ام حامد مع ام ياسر وهدفها الي جايه له نساها طبيعة العلاقه ام حامد:شخبار سمر ياام ياسر؟ ام ياسر:بخير الحمدلله ام حامد:ناديها ابي اشوفها من فتره ماشفناها اخر مره قبل اربع سنين نادت ام ياسر سمر وسلمت على ام حامد وجلست معاهم وبعدين استأذنت طلعت لانه فاطمة صديقتها وبنت عمتها جت الها فاطمة:اتصدقي ياسمر جيت ام حامد غريبه سمر:لالا عادي ماتوقع غريبه فاطمة:اما انا احس ان هالجية وراها شي كبيييييييييييير سمر:خلج عن التوقعات احسن لج كانت سمر متوتره بس ماتدري عن السبب فاطمة:الا صج شخبار اختج منال مع الحمل؟ سمر:دايخة تعرفي اول مره بس ادعو الها فاطمة :الله يسهل عليها ...على العموم انا بطلع الحين عندي حوسة في بيتنا سمر:خليج معاي فاطمة:اذا فضيت بجي لج الحين بطلع سمر:تبين اخلي احد من خواني يوصلج فاطمة:لالا مايحتاج الا خطوتين وانا بالبيت يلا اخليج مع السلامة سمر الله يسلمج طلعت فاطمة وجلست سمر تعدل بالغرفه بس ماتدري ليش هالارتباك من وين مصدرة ام ياسر:سمــــر..سمر سمر:هلا يمة ام ياسر:تعالي ابيج جت سمر وجلست على الارض ام ياسر:يابنتي ابي اقولج كلام وابيج تسمعيني وتفهميني ..البنت لما تكبر وتصير فاهمة وواعيه وقد المسؤوليه فهي لازم تقوم بدورها بهالمجتمع مهما كان واحسن دور هو انها تكون خير حرمة ومسؤوله عن بيت تنمي وتنتج اجيال سمر حست ان امها تهدف الى شي وشي كبير ام ياسر:في حد يابنتي تقدم لخطبتج سمر استحت ونزلت وجهها وماسألت منو ام ياسر:وبتتعجبي اذا قلت لج انه حامد ولد ابو حامد سمر صج انها تعجبت وتذكرت موقفها قبل اربع سنين بزواج حامد وكيف انه جا ورفع عنها لمبات الزينه كيف كانت بزواجة ويجي اليوم الي يخليها زوجته!!! ام ياسر:شنو ردج يابنيتي؟ سمر:عطوني مهلة اسبوع ام ياسر:من حقج يابنيتي وقامت سمر بسرعه وراحت انسدحت على فراشها وتفكر كيف الزمن بيرميها بوسط المسؤوليات واهيا بهالعمر بس صج الحياه صعبه ويبي الها كفاح وسمر بينها وبين حامد عامل مشترك حب التضحية من اجل عايلتهم بشكل كبير يعني عادي ان تكون فرحة العايلة على حساب دموعوهم اهيا كانت قادره انها ترفض بس الموقف الي شافته خلاها تفكر بشكل اعمق والموقف لما جا ياسر الى ابوه ياسر:يبه ابي سياره مايصير انا الحين بالجامعة وماعندي سياره واحتاجها كثير تصور يبه اليوم جيت مشي من الجامعه الى البيت و صديقي الي اروح واجي معاه استأذن وطلع ولما كنت بوقف تاكسي مكان معاي شي واعرف ان هالبيت خالي وانتظرت الى ماتوهقت يايبه اتعبنا من هالحاله ابو ياسر:شسوي يعني مامعي فلوس فاهم مامعي اصبر ياسر:والى متى الصبر ابو ياسر:الى ماربك يفرجها علينا ياسر طلع الى غرفته وهو متضايق خلاص اتعب من هالحياة الصعبة بعد اسبوع قدموا اهل ابو ياسر الموافقه ولفت الفرحه بيت ابو حامد ابو حامد:حامد ليش ماتمر عروسك بكره وتوديها مزرعتنا تشوفها طبعاً حنا واهلها معاك بس انت الي تقدم العزيمة الهم حامد:انشاء الله البنات استانسوا على شان الطلعة وجهزوا العفسة كلها وحامد كلم ابو ياسر وعزمهم وبكره بتكون الرحلة الى المزرعة Link to comment Share on other sites More sharing options...
girlheart Posted نوفمبر 5, 2008 Report Share Posted نوفمبر 5, 2008 يسلمووو ع القصة Link to comment Share on other sites More sharing options...
زنجبيل المملكة Posted نوفمبر 6, 2008 Author Report Share Posted نوفمبر 6, 2008 الله يسلمجض Link to comment Share on other sites More sharing options...
الجوووووكر Posted يونيو 22, 2009 Report Share Posted يونيو 22, 2009 يسلموو ع القصص الحلوة.... Link to comment Share on other sites More sharing options...
Qalbi.y7bik Posted يوليو 16, 2009 Report Share Posted يوليو 16, 2009 يسلمووو ع القصة Link to comment Share on other sites More sharing options...
6ar6an8yh Posted يوليو 17, 2009 Report Share Posted يوليو 17, 2009 ننتظر .. Link to comment Share on other sites More sharing options...
Recommended Posts