فرااااااااولة البحرين Posted نوفمبر 9, 2008 Report Share Posted نوفمبر 9, 2008 هآآآآى نآآسآآت شلونكم ؟! تفضلوا القصة الجزء الاول كانت خلود قاعده جدام دريشتها وفي ايدها صورة حبيبها محمد وقاعده تغني في اسم محمد واهي سرحانه تسمع صوت من دريشه الشقه الي جدامها جاسم : الله صوتج وايد حلو .. ويفتح الدريشه و يطالعها خلود : ويعه وانت شكو .. تسمع على بنات خلق الله جاسم : انا اسف انا كنت يم الدريشه ابي افتحها وجذبني صوتج وانتي تغنين خلود : مو انا كنت متوقعه انا شقه الي جدامنا مافيها احد فاضيه جاسم : أي لانه تونا ساكنين اليوم خلود : زين خلاص لا تطولها .. يالله سكر دريشتك جاسم : وليش تسكرين علي حياتي خلود : شكو دريشه في حياتك ؟؟ جاسم : لانه منها القى ما بقى من حياتي خلود : اوووووه شكلك مينون .. انا ابي اسكر دريشتي وارتاح منك )وتسكر الدريشه ) ويبقى جاسم عند دريشته يطالع لي سماء واهو سرحان .. وتمت خلود تتابع جاسم من ورا ستارة دريشتها واهو ما يدري عنها وتستغرب سرحان جاسم الطويل ونظراته لي السماء واهو قاعد يكتب في دفتر كان ما يفارق ايده .. وبعد اربع ايام فتحت خلود الدريشه قصدت منه تهويت الغرفه وفي ايدها الثانيه تليفونها النقال تكلم فيه حبيبها خلود : محمد شفيك صار لك مده ما تكلمني شنو لي مغيرك علي محمد : ( بدون نفس ) مافي شي خلود : شنو مافيه شي انا مزعلتك يا محمد محمد : اوووه ترا اذيتيني وياج ما عندي غيرج يعني خلود : محمد انت شنو قاعد تقول ؟؟ محمد : اقول خلود انا مشغول مع السلامه خلود (بصوت عالي ): بس محمد (ويسكر التليفون ) ويفتح جاسم الدريشه وهو حاط على ظهره بطانيه صوف وبايده المرتعشه ماسك دفتره ويطالع لي سماء ويكتب في دفتر وملامح ويهه تبين عليه التعب و خلود ) ماسكه في ايدها التليفون وفي ايد ثاني حطتها على راسها وتفكر ) جاسم : ( يطالع لي خلود وبصوت ضعيف ) صباح الخير خلود : (تطالعه ) نعم جاسم : اسف على الازعاج بس حسيت من المفروض علي اصبح على جارتنا خلود : هذا انتم يا الشباب ما تشوفون بنت الا ويقاطعها صوت مسج من محمد وتفتحه بسرعه (خلود خلاص انسيني انا لقيت غيرج مع السلامه) وتنصدم خلود من محمد وتحاول تدق عليه ويقاطعها صوت مسج ثاني (خلود ترا عطيت خطي حق ولد خالتي لا تحاولين تدقين علي) ومن هول ما شافت يطيح التليفون من ايدها الى ارض العماره ويتكسر .. وتنزل الدمعه من عين خلود واهي ساكته ما تعرف شنو تسوي ؟؟؟ جاسم : عسى ما شر شنو السالفه ؟؟ خلود : ( بنظرات حقد ) انتم كلكم نفس بعض الله ياخذكم ويحرقكم مثل ما حرقتوا قلبي جاسم : بس انا ) وتسكر دريشة غرفتها بقوه ) زاد تعب جاسم لما شاف خلود جذي .. وحس انه يضايقها وعزم انه ما يفتح دريشته لما يشوفها .. علشان ما يضايقها .. وتم على هذا مده مو قصيره .. ومن ناحيه ثانيه كانت خلود حزينه على الي سواه محمد فيها وكانت تفكر وتراجع كلامها خافت انه في كلمه قالتها له ضايقته فيها .. بس ما لقت شي ما عمره طلب منها شي غير انه عطته بدون حدود ولا كانت تنطر منه كلمة شكر وبعد فتره حست ان جاسم له مده ما طلع من دريشته الي كان متعود عليها وكانت تنطره فتره على اقل تتاسف له على سوته بس ما شافته وصارت تنطره عند الدريشه فترات طويله من النهار بس ما طلع ولا اقترب من دريشته وفي يوم كانت مستعيله تبي تلحق على باص المدرسه فتحت دريشتها ولقته توه فاتح دريشته ولما شافها كان يبي يسكرها خلود : لحظه لحظه جاسم : يفتح الدريشه .. هلا ؟ خلود : شوف في كلام ودي اقوله لك بس انا مستعيله الحين اكلمك العصر اوكي الساعه 5 يالله مع السلامه لانه باص المدرسه ينطرني تحت جاسم : ان شاء الله اذا قدرت مع السلامه خلود : لا تكفى حاول جاسم : ان شاء الله وتروح خلود لي مدرسه وتعد الساعات علشان تطلع ولما طلعت تمت في غرفتها تطالع الساعه لين اتي الساعه 5 ولما يت ركضت لي دريشتها وفتحتها بس ما شافت جاسم عند الدريشه .. قعدت جدام الدريشه تنطر وتمر الدقيقه ورا الدقيقه وتجري الساعه وراى الساعه وينزل ظلام الليل على سماء الكويت وتزيد ظلمة غرفة جاسم ظلمه لين يت الساعه 10 بليل وقالت خلود حق نفسها اكيد اهو زعلان ولا منحرج مني ولا راح ايي ابي اسكر الدريشه وانطره باجر وتسكر دريشتها وتحس بنور من غرفة جاسم وترد وتوخر الستاره عن الدريشه وتشوف ام جاسم تفتح الدريشه ويدخل جاسم لي غرفته على كرسيه المتحرك ويقترب من الدريشه وتحط بطانيه صوف على كتف جاسم وترسم على يبهته قبله من شفات امه وتطلع من الغرفه ويقترب جاسم لي دريشه وعينه الى سماء ويتمتم بكلمات وتنزل من عينه دمعه .. وتفتح خلود الدريشه خلود : ( بصوت خفيف ) قوه جاسم : ولا يحس فيها خلود : ( تعلي صوتها ) قوووه جاسم : يلتفت لها ويمسح ما نزل من خده من دموع .. هلا اسف ما انتبهت عليج .. واعذريني لما تاخرت عليج بس ما كان في ايدي توني ياي خلود : لالا مو مهم اهم شي انك رديت .. بس انت شنو قاعد تقول حق روحك .. اشوف شفاتك تتحرك وتنزل دمعه من عينك جاسم : اقول (ابتسم واضحك ترا الدنيا حلوه ) خلود : الله وايد حلو كلامك جاسم : مشكوره هذا كلام اقص على روحي فيه خلود : وليش تقص على روحك جاسم : مو مهم تعرفين .. ولا ودي اقوله لانه وايد يعذبني خلود : على راحتك وعلى العموم انا كان ودي اتاسف لك على الي صار هذاك اليوم جاسم : يعني انا ما كنت مضايقج خلود : اهي مو سالفت مضايقني بس كنت .... جاسم : كنتي متزاعله مع محمد خلود (باستغراب):شلون عرفت؟؟ جاسم: سمعتج وانتي تكلمينه .. صوتج كان عالي خلود: لا احنا خلاص افترقنا .. وانا مو متحسفه عليه لانه اهوا الخسران خسر قلب كان يحبه جاسم : واليوم خلود : اكرهه .. اكرهه على كثر ما حبيته .. اكرهه.. والله اكرهه .. جاسم : لا تحلفين الي يحب ما عمره يكره خلود : والله كرهته .. كرهته يـــا ..... ؟؟ جاسم : جاسم ..اسمي جاسم خلود : عاشت الاسامي يا جاسم .. وانا اسمي خلود جاسم : عاشت ايامج .. وعاشت الاسامي يا خلود خلود : تسلم .. خلاص يا جاسم لو سمحت لا تذكرني فيه .. زين ابي اسئلك سؤالين ممكن ؟ جاسم : أي حاضر خلود : انا كل مره اشوفك اشوف وياك هالكتاب ماسكه وياك وتقعد تكتب فيه شنو تكتب ؟؟؟ جاسم : اكتب قصص .. هوايه من انا صغير نسيتها فتره ورديت لها من سنتين خلود : وشنو تكتب وليش رديت لي الكتابه ؟؟ جاسم : اكتب اشياء وايد كل شي يخطر على بالي ورديت له من سنتين بسبت مرضي خلود : سؤال ثاني ودي اقوله لك بس مستحيه جاسم : لا قولي لا تخشين في قلبج خلود : انت من متى على ...... جاسم : على الكرسي .. انتي شفتيني ؟؟ خلود : أي مو انا كنت انطر ولما سكيت دريشتي امك دشت غرفتك وانت دشيت وراها وشفتك جاسم : انا قبل ما كان فيني شي لين سنتين حاشني مرض قعدني على الكرسي هذا ما اقدر امشي منه الا بصعوبه خلود : الله يشفيك ان شاء الله جاسم : ان شاء الله خلود : ممكن اشوف الي انت تكتبه جاسم : أي حاظر بس لحظه ابي اسمي الكتاب .. وكتب عليه اسم ( فاقد الشي لا يعطيه ) .. زين شلون اعطيج ايها خلود : احنا قريبين يم بعض حذفه علي وانا امسكه جاسم : اخاف ما يوصل لج خلود : ما عليك انت حذفه وانا امسكه ويحذف جاسم كتابه على خلود وتمسكه في ايدينها الثنتين وتضمه على صدرها جاسم : اشوفه وصل لج خلود : حمدالله والله كنت خايفه اني ما امسكه جاسم : عيل اخليج تقرينه لاني لازم اخذ دواي وانام الحين وباجر عندي مراجعه لي المستشفى خلود : طمني عليك .. وانا ابي اسهر عليه جاسم اوكي خلاص عيل تصبحين على خير خلود : تلقى كل خير في ويهك جاسم : هذه يديده خلود : أي هذه علشانك بس ) ويحمر خدها خجل وتسكر الدريشه ) وتقعد على طرف سريرها وتفتح الكتاب واستغربت من عنوان فاقد الشي لا يعطيه وافتحت الكتاب ومن اول سطر لقت روحها تمشي صفحه ورا صفحه وقصه ورا قصه ودموعها من غير شعور تنزل من عينها وعلى خدها تجري لين ما طلع الصبح ولقت روحها انتهت من اخر قصه وهي تنصدم من روحها لانه تاثرت وايد بالقصص ولا توقعت انها راح تبجي هالكثر .. كل القصص نهايتها حزينه وحست من عنوان الكتاب ان قصد جاسم انه فاقد الفرحه ولا قدر يعطيها لي ابطال القصه الي يكتبها .. وحست انه انسان وايد طيب وحساس ومرضه اثر عليه وايد .. وبدلت ملابسها وراحت لي المدرسه .. ولما ردت من المدرسه واهي نعسانه ودها تنام قالت حق روحها خني اشوف جاسم رد ولا لين الحين .. وفتحت الدريشه وشافت جاسم ينطرها جاسم : انا حاس كنتي تبين تفتحين الدريشه الحين خلود : شلون عرفت؟؟ جاسم : احساس خلود : تدري انك مسهرني من امس ما نمت تميت اقرا القصص كلها ولا خليت ولا سطر .. كلامك وايد حلو ومشاعرك صادقه .. ماشاء الله عليك والله موهوب جاسم : لا شدعوا اهي مجرد قصص اكتبها القصد منها تضيعت الوقت خلود : جاسم عمرك حبيت ؟؟؟ جاسم : أي حبيبت ساره ولميس وهند . وبعد حبيت نوف وعشقت نوره و مريم . خلود : بس هذيل ابطال قصتك جاسم : انتي ما لاحظتي بكل القصص اسم بطل واحد خلود : قصدك ناصر .. أي صح جاسم : انا حبيت هذيل كلهم وعشت في ناصر تصدقين كان ودي انهي كل قصه منها بشي سعيد بس ما اقدر امنح السعاده وانا بنفسي فاقدها خلود : بس يا جاسم جاسم : لا بس ولا شي لا تحاولين تقنعيني خلود : ما ادري شنو اقولك بس انا بخليك الحين واشوفك بالليل لاني وايد نعسانه جاسم : على خير خلود : تصك الدريشه وترد تفتحه بسرعه .. جاسم ...جاسم جاسم : يفتح الدريشه .. نعم خلود : نسيت اسئلك شنو سويت في المستشفى ؟؟ جاسم : ما سويت شي فحصوني مثل كل مره وصفوني مسكنات وقالوا راجعنا بعد شهر .. خلود : الله يشفيك ان شالله جاسم : ان شاء الله خلود : أوكي أشوفك بالليل مع السلامه جاسم مع السلامه وتقوم خلود الساعه 9 ونص بالليل وتركض لي دريشتها وتفتحها ولا تشوف جاسم جدامها ينطرها خلود : من متى انت هني ؟؟ جاسم : انا هني من اول ما خليتني خلود : شنووو ؟!! جاسم : أي والله تميت عند الدريشه من اول ما خليتيني وانا انطرج خلود : بينها وبين نفسها (يا بعد عمري ) ماادري شنو اقولك جاسم : لا تقولين شي كلميني عن روحج ... انا لين الحين ما اعرف عنج شي خلود : انا يا جاسم انسانه مثل أي انسانه في الدنيا حبيت واحد لكن للاسف طلع خاين جاسم : بس هذا مو آخر العالم .. والحمدالله انج في الأخير كشفتيه على حقيقته خلود : حمدالله على كل خير وان شاء الله .. الله يعوضني في الي احسن منه جاسم : ( يسكت وينزل راسه ) لا يكون عبالج انا راح اكون .......... خلود (يحمر خدها خجل ) ومن قال (وترتبك ) انا اصلا ما فكرت فيك ولا اهتميت لك وهي كله مجرد سوالف واذا تبي اسكر دريشتي ولا راح تسمع صوتي مره ثانيه جاسم : ( يلف راسه لي اتجه ثاني عن خلود ) يكون احسن خلود : انصدمت ولا قدرت تقول شي جاسم : يلتفت لها والدموع على عينه .. انا اسف ...مع السلامه خلود : جاسم لا تروح ابيك جاسم : نعم خلود : جاسم ممكن نكون اصدقاء .. ولا يكون غير هذا بينا .. انا محتاجه لك يا جاسم جاسم : بس ......... خلود : هالمره لا بس ولا شي اقولها لك اسكت وخني اكمل لا اهفك بكس في ويهك ) وتمسح دمعه من خدها وتضحك ) جاسم : يضحك .. ويقول لها الله يقطع ابليسج وهم انا بعد محتاج لج خلود : خلاص كل واحد فينا محتاج حق الثاني انتهت المشكله جاسم : عيل خلاص .. اصدقاء خلود : زين انت ما كلمتني على روحك ؟؟ جاسم : انا يا خلود وحيد امي.. ابوي مات من زمان انا ما شفته.. مات وانا توني صغير خلود : الله يغمد روحه الينه جاسم :آآآمين وكنت وايد متفوق في الدراسه لين تخرجت من الثانوي ولما دشيت جامعه ما خلصت غير كورس واحد وياني مرض .. وانا الحين على هالحاله .. صار لي سنتين خلود : الله يشفيك جاسم : زين انتي صج عندج اخوان ولا خوات ؟؟ خلود : أي عندي اخت وحده وامي منفصله من ابوي صار لهم اربع اسنين جاسم : ايل وين اختج ما اشوفها خلود : والله اختي من ربع الانترنت اربع وعشرين ساعه في غرفتها مقابلته جاسم : وانتي ما تدشين النت ؟؟ خلود : ولا اواطنه جاسم : ( يضحك ( ليش؟؟؟ خلود : بس جذي جاسم : زين شلونك ويا الدراسه؟؟ خلود : والله كل شي اوكي ما عاده ما ده وحده ملعوزتني مكرهتني الدراسه جاسم : شنو هي ؟ خلود : مادة الفلسفه جاسم : الله يعينج والله .. شنو رايج اساعدج خلود : تساعدني؟؟؟ شلون؟ جاسم : انتي باجر عليج هالماده خلود : لا جاسم : ايل حذفي علي كتابج .. ولا عليج خلود : لا يا جاسم ما ودي اعقدك ويها جاسم : لا تعقيد ولا شي خلود : شلون مو تعقيد وهي ام التعقيد كله جاسم : انا اصلا كنت ادبي وكانت هالماده أفضل ماده عندي .. عطينياه واذا ييتي من الدوام اعطيج كتابج وانا ملخصه لج .. ومخطط عليه بعد خلود : اوكي ابي اعطيك اياه وتحذف كتاب خلود لي جاسم ويمسكه جاسم خلود : عيل اخليك الحين ابي انام الحين جاسم : اوكي تصبحين على خير عيل أشوفج باجر خلود : اوكي مع السلامه جاسم : مع السلامه وقعد جاسم الصبح وجلس يقرا كتاب الفلسفه ويحاول يلخصه لكن شاف اول حرف من اسم محمد مكتوب في كل صفحه تقريبا .. وبدون شعور مسك القلم ومسح كل حرف لي محمد من الكتاب .. وتم يلخص الكتاب لي الساعه 5 العصر لين انهى المنهج كله .. وبعد التعب مسك جاسم الكتاب وضمه على صدره وتمدد على السرير .. وبعد لحظات سمع صوت دريشة خلود تنفتح .. ويقوم ويحاول انه يمشي بصعوبه الى كرسيه المتحرك ويتجه لدريشته ويفتحها ولقى خلود ماسكه في ايدها ورده حمراء جاسم )يطالع خلود ولا قدر يفرق من احلى الورده ولا خلود ) مساء الخير خلود : هلا مساء النوير .. شلونك جاسم جاسم : حمدالله طيب .. وانا توني الحين خلصت من تلخيص المنهج ما عليج الا تحفضين التلخيص .. وادعيلي بعدها خلود : خني اشوف ايل حذفه علي جاسم : ( يحذف كتاب الى خلود ) ديري بالج لا تطيحين خلود : ( تمسكه ) ما عليك تراني احسن وحده في الكويت تسد كتب ولا كتاب قدر يفلت مني جاسم : ( يضحك ) ايل خوش .. تصلحين حارس مرمه خلود : ( تفتح الكتاب ) أووووووووو أف عليك... والله ما ادري شنو اقولك جاسم : شنو لايكون ما قدرت الخص عدل اعذريني صار لي فتره .. والله سويت الي قدرت عليه انا اسف خلود : لالالا انت فهمتني غلط .. ما شاء الله عليك تلخيصك وايد حلو وهم خطك واضح حيل جاسم : ( يحط ايده على قلبه ) أي أشوه الحمدالله اني قدرت الخص لج عدل خلود : واحسن شي سويته جاسم : شنو ؟ خلود : انك مسحت اسم الزفت محمد جاسم يسكت وينزل راسه ويطالع لي الجهه الثانيه ) خلود : تعرف شنو ابي احط بداله؟؟ جاسم : ( يلتفت لها ) شنو؟؟ خلود : لحظه .. وتكتب بخط عريض اسم جاسم على اول صفحه .. وتوريه له جاسم : شنو هذا ؟؟ خلود : هذا اسمك .. اهو يستاهل انه ينكتب ) وتقول حق روحها والله اول ما كتبته كتبه على قلبي يا بعد قلبي ) جاسم : مشكوره و (يضحك لما دمعت عينه) خلود : اللــــه ضحكتك وايد حلوه جاسم : بس مو احلى من صوتج .. انا اول ما سمعته مادري شنو صار فيني خلود : ( تستحي ) لا شدعوا جاسم : أي والله يا خلود خلود : تسلم وخلاص ترا مافيني بعد ترا الحين اصدق عمري جاسم : ( يضحك ) .. بس صدقيني بدون شعور لقيت روحي امسح حرف محمد خلود : صج ليش مسحته ؟؟ جاسم : لانه ما يستاهل وحده مثلج خلود : أي والله .. وانا اتحسف على كل لحظه مضيتها وياه جاسم : خلاص انسيه ولا تذكرينه لانه ما يستاهل حتى تذكرينه انتظرووني في الجزء الثآآني Quote Link to comment Share on other sites More sharing options...
miss poet Posted نوفمبر 9, 2008 Report Share Posted نوفمبر 9, 2008 تسلمين يا اختي فراولة البحرين بس اتمنى انج اتكملينها في اقرب فرصة لاني حدي متشوقة ابي اعرف التكملة مالتها يعطيج العافيه ابوي يا احلى فراولة في البحرين تحيات اختج : miss poet Quote Link to comment Share on other sites More sharing options...
a7la 7o0ob Posted نوفمبر 9, 2008 Report Share Posted نوفمبر 9, 2008 فن فن فن فن في انتظاااااااااااار الباااارت لثااااني Quote Link to comment Share on other sites More sharing options...
almajed Posted نوفمبر 9, 2008 Report Share Posted نوفمبر 9, 2008 صج صج عجبتني ننتظر البارت الياي Quote Link to comment Share on other sites More sharing options...
فرااااااااولة البحرين Posted نوفمبر 9, 2008 Author Report Share Posted نوفمبر 9, 2008 اهم شى عجبتكم وإنشاء الله احط لكم البارت الثآآني جريب Quote Link to comment Share on other sites More sharing options...
عرقوب Posted نوفمبر 9, 2008 Report Share Posted نوفمبر 9, 2008 تسلميين حبيبتي ع القصه روووعه ننتظر البارت الياي Quote Link to comment Share on other sites More sharing options...
m!ss M Posted نوفمبر 9, 2008 Report Share Posted نوفمبر 9, 2008 رووووووووووووعة القصة بلييز لا تتأخريين Quote Link to comment Share on other sites More sharing options...
(مريم العذراء) Posted نوفمبر 9, 2008 Report Share Posted نوفمبر 9, 2008 يسلموووووووووووووووو حبوبة ننتظر البارت الثاني Quote Link to comment Share on other sites More sharing options...
BAHRAINI_17 Posted نوفمبر 9, 2008 Report Share Posted نوفمبر 9, 2008 يسلمووووو حبوبه Quote Link to comment Share on other sites More sharing options...
فرااااااااولة البحرين Posted نوفمبر 9, 2008 Author Report Share Posted نوفمبر 9, 2008 إن شاء الله جريييييييب وووين الباقي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.