زنجبيل المملكة Posted ديسمبر 6, 2008 Report Share Posted ديسمبر 6, 2008 ! 1 ! --------------------------------------- الشخصيات .. بو حمد(محمد) _أم حمد(منيرة) حمد _26 سنة يوسف _ 23 دلال_21 سنة سالم_18سنة فاطمة_ 17 سنة روان_10سنه --------------------------------------- في بيت بوحمد فاطمة ودلال مسويين عزيمة بمناسبة بداية العطلة الصيفية. فاطمة:يمة ،شرايج قمر صح؟ ام حمد:شالزين ماشاالله عليج قمر.. اقري على روحج المعوذات عن الحسد فاطمة:طالعه عليج ياست الحبايب ((فاطمة بنت حلوة ورقيقة وناعمة،حنطية شعرها ناعم لي نص ظهرها،رشيقة وخفيفة دم)) كانت لابسة تنورة قصيرة لونها وردي فاتح وعلى الطرف فيها نقش فضي ناعم والتوب ابيض فيه ورود لونها وردي وفضي في هاللحظة نزلت دلال بعد ماتعدلت وفي نفس الوقت رن الجرس راحت فاطمة تستقبل اول الحاضرين وهي رفيجة عمرها دانة ومها اختها وهي رفيجه دلال فاطمة:هلا والله بشيخة الدانات دانة:هلا فيج سلموا على بعض ودشوا ينتظرون بقية البنات ((دانة بنت أمورة و حلوة,وهي ثقيلة شوي (رزينة) ورشيقة و حنطية)) كانت لابسة فستان أخضر قصير و فيه تطريز خفيف بالذهبي بعد ما يو البنات قعدو يسولفون و يضحكون بعدها قررو يرقصون فشغلوا المسجل وقامو يرقصون بهبالة من دون ما يحسون بالي يدور حواليهم. و في هالوقت كان سالم و خالد(ولد خاله 16 سنة) داخلين البيت و أسمعوا الصوت العالي الصادر من الميلس فراحو يطالعون شصاير , سالوا الخدامة وقالتلهم ان الموجودين هم فاطمة ودلال وصديقاتهم خالد طالع سالم وهو يضحك ضحكة فيها شر خالد:شرايك نغربلهم تره هاذي هوايتي و أنا عندي خبرة في هالأمور . سالم:شبسوي يا سعيد الحظ خالد: أنت سو الي أقولك عليه وما بتندم سالم: يالله أنجرب وأنشوف أفكارك العبقرية كانو البنات مندمجين في الرقص ويستهبلون فيه كانهم سكرانين خخخخ فجأة أنطفت الإضاءة عنهم صرخوا بصوت واحد ما يجوفون إلا الباب يتسكر و ينفتح بقوة فجتمعوا كلهم مع بعض وقامو يصرخون وركضوا يدورون عباياتهم عشان يطلعون من الباب الخلفي للميلس بس الظلام كان مغطي المكان فكل وحدة خذت أي شي جدامها ولبسته و طلعوا يراكضون وهم خايفين يوم أطلعوا من الباب الخلفي للحوش طبعا الليتات كانت منورة الحوش فقاموا يطالعون بعض وهم مستغربين و قاموا يضحكون على بعض(الي لابسة عباية غيرها وطالعة قصيرة أو طويلة عليها و الي لابسة العباية بالمقلوب شكلهم كان تحفة) الصبيان ما كفاهم الي صار فخذو هوز الماي الموجود في الحديقة و فتحوه مباشرة على البنات. البنات قاموا يصارخون و يراكضون يبوون يدشون البيت و الصبيان وراهم (وراهم وراهم والزمن طويل ) دخلو البنات البيت وهم يتحلطمون على الشباب و فتحوا التلفزيون وقاموا يطالعون فلم . فاطمة قامت عنهم تدور تلفونها و فجأة سمعته و هو يرن و تبعت مصدر الصوت وشالت التلفون فاطمة : ألو المتصل: هلا و غلا فاطمة: نعم أخوي من معاي المتصل : معاج أنا خخخخخ فاطمة: أخوي تبي شي المتصل: ابي اسولف وياج فاطمة: يالي ماتستحي بنات الناس مو لعبة في يدك و سكرت التلفون في ويهه وفي هالحظة سعود كان مار ( ولد خالتها 20 سنة) وسمع الحوار (سعود شاب وسيم وجذاب واسمر وضحكته محد يقدر يقاومها ) فطلع لها وقام التلفون يرن و فاطمة مرتبكة و متوترة و قام سعود يطالعها بنص عين سعود:شفيج ماتردين فاطمة: هاي واحد مايستحي على ويهه ارد عليه ليش سعود:عطيني التلفون فاطمة :لا الله يخليك مافينا شدة مشاكل خله يولي انا مابارد عليه سعود:فاطمة عطيني التلفون فاطمة اللي مالقت لها مفر وعطته التلفون سعود طبعا عطه الشاب زفة محترمة ماتم كلمة الا وقالها له خخخخخخ رجع التلفون حق فاطمة سعود:اذا اتصل مرة ثانية عطيني اياه فاطمة:انشاالله سعود:يلا عيل اخليج تروحين حق البنات فاطمة:-------- سعود:انزين قولي حق خواتي اذا خلصوا خل يتصلون فيني وبايي باخذهم فاطمة:اوكي سعود:يلا تامريني على شي حبيـبـــ..... سعود انتبه حق الكلمة الاخيرة اللي قال نصها وارتبك وتوتر علطول انسحب وفاطمة تمت سرحانة في افكارها معقولة يبادلني بنفس الشعور ولا كانت مجرد زله لسان راحت للبنات وهي سرحانة باللي صار خصوصا انه اصر انه يكلم الشاب ..معقولة....!! --------------------- العايلة الثانية وهم جيران بيت بوحمد وفي نفس الوقت اصدقاءهم وعلاقتهم قوية جدا بوناصر(فهد) ام ناصر(مريم) ناصر 25 مها 23 دانة 17 علي 12 ------------------------------- بوناصر:وين مها ودانة ليحين مارجعوا ام ناصر:لا شكلهم مطولين تعرف بنات مايشبعون من بيت بوحمد بوناصر:ومن يشبع من هالعايلة الكريمة ام ناصر:اي والله ناصر نزل ناصر:السلام عليكم بو ناصر +ام ناصر:عليكم السلام والرحمة ناصر:شفيكم ليحين قاعدين ام ناصر:خواتك في بيت بوحمد شكلهم بيتاخرون قاعدين ننتظرهم ناصر:انتوا روحوا رقدوا وانا باطلع مشوار قصير وفي رجعتي اذا مارجعوا باييبهم بو ناصر:زين عيل يلا ام ناصر ناصر:يلا تصبحون على خير ام ناصر +بوناصر:وانت من اهله ----------------------------------- دلال:اقول تره سالم ويا خالد في الحوش شرايكم نرد لهم المقلب البنات:ياليت راحوا البنات السطح بعد ماجهزوا بلونات ماي مها:يلا استعدوا 1....2.....هجوووووم وقاموا البنات يحذفون البلونات عليهم والصبيان قاموا يناقزون(ينطون) والبنات مستمتعين وهم يجوفونهم قاعدين يتغربلون (من حفر حفرة لاخيه وقع فيها) الصبيان طبعا تسبحون ثيابهم كلها ماي بعده مااستانسوا البنات بمنظر الشباب قرروا يدخلون ----------------------- ناصر:الو السلام عليكم دانة:وعليكم السلام هلا ناصر ناصر:انتوا ليحين في بيت بوحمد دانة:اي ناصر:ليحين البنات ماراحوا؟ دانة:الحين بقوا ثنتين جواهر ونوف بنات خالتهم ناصر :اها انزين جهزوا حالكم يلا وطلعولي دانة :ليش؟البيت جريب احنا بنرجع عقب ناصر:لا بس خلاص خفوا على الناس الحين الوقت تاخر دانة :افف اوكي يلا باي ناصر:باي ------------------------ دانة:يلا مها ناصر عند الباب يقول الحين نرجع فاطمة+دلال:لا تو الناس قعدوا دانة:شاسوي فيه قلت له قالي الوقت تاخر مها:أي والله واهو الصاج فشيلة قاعدين عندكم لي هالحزة دانة:عندج انتي اما انا تعودت خخخخخ مها:حسبي الله عليج فشلتينا فاطمة:ليش فشلتج اكو انا بعد اتاخر عندكم دلال:المهم انشالله استانستوا دانة+مها:واااااااااايد خصوصا لما سبحنا الصبيان خخخخ فاطمة:اي والله دانة:يلا عيل انخليكم تاخرنا على ناصر دلال:سلموا عليه.. .ااااقصد على بيتكم كلهم دانة:يوصل يلا مع السلامة سلموا على بعض وراحوا ------------------- سعود:يلا بسرعه انا عندالباب جواهر:متى ييت؟ سعود:انا قلت باخليكم تتصلون لي بس شكلكم ما تنعطون ويه جواهر:خخخخ أي والله من الوناسة نسينا عمرنا سعود:اوكي يلا انا انتظركم باي جواهر:باي وسلموا عليهم وراحوا ---------------- دانة:ناصر دلال سلمت عليك ناصر استانس لما سمع اسمها ناصر:صج علي انا قالت لج اسمي دانة:ناصر شفيك اهيا قالت سلمي على بيتكم كلهم ناصر اللي خفت ابتسامته وقال:الله يسلمها وصعد غرفته -------------------- ناصر في حجرته قبل ماينام وقال في خاطره لين متى انا باتم حابس هالشي في قلبي لازم اعرف بمشاعرها تجاهي بس شلون؟ اخ ياقلبي ------------------------ العايلة الثالثة بيت الخالة بومصعب(نايف) ام مصعب(عايشة) مصعب27 سنة مي 24 سنة سعود 20 سنة جواهر 17 سنة نوف 16 سنة -------------------------------- جواهر+نوف:السلام عليكم ام مصعب:عليكم السلام وينكم تاخرتوا البنتين:والله يمة الحفلة كانت وايد حلوة تنسيج عمرج ولا حسينا بالوقت ام مصعب:انشاالله دوم تكونون مستانسين البنتين:يلا يمة احنا بنروح ننام تعبنا تصبحين على خير ام مصعب:وانتو من اهله سعود :يلا يمة انا بعد تعبان وبانام تامرين على شي يالغالية ام مصعب:سلامة عمرك سعود:تصبحين على خير ام مصعب: وانت من اهله وصعد سعود غرفته سعود قبل ماينام تم يفكرفي فاطمة وكان يقول الحين اهي شنو بتقول عني صحيح انا احبها بس ماكنت قاصد هالكلمة انها تطلع بس لازم مااتم ساكت لين ماتضيع البنت من يدي لازم اخبرها عن مشاعري وهم اعرف منها عن مشاعرها باي طريقة شرط انها ماتكون مباشرة ------------------- ياترى شراح يصير بين: سعود+فاطمة ناصر+دلال وهل راح يتجرأ سعود+ناصر ويخبرون البنات عن مشاعرهم؟ Quote Link to comment Share on other sites More sharing options...
زنجبيل المملكة Posted ديسمبر 7, 2008 Author Report Share Posted ديسمبر 7, 2008 الحلقة ! 2 ! --------- العايلة الرابعه بيت الخال(اخو ام حمد) بوخالد (خليفة) ام خالد (حصة) سارة 24 سنة مخطوبة حق مصعب ولد عمتها خديجة 18 سنة خالد 16 سنة -------------------- فاطمة بعد سهرة امس خذاها نوم عميق من التعب ومرة وحده يرن تلفونها الساعه 9 الصبح فاطمة بتعب:الوو المتصل:الو فاطمة:نعم المتصل:هازي مو تلفون بابا مسأل(يقصد مشعل)خخخخ فاطمة في خاطرها(الحين انا قاعده من النوم هالحزة عبالي مكالمة مهمة وفي الاخير هندي ،حسبي الله عليه) فاطمة:لا النمرة غلط وسكرته ردت غطت روحها دقيقتين ويرن التلفون مرة ثانية... فاطمة بتعب وملل: الووو المتصل: الو بابا مــــ...... و فاطمة قاطعته قبل ما يخلص كلامه...: فاطمة معصبة :انت ماتفهم... الناس راقدين هالحزة انت ماتفهم النمرة غلط لااااااااا وسكرته في ويهه بعدها ردت تواصل نومها,,, وبعد مدة ما تزيد عن نص ساعة يرد يرن التلفون مرة ثالثة وهني فاطمة وصلت حدها يودت التلفون والشرر يتطاير منها فاطمة بصراخ:انت ماتفهم قلنالك النمرة غلط ماعندك مخ انت عورت راسي .... خديجة:بسم الله انت شفيج تتحلطمين كانج عيوز حشه....... فاطمة وهي تحك راسها:خدييييييييييييجة؟ خديجة:اي خديجة ،عقب ماكلتيني بقشوري تسالين... فاطمة : هلا خديج لا والله بس تعبانة عقب امس وفي هندي لوع جبدي اقوله النمرة غلط مايفهم. خديجة:خخخخخخ ا قول عندج شي اليوم فاطمة:اممم لا خديجة:اوكي شرايج تيين بيتنا متمللة خله ندبر مقالب خخخخ فاطمة:ياحبج حق المقالب عاد انتي المهم انشاالله باجوف امي وباييلج خديجة: اوكي بانتظارج مع السلامة ------------------------ سعود:صباح الخير جواهر+نوف:صباح النور سعود:اجوفكم قاعدين من الصبح جواهر:اي فاطمة مقعدتنه تبينا نروح وياها حق خديجة سعود:من بوديكم؟ نوف:ماندري ،بس اذا بتتكرم علينا وتودينا ناخذ فاطمة ويانا بعدين نروح حق خديجة تره ماعندنا مانع خخخخخ سعود:افا عليكم اوديكم اي مكان تبون سعود في خاطره(مدام فاطمة وياكم اسوي اللي تبونه) نوف:اوووه شاللي يالك ،لا اخوي شكله مريض جواهر طالعته بنص عين وكانها فهمت (جواهر حاسة بمشاعر اخوها بس تنتظره بروحه ايي ويقولها) جواهر:اوكي عيل الحين بنلبس بسرعه ومشت لما وصلت يمه همست له:كل هاي علشان فاطمة مااقدر على اخوي العاشق الولهان. سعود اللي تفشل وقال في خاطره( بللللل هلون انا مكشوووف حسبي الله عليج ياجوجو) وراحت جواهر فوق تبدل وفي طريجها قامت تغني اجمل احساس في الكون انك تكون وياي ............. خخخخخخخخخخ ----------------------- دلال تزقر اختها:روااااااااااااااان،رواااااااان روان:شتبين انتي تصرخين كانج مكبر صوت عبالج مااسمع دلال:بسم الله صج لين قالوا ام السانين، وينها فاطمة روان:لحظة بادورها في مخباتي(جيبها) دلال:بلا سخافة تسوين روحج خفيفة فاطمة وهي نازلة:شفيكم انتو تصارخون دلال:شدراني في اختج ذي حشه ماتقدرين تكلمينها المهم تره انا رايحة عند مها بتيين حق دانة؟ فاطمة:لا،انا باروح حق خديجة دلال:اهاا ،كيفج.... روان:انا انا بايي حق علوي دلال:اففففففففففف انت من عزمج روان وتوها بتصرخ...... دلال:لا لا الله يخليج الا صراخج يلا يلا امشي ---------------------- ام مصعب:ها يمة نوف لقيتوا احد يوديكم نوف:اي يمة سعود نازل عليه الوحي قال بيودينا ام مصعب:الله يهديه انشاالله جواهر في خاطرها:نوفو بعد مصدقة عمرها عبالها علشانا مصعب:تبوني اوديكم انا نوف:عقب شنو مساعه نبي احد اودينا محد راضي والحين كل واحد يبي يودينا والله انكم....... مصعب:انا اقوم احاجي خطيبتي احسن لي من حشرتج راح مصعب عنهم واتصل حق سارة مصعب:هلا والله بهالصوت سارة بحيا:هلا فيك شلونك مصعب:بخير يوم اني سمعت صوتج انتي شلونج؟ سارة:دامك بخير عيل انا بعد بخير مصعب:ياحظي فيج سارة:اشوه انك بروحك تعترف انك محظوظ فيني مصعب:افا عبالي بتقولين (وانا بعد ياحظي فيك يامصعب) سارة:ههههههههه مصعب:تضحكين ها سارة :مصعب دقيقة بس في احد يطق الباب سارة جافت اللي بالباب وردت تكمل سوالفها معا خطيبها ---------------- حمد:دلال اجوفج لابسة دلال:أي بروح حق مها حمد:اهاا،سلمي عليها،تبيني اوصلج؟ دلال:لا البيت جريب شدعوه حمد:ماتبون تطلعون اوديكم مكان ولا شي دلال:لا،اذا نبي باتصل فيك حمد بانحباط:اوكي روان:يلا دلولة شفيج سنة دلال:اووه مدلعتني اليوم تقولينلي دلولة والله انج مزاجية يلا انزين مشينا روان سبقت دلال وركضت ودشت حق علي دلال وهي بتدخل فتحت الباب الا ناصر كان بيطلع دلال:السلام عليكم ناصر نزل نظارته: هلا دلال وعليكم السلام،شلونج؟ دلال:بخير الله يسلمك ناصر:وينج صار لج جم يوم ماجفناج دلال بحيا:بعد والله تعرف الدنيا ناصر:اي والله دلال:شكلك بتطلع مابي ااخرك ناصر:ها...،لا..لا ماباطلع دلال:عيل ليش لابس النظارة؟ ناصر:لا..بس اجربها علي دلال:ههههههه مرة وحده يات مها ناصر في خاطره(وقتج انتي بعد صج انج تقهرين ) مها:هلا دلول دلال:هلا مهوي وسلموا على بعض مها:انا انتظرج وانتي هني دلال اللي توترت:لا بس جفت ناصر وسلمت عليه مها:اها يلا انزين خله نروح الحجرة ناصر غمز حق دلال بس دلال مافهمت ليش سوه هالحركه وقال في قلبه(حسبي الله عليج يامها جان انج كهربتي الجو علي اففف منج) -------------------------- سعود مر على فاطمة ويا خواته ركبت فاطمة السيارة فاطمة:السلام عليكم ورحمه الله وبركاته الكل:وعليكم السلام والرحمة سلمت على جواهر ونوف سعود:ها فطيم شلونج؟ جواهر في خاطرها(اووه سعود يعرف يدلع بعد خخخخ) فاطمة بحيا:الحمدلله بخير،انت شلونك؟ سعود:انا بخير والحين بعد انا بخير اكثر جواهر نقزته من ورا علشان ينتبه حق كلامه سعود: ها...اي انا بخير اكثر لان...لان رفيجي توه متصل فيني وقالي انه رخصوه من المستشفى عاد انا مستانس له نوف:الله والشلخ،متى صار؟ سعود خز نوف وطالعها بنظرة خافت منها نوف:اي....اي صح اللي توه متصل.... ياحليله ..هههه ------------------- ام حمد:بوحمد، بغيتك بموضوع بوحمد:خير انشاالله ام حمد:ام فيصل صديقتي تبي تخطب فيصل حق دلال بوحمد:والله فيصل ماينعاب بس بعد لازم نسال عنه واهم شي راي البنت ،انتي شاورتيها؟ ام حمد:لا والله قلت اخبرك اول علشان انكلمها احنا الاثنين بوحمد:خلاص خير انشاالله اذا رجعت من عند مها بنكلمها ام حمد:لا اهيا شكلها بترد متاخر وبتكون تعبانة انكلمها باجر احسن بوحمد:خير انشاالله --------------------- سالم:خلوود خالد:هلا سالم:جانزين البنات هني عالاقل سوينا لهم مقلب ملل خالد:افا عليك نسيت انهم في بيتنا سالم :أي والله يلا يلا وراهم ههاي وراحو بيت بو خالد البنات كانوا في الصاله يجوفون التلفزيون ويسالفون سالم:بالعدال خلود لاتفضحنا اششششش خالد:انزين يلا انت امش جدامي وبعد ربع ساعه خديجة:شرايكم نروح الغرفة تمللت من التلفويون البنات:أي والله مي:وين رايحين قعدوا وياي متملله البنات:انتي تعالي ويانا الحجرة خلا نخلص سوالفنا مي:اقولكم شكلي تعبانة باقوم ارقد البنات :الحين ترقدين ورا دياية مي:احس بتعب ومالي الا النوم البنات:اوكي كيفج وراحوا الحجرة جواهر كانت جدامهم ماان بطلت باب الحجرة وتقدمت خطوتين الا وتصرخ جواهر:وااااااااااااااااااااااا وتطيح (طرااااااااااخ) البنات بطلوا عيونهم راحوا لها يبون يشيلونها وطراااااااااااااااااااااخ جان يطيحون وياها طلعوا لهم سالم وخالد وقاموا يضحكون على شكلهم خخخخ سالم وخالد كبوا ماي مع صابون عند بداية الحجرة خخخخخ تموا البنات يتحلطمون ويصرخون والصبيان ناقعين ضحك عليهم لما صارت الساعه تسع كل واحد رجع حق بيته -------------------- في الليل جواهر تمت تفكر بالمواقف والمقالب اللي سالم دوم يسويها لهم جواهر في خاطرها:لين متى انتظرك ياسالم تعبر لي عن مشاعرك لين متى باتم وراك انتظرك تبين لي شي ياخوفي بس انك ماتكن لي مشاعر ياخوفي اني اطلع عايشة بوهم بوهم حبك ياسالم وطلعت دفترها وبدت تكتب فيه اللي في قلبها:: انتظره،ولكنني اجهل مشاعره فهو غامض وجاف طبعه لا ادري الى متى ساظل اتابعه فهل ياترى ساكون من نصيبه ام سيرحل وينسى قلب يعشقه فعندها ساكون جسدا فاقدا روحه اما عنه فسيكون ميت احساسه لانه ترك نفسا مغرمة بهواه -------------------- ياترى شراح يصيربين: فاطمة+سعود ناصر+دلال جواهر+سالم حمد+مها وهل راح توافق دلال على فيصل؟ وهل سالم يبادل جواهر بنفس الشعور؟ ------------------- اتمنى انه يعجبكم بانتظار ردكم وياليت اسمع توقعاتكم Quote Link to comment Share on other sites More sharing options...
الحايرة Posted ديسمبر 7, 2008 Report Share Posted ديسمبر 7, 2008 ثااااانكيوووووو زنجبيلوووووو على القصة الرووووعة في انتظار البارت الجااااي يسلموووووووو تحياتي،، Quote Link to comment Share on other sites More sharing options...
زنجبيل المملكة Posted ديسمبر 7, 2008 Author Report Share Posted ديسمبر 7, 2008 ! 3 ! ---------------- بيت بوحمد دلال توها صاحية من النوم نزلت تحت علشان تفطر دلال: صباح الخير ام حمد:صباح النور،هلا يمة دلال شلونج؟ دلال :بخير يمة ام حمد:دلال يمة كملي اكل وتعالي مكتب ابوج دلال:خير يمة ام حمد:الخير بويهج،بس انا وابوج عندنا موضوع بنكلمج فيه دلال:خير يمة؟؟ ام حمد:انتي خلصي اكل وبعدين تعرفين راحت ام حمد لمكتب بوحمد تنتظر دلال في هاللحظة نزلت فاطمة فاطمة:صباح الخير دلال بتوتر:هلا صباح النور فاطمة:شفيج هلون مب على بعضج دلال:مادري امي وابوي يبوني اروح المكتب يقولون في موضوع بيكلموني فيه فاطمة اللي بدأ التوتر يظهر عليها:شالسالفه؟ دلال:اقولج انا نفسي مادري،يلا خلا اقوم اجوف شالسالفه بدل مااقعد على اعصابي فاطمة:بسرعه بعدين قوليلي سصاير راحت دلال لمكتب ابوها ------------------------------------------ سارة كانت في سابع نومه الا ويرن تلفونها سارة بتعب:الوووو مصعب:صباح الخير والورد سارة:صباح النور هلا مصعب مصعب:شلونح؟ سارة:الحمدلله بخير انت شخبارك؟ مصعب:الحمدلله تمام اقول سارة سارة:آمر مصعب:شرايج نستعيل بموضوع الزواج، الحين عطلة واعتقد انه انسب وقت حق الزواج سارة:اجوفك مستعيل ههههه، انا اقول بعد بس خلني باكلم بيتنا وباجوف مصعب:خير عيل،يلا لاتنسين مع السلامة سارة:الله يحفظك -------------------------------- مي:يمة اليوم منيرة صديقتي عازمتني ام مصعب:متى؟ مي:العصر، ملل وقلنا نزور بعض ام مصعب:منيرة رفيجتج ماعليها كلام ماشاالله عليها مي:يعني اروح؟ ام مصعب:أي يمة ماعندي مانع نوف:يمة انا بعد باروح حق رفيجتي هدى ام مصعب:اليوم؟ نوف:اي يمة عاااااااااااااد ام مصعب:زين يمة نوف:تعيش ام مصعب جواهر نزلت وتكمل على نوف جواهر:تعيش تعيش تعيش ههههه ------------------------------------------ دلال متفاجأة من الخبر قامت اتطالع امها وابوها ومو مستوعبة بوحمد:ها دلال شقلتي دلال تمت ساكتة مو مستوعبه اللي يصير وماقدرت تقول ولا كلمة ام حمد:دلال يمة احنا مانبي نقصبج انتي فكري عدل ولاتنسين ان قرارج هو مستقبلج دلال:انشاالله دلال طلعت وهي مو مصدقة فاطمة:ها دلول شالسالفة دلال:ها....لا..... فاطمة:دلال تكلمي خرعتيني دلال:فاطمة الله يخليج خليني بعدين اقولج وراحت دلال غرفتها تفكر وماتدري شتسوي دلال تحب ناصر بس ماتدري الحين شتسوي تلخبطت افكارها في بعض ---------------------------------------- جواهر:الو السلام عليكم فاطمة:عليكم السلام هلا جوجو جواهر:شلونج فطيم؟ فاطمة:الحمدلله بخير وانتي؟ جواهر:تمام بخير اقول فطيم عندج شي اليوم فاطمة:لا سلامتج شرايج تيين بيتنا جواهر:وانا متصلة علشان جذي فاطمة:اوكي عيل بانتظارج باي جواهر:باي ------------------------------- سالم: سعود شرايك نروح البحر نصيد سمج سعود:والله انك فاضي هههههههههه مالي بارض خالد:عفية سعود اي والله ودي اروح اصيد سمج وقعدوا سالم وخالد على راس سعود يحنون الا يوديهم سعود:زين زين افففففف منكم تغربلون سالم: حبيبي والله سعود خالد:زين عيل جهزوا الاغراض قاموا كلهم يجهزون الاغراض ويشترون اللي ناقصهم -------------------------- دلال تكلم مها في التلفون مها:من صجج دلال:يعني باتغشمر مها:وانتي شفيج متضايقة دلال:ها.......بصراحه.......مادري مها:ماعندج سالفه اذا مو عاجبج رفضي وانتهت السالفه دلال:مادري مها:يلا الفال لي هههههههه وعلى هالجملة يدش ناصر ناصر نقزه قلبه على اللي سمعه ناصر يأشر على مها انها تسكر التلفون علشان يطمن روحه مها:اوكي اكلمج بعد شوي باي مها سكرت التلفون ولفت على ناصر ناصر:تكلمين مين مها:يعني اكلم مين اكيد دلال ناصر اللي خاف ناصر:شالسالفه اجوفج تقولين( الفال لي) مها:اففف صج انك فضولي ياخوي السالفة ان في واحد متقدم حق دلال وبس ناصر انقلب ويهه وقام من مكانه وهو مو مستوعب دلال:ناصر شفيك؟ ناصر بعصبية:مافيني شي وتوه بيطلع الا وتيوده مها من يده مها:ناصر انت تحب دلال؟ ناصر:--------- مها:ناصر جاوبني يمكن اقدر اساعدك ناصر:اي احبها يامها احبها تعرفين يعني شنو احبها مها:وليش ماقلت لي من قبل ناصر:الحين اللي يهمني انها ماتوافق على اللي ياها وانا مستعد على طول اخطبها مها:الله يسوي اللي فيه الخير ياخوي طلع ناصر من عند مها ودخلت عليهادانة دانة:شفيه ناصر شكله زعلان؟ مها:وانتي شاللي يخصج صج فضولية دانة:بسم الله شفيكم كل واحد معصب ام ناصر تنادي دانة ام ناصر:دااانة........داااااانة دانة:نعم يمة ام ناصر:تعالي تلفونج رفيجتج تبيج مها:فكه منج هههههه دانة:عبالج باخليج بارجع ههههههه طلعت دانة وجافت ابوها قاعد يطالع التلفزيون دانة:ها الشايب اجوفك تطالع التلفزيون بوناصر:ابوج شباب اتقولين عنه شايب دانة:اقول يبه بعد اتناقش وياك خله الحق على تلفوني قبل ماتصكه رفيجتي ------------------------- مي وصلت اختها نوف عند صديقتها هدى وراحت حق صديقتها منيرة مي:السلام عليكم هلا منور وحشتيني منيرة:هاااااااااااااااي هلا ميو يالدبة انتي وحشتيني اكثر حضنوا بعض ودشوا داخل ام منيرة كانت موجوده بالصالة مها راحت وسلمت عليها مي:السلام عليكم ام منيرة:وعليكم السلام حياالله من يانا مي:الله يحييج خالتي شلونج عساج بخير ام منيرة:الحمدلله يمة انتي شلونج وشلون امج؟ مي:الحمدلله تسلم عليج ام منيرة: الله يسلمها وينج انتي ماتبينين وحشتينا يمة مي:انتي اكثر خالتي مشكورة وماتقصرين وفي هاللحظة يدش سلطان اخو منيرة سلطان:السلام عليكم الكل:وعليكم السلام سلطان تم يناظر مي ويقول في خاطره:لا القمر اليوم زارنا في بيتنا مي استحت من نظرات سلطان لها سلطان:شلونج........ مي:...مي سلطان في خاطره ياحلوه من اسم سلطان:شلونج مي؟ مي:الحمدلله بخير ام منيرة:ها سلطان ماتبي تعرس البنت ولقيناها ؟ مي انقلب ويها الوان استحت وماتدري شتسوي نقزت منيرة انهم يروحون الحجرة وعلطول مشوا ام منيرة:ياحليلها استحت سلطان:بس يمة والله انها مزيونة ام منيرة:والله انك ماتنعطه ويه ههههههه ------------------------ سالم:سعود تدري انك صياد فاشل سعود:ارجوك ارجوك يالناجح خالد:اقول سلوم قلبي يعورني اليوم ماغربلنا البنات سالم:اي والله تصدق حتى انا بس يلا الايام ياية اذا مو اليوم باجر وين بيروحون خخخخ سعود:صج انكم عفاريت خلوهم في حالهم ولاتجربون صوب خواتي احم احم تره عندهم اللي يحميهم هههه سالم:عاد انا ماتكتمل فرحتي الا اذا غربلتهم كلهم مالي دخل فيك سعود:اقولك بس زين تسوي فيهم يستاهلون خالد:هههههه يلا انت بعد بنضمك ويانه ههههه سعود:ههه تبون تكونون عصابة ------------------- يوسف:يمة فيصل ولد رفيجتج ام فيصل؟ ام حمد:اي يمة يوسف: والله مادري انتوا سالتوا عنه؟ ام حمد:لا والله ليحين يوسف:ودلال شقالت ام حمد:ماردت علي يوسف:انا باسال عنه انشاالله، بس انتوا لا تستعيلون خلوها تاخذ راحتها وفي هاللحظة يدش عليهم حمد حمد:السلام عليكم ام حمد+يوسف:عليكم السلام حمد:شفيكم شكله وراكم سالفه؟ ام حمد +يوسف خبروا حمد عن الموضوع حمد:الفال لي ام حمد:الحين احنا نتكلم عن اختكم تقول الفال لي والله انك بارد يوسف:خله يمه شكله حاط وحده في باله حمد:اللي يعجبني فيك انك تقره افكاري خخخخخخ يوسف:ومن هي تعيسة الحظ هههه؟ حمد:احم اذا يه الوقت المناسب باقول لكم ام حمد:انشاالله افرح فيكم كلكم عاد من اهيا ياحمد بعد اذا الحين مو ناوي تعرس عيل متى؟ حمد:جريب ياام حمد جريب انشاالله -------------------- مها كلمت دلال وخبرتها انها بتيي عندها وصلت مها وسلمت على دلال مها ودلال كانوا بيركبون فوق الا حمد نازل حمد:السلام عليكم هلا مها مها:عليكم السلام حمد:شلونج عساج طيبه؟ مها:بخير يسرك الحال انت اخبارك؟ حمد:الحمدلله عاش من جافج دلال:لا انا اقول شكلي اروح احسن شفيكم نسيتوني مها استحت اما حمد فقال في خاطره (يكون احسن)خخخخخ بعدها كملوا مها ودلال طريقهم وراحوا الغرفة مها:ها دلال الحين شلون وافقتي؟ دلال:والله مادري يامها شاقولج مها:دلال باسألج سؤال ياليت تجاوبيني بصراحه دلال:آمري مها:انت حاطه احد في بالج دلال توترت :انا..........ها....لا...لا مها:دلال انا قلت بصراحه دلال:مها انا اللي باسألج بصراحه انتي من مساعه تلمحين على شي شنو؟ مها:دلال بصراحه انا مادري شاقولج بس تره ناصر اخوي مستعد يخطبج اذا رفضتي فيصل دلال متفاجأة وتقول في خاطرها يعني يبادلني بنفس الشعور والله انج طمنتيني يامها دلال مستحية:بصراحه انتي فاجأتيني يامها مها:انا مااقولج رفضي فيصل انتي فكري عدل هاذي حياتج صج ان ناصر اخوي بس بعد انتي اختي دلال استانست من كلام مها وحضنوا بعض ------------------- مي استاذنت من وقت من بيت منيرة ومرت على اختها نوف اللي تمت تتحلطم ليش انها يات تاخذها من وقت ورجعوا البيت ----------------------- جواهر وصلت حق فاطمة جواهر:السلام عليكم هلا فطيم فاطمة:عليكم السلام هلا جوجو سلموا على بعض وتوجهوا غرفة فاطمة فاطمة تمت تسولف ويا جواهر بس جواهر ترد باجوبة مختصرة فاطمة:جواهر شفيج اليوم شكلج من مساعه تبين تقولين شي،اذا عندج أي شي قوليلي انتي تعرفين ان سرج راح يكون في بير وانتي ماتعودتي تخشين عني شي جواهر:بصراحه يافاطمة انا في قلبي شي ودي اقوله بس مستحيه ومادري شاقول فاطمة:ومن متى احنا نستحي من بعض،يلا قولي الله يخليج الفضول بياكلني ههههه جواهر:بصراحة...........بصراحه.....بصراحه يافاطمة انا احب سالم اخوج -------------------- ياترى هل راح توافق دلال على فيصل دام انها عرفت شعور ناصر ومي وسلطان هل راح تتطور علاقتهم وفاطمة شراح ترد على جواهر وهل راح تعرف جواهر اذا سالم يبادلها بنفس الشعور ومها وحمد شراح يصير بينهم انتظر ردودكم وتوقعاكم Quote Link to comment Share on other sites More sharing options...
danat aldonya Posted ديسمبر 7, 2008 Report Share Posted ديسمبر 7, 2008 يسلموووو القصة شكلها حلوة وتحمس بالانتظاااار Quote Link to comment Share on other sites More sharing options...
زنجبيل المملكة Posted ديسمبر 7, 2008 Author Report Share Posted ديسمبر 7, 2008 ! 4 ! فاطمة واللي كان يبين الهدوء على ملامحها ولا كأنها متفاجأة جواهر استغربت من فاطمة لان ملامحها ابدا ماكانت تبين انها متفاجأة فاطمة:وش الجديد في الموضوع؟ جواهر فجت عينها جواهر:فاطمة الله يهداج لاتصيرين باردة تره اعصابي ماتتحمل فاطمة تبي ترفع ضغط جواهر:هه ماعندك سالفة وش فيها اعصابك ماتتحمل ليكون عندها عملية ولادة خخخخخخخخخخ جواهر:انا اللي مستغربة منه اكثر هو اني مااجوف علامات تعجب على ويهج فاطمة:وليش تجوفين علامات التعجب تره انا اعرف كل شي وادري انك تحبين اخوي سالم من قبل ماتقولين لي. جواهر بتعجب:تعرفين!! شلوووون؟! فاطمة:جواهر وش فيك؟ ليكون عبالك انا اعرفك من يوم ولا يومين واحنا من متى تعودنا نخش على بعضنا يعني اذا انتي خشيتي عني قلبج يفضحك عندي. جواهر:طلعت هلون مكشوفة وأنا مادري!! وضافت جواهر بضيقة صدر:اللي مضيق خلقي اكثر ان اخوج جاف ومايبين لي شي فاطمة مستحية:انزين شرايج انا بعد اقولج شي؟ جواهر:ادري بتقولين انتي بعد تحبين اخوي سعود فاطمة فجت عيونها:شدراج؟!! جواهر:مثل ماانا مفضوحه عندج تره حتى انتي مفضوحه عندي بس انتي مشكلتج اهون مني فاطمة:لا اهون ولا شي جواهر:فاطمة لاتقصين علي اخوي سعود احيانا يبين من حركاته اما سالم فمااقول الا انا لله وانا اليه راجعون فاطمة استحت وفي نفس الوقت تذكرت موقف سعود معاها يوم الحفلة والكلمة اللي طلعت منه جواهر تأشر على فاطمة جواهر بنص عين:وين سرحتي؟ فاطمة:وياج وياج جواهر:اشك فاطمة:ماتحسين ان كنا وايد جريئين ويا بعض هههه جواهر:مو اول مرة،صدقيني انا ماقلتلج الا لاني اعتبرج صديقتي واختي وكل شي فاطمة بابتسامة:وانتي بعد وحضنوا بعض....... جواهر كلمت امها وخبرتها انها بتنام عند فاطمة -------------------------------- اليوم الثاني الصبح حمد+يوسف راحوا غرفة دلال ياخذون رايها يوسف:الحين شنو قررتي يادلال؟ دلال:بصراحه مادري ليحين محتارة ومومتشجعه حمد:انتي براحتج يادلال اللي يريحج راح نسويه بس تره سالنا عن الولد ومدحوه يوسف:على فكرة دلال تره باجر بيون علشان يخطبونج رسمي ومنها تشوفينه يمكن تغيرين رايج دلال فجت عينها :باجر،بل استحي حمد:مااقدر اصدق دلاااااال تستحي لا لا مو معقولة دلال:حمد كلش مو حزتك علشان تتثيقل دمك حس يااخي في الموقف اللي امر فيه يوسف:هههه شموقفه الله يهداج وراه بياكلج بسي تجوفينه ويجوفج دلال:الله يعين ودشت عليهم روان روان:انتو هني؟ حمد:لا هناك هههههه دلال:روان ماتعرفين تدقين الباب روان:زين مني ياية اقولج ان مها اتصلت وتقولج روحي لها البيت حمد استانس يوم سمع اسمها دلال:عجيبة ليش اتصلت عالبيت؟ليش مااتصلت على تلفوني النقال! روان:وانا شدراني المهم تره انا بايي وياج حق علوي حمد:لا مافي علوي صبي روان:مو كيفك باروح وطلعت له لسانها ومشت خخخخخخ حمد:هاذي لسانها يبيله قص يوسف:هههههه صدقوا لين قالوا ام السانين دلال قامت تتلبس عشان تروح حق مها --------------- فاطمة:شرايج باتصل حق دانة وخديجة واختج نوف عشان يجون بيتنا ونكتمل جواهر:اي والله فكرة فاطمة:وعلشان تكتمل الفرحه بعد لازم تنامون عندي الليلة جواهر:لا يمكن امي ماراح توافق من أمس أنا عندج فاطمة:ماعليج خالتي خليها علي جواهر:اوكي،يلا اتصلي اتصلت فاطمة في دانة ونوف وخديجة وخبرتهم وكلمت خالتها ام مصعب واقنعتها برقده البنات وقعدت ويا جواهر ينتظرونهم --------------------- سارة راحت حق امها تكلمها عن موضوع الزواج سارة:يمه ممكن اتكلم وياج الحين ولا مشغولة؟ ام خالد:تفضلي يمة حتى لو كنت مشغولة افضي روحج لج انا جم سارة عندي سارة بابتسامة:تسلمين ياام خالد ام خالد:الله يسلمج يابنيتي،خير يمة شالسالفة؟ سارة:الخير بويهج يمة ،بس يمة انا ناصر كلمني وتشاورنا ان نستعيل بموضوع الزواج دام احنا في عطلة الحين، صارت لنا سنة من واحنا مخطوبين لين متى بعد ننتظر. ام خالد:انا ماعندي مانع والعطلة انسب وقت خل نكلم ابوج ونجوف. سارة:متى بتكلمينه يمة؟ ام خالد:وقت ماتبين سارة:الحين يمة ام خالد:الحين الحين ليش لا انا جم سارة عندي وراحت ام خالد حق ريلها تكلمه ام خالد:خليفة عندي موضوع باكلمك فيه بوخالد:خير ياحصة؟ ام خالد:الخير بويهك بس انت تعرف سارة ومصعب صار لهم سنة وهم مخطوبين والحين عطلة والوقت مناسب حق الزواج. بوخالد:انتي كلمتيهم ام خالد:اهما اصلا اللي عرضوا هالشي بوخالد:وانا بعد رايي من رايكم سارة بنتي وابي افرح فيها اليوم قبل باجر ام خالد:شرايك يابوخالد بعد شهر ونص بوخالد:خوش وقت بس انتي قوليلهم وخل اهما يتفقون على الوقت ام خالد بفرح:عسى الله يتمم بينهم بخير بوخالد:امين ام خالد:عيل انا خل اقوم ابشر سارة وراحت ام خالد تبشر بنتها وتحتضنها وسارة اللي طارت من الفرحه ماتقدرون توصفون فرحه ام خالد ببنتها ولا فرحه سارة بقرب اليوم اللي راح يجمعها معا مصعب. ----------------------- دلال وروان وصلوا حق مها وعلوي رن الجرس في بيت بوناصر مها:من؟ دلال:انا دلال مها:دلال! حياالله من يانا شالمفاجأة دلال استغربت ليش تقول المفاجأة؟!! مها:هلا روان شلونج؟ روان :بخير،اقول مها علوي وينه؟ مها:داخل يلعب بليستيشن روان:اللاااااااااي مها:عاد تصدقين دلال انا توني باتصل فيج تييني دلال استغربت وقالت في قلبها يعني هاي جذبة من روان وطالعت روان روان ابتسمت لدلال ابتسامة خبيثة روان:اوكي عيل انا باروح العب ويا علوي مها:اوكي ودشت دلال مع مها وراحوا الغرفه روان راحت حق علي روان:هلا علوي علي:هلا روان تعالي تعالي روان:ليش شتسوي علي:جوفي ذي الشريط عجيب توني شايره امشي لعبي وياي ملل بروحي روان:عطني عطني افا عليك وقعدوا يلعبون -------------------- وصلوا دانة وخديجة ونوف عند فاطمة وجواهر سلموا على بعض ودشوا يطالعون التلفزيون ويسالفون ------------------- بومصعب:وينهم البنات؟ ام مصعب:رايحين حق فاطمة بومصعب:ادري بس جواهر عندها من امس ليحين مارجعت ام مصعب:والله فاطمة عزمت البنات وبينامون عندها الليله الحين اجازة خلهم يستانسون وتدخل مي عليهم مي:يبة ويمة منيرة صديقتي كلمتني وتبيني اطلع وياها نروح السوق بومصعب:انتو يالحريم ماتشبعون من هالسوق مي:وفي احلى من السوق،انزين اروح؟ ام مصعب:جوفي ابوج مي:يبة اروح؟ بو مصعب:مابقه احد في البيت كل واحد في صوب، اذا بتروحين حاولي ماتتاخرين انزين يبه مي:انشالله وحبت امها وابوها على راسهم ------------------------ بوحمد:شلون الحين عن دلال ياام حمد خبرتيها انهم يايين باجر. ام حمد: اي خبرتها واخوانها يوسف وحمد بعد خبروها بوحمد:انا كلمتها مساعه بس شكلها مو متشجعه ام حمد:باجر بتجوفه ويمكن تغير رايها بوحمد:مادري والله كلشي جايز ام حمد:ياحليلها بنتي كبرت وبتصير عروس بوحمد بابتسامة:الله يسوي اللي فيه الخير والصلاح ام حمد:امين ------------------- سالم وخالد كانوا معا سعود في السيارة خالد:اوووه نسيت سالم:شنسيت؟ خالد:تدري ان البنات متجمعين في بيتكم سالم:احللللللف خالد بخث:والله سعود:مساكين والله هالبنات سالم :انا قلبي اعورني كفاية امس ماسوينا لهم شي اليوم بعد مستحيل سعود:صج انكم مجرمين خالد:وانت بعد بنخليك مجرم ويانا سعود:والله يهال سالم:يهال في عينك انت جرب وبتتلذذ بتعذيبهم خخخ اقول يلا بسرعه ودنا بيتنا وانزل ويانا سعود:مااقول الا حسبي الله عليكم ---------------------- وصلت منيرة عند مي سوت لها رنة وطلعت لها مي مي:السلام عليكم منيرة:وعليكم السلام هلا ميووه شخبارج؟ مي:يسرج الحال ،انتي اخبارج؟ منيرة:تمام الحمدلله مي:شخبار امج؟ منيرة:بخير تسلم عليج مي:الله يسلمها ،امي بعد تسلم عليج منيرة:الله يسلمها وراحوا المول ---------------------- خديجة:دقيقة باروح للمغسلة اغسل الكافي اللي لعوز ثيابي دانة:هههه كانج ياهل ماتعرفين تاكلين خخخخخ الكل:ههههههه راحت خديجه تغسل يدها سمعت صوت وراها لفت الا يوسف هو اللي وراها يوسف:السلام عليكم خديجة:عليكم السلام يوسف:هلا خديجة عاش من جافج خديجة بحيا:الله يعافيك يوسف:وينج من زماااااااان مابينتي خديجة:انت اللي ماتبين انا دوم ايي هني بس مااجوفك يوسف يبي يفشلها يوسف:ليش دورتيني؟ خديجة تفشلت ماكان قصدها جذي خخخخ خديجة:ها...لا.. بس يوسف قاطعها لانه حس انه صج فشلها يوسف:المهم يلا الحمدلله جفناج (يوسف في خاطره ماشاالله صج صرتي قمر) خديجة:عن اذنك عيل انا رايحه حق البنات يوسف بنص عين ويبي بعد يفشلها:عاد خلينا نطالعج خديجة:انشالله وتوها مشت خطوتين الا ويناديها يوسف خديجة:آمر يوسف وليحين ماشبع بعد يبي يفشلها يوسف:شرايج فيني كشخة ولا؟ خديجة مستحية:لا ماشالله كشخة يوسف:اوكي عيل باي خديجة:باي خديجة في خاطرها(كشخة وبس الا تطيح الطير من السما بس حسبي الله عليك صج تحب تفشل)ههههه ----------------------------- سالم+خالد+سعود وصلوا( طبعا بعد ماجهزوا الخطة) سالم:يلا شباب مثل مااتفقنا كل واحد يروح لمكانه خالد:اوكي سعود:بنجوف اخرتها وياكم،تعالوا فرضوا مايكونون لابسين شيلاتهم سالم:لا تخاف اصلا لو ما بيكونون لابسين الشيلات جان انا مارضيت بس اهما الشيلات دوم عليهم الا اذا راحوا الغرفة وقفلوها عليهم سعود بخبث:اذا جذي عيل اوكي خالد:يلا انزين مافي وقت كل واحد يروح مكانه ولا تخربون الخطة توجه كل من الشباب على مكانه البناتكانوا في الصالة وكانوا مستانسين سوالف وضحك فجأة يرن الجرس فاطمة:من ياينه؟! خلا اروح اجوف خديجة:خلي الخدامة تجوف فاطمة:يه الخدامة ولا عليها من شي ماتشيل خلا اقول انا احسن دانة +نوف:احنا بنيي وياج فاطمة:الا باجوف الجرس دانة+نوف:معليه نبي نتحرك شوي فاطمة:اوكي يلا قومي راحت فاطمة وردت من داخل فاطمة:من؟؟.....من؟؟ فاطمة سكرت الجهاز فاطمة:الجهاز شكله مخترب ماادري شالسالفه خله نروح نجوف عند الباب دانة ونوف :يلا طلعوا الحوش يجوفون من عند الباب الا ويسمعون صوت فوقهم وكان احد يناديهم رفعوا راسهم فوق الا سعود يطالعهم وهو يضحك وعلطول يكب عليهم حوض مااااااااااي كثييييير (طبعا اللي طق الجرس هو خالد) البنات صرخوا:لاااااااااااااااااااااا وسعود ناقع عليهم ضحك شكلهم كان يفطس ضحك مبللين ماي من فوق لي تحت. البنات دشوا وهم يتحلطمون على طول راحوا غرفة فاطمة عشان يبدلون دشوا الغرفه الا ويسمعون حركة عند الباب مايجوفون الا سالم وعنده المفتاح طلع من الحجرة بسرعه وقفل عليهم الباب فاطمة:سااااااااااااااااااااااااااااااااااالم تعاااااااااااااااال يالدب نوف:حتى سعود وياهم لكن معليه انا اراويهم فاطمة ودانة ونوف قاموا يصرخون ويطقون الباب من داخل ام حمد سمعت الصراخ خافت وبسرعه توجهت للحجرة تجوف شالسالفة والبنات بعد سمعوا الصراخ وراحوا يجوفون تلاقوا البنات مع ام حمد البنات:خالتي شالسالفة؟ليش يصرخون؟! ام حمد بخوف:مادري انا الحين رايحه وراحوا كلهم فاطمة ودانة ونوف بصراخ:بطلووووووا الباااااااااااااااااااااب ام حمد وصلت عند باب الحجرة:شفيكم تصرخون ،فاطمة شالسالفه؟ فاطمة بعصبية:وفي غير هالعفاريت بطلوا الباب خديجة:ليش وين المفتاح دانة:الشباب قفلوا علينا الباب ام حمد:حسبي الله على بليسهم لحظة باروح اييب النسخة مال المفتاح يابت ام حمد المفتاح وبطلت الباب وبدلوا ثيابهم وقالوا القصة حق باقي البنات اللي فطسوا ضحك عليهم وحمدوا ربهم انهم ماكانوا وياهم ------------------------ حمد اللي يدري ان دلال بيت مها فاتصل فيها حمد:السلام عليكم دلال:عليكم السلام حمد:هلا دلولة شخبار دلال:هلا حمد الحمدلله حمد:وين انتي دلال:عند مها حمد:اها دلال:ليش شفيك حمد:لا ولاشي،اوكي سلمي عليها باي دلال :يوصل بايات سكرت دلال من حمد وخبرت مها ان حمد يسلم عليها مها استانست من خاطر دلال:مها تدرين ان باجر بيون مها:اي صح، بس لاتخافين انتي بس راح تجوفينه اذا عجبج زين واذا ماعجبج تره ناصر بعد شاريج دلال مستحية بس ردت عليها بابتسامة ---------------- في المول منيرة:اخ تعبت ظهري يعورني مي:اي والله حتى انا مايجوفون الا شاب يتقرب صوبهم رفعوا راسهم الا سلطان اخو منيرة سلطان:هاي البنتين:هايات سلطان:هلا مي شلونج؟ مي بحيا:الحمدلله سلطان:شالصدفة الحلوة منيرة في خاطرها:شالصدفة الحلوة والا من عرفت اني بايي هني مع مي لحقتنا منيرة طالعته بنص عين وقال:ياسبحان الله صج صدفة سلطان فهم نقزة منيرة سلطان:مي اشيل الاغراض عنج مي استحت:لا مشكور الاغراض خفيفة منيرة:انا شيل الاغراض عني سلطان :محد سالج مي ضحكت سلطان في خاطره(فديت هالضحكة) منيرة:يلا مي بس تعبت خل نطلع سلطان:افا وين مابتتعشون انا باتعشه الحين عالاقل كلنه مرة وحده مي في خاطرها(وايد متفائل خخخخ صج عليك حركات ياسلطان) منيرة:لا والله هاي اللي قاصر سلطان:لا يعني انتو في طاولة وانا طاولة غير منيرة:احنا تعبانين الحين يلا باي سلطان في خاطره(اراويج يامنور حسبي الله عليج) مي:فشلتيه مسكين منيرة:ماعليج منه هاذي مايتفشل مي:هههه حرام عليج وطلعوا من المول وردوا البيت --------------------- في الليل عند البنات جواهر:اوه نسيت تلفوني برع باروح اييبه فاطمة:اوكي راحت جواهر تييب تلفونها من الصالة الا تسمع صوت احد يدش لفت الا سالم جواهر يوم جافته نبضات قلبها قامت تنبض بسرعه سالم:هلا جواهر ليحين قاعدين جواهر:اي والله تعرف وايد بنات وحلوة السهرة سالم:شرايج في المقلب اللي سويناه مساعه جواهر:اي صح اجوف سعود بعد انضم وياكم ههه سالم:جفتي شلون، الا انتي ليش بروحج هني جواهر:لابس لاني كنت ناسية تلفوني وييت اخذه سالم:اها،ادوره وياج؟ جواهر:لا خلاص لقيته سالم:طيب تامرين على شي جواهر:سلامتك،اي صح باجر راح يجزن يخطبون دلال صح؟ سالم:انشالله جواهر:يلا الفال لك سالم بابتسامة جذابة:الله يسمع منج هههههههه جواهر:ههههههه سالم:يلا عيل تصبحين على خير جواهر:وانت من اهله رجعت جواهر للبنات وهي مستانسة من الحوار اللي دار بينها وبين سالم حسته انجاز انها خذت وعطت في الكلام وياه ----------------- اليوم التالي البنات من الصبح ساروا لبيوتهم اليوم راح يجون يجوفون دلال بعد المغرب دلال تمت خايفة وتفكر في اللي راح يصير ام حمد تفكر في بنتها اللي كبرت واللي بتصير عروس بوحمد يفكر في بنته اللي كانت صغيرة وبلمح البصر كبرت ويمكن تصير عروس وقال في خاطره (صج الايام تركض) ----المغرب---- ام حمد:دلال يمه مابقه وقت بعد جم دقيقة راح يجون دلال:انشالله يمة اكاني في اللمسات الاخيرة روان:دلال انا احبج لا تروحين دلال:انا بعد احبج ومن قالج باروح اصلا انا مااقدر اخلي اختي روونة واروح عنها روان دمعت عينها وراحت حضنت اختها رن الجرس دلال:امبييييييييه وصلوا ام حمد :يلا يمة دلال وصلوا انا باروح استقبلهم وانتي جهزي وبعدين تعالي دلال بتوتر:انشالله يمة --------------- انتهى الجزء قراءة ممتعه^^ Quote Link to comment Share on other sites More sharing options...
محرقاويه مفتخره Posted ديسمبر 7, 2008 Report Share Posted ديسمبر 7, 2008 يسلموو زنجبيل ع القصه الروعه Quote Link to comment Share on other sites More sharing options...
زنجبيل المملكة Posted ديسمبر 7, 2008 Author Report Share Posted ديسمبر 7, 2008 ثااااانكيوووووو زنجبيلوووووو على القصة الرووووعة في انتظار البارت الجااااي يسلموووووووو تحياتي،، العفو الله يسلمج كوني من المتابعين يسلموووو القصة شكلها حلوة وتحمس بالانتظاااار اي اي واصليني للنهاية واتحداج ما اتصيحين يسلموو زنجبيل ع القصه الروعه الله يسلمج Quote Link to comment Share on other sites More sharing options...
danat aldonya Posted ديسمبر 7, 2008 Report Share Posted ديسمبر 7, 2008 thanks waiting Quote Link to comment Share on other sites More sharing options...
زنجبيل المملكة Posted ديسمبر 7, 2008 Author Report Share Posted ديسمبر 7, 2008 ! 5 ! دلال بعد ماتجهزت تمت جامدة في مكانها مستحية تروح تنزل . ام حمد يات لها ام حمد:دلال يمة وينج؟ يلا الريال ينتظرج دلال:انشاالله يمة نطريني بايي وياج ام حمد:يلا وراحوا داخل المجلس ------------------ سلطان راح لامه الغرفه سلطان:شلونها ام سلطان ام منيرة:الحمدلله بخير بشوفتك ياولدي سلطان:دووووم العيوز ام منيرة:عيوز في عينك بو منيرة بمكر:شفت شلون يابوك خذيتلي عيوز وابتلشت سلطان:هههههه ام منيرة:وييييه اسكت اسكت نسيت روحك يالشايب سلطان:ههههه ويا حشرتكم العجيبة اعترف انا انك يابو سلطان شايب وانج يا ام سلطان عيوز خخخخخخخ وشال عليها وطلع برع الحجرة وهو يضحك قبل مااييه شي وفجأه كانه تذكر شي ورد رجع الغرفه سلطان :اقول الحلوين ام منيرة:الحين حلوين ها بومنيرة:شعندك يالمصلحجي(راعي المصلحه) قول سلطان:الله يسلمك يالوالد والوالدة يام وابو سلطان ولدكم العجيب الا وهو انا يبي يعرس ام منيرة:هاي الساعه المباركه سلطان:احم احم بومنيرة:ومن تعيسة الحظ سلطان:ماباقوكم الحين خلكم تتعبون وانتوا تفكرون شوي هههه نطروا ليم مايصير الوقت المناسب باقولكم يلا قوموا وخطبولي ام منيرة:مايصير خاطرك الا طيب بس ها هالله هالله بالعروس اللي بتختارها ولا تره انا باختارها سلطان:افا عليج يام سلطان انتي لاتحاتين العروس وطلع وهو يضحك بومنيرة:تخبل الريال ام منيرة:اي والله هههههههههه --------------------------- دلال ماان جدمت خطوة داخل الميلس الا وانصدمت باللي جدامها انصدمت من جمال ووسامه فيصل،شاب وسيم بمعنى الكلمة وكانوا بوحمد و يوسف وحمد وسالم موجودين بعد دلال بحيا:السلام عليكم فيصل بابتسامه جذابة تذوب الواحد:عليكم السلام ورحمه الله وبركاته جدمت دلال ويلست على الكرسي وهي منزلة راسها فيصل:شحالج دلال؟ دلال وذابت توها تحس ان اسمها حلو:الحمدلله بخير،شحالك انت؟ فيصل بابتسامه:الحمدلله بخير وصحه بوحمد:عيل يلا شباب قوموا خل نخليهم وقاموا كلهم وطلعوا برع ودلال بتموت من الحيا فيصل بعد ماتوقع دلال بهالجمال والنعومة فيصل:شحالج مع الجامعه دلال:الحمدلله بخير فيصل:متى تداومون دلال بحيا:لين ماتخلص العطلة بعد شهرين يمكن. دلال:فيصل انت تشتغل؟ فيصل ذاب يوم نطقت اسمه فيصل ماجاف دلال من قبل بس امه لانها رفيجه ام حمد قالتله عنها وقال في خاطره:ماغلطتي ياام فيصل بالاختيار ماشاالله على هالدلال كاملة والكامل الله فيصل:إي نعم اشتغل في شركة ابوي مدير ومسؤول عن الموظفين، وانتي شحاطة في بالج لين خلصتي الجامعه شنو بتشتغلين؟ دلال:والله ليحين مافكرت فيصل جرب من دلال ودلال ماتت حسته جريب منها فيصل:رفعي راسج دلال بلاج ماتبين تجوفيني دلال وماتت من الحيا: ها.... ورفعت راسها وتلاقت عينه بعينها دلال استحت اكثر ،عينه كانت حلوة وتبرق تذوب الواحد من حلاتها وفيصل بعد مات عليها فيصل:دلال،راح توافقين؟ دلال تخبصت:ها..مادري... فيصل رفع حاجب:ليش ماني عاجبج دلال:بالعكس بس الله يسوي اللي فيه الخير وتوها بتطلع الا ويمسكها فيصل من يدها بكل نعومه فيصل:تراني شاريج ووعد مني ليخذيتيني املي دنيتج بالسعاده دلال طلعت وهي مستحية بس والله انه امتلك قلبها وحسته انسان مافي مثله . ----------------- ناصر على اعصابه:مها اتصلي فيها بسرعه مها:شنو اتصل فيها انطر ياصبي ناصر معصب:شنو انطر البنت بتروح مني وانتي تقولين لي انطر انتي ماعندج قلب ماعندج احساس اتصلي يلا مها خافت من اخوها اول مرة تشوفه بهالحاله:زين زين باتصل وتتصل مها ولا احد يرد مها:محد يرد زين ناصر وشوي وبينفجر:اتصلي مرتين ،ثلاث ،...اربع ، عشر زين اتصلي بسرعه مها ترد تتصل ومحد يرد وتحاول مرة ثانية ومحد يرد مها:حاولت وحاول ومحد يرد ناصر:انتي مامنج فايدة مها تناديه:ناصر...ناصر ويطلع ناصر وهو معصب ويشغل السيارة ويشخطها وعلطول ايي في باله البحر ويتوجه للبحر ----------------------- فاطمة تغمز حق دلال:ها دلول شخباره ؟حلو؟ دلال:فطوم سكتي عني فاطمة:يلا عاد صج دلال واستسلمت:اخ يافطوم حلو وبس الا يطيح الطير من السما فاطمة:الله الله عاد انتي مو أي احد يعجبج هاذي اكييد ملاك عيل دلال:ملاك وشوي عليه فاطمة:خلاص عيل انا ابيه ههههه انزبن يعني انتي موافقة؟ دلال وتذكرت ناصر تغير ويها:لا انا ماقلت موافقة بافكر فاطمة:اتقولين يطيح الطير من السما وتفكرين فكري بسرعه قبل اهو مايهون انه جاف سباله مثلج هههههه دلال بغرور:إي يحصل له اصلا وحده مثلي ------------------ جواهر:نوف اتصلي حق خديجة وفاطمة اذا ماعندهم شي خل نطلع نوف:اي والله، تعالي ماتدرين شي عن دلال واللي متقدم لها؟؟ جواهر:ليحين يقولون متردده،ماقررت نوف :اوكي عيل انا باقوم اتصل وراحت نوف واتصلت حق خديجة وفاطمة واتفقوا كلهم على الطلعة وفاطمة اتفقت ويا اخوها يوسف ان اهو يوديهم ------------------- مها راحت حق دلال البيت وبعد فترة من السوالف مها:ها دلال شلون عن فيصل؟ دلال ارتبكت:مادري والله...اهو يبين خوش ريال ....الله يسوي اللي فيه الخير مها ماحبت تقولها عن الاعصاب اللي يعيشها اخوها ناصر هاي الفترة علشان ماتضغط عليها في شي مها:حلو؟ دلال استحت:اي...حلو مها خشت الخوف اللي بقلبها طبعا مها تتمنى دلال لناصر مها ماقدرت تسكت وبنبرة حزن:وناصر؟؟ دلال بتوتر واضح:هااا...مادري...انا اصلا ماقررت شي مها:دلال فكري عدل تره قرارج يتضمن مستقبلج دلال:انشالله الله يسوي الخير والصلاح لي مها:امين،عيل انا باروح البيت دلال:وين تو الناس مها:لا مرة ثانية انشاالله اييج دلال:يلا عيل باوصلج لي الباب مها:لاقعدي باروح بروحي خلاص انا تعودت على بيتكم يلا مع السلامة دلال:الله يسلمج وفي النزلة جافت ام حمد وسلمت عليها ام حمد:هلا والله ببنيتي شلونج يمة؟ مها:الله يسلمج خالتي انتي شلونج؟ ام حمد:بخير وصحة ويدش عليهم حمد حمد استانس ومها استحت حمد:السلام عليكم ام حمد+مها:عليكم السلام حمد:شلونج مها؟ مها:الحمدلله بخير ام حمد:هاذي دلال وخطبوها الفال لج يمة حمد طالعها وهو مبتسم مها استحت:انشاالله يلا عيل انا استاذن،مع السلامة ام حمد+حمد:مه السلامة ---------------- سارة تتصل حق خطيبها مصعب مصعب:هلا والله بهالصوت وراعيته سارة:هلا والله باللي يايبه له خبر حلو مصعب:خبر حلو؟! شنو؟ سارة بحماس:كلمت امي وابوي عن تجديم العرس ووافقوا مصعب:صج والله ،الله يبشرج بالخير صج فرحتيني سارة:اصلا انا اخباري كلها حلوة وتفرح احم احم مصعب:عيل استعيلي من الحين جهزي روحج وانا باكلم هلي بعد سارة:اوكي حياتي مصعب:يلا فمان الله الغالية سارة:في حفظه الغالي --------------- العصر فاطمة:يلا يوسف بسرعه تاخرنا لا تنسى بعد بنمر عليهم بناخذهم ويانا سالم:وين بتروحون؟ فاطمة: اول شي يوسف بيوديني بنمر على جواهر ونوف وخديجة وعقب بيودينه المول سالم:زين عيل انا متملل بايي وياكم في السيارة وطلعوا ركبوا السيارة وراحوا مروا على خديجة وجواهر ونوف في السيارة يوسف مانزل عينه من خديجة يطالعها من المنظرة(المرايا) سالم:انا بانزل وياكم فاطمة:نعم نعم ،لا والله سالم:أي شنو اخليكم بروحكم لا لا انا بايي وياكم جواهر في قلبها:فديت اللي يخاف علينا فاطمة:حتى في الطلعه مانرتاح سالم:ورا بتشيليني فوق ظهرج! انا بس بانزل واذا صار شي اتصلوا لي جواهر:أي احسن فاطمة بهمس:احسن في عينج يوسف يهمس حق خديجة:تحملي في روحج خديجة استحت ونزلت راسها ودخلوا المول سالم تم يمشي وراهم يراقبهم مايجوف الا شاب يتقرب من جهة البنات ------------- انتهى الجزء بانتظار رايكم Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.