زنجبيل المملكة Posted ديسمبر 8, 2008 Author Report Share Posted ديسمبر 8, 2008 ! 6 ! البنات انقسموا قسمين نوف راحت ويا خديجة وفاطمة ويا جواهر الا شابين يتقربون من فاطمة وجواهر الشاب:مزييييييييونة وربي مزيووونة بس نظرة رفيجه يضيف:حتى لو همس يكفي جواهرعصبت تبي تثور بس فاطمه تضغط على يدها عشان تسكت الشاب:انا ابي اللي على اليمين(يقصد فاطمة) رفيجه:مو مشكلة انا ابي المزيونه اللي على اليسار(جواهر) فاطمة بهمس:شنو احنا لعبه مالت عليهم السبلان جواهر:صج اشكال تلوع الجبد بس خل نطنش لين يملون فاطمة بقهر:القهر ورانا ورانا من مساعه بس مليت يه الا يسمعون صوت مو غريب عليهم بس كان عالي لفوا الا يطاالعون سالم والشرر يتطاير من عينه سالم:انت وياه امشوا من هنيه لاييكم طراق ينسيكم اسمكم جواهر وفاطمه خافوا تصير فضيحه خصوصا انهم بمكان عام الشاب: وانت شدخلك قوم عن طريجنا احسن لك بدون تهديد سالم بصراخ: انا اخوهم يالحمااااااار قوم اذلف ولا بيصيدك شي ماشفته بحياتك وعلى هالصراخ تيمعوا الناس وحاولوا يهدؤون سالم اللي اعماه العضب وكان بيسير يكفخهم بس كم شاب من الناس مسكوه يحاولون يهدونه وصرفوا الشاب ورفيجه جواهر وفاطمة اللي شوي وبيصيحون يالهم سالم سالم بعصبية: يلا مشينا فاطمة بخوف: بس...بس ليحين ما..ماخلصنا سالم بغضب:مو كفاية اللي صار امشو امشو بسرعه جدامي يلا جواهر بخوف:خلاص بنمشي ويانوف وخديجه وماراح يصير شي انشاالله وانت جفت الشابين طلعوا من المول حرااام ماخذينا شي واي شي يصير بنتصل فيك سالم جافها بنظرة سالم:زين لكن خلكم تعيدونها وماتتصلون فاطمة وجواهر استانسوا وقالو:لا لا شنو نعيدها بعد واتصلوا حق خديجه وقالولهم بمكانهم وتلاقوا وقالولهم شصار وسالم اتصل في رفجانه فهد ومحمد اللي ياووله بسرعه وراحوا يتمشون مع بعض في المول بعدين البنات اتصلوا حق يوسف اييلهم وسالم تم ويا ربعه مارجع معاهم ----------------- مصعب يكلم سارة عالتلفون مصعب: خلاص بعد شهر ونص انشاالله العرس سارة: حرااام عليك صدقيني مايمديني اسوي شي مصعب:لا انشاالله يمديج بعدين لي متى ننتظر الصاله ابوي مواعدني اهو يحجز ارقى واكبر الصالات كل اللي عليج الفستان واشياء بسيطة سارة:حياتي صدقني مايمديني مصعب بحنية :واذا قلت لج عشان خاطري ولا ماعندي خاطر عندج سارة:غلبتني يالدب مصعب مبطل عيونه:احد يقول حق خطيبه يالدب سارة :أي انا ههه مصعب يازعم زعل وقامت سارة تراضيه<<< هع يازعم يتدلع وبالاخير يازعم راضته مصعب: ارضى بس بشرط سارة:باللي تبيه موافقة عيوني لك مصعب:اليوم نطلع ويا بعض سارة:اول امس طالعين مصعب:مااشتقتيلي يعني سارة:افا اكيد اشتقت لك موت بس هلي ماادري اذا بيوافقون مصعب:مابيقولون شي وكيفج تره مابارضه سارة:لا لا خلاص بس باخبرهم مصعب استانس:أي جذي خلج ههه اوكي حبيبتي تامريني على شي سارة:سلامتك مصعب:يلا مع السلامه سارة:في حفظ الله الغالي -------------------- ام حمد:ها دلال يمة شقرارج طولنا على الناس دلال مزلة راسها وهي مستحية:اللي تجوفونه يمه ام حمد:فيصل مابتلقين مثله ماشاالله عليه ريال والنعم فيه دلال:.......... ام حمد: انتي صليتي استخارة دلال:أي يمة وارتحت ام حمد استانست:افهم من كلامج انج موافقة دلال استحت وراحت غرفتها ام حمد مستانسة والفرحه مو شايلتها ام حمد:كللوووووووولووووووووووووووش يوسف يوم سمع امه طلع من حجرته يوسف:شالسالفه يمة شفيج مستانسه ونسينا ام حمد:دلال ..دلال وافقت على فيصل يوسف يحرك السانه يبي يسوي مثل امه بس ماعرف بوحمد وحمد توهم يايين من برع راحوا يشترون اغراض للبيت ام حمد:ابشرك يابوحمد ابشرك بوحمد: خير شنو البشارة ام حمد والدموع في عينها:دلااااااال وافقت على فيصل حمد:وااااااااااااافقت وقام حمد يرقص ويايوسف مم الفرحه هههه بوحمد:الله يبشرج الخير لا على هالخبريه تستاهلين الهدية اللي شريتها لج ويا حمد ويطلع لها علبة ويعطيها اياها بوحمد:فتحيها يالغالية ام حمد فتحتها جافتها ساعه الماس روعـــهـــ بوحمد مبتسم:ماقريتي البطاقة ام حمد توها وتفتحها بوحمد مسك يدها:لا في الصالة اقريها ام حمد مستغربة :شالفرق بوحمد: بس جذي وراحوا الصالة اللي كانت ظلام ومافيها غير شموه مولعه وبصرخه وحده الكــــــل: مفاجـــــــــــــــــــــــــــأة ام حمد مستغربه ومو فاهمة شي فتحوا الليتات والكل قام يحبها ويعطيها الهدايا هو وبو حمد الكل كان موجود جواهر ونوف وخديجه ودلال ومها وام مصعب وكل العايلة حتى حمد وسالم ويوسف طبعا البنات متضايقات من وجود الصبيان لانهم تموا محكورين بشيلاتهم مافصخوها ام حمد:ماتقولون لي شالسالفه بوحمد:اقري البطاقه وبتفهمين ام حمد قرت البطاقه بصوت عالي والدموع تنزل عصب عنها :عزيزتي ام حمد كل عام وانتي بخير بمناسبة يوم زواجنا الــ 30 .............وقفت ام حمد قراءة لان الدموع سبقتها وتمت تقره الباقي بصمت ام حمد بفرح:تسلملي يالغالي والله راح على بالي ونسيت وماقصرت يعلني ماانحرم منك بوحمد مستانس وراح حبها على راسها سالم يتطنز: شعنده روميو هههه و جولييت طلعت تتاثر بعد ههههه الكــــل:ههههههههههههه --------------- سارة طلعت تتعشى مع مصعب قي البداية امها مارضت لانها تبيها تروح معاهم لبيت بوحمد بس بعدين اقنعتها سارة كان ودها تروح معاهم خصوصا انها تحب ام حمد واااايد بس شتسوي في مصعب ------------------- وانتشر خبر زواج مصعب من سارة انه راح يكون بعد شهر ونص طبعا الكل ارتبك يخافون مايمديهم فمن الحين قاموا يطلعون ويدورون لهم الاغراض ------------------- وام حمد ردت على ام فيصل بالموافقة اللي فرحت لانها وااايد تحب دلال وكانت تتمناها لولدها فيصل من زمان اما دلال فكانت في غرفتها تفكر...(انا شلون وافقت وناصر ..مو انا كنت ابيه يتقدملي اكاهو بيتقدم اذا رفضت فيصل...فيصل...اه ..هالانسان مادري احس بشي لين اتذكره احساس غريب ...حتى امي كان يبين انها ماتبي فيصل يروح مني..بس ناصر..خلاص يادلال ..ناصر يمكن كان حب مراهقة ..وانتي لازم تتعودين على فيصل وبس لازم يكون اهو كل شي فحياتي لاني وافقت برغبتي وانشاالله اكون سعيده بالشي اللي اخترته وسامحني ياناصر) شوي الا يرن تلفونها دلال جافت الرقم وابتسمت كانت صديقتها نورة يااااه شكثر شتقت لج يانورة خليتيني احتفظ بهمومي (نورة رفيجه دلال الروح بالروح ودووومهم معا بعض بس نورة سافرت الامارات لاهلها في بداية العطلة دلال:نوووووووووووورة يالدبة وحشتيني نورة:دلووووووول انتي اكثر شلونج شعلومج دلال:بخــــــــــــــــير واخيرا اتصلتي نورة:انا وصلت رجعت من الاماراااااااااات دلال:صـــج الحمدلله على السلامة نورة :الله يسلمج ...ها قوليلي شصار وياج دلال:صارت اشياء شكثر تمنيتج تكونين فيها وياي ماينفع اقولج اياها في التلفون تعاليلي نوروووه نورة:وي فديتج شكلج حابسة بصدرج بس انا توني راده انتي تعالي دلال:لا خلاص تعاليلي باجر نورة:فديتج والله انشاالله باجر بييج وخلصوا سوالف ----------------------- فاطمة راحت حق دانة البيت كانوا في الحجرة طقت مها الباب عليهم ودشت تمت تسولف وياهم شوي وفي بالها سؤال بس شلون تسال فاطمة امممم مها بتردد:اقول ..فاطمة.. فاطمة:آمري مها:شلون الحين دلال وافقت ولا لا على فيصل الا نقزت دانة في ويه مها وجاوبت دانة:وييييه مادريتي وافقت وافقت واخيرا كلوووولوووش مها انصدمت وقالت في قبلها ايه عليك ياخوي وطلعت برع الحجرة بسرعه واتصلت في دلال دلال:هلا والله مهوووووي مها :هلا فيج، شتسوين؟ دلال:ولاشي قاعده مها:عيل تعاليلي متمللة بروحي دلال:امممم اوكي مها:يلا انتظرج مع السلامة دلال:مع السلامة ------------------ ام حمد:محمد بوحمد:امري ام حمد:مايامر عليك عدو ،بس ام فيصل مستعيلة على الملجه وتبيها الاسبوع الياي بوحمد: كلمتي دلال ام حمد:قلت اول شي اخذ رايج بوحمد:دام انها بس ملجه يعني عادي وخير البر عاجله بعد ام حمد فرحت -------------- دلال وصلت عند مها وتموا يسالفون بالاخير مها قررت تتكلم في الموضوع مها :يقولون وافقتي على فيصل دلال استحت وارتبكت لانها تذكرت ناصر مها:مبروك الله يوفقج ويهنيج دلال:من قلبج مها:اكيد من قلبي صج ان ناصر يبيج بس ما بعد كل واحد لازم يختار حياته بس انا خايفة شلون اخبر ناصر دلال بقلبها معقولة ناصر يحبني لدرجه ان مها خايفة تقوله الله يستر يارب وهني مها تاكدت من موافقة دلال وخايفة شلون بيكون موقف ناصر دلال:الحين انا لازم اروح تاخرت مها:تو الناس دلال:معليش مرة ثانية مها:طيب باوصلج لي الباب دلال:لا شدعوه خلاص تعودنا على بيتكم ومايحتاي بروح بروحي يلا مع السلامة ونزلت دلال مرت بالصالة توها بتطلع الا تسمع احد يناديها .......:دلال دلال خافت لفت ورا وجافت ناصر قاعد على الكرسي دلال حست بخوف وارتباك دلال:ه ..هلا ...نا..ناصر ناصر بحزن:انتي لازم ترفضين يادلال لازم مااقدر اتخيلج مع غيري يادلال دلال ماتدري شتقول وكانت خايفه تقوله انها وافقت ناصر:دلال الله يخليج قولي أي شي لا تعذبيني دلال:انا...انا...وا...وافقت ياناصر وطلعت برع رايحه البيت والدموع مالية ويها ناصر انصدم:لاااااا مستحيل يادلال مستحيييييييل انتي لي لي اناااا وبس مها طلعت وسمعت ناصر شيقول وتوها بتروح له الا طلع من البيت وطلع بسيارته وكان يسوق بسرعه جنونية ومالقى مكان غير البحر دلال ماتوقعت ناصر يحبها لهالدرجه عشان جذي صاحت مادرت انها بموافقتها دمرت قلب ناصر بس الحين اللي صار صار والموافقة تمت والملجه بعد اسبوع دلال كانت تحبه صح بس مو بجنون مثل مايحبها ناصر ------------------------ ناصر يجوف البحر والدموع كانها نهر اول مرة يصيح ناصر بهالطريقة ناصر:ليش ليش يادنيا تحرميني من البنت اللي تمنيتها حراااام شلون تضيع من يدي وانا توقعت اني بابني مستقبلي معاها دلال كنتي كنتي عايشة معاي دايما في احلامي وفي قلبي وفي خيالي كنت كاتم حبي الجنوني لج ليش يادلال كله مني ليش كتمته ليش وليش ماخطبتها من قبل اااه ااااه واتصل فيه رفيجه عمر اللي حس من نبرة صوتي ان فيه شي عمر:ناصر شفيك ناصر:قول شمافيني ياعمر ااه ياعمر اااه عمر:ناصر وين انت انا يايك الحين ناصر بحزن:عند البحر بعد وين عمر:انا يايك باي وسكره وراح له على طول عمر تفاجأ من منظر ناصر عيونه حمر وحالته حاله عمر انصدم:ناصر تصييييح ناصر:منزل راسه ماقدر يتكلم اللي فيه كافيه عمر:ناصر شفيك تره دموعك غالية واللي يسلمك وقف صياح انت ريال ناصر:اوقف ليش اوقف ريال وريال تبيني احبسهم واموت قهر اااااه يارب ساعدني عمر:شفيك ناصر قولي انا عمر اللي ماتخبي عنه شي ناصر:شاقولك ياعمر تبيني اقولك ان دلال وافقت على اللي ياها وضاف بصراخ...:واااااااااااااااافقت تعرف يعني شنو يعني خلاص ماعادت لي خلاااااااص عمر انصدم:واااااافقت وقاله ناصر وفضفض له اللي بقلبه وعمر يهدي فيه عمر يعرف ناصر شكثر يحب دلال كان كل يقوله بس ماكان يبين حق أي احد انه يحب عشان جذي دلال تفاجأت بالحب القوي اللي من ناصر تجاهها ---------------- ام حمد:دلال الملجه راح تكون الاسبوع الياي دلال انصدمت:وايد من وقت يمه ام حمد:وخير البر عاجله يعني نفس الشي اذا الحين ولا بعدين دلال:خلاص يمة اللي تجوفونه اليوم التالي --------- نورة يات حق دلال ودلال قالت لها كلشي ففضت لها اللي بقلبها كله ونورة اول شي باركت لها وبعدين قالت لها ان ناصر انشاالله بيعيش حياته وتمت تحاول تريح دلال وتحاول انها ماتحسسها بالذنب مثل مادلال حاسه بهالشعور تجاه نفسها ------------ انتهى الجزء بانتظار رايكم^^ Quote Link to comment Share on other sites More sharing options...
زنجبيل المملكة Posted ديسمبر 9, 2008 Author Report Share Posted ديسمبر 9, 2008 ! 7 ! يوم الملجه دلال متوتره حيييل والكوافيرة عندها تحط لها المكياج دشت عليها فاطمة فاطمة:دلووووووووول يالدبة تيننين وانا عبالي باطلع احلى منج دلال:فاطمة متوترة وااايد فاطمة ماتبي تحاجيها عن التوتر عشان ماتزيد عليها فغيرت الموضوع:انتي بتخبلين فيصل بهالجمال وتدخل عليها رفيجة عمرها نورة دلال لزمت عليها اتيي من وقت نورة منصدمه: دلال روعهــ تيننين دومج سبال شاللي سواج غزال دلال ضحكت نورة:دلال يالدبة انتي ناويه على فيصل اليوم ماشااالله ماشاالله نطري باقره عليج المعوذات دلال مستحية:عاد مو لي هالدرجه الكوافيرة: لك كل هالجمال وبتقولي مش لي هالدرجه وشوي الا سالم يطق الباب سالم:انا سالم دلال: ادخل سالم دخل سالم بصدمه:مسامحه اختي شكلي غلطان في الحجرة دلال ابتسمت:سلوووم بلا سخافه سالم:دلول شالجمال تبين تذبحين ريلج انتي دلال ابتسمت بخجل سالم:هاج وقعي دلال ارتبكت:ها...وين سالم:هني دلال:بسم الله ....ووقعت سالم حبها على راسها:الف مبروك يالغالية دلال والدمعه في عينها:الله يبارك فيك ام حمد يات حق دلال ام حمد:لا اله الا الله مشاالله عليج قمر قمر الله يحفظج يابنيتي ...يلا المعازيم تحت امشي نزلي دلال:فديتج يمه خايفه ام حمد:يلا حبيبتي لا تخافين ولا شي دلال:انشاالله نزلت دلال على موسيقى هادئة والانظار كلها عليها وهاي اللي اربكها والكل كان يثني على جمالها ونعومتها دلال كانت آيه من الجمال مكياجها ناعم وحلوووو وفستانها اللي ابهر الكل من نعومته كان روعهــــــ مها اللي كانت تطالعها وتتخيل لو كانت اليوم ملجه دلال على ناصر مها تذكرت ناصر ,,,...ياربي ياويل حالي عليك يااخوي ودمعت عينها مها علاقتها قوية بناصر واللي يضايقه يضايقها ام فيصل اللي كانت مستانسه وطايرة من الفرحه لانها تحب دلال وااايد مها راحت سلمت على دلال دلال كانت مستانسه لانها تطالع كل احبابها حواليها خديجه:مبرووووك يااحلى دلال دلال:الله يبارك فيج الفال لج خدوووج خديجه:اميييييييين الله يسمع منج مي:لا لا انا قبلج لا تنسين خديجه:ويييه انتي خلاص في قائمة العوانس الكل:ههههههههه مي:عانس في عينج بعدين لا تنسين انهم يتقدمون لي وانا ارفض احم وتوني اصلا صغيرة خديجه:وييي ارجوج اكرمينا بسكوتج --------------- في مكان اخر كان شخص موجود فيه الله يعلم بحاله ، ، ، ، اكيييييييد عرفتوووووووووه ناصـــــــــــــــر ناصر قاعد يجوف البحر وعمر وياه كانت حالته ماساويه لا تسر الصديق ولا العدو عيونه حمر ومنتفخه وجسمه ذابل ناصر وهو يصيح :ليش يا دنيا تحرميني من الانسانه اللي تمنيتها ليش....خذي روحي يادنيا وفكيني من هالعذاب ...آه يادنيا اااااآه دلال اللي كانت نبض قلبي وبدون نبض القلب الانسان مايعييييييييش انا نبض قلبي راح ليش لين الحين انا حي ليييش ... عمر اللي سكت وخلاه يطلع اللي بقلبه عشان يرتاح شوي ، ، ، مااقوى على فرقاك يازين مااقوى لكن خسارة وش يفيد التمني؟ امر تدلل واطلب العمر فدوى؟؟ وان كان مايرضيك خيبت ظني هجر الاحبة للمحبين بلوى.. وش حيلتي حكم الظروف اجبرني ماعاد لي من بعد فرقاك سلوى القلب يبكي والليالي كوني.. وش فايده دنياي وش عاد تسوى؟ من غيرك انت ياغرامي وفني.. يامالكن قلبي انا ارجوك رجوى تسال خفوقك اقبل العذر مني لا،لا تسيء الظن وتقول هقوى عطني صحيح العلم لي جاك عني بحيا على ذكراك وان مت فدوى فداك عمري والفرح والتهني (منقولة،،،،) --------------- فاطمة رن جوالها وكانت رفيجتها عايشه فطلعت فاطمه برع بعيد عن الازعاج فاطمة:هلا والله عايشة:هلا وغلا شلووووونج فطووووم فاطمة:الحمدلله وانتي شخبارج وخلصوا سوالف وبندت الجوال ولفت وره الا تطالع وااااحد مبقق عيونه كان فهد رفيج سالم تم منصدم مكانه من الملاك اللي جافها كانت فاطمة في غايه الجمال من صغرها والكل يمدح في جمالها استوعبت فاطمه عقب اللي يصير .. وبسرعه مشت بعيد عنه وهو تم في مكانه يطق روحه يبي يتاكد اذا يحلم ولا لا ههههههه ----------- في مكان اخر راحت مها تدور فاطمة لانها تاخرت طلعت من الباب الخلفي اللي بالمطبخ في هاللحظه حمد دخل جافها من وره عباله فاطمة معنه مافي شبه وايد في الجسم خخخ<< شكله بافصله نظاره في القصة ههههههه حمد :بووووووووووووه مها يودت قلبها وهي تلف:بسسسسسسسم اللللللللللللللللللللله حمد انصدم وتفشل حيييييييل حمد مااعرف شيقول:انا,,,,انا....اسف والله ...عبالي فاطمه مها بسرعه دخلت داخل واهي معصبه وتقلده "عبالي فاطمه"يعني مايجوف الفرق وحمد قال خلاص باخطبها يعني باخطبها -------- ام فيصل:يلا دلال ولدي يبي يشوفج ...وغمزت لها دلال بارتباك:مو لازم خالتي ام فيصل :ههههه ياحليلج يادلال وانتي متوترة يلا تراه ذبحني اخاف يدش علينا هني ههههه دلال مالقت حل وقامت بتروح عند سالم اللي ينتظرها علشان يوديها عند فيصل سالم:سنة لين ماتطلعين اففف خست في الحر دلال طنشت وفي قلبها"كلش مو وقتك تتحلطم" سالم:يلا دشي ريلج هني دلال:شنو دشي يلا دش وياي سالم:روحي زين تبين ريلج يذبحني بروحه من مساعه يحن... يلا يلا دخلي وبطل سالم لها الباب عاد اهيا استحت ودشت فيصل انصدم من الملاك اللي دشت عليه ودلال استحت من نظراته"شفيه هاي يجوفني جذي بسم الله" فيصل:هلا والله هلا بحرمتي وقام حبها على راسها دلال استحت قعدوا بس دلال راحت شوي بعيد فيصل قام من مكانه وراح جرب منها دلال بطلت عينها شوي ويدش فيها ههههه فيصل :حلالي كيفي دلال نزلت راسها فيصل مسك يدها وحبها فيصل:مبروووووك حبيبتي دلال ذابت خلاص دلال بصوت واطي يالله ينسمع :الله يبارك فيك فيصل:شالجمال انتي تبين تذبحيني مسك ويها بنعومه ورفعه تلاقت عينها بعينه استحت وذابت منه عيونه سحرتها فيصل:حبيبتي انا خذيت رقمج من امي وعطاها ورقه فيصل:وهاي رقمي عشان اتعرفين اذا اتصلت ان هاي انا خذت دلال الورقه فيصل :دلال غمضي عينج دلال غمضت وهي مستحيه شكلها كان يضحك فيصل مسك يدها ولبسها خاتم رووووعه الماس يجنن فيصل: فتحيها بس خلاص اخاف ترقدين هههه دلال ضحكت وفتحتها وقامت تجوف الخاتم اللي عجبهااااااا حييييييييل دلال ببتسامه :رووووعــهـ مشكور فيصل وااايد حلو فيصل : لا لا تقصين علي انا اقولج كلمات حلوة وانتي تقولين فيصل دلال بطلت عيونها:عيل شاقول فيصل ببتسامه:هههه قولي حبيبي عمري حياتي مو فيصل حافية دلال استحت وويها قلب الوان فيصل:فديت اللي يستحون انا سالم بطل الباب بدفاشه سالم:روميو وجولييت خلصت المقابلة فيصل وهو مقهور :وانت من حاطك مراقب علينا سالم:ههههه بالعدال لا تكفخني دلال ضحكت سالم:جولييت يلا جدامي دلال قامت وقام فيصل وياها سالم:انا قلت بس جولييت ماقلت روميو وياها فيصل:انزين انتظر برع باقولها شي سالم:دقيقة وحده لا غير وطلع ههه توه بيتكلم الا يدش سالم سالم:خلاص ولا دقيقة مافيني شده انتظر فيصل:معليه سلوم اراويك ان مالعوزتك في عرسك سالم:ههههههه سالم:يلا جولييت جدامي فيصل حبها على راسها وهمس لها:أحـــــــبج دلال انقلبت الواااااااان ومشت بتطلع ساالم:هههههههه شقلت لها سويتها طماطه فيصل: مو شغلك احم ...ريال ومرته انت شدخلك وبعدين سلم فيصل على سالم وعلى بوحمد وام حمد اللي باركوله وطلع ------------ يوسف طق الباب على دلال ودخل يوسف:هلا والله بالعروس دلال ابتسمت:هلا وغلا ياخو العروس يوسف حبها على راسها:مبرووووووك معني ماتوقعتج تتزوجين قبل الشيخ يوسف احم دلال:هههه يوسف:بس تعرفين لو رفضتي فيصل كان صج خسرتي دلال تذكرته واستحت<<<اصلا اقولو ولا راح عن بالها هههه دلال:ليش يوسف:تقولين ليش والله انه انسان مايتعوض طيب وقلبه كبير ومرح دلال استانست وتم وياها شوي ودخلت عليهم روان اللي اشتاقت حق اختها وحطت راسها على حظن دلال ودلال كانت تمسح على شعرها الين نامت وشالها يوسف وداها غرفتها ------------ خالد تم سهران ويا سالم خالد:اقول سلوووم سالم:قوووول يااخي سندرتني خالد:اسكت ولا تره بافلعك بالغرشه اللي في يدي ...اسمعني شرايك نسوي مقلب في احد الاخوات الكرام سالم:متفرق وين نجوفهم الحين في الليل خالد:يالغبي الجوال مايقصر سالم:هههههههه تعجبني ياابو الافكار خالد :احم احم...بس عاد في مين منهم سالم:اما اختك جواهر او نوف لان فاطمة مسكينه دايما نسوي المقالب فيها خالد:اوكي وضغظ خالد رقم جواهر على جوال سالم لانها ماتعرف رقمه سالم :عطني انا باتحجه وعطاه الجوال اللي كان يرن جواهر ردت:الووو سالم يغمز حق خالد:هلا والله بهالصوت وراعيته جواهر عصبت:صج قليل ادب سالم يستهبل: هع ماقلتي طويل الشنب جواهر:مالت عليك ياللي ماتستحي سالم:هع حلوة منج جواهر:جب جب لا اناديلك ابوي سالم:تهددين ههه شكلج صغيرة,,,..يا حلوة جواهر عصبت عدل:يالدب ياللي ماتستحي عبالك لعبة في يدك يا ولد الشوارع يا..........يا........الخ وبندته في ويهه سالم تفشل خالد:اقفط ويهك ههههههههههههههههههه سالم:جب جب كله منك يابو راس خالد:ههههههههه محد قالك انت قلت بتتكلم ههههه ---------------- دلال اللي ماياها نوم في الليل تفكرفي احداث هاي اليوم وكانت مستانسه شوي الا يرن جوالها جافت الرقم الا هو رقم فيصل استانست واستحت بنفس الوقت وردت دلال:الوو فيصل:هلا والله بهالصوت دلال استحت:هلا فيك فيصل:شلونج حبيبتي؟ دلال :بخير شلونك انت؟ فيصل:بخير دامج بخير ....شلونج عقب الحفلة انشاالله كانت حلوة دلال:أي كانت وااايد حلوة فيصل بخبث:وشرايج في ريلج؟ دلال استحت: ماادري اذا في احد في الدنيا مثله فيصل استاااانس من خاطر:فديت حرمتي انا وكملوا حجي تموا اكثر من ساعه ودلال ارتاحت له حييييل واهو بعد في نهاية المكالمة فيصل:عيل اخليج ترتاحين حبيبتي تامرين على شي دلال:سلامتك ...وغمضت عينها وهي تقول :حط بالك على نفسك فيصل ابتسم:انشاالله قلبي وانتي بعد دلال:انشاالله فيصل :احبـــــج دلال:....... فيصل:هههه فديت اللي يستحون يلا فمان الله دلال:فمان الكريم -------------- وصارت دلال كل يوم تكلم فيصل اللي حبته من كل قلبها وتعلقت فيه ومستحييل يمر يوم بدون ماتكلمه وحمد كلم امه وابوه بموضوع زواجه من مها اللي فرحوا له وفرحوا من اختياره للبنت وكلموا ام ناصر وابو ناصر اللي وافقوا وهم مها وافقت وصارت الفرحه فرحتين وسالم من ذاك اليوم اللي كلم فيه جواهر على الجوال يوم كان مع خالد قام يتصل فيها وكانت تهزبه وتصكه في ويهه واهو مااستسلم الين ماقدر عليها طبعا بعد عناء مطول واهو ماقالها ان اهو سالم ولد خالتها ويوم عن يوم تعلقت فيه واهو تعلق فيها اكثر من دون علم احد ومن دون علمها ان اهو ولد خالتها وناصر يوم عن يوم حالته من اردى الى اردى ومها قلبها يتقطع على حال اخوها صج لي قالو ان الحب عذااااااااب ومابقه شي على زواج مصعب وسارة فكان الكل يستعد له لانه راح يكون بعد اسبوع ---------- انتهى الجزء انشاالله يعجبكم Quote Link to comment Share on other sites More sharing options...
danat aldonya Posted ديسمبر 10, 2008 Report Share Posted ديسمبر 10, 2008 يسلمووو على القصة الروعة بالانتظاااااااااااار Quote Link to comment Share on other sites More sharing options...
زنجبيل المملكة Posted ديسمبر 11, 2008 Author Report Share Posted ديسمبر 11, 2008 ! 8 ! ، ، ومرت الاياااااام ، تزوجت فيها سارة من مصعب ، وتمت خطبة مها من حمد ، وناصر حاله على ماهي عايش على ذكرى دلال ، ، سعود سافر يكمل دراسته في بريطانيا وهالشي اللي احزن فاطمة ،،، ، دلال وفيصل علاقتهم في تطور مستمر دلال صارت تعشق التراب اللي يمشي عليه فيصل وفيصل صارت دلال كل شي في حياته ومستعد يضحي باي شي عشانها ، ، جواهر وسالم علاقتهم من احسن مايكون ومستحيل احد يفرق بينهم كل واحد فيهم فاهم الثاني بس للحين جواهر ماتدري ان سالم هو ولد خالتها ، ، سلطان تقدم حق مي ومي وافقت وتمت الخطوبه ------------------ بعــــــــد سنـــــــــــه ------------------ سارة حامل ومصعب فرحان حيييييل حاله حال أي شخص ينتظر لقب "الاب" ، للاسف هالسنه ماكانت كفيله في انها تنسي ناصر بدلال فظل عايش على ذكراها وحاول كثر مايقدر ينساها ولكن بدون فايده ، ، تم زواج مها من حمد وكانو احلى عصفورين ، وتم زواج سلطان من مي بعد زواج مها وحمد بثلاث شهور ، دلال وفيصل ليحين ماصار زواجهم تاخروا فيه لاسباب اول شي ان دلال تخلص دراستها والحمدلله الحين خلصت فتقرر العرس بعد اربع شهور ، فاطمة وجواهر طبعا تخرجوا من المدرسه بنسب ترفع الراس -------------- دلال كانت قاعده في حجرتها ...شوي ووصل لها مسج طبعا من فيصل واللي سمته في جوالها باسم "قمر ليلي" قمر ليلي: اموت بقلبك الصافي .... خفوق بالوفا مليان.... تغيب عني لكن .... حسك ساكن الوجدان ابتسمت لما قرت المسج وردت عليه : اشتياقي لك رهيب ..... بدونك العالم كئيب ..... وكل جرح فيا صعيب برسالة منك اطيب رد عليها : يا ليت عيونك بحر عشان اسبح فيها ويا ليتني ما اعرف اسبح عشان اغرق فيها استانست وقالت في خاطرها : ياربي هالانسان شكثر اموت فيه ردت عليه : بعطيك قلبي ....بس خلي بالك عليه مو عشان هو قلبي ..... بس عشان انت فيه ---------------- في مكان اخر كان موجود فيه شخص طاير من الوناسه اممم خمنوا ، ، ، ، ، ، ، طبعا ، ، الحلوة فاطمه باااجر سعووود بيرجع من بريطانيا بيتم شوي على حسب اجازته وبيرجع قطع عليها سالم حبل افكارها فاطمة:في شي يسمونه ادب ... سالم يستهبل:مااعرف عنه شي علميني وبعدها ضاف بكلامه وكان يبين على ملامحه الجد:انا ياي اتكلم معاج بموضوع فاطمه عقدت حياتها مستغربه:خير سالم:اكيد تعرفين رفيجي فهد اهو اكبر مني باربع سنوات يعني عمره 23 سنه فاطمة واللي ليحين مستغربه ومو فاهمه شي سالم:فهد يافاطمه باختصار يبي يتقدم لج فاطمه بطلت عينها شوي وتطيح فاطمة بتفاجأ :شنـــــــو!!! سالم: ريال ويبي يخطب بعد مستغربه ليش فاطمة تذكرته اهو اللي جافها في خطوبه دلال وقالت في خاطرها :مستحيل انا اصلا ماابي غير سعود سالم:ها شقلتي فاطمة بدون تفكير:رااافضة طبعا سالم بطل عيونه وحاول يمسك روحه سالم:وش فيه فهد ريال والنعم فيه على الاقل فكري ولا صلي استخارة مني والطريج ماتبينه وانا عبالي انتي فاطمه العاقلة اللي ماتتسرع وتفكر في الامور عدل فاطمة تلومت:ها..لا..اي بافكر ياخوي بس انا توني هالسنه متخرجه سالم:مافيها شي اللي كبرج عرسوا وعندهم عيال ..بعدين اذا ريال زين لازم ما تفوتينه لان في هالزمن نادرا تلقين ريال مثل فهد فاطمة:انشاالله ياخوي بافكر...وبارد عليك وقالت في خاطرها انا رافضه رافضة الحين ولا بعدين يعني ماتفرق متى ارد وتذكرت موقفها وياه في الخطوبه وقطع تفكيرها صوت الجوال والمتصل هو دانه ---------------- دلال تكلم نورة عالجوال دلال:لا والله فديته تصدقين كل يوم احمد ربي انه كان من نصيبي نورة:هالكثر تحبينه ..ياعيني على رفيجتي دلال:انا اجذب عليج اذا قلت لج احبه الا اموت فيه والله يانورة ماتصدقين شكثر يحبني بيجنني هالريال من طيبته كفايه انه حنون لابعد الحدود نورة: شعليك يا فيصل دام دلال تمدحك هلوون دلال ياها خط جافت الشاشه وكان المتصل هو "قمر ليلي" دلال :نورة اكو فيصل يتصل يلا ذلفي ههه نورة:الحين اذلف ها دلال:باي وتصكه في ويها هههه دلال:هلا والله بقمر ليلي فيصل:هلا والله بشمس نهاري هههه دلال:شلونك فيصل يستهبل:لوني احمر وانتي؟؟ دلال:هههههههههه فيصل:فديت هالضحكه.....اقول حبي شريتي اغراض العرس دلال:والله شوي منهم فيصل:عاد استعيلي مابقه شي دلال:من عيوني وخلصواا سوالفهم ----------- ناصر يكلمه عمر عمر:وانت لي متى بتم بهالحاله ياريال خلاص البنت جافت طريجها انت بعد انساها وجوف طريجك ناصر:مااقدر ياعمر مااقدر شلون الانسان ينسى قلبه شلون عمر:لي متى طيب خلاص الموضوع راح عليه اكثر من سنة ناصر:واللي يحب تعتقد بهالسهوله ينسى انا باتم طول عمري عايش على ذكراها ووصيتي ياعمر اذا مت قولها شكثر كنت احبها قولها شكثر كنت اتعذب عشانها قولها اني كنت مستعد انتظرها لاخر العمر عمر: لا تفاول ياخي صدقني بازعل عليك ناصر:اصلا انا ميت من زمان ولا شفايده الانسان اذا كان جسد بدون روح عمر:لا حول ولاقوة الا بالله ------------- اليووووم الثاني في وحده ماياها نوووووم عرفتوهاااا؟؟ ، ، ، ، ، اكييييد فاطمه اليوم موعد وصول حبيب القلب تكشخت ولبست احلى ماعندها لانها بتروح حق جواهر ونوف <<<حق حبيب القلب مو لسواد عينهم هههه ----------- مصعب:سارة شنو بنسمي ولدنا؟ سارة: شدراك انه ولد يمكن بنت مصعب :اللي بيي من الله حياه الله سارة:اذا بنت نسميها امممم شرايك في الريم مصعب:عاشت الاسامي والله عجيب هالاسم سارة:احم...انزين واذا ولد؟ مصعب:اذا ولد نسميه اممم راشد سارة ابتسمت:خلاص تم ----------- جواهر تكلم سالم على التلفون سالم:لا كلشي ولا زعل جوجو جواهر ابتسمت:علني ماانحرم منك جواهر اللي كانت تحب سالم ولد خالتها صارت تعتبره عادي لان سالم المزيف <<<حلوة كلمه المزيف هع ....كان كلشي بالنسبه لها في الاصل الثنين واحد بس طبعا من وراها ياترى هل راح تكتشف ان اهو نفسه ولد خالتها اذا مااكتشفت شراح يصير واذا اكتشفت شراح تكون رده فعلها؟؟! ------------ مي:حبيبي يلا تاخرنا الحين بيوصل سعود سلطان:كاني جهزت يلا مي ابتسمت:يلا مي وسلطان حياتهم سعيده ومن احسن مايكون اهم شي ان الحب والتفاهم موجود --------- بو مصعب راح المطار اييب سعود دش سعوود عليهم نوف نقزت من مكانها نوف:سعووووووووووووووووود الكل انتبه وراحت لوت عليه وجواهر وياها وام مصعب راحت بعد والدموع في عينها فرحانه بشوفه ولدها وفاطمه الود ودها لو تروح معاهم ههه فاطمه بنظرات كلها شوق وحب وعتاب بنفس الوقت فاطمة:الحمدلله على السلامه سعود شلونك شخبارك؟ سعود :الله يسلمج ...انا الحمدلله بخير انتي شلونج؟ فاطمة تبتسم :الحمدلله بخير وعافية وتم يسولف مع اهله وهو مستانس وفاطمة مستانسه انها جافته وقررت تنام بيت خالتها ، في الليل الكل كان بغرفته فاطمة طلعت بتشرب ماي وهي مارة على غرفه ام وابو مصعب سمعت الحوار ابو مصعب وهو معصب:شالكلام انا ولدي يسوي جذيه سعود:يبه انا خلاااااص طلقتها فاطمة انصدمت والدموع تنهمر من عينها ام مصعب وهي تصيح: حسبي الله ونعم الوكيل بو مصعب:اصلا شلون تتزوج من ورانا ماعندك اهل ولا ماهمك الا نفسك سعود:يبه خلااااص "جينا" كانت صفحه في حياتي وانا طويتها بو مصعب: وانت على كيفك تسوي وتقرر كل شي سعود:يبه اللي صار صار خلاص والبنت وطلقتها بعد شاسوي وطلع سعوود وتفاجأ لما طالع فاطمه جدامه فاطمة كانت متسنده على الطوفه(الحايط) والدموع ماليه ويها سعود ارتبك ...كلشي يهون عنده الا فاطمة ودموعها فاطمة بسرعه بخطوات سريعه حاولت تبتعد وحاسة ان الدنيا تدور فيها سعود:فا...فاطمة ... لكن فاطمة خلصت طريجها لغرفه جواهر وهي مصدومه وتصيح لان سعود طعنها فتحت الباب جواهر بخوف:فاطمه شفيـــــــــج!!!! فاطمه حست بالدنيا تدور فيها وماقدرت تتمالك نفسها واغمى عليها ------------- فتحت عينها بصعوبه توقعت انها كانت تحلم لكم لما جافت المكان اللي كنت فيه(المستشفى طبعا) وجافت جواهر ونوف وام مصعب وامها ودلال حواليها تاكدت انه كان حقيقه ام حمد والدموع في عينها:الحمدلله على سلامتج يابنتي فاطمه بصعوبه وبهمس:الله يسلمج يمه والكل قام يتحمد لها بالسلامه ام مصعب:بنات لبسوا شيلاتكم لان بو مصعب وسالم ووياهم مادري من بعد بيدشون تلبسوا البنات ودش بو مصعب وابوها وسالم ويوسف وحمد وانصدمت وعصبت لما جافت سعود معاهم سعود من امس ماقدر ينام يفكر فيها ومتلوم من نفسه الكل تحمد لها بالسلامه وكانت تسولف عادي ومطنشه سعووود على الاخر وهاي الشي اللي قهره سالم رن جواله رد عليه وبعد مابنده راح عند فاطمه سالم بهمس:اكو فهد متصل يسال عنج ..ويغمز لها فاطمة تبتسم بتعب:سالت عنه العافية سالم يكلم الجميع والفرحه باينه على ملامحه سالم:دامكم موجودين كلكم احب اعلن لكم ان رفيجي فهد بيتقدم حق فاطمة سعوووود انصدم وكان وده يصرخ ويقول .لاااااااااااااا فاطمـــــــــة لي بس التزم السكوت لان ملامحه بروحها كانها تتكلم وجواهر بعد انصدمت بس كانت متاكده ان فاطمة بترفض لانها تحب سعود ام مصعب تبتسم :فطومتي بتصير عروس ام وابو حمد:هاي الساعه المباركه بو حمد:وش راي فاطمة؟ فاطمة رفعت راسها وبكل ثقة:وانا موااافقة ------------ انتهى الجزء ياترى شراح تكون رده فعل سعود وهل راح تتم الخطوبه ولا هو مجرد كلام من فاطمة وش تتوقعون لابطال قصتنا دلال....فيصل....مي .....فاطمة....سلطان.....سالم.....جواهر....ناصر والباقي<<<<تعبت وهي تعددهم هع بانتظار رايكم وتوقعاتكم Quote Link to comment Share on other sites More sharing options...
زنجبيل المملكة Posted ديسمبر 15, 2008 Author Report Share Posted ديسمبر 15, 2008 ! 9 ! ------------- فاطمة:وانا مواااافقة سعود شوي وتطيح عينه<<<هع اتخيل شكله جواهر ماصدقت نزل عليها الخبر كانه صاعقة ماتوقعت ابدا ان فاطمه توافق سعود استاذن على طول وفي عينه الحزن فاطمة ماهان عليها بس اللي سواه اكبر من جذي ، بوحمد قال انهم ياجلون الموضوع لي عقب عرس دلال اللي راح يكون بعد اربع اشهر ، بعد ثلاث اشهر ------------- دلال تكلم فيصل دلال باكتئاب:حراااام عليك عاد فيصل:شاسوي حبيبتي والله ماودي دلال:يعني شلون تسافر ومابقه على العرس الا شهر فيصل:والله شغل ضروري بعدين انشاالله قبل العرس بيوم بارجع دلال زعلانه:............ فيصل بحنية:سامحيني قلبي والله مو بيدي .... اهون عليج اسافر وانتي زعلانه دلال:اكيد ماتهون علي حبيبي ....والله لو مو شغلك جان ماخليك تروح لو على رقبتي فيصل:هههههه تهديد يعني دلال ماده البرطم :اللي يكون ------------ فاطمه كانت عند جواهر جواهر:والله يافاطمه كل يوم يسالني عنج ذبحني حرااام عليج فاطمة:واهو مو حرام عليه.. حطي روحج مكاني ياجواهر اللي سواه ابدا مو قليل جواهر:والله ماادري شاقولج يافاطمه بس كل انسان ويغلط واهو يبين عليه مهموم المفروض انج تفهمينه وتهونين عليه ماتزيدينه..او عالاقل تفهمين السالفه منه... عموما اهو عطاني رساله اوصلها تفضلي فاطمة تطالع الرساله اللي بيد جواهر باستنكار وبعد تفكير خذتها فاطمة:ممكن تخليني بروحي شوي في الحجرة خمس دقايق بس جواهر:هههه طرده...بس يلا نتحمل.... خمس دقايق وبارجع وطلعت فاطمة فتحت الرساله بنعومه ....جاهلة عن اللي بداخلها فتحتها لقت قصيده بعنوان "أحبــــــــــــــــــك" أعشقك واحبك ياسبب ألم راســـــي اغليك واعزك بس قلبك دوم علي قاسي حبيتك من كل قلبـــــي واحساســــــي كفاية اني عديتك اغلى ناســـــــي تزعل واراضيك وازعل وماتراضيني حرااام تذلني وانت فوق راســـــــي انت الاول وانت الاخر وانت اغلى الغوالي وعد مني ومستحيل اكون ناســـــــــي .....ذرفت دمعه من عيون فاطمة دمعه تحمل الكثير من المعاني دمعه شوق له.... وعتااب ....دمعه الم .....حزن ....وهم وقالت في خاطرها:ليش ياسعود ليش حراام عليك حطمت قلبي ياليتني مامريت ولا سمعت الكلام هاي يزاتي كل واحد كان يتقدملي كنت ارفضه واطلع فيه عيب عشان من كنت ارفض مو عشان اني أحبــــــــــك ... مسحت الدمعه بسرعه لانها حست بخطوات قريبه دشت عليها جواهر جواهر:احم ممكن ادش الحين فاطمة ابتسمت :لا بعد دقيقتين جواهر:حراام عليج في حجرتي وتطرديني...... يه وطلعت وهي تتحلطم فاطمع ضحكت عليها وطلعت ورقه وكتبت فيها رساله دقيقتين وتدش جواهر جواهر:لا تقولين بعد جم دقيقة خلاص ولا دقيقة فاطمه ضحكت:لا خلاص ههههه جواهر طلعتها من طرف عينها شوي وتكفخها ههههه فاطمة مدت يدها:جواهر ممكن تعطينه الرساله جواهر ناظرت الرساله باستغراب وقالت بفضول:شمكتوب فيها فاطمة:اخ عالفضول....مو شغلج يلا ههههه جواهر:معليه اراويج يالدبة واستاذنت فاطمة ورجعت البيت ------------------ طبعا دلال كانت متضايقه بسبب سفرة فيصل بس بعد شتسوي كانت قاعده وتطرش له مسجات وهر يرد عليها طرشتله: لا تسافر ترى بعدك وصدك هلاك جيت لك والسفر مابيه وانت معذووور جيت لك لو قبل مااجيك كلي معاك والدليل العقل والقلب قبلي حظووور ليه هالحب مااختار الا انا في هواك ليه ماني مثل بعض الاوادم صبووور ليه بي قلب ماهو قلب هذا وذاك وليه انا اكتب بعقلي قبل اجي للسطووور وليه قلبي تولع في هواك وبغاك ليه مادري سبايب ليه مادري وش هالشعور لا تسافر ترى بعدك وصدك هلاك سو ماكان في بالك واقول معذووور رد عليها: ان غبت عنك..يرجع العقل بأفكار.. فكري وحالي مااذكر انه نساك.. حتى بديت اشك بالنفس واغار.. وارجع على نفسي واخاطب رضاك.. هذا غلاك مابقه عندي اسرار.. ولا فيه من اغليه يشبه غلاك.. الاتصالات طبعا ماتنقطع اربع وعشرين ساعه --------- جواهر تطق الباب على سعود سعود:من جواهر تبطل الباب بدفاشة:من غيري يعني سعود بابتسامه ذابله: خير جواهر:احم عندي رساله لك من فاطمة سعود:صج...وينهي؟ جواهر مدت يدها سعود بحزن:انتي عطيتيها الرساله اللي عطيتك جواهر:أي بس فيني فضول شفيها؟ سعود يمزح :مو شغلج يلا برع جواهر:مومشكله مقبوله منك اخ سعود سعود ابتسم وجواهر طلعت كان متوتر من اللي مكتوب في الرساله واخر شي قال بسم الله وفتحها كانت قصيده بعد... بعنوان.: واذا حصلت احد غيري تعال ارجوك بشرني ، أنا بامشي..ولا تنشد..بعد فرقاي..وينه راح أبي منك ...طلب واحد...أمانه بس...تذكرني ابي.. تعرف غلط نفسك...وتبكي منكسر...بجراح وتعرف..يوم أنا اسهر..وش اللي كان..مسهرني وتعرف كم سكين طعني...يوم...حظي طاح بسبه..حبي لقلبك...وقلبك... كان ينكرني تعب قلبي..من اسبابك..وحبك كاتمه...ماباح تعبت من الصبر..حتى ..احس الشوق ...دمرني وصار الواجب..اتكلم..ولو من شان..بس ارتاح ولاني حاسب حسابك..بعدها..روح واهجرني خلاص..ابنهي القصة معاك..بارتاح وانت ارتاح واذا حصلت احد غيري...تعال..ارجوك..بشرني عزاي اني..اذا باتت عيوني ..هاني ومرتاح تظل عيون سهرانه..تفكر ..كيف ..تقهرني مدام السالفه صارت..نهاية..مؤلمة..وجراح ابي منك طلب واحد....أمانه.....لا تذكرني ..... سعود تالم من الكلام وقال بخاطره:حراام عليج يافاطمه والله انج ظالمتني ...صدقيني محد ملك قلبي غيرج.. وربي شاهد علي..ياريت تدرين بالسالفه بس شلون اقولج رجع سعود لذاكرته في بريطانيا ، لقاها على كرسي في الشارع مقابل البحر ولقى الالم والحزن والهم بعيونها الدموع اللي كأنها نهر على خدودها كانت تصيح بالم ...بحسرة...بانكسار...بحزن راح لها سعود عباله انها عربية لانها كانت متحجبة وهالشي نادر في بريطانيا سعود:ممكن اساعدج الشيخه؟<<طبعا يتكلم معاها بالانجليزي بس ماابي اراويكم قدرتي على الكتابه بالانجليزي اخاف تحسدوني هع ..انا باكتب الحوار بالعربي بس تراهم كانو يتكلمون انجليزي هههه جينا والعبرة خانقتها اكتفت بالسكوت والبكاء وبعد فتره من السكوت جينا واهيا تصيح:كنت مع اهلي في الباخرة بس مادري شصار وانقلبت فينا اهلي راحوا عني..راحوا وخلوني...انا الوحيده اللي نجيت منهم ...كلهم راحو..امي ...ابوي...حتى اختي...مابقالي احد سكتت وردت بصوت مبحوح :ياريتني رحت معاهم سعود تاثر:انزين ماعندج اقارب؟؟ جينا:عندي بي مو وايد نزورهم كنه على اتصال معاهم بس مانزورهم لان احنا ببلده غير عنهم عشان جذي ماادري عن عنوانهم سعود:قومي معاي جينا:وين..؟؟ سعود:عيل بتمين في الشارع هني جينا:صح ان ماعندي مكان بس وين بتوديني.؟لا تنسه اني مسلمة سعود : لا مانسيت لا تفهميني غلط انا باوديج العمارة معاي فيه شقه فاضية مقابله لشقتي واي شي تحتاجينه قوليلي جينا بانكسار:ماعندي فلوس ولا عندي شي الا الثياب اللي لابستها سعود حن عليها ابتسم وقال:يلا انزين قومي باوديج تشترين لج جم بدله وتشترين لج اكل وبعدين بنروح العمارة ولا تحاتين الفلوس جينا:انا اسفه تعبتك معاي..وانشاالله ارد لك الجميل في يوم من الايام..والله ماودي اتعبك بس مالي احد هني وانت باين عليك انسان محترم وراحت معاه السوق شرت لها الاغراض اللي تحتاجها وراحوا العمارة تم معاها جم يوم على هالحال بعدين حس ان موقفه غلط شوي يعني هو غريب عليها وكله يمشي معاها ؟! لا مايصير وهم مايقدر يتركها لان حالها كانت مب سهله فقدت 3 من اهلها بلحظه ابدا الموقف مو سهل حاول يدور على اهلها بس مافي فايده بالاخير تزوجها لين مايلاقي اهلها كان يحترمها وااايد واهي بعد تحترمه ماكان يدري عن مشاعرها تجاهه بس اهم شي انه كان يحترمها وماكان يقصر معاها بشي بس ماكان يحبها مجرد احترام وكانها اخته لان قلبه محد ساكن فيه غير فاطمة... طبعا اهيا كانت تحبه ومالها غيره بس قلبه عطاه حق وحده غيرها سعود مالمسها ابدا,,,اهو كان بغرفه واهي بغرفه واهو قالها قبل مايتزوجها ان هالحال بتدوم لين مايلاقي اهلها وبعدين تروح معاهم...(يعني يطلقها) وتوالت الايام عمها طبعا دره بوفاه اخوه وعرف ان بنت من بنات اخوه نجت فقام يدور عليها ويسال عنها لي ماوصل لها شكر سعود وااايد على وقفته وياها واهيا هم شكرته والدموع ماليه عينها(طبعا اهو خلاص بيطلقها) قالتله قبل ماتروح جينا:يمكن اول مرة بحياتي اقولها أحبــــــك سعود ومشت ودموعها تتسابق سعود ريال مايتعوض وحنون واايد وينحب بسرعه بس من سوء حظ جينا ان سعود قلبه متعلق بوحده ثانية ----------------- جواهر راحت مكتب ابوها بعد ماناداها كانت مستغربه شيبي ابوها منها دشت المكتب وكانت امها موجوده بعد جواهر:هلا يبه خير شالسالفه بو مصعب:خير انشاالله....بدون مقدمات ..انتي ياجواهر الحين كبرتي ويه الوقت اللي تعرسين فيه جواهر بققت عينها مصدومه :شنووووووو بومصعب:شفيج شقلت انا ...والله ياجواهر سالم ولد خالتج تقدم لج جواهر وتجمعت الدموع في عينها لانها مستحيل تكون الا لسالم اللي تكلمه<<<ماتدري المسكينه جواهر:بس انا مو موافقه بومصعب:نعم...وليش مو موافقة...وش فيه سالم..ريال والنعم فيه جواهر:أي بس مو مناسب لي بو مصعب:لا والله... ليش مو مناسب لا تنسين ان امه خالتج ولا نسيتي بعد علاقتي القويه بابوه.. ترضينها علي ارد ابوه واهو بمثابة اخوي واكثر جواهر:وانا شذنبي يبه بو مصعب:بلا كثرة كلام خلاص بتاخذينه يعني بتاخذينه جواهر طلعت ودموعها اربع اربع<<<لا خمس خمس خخخخخخ ------------ جواهر اتصلت في سالم واهيا تصيح سالم:حبيبتي جواهر شفيـــج؟ جواهروهي تصيح:ابوي..ابوي بيزوجني ولد خالتي سالم:شنو...بتتزوجين ولد خالتج.؟ جواهروهي تصيح:ماابيه ماابيه المغرور ماابي غيرك ياسالم انا اخذ هالمغرور سالم:ليش شفيه؟ جواهر:مغرور مادري جايف روحه على شنو سالم بمزح:مغرور ولا منقهرة منه جواهر:مغرور ونص بعد ...بزر واحد سالم حاول يمسك روحه وقال في خاطره:انا بزر ها ...لا ومغرور بعد معليه اراويج سالم:وشكله شلون؟ جواهر:بصراحه شكله اينن وسيم وااااااااااايد بس ماابيه انا لك وانت لي سالم:فديتج والله وهاذا اللي بيصير انشااالله جواهر نست حبها لولد خالتها بعد ماعرفت سالم اللي يكلمها لانها تحب سالم موووت مايهمها شلون يكون اهم شي انه سحرها بكلامه وبصفاته واخلاقه وعجبها اسلوبه وكل شي حلو فيه..فكانت مستعده تنسه الدنيا كلها علشانه Quote Link to comment Share on other sites More sharing options...
بباي Posted ديسمبر 17, 2008 Report Share Posted ديسمبر 17, 2008 شكرا زنجبيل والله خاطري اقراها شكلها حلوة بس ما امبي قصهه مو مكمله وان شاءالله بس تكملها اقراها Quote Link to comment Share on other sites More sharing options...
زنجبيل المملكة Posted ديسمبر 17, 2008 Author Report Share Posted ديسمبر 17, 2008 العفوووو شكرا على المرور Quote Link to comment Share on other sites More sharing options...
الجوووووكر Posted يونيو 22, 2009 Report Share Posted يونيو 22, 2009 الصرااحه الااارت وااايد حلووو يسلمووواا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.