خايف يا قلبي خايف

[@صدي الحرمان@]

ناصر :بصراخ........روحي عني مابي اشوفك......

تركته وراحت لغرفة النوم..... سكرت الباب..... نزلت دموعها بقهر..... ليش....... ليش......... حرام عليك ياناصر......راحت الحمام تغسل..

ناصر....... نايم على الصوفا......اش فيني هي صحيح تعبانه توها جايه من المستشفى.. وبعد كل اللي سوته مع ولدي....... اعصب عليها......

لكن انا مااتحمل ترفضني اكثر من كذا......

آآآآآآآآه ياساره... انتي مثل السهم المغروس في قلبي.....

اذا نزعته مات القلب من كثر النزيف..... واذا تركته ذبحني الألم.....

اقوم اراضيها.......

قام لغرفة النوم...... فتح الباب بشويش؟؟؟؟؟؟؟؟؟

 

مقفل........... هين ياساره........

رجع المكتب ونام.. وهو ناوي على شي.......

 

ساره طلعت من الحمام.. كأتي سمعت صوت الباب ... فتحت الباب وراحت تطمن على عبدالله.. ورجعت نامت..

وهي على السرير.. ليش.. تقسى علي.. هذا جزاي... الله يسامحك..

الصباح ....... صحت من النوم...... راحت للمكتب فتحت الباب بشويش.. لسه نايم..

جهزت الفطور.. وقومت عبدالله من النوم بفطر عشان ياخذ الدوا.....

ناصر.. قام وجسمه مكسر.. سمع صوتها معه في الصاله... طلع وراح الحمام بدون مايطالعها ولا يكلمها....

ساره:؟؟؟؟؟؟؟؟؟

عطت عبدالله الدوا وتركته يلعب.. راحت له غرفة الملابس.. لقته يعدل شماغه..

ساره: صباح الخير..

ناصر: ولا رد عليها......... خلص من شماغه ومشى .. لحقته ..

ساره:مسكت يده.. ناصر اسمعني...

ناصر: بدون مايلف ولا يطالعها..نعم..

ساره: والله ماكن قصدي البارح.. بس انا والله كنت تعبانه ومو طايقه نفسي.. طول الأسبوع في المستشفى وماحبيت انك تتقرب مني وانا بهالحال..

ناصر: لف عليها,, ومسك كتوفها بقوه.. اسمعيني... صبري له حدود ياساره.. واذا ماصرتي مثل كل الحريم.. راح تندمي.. بصراخ.. فاهمه..مو صايره مثل البنات.. تتدلعين علي.. انتي مو بنت..اصحي..

ساره: مصدومه وتطالع فيه.. محد قالك تزوجني..

ناصر: انا الغلطان........وعطاها كف.......طاحت على الأرض.. ومسك كتفها ورفعها.. هذا عشان ماتردين علي مره ثانيه.. رماها على الأرض

تركها وطلع..

ساره : تسندت على الخزانه.. وحضنت رجولها.. وبكت....... مقهوره.. حرام عليك.. انا بعد صبري له حدود.. كل مره تقسى علي وترجع تقول سامحيني.. اصبر على كل شي الا انك تجرحني او تهين كرامتي..

لاتختبر صبري..حتى الصبر لو حد..

قلبي رهن امري.. اسمع كلامي جد..

اقوى على غدرك..اقوى على هجرك ..

الا على جرحي.. كل الصبر ينهد..

قلبي كتب وحروف..ال مثلك صعب يقراه..

ماكل بصير يشوف..حس انت بس معناه..

ليلي سهر ع طول.. طرف الرمش مبلول..

شاعد بعد واقول .. مليت انا من العد..

 

جا لها عبدالله.. ووقف قدامها.. ماما شفيك..

اخذته وحضنته.. وهي تبكي.. مافيني شي حبيبي.. يلا قوم غسل..

قامت معاه.. رفعت الفطور اللي ماتغير.. اندق الباب.. قام عبدالله فتحه..

ندى: وهي تدخل ووراها نوره.. صباحووووووووو

ساره :اهلين..

نوره :ش فيك؟؟

ساره: ولا شي بس تدرين مرهقه شوي. .والبارح عبدالله ماخلاني انام..

ندى: اهاا....... جلسوا..

ساره: عن اذنكم لحظه ... وراحت غرفتهم...

ندى: وهي تلكز نوره.. شكلها باكيه..

نوره : يمكن........

ندى: شفتي وجه اخوك وهو طالع.. اكيد منه..

نوره : بلا لقافه..

ندى: حرام عليه.. هذي مو مثل هيووف..

جات ساره.. وعطت كل وحده كيس..

نوره : تسلمين حبيبتي..

ندى: ذوقك اكيد..

ساره :اممم انا وناصر..

ندى: اها عشان كذا حلوين..

سولفوا معاها عن سفرتهم... رن جوالها.. ردت

ام عبدالرحمن : هلا يمه شلونك وعبدالله..

ساره : هلا بالغاليه.. بخير الحمدلله..

ام عبدالرحمن : اقول يمه تعالي خواتك كلمهم هنا .. تغدي معانا..

ساره :اممممممم اشوف ناصر وارد عليك.....

ام عبدالرحمن: زين يمه... فمان الله..

ساره :امان الكريم..

نوره: الوالده......

ساره : ايه... اخواتي كلهم هناك.. ويبوني اروح..

ندى: روحي طيب.. عبود عندنا.. صح عبود.....

عبدالله : ايه..

ساره :طيب بكلم ناصر واشوف..

قامت راحت غرفة النوم... دقت عليه......

مارد......... دقت مره ثانيه............

ناصر: بصراخ...... نعم انتي غبيه ماتفهمين... مارديت يعني مشغول..

ساره : ؟؟؟؟؟؟؟؟؟أ...........أ...............

ناصر: اخلصي اش تبين؟

ساره :ممكن اروح بيت اهلي..

ناصر: روحي.. وسكره بوجهها...

ساره :؟؟؟؟؟؟ مسكت نفسها لا تبكي.. وطلعت من الغرفه..

نوره : بشري..

ساره : وافق اروح...

ندى: وهي تحمل عبدالله اجل حنا نضف وجيهنا..

ساره: لحظه بجيب لك الدوا.. اعطيه اياه في وقته...

جهزت اغراضها.. ونزلت تحت..

ام فهد : على وين ان شاءالله.....

ساره : هلا خالتي.. بروح بيت اهلي..

ام فهد : اخذتي اذن زوجك...

ساره :ايه ووافق

ام فهد : ايه.. سلمي عليهم..

ساره :الله يسلمك.. طلعت وركبت سيارة السواق.. سندت راسها على الكرسي.. وتنهدت بقوه.. احساسي.. الم.. قهر.. خيبة امل.. كلما قلت بكره يصير احسن.. ابكي فيه اكثر امس...... ناصر... انت منو بالضبط...

 

ناصر.. بعد ماسكره بوجهها.. ش فيني عليها.. هي ماغلطت.. وحتى لو.. اللي سوته مع ولدي.. محد يسويه.. سهرت وتعبت معاه.. عشاني واجازيها بصراخ وهجر وضرب.. ليش.. ليش ياقلبي تقسى على اعز الناس......

 

ساره وصلت بيت اهلها استقبلوها اخوانها وعيالهم.. سلمت عليهم.. وتغدوا.. بعد الغدا... الحريم جالسين في المقلط والرجال في الصاله.......

حود : خالتو عندك صور جديده.......

ساره :.........................

جود :خالتي.......اللي ماخذ عقلك..........

ساره : مالت عليك روحي عني... صحيح ماتنعطين وجه..

اماني : ساره تعالي ابيك شوي......

قامت معها.. دخلوا غرفة اماني.....

جلسوا على السرير...

اماني: شلون ناصر معاك..

ساره : تطالع قدامها.. الحمدلله..

اماني: و,,,,,,,,,,

ساره: ها......الحمدلله كل شي تمام..

اماني :حست انها احرجتها.. لا تفهميني غلط بس حبيت اتأكد ان كوابيسك مااثرت على زواجك..

ساره :لا ......... كل شي من احسن مايكون......

اماني: الحمدلله........

ساره: يلا ننزل.......نزلوا.. دقت على نوره تطمن على عبدالله.....

نوره : اللي كانت جالسه جنب ناصر..هلا سارونه..

ساره: اهلين.. شلون عبدالله معاك..

نوره : وهي تطالع ناصر.. وليش تسأليني اسألي ابوه......

ساره : ابوه.. حست بألم وغصه.. هو معاك مو مع ابوه......

نوره :الا مع ابوه حتى هو جالس جنبي تبين تكلمينه..

ساره :لا ماله داعي.. عشان يشتاق لي هههههههههه

نوره : ههههههههههههه.. يلا باي لا تخربيني..

ناصر: ش فيك على زوجتي..

نوره :اقولها كلميه. تقولي.. لا عشان يشتاق لي.....جنت.....

ناصر: اشتاق.........انا من زمان مشتاق.......

المغرب....... راحوا خوات ساره كلهم الا هي.....

اماني: مطوله عندنا اليوم.....

ساره :طرده يعني......

ام عبدالرحمن : العين اوسع لك من المكان...

ساره :والله فكره .. انام هنا.....

تركي :ايه اختي حبيبتي مشتاق لسهراتنا والله

سلمان : وانا بعد مشتاق لعزايمك..

ساره : ههههههههههه ادري عنكم بس للمصالح...

ام عبدالرحمن : لا يابنتي روحي بيت زوجك.......

ساره :بدق عليه اذا وافق بنام هنا..

راحت عند الدرج.. ودقت عليه..

ناصر كان جالس عند التلفزيون مع عبدالله في شقتهم..

طالع جواله.. ارد عليها..رد بدون نفس :نعم.....

ساره :هذي اولها... الو.. مرحبا..

ناصر: خير ش تبين..

ساره : شلون عبدالله..

ناصر: بخير.. وبعد..

ساره :ابي انام هنا في بيت اهلي..

ناصر: نعمممممممممم.....وليش ان شاءالله ماعندك بيت وزوج..

ساره : انا تعبانه وابي ارتاح...

ناصر: تعبانه من شنو........

ساره : حست انها شوي بتبكي... من كل شي..

ناصر: اسمعي.. انا جاي لك الحين ونومه في بيت اهلك مافيه..

ساره :لا تتعب نفسك ماراح ارجع معاك وسكرته بوجهه.....

ناصر:؟؟؟؟؟؟؟؟؟؟؟؟؟؟؟؟؟؟؟؟؟ ماشي ياساره..

ساره بعد ماسكرت من عنده .. راحت غرفتها القديمه..

هههه هذا الفستان اللي نسيته .. حطته في كيس.. اخذت بيجامه لونها وردي وعليها رسومات مثل حق الأطفال..

وقفت قدام المرايه.. ههههههههه اش فيها الدنيا.. فتحت شعرها... وسوته اثنين مرفوعين...ونزلت..

تركي وسلمان: هههههههههههههههههههههههههههههههههههههه

ساره :تخصرت ليش تضحكون..

سلمان : كأنك جودي ابوت..

ساره :هين جيب القير وانا اعلمك من هي ساره.. خذت القير وجلست جنبه..

ناصر..

اخذ مفاتيح سيارته وقام.....

 

وصل بيت ابوعبدالرحمن...... دق عليها.. ماردت.... نزل ودق الجرس..

فتح له تركي الباب ودخله بيتهم.. دخل الصاله لقى ساره جالسه بين سلمان وفيصل على الأرض قدام التلفزيون وتلعب معاهم بلايستيشن..

سلمان : والله لأكسر عليك..

ساره :هههههههه ضحكتني الا افوز واكسر عليك.. ماتغلبني في السباق..

سلمان : الحمدلله ماخلوكم تسوقوا صحيح.. كان كل يوم مموته آدمي..

ساره : ههههههههههههههه الله يرجك..هههههههههههههه

توه تركي بيتكلم.. ناصر اشر له يسكت.. ووقف يطالعها وهي تلعب وتتهاوش مع سلمان..

ساره :سلمانو لا تغش لا اشيل اللفه اللي على راسك واحطها على عيونك..

سلمان : ول.... شريره انا لازم احذر ناصر منك.....

ساره :مالك شغل بناصر.. وبلا غش..

فيصل :ساره ساره.......

ساره :اوووه اش تبي... وهي مركزه على التلفزيون..

فيصل : ناصر........

ساره :اش فيه.......

تركي :وراك يالخبله...........

ساره :ايش ولفت على تركي........ كان واقف جنبه ومكتف ايديه ويطالعها..

حس ان كل شي وقف..... يطالعها.. شكلها .. طفله.. في كل شي.. لكن عيونها مليانه حزن......

ساره: ن..........ا.........صر........

ناصر: ايه... وقرب لها... حوطها بأيدينه ومسك القير.. انا اعلمك كيف تسوقي..

ساره :انحرجت منه.. قدام اخواني الصغار.. لكن قربه منها.. يجذبها ويعذبها..

ناصر:آآآآآآآه ياساره.. ياليتك تعرفين اللي بقلبي...... جن على ريحة التوت في جسمها.. هذي كل شي فانيلا.. واليوم توت.. اقول لكم بتجنني....

ساره : امم.. بعد بروح البس عبايتي.....

بعد عنها وقامت...

ناصر :بسرعه انا مستعجل.. وهو يضحك...

ساره :طيب.....وراحت فوق.. سكرت باب غرفتها... ودي اذبحه... ش يبي مني.. مو طايقني جاي ليش.. ماتفرق عنده جنبه او بعيده..

فيصل دق الباب.. خاله بسرعه ناصر طلع..

ساره : وهي تلبس .. زين زين.. اووف منه... لبست ونزلت..

لقته واقف جنب السياره.. اووف جاي بالهمر..

فتح لها الباب.. ومد يده لها.. ساره اووف لو ادري مالبست كعب.. مسكت يده وركبت... سكر الباب وركب..

طول الطريق.. الصمت سيد المكان..

وصلوا البيت.. طلعوا لشقتهم..

راحت غرفة عبدالله تطمن عليه.. عدلت اللحاف عليه...

وبعدها راحت لغرفة النوم...

امم هذا فستاني.. البسه ماجربته من قبل..

لبست الفستان.. كان لونه زيتي فاتح شوي,, يعشق هاللون.. وفيه تطريز ناعم من فوق.. وبدون اكام,, كت.. لنص الركبه ..جلست قدام التسريحه... فتحت شعرها.. مشطته..

 

ناصر.. جلس في المكتب..... مااقدر اتحكم في مشاعري معاها.. ش سوي..

 

سمعت صوت عبدالله يبكي.. وراحت تركض له..

ناصر.. شافها وهي طالعه من غرفتها لغرفة عبدالله.. معقوله هذي هي.. قام .. طلع المكتب.. الا هي بوجهه طالعه من غرفة عبدالله...

ساره: نزلت عيونها ومشت. مسكها..قربها منه.. ساره......

بدون ماتطالعه : نعم......

ناصر :وهو يمسح على خدودها وشعرها..تعالي معاي.......

ساره : طيب.. راح للصاله جلس جنبها وهي منزله راسها...

ناصر.. قرب منها شم ريحة التوت .. لمس كتفها العاري.. رجفت.. بعدت شوي..

ساره : شنو كنت تبي تقول.....

ناصر .........................عينه عليها وبس... فستانها بجنن.. وصايره فتنه......

ساره: لفت عليه...... جت عينها في عينه.........

ناصر: قرب منها.. مسك خصرها... وهي تحاول تبعده..........

ساره : ش تبي وهي تقاومه........

ناصر :وبعدين مع عنادك..........

ساره : يعني بعد اللي سويته فيني امس و اليوم.. تبيني ارمي نفسي في حضنك ولا كأن شي صاير..

ناصر :بعد عنها.. ساره والله ماكان قصدي اجرحك.....

ساره :جرحتني مرتين........ وبدون سبب... ناصر.. انا مارميت نفسي عليك وقلت لك تعال تزوجني.. واظن انك عارف اني كنت مطلقه..

ناصر: طيب........ حقك علي.........

ساره : بعد شنو............

ناصر: انا آسف وقام راح المكتب...........

ساره : حست بالندم....... لكن لا ماراح اخليه يجرحني ويتمادى اكثر......

 

ناصر: الحق علي انا الغلطان......... معاها حق.. لو انا مكانها مستحيل ارضى بكلمه........ لكن ش سوي........حط يده على راسه.. تعبت من التفكير.......

مر اسبوع........

عبدالله صار احسن الحمدلله.......

ناصر وساره........

كل واحد ينام في غرفه.. يعاملوا بعض بجفاف.. ومايكلموا بعض الا للضروره (حلوه ذي) .......باقي على اجازة ساره اسبوع.......

يوم ا الأثنين بعد العشا........

ندى :اووووووف مابغينا خلصنا دراسه..

نوره : ايه مرره اللي يسمعك مقطعة الكتب..

ندى :الجامعه دراستها صعبه......

ناصر: كان جالس جنبه ساره وفي حضنها عبدالله....الا انتي ماتنفعين للدراسه....

ابوناصر: ش رايكم .. بما ان الوقت اجازه وعبدالله الحمدلله تشافى.. نروح جده كم يوم نغير جو......(عندهم بيت كبير فيه مزرعه على البحر)......

ندى : نطت من مكانها...اي والله يبا تكفى.......

ناصر: ببرود .. يبا والشغل....

ابوناصر: الشغل لاحقين عليه. . وبعدين حنا نروح يوم الأربعا ونرجع ليلة السبت..

ام فهد : ايه نغير جو......

ابوناصر: ساره يبا متى تخلص اجازتك..

ساره :باقي لي الأسبوع الجاي.....

ابوناصر: حلو........ اقول ناصر..... روح احجز لنا كلنا......

ناصر :طيب...... وهو يعدهم... نطر ندى: وقال عددهم..

ندى :لحظه لحظه.. واحد اثنين... ناقصين واحد.. لا تكون نسيت زوجتك....

ناصر: لا والله تناسيتك انتي... احنا رايحين نريح ناخذك تزعجينا ليش....

ندى: يبا شوفه..... اصلا الروحه على حسابي.. انا اكثر وحده تحتاج راحه..

نوره :ايه صحيح.......

قام ناصر.. يلا ساره ..

ساره :طيب خذ عبدالله نام.. اخذه من عندها ومشوا.....

وصلوا الشقه.......

بعد ما حط عبدالله في سريره.. راح الصاله ونادى على ساره.. جات له.. نعم..

ناصر: انا بروح احجز لنا.. تبين شي...

ساره :لا .. لاتحجز لي....

ناصر: ايشششششششششش؟؟؟؟؟؟؟

ساره: لا تحجز لي.. مابي اروح...

ناصر :ليش؟

ساره : مابي اروح وخلاص.....

ناصر : وهو يشد على اسنانه.. لاتجننيني..

ساره :اذا رحنا هناك وين راح نقعد ..

ناصر : بغرفه يعني وين......

ساره : عشان كذا مابي اروح......

ناصر: في نفسه..يالله ياساره.. حتى ماتبين تنامين معاي بغرفه وحده......

تطمني الدور الثاني فيه سويت غرفه وصاله وحمام.. يعني ماراح تنامي معاي بنفس الغرفه......

ساره : متاكد......

ناصر: ايه.... في شي ثاني.....

ساره :لا.......وطلع.......

راح حجز لهم لجده.. الرحله يوم الأربعا الصباح.....

ندى: كلوووووووش....

نوره :هههههههههههههههه

ناصر: دخل الشفه لقاها واقفه في المطبخ.. ريحة قهوه..

ساره : رفعت وجهها له ورجعت تحرك القهوه.. تبي قهوه.....

ناصر: وهو يجلس على الكنب.. وهذا سؤال.....

جابت القهوه وجلست جنبه.. صبت وعطته الفنجان..

اخذه وهو يطالعها.. تسلم ايدك..

ساره : لفت على الطاوله اللي يسلمك فيه العافيه..

اخذت فنجانها وشربت...... ناصر وهو يشربها بشويش.. قهوتك مثل ماهي ماتغيرت..

ساره : لفت عليه.. متى ذقتها اول مره اسويها من تزوجنا؟

ناصر: يوم جيت اخطبك ولما رحت اشوفك.. نسيتي...

ساره : ايه.. تذكرت لما قالت ابي احط له ملح او سم.. حطت يدها على فمها وضحكت........

ناصر: اش فيك؟؟

ساره :ههههههههههههههههههههههههههههههههه

ناصر:......... قولي اش فيك... قلت شي يضحك........

ساره : هههههههههههههه لابس كنت ابي احط لك ملح فيها.......

ناصر :ملح ها.......انا اعلمك....... ومسكها وصار يدغدغها ..

ساره :ناصر....هههههههههههههههه.. هههههههههههه اتركني يامجنون....هههههههههه

ناصر :ملح هاا..........

ساره :ههههههههههه اتركني.......

ناصر: تركها... وقامت.. مسك يدها.. وين؟

ساره :بروح انام........

ناصر: تصبحي على خير......

ساره : وانت من اهله... مشت.. راحت للغرفه.. جلست على السرير ياترى وين وجهك الحقيقي ياناصر......

ناصر.....نام على الكنبه في الصاله.. ماتفرق..... لازم ماابين لها اني ابي حقك منها وبس.. لازم تعرف اني احبها لشخصها وبس....... وكل شي بوقته حلو..

 

اليوم الثلاثاء....... بكره السفر بكره...

ندى تغني.......

نوره الحمدلله والشكر....

ساره : خليها مبسوطه.......

دخل ناصر...........

ندى : غريبه جاي بدري....يووه نسينا في احد يستناك في البيت الله يعينك ياساره على ثقل دمه...

ناصر: شوفي هاذي التذاكر في ايدي.. بتلمين لسانك او اشقها الحين ومافي روحه....

ندى :لالالالالالالالا وهي تحرك ايديها... لا اخوي.. بسكت والله...

ناصر: ههههههه جلس جنب ساره وباس خدها.. شلونك حبيبتي عسى ماضايقتك هالمرجوجه.....

ساره :نزلت عيونها..لا

ندى :اقول عندكم شقه روحوا اقعدوا فيها.. احنا مانتابع الا افلام رعب.. مانبي رومانسيات هنا.....

ناصر :وهو يقوم الحين بتشوفين فلم جريمه مو رعب.. وقام لها....

راحت تركض .....يمه.........

نوره وساره :هههههههههههههههههه

ناصر: شوفي اذا ناقصك شي نروح ناخذه قبل بكره....

ساره : مو ناقصني شي.. جهزت اغراضنا كلها.....

ناصر: تسلمين يابعد عمري.......

نوره : انا اقوم احسن لي....

ناصر:ههههههههه خليك خلاص.....

جا ابوه وام فهد والتوأم وعبدالله.......

ناصر :من وين جايين؟

نواف : من التميمي نشتري اغراض لبكره.....

ناصر: اهاااا....

جات ندى: يبا خذ التذاكر من عنده.......

ابوناصر: منو.........

ندى :ابو عيون خضر.....

ناصر: والله من الغيره...يالحوله......

ندى :اوووووووووف منك.....

 

الكل :هههههههههههههههههههههه

 

يوم الأربعا الصباح...

 

ساره في غرفة نومها على السرير وماسكه بطنها... اووف يارب ماتجي الحين,, مو وقتها ابد..... جا ناصر بياخذ الشنط..

لا بس جينز ازرق فاتح وتي شيرت اسود .......

ناصر: ساره .. اش فيك؟

ساره :رفعت وجهها.. ولا شي....

ناصر : جلس جنبها.. تعبانه فيك شي......

ساره : لا وقامت.. يلا لا نتأخر..

ناصر: يلا.. اخذ الشنط وطلع قدامها..

ساره .. مسكت يد عبدالله ونزلت وراه.......

وصلوا جده الظهر........

ساره جنت على المكان تحب البحر والطبيعه......

المكان كان مقسم ثلاث اقسام..

مزرعه.. اسطبل خيول في نهاية المزرعه.. وبيتهم على البحر..

 

دخلوا البيت.. كان دورين.. تحت صاله كبيره... فيها طقم كن متصل لونه بني و قدامه مدفأه عليها صوره كبيره لناصر وهو راكب خيل... وبلكونه كبيره على البحر.. والدور الثاني غرف النوم وجناح.. وفي الوسط صاله صغيره..

طبعا الأطفال راحو يلعبوا..

الباقي دخلوا وطلعوا فوق.....

ناصر: يبا؟؟؟؟؟؟؟؟؟؟؟؟؟؟

ابوناصر: نعم.......

ناصر: وين الجناح .......

ندى :ياقدمي.. ايه صح ماكنت موجود..

ابوناصر :لما كنت في بريطانيا.. فتحنا الصاله حقتة على الصاله هذي.. وصارت اكبر.. وحطينا فيها بلازما كبير وطاولة بلياردو..

ناصر: طيب........وانا وزوجتي

 

ابوناصر: الغرفه اللي بآخر الممر كبيره وفيها حمام (عزكم الله)

ساره :؟؟؟؟؟؟؟؟؟؟؟؟؟؟؟؟؟؟؟؟؟؟

راحت الغرفه قبله... فيها سرير مزدوج وكنبه صغير لشخصين بس.. وعلى يسار حمام ... وعلى يمين فيه باب زجاج يطلع لبرا على الحديقه.......

دخل ناصر وحط الشنط.. وقف يطالعها تتنفس بقهر..

ساره : بدون ماتطالعه.. ابي ارجع..

ناصر: ترجعين؟؟؟؟؟؟؟؟؟

ساره :انت كذبت علي...

ناصر: وهو يجلس جنبها.. والله ماكنت ادري..

ساره : والحل.....

ناصر : تحملي يومين انام جنبك.......وقام وهو يسحب يدها.. تعالي ابيك تشوفين شي..

ساره : مابي...

ناصر: بلا عناد.. فتح الباب الزجاج......

ساره سكتت....المنظر يجنن.....

كان عباره عن اشجار وفي وسطها مسبح كبير وجنبه جلسه كبيره ...

ناصر : ش رايك.......

ساره :بدون ماتطالعه.. يجنن روووووووعه........

ناصر: بعدك مصره ترجعين......

ساره :لا اذا مانمت جبني..

ناصر : اهم شي راحتك.......انا بطلع اشوف عبدالله تجيب معاي..

ساره :لا ... برتب اغراضنا..

ناصر: براحتك ومشا.........

ساره :يارب ........ تسخر قلوبنا .......

راحت الحمام ورجعت.. هذا وقتك يعني..

بعد ماخلصت .. اخذت لها شاور.. لبست بلوزه طويله لنص الركبه.. لونها فوشي وعليها ورد بالأبيض... وبطلون جينز.. حطت عليها شال وطلعت الحديقه..

نواف : يصفر.احلى يالفوشي....

ساره :هههههههههههههه

ناصر: نوافوه والله بذبحك...

ساره وصلت مكان قعدتهم.. جلست بين ناصر ونواف....

نواف :مال عليها.. اقول سارونه.. خلي هذا يولي وتعالي معاي.. بدلللك اكثر منه وهو يحرك حواجبه...

ساره :هههههههههههههههههههه

ناصر: نوافوه قوم عن زوجتي لا ارميك في المسبح الحين.......

قام نواف.....

ندى : ماقالك ابوعيون خضر انه يحب يجي هنا....

ناصر: مو شغلك.....

ساره :لا ماقال...... لفت عليه ... ليش ماقلت...

ناصر: قرب لها ضيعتي عقلي.....

ساره /:نزلت عيونها وهي تهمس.....مو قدام اهلك..

الكل : ههههههههههههههه

ابوناصر: الله يوقفكم ويرزقكم بالذريه الصالحه.....

ناصر: آمين.. وهو يطالع ساره.....

بعد الغدا.......طلعوا وجلسوا في الحديقه...

ندى :احلى اخووووووووي.....

لفت نوره وساره.......

ساره:؟؟؟؟؟؟؟؟؟؟؟؟؟؟؟؟

 

كان جاي بخيل بني.. لابس قميص اسود وبنطلون جينز.. وفاتح الأزرار اللي فوق طبعا.. وهو يمشي شعره يطلع وينزل...

 

ساره الفتت يمين يسار .... وين راحوا... لقتهم وافقين بعيد.....

ساره .. ليش بعدتوا... هنا وصل ناصر ونزل من على الخيل.. ووقف قدامها.....

ندى : عشان هذا..

ساره :ايش.............. حملها وحطها على الخيل.. وركب وراها..

نوره :الحمدلله تزوج عشان يركب زوجته معاه.......

ندى : ايه فكه....

ناصر: وهو محوط ساره .. وهي صايره على جنب..اذا انتو خوافات ش سوي فيكم..

ساره : نزلني لا اصرخ.......

ناصر: يطالعها قريبه من صدره... وشعرها قدام وجهه.. صرخي.. محد راح يسمعك.. ومشى..

ساره خافت.. تمسكت فيه.. نزلني الحين..

ناصر: نو........وسرع.......

ساره :تتكلم وهي خايفه.. والله بصرخ...

ناصر: ههههههههههههههه..

مشوا شوي.. ساره انبسطت بس تكابر......

وصلوا مكان بعيد شوي عن البيت... نهاية المزرعه قريب من البحر..

نزل ومسكها من خصرها ونزلها... بعد مانزلها ضربت كتفه .. ومشت بترجع..

ناصر... لحقها ومسك كتفها. . وين بتروحين؟

ساره : اتركني برجع......وقفت قلبي.....

ناصر: وانتي ماتدرين اش سويتي بقلبي..

ساره :ايه مصدقه...

ناصر: هههههه ماالومك.. تعالي ابيك تشوفين شي..

ساره : مابي..

ناصر: شوفي واذا ماعجبك بنرجع على طول..

ساره :طيب ومشت معه...

وقفوا عند مكان مرتفع عن البحر ومزروع كله.. وجنبهم شجره كبيره.. ساره اتسندت على الشجره وهي تطالع البحر..

ناصر: ش رايك......

ساره :.............بدون ماتطالعه...... روووووعه..

قرب لها......اجلسي..

جلست وجلس جنبها...حب يزودها شوي..

نام على حضنها...

ساره : ؟؟؟؟؟؟؟؟؟

ناصر: مسك يدها وباسها..

ساره: ياربي هذا بيجنني.. قعدت تلعب في شعره..

ناصر: مبسوووووووووط..غمض عيونه..

ساره : حاسه اني احبه لكن في الف حاجز بيني وبينه......

ناصر: ليش مااقدر اتحكم في مشاعري معها... احس اني اضعف انسان في الدنيا قدامها...

ساره : ناصر........

ناصر: فتح عيونه بشويش.. عيونه..

ساره : اسألك شي..

ناصر: قام وقرب منها ويده على خدها.....قولي..

ساره : رفعت عينها في عينه..ناصر: ليش تبكي؟...انت ندمان انك تزوجتني.......

ناصر: دموعها تذبحني ....مسح دموعها.... لا...... ليش تسألي....

ساره :......... حاسه بكذا..........

ناصر: لا موندمان ولا عمري راح اندم........

ساره : اجل ليش تعايرني اني مطلقه ومو بنت.....كلامك هذا يجرحني .. .انا مااخترت اني اكون مطلقه.. لكن ماكان عندي اي حل ثاني للعذاب اللي كنت اعيش فيه.......

ناصر: حس بكلامها طعنات في صدره........نزل راسه.. سامحيني على كل كلمه قلتها لك.....حقك علي......

ساره : انا قلت لك من قبل.. انا مابي منك الا كلمه حلوه وتخاف الله فيني....

ناصر: قرب منها باس جبينها.. اوعدك من اليوم ماراح تشوفين الا اللي يسرك مني..

ساره :اتمنى.......وقامت......

ناصر: قام معها..... وين؟

ساره : قربت منه بشويش.. وهي تطالعه.. وحضنته.......

ناصر : مو مصدق.........حضنها بأقوى منها.. ليش تبكين......

ساره :ابي انسى كل شي...وهي على صدره وتشد ايدها بقميصه.....

ناصر: تمسك فيها.........وهو يمسح على شعرها وهبات الهوا وصوت الأمواج.. احلى لحظه بحياتهم......

بابكي على صدرك.. مجروح خليني..

لو مابيدك حيله.. كافي تحس فيني..

مجروح لوتدري.. ياكلمه في صدري..

انتا سنا عمري.. قربك يواسيني..

كافي علي حبك.. واحساسك وقلبك..

محتاج ابي قربك.. تعال ونسيني..

4shared.com - online file sharing and storage - download al-rasheed..babky.mp3

 

بعدت عن حضنه.........

ساره : ............

ناصر: قرب منها.. اش فيك.....

ساره : ولا شي........

ناصر: نرجع........

ساره: ايه.... حملها وركب وراها..

لا تسرع اخاف.....

ناصر: طيب...تامري امر كم سارونه عندي......

رجعوا البيت.....

في الليل..... ساره لبست دشداشه بدون اكمام سيور.. هي حاسبه ان ناصر ماراح ينام معها بنفس الغرفه......

ناصر: اوووووووه .. ايش هالحلاوه....

ساره : وبعدين معاك...... وليش نايم هنا.......

ناصر: وين انام يعني.......هاذي الكنبه ماتكفي حتى طفل قد عبود....

ساره : تكتفت مو شغلي.....

ناصر: قرب منها وجلسها على السرير.. وبعدين مع عنادك هاااا.. وعض كتفها..

ساره :آآآآآآآآآآآيييي.. ضربته على كتفه.. وبيدها الثانيه تفرك مكان العضه.. يامتوحش..

ناصر: ههههههههههه ادري عنك.. ش بسوي لك يعني اذا نمت جنبك.. ارحميني شوي... بالبيت انام بعيد وهنا بعد......

ساره : نزلت عيونها بجد ينرحم.......طيب بس لا تتحرش فيني..

ناصر:ههههههههه طيب.. وقرب منها وباس خدها......

ساره : بدينا.......

ناصر :خلاص........

وناموا............

 

يوم ثاني........الفجر.......

ناصر: ساره......ساره..... قومي قبل لاتطلع الشمس......

ساره : تحركت بملل... شنو........

ناصر: قومي وتعرفي........

مسكها وقومها..

ساره : ناصر.. فيني النوم........

ناصر: وهو يطلعوا من البيت الحين بتصحين......

وقف جنب الخيل...

ساره : ناصر والله مالي مزاج شي.....

ناصر: وهو يحطها على الخيل.. ولا كلمه..

ركب وراها.. حطت راسها على صدره...

ناصر: ضحك.. شفيك....

ساره : اسكت بكمل نومي ليما نوصل..

ناصر:هههههههه طيب..

وصلوا لنفس المكان..

ساره: شنو هذا........

كان حاط مفرش.. وعليه فطور........ والمنظر يجنن قبل ماتطلع الشمس...

جلسوا.....

ساره : ناصر......

ناصر: عيونه....

ساره : انا اسعد انسانه في الدنيا.....

ناصر: دوووووم يارب.......

خلصوا فطور... ناصر.. استند على الشجره.. وساره جنبه محوطها بيده وراسها على صدره....... طلعت الشمس...... ورجعوا البيت...

العصر........

ساره وناصر.. في البلكونه......

وندى ونوره والأطفال عند المسبح..

ندى :ساروووووووووونه..

ناصر : نعم اش تبين منها..

ندى: اقول انا ناديتها مو انت........

ابوناصر: كان بالصاله.. جالس على الأب توب.. نادى ناصر..

ناصر: سم يبا....

ابوناصر: تعال وصلنا هالأيميل للشركه... قام.....

ندى: تعالي قام الغثيث......

ساره :هههههههههه جايه.......

 

راحت لهم ووقفت معاهم قريب المسبح والأطفال كلهم في الماي..

نواف: تعالي اسبحي معاي سارونه...

ريان ماعليك منه انا مايعرف يسبح......

 

ساره : وانا بعد.......

طلعوا الأطفال من المسبح وراحوا داخل.. بقت ندى وساره واقفين..

ونوره حاطه رجليها في الماي......

شوي وقفت ندى ورا ساره......و........

 

 

 

طرااااااااااااااااااااااااااااااااااااااخ......

 

 

رمتها في وسط المسبح....

 

نوره : هههههههههه يامجنونه......

اختفت ضحكتها وهي تطالعها تحرك ايدينها....

نوره : ياغبيه ماتعرف تسبح...

ندى : بخوف ولا انا.. ساره مدي ايدك لي.. مد يدها لكن ماوصلت لها.. بعيده..

نوره ش نسوي...قامت لداخل وهي تصرخ..نااااااااااااااااااااااااااصر........

ندى : ساره.......ساره ........... نزلت تحت.........

جا ناصر يركض ووراه نوره. وعلى طول جوا الماي

طلعها وهي مغمى عليها.......

ندى: تبكي .. وهي ترجف من الخوف.....

ناصر: ماتتنفس......

نوره : سوي لها تنفس صناعي....بسرعه.......

ناصر: ايش؟؟؟؟

نوره: مو زوجتك بسرعه.......

قرب منها حط شفته على شفتها ونفخ ثلاث مرات.. وبعدين على بطنها ثلاث مرات.. مافي فايده.. كررها مرتين.. وندى واقفه وتبكي....يارب

 

شوي.....كحت... رفعها ناصر وصار راسها على كتفه..طلعت الماي ....

فتحت عيونها ببطئ.. تطالع وجهه... ورجعت راسها على كتفه..

حملها وراح لغرفتهم.......حطها على السرير وقرب منها..

فتحت عيونها بشويش....... انا وين..

ناصر: انتي جنبي....

ساره : تكح............ناصر رفعها شوي عن السرير.. ولما جات بترجع تنام.. نامت على صدره......

دقايق... قامت مفزوعه......

ناصر: اش فيك......

ساره : ولاشي بقوم ابدل.....

ناصر: احسن لك تمرضي بعدين......

قامت بسرعه... اخذت اقرب شي قدامها وراحت الحمام.....

شنو هذا...... روب نوم.....اووف انا ليش جبته مدري.. يلا موقصير واجد... تحت الركبه بشوي.... لبسته وطلعت.....

ناصر: كان لسه جالس على السرير...... شافهاو,,,,,,,,,,,,,,,,,

 

 

 

ناصر: شنو هذا...............

ساره : لاتتطالعني بنظرات... اخذته بسرعه وانا مدري شنو............

 

ناصر: ياريت كل مره تاخذي ثيابك بسرعه......

جلست جنبه وحوطها بأيده......

ساره : ناااااااااصر...

ناصر: وهو يقرب لها ياعيونه......

و..............................

 

 

 

 

 

ساره : لا.............. تكمل.......

ناصر: ليش............

 

ساره : انا محرمه عليك..........

ناصر:؟؟؟؟؟؟؟؟؟؟ اووووووووووووه منك وقام.........

 

 

طلع من الغرفه.........وراح للبحر..........

 

وبعدين معاها وبعدين...... لكن هالمره احسها تجاوبت معاي.. مو ذنبها محرمه علي..

 

رجع الغرفه.... كانت تبكي.......

نام ولا كأنه يشوفها........

 

يوم ثاني........

صحت ساره مالقته جنبها.......

طلعت برا لقته واقف عند سور مكان الخيل........

سوت له كوب كوفي.. ووقفت جنبه.....

ناصر: بدون مايطالعها.. صح النوم.....

ساره : صح بدنك...... تفضل....

ناصر: اخذه بدون مايلتفت لها.. يسلموا......بجفا....

شرب منه رشفه.........

ساره :انتي زعلان مني......

ناصر: لا........مو ذنبك......

ساره: لا انا احس انك ماخذ على خاطرك مني.....

لف لها.......وتنهد.. وقال......تعبت معاك.......مرتين.. وليش ماقلتي لي من البدايه انك محرمه علي.......

ساره: نزلت راسها......خفت ماتصدقني......

ناصر: رفع ذقنها.....ساره... انتي عارفه اني احبك....... لكن مااحب اعطي بدون مااخذ... حطي هالشي ببالك......

 

جاه عبدالله: بابا ركبني على الخيل........

ناصر: عطا ساره الكوب ومشى عنها..........مع عبدالله.....

في الليل رجعوا الدمام.......

 

دخلوا البيت.......

الكل:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

فهد..................

[@صدي الحرمان@]

في الليل رجعوا الدمام.......

 

طبعا ناصر.. كان يكلم ساره بجفا.. وهي تبي تراضيه لكنه مايعطيها فرصه......

 

دخلوا البيت.......

الكل:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

فهد..................

 

فهد: ايه ش فيكم مستغربين وهو يطالعهم..... لف على ساره اللي كانت حامله عبدالله(هذي زوجته.. ياحظك ياناصر.. ماتخاذ الا احسن شي)

ناصر: انتبه لنظراته لها.. قرب منها.. اخذي عبدالله وروحي فوق ..

راحت فوق.... خافت من نظراته لها......

فهد..... عمره 26....... بلا شهاده او هدف في الحياة.. ضيع عمره على الشراب والمخدرات والبنات وكل مايغضب رب العالمين.... بشرته حنطيه.. وطويل.. لكن مو اطول من ناصر.. عيونه مثل الصقر.. وملامحه قريبه من ابوه.. شعره ناعم لكن على ورا....

ابوناصر: الحمدلله على السلامه ياولدي,,,, وهو يحضنه...... وفهد يحب راسه....

سلم على امه واخواته......

ندى : الله يستر.....

نوره : اش فيك.....

ندى: يعني ماتدرين .. اكيد كل يوم هوشه مع ناصر.....

فهد : لف على ناصر.. تتزوج مره ثانيه ولا تعزمني....

ناصر: لسه ماسلم عليه.. وانا ادري انت وين عشان اعزمك.. وين الشهاده...

فهد :اي شهاده؟؟؟

ناصر: مو اخذت مليونين من حساب الشركه وقلت للدراسه..

ابوناصر: ناصر.. مو وقته.........

فهد : وهو يحك راسه..ها.....ايه......... ماعجبتني المناهج هناك ودخلت في مشاريع وفشلت..........

ناصر: ورجعت فاضي.......

فهد : البركه في الوالد.....

ابوناصر: الله يبارك فيك......

ناصر: تنفس بقهر ومشى عنهم....ماله مزاج يتهاوش معاه... يقهرني ابوي.. رغم كل اللي يسويه فهد.. متساهل معاه.. وانا اقل غلطه قوم الدنيا علي..رغم انه مايستغني عني.. الا اني احس اني ولاشي بنظره..

دخل الشقه.. كانت ساره بالغرفه وعبدالله نايم......

نادى: ساره..

جات نعم.....

ناصر: سوي لي قهوه..

ساره :ان شاءالله...... وراحت المطبخ......

سوت له القهوه... وحطتها قدامه.. تبي شي ثاني..

ناصر: اقعدي هنا....

جلست جنبه.. وقلبها يدق بقوه... شكله معصب...

شرب القهوه ولا قال ولا كلمه...... بعد ماخلص.. رجع راسه على ورا..وغمض عيونه..

ساره : كسر في خاطرها.. شكله مهموم.. قربت منه مسكت يده والأيد الثانيه تمسح على شعره...شفيك..

ناصر: قولي اش مافيني......

ساره : نزلت راسها.. ادري انا السبب..

ناصر: رفع راسه وقرب منها.. حسها شوي بتبكي.. حط يده على خدها..

لا والله مو بسببك.. انتي اهون الهموم عندي..

ساره : نزلت دموعها.. ادري .....انا السبب..

ناصر: ضمها لصدره.. والله مو انتي.. لاتبكي وتزيدي همي.......

رفعت: وهي تبكي.. يعني مو مني..

ناصر: باس حبينها.. لا... تبيني ارتاح.....

ساره : هااا........ايه.....

ناصر: ارجعي على ورا شوي.. رجعت.. نام على حضنها.. ومسك يدها.. وقال..كذا ارتاح من كل همومي..

ساره : ابتسمت ......وهي تمسح على شعره......ياكبر قلبك.. رغم اللي صار بعدك تداري خاطري......

نام.........على حضنها نص ساعه تقريبا....

رن التلفون...... ردت :الو......

فهد :حتى صوتها يجنن... مرحبا..

ساره: مرحبا.. مين معي...

فهد : انا فهد اخو ناصر.....اهو هنا....

ساره : اي بس نايم.....وهي تطالعه ....

فهد :طيب صحيه ابيه في موضوع ضروري...

ساره :اوكي.....

قربت من اذنه وهمست....ناصر... حبيبي .......قوم اقعد......

ناصر.. مافتح عيونه.. اكيد احلم.....اول مره تقول حبيبي.... خليني احلم احسن..

ساره : وهي تهز كتفه... ناصر.. حبيبي يلا قوم......

فتح عيوني.. وقام بسرعه....اش قلتي......

ساره :هاا......ولا شي.......

ناصر: الا قلتي....... قوليها مره ثانيه....حوطها بأيده.. وصار وجهه قريب من وجهها...يلا بسرعه

ساره : وهي تبعده بشويش.......ناااااااصر....

ناصر: عيونه وقلبه اللي ملكتيه..

ساره :خلاص...

ناصر: اذا ماقلتيها الحين.. بسوي لك ختم هنا....وهو يأشر على رقبتها...

ساره: بلا اجرام.....

ناصر: اني خيرتك فأختاري........

ساره :حبيبي انت لا تسويها........

ناصر: احد يجي ويذبحني.. بتذبحني هالبنت.....

ساره : زين قوم اخوك دق وقال يبيك ضروري......

ناصر: اختفت ابتسامته......اخوي.....متى دق...

ساره : قبل دقايق......

ناصر: وهو يرجع ينام على حضنها..الحين مقومتني من احلى نومه عشان فهد... خليه يولي زين ماعنده ماعند جدتي.....

ساره : طيب يمكن صحيح يبي شي ضروري.....

ناصر: وهو يمسك يدها .. ويحطها على صدره...خليه يروح.. انا اعرف شنو يبي..

ساره :كيفك...... وحطت يدها على جبته وتمسح على شعره....

ناصر.. مابي استعجل اكثر.. اخاف احاول مره ثانيه وترفضيني واكرهك بعدين.. مستعد اصبر لآخر يوم في عمري.. ولا اخسرك ياساره..

ساره وهي تمسح على شعره وصدره.. متأكده انه يحبني ..عيونه تقول هالشي.. لكن انا ليش خايفه منه.. لازم اضغط على نفسي.. عشانك ياناصر....

اندق الباب بقوه......

ناصر: انتفض من مكانه.....اكيد هو..

ساره : خافت ..... منو؟؟؟؟؟؟؟؟

ناصر: فهد.. قومي داخل..... راحت لغرفة نومها وسكرت الباب........ فتح الباب..

فهد : وليش ماجيت لي.. مشغول مع المدام..

ناصر: احترم نفسك .....

فهد : زين زين لا تعصب.. عطيني مفتاح سياره والف ريال....

ناصر: ايش؟؟؟؟؟؟؟؟؟

فهد :الللي سمعته....جيبي فاضي.. وابوي طلبت منه بغى يذبحني.....مافي الا انت....

ناصر: وهو يبعده عن باب شقته .. وانا اذا جيت وطلبت مني ريال بذبحك عن جد.. روح عني......

فهد :ايه انا ادري انك ماسك الشركه وتاخذ اللي تبيه بدون علم ابوي.....

ناصر: ثمن كلامك وانا مو مثلك......

ساره : كانت تسمع وهي داخل.. لكن خايفه تطلع.....

جا ابو ناصر وا فهد على صوت هوشتهم....

ابوناصر: شنو فيه.....

ناصر: اسأله.....ودخل الشقه وسكر الباب بقوه........

فهد : ..............

ابوناصر: تعال ابيك........ راحوا لمكتب ابو ناصر....

ناصر: دخل...وهو يحس ان دقات قلبه وضغطه وصل مليون....مافي الا هي....

راح لغرفة النوم.. لقاها جالسه على طرف السرير.. طالعته... نظراته فيها خوف..

وقف قدامها.. جلس على ركبه..حط راسه على رجولها..تعبت..

ساره :حطت ايديها على راسه.. مو عارفه شنو تقول..... شكلها مشاكل جايه.. هذا من اول يوم..

ناصر: انا بروح انام لي لي شوي..

طلع وراح للمكتب.. نام على الصوفا.....

 

فهد : بعد مااخذ اللي يبي طلع من البيت.....وهو يتوعد هين ياناصر....

ابوناصر.. دووم يوقف مع فهد حتى لو كان هو الغلطان ويعطيه اللي يبي عشان بس يرتاح من هوشاته مع اخوه.. ناصر.. دووم يقول لأبوه هذا اللي خربه .....

 

ساره : راحت له المكتب.. جلست جنبه على الصوفا....شكله تعبان ... غطته وطلعت.. دقت على نوره وندى.. تعالوا....

جوا لها فوق....

 

ندى: ليش نايم هنا ناصر.....

ساره : كان معصب وماقدرت اقول له شي....

نوره : الله يعين قلبه....

ندى :اي والله حطي لك قلب واعصاب.....

ساره :ليش؟؟؟؟؟؟؟؟

نوره : هذا حالهم كل يوم هواش.. فهد يغلط وناصر مايقدر يسكت له... وفي النهايه الحق دووم مع فهد..

ساره : ليش طيب؟؟؟؟؟

ندى: فهد يغار من ناصر.. دووم يقول هو عنده كل شي.. وماياخذ الا الأحسن.. ماعليك منه....من الغيره......

ساره : غريب.... المفروض يحاول يكون مثله ... مو يسوي كذا..

نوره : اللي يشربه يلعب بعقله.....

ساره :يشرب؟؟؟؟؟؟؟؟؟؟

ندى: وهي تمرر اصبعها تحت خشمها.. ويشم وكل شي.....

لا وكل ليله يرجع سكران.. وياناصر تعال ساعده يروح غرفته ينام... في الأخير حطوا له غرفة تحت...

 

ساره : خافت..............وليش ماحاولوا معاه يتعالج......

نوره: حاول معاه ناصر وابوي .. لكن العلاج مايفيد اذا ماكان برغبه من المدمن نفسه..

ساره :الله يهديه.. حرام يضيع عمره وشبابه........

 

راحوا.. وساره .. قامت تطمنت على عبدالله وابوه... راحت تنام...

اليوم السبت........

ساره اليوم ترجع تداوم.. صحت وراحت لناصر..

جلست جنبه.......ناصر.. ناصر..

ناصر: يتحرك بملل .....شنو.......

ساره : وهي تلعب في شعره.. يلا قوم.. بتتأخر على دوامك وتأخرني..

ناصر: اوووف بعد نسيت انك اليوم تداومين.. يلا وهو يقوم.. جلس جنبها.. طبعا الحبيب نايم ببنطلون بس.. وهي بروب الحمام..

قرب منها.. باسها على خدها وهو يحوط خصرها..

ساره: سكتت... ماتبي تحسسه انها رافضته..

ناصر: لا مو وقته..... قام.. يلا لاتتأخري بعدين تقولين مني..

قامت وراحوا لغرفة النوم..

ناصر.. راح الحمام... وساره في غرفة الملابس تلبس.....

بعد ماخلصت لبس.. راحت تجهز الفطور......

ناصر: يلا نمشي.. انا اللي بوصلك..

ساره : تسلم لي..

ناصر : فاضيه.....

ساره : لاتقول عني بخيله.. قرب منه بشويش وباسته بسرعه على خده..

ناصر: ابتسم.. امووت فيك انا..

ساره : كم مره قولك لاتقول هالكلمه.. يلا افطر..

ناصر: مالي نفس...

ساره : مدت بوزها مثل الأطفال... الحين متعبه نفسي ومجهزته وبعدين تقولي مالي نفس........

ناصر: ههههههههه .. باس خدها... حتى لوشبعان افطر عشان خاطرك.. كم سارونه عندي انا..

فطروا.. وطلعوا من البيت...

ركبوا السياره.. دودج شارجر.....

ناصر: لبس نظارته الشمسيه... وساره بعد.......

وصلها دوامها..

دخلت ......

رغد : سارووووووه.. وهي تسلم عليها الحمدلله على السلامه......

ساره :الله يسلمك..

جو رهف ونسرين يسلموا عليها...

رهف: محلوه بعد الزواج.....

نسرين :ايه واجد .. وهي ترفع يدها . عقبالي يارب..

ساره :هههههههههههههه..

راحت مكتبها.. وبدت شغل......

ناصر..وصل الشركه... رجع راسه على ورا.. رجع فهد.. يعني رجعت المشاكل..

وساره...وجودها يكفي.. ابتسم... ذكرها وهي مسويه نفسها زعلانه..

الساعه 5:30 ساره خلص دوامها..دقت على ناصر..

ناصر: هلا حبيبي.....

ساره : اهلين.. بتجي تاخذني..

ناصر: لا عمري... مشغول... دقي على السواق..

ساره : اوكي .. باي اشوفك في البيت..

ناصر: باي...

رجعت البيت...فاضي.......

راحت فوق.. مافي احد.. دقت على نوره..

نوره : هلا سوسو..

ساره : هلا بك.. وينكم؟

نوره :بما ان الحين اجازه اخذنا الاطفال اللي هم ندى ونواف وريان وعبود وجينا الحكير.......

ندى: ضربتها على كتفها... طفله بعينك....

ساره :هههههههههه اوكي يلا باي..

راحت شقتهم... اخذت لها شاور.. لبست بلوزه طويله لونها احمر.. بدون اكمام وفتحته من فوق مربع.. وبنطلون جينز.. صلت المغرب..

راحت المطبخ.. سوت لها كوفي في كوبها الأصفر.. ذكرت ناصر.. ايام فرنسا...

اممم ...... ليش مااسوي انا العشا.... اوكي.. لكن هنا مافي شي.. انزل المطبخ تحت..

حطت عليها شال و اخذت كوبها و نزلت...

بدت تسوي العشا... دجاج مشوي اسرع شي..

طلعت سلطه وبدت تقطعها...... نزل الشال من عن شعرها.. وطاحت غرتها على وجهها......

 

كان جاي من برا.. يمشي وهو يتمايل......

دخل.. شافها..... هذي هي.....

وقف يطالعها ويتأمل جسمها... طول عمرك ماتاخذ الا احسن شي...

عليها جمال مو صاحي.. وجسم.. ااااااخ بس..

ساره خلصت السلطه.. والعشا صار جاهز.........

اوكي بروح فوق الحين استناه يجي.. اخذت كوبها ولفت بترجع.....

ساره :؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

 

 

 

 

 

 

 

 

 

 

 

 

 

فهد

 

 

 

 

 

 

 

 

 

 

 

 

 

 

 

 

 

رجعت على ورا ... تبي تغطي شعرها.. لكنه كان اسرع منها..

مسك كتوفها بقوه.. وطاح الكوب وانكسر.. انتي حلوه...

ساره : وهي تقاومه بعد عني.. وريحة انفاسه تقرف...

فهد : لازم انتقم منه فيك.. ومسك بلوزتها من فوق.. يبي يشيلها..و اتمزعت

ساره :بعد عني... وحطت كل قوتها.. وبعدته عنها.. طاح على الأرض..

وتمزع شوي من بلوزتها..من فوق

راحت تركض على الدرج.. وطاح شالها على الدرج........

 

وصلت شقتها.. قفلت الباب وراها وهي تبكي........

راحت لغرفة النوم....... جلست على السرير ترجف من الخوف.....

 

دقت عليه...

ناصر: هلا حبيبتي..انا....

ساره : بصوت كله بكى.. وينك؟؟

ناصر: ساره اش فيك.......

ساره :تعال بسرعه.......

ناصر :انا جاي....... ش فيك؟؟؟؟؟؟الو الو

انهارت وهي تبكي على السرير.......

ناصر: الله يستر.......

 

وصل البيت.. فتح الباب.. نغزه قلبه اكيد صاير شي.......

مر على المطبخ...... انتبه للكوب المكسور على الأرض.. هذا كوبها..

طلع على الدرج.. هذا لها بعد.. اش صاير.....

راح لشقتهم ,,, الباب مقفول.. لاحول الله... فتح الباب بالمفتاح..

توجه على طول لغرفة النوم.........

ناصر: ساره اش فيك.......

لقاها على السرير نص جالسه ووجها على السرير مايشوفه..

رفعت وجهها وشافته.. قامت بسرعه لحضنه..

ناصر: حس انه رجع على ورا شوي من قوة حضنها..

ساره : وهي تبكي.. لاتخليني لحالي......

ناصر: اش فيك... وهو حاضنها بقوه......

ساره : بصوت خفيف......ف..........ف.........فهد....

ناصر: فهد... فتح عيونه ع لاخر.. بعدها عن حضنه ومسك كتوفها وهو يهزها.. اش سوى؟؟ ردي علي..

ساره : نزلت راسها وهي تبكي...

ناصر: لسه ماسكها.. اش سوى ردي علي.. انتبه لملابسها الممزعه.. مسك طرفها.. هذا بسببه......

ساره :تهز راسها.. ايه..

 

ناصر: سوى لك شي....

ساره :لا.. انا كنت اقوى منه..

ساره دفنت راسها في حضنه.. تبي تحس بالأمان.. وماتحس فيه الا في حضنه هو وبس....

ناصربعد ماحس انها هدت.. قالها اقعدي هنا ولاتتحركي لو مهما سمعتي....

راح......وهو يقول الا زوجتي....خذ كل شي الا زوجتي........

ساره : لحقته.. ناصر.. عشان خاطري.. لاتتهاوش معاه..

وصل للباب.. وقف قدامه :عشان خاطري......

ناصر: بعدي عن الباب......

ساره : واللي يخليك لا تتهاوش معاه..

ناصر: بصراخ.. بعدي اقولك........

ساره :...........لا.........

مسك كتفها وبعدها.. لاتتدخلي مره ثانيه فاهمه.........

نزل على الدرج بسرعه(في اصعب الأوقات دووم ينسوا الأصانصير)

لقى ام فهد واخواته جايين من برا.. ولا عبرهم وعلى غرفة فهد....

ام فهد : شكله معصب.. راحت وراه......

ناصر: راح شاف فهد نايم على الأرض.. كان سكران..

ناصر: مسكه من ياقة ثوبه و رفعه من على الأرض وسنده على الجدار.. زوجتي ياحقير..وعطاه بوكس.......

فهد : وكأنه صحا من النوم.._(من النوم بس مو من السكر) ش فيها يعني..

ناصر: رماه على الارض ورفعه مره ثانيه.. وهو يضربه بوكسات.......

انت عمرك ماراح تتغير..

ام فهد :لا تضربه .. عسى ايدك الكسر.. ولدي..

ناصر: تركه... وهو يأشر عليه.. ولدك حاول يعتدي على زوجتي..

ام فهد : وهو تساعد ولدها يقوم.. لا ولدي مايسويها... يمكن زوجتك قطت نفسها عليه وتتبلى على ولدي..

فهد :هههههههههههههه... رجع لها هاذي.. ومدها عليه..

ناصر: فتح عيونه ع لاخر.....قطعه من ملابسها..

طلع من غرفته....

راح شقتهم..

اخذ له كاس ماي.. شربه بسرعه وانفاسه تتلاحق.. مسك الكاس......

وبأقوى ماعنده على الطاوله....... انكسر في يده وانجرحت........

جلس على الكنب.....وهو يتنفس بسرعه.. ويطالع الدم في يده..

ساره : جات بسرعه.. ناصر اش فيها يدك. قرب منه جلست قدامه على ركبها.. يدك مجروحه..

جابت مطهر جروح وشاش..لفت يده... وهو ماطالع وجهها......

ناصر: معقول كلام ام فهد صحيح.....لكن اهي تخاف مني.. شلون فهد.. اعوذ بالله من الشيطان الرجيم... مابي اشك في زوجتي بسبب واحد سكران...

ساره: ناصر.. قربت منه حطت يدها على خده ..

رفع عينه عليها.. تخيلها جنب فهد.......

بصراخ : روووووووحي عن وجهي.....

قامت بسرعه وراحت الغرفه...........

ناصر: نظراتها خايفه.

ساره :تبكي وهي حاضنه نفسها.. ليش..

 

ناصر......استغفر الله........ متى ياساره برتاح انا وانتي.. كلما اقرب منك خطوه ابتعد مية خطوه لورا

لاهدت نفسي.. ولا قلبي هدا

بعد ماقد غاب صوتك والصدا..

ماعدا دمعة عيوني بك.. تذكرني على طول المدا..

انت ماتعلم بقلبي وش غلاك .. لو طلبت الروح ماتغلى فداك..

المشاعر دوم عنك يسألون..من زمن قلبي بحبك اهتدا..

كم انا بحاجه لحبك والحنان.. افتقدته في غيابك من زمان..

كل ليله اشكي همي لشجوني..كلما انتهى هم ابتدا..

فتحت عيني في الدنيا عليك.. ايش اسوي اعشقك واموت فيك..

لو ظروف الوقت عنك بعدوني..مستحيل انساك ياقطر الندا..

 

 

4shared.com - online file sharing and storage - download majed-elmohandes_la-hadet-nafsy.mp3

 

 

 

قام وراح لها غرفة النوم.......

لقاها جالسه على السرير حاضنه نفسها وتبكي وتشهق........

 

قعطت قلبه .. قرب لها.. جلس جنبها..

ناصر: ساره...........

ساره : بعد عني......فوق كل اللي صار تصارخ علي.. القاها من وين والا وين.. مو حاسه بالأمان في هالدنيا.. كأني ضايعه..

ناصر: قرب منها اكثر.. قربها منه .. وحضنها.. باس راسها.. حقك علي حبيبتي.. ادري مالك ذنب..

ساره : والله غصبا عني..

ناصر: ادري والله ادري..

(اخوي واعرفه زين... يبي يقهرني بأي طريقه)..

اهدي حبيبتي اهدي.......

ساره.. نايمه جنبه وراسها على صدره وحاضنين بعض......

ناصر: بعد ماحس انها هدت.. قام..

ساره : وين بتروح؟

ناصر: بروح انام..

ساره : خليك جنبي.....

ناصر: ابتسم. . اول مره تطلب مني هالشي.. رب ضارة نافعه..

طيب بروح اطفي النور ..

طفا النور وفتحت ساره الأبجوره.. ونام جنبها.. وهي راسها على صدره وحاضنته..

 

في مكان ثاني..

في غرفة نوره..

نوره جالسه على سريرها وفي حضنها لاب توب.. وندى جنبها نايمه على بطنها وماسكه مخده...

ندى :انتي مصدقه اللي صار.. معقوله فهد توصل فيه لهالدرجه؟

نوره : والله السكران متوقع منه كل شي.......

ندى : تهقين ش سوى بأمريكا.......

نوره : انا سمعته امس يتكلم في الجوال.. شكله واحد من ربعه.. يقول انه خسر نص فلوسه في القمار........

ندى: قامت ... وهي تأشر بأصبعها.. مليووووووون ريال في القمار.. وابوي بغى يروح فيها.......

نوره : شفتي عاد.. ومحد رجع كل شي الا ناصر......

ندى : كسرت في خاطري سارونه.. الله يعينها..تهقين يطلع من البيت..

نوره : ..........لاهيه بالاب توب..

ندى: قرصت رجولها. . اكلمك انا...

نوره : ايييي وجع.......

ندى : تهقين يطلع ناصر من البيت..

نوره :تلقينه من زمان فكر فيها.. بس مااتوقع ابوي يرضى....

ندى: وهذا ابوي كل شي لا لا.....مسكين ياناصر....

نوره :اسكتي بس......

 

يوم الأحد الصباح.........

 

ساره ... صحت من النوم.. مالقته جنبها.......

راحت جنب الحمام سمعت صوت الماي.....

طلعت للحمام الثاني وغسلت وتوضت لصلاة الفجر.....

صلت ..... طلع من الحمام..

ناصر: وهو يبتسم.. صباح الخير.. وهو يقرب منها.....

ساره : ابتسمت.. صباح النور...حضنها,,,,,, ساره حست ان جسمها شب نار.. كان لاف عليه بس فوطه وصدره مكشوف....

ناصر: نمتي زين......

ساره : ايه...

ناصر: هههههه ياعيني ع الخجل..

ساره : رفعت عينها.. وانت...

ناصر: اممممم.. انا ماعرفت انام منك...

ساره: ليش؟؟؟؟؟؟؟؟؟

ناصر: قرب منها وهو يحرك حواجبه.. قربك عذاب....

ساره : نزلت عينها.. وهو تدفه.. نااااصر...

ناصر: عيوووووونه..

ساره : مو من الصبح.....

ناصر: والله في اي وقت كيفي مزاجي.. اتغزل في زوجتي على كيفي.....

ساره : ههههههههه.......

راحوا كل واحد دوامه......

ناصر.. مر على ساره وقت الغدا..... وراحوا تغدوا في المارينا.....

المغرب اصر انه هو اللي يرجعها من الدوام.... ووصلها لباب الشقه.. ناداه ابوه..

ناصر: ادخلي وقفلي الباب..

راح لأبوه ودخل معاه المكتب.......

ساره.. دخلت الشقه.. اندق الباب ..ابتسمت تعرف هالدقه..

ساره : مين؟

انا عبدالله..

فتحت الباب بشويش.. ودخل.. رجعت فقلته..

 

ناصر: ايشششششش؟؟؟؟؟؟؟؟؟؟

الرياض؟؟؟؟؟؟؟

ابوناصر: كلها يومين.. خلص الشغل وارجع..

ناصر: يبا انا مااقدر اترك زوجتي لحالها..

ابوناصر: قصدك فهد.. و لا يهمك انا اكلمه..

ناصر: شنو تكلمه.. هذا الكلام مايفيد معاه..

ابوناصر: يمكن زوجتك تبالغ.. واذا خايف عليها.. خليها تنام في بيت اهلها ليماترجع..

 

ناصر: نزل راسه مافي فايده.. انتي اللي تخلص الشغل.. يعني انت..

طلع من المكتب..راح لشقتهم..

دخل لقى عبود مع ساره في الصاله...

ناصر: بجمود.. تعالي ابيك......

قامت ساره : الله يستر شكله معصب......

دخل غرفة النوم.. ووقفت ساره وهي منزله راسها..

ناصر :خذي لك اغراض بوديك بيت اهلك...

ساره : رفعت وجهها.. مصدومه.. بصوت يرجف.. ليش.. ايش سويت ماتبيني؟

ناصر: مابيك؟؟؟؟؟؟؟؟؟؟؟؟؟؟؟

ضحك.. فهمتني غلط.. انا بسافر ومابيك تقعدين هنا.....

ساره: جلست على اقرب كرسي.. شوي بتبكي..

ناصر: جلس جنبها وهو يضحك.. اش فيك خفتي...

ساره : ظنيت انك ماعاد تبيني..

ناصر: ههههههه قام ومسك يدها قومها معاه.. ووقفها قدامه ولاصقه فيه..

مسك وجهها وباس جبينها..

انا مابيك... انا اموت من غيرك.. انت عمري.. مشكلتك للحين ماعرفتي قدرك عندي.. وحضنها...

ساره . . كل يوم احس انك مختلف عنهم.......

ناصر: بعد.. باس خدها.. يلا جهزي اغراضك بوديك الحين..

ساره : متى بتسافر..

ناصر: بعد شوي..

ساره : امداك حجزت..

ناصر: لا وين حجزت.. مافي حجز.. بروح بالسياره....

ساره : لكن الحين ليل وخطر عليك..

ناصر: قرب منها وهو يضحك.. تخافين علي..

ساره : اكيد اخاف عليك..

ناصر: حضنها.. يابعد عمري انتي.. بعدها يلا بسرعه مابي اتأخر..

ساره : متى بترجع..

ناصر: اممم اتوقع الأربعا..

ساره : طيب بجهز اغراضك بالأول.. وعبدالله.. صار مايبي ينام عند نوره ولاندى..

ناصر: تسملين حبيبتي.. ينام عندك.. واذا رحتي الدوام..

ساره : وليه المشاوير.. اختي وامي في البيت..

ناصر : لالا. . امك واختك مو مجبورين بولدي.. ولا انتي بعد..

ساره : زين.. وقامت...

الساعه .. 9.. وصلها بيت اهلها.. دخل سلم عليهم.. ولما طلع.. لحقته ووقفوا عند المدخل..

ناصر: يلا مع السلامه توصين شي....

ساره : سلامتك انتبه لنفسك.. واتصل فيني كل شوي..ولا تسرع ابيك ترجع لي سالم..

ناصر: عقد حواجبه.. منو سالم؟؟؟؟؟

ساره : ضربته على صدره .. ياثقل دمك ساعات..

ناصر:هههههههههههههههههههههه

ساره : شفيك تضحك..

قرب منها.. تذكري لما طلبت منك بوسه هنا.. وأشر على الدرج..

ساره :هههههههههههههه..

ناصر : ابي وحده الحين......

ساره: قربت منه.. باسته على خده.. وحضنته...

ناصر: يارب لاتغير علينا.....

ساره : بعدت عن حضنه.. فمان الله.. توصل بالسلامه..

ناصر: الله يسلمك.. انتبهي لنفسك ولعبدالله....

وطلع.......

ساره .. وقفت لين سمعت صوت السياره مشت .. واختفى الصوت......

ناصر.. مسك خط الرياض......

ودي ارجع......كرهت السفر ..والبيت وكل شي...

مابقى لي الا انتي ياساره.....

كلها ساعات واسافر.. واحمل هموم وعنايا..

وابتعد مكسور خاطر...لأن حبيبي مو معايا..

ماطرى يوما في بالي.. عنك انا ابعد ياغالي..

حطمت قلبي الليالي..فرقتنا في النهايه..

كيف راح اصبر بدونك..وعيني تبعد عن عيونك..

وانا كل ماينظرونك ..تزيد ناري في حشايا..

انحرم ليه من حنانك.. وعمري ضيعته عشانك..

يافرح ولى زمانك .. وانطوت احلى روايه..

ياحبيبي في بعادي..روحي لك تصرخ تنادي..

صوتي ضايع وسط وادي..وادري ماينفع رجايا..

من هو لي يطفي لي ناري..يشعر بهمي ومراري..

ليلي ابعد عن نهاري..شمسي غابت عن سمايا..

 

 

4shared.com - online file sharing and storage - download Waleedalshami_KolhaSa3atWasafer.mp3

 

 

 

 

في بيت ابوعبدالرحمن,,,,,,,

جا سعد...

هلا سارونه عندنا اليوم مع عبود..

ساره: هلا اخوي شلونك..

سعد : الحمدلله.. وين ناصر..

ساره: راح الرياض..

سعد: الرياض؟؟؟؟؟؟؟بسياره؟؟؟؟؟

ساره : ايه ليش؟؟

سعد : الجو ضباب.....

ساره : وقفت ايش؟؟؟؟؟

سعد :والله الخط ماينشاف....

ساره : راحت غرفتها ودقت على ناصر..

ناصر: هلا حبيبتي..

ساره : وين وصلت..

ناصر: ليش؟؟؟؟

ساره :ارجع بسرعه.....

ناصر: ليش..

ساره :الجو...... ماتشوف.....

ناصر: عادي..

ساره: واللي يخليك.. اذا تحبني صحيح ارجع..

ناصر: احبك يابعد عمري لكن مااقدر ارجع...... لاتخافي الله معي..

ساره : والنعم بالله.. لكن خايفه يصير فيك شي....

ناصر: تطمني..

ساره : طيب اتصل فيني كل نص ساعه..

ناصر: بس ماطلبتي شي.. كم سارونه عندي..

ساره : ايه قول.. مثل اخواني وحده وغاثتنا..

ناصر: لا وحده وماليه علي حياتي..

ساره: نااااااصر....

ناصر: اموو

ساره :لا تقولها اذا قلتها بزعل والله..

ناصر: طيب.. كل شي ولا زعلك..

بعد نص ساعه..

ساره : هلا....

ناصر: اهلين.. ها ع الوقت...

ساره:ههههههه ايه..

ناصر: سارتي.. ودي اضحك ......

ساره : اضحك احد قاللك لا....

ناصر: اضحك ع الفاضي.....

ساره : امممممممممم عندي نكته.. تبي تسمعها..

ناصر: يلا قولها نشوف......

ساره: صعيدي قاعد يحك اذونه بالمفتاح اشتغل ودعم في الطوفه

ناصر: ههههههههههههههههههههههههههههههههه

الله يرجك من وين جبتيها..هههههههههههه

ساره : جوال سلمانو مليان.. هذي وحده ثانيه...

 

بدوي مظلي ، نقز من الطيارة ، سحب المظلة ماانفتحت ، ليه ؟

لابس فوقها فروة !

ناصر: هههههههههاااااااااااااييييي.... توي ادري انك مرجوجه مثل ندوا....

ساره :هههههه ماشفت شي..

ناصر : هههههههه.. وسكت......

ساره :الو........ناصر......الو............

سمعت صوت بريك قوي..............ناصر........

تسكر الجوال........

 

رجعت دقت عليه.. مسكر......

وقفت.. وصرخت ناااااااااااااااااااصر........

 

 

رجعت دقت عليه.. مسكر......

وقفت.. وصرخت ناااااااااااااااااااصر........

 

جو لها اماني وسعد وامها وابوها وعبدالله جا يركض..

اماني اش فيك........

ساره : جامده وماسكه الجوال...

سعد : مسك كتفها.. اش فيك ش فيه ناصر..

عبدالله.. ماسك ثيابها ويهزها .. ش فيه بابا.......

ساره : فاتحه عيونها ع لآخر... وتطالعهم..

اماني : جلستها..

ام عبدالرحمن : سمي بالرحمن.. ش فيه ناصر..

 

 

 

كان في سيارته.. يتنفس بسرعه.. اللي صار ثواني.. لكنه يحس انه ساعات..

طلع له واحد وتجاوزه.. ولف وطلع برا خط السير ..

طالع يده.. وين الجوال؟؟ لقاه تحت رجوله مفكك.. نزل جابه وبسرعه وكل تفكيره في ساره.. اكيد سمعت او حست بشي..

 

رن جوالها..

 

 

 

 

 

طالعت فيه.. ناصر........

 

اماني: ردي عليه..

ساره :.................

اخذ سعد الجوال ورد........

 

ناصر: هلا حبيب

سعد :هلا..

ناصر: انحرج.. هاا....هلا سعد....وين ساره..

سعد : ش فيها سمعناها تصرخ وهذا هي جامده وكأنها مصدومه..

ناصر: والله ....ش فيها..

سعد : شكلها خايفه.. ش صاير..

ناصر: اها.. انا كنت اكلمها.. وفجأه واحد تجاوزني.. وانحرفت السياره عن الطريق...... و طاح الجوال من يدي وتفكك..

سعد : ههههه اها.. وهي خايفه يكون صار فيك شي.. هذ هي كلمها..

سعد: ساره كلمي هذا ناصر..

ساره :...........

سعد :وهو يهز كتفها.. ساره ....... ساره.........

ساره : هاا......

سعد : خذي جوالك كلمي ناصر.......

ساره : متأكد ناصر.....

سعد : خذي الجوال وتأكدي.......

اخذت الجوال.........

ساره : ا............أ.........الو.......

ناصر: هلا حبيبتي......

ساره : بس سمعت صوته........انهارت تبكي........

اماني : جنبها.. خلاص اهدي... تطمنتي انه بخير.. ليش تبكين..

ناصر: حبيبتي واللي يخليك لاتبكين........

ساره : وهي تبكي... ماصار فيك شي......

ناصر: والله العظيم ماصار فيني شي.....

ساره : لو صار فيك شي عمري ماراح اسامح نفسي..

ناصر: انا بخير تطمني....

طلعوا اهلها كلهم.. وهي ظلت تكلمه..

ساره : حسيت الثواني سنين..

ناصر: ههههههههه كل هذا خوف علي..

ساره : نااااصر..

ناصر.. صار كل نص ساعه يدق عليها.. وكل مره يشتاق لها اكثر واكثر..

ساره.. من كثر خوفها.. ندمت على كل لحظه ضيعتها بدونه او معاه.. وتمنت تموت ولا تبعد عنه لحظه......

الساعه 1..... وصل ناصر الرياض......

ناصر: والله وصلت ودخلت الفندق.. يلا بحجز وبعدين اكلمك..

ساره : استناك لا تطول..

ناصر: قلب مصري.. وانا اقدر..

ساره :هههههههههه باي.....

سكرت من عنده وعدلت الغطا على عبدالله اللي كان نايم جنبها..

نزلت تجيب لها شاي.. وجوالها معها..

كلمها وقال له انه حجز.. وخلاص يبي ينام..

ساره : وهي طالعه على الدرج..

اماني :للحين مانمتي؟

ساره : لا توه ناصر واصل الرياض....

اماني :اها طيب تعالي الصاله نسولف شوي....

ساره : اوكي........

نزلوا......

اماني: انا حاسه ان فيك شي.......

ساره : ماتقدر تكذب عليها.. هاا... ولا شي....

اماني: خوفك مو طبيعي ولييش قلتي عمري ماراح اسامح نفسي....

 

ساره : ولاشي..........عادي... كنا متزاعلين قبل مايسافر........

اماني :ساره انا اعرفك زين ماتقدري تكذبي علي........

 

ناصر... في الفندق....... يالله نمت جنبها كم ليله.. والحين احس الدنيا ضاقت فيني بدونها..... ساره... متى قلبك يحن علي.....

مسك جواله وارسل لها مسج........

 

اماني :ايشششششش؟؟؟؟؟؟

ساره : وهي منزله راسها....هذا اللي صار.....

اماني :يعني للحين ماصار بينكم شي.....

ساره :لا.....

اماني: فهميني .. مرتين .. ساره الرجال عنده كرامه ومهما كان حبك كبير بقلبه الا ان كل شي وله حد.. يعني تبين تخسرينه.. ناصر مايتعوض... زين منه انه للحين صابر...

ساره : نزلت دموعها.. ش سوي ماقدرت.. كل مره اقول هالمره.. اشوفه مثل الوحش قدامي..

اماني :طيب.. هو عنيف معك..

ساره : لا ابد.. احسه رقيق معاي لأبعد حد......

اماني: طيب.. شنو المشكله..

ساره : .........وهي تبكي.. اتخيله ماهر وهو يهجم علي..

اماني: هذا شيطان يوسوس لك..حطت يدها على كتف ساره.. اسمعي انا اعطيك كتاب فيه اذكار وآيات اقريها كل يوم وقبل ماتنامي وبأذن الله.. هالشيطان يروح عنك..

ساره : الله كريم...وقاموا يناموا.....

جالسه جنب السرير وعبدالله جنبها.. تأملت فيه.. يشبه ابوه..

ناصر.. لوتدري احساسي شنو الحين.. الندم يقتلني.. ودي اعوض كل لحظه معاك.. اممم اتصل فيه.. يمكن نام... ادق رنتين واسكر..

مسج.. فتحتها.....من ناصر.....

لا تتعبني يكفي القلب مجروح

لاقلت أحبك اسكت واسمعني

ماجيت أدور فيك لوعات وجروح

جيتك وانا كلى أمل تسعدني

جيتك وانا كلى أحاسيس ووضوح

جيتك ابي لو ساعة تفهمني

والله ماغيرك سكن داخل الروح

ولا غيرك انت وسط قلبي وعيني

...

فيك لايمكن اغير موقفي

انت محبوبي على كل الظروف

ثابت رايي ومهما تختفي

لك مكانه فايقه كل الوصوف

ترجمي يادمعتي له واوصفي

حالتي في الحب مكسور الكفوف

....

 

 

ساره..آآآآآآآه ياناصر.. انت احسن مني بألف مره... الا احسن رجال في الدنيا كلها..

ارسلت له......

 

أسألك بالله وش سويت فيني

وش سرهالشوق اللي يجيني

قلبي طول وقته معك

مايبيني

أسألك باللي عطاك

هالعيون

أسألك بالله يالقلب الحنون

كانك تعرف سرها الشوق

إنك تقول وش يكون؟

هوغرام

أوإحترام

أومرحلةحب

أوجنون

 

استنت بعد نص ساعه.. اممم اكيد نام.. لو صاحي دق..

تذكرت لما نامت البارح على صدره... حاسه السرير بارد (الجو صيف اكيد من المكيف..)

ياليته حنبي..

مسكت جوالها..

وكتبت المسج...

أناماأبي من الدنياسوى لحضة لقى وحده-

أبي أطيح من طولي على صدرك وتحضني!!

تعبت أشدبك حبل الشوق وأمده..

أبي أشكي على صدرك عطش هالحب !!

أرويني..دخيلك لاتخليني ترى صبري وصل حده..

"أهيم بعالمك طفل أمانه لاتخليني؟؟!

"أحبك"

ارسله.. امم لالا....... ارسلته..

يارب ماوصله.. طالعت الصادر.. وصل . . الحين شنو يقول عني..

اوووف انام انا بعد احسن بكره وراي دوام..

نامت......

 

يوم الأثنين الصباح...

صحت على عبدالله يصحيها..

ماما ساره ماما ساره قومي..

ساره : نعم حبيبي.. ش فيك..

عبدالله : قومي روحي الدوام تقول ماما ام عبدالرحمن..

ساره : امي.. متى شفتها.....

عبدالله : ضحك ببراءه..ههههههيييي قعدت من زمان ونزلت تحت وفطرت مع صالح(ابوها).......اكلنا تمر وشربت قهوه بعد..

ساره : بعد.. من وراي هاا.... تعال بعضك...

قام يركض.. وقامت وراه...

ناصر.. اووف مسجين.....قراهم...

ناصر:؟؟؟؟؟؟؟؟؟؟؟؟؟؟؟؟؟؟؟

معقوله ياساره....... طيب ليش هالحب وانا بعيد..

لو ادري من زمان سافرت..ههههههه

دق عليها.. ماردت... امم يمكن لسه نايمه.. لكن الساعه 6:30 اكيد صحت..

ساره : كانت تصلي الفجر..... خلصت صلاه... وركض لجوالها.. ناصر..

اووف شنو اقول له .. اكيد عشان مسجات البارح......

دقت عليه.......

ناصر: هلا وغلا بهالصوت..

ساره : هلا بك....صباح الخير.....

ناصر: صباح الورد ياعسل.....

ساره :ههههه شفيك قلبت مصري......

ناصر: يمكن بعد شوي اقلب سوداني بعد.....

ساره :ههههههههههههههههههه

ناصر: شلونك ... وعبدالله اخباره..

ساره : الحمدلله بخير.. مشتاقين لك....

ناصر: لاه....... وانا بعيد بس...ها.....

ساره : نااااصر.. ايه ماقلت لك... عبود مصاحب ابوي ويسميه صالح

ناصر: ههههههههههههههههههههه

ساره : متى رايح الشركه..

ناصر: الحين ... يلا بروح البس وانتي بعد......ولا تنسي تودي عبدالله البيت..

ساره : ان شاءالله..انتبه لنفسك.. ولا تسرع..

ناصر: حاضرين يامدام.. مو تبيني ارجع سالم..

ساره :ههههههههه باي

ناصر: باي..

 

سكرت من عنده وهي طايره من الفرحه.. حاسه انه يحبني وكل يوم يكبر في عيني.. واتمنى يصير اسعد رجال في الدنيا......اذا رجع كل شي بيكون مثل مايحب...

ناصر.. احساسي يقول بدت تتقبلني.. لكن ماودي اتأمل كثير عشان ماانصدم بعدين.. الله يهدي سرك ياساره....

ساره .. خلصت لبس.. نادت عبدالله..

ساره : وهي تعدل ثيابه.. يلا عشان نروح بيت ابوناصر..

عبدالله : وهو يبعد عنها... مابي اروح.. ابي العب مع فيصل..

ساره : عبدالله بلا عناد...

ودقت على نوره.. ماردت.. على ندى.. بعد ماردت..

البيت.. ردت الشغاله قالت كلهم ناموا.. طيب والحل..

جات اماني.. لسه ماطلعتي؟

ساره : عمات عبدالله مايردوا علي.. ابي اوديه هناك....

اماني :طيب خليه هنا..

ساره : ناصر منبه علي مااتركه هنا.

اماني: طيب اش بتسوين الحين.. اقولك خليه هنا.. واذا جا يصير خير..

ساره : تظنين كذا.. اوكي..

مسكت عبدالله ونزلت لمستواه..

ساره :حبيبي عبود.. خلك مؤدب وشاطر..واسمع كلام اماني.. زين ...

عبدالله: يهز راسه.. زين....

بوسته وطلعت..

في الرياض... الساعه 1 الظهر..

ناصر...مادقيت على ساره.. هي دقت وانا في اجتماع ومارديت عليها..

ادق على البيت اكلم عبدالله....

ردت نوره : هلا اخوي...

ناصر: هلا بك.. شلون عبدالله...

نوره : عبدالله؟؟؟؟؟

ناصر: ايه مو معاك..

نوره : هاا... انا توي صاحيه من النوم..

ناصر: يعني شنو.؟؟ وين ولدي؟

نوره : يمكن ببيت اهل ساره.. هي دقت علي ثلاث مرات الصباح وانا مارديت عليها..

ناصر: طيب .. وسكر الخط بوجهها.. عصب.. ليش ماتسمع كلامي.. دق عليها..

 

كانت بالمكتب..

حاطه يدها على خدها.. وتفكر فيه.. تذكرته امس كيف كان يضحك بقوه.. صوته ضحته رن في اذنها.. ياه ياناصر..

دخلوا مكتبها..

رهف : نحن هنا..

نسرين : ولاهي حولك...

ساره : صحيح انكم سخيفات...

رغد : يلا بنروح نتغدا..

ساره :الشاطئ..

نسرين :ايه ملتقى العشاق لأن....

ساره : ههههههههههههه رن جوالها.. ابتسمت...

رهف :اقول ننتظرك برا.. ولا تطولي..

ساره : اوكي وردت.. هلا..

ناصر: مرحبا.. بصراخ .. ليش تكسرين كلامي؟

ساره : حست بغصه.. ايش سويت..

ناصر: مو انا قلت لك ودي عبدالله بيت ابوي ....ماوديته ليش؟؟

ساره : زين لاتعصب..

ناصر: خلاص وصل حده..بصراخ.. كيف مااعصب وحضرتك تسوين اللي براسك بس...

ساره : انقهرت.. خلاص ماقدرت تتحمل كلامه.. اش تبيني اسوي يعني اخواتك ماردوا علي.. اتركه مع منو مع الشغاله.. او اجيبه معاي الدوام....

ناصر: بتهديد.. شوفي اذا مره ثانيه اقولك شي وماتسويه بتشوفين شي مايعجبك..بصراخ .. فاهمه....

ساره : حست انه شوي بتبكي.. لامو فاهمه.. هذا جزاي يعني..اتحمل مسؤلية ولد مو ولدي عشانك بس وفي الآخر تهزأني وتهددني.. ليش ماقلت شي حق امه اللي ماتدري عنه من سنه ....... اوماتقدر الا علي انا.. وسكرته بوجهه......

ناصر: ؟؟؟؟؟؟؟؟؟؟؟؟؟ تسكرينه بوجههي..

دق عليها......ماردت.. مره ثانيه.......ماردت.........حس ان اعصابه فلتت منه.. مسك الجوال ...................ز

 

وبأقوى ماعنده على الجدار.....

لازم ارجع الليله......واعلمك منو انا ياساره..

 

ساره : حطت راسها بين ايديها.. مسكت دموعها قد ماتقدر.. هذا جزاي.. كل شي اسويه ماتقدره مني.. وانا اقول مختلف عنهم.. تطلع مثلهم..

جاتها رهف.. يلا قومي..

ساره : لفت على الكمبيوتر.. مابي غدا.. روحوا انتو..

نسرين : ساره اش فيك.. من دقيقه كنتي تضحكين ش صار؟؟

ساره : عندي شغل..

نسرين : متأكده مافيك شي؟؟

ساره :ايه.. لو سمحتوا اطلعوا وسكروا الباب..

طلعوا وسكروا الباب..

رهف: ميه في الميه فيها شي..

نسرين : مشكلتها وجهها يبان عليه بسرعه.. حسيتها شوي وتبكي..

رهف :الله يعينها..

 

ناصر.. يتنفس بسرعه..... رجع راسه على الكرسي.. انا شفيني عليها.. كلامها صحيح.. هذا جزاها يعني.. اش معنى هي.. مااقدر اتحكم في اعصابي ولا مشاعري معها.. امس حسيت انها بتموت من خوفها علي.. واليوم اهزأها عشان شي ماله ذنب فيه.. ش سوي والله احترت وحيرتيني معاك ياساره..

ادق عليها.. وين ادق.. شال الشريحه من بقايا الجوال وطلع يشتري جهاز جديد..

 

المغرب..

 

رجعت ساره البيت.. شافتها امها..

ام عبدالرحمن : خير يمه اش فيك؟؟

ساره : مبين عليها التعب والهم.. مافيني شي تعبانه شوي.. وين عبدالله..

ام عبدالرحمن : مع فيصل وبنات سعد فوق..

ساره : طيب... وطلعت غرفتها.. راحت غرفة اماني.. دقت الباب ودخلت..

جا لها عبودي يركض وحملته وبوست خدوده... ها حبيبي انبسطت..

عبدالله :ايه لعبنا بلايستشن..

ساره : زين تعال معاي..

عبدالله : وهو يحاول يبعد عنها.. مابي بلعب هنا..

اماني: خليه.. ش بيسوي يعني..

ساره : نزلته اوكي...

راحت غرفتها.. سكرت الباب واستدنت عليه.. ماقدرت تمسك نفسها.. نزلت دمعه حاره من عيونها.. مسحتها.. شالت عبايتها وراحت توضت وصلت المغرب...

بعد الصلاه.. انتبهت لجوالها يهز..كانت حاطته صامت... المتصل.. هو.. مابرد عليه..

جلست على سريرها.. تتذكره امس واليوم... امس ابكي من خوفي عليه.. واليوم ابكي بقهر بسببه.. ليش.. ياناصر..

دخلت اماني..

مسحت دموعها بسرعه..

جلست قدامها على السرير.. ش فيك.. قلبي يقول فيك شي..

ساره : لفت وجهها الجهه الثانيه.. مافيني شي تعب الشغل..

اماني انتبهت لجوالها.. ناصر.. ردي عليه..

ساره : مابي ارد...

اماني : اش صار؟؟

ساره : ماقدرت تتحمل.. بكت وهي تقول.. يعصب علي عشان اتفه الأسباب.. هذا جزاي يعني ادير بالي على ولده وفي النهايه يهزأني ويهددني..

وقالت لها عن مكالمته وهي تبكي...

اماني: حطت يدها على كتفها.. زين اهدي الحين واسمعيني.. جابت لها مناديل وجلست جنبها.. ساره حبيبتي اسمعيني زين..

ساره : خلاص مابي ارجع معاه..

اماني : بلا غباء واسمعيني.. هو الحين صاير عصبي معاك.. عشان الشي اللي ماصار.. مايبي يبين لك انه ضعيف او رجولته انهزت.. عشان كذا يعصب عليك على اقل شي.. بكره لما تصيروا مثل اي زوجين تناموا في سرير واحد راح يتغير كل شي..

ساره : لكن.. واهتز جوالها...

اماني : صدقيني.. وهو الحين داق يعتذر لك.. ردي عليه ولا تحرقي اعصابه اكثر..

ساره :...............

اماني : مسكت جوالها وحطته في يدها.. ردي....وقامت طلعت..

ساره.. مسكت الجوال تطالع فيه.. تنفست بهدوء... عشان مايحس انها باكيه..

ناصر.....حس ان شوي بينفجر.. والله لو ماردت الحين بترك كل شي وبرجع.. مابي اخسرها.. وانا بعيد...ردت....

ناصر: مساء الخير......

ساره :سبحان مغير الأحوال فرق الظهر عن الحين......هلا..

ناصر: صوتها فيها شي.. وترد بدون نفس .. هلا فيك شلونك..

ساره : بخير......

ناصر: .......................

ساره :.......................

ساره :ببرود.. تبي شي؟

ناصر:.......انا آسف........

ساره : على شنو؟

ناصر: على اللي قلته الظهر وحقك علي..

ساره : حصل خير.. ماحبت تاخذ وتعطي معاه عشان ماتكبر السالفه..

ناصر: يعني انتي موزعلانه ......

ساره : لا تعودت.......

ناصر: على شنو؟؟؟؟؟؟؟؟

ساره : عصبيتك.. صار كل شي عادي عندي........

ناصر:..................مسك نفسه لا ينفجر فيها........طيب.. شلون عبدالله؟

ساره : الحمدلله مبسوط... ودخل عبدالله غرفة ساره..

عبدالله : ماما ساره تقول ام عبدالرحمن.. انزلي تعشي.....

ناصر: هذا هو.......

ساره : ايه ماتبي تكلمه تتأكد انه بخير.. وعطت الجوال عبدالله.. كلم البابا...

ناصر: والله لو هي قدامي ذبحتها على برودها.. هلا حبيبي..

كلم ابوه كلمتين وطلع موفاضي له....زههههههههههه

ساره : هلا........

ناصر: هلا........ وينه؟

ساره : راح.......تبي شي؟

ناصر: تصريفه... لا .........

ساره : متى جاي؟

ناصر: الحين......

ساره : الحين؟؟ مو قلت بتجي الأربعا..

ناصر: لا كلها ساعه بالكثير وجاي.......

ساره :ايشششششششش؟؟؟؟؟؟انت وين الحين..

ناصر: في الرياض يعني وين......

ساره : كيف ساعه وجاي...لقيت حجز؟

ناصر: لا جاي بالسياره.....

ساره :جنيت.. المشوار ياخذ 4 ساعات وانت تقول ساعه......

ناصر: مستعد امشي 500 بس اجي اراضيك وابوس راسك.. يلا جهزي اغراضك.. عندك ساعه لاتتأخري..

ساره : ناصر بلا جنان.. خلاص موزعلانه..

ناصر: لالا بجي..

ساره : واذا جيت بعد ساعه بزعل عليك اكثر...

ناصر : يعني السالفه عناد......هين اذا جيت بختم رقبتك..

ساره :ههههههههههه تسويها.....

ناصر: فديت الضحكه انا.. ايه الحين حلو....

ساره : كله منك ......محد قالك تعصب علي.....

ناصر :خلاص آسفين وحقك علينا......وهذي بوسه...

ساره : سمعته وهو يبوس السماعه..هههههههههههههههه مجنوووووووون......

ناصر: اقولك جنتيني...

ساره : بجد متى جاي.....

ناصر: وليه السؤال.. اشتقتي لي والا اشتقتي لي..

ساره :امممم.. الثالثه......

ناصر :ههههههههههههههههههههه.. انا اللي اشتقت لك...

ساره: ناااصر..

ناصر: عيونه انتي........

بعد نص ساعه سكرت من عنده.......حطت الجوال على صدرها.. غمضت عيونها..

احلى احساس.. لما يراضيني..حبيته ياناس.. يمكن كلام اماني صحيح...

اذا رجع يصير خير..

ناصر.. والله احترت وتعبت معاك ياساره..

 

مر يومين واليوم الأربعا..

ساره كل يوم يكلمها ناصر ثلاث او اربع مرات.. طبعا رسمي الصباح والليل.. قبل وبعد ماتصحى من النوم(صار مضاد حيوي..ههههه)

ناصر.. قد مايقدر مايزعلها.. وسكت عن سالفة عبدالله اللي كانت كل يوم تتركه مع امها واماني لأن اخواته يناموا الفجر.. وام فهد ماتبي تساعدها في ولا شي,,,,,,

ساره.. تدعي يارب تسخر قلبي له.. وتقدرني ارد له شوي من السعاده اللي معطيني اياها.....

 

ساره.. في الليل جهزت اغراضها.. عشان المغرب بس تجي تاخذ عبدالله واغراضها وتروح البيت..

الصباح..

ساره : متى بتطلع..

ناصر: وهو يسكر ازرار ثوبه..امم اتوقع العصر او المغرب..

ساره : زعلت.. يعني بتوصل الليل.....

ناصر: اتوقع.. شفيك شكلك مديتي البوز..

ساره : تتكلم مثل الأطفال.. ايه.. لأنك بتجي متأخر..

ناصر : اذا تحبي اجي في ساعه..

ساره :لالالا توصل متاخر اهون علي .... اوعدني ماتسرع وانت جاي..

ناصر: امممم بشرط......

ساره : بعد .. قول شنو.......

ناصر: ابي بوسه اول مااوصل..

ساره :اممممم صارر.. على الخدين اثنيهنم..

ناصر: حب يزودها.. لا مابيها هناك...

ساره : ناصر.. اذا جيت نتفاهم..

ناصر:هههههههه حس انه احرجها.. طيب لكن انتي وعدتيني...كلمة رجاله على قولة عبدالله..

ساره :هههههههههه طيب..كلمة رجاله..

ناصر: والله واحشيني انتو الأثنين..

ساره : بهمس.. وانت بعد.......

ناصر: سمع بس يستهبل..ايش.. ايش؟؟

ساره : اللي سمعته..

ناصر: عيديها بسرعه..

ساره : ماعندنا ... تعال بكره..

ناصر: طيب..الحين الساعه 7:45 الساعه 9 بالكثير انا عندك..

ساره : وبعدين معاك ... تهددني يعني...

ناصر: ش سوي فيك بعد.. طالع ساعته..اوكي اخليك الحين بروح اخلص شغلي بسرعه.. مابي اتأخر..

ساره : طيب....انتبه لنفسك ولاتسرع...

ناصر: ان شـــــــــــاءالله.. تامري امر يامدام..فمان الله..

ساره : امان الكريم....

قامت تلبس عبايتها.. مجنوون....

راحت الدوام.. ماكلمها وقت الغدا.. دقت عليه مارد.. اكيد مشغول..

 

الساعه 5 خلصت شغلها..

استأذنت وطلعت.. مرت بيت اهلها.. اخذت عبدالله واغراضها وراحت بيت ابوناصر......

 

ناصر.. خلص شغله الساعه 5:30 اووف مابي اتأخر...

راح الفيصليه.. اشترى هديه لساره ... ساعه الماس.. عجبته اسواره ... واخذها.. مايغلون عليك ياساره..

اخذ لعبدالله.. سياره على ريموت(هو اللي موصيه)

وطلع من الرياض الساعه 6:30

ناصر.. اووف بوصل 10 . اكره زحمة الرياض.......

 

ساره.. وصلت بيت ابوناصر..

دخلت.. ام فهد وبدريه جالسه بالصاله..

سلمت عليهم.. شوي جا فهد...

ساره على طول قامت اخذت عبدالله وطلعت شقتهم..

ام فهد : ش فيها هاذي..

بدريه : شفيها.. يمكن مشغوله ناصر بيجي الليله..

ام فهد : مالت عليه وعلى اختياره..

فهد :حتى ماشفت وجههاعدل.......

 

ساره.. وصلت الشقه وقلبها يدق بقوه.. وجوده بس يخوفها..

عبدالله راح غرفته يلعب..

ساره.. ابدا فيه.. راحت المكتب وشالت كل الموجود فيه... وبعدين.. راحت غرفة النوم.. رتبتها.. وحطت لحاف جديد لونه احمر غامق.. وعطرتها.. وحطت فواحه فيها عطرها اللي يحبه ناصر...

ايه بعد لا انسى.. دقت على الطباخه تحت وقالت لها تسوي كل الأصناف اللي يحبها ناصر... و الحلى هي اللي بتسويه..

رن جوالها.. ابتسمت هذي نغمته..

ردت : هلا....

ناصر: هلا فيك.. جيتي من الدوام؟

ساره : من زمان..

ناصر: ههه طيب.. اخبارك..

ساره :الحمدلله.. كم باقي عليك..

ناصر: اممم قولي ساعتين وثلث تقريبا..

ساره : توصل بالسلامه......

ناصر: طيب جهزتي اغراضك...

ساره : ناصر انا في شقتنا......

ناصر: ايششششششش؟؟؟؟؟؟عصب...متى جيتي؟؟؟؟؟؟؟

ساره : اووف... عصب بعد .. من ساعه..

ناصر: ساره وبعدين يعني.. وتقولي لي لاتعصب..

ساره :اش فيها....

ناصر: شنو اش فيها..

ساره : تطمن قفلت الباب وعبدالله معاي..

ناصر: خلاص خلاص.. اذا جيت يصير خير.. يلا مع السلامه..

ساره : مع السلا.........سكر الخط...

ساره : تنفست بقهر.. وبعدين يعني.. اخرب كل اللي قلت بسويه.. لالا ماراح اتراجع ابد......

 

ناصر: انا شفيني.. على كثر مااحبها اعبر عن حبي لها بهالعصبيه.. قلبي يقول انها بدت تحبني..لكن مابي اتامل شي..خايف ياقلبي خايف تنصدم بصدمة حب جديده.......آآآآآآآآآآآآه ياساره لو تحسين بالنار الي بصدري... قد ايش مشتاق لك..لكن خايف...

آني خايف..لو اجيك..قلبي مني يطير..ويسلم عليك...

هذا مو شوق اللي بيا..آني بيا النار ..اضعاف اللي بيك..

آني خايف.. لو اجيك.. اوصل لأرضك واغرقك بالدموع..

احساسي تدري ابد مايحتمل ابد لحظات الرجوع..

قالوا انتا تغيرت ولغير .. ناس انتا صرت..

وآنا بس ماصدقت..حتى لومتغير ادري مو بأيديك..

كل شي ممكن الا انت..

انسى حنينك مستحيل.. لو ذكرتك قلبي يرجف مثل سعفات النخيل..

كل شي ممكن الا انت.. انسى حنينك مستحيل..

 

4shared.com - online file sharing and storage - download majed almohndsr_any-5ayef.rm

 

ساره.. الساعه 8:30 عشت عبدالله ونومته.. الشغاله جابت العشا وجهزته على السفره... وسوت حلا.. شيز كيك بالشوكولاته.. تعرفه يحبه..

اخذت شاور....

استشورت شعرها وخلته مفتوح.. طيب شنو البس..اممم

الفستان الأحمر.. لبسته ووقفت قدام المرايه..

هههههههيييييييي.. شنو هذا.. الفستان.. للركبه وفيه فتحه لنص الفخذ.. ومن فوق.. سير ماسك الرقبه وفتحته واسعه.. ونص ظهرها طالع.. لبست الجزمه اللي اشتراها معاه.. صار جسمها احلى واحلى.. لبست بعد طقم الألماس اللي جابه معه..

حطت ميك اب ناعم..لالا.. ابي اصير مميزه الليله.. رسمت عينها الناعسه بالكحل. . وحطت لها ماسكارا.. وحت روج احمر... وقفت قدام المرايا.. بقابله كذا.. انا مفتونه بنفسي.. اجل كيف هو.. اللي حرمته من كل شي.. كسرت بخاطري ياناصر.. يلا عشانك كل شي يهون..

الساعه 9:45 مادق عليها مره ثانيه..

دقت عليه..

ناصر: هلا..

ساره: صوته عادي.. وينك؟

ناصر: شوي .. قريب اوصل الدمام..

ساره : طيب توصل بالسلامه..

ناصر: الله يسلمك..؟؟؟؟؟؟؟؟؟؟؟

توقعتها زعلت.. حس بشي.. لالا.. تصدق نفسك.. بس ترجع كل بيكون مثل ماكان..

 

ساره .. قامت جهزت اللمسات الأخيره.. حطت الشموع على السفره وعلى الطاوله وعند الباب.. وعطرت المكان كله مره ثانيه...

وجلست حطت رجل على رجل.. ويدها على خدها..

 

ناصر.........وصل البيت..

سلم على ام فهد وبدريه..

ندى: كانت توها صاحيه من النوم.. شافته وهي نازله من الدرج.. صرخت نااااااصر..

سمعتها ساره.. كأن ماس كهربا ضربها.. فتحت الباب بشويش.. سمعته يتكلم مع ام فهد وخواته.. حست انها توترت

 

رجعت وجلست.. مسكت كتاب الأدعيه والأذكار.. تقرا فيه..

يارب تسخر قلبي وقلبه لي.......

مرت عشر دقايق ماجا.... ليش .. مايبي يشوفني...يارب مايكون معصب..

ناصر.. حي انه زودها شوي..

قام.. وراح فوق.. ركب الأصانصير..

 

وصل عند باب شقتهم.. وقف غمض عيونه..تنفس بهدوء.. يارب....

ساره .. سمعت المفتاح يدور في الباب.. بلعت ريقها.. تعوذت من الشيطان..

ساره :؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

فتح الباب.. وماانتبه لشي.. دخل الشنطه واكياس الهدايا.. بعد ماحطهم على الأرض وقفل الباب .. لف.. ناظر المكان و للحين ماشافها واقفه عند المطبخ على يمينه..

ناصر....؟؟؟؟؟؟؟؟؟؟؟؟؟ معقوله..

الحمدلله على السلامه.. نور البيت..

ناصر: صوتها.. لف جهة الصوت.. الله يسلــــ........................؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟

 

.........................قرب منها.. ساره...

 

وهو يطالعها من فوق لتحت...........

ساره .. نزلت راسها.. حست بنظراته تحرقها..

 

ناصر: قرب اكثر.. باقي بينه وبينها.. اقل من 5 سم.. ساره....اتأكد بس انتي ساره....

ساره : رفعت راسها... نعم.........وجات عينها في عينه.....

نعم مره نعم ثنيتن..نعم الفين.. نعم مليون..

احبك لويصير الكون حسود وعاذلاً مجنون..

احبك ليش لاتسأل.. احبك لأنك الأجمل..

بعيني يابعد عيني.. احبك لأنك الأجمل..

ابيك الناس وابيك احساس..

وابيك تكون لي معنى.. وابي احيا واقعنا.. واقعنا..

يامشغلني وانا توي اعرفك تو..

انا ودي تشيل من عالمي هالللو..

تكون اقرب من عروقي الى عروقي .. وتصبح ضحكة شروقي..

وكل اللي تبي لي سو..

 

نعم والله في حبك.. واحلف اني انا احبك..

ولكن بيننا حاجز.. وخوف وبرد..

وعالم همها دايم تدوس..

انا روحك انا بوحك انا اللي في هواك اهيم..

انا صدقك وانا ضنك وانا المكتوب في دنياك

وغيري مادرا عنك..

انا تاج الوفا المحسوس وطوق العاشق الملبوس..

وزهره مشرده في الريح... تبي تلمك..

تبي الدنيا تكون عيون.. وانت النوم وتضمــــــــك..

 

 

4shared.com - online file sharing and storage - download alfarees_Na3am 2000.mp3

 

ناصر.....؟؟؟؟؟؟؟؟؟ متفاجا.........مبسوط... معقوله تجرأت ولبسه.. مابي ظني يروح بعيد..

ساره.. خايفه مبسوطه.. لكن شفيه.. يطالعني وساكت.....

ساره قربت من وحطت عينها في عينه.. حطت يدها على صدره بشويش.. ونزلت عيونها.. ماوحشتك..

يتأمل كل شي فيها.. وجهها.. جسمها ... شعرها.. ريحة عطرها اللي ماليه المكان.. حس مو قادر يتحكم في نفسه.. لالا مابي اتسرع..

ناصر.....................تنفس بقوه.........مسك خصرها وقربها منه بقووه خوفتها..

لاماوحشتيني... نزلت عيونها وشالت يدها..

ناصر:هههههههههه زعلتي......انا مااشتاق لك انا ميت شوق..

ساره : ضربت صدره بعد عني مابيك..ياثقيل الدم...

ناصر: ههههههههههه.. هذا اللي ابيه..

ساره : شايفني طفله عندك..

ناصر: ايه والحين بتعرفن انك طفله عندي.. حملها..

ساره : ماسكه رقبته بقوه.. نزلني..

ناصر: ماراح انزلك الا بالبوسه اللي وعدتيني فيها.....

ساره :نزلني.. بالأول....

ناصر: حرك راسه .....نو......البوسه اول..

ساره : ناصر.. بطيح وينكسر ظهري..

ناصر: قرب لعند وجهها.. بسم الله عليك..

ساره : حست بشي يجذها له.. قربت من شفته بشويش.. باستها بسرعه.. يادوب لمستها.. وبعدت.. يلا نزلني......ناصر؟؟؟؟؟؟؟؟؟

ناصر: كان مغمض عيونه... احبها.. معقوله تكون.. لا..لا...

نزلها.. ومسك وجهها بيده وباس جبينها.. رفعت وجهها تطالعه..

احس عيونه تقول احبك..

ناصر: قرب من اذنها.. احبك.. واحبك.. واحبك.. وباس خدها..

ساره: ...........قربت منه وحضنته.. صار راسها على صدره..

ناصر: حضنها بقوه.. مايبي يفوت اي لحظه يحسها تتجاوب معاه..

ساره..اوعدك راح اعوضك عن كل شي.....حست برعشه..

ناصر.. كان يمسح على ظهرها.. وطبعا كان نصه عاري.. وهي ترجف من لمسه لها..

 

بعدوا عن بعض...

ساره : نزلت راسها وحطت يدها على فمها وضحكت..

ناصر: عقد حواجبه.. ليش تضحكين ؟؟

ساره : ولا شي ومشت بروح احط العشا......

ناصر: سحبها من كتفها ,,,تعالي تعالي.. ومسك خصرها.. اذا ماقلتي ليش تضحكين الحين بتشوفين.......

ساره : ههههههههههههههههه

ناصر: وبعدين... ترى بعضك......

ساره : رفعت .. وهي تحرك يدها..لالالالا... بقول.. تعال..

قربوا من المرايه اللي عند المدخل..

ناصر: شفيــ... اها.. شفته فيها روج احمر..

ساره: هههههههههههه

ناصر: عشان كذا تضحكين.. هين.. شوفي الأثر وين.. شوي بس.. يابخليه..

ساره : وانت طماع..

ناصر: ههههههههههه.. طيب شنو العشا...

ساره : تكتفت وتطالع قدامها..ماعندنا عشا لثقيلين الدم...

ناصر: طيب انا بروح اتعشى برا.. ولف على الباب..

ساره : مسكت يده... امزح معك.. قربت منه ومسحت الروج بأصبعها..

روح بدل وتلقى العشا جاهز..

ناصر: حس ان كل شي وقف..غمض عيونه.. لا مابي اتسرع.. ابتسم..تسلمين لي يابعد عمري انتي.......

راح غرفة النوم.. لقى شموع في كل مكان والسرير..عليه بيجامه جديده على السرير.. لونها اسود وتلمع..

ناصر.. قلبي يقول ناويه على..لالا.....

اخذ البيجامه وراح اخذ له دوش سريع ولبسها وطلع..

 

كانت واقفه عند السفره..

ناصر.. تسند على جنب ووقف يطالعها..والله انها بتجيب لي جلطه.. اذا بعد كل اللي مسويته..ما........ الفستان مفصل جسمها تفصيل والمكياج يذبحني..

آآآآآآه ياساره آآآآآه........

ساره : رفعت انتبهت له.. ابتسمت .. العشا جاهز..

ناصر: راح لعندها.. سحب لها كرسي..وجلست.. جلس هو على يمينها..

وحط يده على خده..

ساره : اخذت صحنه وسكبت له.. رفعت عينها..

ليش مابديت اكل..

ناصر : شبعت......

ساره: مااكلت شي..

ناصر: شبعت منك.......

ساره : نزلت عيونها ... ناااااصر ..

ناصر: قرب منها عيوووووني وقلبي انتي..

ساره : يلا تعشى..

ناصر: مالي نفس..

ساره : طيب.. اخذت بشوكتها قطعة لحم... وقربتها منه..ولا من ايدي...

ناصر: ابتسم.. اقول لكم ناويه علي.. مسك يدها واكلها..

ساره : فيه العافيه..

ناصر: الله يعافيك ويسلمك يارب......

 

بعد العشا......

جابت ساره القهوه والحلا.. وجلست جنبه.. قريب له مررره..

ناصر: غريبه........

ساره : وهي تعطيه الفنجان... شنو الغريبه؟

ناصر: قرب لعند وجهها...لاصقه فيني..

ساره :اضايقك ابعد يعني..

ناصر: حط الفنجان على الطاوله.. وحوطها بيده... لالالا يرحم امك لا تبعدين..

ساره :ههههههههههههههه.....

بعد ماشربوا القهوه.......

ناصر: تثاوب.........

ساره : بتنام؟

ناصر: وهو يقوم.. ايه .. يلا تصبحين على خير..

ساره : تطالعه مصدومه.. معقوله ماحس بشي.....حست بغصه.. لكن طولي بالك.. هو طول باله عليك واجد......

راح المكتب.. وين المخده واللحاف؟؟؟

طلع ساره.. لقاها واقفه عند الباب..

ناصر: جيبي لي مخده ولحاف..

ساره : طيب.. استنى هنا..

ناصر: جلس في الصاله..

ساره.. راحت غرفة النوم.. سكرت الباب.. لبست روب نوم اخضر طبيعي.. للركبه.. مشت وهي تقرا الآيات والأذكار..

طلعت من الغرفه.. ناصر سمع الباب ينفتح وقام..

جبتي الـ.......................... لابسه روب نوم بعد... لاهاذي ناويه تترمل الليله.. لف عينه من الجهه الثانيه.....

ساره : وبعدين معاه.. يحق له.. لاماجبتهم..وقربت منه..

ناصر: بعده لاف وجهه عنها....... ليش اروح انا اجيبهم يعني...

ساره : قربت منه .. صارت لاصقه فيه.. شفيه جامد.. حطت اطراف اصابعها على خده.. وميلت وجهه جههتها.. مالهم داعي..

ناصر: طالع وجهها ولبسها..غمض عيونه وتنفس بشويش.. يارب تصبرني.. وبعدين انا تعبان بنام.....

ساره : من اليوم ماراح تنام هناك.. نزلت عينها.. نام جنبي..

ناصر: مبسوط لكن يكابر.. ايش ايش؟؟؟؟؟؟؟

ساره : اللي سمعته.............

ناصر: حوط خصرها.. لكن مااضمن لك اتحكم في نفسي.. انتي تذوبين الحجر..وهو يحرك حواجبه ..

ساره :هههههههه... ومن قالك امسك نفسك.. رفعت عينها.. انا كلي لك..

ناصر: ؟؟؟؟؟؟؟؟؟؟؟؟؟؟ ضربه ماس 2200 بعد مو 220... ساره انتي متأكده......

ساره : هزت راسها ايه..

ناصر : رفع ذقنها.. اكيد..لأن اذا رفضيتيني هالمره مااضمن لك انا ش بسوي بعدين..

ساره : ناصر.. انا ابي اعوض كل لحظه معاك.. اوعدك ماراح تشوف مني الا اللي يسرك..

ناصر: وهو يحملها.. يابعد عمري انتي..

ساره : نزلني اخاف..

ناصر: تخافيني مني..

ساره : نزلت عينها.. لا اخاف اطيح....

ناصر :هههههههههههههههههه..

دخل وهو حاملها غرفة النوم....جلس على طرف السرير وجلسها في حضنه..

ناصر: ساره.. ورفع ذقنها..حطي عينك في عيني..

ساره : رفعت عينها..

ناصر: متاكده.....

ساره : ايه.. والله العظيم ايه..

حضنها ,,,,,,,,, و,,,,,,,,,,,,,,,,,,,,,,

 

 

 

 

^ ^

___

 

 

 

نايمين كل واحد مقابل الثاني وعينه في عينه... يقولوا كلام.. لكن محد يسمعه..

 

عيونهم هي اللي تتكلم.......

 

ناصر.. اخيرا.. صرتي ملكي بجد ياساره..

ساره..انت احلى واغلى رجال بالدنيا كلها.. ياليتني عرفتك من قبل ..

 

مسك يدها وقربها لعنده وحظنها.......

 

حس ببرودها.. شفيك حبيبتي...

ساره: خايفه من بكره.......

ناصر: وهو يحضنها بأقوى ماعنده.. لاتخافين وانتي معاي.........

 

بين ايديا واحس انك بعيد.. ذوب بأحضاني مثل قطعة جليد..

علم العشاق كيف الحب يكون..بلا حواجز احلى طعم الحب اكيد..

زيد ناري.. خلي بجروحي ملح.. خليني اسهر ليلنا لحد الصبح..

لاتفكر حبنا غلطه والا صح.. ش مايعدي العمر حبنا يظل جديد..

اقترب مني ترى الدنيا فرص..وخذ من شوقي اذا شوقك نقص..

 

خلني احكي لك مواويل وقصص.. ش مايعدي العمر حبنا يظل جديد..

زيد ناري.. خلي بجروحي ملح.. خليني اسهر ليلنا لحد الصبح..

لاتفكر حبنا غلطه والا صح.. ش مايعدي العمر حبنا يظل جديد..

 

 

 

 

4shared.com - online file sharing and storage - download Maged almohandes_bayen edaya.mp3

[@صدي الحرمان@]

علـــى صوتك انا اصحى وعلى همسك انام الليل........

اذا دمعي نزل مني..كفوفك صارت المنديل....

جديد بكل شي حبك..جديد بعطفك وقلبك..

وانا ويـــــاك نبض وقلب...

واقول كل يوم وانت الحب.....

صباح الرقه والأحساس..

صباحك حب ياروحي..

حبيبي اليوم ذكرانا وابيك تراضي جروحي..

بعد عمري عساك تدوم وابد مانفترق في يوم..

 

الصباح.. صحت ساره.. حاسه بأحساس جديد..

تحركت.. شافت وجهه قدامه.. نمت في حضنه.. ياااااه احلى نومه..

قامت بشويش.. اخذت لها شاور ولبست فستان ناعم لتحت الركبه.. وردي فاتح.. ماسك من فوق لتحت الصدر وبعدين واسع..

صلت الفجر.. الساعه 7,, اصحيه ..لا.. خليه نايم..

جلست جنبه على السرير.. الستاره كانت مفتوحه شوي.. وضوا الشمس صاير على وجهه.. قربت منه.. تتأمل وجهه.. مبين عليه مرتاح ومبسوط.. صدره مكشوف..غطته وقربت من وجهه..

باست جبهته.. مررت اصابعها على حواجبه الحاده والمرسومه.. وعلى انفه اللي يسحرها.. وعلى شفايفه اللي تعشقها... بأختصار كله على بعضه صار يجننها..

فتح عيونه بشويش.. لقاها قدامه.. وريحة الفانيلا تدوخه من الصبح.. ابتسم.. صباحيه مباركه ياعروسه

ساره.. ابتسمت ونزلت عيونها.. الله يبارك فيك...

قام وجلس جنبها..باس خدها.. ومسك يدها اللي لمست وجهه..وباس اصابعها واحد واحد..

ساره..ياربي هذا من وين يجيب هالحركات..

ناصر: قرب منها..انتي احلى شي حصل في حياتي..

ساره: والله..

ناصر: ايه.. احبك..

ساره : أي قد.....

ناصر: رفع عيونه فوق.. اممممم.. لحظه.. ايه... وغنى..

لك حب ياعيني من كثره قلبي مو قادر على حمله..

احتاج لحبك عشره قلوب ويمكن تكفي ويمكن لا..

انا احبك لا.. انا اودك لا.. ولا مغرم ولا أي احساس..

احتاج لكلمة حب جديده مامرت على كل الناس..

ساره : في قربك وف بعدك اشتاق .. ش حبك ش مسوي فيا..

لو اكتب حبي بأوراق.. ماتكفي اوراق الدنيا..

ناصر.. لالا البنت خطيره.. صوتك حلو..

ساره.. انتبهت لنفسها ياربي اش سويت.. هاا.. ايه..

بقوم اجهز الفطور..

ناصر..وهو يسحب يدها ويجلسها جنبه مره ثانيه..

تشتاقك روحي ف كل لحظه..تتعبني بغيابك عني..

قلبي وهو قلبي يحبك يامحبوبي اكثر مني..

 

ساره .. نزلت عيونها.. نااااصر ..خلاص..

ناصر: ابوي انتي.. وباس خدها..يلا قومي..

قام ياخذ له شاور ويصلي الفجر..

ساره.. راحت تشوف عبدالله.. لسه ماصحا.. جهزت الفطور.. طبعا جهزت الكوفي..

ناصر.. بعد الصلاه.. راح الصاله.. شافها واقفه في المطبخ.. ابتسم وتنفس بهدوء.. احبك ياساره اكثر من قبل.. صايره كأنها ملاك ..

ساره.. لفت وانتبهت له.. ابتسمت.. ماتبي تفطر..

ناصر: من ايدك اكيد.. قرب من الطاوله..

حرام انتي اللي تسوينه..

ساره : وهي تحط الصحون على الطاوله.. وليه؟

ناصر:وقف جنبها..وصارت انفاسه تحرق رقبتها..همس باذنها..انتي لسه عروس..

ساره: نزلت راسها..نااااصر.. من قال .. صار لنا شهر متزوجين..

ناصر: ابتسم وشد على خصرها وقربها منه ..انتي في عيوني احلى عروس بالدنيا..

ساره: رفعت عينها عليه..ناصر..

ناصر: عيونه..

ساره: انا آسفه على كل شي..

ناصر: وهو يحضنها.. اشش.. مابي اسمع شي عن امس.. اليوم وبس..

وبعد..وباس جبينها..اوكي عمري..

ساره: هزت راسها.. اوكي..

ناصر: سحب لها كرسي..تفضلي..

جلسوا يفطروا..

دقايق.. صحى عبدالله..

وقف عند باب غرفته.. انتبه لأبوه راح له يركض..بااااااابا..

حضنه.. وجلسه جنبه..

عبدالله: ماما ساره.. ابغى كورن فليكس..

ساره : وهي تقوم.. ان شاءالله..

ناصر: مسك يدها.. اجلسي انا بجيب له..

ساره: وهي تسحب يدها .. لا مايصير.. جابت له وحطته قدامه..

ناصر: وليش مايصير؟؟

ساره: انت الرجال....

ناصر: وانتي عروس......

ساره: نزلت عيونها.. ناااااصر.. وبعدين معاك.. يلا افطر..

ناصر: هههههههههههه..امووت على خجلها..

كملوا فطور.. وبعده جلسوا على الكنب..

عبدالله: واقف قدام ابوه ومتخصر.. وين هديتي..

ناصر:ههههههه حمله وحطه على حضنه...جبتها كم عبود عندي..

روح جيب الأكياس في الغرفه..

لما راح عبدالله.. ناصر...قرب لساره مسك يدها..حبيبتي لاتزعلي مني.. ماجبت لك شي..

ساره: رجعتك بالسلامه تسوى الدنيا ومافيها..

ناصر: باس يدها تسلمين لي يارب.. ههههههه لو ادري سافرت من اول اسبوع زواجنا..

ساره:هههههههه.. كيف بتسافر واحنا كنا مسافرين......

ناصر:ههههههه المهم..قربها لعندها..

ساره: حببيبي مو قدام الولد..

ناصر: اووه نسيته.. انتي تنسين الواحد اسمه.. وهو يرفع حواجبه..

ساره : خلاص هذا هو جا..

عبدالله : هذا......

ناصر: ايه... فتحها.. وشغلوها وصار ناصر هو اللي يلعب فيها..وعبود يطالعه بس..

وهو في يده الريموت.. شوف كذا تسوي..

ساره : ناصر ..اللعبه لك او له.. عطيها اياه شوي بيبكي..

ناصر :ههههههههه.....خذ حبيبي....

عبدالله : بروح حق نواف و ريان ..... وطلع....

ناصر: قام وراه.. قفل الباب..... وجلس جنب ساره..

ساره : تطالعه وتبتسم.....

ناصر: وهو يقرب لها.....لو ادري من زمان عطيته اياه..

ساره : ناااااااااصر.........

.............................

 

في مكان ثاني........

ندى: والله حبيبي مااقدر اليوم......اليوم رايحين الشاليه..وناصر هنا.. خليها وقت ثاني.. اوكي باي...

دخلت لها نوره : وبعدين مع هالمكالمات.. ش وراك انتي..

ندى: ولا شي.......متى بنمشي.....

نوره : لاتضيعي السالفه......قولي منو هذا.......

ندى: .........منو يعني وحده من صاحباتي.....

نوره : بلا كذب .. سمعتك تقولي حبيبي........منو هذا؟؟؟

ندى: اقولك هذي صاحبتي.. بتصدقين والا كيفيك.....

نوره : ندوووو. انتبهي لنفسك.. والله ان عرف ناصر شي بيذبحك.....

ندى: قلت لك مافي شي من اللي ببالك....تعالي ش رايك نروح المارينا.. ابي ابدل شغله.....

نوره :وانا بعد.. شفت شغله عجبتني امس ولا اخذتها..احنا بنروح الشاليه بعد الغدا..صح.....

ندى: ايه يعني في وقت......اشوف سارونه اذا تجي معنا......

طلعت من غرفتها.......شنو هذا؟؟؟؟؟؟؟؟؟؟؟؟؟؟؟؟؟؟؟

نواف... وهو ماسك الريموت.. سيارة عبودالجديده..

ندى: زين انتبهوا لا تصدموا احد... وطلعت الدرج لشقة ناصر.......

 

نـــــاصر.. كان نايم في حضن ساره... وعينه في عينها... مبتسم ومبسوط,,

كان يعبر لها عن كل اللي بقلبه.. بدون خوف ولا شي..

ساره .. كانت حاطه يدها على صدره والثانيه ماسكها هو... حست انه قريبه منه.. وتلاشى الخوف اللي بداخلها......

ناصر.. تدرين اسعد لحظات عمري وانا معاك.....

ساره : دووم ان شاءالله......

 

اندق الباب ........

ناصر: وهو يقووم.....اووووووووف منو هذا المزعج...فتح الباب.......

لف على ساره : ماقلت لك مزعج......

ساره :ههههههههه منو......

ندى :دفت الباب ودخلت.. انا....

ناصر: ايييييه انتي ياعربجيه.. وكاله بدون بواب..

ندى: تخصرت... ايه وكالة اخوي.. المهم ماعلي منك... سارونه احنا رايحين المارينا..تعالي معانا..

ساره: ها....طالعت ناصر..

ناصر: فهم نظرتها.. لامافي روحه....

ندى: وليش ان شاءالله.....

ناصر: وانتي اش دخلك.. زوجتي وكيفي...

ندى: يمكن هي تبي تروح.....تبين سارونه؟

ساره : امممم..اذا قال ناصر ايه....

ناصر: وهو يمسك ندى ويطلعها من الشقه وانا قلت لا.. يعني ضفي وجهك..

ندى: زين وجعت يدي.. وهي تحرك حواجبها .. شفيه وجهك؟

ناصر: اش فيه؟؟؟؟؟؟

ندى: كأنك معرس.....ههههههه وراحت.....

ناصر: صدقتي والله.....هههههههه دخل الشقه وسكر الباب.......

شاف ساره جالسه بكنبه منفرده.. ومنزله راسها..

جلس قدامها.. شفيها الحلوه زعلانه..

ساره : بعدعني..

ناصر: افااااا.. زعلانه من جد.. مسك يدها.. شفيك حياتي..

ساره : كان ودي اروح..

ناصر:ههههههه... بس هذا اللي مزعلك.. مسك يدها وقومها وصارت واقفه قدامه ولاصقه فيه.. وهو يمسح على خدودها.. سمعتي عروس تروح المارينا يوم صباحيتها..

ساره : ضحكت بخجل....ههههه..ناااااصر وبعدين معاك.....

ناصر: ولا قبلين.. اجلسي هنا لحظه....

جلست وراح الغرفه... طلع الهدايا اللي جابها لها......

جلس جنبها... وحطهم على الطاوله.....

ساره : شنو هذا؟

ناصر: ولا شي.....اخذ علبة الساعه وفتحها.. ش رايك..

ساره : امممممم حلوه.. لأنها من ذوقك.. حق منو؟

ناصر: قرب منها باس خدها.. حقك....

ساره :شكرا....

ناصر: العفو ياقلبي.. مسك يدها اليمين.. ولبسها اياها..

ساره : وهي تطالع الساعه..تسلم حبيبي.....

ناصر: لالا انا اذوب كذا......

ساره :هههههههه والعلبه الثانيه......

ناصر: ش فيك ملقوفه.. هذي مولك....

ساره : زين.. تكتفت ورجعت على ورا.....

ناصر: ههههههه هذا اللي ابيه.. ش فيك.....

ساره : وهي ماده بوز.. مافيني شي ياثقيل الدم.....

ناصر: ههههههه انا ش سويت.....

ساره : سلامتك.....

ناصر: هههههههههه الله يسلمك.. تدرين اموت عليك وانتي زعلانه..

ساره : ضحكت بسخريه..هههه

ناصر: ههههههههههههههه.. تعالي ..قربي.....

ساره : مابي......

ناصر: يعني مابتسمعين الكلام..طيـــــــب......

قرب لعندها ... مسكها وحطها على حضنه وهو شاد عليها....

ساره : بعد عني.. مابي....

ناصر: ههههههههه حاولي.. واذا قدرتي.. بعدي.....

ساره : حوطت رقبته.. وطالعت وجهه..

ناصر: جن عليها.. كلما حس انها بدت تتقبله جن عليها اكثر واكثر..

ساره: وهي تمسح على شعره الناعم.. ناصر....

ناصر: قلبي.....

ساره : الله لا يغير علينا......

ناصر: يارب.....جاب العلبه الثانيه وفتحها..... ش رايك حلوه....

ساره : عجبتها الأسواره بس ماتدري حق منو......حلوه اهم شي تعجب صاحبتها..

ناصر: شال الأسواره من العلبه.. مسك يد ساره .. عجبتها وخلاص..

الحين احلى والا ش رايك......

ساره : هههههه.. ايه احلى.. دامها لي من الأول.. ليش مطول السالفه؟

ناصر: بس ابيك تزعلين مثل الأطفال واراضيك....

ساره : ياسلام يعني انا طفله عندك.....بعد عني..

ناصر:هههههههههههههه وقربها اكثر منه......

ساره : شكرا.....

ناصر: العفو... وقرب خده.. يعني لازم اطلبها....

ساره :هههههه.. باست خده بسرعه....

ناصر: ولو انها .. بس يلا..

ساره : ياطماع....

ناصر: لاحوول انتي زوجتي.. اش طلبت يعني..

ساره : قربت من خده.....وباسته بوسه طويــــــــــــــله..

ناصر: يضحك وهي تبوسه......

ساره : بعدت.. وانت زوجي ومابي ازعلك.....

ناصر : تسلمين لي يابعد عمري.....

 

رن جوال ناصر......

نوره : هلا اخوي....

ناصر: هلا بك....

نوره : احنا طالعين .. عبدالله مع امي بيروحون الشاليه....

ناصر: طيب.....

نوره : ماراح تجون؟

ناصر: اممممم مااتوقع......

نوره : حاول تجي... يلا باي.....

ساره: ليش ماتبي نروح..ش عندك....

ناصر: قرب منها وهو يرفع حواجبه...عندك انتي.....

ساره : نزلت عيونها.....هههههه

 

 

اسهر معي خلي خلق تبات وتنام.. اسرار قلبي وقلبك نفتح كتابها..

خلك معي وسط روحي.. اسكن العين بين الجفن واهدابها..

 

مر اسبوع.........

 

ساره وناصر......عسل على عسل......

ساره .. ترجع قبل ناصر بساعتين.. تجهز العشا وتكشخ له.. وكل يوم تكتشف فيه شي يحببها فيه اكثر واكثر وتبي تعوضه عن كل شي.......

ناصر.. وده يرجع البيت بأسرع وقت.. عشان بس يشوف ابتسامة ساره اللي تهون عليه كل التعب... خفت هوشاته مع فهد.. وحتى لو صار مايتهور مثل قبل .. عشان خاطر ساره... وكل اللي في البيت ملاحظين انه صار هادي.. ومبين عليه انه مبسوط ومرتاح.......

بعد مارجع من الدوام.. تعشى وشربوا قهوه.. نايم على حضن ساره.. مغمض عيونه.. وهي تلعب في شعره......

رن جواله.......

ناصر : رفع الجوال..حمد.. هلا حمد....

حمد : هلا فيك شلونك ..شلون عبدالله؟

ناصر: بخير الحمدلله....انت طمني عنك؟

حمد : الحمدلله....اقول اخوي بغيتك في موضوع.....

ناصر: قام وعدل جلسته.. سم....

حمد : سم الله عدوك... الموضوع الأهل يبون يزورونكم بأقرب وقت..

ناصر: ياهلا فيهم بأي وقت البيت بيتك....

حمد : تسلم والله...انا طالب القرب منك.....

ناصر: ابتسم.. هذي الساعه المباركه..

حمد : الله يبارك فيك.....

ناصر: خلاص انا اكلم الأهل وارد عليك.....

حمد : تسلم..... ياريت ماتطول علينا....

ناصر: اوووووه الحبيب مستعجل..

حمد :هههههه شوي.....

ناصر: طيب..على العموم حنا ماراح نلقى احسن منك... وابشر بالخير ان شاءالله....

حمد: طيب فمان الله...

ناصر: امان الكريم.....لف على ساره.. وهو يبتسم.....

ساره : خير عسى ماشر....

ناصر: خبر....هذا حمد صاحبي الشرطي.. طالب القرب منا.....

ساره : والله.. وماقالك منو؟

ناصر: اتوقع نوره....لأن ندووا المرجوجه ماتصلح له.....

ساره : هههههههههه حرام عليك....

ناصر: هههههههه...

 

في الليل..........

ناصر: يلا ننزل نقعد معاهم..

ساره : طيب ابدل ملابسي.. وانزل....

ناصر:فهم ليش..بس حب يستعبط.. ليه شفيهم؟؟

ساره :لا والله تبيني انزل بقصير....عادي عندك يعني؟

ناصر: ههههههه لا امزح معك.. يلا روحي استناك.. لو تحبين اجي معاك..

ساره :لا شكرا...وراحت الغرفه.....

ناصر:ههههههه.. كل يوم احبك اكثر واكثر....ياساره

ساره.. بدلت ملابسها..لبست بنطلون ابيض وقميص احمر.. وحطت عليها شال وراحت له.....

ناصر: وقف لما شافها.. جايه....ضيق عيونه شوي وحط يده على ذقنه.. اممممم..

ساره : ش فيك... لبسي فيه شي.....

ناصر: تعالي.....

ساره : حست بخوف ..قربت منه.......نعم.....

ناصر: مسك خصرها وقربها لعنده.. انتي بكل شي حلوه....

ساره: ههههههه نزلت عيونها.. ناااصر..

ناصر: روحي وعقلي اللي اخذيه.. قرب لعندها.. تبي ننزل او.....

ساره : لالا ..يلا ننزل ابي اشوف عبدالله....

ناصر: مسك يدها يلا......

 

نزلوا تحت.......كانت ام فهد واخواته بالصاله......

بدريه : هلا باخوي من زمان ماشفناك.....

ندى: مو بس انتي..احنا معاه بنفس البيت مانشوفه الا طالع او راجع من الدوام..

ناصر: جلس وساره جنبه......رمى عليها مخده.. وانا عندي زوجتي شنو ابي بوجهك....

ندى :اوووووف..... وهي تكلم ساره.. كيف متحمله ثقل دمه مدري...

ساره: عسل على قلبي.....

ناصر: تسلمين يارب....

ساره :هههههههه الله يسلمك.....

ام فهد :لوت فمها..ياكرهي.....

ناصر: انتبه لها.. بس طنش...اقول يمه.. اهل حمد صاحبي يبون يزورونكم...متى تحبي يجون..

ام فهد : حمد...... وليش؟

بدريه : مو حمد اللي كان مع عبدالله في المستشفى؟

نوره : في بالها....اللي كان يطالعني...

ناصر: ايه....

ام فهد : حياهم الله بأي وقت.. بس ماقلت لي ليش؟

ناصر: وهو يطالع نوره.. اتوقع يبون بنت من عندكم...

نوره : نزلت عيونها....معقوله....

ندى :وهي ترفع كفوفها.. يارب نوروا عشان افتك منها.....

نوره : ضربت كتف ندى: وانا شنو مسويه فيك...ها..

ندى: ايي.. غاثتني وبس....بعد قلنا بتجي ساره البيت تفكنا من وجهك.. المأمور مانع الزياره.....

ناصر: هههههههه.. مأمور هاا.. هين ياندوووش....

ناصر.. دق على حمد وقال لهم يجون بكره بعد صلاة العشا.....

نوره .. وهو يكلم حمد يطالعها.. فهمت.. وقامت راحت غرفتها.. تذكرت لما شافته اول مره في المستشفى.. كان طالع رزه بالبدله العسكريه.. امم اقصر من ناصر بشوي.. اسمر...عيونه واسعه... وخشمه مسلول.. ياربي.. هو للحين ماجا.. وافكر فيه.....

ناصر: همس لساره.. شفتي نوره.....

ساره :هههه ايه الله يتمم بخيران شاءالله......

ام فهد : لما شافته همس لها ويضحك معها.. امووت واعرف شنو عاجبه فيها..

اقول ساره.. مافي شي جاي بالطريق؟

ساره : لا لسه......

ناصر: مسك يدها.....تو الناس يمه...احنا مو مستعجلين.. ولف عليها.. صح حبيبتي؟

ساره :ايه..ونزلت عيونها....

ام فهد : صار لكم شهر... اقول يمكن تاخذين موانع او شي..ونظراتها كلها كره واحتقار...

ساره : لا خالتي ماخذت شي....

ناصر: حتى لو اخذت .. احنا مانفكر في هالموضوع الحين...

ام فهد: على بالي.. بس اقو لاذا طولتي روحي تأكدي.. يمكن يطلع عندك مشكله او شي... بعد ناصر مافيه شي.. جايب ولد....

ناصر: حس انه شب نار.. تطمني يمه.. مافي الا كل خير..

ساره : حست بقهر...ليش تكرهني..

ناصر.. حس في ساره..قام وهو ماسك يدها.. احنا نسأذن ياجماعه..

ام فهد : وين تو الناس.. لاتكوني زعلتي من كلامي...

ساره : ماراح اسكت لها..لاياخالتي.. لكن عندنا دوام بكره..

ناصر: ابتسم.. يلا عبدالله.....

جا عبدالله.. ركبوا الأصانصير وطلعوا شقتهم..

دخلوا.. ساره راحت مع عبدالله تبدل له ملابسه وتنومه..

ناصر.. جلس في الصاله وفتح التلفزيون.....

ساره... بعد مانام عبدالله.. طلعت من غرفته..

لقته في الصاله..

ساره : بروح انام تبي شي....

ناصر: وين تعالي جنبي.....

ساره : تعبانه....

ناصر: تعالي شوي بس...

جلست جنبه وهي منزله راسها..

ناصر: باس جبينها...كم اقولك لاتنزلي راسك.. مسك ذقنها ورفعه..

جات عينه في عينها... عيونها مليانه دموع....

انصدم.......ساره اش فيك.....

ساره : بعدت عنه.. وهي تمسح دموعها.. ولا شي...

ناصر: قرب لعندها.. عشان اللي قالته ام فهد؟

ساره : لا.....احسها ماتحبني ابد..

ناصر: حضنها.....حبيبتي..بكره بتعرفك اكثر وتحبك.. خلاص لاتبكين...

ساره : تشهق... زين.....

ناصر: بعد....مسح دموعها.. حبيبتي طولي بالك شوي.. امي ام فهد طيبه لكن مشكلتها تقط كلام يجرح احيانا.. صدقيني بكره راح تتعودي عليها وهي بعد بتحبك..

ساره : الله كريم.....

ناصر: طفى التلفزيون ..... يلا ننام.....

 

قامت معاه............و..........................

 

 

اليوم الثاني........

ساره بعد مارجعت من الدوام...

لقت بدريه في الصاله..

وهي تسلم عليها.. هلا وغلا وانا اقول البيت منور بدريه عندنا....

بدريه :الله يسلمك......شلونك.....

ساره :الحمدلله........

بدريه :اقول خواتي يقولون ناصر متغير.. ش سالفه...

ساره : للأحسن او الأسوأ

بدريه : للأحسن طبعا.. خفت عصبيته ... وطنش فهد ومشاكله..

ساره :الحمدلله ....وهذا شي حلو او لا.....

بدريه :حلو اكيد..... الله يدوم عليكم السعاده يارب..

ساره : يارب.. انا بقوم ابدل واصلي وانزل اساعدك...

بدريه :طيب انتظرك.....

قامت ساره..

 

لبست بدله لونها زيتي غامق.. قماشها ناعم مثل الدانتيل.. البنطلون واسع والقميص بدون اكمام وفيه ربطه من فوق.. وانتو بكرامه.. جزمه طويله من قدام لونها بيج..

استشورت شعرها على برا وصار كثيف...

حطت لها مكياج... ظل زيتي وبني فاتح .... وروج بيج....وطبعا ماننسى الكحله والماسكارا....

بعد ماخلصت وقفت قدام المرايه وهي تحرك شعرها بأيدها.......

هههههههيييييييييييييي

منو هذا؟؟؟؟؟؟؟؟؟؟؟؟

 

 

 

 

 

 

كان واقف متكتف و مستند على الجدار.. ويبتسم.........

يارب وش هالجنون اللي سكن دمي..

خلاص مافيه طاري غير طاريها..

هالآدميه اضيع ان شفتها يمي..

واتوه في كلمتي وافقد معانيها...

مرات كأني طفل اقول ياعمي..

واكره انا الساعه اللي شفتها فيها..

وان شفتها اذكر الرحمن واسمي..

واصفي النيه اللي كنت ناويها..

 

 

 

 

 

ساره : من متى انت هنا؟؟؟؟؟؟

 

 

ناصر: ههههههههه وهو يقرب لها.. اممم من شوي...

 

 

ساره :ههههههه

ناصر: ايش هالحلاوه......

ساره : نزلت عيونها..هههههه ذوقك..

ناصر: وهو يحوط خصرها مو ذوقي.. الا انتي تحلين كل شي....

ساره : حطت يدها على صدره.. عيونك الحلوه...

ناصر: هاذي اللي تبيني اتهور الحين.....

ساره :نااااااصر.. بعد بحط لك عشا.....

ناصر:هههههه.. لاتتعبين نفسك انا بغير ملابسي و بطلع ....

ساره : وين بتروح..

ناصر: ابد بروح للربع عشان تاخذوا راحتكم..

ساره : طيب....لاتتأخر.....

ناصر: كم سارونه عندي....

ساره : تسلم.. طيب ممكن تتركني انزل لبدريه....

ناصر: عصب..ايشششششش.....مافي نزله.....

ساره :نزلت عيونها ليش؟

ناصر: ههههههه.. صدقتي....

ساره : ضربت صدره بخفيف.. ياثقل دمك بعد عني..

ناصر:ههههههههه ... مافيا لا ببوسه..

ساره: طيب.....

عطته بوسه على خده.....

ناصر: يلا روحي.. الوعد اذا جيت....

ساره : نزلت عيونها...هههههههههه

فتحت باب الشقه حطت شالها على راسها وكتوفها.. نزلت لنص الدرج.. سمعت صوته وهو راكب من الدور الأول.. يغني بصوت مهزوز...

ركضت وعلى طول لشقتهم وقفلت الباب وراها....

راحت تدور ناصر.. وجوده بس يحسسها بالأمان.. مو بغرفة النوم..

جلست على السرير تتنفس بسرعه.....

ناصر.. طلع من غرفة الملابس بعد مالبس بنطلون اسود وتي شيرت رمادي..

انتبه لها.. جلس جنبها.. ساره..

ساره .. بعدت عنه بخوف.. اخترعت..

ناصر : قرب لها.. ش فيك....

ساره : هاا....ولاشي.. مسكت يده.. انزل معي....

ناصر: فهد......

ساره : ايه.... نزلت عيونها... سمعته وهو طالع الدرج ورجعت..

ناصر: زين.. يلا قومي....

نزل معها.... بعد ماتطمن على كل شي طلع..

ساره..جلست معاهم.. بعد دقايق وصلوا اهل حمد.. امه واخته وخالته...

ام فهد . هلا فيكم..

ام حمد : هلا بك زود.. اقول ام فهد وين البنات..

ام فهد : لحظه بس....

جات ساره.....السلام عليكم......

عجبتهم......

ام حمد : هذي بنتك؟

ام فهد : بقرف بنتي..؟ لا هاذي مرت ناصر......

ام حمد : أيه هلا فيك .. شلونك.....

ساره : الحمدلله.....

ام فهد : لا تغركم ترى كانت مطلقه ومرتين بعد....

ام احمد واختها وبنتها... يطالعون بعض مستغربين... ليش قالت مطلقه يعني.. احنا ش دخلنا......

ساره... حست كلامها طعنات بقلبها.... تتعمد تحرجني..... جا عبدالله وجلس جنبها......

ام حمد : عجبتها ساره وكرهت كلام ام فهد .. ماشاءالله هذا ولد ناصر.. اللي كان بالمستشفى....

ساره : ايه ياخاله...

ام حمد : صار بخير.. انتي اللي تنومتي معاه.....

ساره : ايه الحمدلله....

وصايف(اخت حمد): انا سمعت حمد يقول ان حالته كانت صعبه ويحتاج رعايه فتره..ماشاءالله عليك ياساره..

ساره : مشكوره هذا من ذوقك.....

ام راكان(خالة حمد ): دوم مرت الأبو مظلومه.. لكن ساره بيضتها..

ساره : ههههههه.. تسلمين ياخاله..

ام فهد : تضايقت من كلامهم معاها.. ساره قومي نادي البنات..

قامت ساره وعبدالله وراها...

دخلت بدريه وسلمت عليهم......

بعدها.. نوره. . وندى.....وساره..

ام حمد: تهمس لاختها.. هذي هي نوره.. اللي لابسه الأبيض....

وصايف : على وصفه.. ايه.....

ام حمد : شلونكم يابنات....

نوره وندى: الحمدلله.....

جلسوا معهم ساعتين وراحوا بيتهم.....

في السياره.....

حمد : ها ش رايكم ؟

ام حمد : حلوه البنت وباين عليها متربيه.. لكن امها شايفه نفسها

حمد : ماعلي من امها .. المهم البنت......

وصايف : لا والولد متولع...

حمد :ههههههههه..

 

في بيت ابوناصر.....

كانوا جالسين بالمقلط..

ساره جنبها ندى في كنبه لشخصين..

نوره وجنبها بدريه..

ام فهد في كنبه لحالها.....

دخل ناصر....احم....عندكم احد......

ندى : تغطي سارونه.....

ساره : ليش؟

ندى: وهي تغطيها بس كذا.....

بدريه :ادخل اخوي...

دخل....عقد حواجبه.....راح لعند ساره وسحب الشال... متغطيه عني....

ساره : والله مسوا ندوا....

ندى: حبيت اشوف تعرفها او لا.....

ناصر: كذا السالفه.. قومي يلا..

ندى: وهي تقوم...زين..

جلس جنبها وهو يطالعها.. حتى لو لابسه عبايه اعرفها.....

نزلت عيونها وابتسمت......

ندى: تعرفها شلون.. عندك كاشف.....

ناصر:بسخريه.....ههههههه.. لا عندي قلب.....

ندى: احلى اخوي.......شكلك تتابع افلام مصريه قديمه....

ناصر: ايششششش....قالك مثلك.....اتابع افلام هنديه...

ندى: ش فيها الهنديه....يهبلون كلهم....ابي بس واحد مثلهم.....احلى منك .....

ساره :لالا حدك عاد.. تشبهين ناصر.. بذولي.....

ناصر :احم احم....

ندى: بعد صرتي محامي دفاع.......رحنا فيها.....

الكل : ههههههههههههههههههههههه

ناصر: هاا يمه اتفقتوا على شي....

ام فهد :لا ......هم وعدونا يزورونا مره ثانيه... وقربت منه شكلهم يبون نوره..

ناصر: خير ان شاءالله.........

 

رن جوال ندى.... قامت على طول.....

بدريه : وين؟

ندى: بروح اكلم صاحبتي برا هنا ازعاج.......

 

وطلعت.....

نوره : والله هالبنت وراها سالفه........

 

بعد ماطلعوا شقتهم........

 

ساره جلست على الكنبه وهي ماسكه رجلها.....

ناصر: اش فيك؟

ساره : الجزمه جديده و المتني..

ناصر : طيب.. جلس جنبها وحط رجولها على حضنه.. وين هنا؟.

ساره : تطالعه وتضحك.. ايه..

ناصر: سوى لها مساج.. خف الألم......

ساره : ايه....شكرا حبيبي......

ناصر: العفو ياقلبي.. بس مابيها فاضيه.....

ساره.. قربت لعنده.....و,.,,..................

 

ندى : اليوم والله ماقدرت.. كانوا عندنا ضيوف.....

حبيبي ماجد.. لاتزعل.. طيب اوكي باي....

سكرت جوالها.. ورفعت.. لقتها واقفه عند الباب

ندى :نوره ؟؟؟؟؟؟؟؟؟؟؟؟؟؟

نوره : ماجد؟؟؟؟؟؟؟؟؟؟؟؟؟؟؟

[عبق الجوري]

إبدااااع و ربي إبدااااع !
ناصر و سارة .. الله لايغير عليهم !
و ندى شقصتها .. من ماجد !!!
نوورة الله يتمم لهم
يعطيج ألف عافية فديتج !
و ننطر الياي بقووة !

[@صدي الحرمان@]

إبدااااع و ربي إبدااااع !

ناصر و سارة .. الله لايغير عليهم !

و ندى شقصتها .. من ماجد !!!

نوورة الله يتمم لهم

يعطيج ألف عافية فديتج !

و ننطر الياي بقووة !

 

 

هههههههههه تسلمين فديتج علي المرور

تابعي الاحداث وبتعرفين البقيه

[@صدي الحرمان@]

ندى : اليوم والله ماقدرت.. كانوا عندنا ضيوف.....

حبيبي ماجد.. لاتزعل.. طيب اوكي باي....

سكرت جوالها.. ورفعت.. لقتها واقفه عند الباب

ندى :نوره ؟؟؟؟؟؟؟؟؟؟؟؟؟؟

نوره : ماجد؟؟؟؟؟؟؟؟؟؟؟؟؟؟

ندى: ن ..........ن..........نوره؟؟؟

نوره : قربت لعندها.. منو ماجد؟؟

ندى: ها.اي ماجد؟؟

نوره : وهي تشد على اسنانها... ندى ... انا سمعتك تقولين ماجد حبيبي.. منو هذا؟

ندى: هذي.....

نوره : قاطعتها.. لاتقولين مثل كل مره صديقتي.. قولي بسرعه منو هذا اللي تكلمينه..

ندى: ماراح اقول.....وانتي اش دخلك؟

نوره : طيب.. فتحت الباب.. وراحت للدرج المتوجه لشقة ناصر.. لحقتها ندى. .

ندى: وهي تسحب كتفها.. لالالا خلاص بقولك..

نوره : امشي قدامي يلا....

دخلوا غرفة نوره وسكروا الباب....

نوره : اسمعك........

ندى:......السالفه ..................

 

نوره : انتي مجنونه تكلمين واحد مثل هذا... والله ناصر وابوي لو دروا عنك بيذبحونك؟؟ شلون لعب بعقلك..

ندى: ش سوي حبيته.. وبعدين عندي فراغ.......

نوره : ايش....حبيبتيه.. هذا واحد لعاب.. وايش فراغه.. اللي يسمعك 24 ساعه في البيت....ندى قولي كلام اصدقه........

ندى: حبيته......

نوره : جلست جنبها.. ندى .. اسمعيني.. هذا كلام مراهقين وبنات .. انتي اعقل من كذا بكثير.. اوعديني تقطعين علاقتك فيك.. تبين تحطين راس اهلك في التراب.. واذا عرف ناصر والله مايتركك في حالك ابد.. وانتي تعرفيه مايرضى بالغلط... شفتيه ذاك اليوم مارحم هيفو حتى وهي حامل..

ندى: بلعت ريقها.. صحيح..

نوره : دامك تخافين منه.. ليش تسوين كذا....

ندى: بس اهو يحبني..

نوره : اذا يحبك صحيح.. يدخل البيت من الباب....

ندى: طيب.....

نوره : اوعديني..

ندى: اوعدك......

 

 

طلعت من غرفة نوره......وراحت غرفتها.......

طالعت جوالها.....9 مكالمات منه........ دقت عليه..

ماجد : وينك حبيبتي...

ندى: بدون نفس... موجوده.....

ماجد : ش فيك..

ندى: ماجد انت تحبني؟

ماجد :ايه عندك شك......

ندى: اجل تعال اخطبني من ابوي....

ماجد :....ها.......اخطبك........تو الناس........

ندى: ايش تو الناس.....اذا صحيح تحبني تعال اخطبني.. وغير هالكلام ماعندي...وسكرته بوجهي.....

ماجد :؟؟؟؟؟؟؟؟؟؟؟ هين يااخت فهد......بخليك كم يوم وبعدين انتي اللي بتجيني بنفسك.......

ندى : حاسه بخوف....راحه..........ماتدري شنو تحس بالضبط........

 

 

............

في مكان ثاني.........

ناصر..نايم جنب ساره.......

فجأه باب الشقه يندق بقوه........

قام ناصر..

ساره : ش صاير..

ناصر: وهو يقوم.. ادري شنو.. لاتتحركي من مكانك

ساره : لكن........

ناصر: وهو يلبس ال تي شيرت حقه.. قلت لا تتحركي.. وطلع..

فتح الباب......ابوه....اخوك عند باب البيت طايح .. ساعدني ندخله...

ناصر: كنت عارف السالفه.......سكر باب الشقه ونزل مع ابوه....

لقوه في الحديقه طايح عند سيارته وباب السياره مفتوح..

ابوناصر : لاحول ولا قوة الا بالله......

ناصر: الله يهديك ......

رفعوه عن الأرض.. ودخلوه البيت...

كان نص صاحي...

فهد: هي نصور..... زوجتك حلوه من وين شريتها.......

ناصر: اسكت لاارميك في الشارع الحين...

ابوناصر: اسكت ياولدي.. كله من اللي يشربه..

دخلوه غرفته......حطوه على السرير...

ابوناصر: ساعدني يبا نشيل ثوبه..

ناصر: لا اسمح لي.. وطلع......

ركب الدرج بسرعه.. فتح الباب.. لقى ساره واقفه جنبه تنتظره...

ساره : انتبهت ان شكله معصب......

ناصر: شافها.. تذكر كلام فهد.. مسكها من كتفها بقوه.. بصراخ.. انا اش قلت لك ..هاااا..

ساره : خافت منه.. ا....ا.......انا كنت خايفه يصير فيك شي..

ناصر: وهو يهز كتفها بقوه.. بصراخ.. مره ثانيه اذا قلت لك شي تسويه وانتي ساكته.. فامهه....

ساره : نزلت راسها.....ايه......

ناصر: ولا اشوفك نازله تحت ابد.... ترك كتفها..روحي عن وجهي يلا...

ساره: تطالعه مصدومه...........

ناصر: ماسمعتي....روحي لايجيك كف.......

ساره : نزلت راسها.. وراحت الغرفة تركض........

 

راحت الحمام......وقفت عند المغسله... ماراح ابكي....

رفعت وجهها.. شافت اثر يده في كتفها.. صار احمر.. نزلت دمعه حاره على خدها.. ليش...اش سويت...جلست على طرف المغطس وبكت بقهر....

 

ناصر.. لاحول ولا قوة الا بالله......وبعدين معاي يعني..هي اش ذنبها.. احط حرتي كلها فيها.. وفهد واحد ماينلام.. اللي صار غصبا عنها.....

قام وراح الغرفه.. وينها.. غرفة الملابس.....مو موجوده....سمع صوت في الحمام.. قرب عند الباب...سمعها... تبكي..غمض عيونه.. ش سويت..دق الباب..

ساره....ساره... قومي اطلعي.......

ساره :..................تبكي...........وحاطه يدها على كتفها......

ناصر: ساره اطلعي مو زين تبكين في الحمام..

ساره : روح عني......ش تبي فيني..مو قلت لي روحي عن وجهي......

ناصر: تنفس بقهر.. طيب بروح لكن اطلعي من الحمام وانا بروح الصاله.....

ساره : مالك شغل فيني.......

ناصر: عصب.....ساره وبعدين..

ساره : ..............بتضربني ..........

ناصر: ايه.......وفتح الباب بقوه............

ساره : تطالع فيه بخوف.........معقوله نسيت اقفل الباب........

ناصر: شكلها يبكي.. وانتبه ليدها اللي على كتفها....

قرب منها.. ساره حضنت نفسها.....

ناصر: بصراخ.. وبعدين مع عنادك.....

ساره :....................

ناصر: مسك يدها وقومها......اكلمك انا..........

ساره : اترك يدي ...........

ناصر: سحب يدها..و طلعها من الحمام..... رماها على السرير.....

بصراخ وهو يأشر بأصبعه......بطلي عناد..لا والله بتندمي طول عمرك.....

تركها وطلع.......راح المكتب..

نام على الصوفا.......

ليش انام هنا........ ش فيني عليها... كرهتها.. كلما تذكرت ان فهد شافها ولمسها.. حسيت اني اكرهها........

 

ساره..وقفت دموعها من الصدمه....

مستحيل..هذا هو.....وليش مستغربه.. بعد مااخذ اللي يبي .. شال القناع.. كلهم مثل بعض......لكن ليش... ايش سويت.......

نام على الكنبه.. اللي كان يكرهها..

وساره.. نامت لحالها ودمعتها على خدها......

 

الصباح..........

اليوم الجمعه....ساره تروح بيت اهلها من الظهر.....

الساعه 8 صحت مالقته في الشقه

 

لبست وتجهزت..

ساره : وهي تلبس عبدالله.. تروح معي ..

عبدالله: ايه..

دخل ابوه.. ولا كأنه يشوفها.. راح المكتب..

ساره :؟؟؟؟؟؟؟؟؟؟؟؟ زعلان منو المفروض يزعل..

راحت له..وقفت عند الباب..ناصر...

ناصر: كان جالس على المكتب..وقدامه لاب توب.. رد بدون مايطالعها.. نعم..

ساره : اليوم الجمعه..

ناصر: بدون نفس.. ويعني..

ساره : بروح بيت اهلي..

ناصر: روحي مع السواق مو فاضي ......

ساره :؟؟؟؟؟؟؟؟؟؟؟ هو مايرضى يوصلني السواق وهو موجود.. حتى لوكان نايم اصحيه او يزعل..والحين... طيب..بخذ عبدالله معي..

ناصر: رفع ايش؟؟؟؟؟ اتركيه هنا.....

ساره : موفاهمه نظراته لها.. كأنها كره احتقار... اوكي وراحت..

ناصر: وبعدين معاك..

ساره: لبست وجهزت اغراضها........

عبدالله : يلا ماما ساره..

ساره : لاحبيبي انت اقعد مع البابا....

عبدالله : لا ابي اجي معك.....

بصراخ عبدالله... لفوا اثنينهم.. كان واقف على باب المكتب .......

عبدالله : خاف منه.. اول مره يعصب عليه كذا.. نعم..

ناصر : تعال معاي..

راح دخل المكتب..وعطاها نظره حستها مثل الخنجر بقلبها..

ساره : حست انها مخنوقه.. شنو ذنبي......

نزلت وركبت السياره بسرعه.......

ماتبي تبكي.. كفايه امس........

وصلت بيت اهلها........

سلمت على اهلها.......

اماني : جنبها.. ها بشريني شلونكم الحين..

ساره : حست بغصه.. الحمدلله مثل ماقلتي..

اماني : يعني خلاص كل شي اوكيه..

ساره : ايه..

 

في بيت ابوناصر.......

عبدالله : يبكي..

ناصر: قدام الكمبيوتر لكن يفكر بشي ثاني.. ش سوي معاك ياساره.. المشكله مافي الا هي.. اعصب عليها بدون سبب.. طيب شلون اراضيها الحين.. انتبه لولده يبكي..

قام وراح جنبه يراضيه..

عبدالله : وهو يبعد ابوه.. انا مااحبك.. انت تصرخ علي وعلى ماما ساره.. حتى شفتها تبكي..

ناصر: حتى الطفل يحبها وقلبه عليها.. طيب بابا خلاص..

 

المغرب.. في بيت ابوعبدالرحمن...

ام عبدالرحمن : ناصر ماجا.....

ساره : لا يمه...

ام عبدالرحمن : ليش يابنتي هو العاده يجي ياخذك قبل خواتك..

ساره : ضحكت بداخلها.. هو حتى مايبي يشوفني... لا يمه انا قلت له لا تجي الا لما ادق عليك..

ام عبدالرحمن: براحتك يايمه بس لا تطولين..

ساره : مثقله عليكم..

ام عبدالرحمن : لا يمه البيت بيتك.. لكن مايصير تتركين زوجك لحاله..

ساره : انا طول الأسبوع معاه.. مستكثر علي هاليوم...

ام عبدالرحمن : حتى ولو.. بيتك هو بيت زوجك.. قامت امها..

ساره : تنفست بقهر.. مابروح البيت الا اذا هو دق او جا..اجل انا يعصب علي بدون سبب..

ناصر: في شقتهم..جنبه عبدالله .. الساعه 8 وللحين ماجات..

دق عليها.....

ساره : قلبها يدق بسرعه.. اخيرا دق...ردت بدون نفس..الو..

ناصر: تردي بدون نفس... الو.. متى جايه..

ساره : ماادري..

ناصر: شنو يعني؟ عصب..

ساره : ش تبي فيني مو قلت لي روحي عن وجهي..

ناصر: ساره.. كلميني عدل لا......

ساره : لا شنو.. قول .. بتضربني.. ماعدت اخاف منك.. هذا وجهك الحقيقي بعد مااخذت اللي تبي بان......

ناصر: وهو يشد على اسنانه.. ساره لا تنرفزيني.. كلمي السواق وتعالي..

ساره: ماراح اكلمه.. انا زوجتك او زوجته.. اذا تبيني تعال انت خذني..

ناصر: عندك نص ساعه اذا ماجيتي ... لاتجي ابد..

ساره : احسن.. وسكرته بوجهه....

ناصر:؟؟؟؟؟؟؟؟؟؟؟؟؟؟

ولع نار.......... ماشي ياساره...الا اجيبك وأ أدبك..

 

قام و اخذ مفاتيح السياره..

عبدالله : بروح معك..

ناصر: لا خليك مع نوره..

عطاه نوره وطلع.......

 

ساره.. شكله عصب اكثر.. يستاهل.. ليش يعصب علي بالأول بدون سبب..

 

ناصر.. وهو بالطريق.. يتوعد فيها.. والله لأكسر راسها تكسير.. انا تتحداني..

 

 

وصل بيت ابوعبدالرحمن

دق عليها.. ردت نعم..

ناصر: اطلعي انا عند الباب..

ساره : وليش جيت تعبت نفسك..

ناصر: اطلعي دام النفس طيبه...

ساره : ومن قالك برجع معاك.....

ناصر: ساااااااره..

ساره : خافت..ببرود.. نعم..

ناصر: بسرعه..

ساره : قلت اللي عندي واذا مو عاجبك كيفك...

ناصر: طيــــــــب.. سكره بوجهها.. ونزل دق الجرس..

فتح له تركي..

دخل الصاله.. مافي احد..

تركي : كلهم طلعوا.. مافي الا ساروه الجنيه فوق..

ناصر: وين راحو؟

تركي: امم امي واماني يزوروا مريضه وابوي طلع والباقي مدري وينهم

ناصر: يعني مافي احد فوق...

تركي: قلت لك مافي الا ساره..

 

ناصر: طيب انا بطلع لها..

تركي : عادي البيت بيتك..

ناصر: تعال وصلني مدري وين غرفتها..

تركي :هههههههه اوكي..

ركبوا الدرج.. واشر له..هذي اللي بآخر الممر..

ناصر: شكرا.. وصل لعند الباب.. وقف.. غمض عيونه.. تنفس بهدوء.. دق الباب...

ساره : .....................

دق الباب مره ثانيه....

ساره : افهموا يعني مارديت.. مابي اشوف احد..

مره ثالثه...

ساره : وهي تقوم من على السرير.. اوووووف.. الواحد مو طايق نفسه وهذولا.............فتحت الباب...

ناصر: هذولا شنو..........

ساره : لفت وعطته ظهرها.. ولا شي..

ناصر: وقف وراها.. يلا امشي البيت..

ساره : تكتفت.. قلت لك مابي..

ناصر : وبعدين مع عنادك... قلتي تعال انت هذا انا جيت.. ش تبين بعد؟

ساره : لفت عليه..انصدم من عيونها المتورمه.. ابيك تحس فيني..

ناصر: غمض عيونه ونزل راسه.. حقك علي..

ساره : ليش تعصب علي بدون سبب.. انا شنو بالنسبه لك.. تقول تحبني.. وين الحب وانت جرحتني امس واليوم وكنت بتضربني بدون سبب..

ناصر: رفع وجهه.. ساره انا..........

ساره : انت شنو.........يعني فهد يجي سكران واللوم والعتاب كله علي انا.......

ناصر: قرب منها وباس جبينها.. حقك علي..

ساره : لفت وجهها...ماعدت اصدق وعودك..

ناصر: مسك ذقنها ولفه قبال وجهه.. جات عينه في عينها.. انا مااقدر اعيش من دونك..

ساره : بعدت عنه.. لا تخدعني بهالكلام..

ناصر: طيب بشنو تبين اثبت لك عشان تصدقيني..

ساره : مابي شي.. ابيك بس تفصل بين مشاكل اهلك وشغلك عن حياتنا..

وتتحكم في اعصابك شوي..

ناصر: حاضر تامري امر.. في شي ثاني..

قربت منه وحطت عينها في عينه... ولاتمد يدك علي مره ثانيه..

ناصر: نزل عينه..وشد على قبضة ايده.. ان شـاءالله..

قربها لعنده وحضنها بقووه وهو يهمس سامحيني... بعدها وباس خدها

ساره : ناصر.......

ناصر: رفع عينه وطالع فيها وابتسم ... آمري..

ساره:اممم....... ممكن طلب..

ناصر: وهو يحوط خصرها عيوني لك........

ساره: حطت يدها على صدره.. بعد احنا في بيت اهلي..

ناصر: وهو يقربها له.. حتى لو في الشارع.. ومال على خدها وباسه..

ساره : وهي تبي تبعده.. نااااااصر..

ناصر: عيونه.......

ساره : ابغى شوكولاته

ناصر: بس........اجيب لك باتشي كله لعندك. آمري بعد

ساره : ههههههه تسلم لي..

ناصر: باس جبينها.. خلاص رضينا..

ساره : ايه..

ناصر: يلا البسي.. نروح البيت..

ساره : اوكي..

ناصر: انا انزل وانتي تعالي..

ساره : حست انه انحرج من وجوده ببيت اهلها ..

اوكي..

نزل بسرعه.. وهو طالع لقى ام عبدالرحمن وابوعبدالرحمن.. سلم عليهم .. وركب السياره..

جات ساره وركبت..

ناصر: هلا وغلا نورت السياره..

ساره : هههههههههههه تسلم..

ناصر: تسلم الضحكه...يلا وين تبين نروح..

ساره : امممم.. مدري على كيفك.. اهم شي ابي كوفي وشوكولاته..

ناصر: قرب لها.. لاتكوني..

ساره : فهمت قصده..لالا يروح بالك بعيد.. لاحامل ولا شي..

ناصر : ههههههههههههههه.. طيب من وين تبين؟

ساره : مابي شي خلاص.. تكتفت ومدت البوز.......

ناصر: هههههههههههههههههههههههههههههههههههه

ساره : وانت بس تضحك.. لو ادري جيت مع السواق..

ناصر:ههه.. خلاص حبيبتي..

راحوا سعد الدين.. اخذ لها كل اللي تبيه وكوفي طبعا..

ورجعوا البيت..

 

جلسوا في الصاله...

ناصر: يطالعها وهي تاكل.. اعرفها.. اذا تضايقت ماتبي الا شوكولاته..

ساره: تطالعه.. مااكلت شي..

ناصر: خلصتيه كله..مابقى شي..

ساره : حرام عليك.. باقي واجد.. خذ..

ناصر: لالا مابي.. بعدين اسمن..

ساره : تخصرت اش قصدك..

ناصر: غمز لها.. ولا شي..

ساره : هين.. رمت القطعه اللي بيدها.. وقامت..

ناصر: وهو مكانه يضحك.. تعالي وين رايحه..

ساره : خليك لحالك تضحك.. وسكرت باب الغرفه..

راحت غرفة الملابس.. اممم هذا جديد.. لبست روب نوم لونه وردي فوشي.. لنص الركبه.. وفيه فتحات صغيره من جنب.. وطلعت ..

ناصر: لسه مكانه ماقام.. رفع لما شافها..

هي طالعته بنص عين وراحت المطبخ وجابت لها كاس ماي.. مشت قدامه وهي رافعه راسها ولا كأنها تشوفها..

ناصر: ابتسم على جنب.. يعجبني كل شي فيها..

قام وراح لها الغرفه.. لقاها جالسه قدام التسريحه تمشط شعرها.. انسحر عليها..

جلس جنبها على ركبه.. ساره..

ساره : وهي لسه تمشط شعرها.. بدون ماتطالعه.. نعم....

ناصر: قرب منها.. سحب المشط وحطه على التسريحه.. ومسك خصله من شعرها.. وشمها..

ساره: .............. كل شي يسويه يذوبني....نعم ش تبي..

ناصر: هههههههه شنو ابي بعد.. وهو يحرك حواجبه.. ابيك..

ساره : ولع وجهها .. لفت على الجهه الثانيه.. بعد عني روح نام في المكتب مثل امس..

ناصر: حبيبتي مو قلنا خلاص..

ساره : وهو تتكلم مثل الأطفال.. تخليني انام لحالي..

ناصر: هههههههههههه خلاص آخر مره انام بعيد عنك..

ساره : ابتسمت..

قامت وقفت.. ووقف معاها.. حضنوا بعض

 

و....................................

اسقني حب..او اسقني فرقاك..

ان صبرت اشقى.. او هجرت اشقى..

العمر يمضي.. والجروح تبقى..

اختر الحل الصعب.. ياتفارق ياتحب..

لاتحدد لي مراحل..ياتجيني حب..

ياتودعني راحل..

هذي ورده..هذي جروحك..

عطني روحي سيدي..او خذها روحك..

وش بقى ضاعت سنيني..يابعد قلبي وعيني..

 

لاتردد في غرامي.. لالالالا

ابتسامي دمع.. وسكوتي كلامي..

افتح ايدينك لشمسي ولهبوبي..

كحل عيونك بدمعي وبشحوبي..

واعشق الهم اللي فيني..هذا ان كانك تبيني..

 

 

بعد يومين...

 

..جو اهل حمد يخطبوا نوره رسمي.....وعشان حمد يشوفها..

 

نوره كانت مبسوطه وخجلانه بنفس الوقت..

 

ناصر.. رجع من الدوام مع ساره..

ناصر وهو يسكر ازرار ثوبه وساره جنبه جالسه قدام التسريحه : انا ابي اعرف ليش يبي يشوفها.. انا متأكد انه شافها في المستشفى.. يبي يشوفها الحين بعد ليش..

ساره : مين يتكلم..

ناصر: نزل لمستواها ومسك خصرها.. اش قصدك..ها.. وهو يدغدغها..

ساره : هههههههه.. ناصر.. خلاص.......ههههههههههه

ناصر: هههههههه...........

تركها.. وقام وقف..تعالي..

ساره : وقفت جنبه.. نعم..

ناصر: وهو يحوط خصرها من وراها..الظاهر انك تبين ختم جديد.. ونزل عند رقبتها..

ساره : لا ناصر حبيبي انت.. بلاها اليوم..

ناصر: لا اليوم.. وباس رقبتها بقووووووه..

ساره : ناصر.. خلاص..

ناصر: بعد.. وهو يطالع مكان البوسه.. الحين كويس..

ساره بعدت عنه.. وهي تطالع مكان البوسه..

والله اذا بين لها اثر بتشوف..

ناصر:هههههههههه ش بتسوين يعني..

ساره : اش بسوي.. قربت منه وعضته في رقبته بخفيف..

ناصر: ايييي يامتوحشه..

ساره : بعدت.. هذا ولاشي.. قدام اللي تسويه فييني..

ناصر: وهو يطالع مكان العضه.. امم اهم شي ماتبين..

ساره : والله حلال عليك وحرام علينا..

ناصر: ههههههههههههه..

لبس شماغه.. وساره خلصت لبس ونزلوا تحت..

وصلوا اهل حمد..

ناصر.. مع ابوه وابو حمد وحمد في المجلس..

 

في مجلس الحريم..

ام فهد وبدريه وندى.. وساره..

 

وام حمد واختها وبنتها..

 

ام حمد : وين عروستنا ..

ام فهد : موجوده... الحين تجي.. ندى قومي نادي اختك..

قامت ندى.. ثواني ورجعت معها نوره..

دخلت..

ام حمد : وهي تبوسها.. هلا وغلا بمرت الغالي ان شاءالله..

نوره : وهي منزله راسها.. هلا فيك..

نوره لبست فستان عنابي ناعم.. عليه جاكيت نص نفس اللون وبوت بيج طويل..

جلست جنب ام حمد وهي منزله راسها..

جا نواف..

نواف : ساره ناصر يبيك..

قامت وراه..

ناصر: كان واقف بالصاله.. شافها وهي جايه..

محلوه اليوم.. كانت لابسه فستان بيج من تحت مقطع عشوائي (مااعرف اوصف..مثل المثلثات).. وفيه حزام بني على الخصر وبوت بني.. وعليها شال بني..

ساره : نعم..

ناصر: مبتسم ويطالعها من فوق لتحت... محلوه اليوم..

ساره : نزلت عيونها.. ناااااصر..

ناصر: ههههه.. وين نوره حمد بيبي يشوفها..

ساره : والله مو تقول شافها..

ناصر: ناس فاضيه.. وهو يغمز لها..

ساره : وهي رايحه.. مثلك.....

ناصر: هين ياساره حسابك بعدين..

ساره :هههههههههه

دخلت ونادت نوره..

ام فهد : اقول لاتلمسي بنتي تعديها بالطلاق..

ساره : تطالع ام فهد.. لاتخافي.. مافيني مرض خبيث..

ام حمد : الله يعينها المسكينه ...

وصايف: مع انها باين عليها طيبه وحبوبه لكن ليش ماتحبها مدري..

 

قامت نوره وهي مستحيه..

وهم ماشين ماسكه يد ساره..

ساره : ماسمعتي اش قالت لك امك..

نوره : ماعليك منها.. انا خايفه..

ساره : لاتخافي حبيبتي..

ناصر: ايش هالحلاوه.. منو هاذي..

لفو ثنتينهم..

ناصر: رفع حاجب.. وابتسم على جنب.. مو انتي..

ساره : تخصرت ليش مو ماليه عيني..

ناصر: امم وهو يطالعها.. لا ماتكفي عيني وقلبي..

نوره : هييه اتنو.. خلو غزلكم بعدين.. خلصوني رجولي ماعادت تحملني..

ناصر: مسك يدها..هههه... طيب تعالي.. سارونه ..

ساره : نعم..

ناصر : عطاها بوسه في الهوا... ومشى مع نوره..

ساره : ابتسمت.. ومشت بترجع عند الحريم..

في المجلس..

دخلت نوره..

وقف حمد... يالله تجنن..

ناصر.. ههههههه ضحك.. تذكر لما راح يشوف ساره..

حمد مد يده.. شلونك نوره..

نوره :وهي منزله راسها.. الحمد.لله..

سلمت عليه وسحبت يدها بسرعه..

جلست جنب ناصر..

ناصر.. مبتسم..

حمد: شلون الدراسه..

نوره : تمام..

ناصر: ترى نوره شاطره.. تقدر تقول عنها دافوره..

حمد : حلو.. قول مجتهده..

نوره : ابتسمت..

ناصر:هههههه من الحين ماترضى عليها..

 

بعد ماراحوا الجماعه..

 

ناصر.. وجنبه ساره مع ام فهد وخواته..

ابوناصر: الجماعه حددوا الملكه الأسبوع الجاي ..

ام فهد : تمام.. ماقالوا وين بتكون..

ناصر: هم يبون صالة .. بس اذا مالقوا شاليه ابوي..

ومال على ساره.. والا ش رايك..

ساره : ههه.. حلو..

ام فهد : اقول عندكم شقه..

ناصر وساره.. اختفت الضحكه على وجيههم..ليش ش سوينا..

ام فهد : تتغزل فيها قدامنا.. ماتستحي .. وهي تضحك لك قدام البنات..

ابوناصر: هدي ماصار شي..

ناصر: قام.. وقوم ساره معاه.. بدون مايقول ولا كلمه..

وصلوا شقتهم.. جلس في الصاله.. يتنفس بقهر... هذا جزاي ياام فهد..

ساره.. راحت غرفة النوم.. وقررت انها تطنش ام فهد.. ماتبي تبكي.. وتنكد عليهم..

ناصر.. اخذ جواله ودق على ابوبندر.. اسمعني ابيه جاهز خلال شهرين.. لالا اكثر من شهرين مابيه.. طيب مع السلامه..

ساره :جات وجلست جنبه..

حوطها بكتفه.. وباس خدها.. وهي دفنت راسها في صدره..

ناصر : متضايقه حبيبتي..

ساره : بعدت عن صدره.. وحطت يدها على خده..غمض عيونه وحط يده على وجهها.. اهم شي انت ماتزعل..

ناصر: ابتسم.. انا ابيك تطنشي كلامها وبس..

ساره : وانت بعد.. طنش كل شي.. فهد ومشاكله وكلام امه.

ناصر: المشكله.. يمكن انتي غريبه مايعرفوك.. لكن انا واحد منهم.. وياما وقفت معهم في اصعب الظروف.. وكذا تعاملك وتعاملني.. هذا جزا المعروف..

ساره : حبيبي..لاتضايق نفسك.. عشان خاطري..

ناصر: خاطرك عندي بالدنيا.. حضنها..

فتح التلفزيون.. وجلسوا يستنوا فيلم..

ساره : غيره .. شكله مرعب..

ناصر: ههههه.. اش فيه..

ساره : ماحب المرعب..اخاف

ناصر: وليش تخافين انا معاك..

ساره : غيره واللي يخليك..

ناصر: لا انا استناه من اسبوع..

ساره : اوووف منك بقوم انام..

ناصر: مسك يدها وجلسها.. اجلسي معي..

ساره : مابي يخوف الفيلم.....

ناصر: خليك جنبي ولا تخافي.. وبعدين هو فيلم مو صحيح..

ساره : تكتفت.. اووف منك...

ناصر: لا تأففين.. قومي جيبي لنا شي نشربه..

ساره : قامت.. وهي تتحلطم عليه..

ناصر: هههههههههه سمعتك..

جابت لهم عصير وشيبس..

وقعدت جنبه يتابعوا الفيلم..

كان فيلم عن بيت قديم مسكون بأرواح .......

ساره كل مره تجي لقطه تخوف تلصق في ناصر او تخبي وجهها في صدره..

ناصر..مبسوووووووووط.. ياحبي لأفلام الرعب..ههههههه

في نص الفيلم..

ساره: ابي انام..

ناصر:هههههه يدري انها خايفه..روحي نامي احد ماسكك..

ساره : قوم معاي..

ناصر: لا انا بكمل الفيلم..

ساره: نااااصر.. قوم معاي نعسانه والله ابي انام..

ناصر: ماراح اقوم.. واذا تبين نامي هنا..

ساره : هنا؟؟؟؟؟؟وين؟؟؟؟؟

ناصر: قرب منها.. على حضني..

ساره : نزلت عيونها.. لا خلاص بقوم انام بالغرفه..

ناصر: كيفك...قامت وهو يضحك.. يعرفها خوافه..مستحيل تنام لحالها الليله بالذات..

راحت الغرفه وهي خايفه.. بدلت ملابسها لبست بيجامه ساتان كحلي ..

ناصر... حب يتنيذل شوي.. علا الصوت..

ساره .. كانت بالغرفه.. سمعت الأصوات وخافت..

اروح له احسن..

راحت له الصاله.. وجلست جنبه..

ناصر: ههههه اشوفك رجعتي..طار النوم..

ساره : اوووووف منك..

كملوا الفيلم.. وساره خلاص مو قادره تفتح عينها.. وكل شوي تطالعه.. مركز على الفيلم.. مافي حل ثاني..

ناصر: كان متكتف.. ومندمج مع الفيلم..

ساره : ممكن..

ناصر: ايش؟

ساره : وهي تطالع حضنه.. بنام..

ناصر: ابتسم.. هلا وغلا..

نامت على حضنه.. وحط يده على كتفها العاري والثانيه على شعرها..

بعد ساعه انتهى الفيلم..

 

طفى التلفزيون.. قرب لعندها.. شكلها نايمه.. حرام اصحيها..

حملها بكل رقه لغرفة النوم.. وحطها على السرير... نام جنبها وتغطى معها..

.................

 

رجع ناصر من الدوام...

ام فهد كانت في الصاله ومعها فهد...

سلم عليها..

ام فهد : ش فيها ست الحسن..

ناصر: اللهم طولك ياروح.. ش فيها..

ام فهد : ماتنزل تقعد معانا........

ناصر: وهو يطالع فهد.. انا اللي مانعها..

ام فهد : وليش ان شاءالله..

ناصر: بس كذا.. واعتقد انها كافيه خيرها شرها.. في شي ثاني..

ام فهد : وش فيك تكلمني من طرف خشمك..

ناصر: لأني مليت من الكلام اللي ماله داعي.. ومشى عنهم..

فهد : يمه يبي لهم تاديب هو وابتسم.. وزوجته...

ام فهد : دواهم عندي..

 

ناصر: دخل الشقه وهو معصب.. ويتنفس بقهر..

جات ساره.. هلا حبيبي..

ناصر: رفع وجهه.. شافها وابتسم.. اهلين..

قربت منه.. حطت راحة يدها على خده.. شفيك حبيبي..

ناصر: ولا شي تعب الشغل..

ساره : ابتسمت.. يعطيك العافيه..

ناصر: في عشا..

ساره : افاا عليك..جيت مره ومالقيت العشا جاهز؟

ناصر: ههههههه تسلمين يارب..

اندق الباب.. عبدالله..

ساره : يلا ماما روح غسل وتعال تعشى..

ناصر: لي انا..

ساره : هههههههههه لا موانت..انت حبيبي.......

ناصر: ايش اسوي فيها ياناس......

ساره : ههههههههههههههههههههه

 

بعد يومين..

نوره تجهز لحفلتها اللي راح تكون في صاله من صالات الدمام ..

مثل ساره وناصر.. الملكه قبل الخطبه بيوم..

ساره وناصر ونوره في المارينا..

ناصر: حبيبتي ماعجبك شي؟

ساره : لا..

نوره : انا العروس اشتريت وخلصت..

ناصر: قرب لعند ساره.. حتى زوجتي عروس...

ساره :ههههههههه

ندى: اقول بلا هالحركات لاتجي الهيئه تطردكم..

ناصر: اي هيئه انتي ووجهك..

بعد ماتعشوا........

ساره : خلصوا المحلات وماعجبني شي......

ناصر: طيب حبيبتي.. نروح مكان ثاني..

نوره : اي مكان.. الساعه 10... واحنا تعبنا.. خليها بكره..

ساره : خلاص.. بكره..

ناصر: تنهد.. طيب يلا نرجع البيت..

وصلوا البيت.. نزلوا اخواته..

ساره : مو نازل..

ناصر: لا بروح مشوار وبرجع..

ساره : طيب حبيبي لاتتأخر..

ناصر: من عيوني...

نزلت من السياره.. ورجع المارينا..

السكيورتي مارضوا يدخل الا بالعافيه..

دخل محل ووراه سيكيورتي...

ناصر: امم هذا حلو.. اخذه وطلع..

السيكيورتي: وين بعد قلت محل واحد..

ناصر: بس هذا المحل بشتري جزمه وبطلع..

السيكيورتي: اذا طولت راح نضطر نطلعك بالقوه..

ناصر : لا تخاف ماراح اطول ولا اسوي شي..

اطالع ذولي وعندي ساره....

اشترى جزمه وطلع.......

 

رجع البيت....

لقاها.. نايمه على الكنبه..

قرب منها وهمس. . حبيبتي..

ساره : فتحت عيونها.. هلا ..

ناصر : اش فيك..

ساره : مدري.. معدتي تقلب.. ودايخه.. رجعت كل اللي اكلته..

ناصر: قلت لك لاتاخذي حار ماسمعتي الكلام..

ساره : كانتون مو حلو الا حار.. شنو هذا الكيس؟

ناصر: قومي اقعدي..

قامت وجلست جنبه..

ناصر: شوفي انا عجبني وشريته .. عجبك البسيه ماعجبك بكره نروح واشتري واحد ثاني... اوكي..

ساره : ابتسمت.. اوكي..

طلع الفستان.......

 

فستان بنفسجي غامق(لونها المفضل) مفتوح من فوق على شكل قلب وعند الصدر دانتيل ناعم ومطرز بذهبي....ومن تحت واسع وفيه تطريز وشك بالذهبي..

وصندل ذهبي كعب .....

ناصر: اش رايك..

ساره : تطالعهم وتطالعه.. حلوين..

ناصر: اكيد..

قربت منه وباست خده.. الله لايحرمني منك..

ناصر: ابتسم ولامنك.. اكيد عجبوك او تجامليني..

ساره : اكيد.. عجبوني.. بس ليش ماشفته لما رحنا..

ناصر: محد قالك اطلعي مع ندوا المزعجه..

ساره : هههههههههه..

ناصر: قومي جربيه..

ساره: لا ماله داعي.. مقاسي...

ناصر: اكيد....

ساره: ايه..

ناصر: طيب .. يلا انا بنام تعبان...

قاموا يناموا.......

 

يوم الحفله..

الكوافيره جات البيت...

خوات ناصر خلصوا.. وساره آخر وحده..

ام فهد : حنا رايحين الصاله..

ساره : طيب استنوا لما اخلص..

ام فهد: لا مو فاضين لك.. تعالي بعدين..

ندى: طيب انا بظل معها..

ام فهد : امشي معاي وبلا كلام..

راحوا كلهم.. وظلت هي مع الكوافيره..

دق عليها ناصر.. حبيبتي خلصتوا..

ساره : كلهم راحوا مافي الا انا..

ناصر: ايششششششش؟؟؟ انتي لحالك؟؟؟؟؟ وليش راحوا عنك؟؟

ساره : ام فهد..

ناصر: تنهد.. طيب. . انا جاي..

ساره : اوكي..

 

خلصت من الكوافيره..

حطت لها ميك اب ناعم زي ماتحب... وشعرها رولته من تحت بس..

جا ناصر.. كانت لابسه بيجامه..

ايش هالحلاوه..

ساره :هههههه لسه مالبست...

ناصر: انتي بكل شي حلوه..

ساره : طيب بروح البس.. راحت الغرفه...

اخذت الفستان..

شنو هذا.....الفستان مو سحاب.. مشابك من ورا.. يعني لازم احد يسكرها..

حاولت تلبسه بدون ماتفتحهم ماقدرت.. وبعدين..

ناصر: يناديها.. ماخلصتي سارونه..

ساره : طيب.. لبست روب وطلعت..

ناصر: ليش مالبستي؟

ساره : ابي انادي وحده من الشغالات..

ناصر: مافي احد.. ش تبين منهم؟

ساره : هاا... ولا شي...

ناصر: يلا حبيبتي بسرعه لا تنأخر..

ساره : .............

ناصر: اش فيك... ليش تبين شغاله...

ساره : نزلت راسها..........

ناصر: قرب لها.. شنو فيه؟؟؟؟؟

ساره : وهي منزله راسها.. ابيها تسكر لي الفستان..

ناصر: ههههههههههههههه........ بس.. وانا مو مالي عينك....

ساره : بعدين تسوي لي شي..

ناصر: ماراح اسوي شي...

ساره : زين بروح اللبس..

مشى وراها..

ساره: وين؟

ناصر: معك..

ساره : لا البسه واناديك..

ناصر: لاحوول.. اللي يسمعها مايقول كل ليله انام جنبها..

سبحان الله فرق.. تذكر هيفا ليلة زواجهم..

ساره : خلك واقف هنا..

دخلت ولبسه.. مسكت الفستان من قدام ونادته..

دخل غرفة الملابس لقاها واقفه قدام مرايه كبيره.. كان صدرها باين شوي من فوق..

ساره : حرقتها نظراته...

قرب لها..وعطته ظهرها.. وبدا يسكرهم..هو المفروض يسكرهم اثنين اثنين لكن هو عمدا يسكر واحد واحد ويقدر يسكرهم بدون مايلسمها لكن هو يلمس ظهرها وهو يسكرها ويضحك..

هي خلاص.. وجهها قلب الوان وتحس بأنفاسه الحاره على ظهرها..

ساره: مو كأنك طولت..

ناصر: اسكرهم زين عشان ماينفكوا..

ساره : اللهم طولك ياروح..

وصل لآخر واحد.....ماقدر يمسك نفسه.. مسكها من خصرها وحضنها..من ورا..

ساره.. كان حاط وجهه على رقبتها.. وانفاسه عليها وعلى وجهها...

باس كتفها العاري ورقبتها وخدها..

ساره :ناصر.....

ناصر: هههمممممم...

ساره : بنتأخر.......

ناصر: طيب.. بعد عنها.. والله لو ماكانت اختي ماتركتك تروحين..

ساره : نزلت عيونها وبعدين معاك..

ومدت يدها بتاخذ العقد .. اخذه من يدها ولبسها اياه..

 

ناصر:هههههههههه يلا نمشي..

 

وصلها الصاله.......

 

ورجع البيت.........

بعد ما دخل حمد ولبس نوره الشبكه...

 

ساره دقت على ناصر....

ناصر: عقد حواجبه.. خير ان شاءالله.. هلا حبيبتي..

ساره : تعال خذني......

ناصر: يطالع ساعته.. الحين؟؟؟ تو الناس؟؟؟؟

ساره : بصوت كله بكا.. اذا ماجيت الحين.. بجي في ليموزين او مشي..

ناصر: طيب.. اهدي اهدي.. مسافة الطريق..

ساره .. سكرت الجوال.. لبست عبايتها ووقفت عند المدخل..

ناصر : وهو يسوق.. ش فيها... اكيد ام فهد.. وصل ودق عليها..

ركبت السياره..

ناصر: شنو فيه..

ساره: بصوت يرجف. . ولا شي......

ناصر: حس ان فيها شي.. ماحب يزود معها كلام..اذا وصلنا البيت يصير خير..

 

وصلوا الشقه...

ساره : على طول راحت الحمام..

ناصر: راح وراها.. شفيك حبيبتي..

ساره : ولا شي..

جلست على كنبه في غرفة النوم.. وجلس جنبها... مسك يدها.. شنو مضايقك..

ماقدرت تمسك نفسها.. بكت ......... ام فهد.......

ناصر: قلت من الأول.. ش سوت لك...

ساره: تخيل تعرف اهل حمد علي.. وتقول لهم هذي مرت ناصر وكانت مطلقه مرتين....

ناصر : فتح عيونه ع لآخر......ايشششششش.؟؟؟؟؟؟؟

ساره : والله.. وهي تبكي..

ناصر: لاتكوني بكيتي قدام احد......

ساره : لا.......كنت قويه لآخر لحظه..

ناصر: حضنها... خلاص حبيبتي.. انا اشوف حل.. ماراح اسكت اكثر من كذا.....

 

 

يوم ثاني...

ساره: رجعت من الدوام نادت عبدالله..وتوها بتطلع الدرج.. نادتها ام فهد..

 

لفت لها.. نعم..

ام فهد : وليش ماتتعشون هنا؟؟؟

ساره : ناصر يبي كذا..

ام فهد: طول عمره ياكل معنا.. ش لي صار الحين......

ساره :اسأليه.. تبين شي ثاني.

ام فهد : ايه.. لاتقطي بلاويك على ولدي..

ساره: فتحت عيونها كبرها... ايشششششش انا؟؟؟

ام فهد : ايه انتي.. انا فاهمتك زين.. تبين تفرقين بين الأخوان.. لكن حريمتك..

ساره : الله يسامحك... ومشت عنها...

 

وصلت شقتها........

بعد مااخذت لها شاور صلت المغرب والعشا.. بدت تجهز العشا....

 

ناصر.. رجع بدري من الدوام.. حب يفاجأ ساره..

 

توه دخل البيت..

ام فهد : ادب زوجتك...

ناصر: عقد حواجبه.. ايش؟؟؟؟؟؟؟

ام فهد: اللي سمعته تطول لسانها علي..

ناصر: يمه ساره انا اعرفها.. ماتسويها..

ام فهد : تكذبني.. هذي مثل الحيه..

ناصر: يمه واللي يسلمك.. ساره طيبه وماله داعي كل اللي تسوينه.. وكل كلمه والثانيه قلتي مطلقه مرتين..

ام فهد : علا صوتها.. بعد تشتكي علي ....لا طالت واتشمخت... هين ياسويره...

ناصر: يمه.. وهو يشد على اسنانه.. لو سمحتي لاتهيني زوجتي قدامي او وراي..

ام فهد : ساحرتك هالحيه.....حسبي اللله عليها ايه مسويتك زي خاتم في اصبعها...

ناصر: طنشها ومشى... كان جاي مبسوط.. وصل للدرج.. لقى ساره واقفه.. يعني سمعت كل شي.. يلا داخل يلا.......

دخلوا الشقه.. ناصر وقف وحط ايديه على طاولة المدخل..

ساره.. حطت يدها على كتفه..حبيبي..

ناصر: محد يهون علي الا انتي.. لف وحضنها بأقوى ماعنده...

بعد عنها.. روحي البسي.. بنطلع نتعشى برا احس اني مخنوق...

ساره : اوكي دقايق ورجعت.. اخذوا عبدالله وطلعوا يتعشوا....

 

تعشوا في بيتزا هت... انبسطوا وغيورا جو........

وهم راجعين.. حبيبتي.. مبسوطه..

ساره : طول ماانا معاك بظل مبسوطه على طول..

ناصر:ههههههههههههه

ساره : لفت بتكلم ناصر.. انتبهت للسياره الي جنبهم.. شنو هذا؟

ناصر: في شي؟

ساره : ناظرت قدامها ولا شي.. يارب ماينتبه..

وقفوا عند اشاره..

ساره.. يارب ماينتبه ...

كل شوي تطالع ناصر ..

ناصر.. لف على الجهه اليسار..منو؟؟؟؟؟؟؟

ساره طالعي هذي موندى؟

ساره : ها........مدري؟

ناصر : هي متأكد.....راكبه مع منو.. ماجد؟؟؟؟؟

طلع جواله ودق عليها.. وهو يغلي.. طالعها لما شافت الجوال حطته صامت وكلمت اللي جنبها وشكلها خايفه.......

ناصر: هين ياندى...

ساره: هدي ولاتعصب اذا وصلت البيت سوي اللي تبي.....

ناصر: اكيد.. تبيني اضحي فيك وفي ولدي عشانها... دق على البيت.. ردت ام فهد..يمه وين ندى؟

ام فهد : ش تبي فيها؟

ناصر: ابيها وينها؟

ام فهد : عند صديقتها تذاكر..

ناصر: طيب باي......

ناصر.. مشى ورا السياره.. وصلوا قريب يبتهم.. لف ومر من شارع مختصر عشان يوصل قبلها....

وصلوا البيت.. كانت ام فهد ونوره وبدريه في الصاله..

 

دخل ناصر.. ماوصلت..

نوره: من هي؟

ناصر: ندى ......

نوره : الله يستر ... لايكون عرف شي عنها.. هي قالت بطلت لكن وجهه يقول لا..

ام فهد : ش فيك على بنتي.. ش مسويه..

 

دخلت ندى.. لقت ناصر واقف عند الباب وجهه يقول في مصيبه جايه لك...

ناصر: وين كنتي؟؟

ندى: خافت منه .. شكله معصب..ا,,,,,ا,,,,,, عند صديقتي..

ناصر: مسك كتفها وشدها.. عطاها كف.. وبصراخ.. تكذبين بعد انا شايفك بعيني في السياره مع ماجد.. وتقولين عند صديقتي..

ام فهد تحاول تفك بنتها منه.. اتركها جعل ايدك الكسر.. مالك شغل فيها..

ناصر: هذي بنتك ماربيتيها ..

ام فهد : مالك شغل فيها.. وسحبتها وندى تخبت ورا امها...

ناصر: بصراخ.. مالقيتي الا هذا.. من شلة فهد.. مدمن ويشرب..

ندى: وهي ورا امها.. يحبني وراح يخطبني..

ناصر: ايشششششش؟؟؟؟؟؟على جنازتي.. تتزوجين واحد مدمن..

ندى: وكأنها صارت اقوى ورا امها.. هو قالي بطل... ومالك شغل فيني...

ناصر: شب نار.. وصدره يرتفع وينزل.. انا اعلمك منو ناصر.. مسك يدها وسحبها..

ام فهد : اترك بنتي......

ناصر: وهو يطلع انا بأدبها لكم..

ركبها السياره.. وقفل الأبواب..

ندى: وهي تبكي وين بتوديني.. ناصر....

ناصر: كان يتنفس بقوه.. وساكت..

 

مشوا.......وصلوا لطريق مظلم...

ندى: خافت اكثر... ناصر... بتذبحني... والله العظيم مااعيدها.. احبسني في البيت. . اضربني ... بس لاتذبحني.. ناصر.. ناصر رد علي..

[@صدي الحرمان@]

مشوا.......وصلوا لطريق مظلم...

ندى: خافت اكثر... ناصر... بتذبحني... والله العظيم مااعيدها.. احبسني في البيت. . اضربني ... بس لاتذبحني.. ناصر.. ناصر رد علي......

 

 

مشوا في طريق مظلم وعلى جنب اشجار......

 

 

ناصر.. طول الطريق ساكت......ومايسمع الا شهقات ندى..

ندى.. خلاص حست انها انهارت...

 

 

وصلو مكان..

 

نزل ناصر.. وراح لعند باب ندى.. وفتحه.. بصراخ..انزلي..

ندى: تمسكت بالسياره.. مابي بتذبحني..

ناصر: وهو يسحب يدها.. وبصراخ.. قومي ولا تقولي ولا كلمه....

مشى وهو يسحبها.......

ندى : ناصر.. لاتذبحني واللي يخلي لك ولدك.. ناصر.......

 

ناصر: ساكت وهو يسحبها وراه.. ويتنفس بسرعه..

 

وصلوا لعند مكان مثل البيت القديم..

فتح الباب بقوه.........

 

سحبها ووقفها قدام الباب..

صارت واقفه.. جنبه.. مسك وجهها.. واشر بالأيد الثانيه.. شوفي..مو هذا هو حبيب القلب..

 

ندى:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

 

 

في بيت ابوناصر..

 

ساره: واقفه عند نافذه قريبه مقابله مدخل البيت.. وماسكه جوالها في يدها.. ابي ادق عليه.. بس خايفه..........

 

نوره : رايحه جايه..........

 

ام فهد : حسبي الله عليك ياناصر.. انا تضرب بنتي.. ابوها مسافر.. لو هنا ماقدر يتنفس.. والله لو صار في بنتي شي الا اشتكي عليه واخليه طول عمره بالسجن.. حسبي الله عليك..

بدريه : يمه لاتدعين عليه.. وبعدين ناصر.. مو متخلف لهالدرجه الحين بيرجعون..

نوره : بدق على حمد يروح يشوفه..

ساره : لاتدقي عليه.. ماله داعي تدخليه في مشاكل العايله.....

ام فهد : وليش انتي من العايله.. قامت وقفت وقربت منها وهي تأشر عليها.. انتي من دخلتي هالبيت والمشاكل تجينا من كل جهه..

ساره : انا اش سويت....

بدريه : يمه.. مو وقته......

ام فهد :اسكتي ابي اأدب هاذي المطلقه........

ساره : لوسمحتي خالتي..

ام فهد : لا خوفتيني.......

ساره : الله يسامحك..... ومشت راحت لشقتهم..

 

 

في مكان ثاني............

 

ناصر: شفتي بعينك.........

ندى: فتحت عيونها على لآخر.....معقوله... شنو هذا............

المكان يقرف وريحته كريهه... ماجد نايم على الأرض وعلى انفه بودره بيضا..

وجنبه فهد .. ماسك كاس ويشرب.. شاف ناصر وندى.. هلا بالعايله الكريمه.. حياكم تبون كاس يعدل مزاجكم..

وعلى جنب واحد كمه مرفوع واليد الثانيه فيها ابره.....

واثنين مغمى عليهم....اشكالهم تخوف..... واشياء مرميه على الأرض ماتعرف شنو..

ندى.. لفت على ناصر وهي تبكي.. خبت وجهها في صدره.. رجعني البيت..

ناصر: مسك يدها.. ورجعوا السياره....

 

ندى وهم في السياره.. ناصر آسفه والله ماكنت ادري.. وهي تبكي..

ناصر:..............................

ندى: هو كذب علي.. دق البيت وانت في بريطانيا.. وسأل عن فهد.. وصار يدق كل يوم.. وضحك علي بكلامه.. ولما قال يبي يشوفني قلت له لا.. وهددني انه بيجي ويعلمك كل شي.. ولما قلت له تعال اخطبني قال لازم اشوفك قبل والا بفضحك...

ناصر:.....................وانتي صدقتيه..

ندى: خلاص انهارت............ش سوي ماكان في احد.. انت كنت مسافر..

وفهد ماندري عنه.. وابوي لاهي في شغله..

ناصر: كنت مسافر؟؟؟؟؟ يعني اكثر من ثلاثه شهور؟؟؟؟

ندى: وهي تهز راسها .. ايه..

ناصر: تنفس بقهر.. لاحول ولا قوة الا بالله.. خلاص مابي اسمع شي....

 

كمل الطريق وهم ساكتين........الا من صوت بكا ندى.......

 

ام فهد :لالا طول انا بتصل بالشرطه..

بدريه : سحبت منها السماعه.. شنو تتصلين بالشرطه.. الحين يجون..

 

انفتح الباب.......

دخلت ندى تركض.. وراحت غرفتها..

ام فهد : رحت لناصر. . اش سويت ببنتي.. اش سويت فيها؟

ناصر: ماسويت فيها شي....ومشى.. لما وصل للدرج..

ام فهد : والله لو اشوف فيها جرح صغير بشتكي عليك..

ناصر: لف عليها.. سوي اللي تبين....وركب الدرج...

 

ندى: في غرفتها على سريرها... مصدومه من اللي شافته.. كيف صدقته وطلعت معاه.. الحمدلله ربي حفظني وماسوى فيني شي.. وناصر... اكيد زعل مني بعد اللي قلته له.. دخلت لها نوره.. جلست جنبها.. خلاص اهدي..

ندى: تبكـــــــي.. قربت لها نوره وحضنتها..

 

ناصر: دخل شقتهم.. الصاله فاضيه.. غرفة عبدالله .. نايم..

راح غرفتهم..

ساره نايمه على السرير ويدها على بطنها..

رفعت راسها.. ناصر..

ناصر: جلس جنبها..وحط يده على راسه.. تعبت.. ولو محمود بخير .. الا مهما سويت مافي فايده..

ساره : حطت يدها على كتفه.. حبيبي.. لاتفكر في شي..

ناصر: لف عليها.. وجهها ذابل.. ش فيك؟

ساره : مافيني شي........

ناصر: ليش ذابله.. قرب لها.. تعبانه حبيبتي..

ساره : مافيني شي.. لا تخاف..

ناصر: متاكده.. نروح المستشفى..

ساره : لالا ماله داعي.. نام وارتاح.. انا بخير..

 

ناصر: ارتاح وين ارتاح؟؟

ساره : نزلت عينها.. وتتكلم مثل الأطفال تعرفه يضحك اذا تكلمت كذا.. يعني ماترتاح جنبي؟؟

ناصر: ابتسم.. لا انتي تشخري..

ساره : ايششششش؟؟؟؟ اجل بقوم انام في الصاله... وقامت..

ناصر: مسك يدها... تعالي وين ؟

ساره : بعد عني.. مو تقول ماترتاح جنبي..

ناصر: هههههههههههههههههههه... انا راحتي ماالقاها الا جنبك..

ساره : انبسطت انه روق.. واللي قلته من شوي..

ناصر: امم.. ابيك تزعلين مثل الأطفال.. يابيبي..

ساره : ههههههههههههه.. وحضنته..

 

 

الصباح......

صحى ناصر.. مالقى ساره جنبه..

 

سمعها تكح في الحمام...

راح لها...

ناصر: من ورا الباب.. حبيبتي ش فيك..

ساره : وهي تكح.. مافيني شي..

ناصر: كيف مافيك شي.. انتي تعبانه..

طلعت من الحمام.. وهي حاطه فوطه على فمها..

ناصر: ش فيك حبيبتي.. تعبانه اوديك المستشفى..

ساره : لا.. مافيني شي.. جلست على طرف السرير..

جلس جنبها: لكن انتي من امس مو عاجبتني..

ساره : عادي..

ناصر: لالا مافي روحه الدوام. .. يلا المستشفى وهو يقوم ويقومها معاه..

ساره : بعد ماوقفت معاه.. صدقني انا بخير.. لاتكبر الموضوع..

ناصر: ساره وبعدين.. هذي صحتك..

ساره : اذا تعبت بدق عليك..

ناصر: نتهد.. بلا عناد ويلا قدامي..

ساره : مالي خلق ريحة المستشفى من الصبح.. خليها وقت ثاني..

ناصر: طيب بطوفها هالمره بمزاجي.. لكن اذا تعبتي بشليك وبوديك المستشفى..

ساره : هههههههه تسويها.......

 

وصلها الدوام..

قبل ماتنزل..

ناصر: حبيبتي.. اذا تعبتي دقي علي على طول.. مو تقولي مشغول..

ساره : ان شاءالله.. ونزلت.....

وصلت مكتبها..

جاب لها الفراش قهوه مثل كل يوم..

ساره : مو طايقه ريحتها.. تعال خذها خلاص..

الفراش : مايبغى مدام..

ساره : لا وهي منقرفه.. ريحتها كريهه..

الفراش: ماما هزا حق كل يوم والله كويس..

ساره : روح خلاص..

 

بعد ماطلع...

انا شفيني.. كل يوم اشربها واليوم مو طايقه ريحتها.. معقول اكون حامل.. لالا مو وقته ابد.. وقت البريك اتأكد.......

 

رن جوالها... ناصر....

ردت : هلا..

ناصر: هلا وغلا.. شلونك الحين..

ساره : ها......بخير صرت احسن..

ناصر: طيب اشوفك على الغدا..

ساره : معليش حبيبي لاتزعل عندي شغل....

ناصر: اووف.. بعد.... طيب اشوفك في البيت.. وانتبهي لنفسك.. واذا تعبتي دقي علي .. مفهوم..

ساره : تنهدت.. ايه والله ايه..

ناصر: كأنها تصريفه..

ساره : لا من قال.....

ناصر: ههه طيب لا اعطلك.. مع السلامه..

ساره:الله يسلمك....

 

وقت الغدا.......

رغد : سارونه.. بنطلب غدا.. شنو تبين؟؟

ساره : مابي شي..

رغد : ليش.. وجهك اصفر اش فيك......

ساره : مالي نفس.. السواق هنا..

رغد : ادق عليه.. ليش..

ساره : دقي عليه.. بروح مشوار..

رغد : طيب..

جا السواق.. راحت اقرب صيدليه..

...........

 

ناصر.. وهو جالس على مكتبه.. بس يرجع ابوي من السفر.. يصير خير يافهد وام فهد.. تعبت من مشاكلكم.. ابي ارتاح مع زوجتي وولدي..

 

...............

 

ساره :؟؟؟؟؟؟؟؟؟؟؟؟؟؟؟؟؟؟

 

طاح من يدها الجهاز...

 

 

حطت يدها على فمها.......

 

 

لالا ....... انا حامل...... مو وقته......استغفر الله... ياربي .. شنو راح اسوي..

 

يمكن الجهاز مو اكيد.. اروح المستشفى اتأكد.......

 

اقول لناصر... لا..لا.. امهد له بالأول.......

 

 

انتهى الدوام....

 

دق عليها ناصر.. حبيبتي انا تحت..

ساره : بفرح.. انت اللي جاي.. طيب نازله..

 

ركبت السياره..

ناصر: هلا وغلا.. شلونك الحين..

ساره : الحمدلله.. ش طاري..

ناصر: ولا شي خلصت شغل.. قلت امر زوجتي حبيبتي..

ساره : تسلم لي..

ناصر: وين تبين نتعشى.....

ساره : مالي نفس....

ناصر: تغديتي؟

ساره : لا.........

ناصر: وتقولين مالك نفس... ادري عنك دايم تقولي اخاف اسمن.. بتتعشين لين اقول انا بس..

ساره : حبيبي والله مالي......

ناصر: مافي كلام..

وصلوا المطعم الصيني..

ساره :اوووف انا اساسا مااحبه.. بعد يمكن حامل واحس ريحة الأكل تقرفني..

ناصر: شنو تبين..وهو يطالع المنيو.......

ساره : بلا مبالاة..ماادري على كيفك......

ناصر: حط المنيو......ساره..

ساره : قلت لك مالي نفس... اطلب لي سلطه..

ناصر: الحين ماتغديتي وتبين سلطه بس..

ساره : ............

طلب لهم على كيفه..

ساره.. مو طايقه ريحة الأكل..

ناصر: ياكل وهو يناظر ساره... تقلب الأكل في صحنها..وماتاكل..

ناصر: وبعدين معاك..

ساره : اكلت شوي.. عشان بس مايعصب..

وهي خلاص مو قادره على ريحة الأكل..

ناصر: خلص اكل وطلب الحساب.. طبعا ماسأل ساره..

وهي خايفه يعصب عليها..

 

طلعوا من المطعم وركبوا السياره..

ناصر: ................ساكت.........

ساره : اوووه اكيد زعل.. انا معدتي تقلب واحس اني برجع ..وهو زعلان.. يارب نوصل بسرعه.......

 

وصلوا البيت ... ناصر.. فتح الأصانصير..

ساره : مابي اركب يدور راسي..

ناصر: مشى للدرج.. اللهم طولك ياروح..

ركب الدرج وهي وراه..

لما وصلوا الدور الثاني..

جات نوره.. سلمت عليهم..ناصر ابيك شوي..

تركتهم ساره وراحت لشقتهم..

ناصر: يطالعها وهي تركب الدرج.. مزودتها اليوم بالدلع.. خير..

نوره : ندى منهاره من امس وخايفه منك ......

ناصر: عقد حواجبه.. خايفه مني؟ ليش؟

نوره : ماادري..

ناصر: طيب.. راح لغرفتها... دق الباب..

ندى: بصوت يرجف.. مين..

ناصر: انا ناصر......

ندى: عدلت جلستها.. ناصر..

 

ساره : دخلت شقتهم وعلى طول للحمام...

 

رجعت كل اللي اكلته..اووف هذي اولها...

غسلت ... وجلست على السرير.. اقول او اتأكد بالأول..

 

 

في غرفة ندى.. فتحت الباب ووقفت جنبه وهي منزله راسها..

ناصر: دخل وهو يطالعها..ش فيك؟

ندى : .........م....ا.........ولا....شي..

ناصر: قرب منها.. مسك كتفها.. ندى حبيبتي. . انتي اختي الصغيره.. وماسويت كذا الا لأني احبك وابي مصلحتك..

ندى: بكت...........ادري.....آسفه يااخوي.........

ناصر: حضنها.. خلاص لاتبكين.. واعتبري اللي صار درس لك..

ندى: ان شاءالله.......

بعد عنها وباس جبينها.. خلاص..

ندى: اخوي سامحني..

ناصر: اممم بشرط.. تبطلي لقافه..

ندى: ابتسمت.. زين..

ناصر: انتبهي لنفسك.. ولا تصدقي الا كلمه من اي واحد..

ندى :ان شاءالله.....

ناصر: يلا روحي غسلي وجهك وتعشي..نوره تقول مااكلتي من امس..

ندى: ناصر......

ناصر: نعم..

ندى: بتقول لأبوي.....

ناصر : امممممم اشوف..ههههههههه

ندى: هههه..

تركها وطلع شقتهم..

 

دخل وجلس على الكنب في الصاله.........

 

ساره .. سمعته دخل..

 

راحت جلست جنبه..

ناصر: حاط يده على وجهه ولاكانها موجوده...

ساره : اوووف عن جد زعلان.. ناصر..

 

ناصر: بدون مايطالعها وبدون نفس.. نعم..

ساره : زعلان..

ناصر: لا ليه ازعل..

ساره : قربت منه.. ومسكت يده.. حبيبي حقك علي..

ناصر: لف عليها.. لما اجيك وانا مبسوط وانتي تنكدي علي .. ش تبيني اسوي يعني..

ساره : نزلت عيونها.. انا آسفه...

ناصر: رجع ولف وجهه عنها.. يصير خير..

ساره : انت تدري ان مااحب الصيني..

ناصر: خلاص انتهى الموضوع..

ساره : في نفسها...... الله يعينني عليه..

ناصر: لف عليها.. وهي منزله راسها.. ذابله اكثر من الصبح.. حط يده على خدها.. بعدك تعبانه..

رفعت وجهها.. روق : لا..

ناصر: وجهك مو عاجبني فيك شي متأكد..

ساره : انت بس اضحك واصير بأحسن حال....

ناصر: قومي سوي لي قهوه.. واروق..

ساره : قهوه... انا موطايقه ريحتها اسويها بعد.. اممم بعدين ماتنام تبي شاي..

ناصر: وانا من متى اعدل مزاجي بشاي.. بتسويها او لا..

ساره : قامت ..خلاص ولا تزعل..

راحت المطبخ.. حطت الركوه على النار...

جابت القهوه.. فتحت العلبه.. حطت يدها على فمها.. اووف ريحتها..

لفت الجهه الثانيه وحطت في الركوه..

سوتها.. وحطتها قدامه.. ووقفت تبي شي..

ناصر: يطالع الصينيه ويطالعها.. ليش واحد.. وانتي؟

ساره : مابي ... بعدين مااقدر انام.. تبي شي..

ناصر: اخذ الفنجان.. وين رايحه.. اقعدي..

ساره : بشوف عبدالله.. وهي مغمضه عيونها..

ناصر: طيب..

راحت غرفة عبدالله.. تنفست بقوه ... ريحة القهوه بكل الصاله..

وانا اللي كنت اعشقها وعشقتها اكثر من تزوجت ناصر...

 

عدلت الغطا على عبدالله.. ووقفت عند الباب.. اكيد ماخلص.. هو يشربها بشويش..

طلعت من غرفة عبدالله وتوجهت لغرفة النوم.. يارب ماينتبه لي..

كان مركز على التلفزيون.. الحمدلله..ساره.. اووف هذا هو ينادي..

ساره: نعم..

ناصر: وينك تعالي..

ساره : طيب جايه...

دخلت الحمام غسلت وجهها و جففته وطلعت..

جلست جنبه ..الحمدلله خلص.. شالت الصينيه..

ناصر: خليها بعدين..

ساره : لا الحين ....... غسلت الفنجان بسرعه...

جلست جنبه.. اخيرا ارتحت..

 

ناصر: جالس جنبها وهو جامد.. يطالع التلفزيون..

ساره : امممم... ناصر.....

ناصر: لف عليها.. نعم..

ساره : ......ابي اسألك عن شغله..

ناصر: اللي هي؟؟؟؟؟

ساره : امم.......

ناصر: اسمعك......

ساره : ماتفكر يكون عندك ولد ثاني..

ناصر: هذا الشي بيد رب العالمين.. وتو الناس.. لسه مااستقرينا... ليش تسألي..

ساره : لا..بس سؤال..

ناصر: ساره.. انتبهي.. لاتحملي الحين.. مو وقته..

ساره : نزلت راسها.. زين زين....حست الدنيا تدور فيها.....شنو اقول له...

 

ناصر: قربها لعندها.. صار راسها على صدره.. باسها.. كل شي بوقته حلو..

ساره : تمسكت فيه.. خايفه منه.. شنو اقول.........

 

 

في مكان ثاني.........

ام فهد : هين ياناصر وسويره الا اخلي عشيتكم حجيم..

 

 

..........

يوم ثاني..

ساره : استأذنت ساعه وراحت المستشفى.. سوت تحليل..

 

الدكتورة : مبروك يامدام.. انتي حامل..

 

ساره : حامل؟؟؟؟؟؟؟؟ متأكده؟؟

الدكتورة : ايوه.. انتي مش مبسوطه والا ايه...

ساره : ايه.. وقامت طلعت..

كلمت السواق ورجعت.......

 

جلست على مكتبها وهي حاطه راسها بين ايديها..

ش سوي ياربي......اقول له.......

 

.............

 

بعد الدوام.. رجعت البيت..

قبل ماتدخل.. دق عليها ناصر..

ساره : هلا حبيبي...

ناصر: هلا وغلا.. وصلتي البيت..

ساره : ايه انا عند الباب..

ناصر: طيب ساعه بالكثير وجاي..

ساره : والله جاي بدري.. استناك ساعه قلت..

ناصر:هههههههههه..

ساره : يلا باي جوالي بيطفي..

ناصر: طيب ..باي..

 

ام فهد كانت تسمعها..

دخلت البيت.. سلمت.. ردت عليها غريبه..

 

وصلت شقتهم..

قبل ماتشيل عبايتها.. حطت جوالها في الصاله يشحن..لأنه طفا ..

دق الباب ..

ساره : مين؟

انا ريان..

فتحت له الباب وهي لسه بالعبايه..هلا ريانوو

ريان : ههه هلا.. امي تقولي تعالي بسرعه تبيك ضروري..

مشت وراه وهي تعدل شيلتها..

 

نزلت تحت..

ساره : نعم خالتي..

ام فهد : هلا يمه شلونك... سمعت ناصر يقول انك تعبانه..

ساره : فتحت عيونها ع لآخر.. معقوله هذي ام فهد.. اكيد انا احلم.. سبحان اللي يغير ولا يتغير.. الحمدلله ..سمي ياخالتي..

ام فهد : سم الله عدوك.. بس بغيت كم شغله من التميمي.. ونوره طالعه مع حمد.. وندى ماتبي تطلع..

ساره : ان شاءالله.. لحظه بدق على ناصر..

ام فهد : مسكتها.. لالا ماله داعي. كلها دقايق.. واذا جا انا اقول له..

ساره : بدق استأذنه... مايصير اطلع وهو مايدري...

ام فهد : وانتي وين رايحه.. كلها دقايق... واذا جا وقال لك شي.. انا معاك..

ساره : قلبي ناغنزني.. لكن.......

ام فهد : اول مره اطلب منك شي.. على العموم مشكوره وماتقصرين..

ساره : يمكن اكسبها.. طيب ياخالتي.. وين الأغراض..

ام فهد : خذي كتبتهم في ورقه.. والسواق ينتظرك..

طلعت وراح معها ريان..

ركبت في السياره ومشوا......

 

عدوا التميمي...

ريان : كوماوروو.. ياعبيط عديت التميمي..

السواق : ماما ام فهد يقول روح بنده..

ساره : ايششششش؟؟؟؟؟هذا بعيد.. ارجع بسرعه..

السواق :مايقدر يرجع بعدين ماما ام فهد سوي مشكل..

ساره : ارجع يلا..

كان قطع مسافه طويله.. وبعدوا عن البيت..

وصلوا التميمي .. ونزلت بسرعه..

 

فتحت الورقه..

شنو هذا.. هذي الأغراض الضروريه.. كلها كماليات..

 

 

 

ناصر: ليش ماترد؟؟؟؟؟

دق على البيت....

ردت ام فهد..

ناصر: يمه وين ساره؟

ام فهد : لسه ماجات.. وهي تبتسم.. مادقيت على جوالها

ناصر: ماجاااااااات....متأكده..جوالها ماترد عليه..

ام فهد: ايه... انا هنا من بعد اذان المغرب.. ماشفت احد دخل.. و...

ناصر: شنو؟؟؟؟

ام فهد : هذي مو اول مره .. تتأخر.. دايم تجي قبلك بنص او ربع ساعه..

ناصر: ايششششششششششش؟؟؟؟؟؟؟؟ من متى هالكلام ؟؟

 

ام فهد : من زمان.. توك تدري..شكلها العن من هيوف.. الماي تمشي مت تحتك وانت ماتدري..

ناصر: شب نار.. طيب انا جاي..

ام فهد : سكرت السماعه.. ههههههههههههههههههههههههه..

ساره : دارت التميمي كله.. مالقت كل الأغراض.. اووف تأخرت اكيد ناصر رجع البيت.. الله يستر..

 

حاسبوا وطلعوا...

ريان : مااشوف السواق.. شكله رجع البيت.. عبيط..انا قايل له يستنى..

دق عليه..كومارووو وينك...

السواق : ماما ام فهد يقول ارجع بيت..

ريان : رجع البيت.. اقوله يجي..

 

ساره : لالا..يلا نركب ليموزين.. مابي اتأخر..

 

ركبوا ليموزين.. ورجعوا البيت..

 

وصل البيت وهو شاب نار.. ويتوعد في ساره..

 

والله لو بس احس انها تخونني بذبحها..

 

وصلت البيت... ام فهد .. كانت واقفه عند النافذه وناصر واقف عند الدرج يروح ويجي..

ام فهد : ههه جات بليموزين جنت على نفسها.. ابستسمت.. ناصر تعال شوف حرمك المصون جايه في ليموزين...

 

ناصر: لف بسرعه ......ايشششششش؟؟؟؟ راح وشافها تنزل من السياره..

فتح الباب..

ساره : وهي تمشي في الممر.....يارب ماوصل.. طالعت يمين هذي سيارته وصل.. يارب ام فهد قالت له... وصلت للمدخل لقته واقف عند الباب.. بلعت ريقها.. نااا..صر.. شكله معصب وعيونه يطلع منها شرار.. الله يستر..

دخلت.. وفي يدها الأكياس..

 

ساره : تطالع ناصر وام فهد.. وتحس نفسها انقطع.. السس...لام عليك,,,,,,م..

 

ناصر: قرب لعندها مسك كوعها وبصراخ ......وين كنتي؟؟؟؟

 

ساره : ا.....أأأ........تطالع فيه وفي ام فهد..

ناصر : هزها بقوه وطاحت الأكياس.. لما اكلمك ردي علي.. مو انا كلمتك وقلتي عند الباب.. تكذبي ليش؟؟؟؟؟

ساره : ام فهد قالت....تبي.....

ام فهد : اش قلت...انا ماشفتك ولاشي..

 

ناصر: اذا ماقلتي وين كنتي بذبحك .. بصراخ وين كنتي.؟؟؟؟؟؟

ساره : خافت يضربها وهي حامل.. والله ام فهد قالت تبي اغراض ورحت اجيبهم..

ام فهد : كذابه.. اناماشفتها.. وابتسمت ..

 

ساره : تطالع فيها مصدومه.. لكن........

ناصر: تكذبين بعد... رفع يده.......

ساره : تطالع يده بخوف...... ونزلت دموعها........

 

سااااااااااااره..

 

 

 

 

 

 

 

الكل يطالع مصدر الصوت.. عند الباب...

 

ريان : الحين اروح معك وتخليني احاسب السياره واحمل باقي الأغراض لحالي..

هلا اخوي... زوجتك مافيها خير..

ناصر: عقد حواجبه.. ريان؟؟؟؟؟؟؟

ريان : شفيكم؟؟؟

 

ناصر: ترك ساره.. وراح لعنده... وين كنت؟؟

ريان : وهو ياخذ عصير من الكيس ويفتحه.. امي بلشت زوجتك تبي اغراض.. وهي قالت لها مابي اروح ناصر الحين بيجي قالت لا.. روحي وماجاك بوجهي..

وامي بعد ماتبي الا من بنده البعيد.. حتى ساره هاوشت السواق وخلته يروح التميمي اقرب ماتبي تتاخر.. خايفه منك ياسي السيد.. وشرب العصير..

ناصر: صار يتنفس بسرعه.. ولف على ام فهد.. صحيح اللي قاله.....

ام فهد : ريان حبيبي روح فوق..

ريان : والله ... انتي ماخليتي شي ماكتبتيه في الورقه.. وانا وسارونه لفينا التميمي كله.. تعبان .. بعدين..

ناصر: فتح عيونه ........ ساره......

رفعت بخوف: ن.......ن,,,,,,,,نعم....

ناصر: صحيح اللي قاله؟؟

ساره : نزلت راسها.. ايه.........

ناصر: ايشششششششششش؟؟؟؟؟؟؟

 

ام فهد :خافت.. الله يستر منه.. حصل خير..

ناصر: بصراخ.. خير اي خير.. وانتي سببتي لي مشكله مع زوجتي..

 

ساره : ركبت الأصانصير.. ماقدرت تتحمل اكثر.. الحقيقه وعرفها..

وصلت شقتهم.. ونامت على السرير بعبايتها.. تعبانه وحامل.. ومقهوره.. حرام اللي يصي فيني.. متى برتاح.. يارب.........

 

ناصر: جلس على الدرج.. حس الدنيا تدور فيه....... معقوله صدقت ام فهد وكذبت زوجتي.. وانا ادري انها تكرهها..ماعندي حتى ثقه فيها.. حط ايدينه على راسه.. ليش.. ليش.....................متى ترجع يايبا.....تترك كل شي على راسي وتروح....آآآآآآآه ياساره.. ش سوي معاك الحين.. شنو اقولك..

 

قام يمشي على الدرج.. يحس نفسه مكسور.. شلون هي....

 

دخل الشقه....

لف بنظره على المكان.. مو هنا..

وقف عند باب غرفة النوم.. لقاها نايمه على السرير..

قرب منها.. لقاه مغمضه عيونها..

شفيها..ذابله .. وماتاكل..

جلس جنبها ومسك يدها..

فتحت عيونها..

جات في عينه.. غمض عيونه ونزلها..

سحبت يدها... وقامت..

ناصر: قام معها.. ساره ........

ساره : وهي عاطيته ظهرها.. نعم..

ناصر: انا.............

ساره : لفت عليه.. انت شنو؟؟

ناصر: ادري اني غلطت بحقك.. لكن..

ساره : و انا بعد غلطت لما طلعت بدون اذنك... لكن انت ماعندك ثقه فيني.. صدقت ام فهد وانت تدري انها ماتحبني.. لكن ابيك تعرف شي واحد... انا ساره ياناصر مو هيفاء ..ساره.. وطلعت.......

ناصر.. يطالعها وهي رايحه.. كلماته ترن بأذنها..

ساره مو هيفاء.. رمى نفسه على السرير..

هذي ساره مو هيفاء.. انا سكتت على خيانة هيفاء.. الحين اقل غلطه منها مااقدر اتحملها.. هذي ساره.. اللي عرفتها وحبيتها.. مو هيفاء.. اللي خانتني.. معقول.. بعدما صارت ملكي .. افرط فيها.. وبسبب ام فهد..

قام.. لا ماراح اسمح لها.......

راح الصاله.. لقاها واقفه عند النافذه وتبكي..

وقف وراها.. مااقدر اشوفها تبكي.. وهي تبكي الحين بسببي..

ساره.. حست انه واقف وراها..

قرب منها.. شوي بيلصق فيها..

ساره : قربه يعذبها.. لفت.. وصارت مقابله له وعينها في عينه..

ناصر: عيونه تقول ندمان........

ساره : ليش؟؟؟؟؟؟؟

ناصر: ...........انا...............

ساره : حطت يدها على فمه... لاتقول شي.......

ابي شي واحد...............

احضني ............

حضنها بأقوى ماعنده..........

ساره : تمسكت فيه ... آآآه ياناصر.. اشتكي منك اليك..

 

جيت اشتكي لك من عنا الوقت ابرتاح.. لقيت نفسي اشتكي من همومك..

ياعونة الله.. مابقى شي ماراح .. مدري الوم والا الومك..

جيتك وقلت بعالي الصوت ياصاح..لله ساعدني ترى اليوم يومك..

لا النفس مرتاحه ولا القلب مرتاح.. حسيت نفسي واحد من خصومك..

اثريك صاحب بس في وقت الأفراح.. وبكل سهوله ترخص اللي يسومك..

الله يعين القلب و شلون ابرتاح.. زودا على همومي.. تحمل همومك..

 

4shared.com - online file sharing and storage - download kaled_jeet-ashtikilk.rm

 

 

 

ناصر.........متى ترجع يايبا..........

 

ساره : بعدت عن حضنه.. ابي اروح انام..

ناصر: مسح دموعها.. وباس جبينها.. تعبانه حبيبتي..

ساره : شوي..

مسك يدها .. وراحوا يناموا.......

 

الساعه 2

.. صحت ساره... تتألم..

اووف ظهري يألمني..

قامت راحت المطبخ تدور بندول.. اووف مافيه

راحت لناصر...

تهز كتفه.. ناصر..

ناصر: وهو نايم..هههمممم..

ساره : ماتدري وين البندول..

ناصر: ماادري شوفي مكتبي..

قامت.. نايم وماتبي تصحيه بعدين يسوي لها سالفه.. روحي المستشفى.. وانا ماحب ريحة المستشفى..

 

راحت المكتب.. فتحت كل الأدراج.. مالقت الا علبه فاضيه..

والحين ش سوي.. ظهري يألمني..

 

ومابي اصحيه.. اشوف نوره..

حطت عليها شال ونزلت بشويش..

 

غرفة نوره.. مطيفه الأنوار.. وندى بعد.. طيب خايفه انزل.. بس الألم ذابحني.. ركبت الأصانصير ونزلت المطبخ.. ايه هذا هو .. اخذته ومشت..

 

توها طلعت من المطبخ..

 

سمعت صوته... حست رجولها ماعاد تحملها..

 

الدرج اقرب.. راحت ركض للدرج..

 

فهد : وهو يتمايل.. ويفتح عيونه ويسكرها..

هذي هي.. اعرفها.. ساره تعالي..

 

ساره: سمعته وكملت ركض على الدرج..

 

لفت ورا لقته وراها..

 

هي بالدرج الثاني وهو بالأول..

 

 

زلقت رجلها وطاحت ثلاث درجات على ظهرها وكتفها.... مابقى بينه وبينها الا الفاصل بين الدرج الأول والثاني وكم عتبه من الدرج الأول... قامت بسرعه... وكملت... ماتدري شلون وصلت..

 

دخلت شقتهم وقفلت الباب وراها.. وهي تتنفس بسرعه..

حطت يدها على بطنها.. يارب ماصار فيك شي..

 

راحت غرفة النوم..

 

نامت جنبه وحضنته بقوه.. هو نايم.. لكن حست بالأمان.. نست الألم.. وماعاد تحس بشي..

صحى .. وحضنها.. شفيك حبيبتي..

ساره : وهي ممتمسكه فيه.. ناصر..احبك .. لاتتركني لحالي..

ناصر: شكلها تحلم... لاحبيبتي ماراح اتركك..

 

 

بين ايديك انا بنسى روحي.. بين ايديك..

صعبه اعيش الدنيا ديا.. الا بيـــــــك..

كل يوم بيفوت عليا.. حبي لك بيزيد شويه..

محتاجه لك جنب مني.. اوعى ليلة تغيبها عني..

معاك رجعت لي تاني.. حياتي ودنيتي..

معك بعيش حبيبي.. في الدنيا جنتي..

وياك شفت بعيوني.. طريقي وسكتي..

ماليش غيرك حبيبي.. معاك حاسه بأمان..

وطول منتا معايا .. مابخاف من الزمان..

محتاجه لك حقيقي..قرب مني كمان..

 

4shared.com - online file sharing and storage - download bain-eadak.ra

 

 

الصباح.. صحى ناصر..

شفيها ... ماسكه كتفه بقوه حتى حس بأظافرها مغروسه في كتفه..

بعدها بشويش وقام يغسل..

صلى الفجر... معقوله ماصحت..

 

قرب منها.. لمس خدها وبعد شعرها عن وجهها.. همس بأذنها..حبيبي..

ساره : تحركت..هممم..

ناصر: قومي.. مابتروحي الدوام..

ساره : لا.......

ناصر: غريبه.. ليش؟؟؟؟؟؟

ساره : مابي اروح.. ابي انام..

ناصر: بلا كسل وشال اللحاف.. يلا ياكسلانه...

كان جالس جنبها..

ساره: مابي رجعه...

ناصر: هههههههه... قومي يلا....

ساره : قامت.. وصارت قريبه منه مرره..

نامت على حضنه.. انت بعد مافي تروح الداوم..........

ناصر: جنت اليوم.. حط يده على كتفه..ساره..

ساره: ..........انا نايمه..

ناصر: هههههههههه.. يلاحبيبتي.. لا نتأخر.. ضرب كتفها بخفيف..يلا..

ساره : قامت مفزوعه وهي حاطه يدها على كتفها.. ايييي..

ناصر: قرب منها.. المتك حبيبتي مو قصدي والله...

ساره : لاعادي... يلا قوم..

قامت راحت الحمام..

ناصر: متاكد فيها شي...

بعد ما لبسوا ناصر وهو يعدل شماغه وساره جنبه تعدل شيلتها..

قربت منه.. حبيبي..

ناصر: نعم بدون مايطالعها..

ساره :ابي اقولك.. شي اتوقع يفرحك...

ناصر: حوط خصرها.. انتي بس وجودك يفرحني.. قولي..

ساره : انا..........

اندق الباب بقوه...

ناصر: اووووووف منو هالمزعج.. فتح الباب..

نواف.. ابوي جا........

ناصر: ابوي؟؟؟؟؟؟؟ ونزل معاه..

 

ساره : كنت بقول له....... يلا خليها بعدين..حطت يدها على بطنها.. انت موجود ماراح تطير...هههههههه.. ايي ظهري يألمني اكثر من امس..

 

جلست على اقرب كرسي..

 

شفيني..يارب مايصير فيه شي.. من طيحة امس.. اقول لناصر عن امس.. لالا مابي مشاكل اكثر..

رن جوالها...ناصر..

 

ردت : هلا..

ناصر: انزلي حبيبتي..

ساره : اوكي.. وطلعت من الشقه وركبت الأصانصير..

 

حاسه بألم.. بس ماتبيه يحس فيها.. ان شاءالله يكون الم بسيط..

 

ناصر: وهو بالطريق.. شفيك حبيبتي.. ساكته..

ساره : كانت تتألم.. ولاشي نعسانه...

ناصر: امووت واعرف ش فيك؟

ساره : عادي..

ناصر: خير ان شاءالله..

وصلت دوامها.. بدت شغل..

 

جلست على مكتبها وهي تتألم..

 

راحت الحمام..

 

شنو هذا دم.. ياربي....

 

طلعت وعلى طول دقت على ناصر...

 

ناصر: كان في اجتماع مع ابوه...

 

مارد.. ياربي مو قادره اتحمل الألم..

دقت على رهف.. وجات لها..

رهف : شفيك؟؟

ساره : مابي احد يدري.. انا حامل.. وانزف..

رهف :ايششششش؟؟؟؟؟؟؟؟؟

ساره : نزلي صوتك لأحد يسمعنا..

رهف: طيب طيب.. ارتاح وانا بكلم المدير والسواق..

ساره : شكرا...

رهف احسن وحده تقدر تصرف في المواقف الصعبه..

رهف.. كلمت المدير.. والسواق.. وجات مسكت يدها.. يلا بشويش..

ساره : وهي تقول.. لا بمشي لحالي مابي احد يحس بشي...

رهف : وهو يمشوا.. ماكلمتي ناصر؟؟

ساره : كلمته.. لكن مارد الظاهر عنده اجتماع.....

 

وصلوا للسياره..

 

ساره : آآآآه.. وهي حاطه يدها على بطنها..

رهف :قربت منها .. شنو فيه..

ساره : مو قادره اركب..الم في ظهري وبطني..

رهف: مسكت يدها.. بشويش.. وركبت.. وجلست جنبها..

روح اقرب مستشفى بسرعه...

ساره : حاسه ان النزيف زاد...

رهف: خلي املك بالله...

ساره : الله كريم........

 

ناصر: يبا بس هالكلام مايصير........

ابوناصر: مو انت اللي تعلمني شلون اشتغل......

ناصر :؟؟؟؟؟؟؟؟؟؟؟؟؟؟؟ يبا فهد مايدري عن شي... كيف بين يوم وليله تسلمه كل هالمسؤوليه..

ابوناصر: يمكن اذا تحمل مسؤوليه كبيره يتعدل...

ناصر: قلتها يمكن.. نسيت المبالغ اللي اخذها من الشركه..

ابوناصر: هذا قراري ولا تتدخل فيه..

ناصر: في نفسه.. الا كلام ام فهد.. الحلال حلالك.. وقام..

راح مكتبه.. تنفس بقهر.. وبعدين..

 

طالع جواله... 3 مكالمات من ساره..

دق عليها ماردت....؟؟؟؟؟؟؟؟؟

 

 

 

وصلوا المستشفى..

رهف: ساره حبيبتي يلا وصلنا... قربت منها.. ساره ساره..

نزلت تركض الأستقبال .. قالت لهم حامل وتنزف..

جابوا حماله ونزلوها من السياره..

 

رهف: ياربي تنزف واجد... اخذت شنطتها ومشت معهم للأسعاف..

دخلوها وهي ظلت واقفه عند الباب...

سمعت جوال ساره يرن في شنطتها.. يمكن زوجها..

طلعت الجوال.. ناصر..

ردت: الو..

ناصر:؟؟؟؟؟؟؟؟؟؟؟؟؟ساره؟؟؟؟؟

رهف : لا انا زميلتها في االدوام.....

ناصر: طيب وينها..

رهف : ساره تعبت وجيت معها المستشفى..

ناصر: وقف.. شفيها..

رهف : ماحبت تخوفه.. تطمن ضغطها نازل .. وحرارتها مرتفعه..

ناصر: طيب انتو وين انا جاي..

 

قام .. اخذ مفاتيحه.. دخل السكرتير..

استاذ ناصر.. الوالد طالبك..

ناصر: وهو طالع مو فاضي بعدين بعدين...

 

ركب السياره : قلبي يقول فيها شي...

 

وصل الأسعاف...

عرفته رهف...استاذ ناصر..

ناصر: شفيها ساره..

رهف : الحقيقه مو عارفه ش قول لك..

ناصر: فتح عينه ع لآخر... شفيها..

 

طلع الدكتورة.. انتو اهل المريضه..

ناصر: ايه انا زوجها..

الدكتورة :ممكن تتفضل معايا..

ناصر: زوجتي فيها شي..

الدكتورة :.. تفضل دلوقتي المكتب وانتا تعرف كل حاجه..

دخل معاها المكتب وهو خلاص موقادر يوقف..

ناصر: دكتوره.. زوجتي ش فيها..

 

الدكتوره : زوجتك للأسف.. اجهضت........

 

ناصر: وقف؟؟؟؟؟؟؟؟؟؟؟؟؟؟؟؟؟؟ايش؟؟؟؟؟؟؟؟؟؟؟؟؟؟؟؟؟؟؟

 

 

الدكتوره : تفضل استريح... هي جات عملت تحليل قبل يومين.. معقوله ماتعرفش؟؟

 

انهار على الكرسي.. غمض عيونه.. تذكر كلامها

 

ماتفكر يكون عندك ولد ثاني..

ابي اقولك.. شي اتوقع يفرحك...

كانت تبي تقولي انها حامل..

لف على الدكتوره: طيب شنو سبب الأجهاض..

الدكتوره : دا اللي عايزه اعرفه منك..

ناصر: شنو يعني؟؟

الدكتوره : انت بتضرب مراتك؟

ناصر: لا......ليش؟؟

الدكتوره : طيب... هي وقعت في اليومين اللي فاتوا؟

ناصر: لا.. شنو الموضوع دكتوره؟

الدكتوره : حمل مراتك كان سليم.. لكن سبب الأجهاض انها وقعت او احد ضربها.. او انها ركضت مسافه طويل.. واتوقع السبب الأول او الثاني.. لأن في رضوض بكتفها الأيمن وظهرها..

ناصر: دارت فيه الدنيا.. شنو صار فيك ياساره وانا مدري.. تذكر الصباح لما ضربها بخفيف وتألمت.. والبارح لما جات وهي خايفه.. معقول يكون .......

طيب دكتوره ابي اشوفها...

الدكتوره : طيب بس بالأول توقع على الأوراق عشان نعمل لها عملية تنظيف.. بعد ساعه تقريبا..

وقع الأوراق.. وطلع .. راح لغرفتها..وقف عند الباب.. لقى رهف جنبها..

رهف : خلاص الله بيعوضك غيره..

ساره: شنو اقول حق ناصر..

رهف : انتبهت لناصر واقف عند الباب.. وقفت اجل انا بمشي.. اشوفك على خير.. بعد عن الباب وطلعت..

قرب من سريرها...

ساره : شافته... ناصر .. ونزلت عيونها.. وبكت.. وغطت وجهها.. انا آسفه..

ناصر: ماقدر يتحمل يشوفها كذا.. جلس جنبها.. بعد ايدينها عن وجهها.. حبيبيتي لاتبكين .. هذا امر الله..

ساره : لالا........كله مني.. نزلت تحت.. وهي تبكي.. منهاره وماتدري شنو تقول..

ناصر: ايش؟؟ شنو تقصدين؟

ساره : ها....ا........ا.......

ناصر: مسك يدها.. ساره .. شنو صار.. شلون طحتي..

ساره : طحت على الدرج........

ناصر: شلون....

ساره : نزلت عيونها.. ماتقدر تكذب عليه... تعرف راح يكشفها..

ناصر: عصب.. تكلمي..رفع ذقنها.. حط عينه بعينها.. فهد..

ساره : بكت..

ناصر: قرب منها وحضنها.. خلاص اهدي.. ليش ماقلتي لي .......

ساره : والله نزلت اجيب لي مسكن... ولحقني على الدرج... وطحت..

ناصر: خلاص حبيبتي.. اهدي... انتي تعبانه.

هدت..

ناصر: خلاص الحين..بعد شوي بيسووا لك عمليه.. اهدي ولا تخافي..

ساره : مسكت يده.. مو زعلان مني..

ناصر: ش يفيد الزعل.. باس جبينها.. لاحبيبتي اهم شي عندي صحتك وسلامتك.. وكل شي يتعوض..........

ساره : ناصر..

ناصر: قرب منها... عيونه.......

ساره : احبك........

ناصر: ابتسم........اول مره تقولها له.......وانا احبك من زمان..

ساره :ههههههههههه

ناصر:ههههههه اطلعي من هنا ويصير خير........

ساره :هههههههههه مايفوتك شي.......

دخلوها العمليات.. وتطمن عليها.. وطلع من المستشفى..

ساره : كلمت امها واخواتها ........طبعا ماقالت لهم شلون طاحت..

ناصر: وهو في السياره راجع البيت..

هلا ابوبندر... ش صا معاك...

ابوبندر: والله لقيت لك واحد.. اكيد بيعجبك.. جاهز من كل شي..

ناصر: طيب امرك العصر نشوفه..

ابوبندر: صار..

رجع البيت...

دخل البيت.. لقى ام فهد وابوه........ سلم عليهم....

ابوناصر: كيف تترك الشغل وتطلع.....

ناصر: ببرود.. عندك فهد..

ابوناصر: بلا استهتار... شغلك انت اللي تخلصه..

ناصر: يبا انا تعبت... مو قلت بتعطي المسؤوليه فهد.. اعطيه ربع الي انا ماسكه وشوف..

ام فهد :لاتتكلم عن ولدي.....

ناصر: انا ماقلت شي....

جا فهد :

ناصر: شافه وشب نار.. لكنه وعد ساره مايتهاوش معاه..

جلس معاهم وهو يحك خشمه...

ناصر: يبا ابي اكلمك بموضوع......

ابوناصر: خير ان شاءالله....

ناصر: انا لقيت بيت وبطلع من هنا......

ابوناصر: حط كوب الشاي على الطاوله.. كيف..كيف.....وليش ؟؟

ناصر: مو مرتاحين هنا......

ام فهد : هذي اوامر ست الحسن سوير.....

ناصر : يمه لاتغلطي على زوجتي..

ابوناصر : شوف طلعه من هنا مافيه.. واذا سويتها وطلعت.. ماابي اشوفك لاهنا ولافي الشركه..

فهد : وليش تطلع.. تحرمنا من شوفة العسل اللي عندك.. تعورت من طيحة امس؟؟

ناصر: قام ومسك فهد من رقبته وعطاه بوكس.....ياحقير......

وضربة لا شعوريا بأقوى ماعنده.. وهو يضربه..

زوجتي كانت حامل ياحقير...

ابوه يحاول يفكه لكن ماقدر.......

ناصر : تركه والدم ينزف من فمه.....

ام فهد : بتذبح ولدي.. الله ياخذك.....

ابوناصر: جنيت... ش سوى.....

ناصر: مستحيل يحسوا فيني... تركهم وراح فوق....

دخل الشقه..... ضاقت نفسه اكثر واكثر.. ساره مو موجوده..

طلع......يدور بالسياره... اروح لها المستشفى..

دخل لها الغرفه...

كانت توها طالعه من العمليه ونايمه..

وجهها اصفر..

جلس جنبها.. مسك يدها... سامحيني ياساره.. ماقدرت اسعدك مثل ماوعدتك.. عيشتك بجحيم.. سامحيني وحط راسه على يدها.. وبكى من القهر.. كل شي...

زوجتي مريضه... ولدي.. راح....ابوي ... ام فهد....كلهم ضدي.. تعبت..

 

ساره : فتحت عيونها.. هذا ناصر.. شفيه.. حطت يدها الثانيه على راسه.. حبيبي..

رفع راسه.. ساره..

ابتسمت بتعب.. شفيه.. الدموع في عيونه..

ناصر: قرب منها.. باس جبينها.. الحمدلله على السلامه..

ساره : حطت راحة يدها على خده.. الله يسلمك.. مسحت دموعه بيدها.. شفيك...

ناصر: غمض عيونه.. حط يدها على يدها وتنهد.. تعبان..

ساره : سلامتك..

ناصر: حب يغير السالفه.. مايبي يزيد تعبها.. ماقالك الدكتور متى بتطلعي ؟

ساره : بعد يومين..

ناصر: الله يعين قلبي..

ساره :ههههههههههه..

ناصر: تسلم لي الضحكه..

ساره : ناصر...

قرب منها... عيونه..

ساره : شيفها يدك..

ناصر: طالع في يده ونزلها.. ولاشي..

ساره : تهاوشت معاه..

ناصر: ساره... واللي يخليك غيري الموضوع.. الي فيني كافيني..

رن جواله...

ناصر: قام وراح جنب الباب...

هلا ابوبندر..اوووه اسمح لي نسيت .. خلاص جاي لك الحين..

راح لساره.. حبيبتي بروح مشوار وبرجع.. باس خدها. .اوكي..

ساره : اوكي لاتطول وانتبه انفسك..

ناصر: تامري يالغاليه.. كم ساره عندي..

وطلع..

 

صلوا اهل ساره المستشفى..

ام عبدالرحمن : وهي تبوس بنتها.. سلامات يابنتي..ش صار؟

ساره : الله يسلمك...

اماني : ش صار..

ساره : طحت على الدرج........

هدى: سلامتك والله يعوضك خير..

فاتن : توك صغيره ش تبي في العيال.. اسأليني انا عندي واحد ومطلع نجوم الظهر..

ساره :ههههههههه الله يخليه ان شاءالله..

ناصر... مع ابوبندر..

ناصر: مو قلت جاهز.. يبي له شغل شهر على الأقل..

ابوبندر : كلها تشطيبات نهائيه.. هذا اسرع شي شفته على طلبك.. ش قلت..

ناصر: وهو يحك ذقنه.. والله....

ابوبندر: نصيحتي.. خذه.. ولاتتردد.. ماراح تلقى مثله بسرعه وفي هالوقت... ومثل ماقلت لك كلها تشطيبات نهائيه صبغ وغيره..

ناصر: على بركة الله..

ابوبندر: نروح المكتب نوقع الأوراق..

 

بعد يومين طلعت ساره.. وراحت بيت اهلها ترتاح كم يوم..

ناصر: كل يوم يروح لها من الظهر لليل... ومطنش الشركه وابوه وام فهد.. ويقفل جواله اذا راح لها..ههههههههه

ناصر.. وساره جنبه..محوطها بيده.. حبيبتي..

ساره : نعم..

ناصر: متى بترجعي البيت... صرتي..

ساره : ناصر.. لاتزعل مني..

ناصر: ليش..

ساره : ماراح ارجع معاك بيت اهلك......

ناصر: ليشششششششششش؟؟؟؟؟؟

ساره : انت تدري ليش.....

[@صدي الحرمان@]

ناصر: حبيبتي..

ساره : اذا تبيني ارجع معاك.. نسكن بشقه او اي مكان ثاني غير بيت اهلك..

ناصر: طيب .. ارجعي معي الحين.. و اوعدك الشهر الجاي بيكون لك بيت لحالك..

ساره :لأ.... ماراح ارجع بيت اهلك.. بظل هنا ليما تلقى سكن ثاني.. بيت اهلك لا....

ناصر: اسمعيني.. اصبري شهر او اقل من شهر..

ساره : لا......

ناصر: يهون عليك اظل لحالي........

ساره : ويهون عليك اللي صار فيني.. اخوك تهجم علي.. وكنت بتضربني بسبب كذبة ام فهد.. و...(حطت يدها على بطنها) اخوك موت ضناي.. وطاحت دموعها.. شنو تبي يصير فيني اكثر......... غطت وجهها بأيديها..وبكت..

ناصر: قرب لها.. موعارف شنو يقول لها.. او ش يسوي.. قربها منه.. وحظنها.. خلاص حبيبتي.. كل شي بيصير مثل ماتبين..

ساره : بعدت عنه.. مابي وعود..

ناصر: ............صدقيني هالمره...........ارجعي معي...و....

ساره : لفت عليه.. ناصر.. اذا رجعت معاك.. راح اكون ساره ثانيه.. بنتقم من الكل.. من ام فهد وفهد.. تبي المشاكل..

ناصر: يطالعها.. مستغرب.. ساره.. انتي شنو تقولين..

ساره : اللي سمعته..

ناصر: ...........................

مافي فايده..

وقف..

انا بمشي.. تبين شي..

ساره : حست ان كلامها اثر فيه.. سلامتك..

طلع من الباب وهي تطالعه..

حست بألم في صدرها... يمكن اكون ضغطت عليه.. زدت همومه.. لكن .. ش سوي.. تحملت من قبل عشانه لكن الحين.. مااقدر..

حطت يدها على صدرها.. ش فيني كأني ماراح اشوفه مره ثانيه.. ودي ارجع معاه مشتاقه له.. لكن ماقدرت.........

 

.................

 

ناصر: ركب سيارته ومشى... مايدري وين.. فتح ازرار ثوبه.. وفتح النافذه.. لسه مخنوق.. معها حق ولا الومها في شي..

رجع بيتهم ويحس ان هموم الدنيا فوق راسه..

دخل البيت.. نوره كانت بالصاله..

نوره : تطالع فيه.. ش فيه؟؟

سلم عليها..

ناصر: شلون حمد مانشوفه ولا يتصل ولاشي..وغمز لها..

نوره : نزلت راسها بخجل..ههه.. يمكن مشغول..

ناصر: هههه مشغول.. علينا.. ماقررتوا متى الزواج؟

نوره : اممم.. حمد عنده دوره مدتها شهرين.. تبدا بعد شهر تقريبا.. ومحتار نتزوج قبل او بعد مايرجع..

ناصر: تبين نصيحتي.. تزوجوا بعد.. يكون احسن لك..

نوره : رايك كذا..

ناصر: ايه.. لأنك راح ترجعين هنا.. اطلعي مره وحده وفكينا..

نوره : لاوالله غاثتكم يعني..

ناصر: هههه امزح معك.. بس مثل ماقلت لك..

نوره : خلاص اقول لحمد.. الا ماقلت لي ..

ناصر: حاط يده على خده...........نعم..

نوره : وين ساره .. مو قلت اسبوع وبتجي.. وينها ماجات معاك؟

ناصر: نتهد بقوه.. ماتبي تجي..

نوره : ليش؟؟؟؟؟؟؟؟

ناصر: ماتبي ترجع هنا... ماالومها.

نوره : لاحول ولا قوة الا بالله.. فقدت ولدها.. طيب شنو راح تسوي..

ناصر: انا مقرر من زمان اطلع ببيت بروحي.. لكن ابوي معند..

نوره : اقولك وماتزعل.. امي هي قالت له... لاتوافق..

ناصر: ادري.. تعلميني بأمي..

وتوه يبي يقوم..

نوره : ناصر.. ابيك بموضوع..

رجع جلس : آمري..

نوره : مايامر عليك ظالم.. عبدالله.......

ناصر: ش فيه؟؟

نوره : انت صار لك كم يوم ماتدري عنه.. نومه متقطع يبكي يبي ساره.. ولاياكل ودوم ساكت..

ناصر: حط يده على جبهته.. طيب.. اشوفه..

نوره : على الأقل ينام معاك.. هو حاس بغربه .. لاانت ولا ساره.. حتى امس دورنا عليه في البيت لقيانه عند باب شقتكم يبكي..

ناصر: تقطع قلبه على ولده.. قام وينه الحين..

نوره : في المجلس مع نواف وريان..

 

راح المجلس.. لقى ريان ونواف قبال التلفزيون يلعبو بلايستيشن ويتهاوشوا وازعاج.. لف على الجهه الثانيه ..عبدالله جالس بعيد على الكنب وحاط يده على خده وساكت

قرب منه.. عبدالله..

عبدالله : طالعه.. ورجع نزل عيونه..

ناصر: حطه في حضنه.. وهو يمسح على شعره.. حبيبي ..

عبدالله : حضن ابوه.. ابغى ماما ساره..

ناصر: وهو يمسح على ظهره.. حتى انا ابيها.. بعده ..

حبيبي ش رايك نطلع..

عبدالله : وين نروح..

ناصر: اي مكان وين تبي؟

عبدالله : اممم ... المارينا.. ابغى الألعاب.. وبعدين نتعشى هناك.. واشتري لي اسكريم مثل ساره راعية الأسكريم..

ناصر: هههههه.. للحين مانسيت..

عبدالله :هههههييي..

ناصر: يلا ابدل ثيابك ونروح..

وقف ريان ونواف..

نواف : تخصر.. لاوالله.. واحنا شنو قدامك ماتعزمنا..

ريان : صحيح مانبي نروح بس على الأقل سوي لنا قدر واعزمنا..

ناصر: هههههههههه وهو حامل ولده.. طيب يلا تعالوا..

مشوا قدامه...ههههيييييي.. بنروح المارينا..

ناصر: توكم تقولون ماتبوا تروحوا..ههههههههههه

راحوا المارينا...

ناصر: حس بالذنب تجاه ولده.. صحيح اني قصرت معاه.. كفايه امه بعيده عنه.. وساره اللي تعود عليها.. مو موجوده..

..............

 

في مكان ثاني...

حمد جالس قدام نوره في مطعم.. وماسك يدها..

حمد: حبيبتي.. كيف اتحمل شهرين بدونك..

نوره : نزلت عيونها.. تمضي بسرعه..و ترجع بالسلامه..

حمد : نوره.. ورفع ذقنها..

نوره : نعم....وجات عينها في عينه..

حمد : تدرين اني احبك امووت فيك...

نوره : نزلت عيونها......ووجها شب نار..

حمد : ابتسم..هههه ...

نوره : في داخلها.. انا بعد احبك..........

تدري اني موت احبك.. وان مالي غير حبك..

واللي ينبض في ضلوعي..ماهو قلبي هذا قلبك..

تدري يافرحي وهمي..من كثر مانتا في دمي..

كلما تنظرك عيني..عيني من عيني تسمي..

تدري من عشقي لشوفك..ماتفارقني طيوفك..

صرت اناظر في المرايا..ماارى نفسي اشوفك..

 

4shared.com - online file sharing and storage - download tdri_eni_amoot_feak.mp3

 

............

بعد مالعبوا.. وتعشوا..

ناصر: وهم في السياره.. يلا نرجع البيت..

نواف: لا نروح الكورنيش شوي..

ناصر: ماتعبتوا..

ريان : لا.. وبكره الخميس..

عبدالله : اي انا ابي العب شوي.. قلت لاتركبوا العاب بعد العشا..

نواف :زي ماقال..

ناصر: اقص يدي اذا موانت اللي حفظته هالكلام..

نواف: احم احم..هاا..مافي فرق.. انا عمه صح عبود.. وهو يضرب كتفه..

ناصر:ههههههههه.. طيب..ولف على الكورنيش..

نزلوا.. راحوا يركضوا للألعاب..

ناصر: ابتسم وهو يطالعهم .. عبدالله .. الحمدلله.. شكله مبسوط..

طالع البحر.. تنفس بقوه.. جلس قدامه.. ضايقه فيني الدنيا..

ساره.. ذكر لما شافها مره هنا.. كانت تضحك...

معقوله لهالدرجه احبها.. ضايع بدونها.. الدنيا سودا في عيني بعد مارفضت ترجع معاي.. ابوي خيرني بينها وبين الشغل معاه والبيت.. اختار منو..

ماودي اعصي ابوي.. لكن هو ظالمني .. ابي اعيش حياتي معها.. وارتاح من فهد ومشاكله.. حط يده على راسه.. ش سوي.. آآآآآآه ياساره.. ماتخيلت اني اضعف بسببك لهالدرجه.. حتى هيفاء الي حبيتها 5 سنوات.. ماضعفت كذا..

هزمني حبك ياساره.....

لم يحدث ابدا ان احببت بهذا العمر.. اني سافرت مع امرأة لبلاد الشوق..

وضربت شواطئ عينيها كالرعد الغاضب.. او كالبرق ..

فأنا في الماضي لم اعشق بل كنت امثل دور العشق..

لم يحدث ابدا ان اوصلني حب امرأة حد الشمس..

لم يحدث ابدا سيدتي.. ان ذقت النار وذقت الحرق..

لم اعرف قبلك واحدةً غلبتني.. غلبتني اخذت اسلحتي..

هزمتني داخل مملكتي.. نزعت عن وجهي اقنعتي..

 

4shared.com - online file sharing and storage - download kathem-ywmyat-rgl-mhzwm.ram

 

..............

 

في بيت ابوناصر...

ندى.. جالسه على سريرها..

تفكر.. ياربي انا شلون مشيت ورا كلام واحد مدمن.. انا اشوف فهد كل يوم وش يسوي.. شلون صدقته.. ياربي تغفر لي وترحمني..

اندق الباب... ودخلت نوره..

ندى: اشوف الوجه منور..

نوره : جلست جنبها على السرير..هههه..

ندى: ها بشري متى بتفارقين وجيهنا..

نوره : رمت عليها المخده.. مالت على وجهك.. قولي بشتاق لك شي..

صحيح انك عربجيه مثل مايقول عنك ناصر..

ندى: ناصر.. ونزلت راسها...

نوره : ندوا ش فيك..

ندى: ولاشي.. مو قادره احط عيني في عينه او اكلمه..

نوره : بلا غباء..هو خلاص نسا.. اللي فيه مكفيه..

ندى: ليش ساره مارجعت؟

نوره : لا ولاتبي ترجع..

ندى: من حقها.. تبي تسكن لحالها؟

نوره : ايه وهو محتار مرره..وابوي قال له اذا طلعت من البيت لا ترجع..

ندى: لاحول ولا قوة الا بالله..

نوره: بس هو يسأل عنك.. ويقول وحشتني لقافتها ومناقرها معي..

ندى :مالي وجه اشوفه..

نوره : اتركي عنك الأعتصام هنا.. وقومي انزلي معاي.. وقامت..

ندى :لا مابي..

نوره : سحبتها من يدها.. بلا غباء..

قاموا نزلوا تحت..

ناصر والعيال توهم جايين من برا..

نوره : هلا والله من وين جايين..

ناصر: من المارينا..

نوره : ولاحتى عزمتوني..

نواف :اقول.. عندك خطيب يطلعك مانبي زحمه في السياره..

نوره : مو شغلك.. سيارة ناصر..

ناصر: يطالع ندى.. ساكته ومنزله راسها.. ندوواا

ندى: كأن احد صب عليها مويه بارده.. ن..نعم..

ناصر: ش فيه لسانك.. اكله القط..

ريان : لا البسينه..

هههههههههههههههههه

ندى: سخيف ريانووه..

ناصر: انا اكلمك ردي علي..

ندى :ولا شي..

ناصر: ههههههههه..

جلسوا في الصاله .. وكملوا السهره..

 

.........

في بيت ابوعبدالرحمن..

خوات ساره تحت..

نجلاء: وينها ساره..

اماني: في غرفتها فوق..

هدى: مارجعت مع زوجها..

ام عبدالرحمن : لا......

فاتن : سوت اللي براسها يعني.. طول عمرها غبيه..

هدى : ماتدرين شنو الأسباب.. يمكن قويه..

فاتن : مهما كان.. شنو بيقولون الناس.. يمكن حضرتها تبي تتطلق بعد..

اماني: فاتن ... لاتظلميها..

في غرفة ساره..

جالسه على السرير.. وحاضنه مخدتها..

وحشتني ..

اندق الباب..

ساره : منو؟

دخلت.. جود : انا..

ساره : هههه هلا جودو..

جود : هلا فيك..جلست قدامها على السرير.. خالتو..

ساره : نعم..

جود: عندي شي ابي اخذ رايك فيه..

ساره : قولي حبيبتي..

جود :نزلت راسها.. اممم.. بس لاتعلمين امي..

ساره : طيب..

جود : انا........

ساره :انتي شنو؟

جود: أأأ.. ماتعلمين امي.....

ساره :انا وعدتك..

جود : احب شخص....

ساره : منو؟؟ اعرفه انا..

جود : لا ولا انا......

ساره : اجل كيف حبيتيه..

جود : من النت..

ساره :؟؟؟؟؟؟؟؟؟؟؟؟؟ صحيح انها مراهقه..

..وكيف حبيتيه..

جود : تحمست.. مو قلت لك قبل اسبوع ايميلي انسرق..

ساره :ايه..

جود : كلمت اللي سرقه من ايميل ثاني مضاف للأيميل المسروق.. وطلع واحد يجنن..

ساره : ودها تذبحها.. كيف يجنن..شفتيه..

جود :هاا.......لا........ايه.......

ساره : شنو لا ايه........

جود : ماشفته.. بس كلامه يجنن واسلوبه رهيب..

ساره : طيب شنو اسمه..

جود :قال .. اسمه محروم..

ساره : وهذا اسم..

جود :مو مهم.. وقعدت تلعب بشعرها.. اهم شي اني حبيته ..

ساره : جود.. انتي بعدك صغيره و ماتعرفين شي من الدنيا.. وماتدرين عن هالأنسان منو ولا اي شي...يمكن يطلع واحد كذا عنده مليون بنت وبنت غيرك.. واحتمال يكون واحد متزوج.. او حتى يطلع بنت..

جود : كأن احط نفضها. . ايش... بنت...لالا مااتوقع .. اسلوبه يدل على انه رجال..

ساره اللهم طولك ياروح..

قعدت تكلمها وتنصحها.. ليما حست انها تجاوبت وياها ووعدتها انها تبتعد عنه..

قاطعتهم فاتن ......

فاتن : بدون نفس.. جود قومي اطلعي ابي ساره بموضوع..

جود : زين وقامت طلعت..

فاتن : وهي واقفه.. شفيك؟

ساره: مافيني شي.....ليش تسألي..

فاتن : مارجعتي مع زوجك بيتكم.. واشوف صرتي تمام.. ش سالفه..

ساره : شي خاص فيني..

فاتن : ساره بلا غباء.. انتي مو بوضع يسمح لك تتدللي.. فاهمه قصدي..

ساره : فاتن : انا ماقلت ابي الطلاق.. لكن في مشكله لازم يحلها..

فاتن : تبين شقه بروحك..

ساره : ايه..

فاتن : جلست جنبها وعينها عليها... اسمعي.. لو انا منك.. ارجع واصبر لين اموت.. موجالسه هنا وتسولفي من البزره جودوا.. وزوجك لحاله.. افرضي بعدك عنه يخلي مجال لوحده غيرك تاخذ محلك..

ساره :؟؟؟؟؟؟؟؟؟؟؟؟ايش؟؟؟؟؟؟ لامااتوقع.. ناصر يحبني...

فاتن : بعيد عن العين.. بعيد عن القلب.. تصرفي بعقل لو مره وحده..

ساره : خلاص ماقدرت تتحمل كلام اختها.. صرخت.. فاتن انتي مو حاسه فيني..

فاتن : رجعت على ورا.. ساره بلا صراخ..

ساره : اطلعي برااااااااا........

طلعت.. وانهارت ساره على المخده تبكي..

بعد ثلاثه ايام.......

ناصر.. ماراح لساره من يومين.. يجي من الشركه تعبان.. وينام..

لكن لازم يكلمها..

ساره.. خايفه يتغير عليها.. لكن مو قادره ترجع هناك..

 

في بيت ابوناصر.........

ناصر ونوره وندى يسولفوا..

ريان ونواف وعبدالله يلعبوا بلايستشن..

دخل ابوناصر وام فهد..

نوره : يمه يبا وين كنتوا...

ام فهد : وهي تطالع ناصر... رحنا مشوار مهم..

ناصر: عقد حواجبه.. ليش تطالعني..

ابوناصر: حياكم تفضلوا....

ندى نوره ناصر....؟؟؟؟؟؟؟؟؟؟؟؟؟؟

دخلوا

ناصر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

 

 

 

 

ام هيفاء وهيفاء..........

 

 

نوره : ؟؟؟؟؟؟؟؟؟؟؟؟؟ هيفاء..

ندى: وهي تلكزها... متى طلعت من السجن؟؟؟

نوره : مدري... غريبه لابسه عبايه راس ومحتشم..

ندى: تلاقيها من عبايات السجن... وحطت يدها على فمها وضحكت..

عبدالله راح يركض لأبوه..خايف منها..

حمله ناصر وقام توجه للدرج..

ابوناصر : نــــــــاصر..

ناصر : بدون مايلف.. نعم......

ابوناصر: مابتسلم على عمتك وام عبدالله..

ناصر: لف عليهم وهو حامل ولده.. طالعهم من فوق لتحت.. لا مااعرفهم..

فتح الأصانصير وركب شقته...

ابوناصر: اسمح لي يااختي .. تفضلوا..

ندى: وهي تهمس لندى .. الا سواها ابوك وطلعها من السجن..

نوره: اسكتي خايفه يصير اللي ببالي..

ندى :شنو؟؟

نوره : يسكنوا معنا..

ندى: لالا تقولي.. اذا صار ناصر مستحيل ينام هنا ليله وحده..

ابوناصر: نوره قولي للشغاله تجهز الغرفة اللي فوق(غرفة ناصر وهيفاء سابقا)..

ندى: لمين؟

ام فهد : عيب.. وهي مبتسمه.. لعمتك وبنتها..ام عبدالله..

هيفاء : كانت منزله راسها ولا تكلمت ولاكلمه..

قامت نوره : تعالي ندو معي..

ام هيفاء: حشى ثنتيكم بتقولون للشغاله..

نوره : مسكت يد ندى وراحوا المطبخ.. شنو راح نسوي..

ندى: وهي تضرب على خدها.. ياويلي ياويلي لو درا اخوك.. هو اصلا ضايق خلقه عشان زوجته.. بعد تجي هيوف..

نوره : الغريب .. شفتي عبدالله.. ولا كأنه ماشافها من زمان..

ندى : ولا كأنها امه......

جاتهم ام فهد : مطيحين سوالف.. خلصوا بسرعه..

راحت ندى :زين زين.. نادت الشغاله.. وراحت فوق..

مسكت جوالها.. دقت على ساره..

ساره : شافت الأسم ابتسمت.. هلا نددووش..

ندى: هلا فيك.. حيالله القاطعه..

ساره :هههههههههه اخباركم..

ندى: ااممم ماشي الحال.. لكن زوجك مش ولابد..

ساره : شفيه..

ندى: فراقك ومايسوي..

ساره : هههههههههه.. وحشتيني يامرجوجه انتي ونوره..

ندى :خلاص بكره نجيك..

ساره :والله.. ياريت تجيبون معكم عبودي والتوأم.. كلكم واحشيني..

ندى :مو كأنك نسيتي احد..

ساره :ها..... منو.........

ندى :انتي ادرى.....

ساره : لامانسيته.. هو متربع في القلب..

ندى :ياويلي.. هذي اللي بتخربني.. وينك ياناصر اسمع وشوف..

ساره :هههههههه خلاص بكره بعد صلاة العشا تعالوا..

ندى :ان شاءالله..

...........

ناصر: بعد مانوم عبدالله..

نفسي بقهوه..

حط الركوه على النار.....

لف بنظره على المكان.. غمض عيونه.. ياترى شنو تسوين الحين..

فراقي عادي عندك..

فاضت القهوه... اووف طفى الفرن وراح جلس..

حط يده على خده وبعدين يعني..

دق على ابوبندر..

ناصر: العمال ماخلصوا شي..

ابوبندر: انت مستعجل.. اصبر شوي..

ناصر :مافيني صبر ابي نهايه هالأسبوع اشتري الأثاث..

ابوبندر: ياااااااااه.. ناصر هذا بيت مو قطعة العاب..

ناصر: قول لهم يخلصونه واللي يبوه بعطيهم...

ابوبندر: حاضر حاضر.. استعجلهم لك..

ناصر: تكفى ... انا معتمد عليك..

..........

 

في غرفة ناصر وهيفاء سابقا.. دخلت هيفاء وامها..

هيفاء: تذكرت الأيام اللي عاشتها فيها.. ندمانه لأني فرطت في انسان كنت اعرف ومتأكده انه يحبني.. عشان واحد حقير مثل خالد... وولدي خاف مني حتى ماجا سلم علي..

ام هيفاء :شفيك يابنتي..

هيفاء :ولاشي..

.............

ناصر: رن جواله......ساره..

ناصر : ابتسم.. هلا وغلا..

ساره :الحمدلله مو زعلان.. هلا حبيبي..

ناصر: ش فيك؟

ساره : مافيني شي.. اشتقت لك فيها شي..

ناصر: هههه .. لا بس صوتك فيه شي... كنتي تبكين.؟؟؟

ساره : لا......انت ش مسوي..

ناصر: امم. . زفت..

ساره : ليش؟؟

ناصر : انتي مو جنبي..

ساره : مشكلتك..

ناصر: هههههههه.. طيب حبيتي انا وعدتك شهر بالكثير.. ونسكن لحالنا..

ساره : والله حبيبي..

ناصر: والله العظيم.. وشرط بعضك على باب الشقه... ش تبين بعد..

ساره :ههههههههههه..

ناصر: حبيبتي.. تعشيتي..

ساره : لا....

ناصر: ليش؟

ساره :امم .......بس كذا..

ناصر : شنو تبين .. اجيب لك اللي نفسك فيه..

ساره : لاحبيبي لاتتعب نفسك..

ساره :ولو تعبك راحه ياعمري..

ساره : والله مابي شي..

ناصر: قام ولاكلمه.. الحين بجيب لك عشا وجاي..

ساره : لاتتعب نفسك اكل اي شي..

ناصر: شوفي انا ابي حجه واشوفك.. افهمي عاد..

ساره :هههههههههه اذا كذا انا بعد...

ناصر: ههههه يمه منك انتي...

...........

في غرفة نوره..

تكلم حمد..

حمد : حبيبتي.. سفري الأسبوع الجاي..

نوره :ليش؟؟؟؟؟مو على اساس بعد ثلاثه اسابيع..

حمد : اوامر الأداره ش سوي بعد..

 

نوره : طيب متى؟ بأي يوم؟

حمد : يوم الأربعا الجاي...

نوره: اممم.. كم يوم..

حمد : ليه راح تشتاقي لي..

نوره :ضحكت بخجل..ههه..

حمد : أي اولا........

نوره:.........ا........ايه........

حمد :يابعد عمري انتي.. انا ش راح اسوي وانا بعيد عنك....

سكرت من عند حمد وهي مبتسمه..احبه.. شلون راح افارقه..

ندى :فتحت الباب... اخيرا خلصتوا..

نوره : وجع .. داخله لا احم ولا دستور..

ندى: لاحوول.. انا صار لي نص ساعه رايحه جايه واسمعك تتكلمين..

ونطت جنبها على السرير..... احمدي ربك مادخلت وقلت لك سكريه..

نوره :كان اذبحك..

ندى: وهي تحرك حواجبها... عشان يذبحونك..

نوره : وتسوي بحواجبها نفس الحركه .. مايقدرون..

ندى :اووووووو ه نسينا واسطة ابو العيال..

نوره :ههههههههه حلوه ابو العيال..

نوره وندى :ههههههههههههههه

ندى: نوريره ماقلتي شنو سالفة هيوف؟

نوره : قربت منها وحطت مخده على حظنها.. ايه لما رحتي وتركتيني تحت مع امي لحالي..وضربتها على كتفها..يانذله..

ندى: ايي والله لو مابي منك خبر كان قمت وعضيتك.. كملي...

نوره : ايه.. انا وقفت في المطبخ وسمعتهم في الصاله يتكلمون وفهمت السالفه..

ندى: ايه شنو السالفه؟؟؟؟

نوره : السالفه ان عمتي بعد مادخلت هيوف السجن زوج هيفاء طلقها..وعمتي طلبت من زوجها يوكل محامي لبتنها ورفض.. وبعدماصارت سمعة بنتها على كل لسان طلقها زوجها

ندى :يعني الام والبنت تطلقوا

نوره : ضربتها.. لاتقاطعيني ..ايه.. وعمتي باعت كل اللي عندها عشان تطلع هيوف من السجن..

ندى :وطبعا باعت بيتها وجات تسكن عندنا..

نوره :ايه وعمام هيفاء تبروا منها.. يعني مالها الا ابوي..

ندى :وهي ترفع اصابعها.. حسبي الله عليك ياهيوف اول وتالي..

نوره : للحين ناصر مايدري..

ندى :الله يستر اذا عرف..

 

ناصر: نازل من الدرج وهو يغني..

اناعاشق واحس بمهجتي نشوه..مع طاريك..

اهيم وعالم احلامي..يبعدني ويدنيني..

حبيبي لوسمح وقتك..اسابق لهفتي واجيك..

الببي لك بوجداني..عسى قربك يهنيني..

يقولون الهنا فرصه..وخفي فرصتي تخطيك..

تشقق قلبي الحسره ولا القى من يواسيني..

انا لي من نويت اسلى..سنين عشت فيها ارجيك..

ظهر لي حسنك الطاغي..وجدد كل مافيني..

يجدد فيني اشواقي..ورغبتي خاطري يرضيك..

وفرحة قلبي لي شفتك..وحلماً تاه في عيني..

تحن لشوفك احلامي..وانا نايم افكر فيك..

وليلي يزورني طيفك..يجي هجرك يصحيني..

ابي شوفك ابي قربك..ومن نبع الهوا بسقيك..

وابي في بحرك حنانك..تغرقني وترويني..

انـــــــا عاشق....

 

4shared.com - online file sharing and storage - download 5alid-saleem_ana 3ashek.mp3

خلص الدرج وصل عند باب البيت.. فتحه..

 

سمع احد يناديه.. وهو لسه ماسك الباب.....

ناصر.......

 

 

 

 

عقد حواجبه.. معقوله .. هذا صوتها..

لف وراه؟؟؟؟؟؟؟؟؟؟

ورجع لف..عطاها ظهره.

ناصر: نعم..

هيفاء: قربت له.. ناصر شلونك؟

ناصر: بدون نفس..بخير.. تبين شي؟؟

هيفاء : ابي اتكلم معك..

ناصر: مافي بيني وبينك كلام..

هيفاء: ابي اعتذر لك عن كل شي..

ناصر: ضحك..كل شي صار من الماضي..

هيفاء: سامحني على كل شي.. انا صرت وحده ثانيه صدقني..

ناصر: عندك شي غيره.. ترى مستعجل؟

هيفاء : عبدالله وينه؟

ناصر: لف لها..واشر بأصبعه.. شوفي ولدي ماتلمسينه.. فاهمه.. كان بيموت بسببك..

هيفاء: نزلت عيونها.. وبكت..

ناصر: استغرب اول مره يشوفها تبكي.. لف وجهه الجهه الثانيه..

ومشى..

هيفاء: ناصر.......

ناصر: اللهم طولك ياروح... نعم.....

هيفاء: انا محتاجه لك؟

ناصر: في شنو؟

هيفاء: الناس تتكلم عني بعد ماطلعت من السجن .. وزوجي طلقني..

و............

ناصر: وانا ش دخلني بهذا كله......

هيفاء: رجعني.......على ذمتك.......

ناصر: لف عليها.. بصراخ......ايششششششششششششش؟؟؟؟؟؟

ارجعك.......مجنون؟؟؟؟؟؟؟؟

هيفاء: نزلت عيونها وبصوت يرجف... ماعدت تحبني....

ناصر: ضحك بسخريه احبك.....وانتي ماتذكرين حبي لك الا اذا بغيتي من شي..

روحي يابنت عمتي الله يهديك ويصلح حالك......

هيفاء : مسكت كتفه.. والله العظيم اني تغيرت.. اوعدك راح اكون لك احسن زوجه في الدنيا.. لكن رجعني بس رجعني..

ناصر:...............................ساكت..

نفض يده .. عنها..و مشى.......

ركب سيارته وسكر الباب بقوه....

خربت مزاجي.. وليه افكر فيها..

بس ليش ماراحت بيتهم للحين غريبه...

اووه اطنشها احسن... امم.. ايه بيتزا..

راح بيترا هت.. واخذا طلبه وطلع..

دق على ساره.. حبيبتي انا عند الباب..

ساره : اوكي.. جايه ...

راحت فتحت الباب.. دخل ووقف قدامها..

طالعها وهو يبتسم من فرق لتحت.. ايش هالحلاوه..

ساره : وهي تسكر الباب... لاتجامل..

ناصر:ههههههههه طول عمرك حلوه..

ساره : عيونك الحلوه..انتبهت للي في يده..لمنو هذا كله؟

ناصر: يطالعه... لك...

ساره: كله.......

ناصر: ايه.. ويمكن مايكفي بعد......

ساره : مابي شي..تكتفت ومدت البوز.....

ناصر:هههههههههههههه... بنظل واقفين عند الباب.. من زين الجو..

ساره : زين ادخل.. ومشت .....

مشى وراها...وهو يضحك......

دخل المجلس.....

حطه العشا على الطاوله..

لف عليها..

لسه متكتفه وزعلانه..

ناصر: الحلوه زعلانه.....

ساره : ايه.....

ناصر: هههههههههه..قربها منه.. حضنها..

ساره : تمسكت فيه.. وحشني بقوه..

ظلوا فتره حاضنين بعض..

قطع عليهم...احد يدق باب المجلس..

ساره بعدت عنه.. قامت فتحت الباب...

سلمان : ساروه انتي هنا.. جوالك يرن... عطاها اياه.. انتبه لناصر.. اووه النسيب هنا..

سلم عليه..

ناصر: حياك تعشا معنا..

سلمان : لا اخاف ازعجكم..

ساره : اقعد مسوي نفسك تستحي..

ناصر: نادي تركي..

سلمان : الحين بيزعجنا..

ناصر: هههههههههه لا سوالفه حلوه.....

راح ... ساره رجعت مكانها..

ناصر: منو؟

ساره : ندى.. ودقت عليها.....

ندى: هلا سارونه.....

ساره : هلا بك......

ندى: نصور عندك...

ساره : وهي تطالعه... ايه ليش؟

ندى :بس شفناه طالع بهالوقت.. خفنا يمكن صاير شي..

ساره : وليش مادقيتي على جواله؟.

ندى: ها.....لاخفت يكون معصب.....

ساره : كلميه.....

ندى: لالا يلا باي وسكرت الخط.......

ساره : غريبه.....

ناصر: هي من بعد اللي صار خايفه تكلمني...

ساره : اهاا...

دخلوا اخوان ساره ومعهم فيصل..

جلسوا يتعشوا.. وهم يسمعوا سوالف تركي ..

خلصوا عشا......طلعوا اخوانها..

ناصر:قرب منها..

ساره : نااااااصر..

ناصر: واحشتني.......

ساره : و انت بعد..

ناصر: ارحيمني.. انا ضايع بدونك..

ساره : ناصر.. يعني تظن اني مبسوطه من جلستي هنا.. اكيد لا.. لكن بعد مااقدر ارجع هناك.. كفايه.....

ناصر: فاهمك ....... لكن انا تعبت.......

ساره : وانا بعد تعبت..كفايه اني انام بعيد عنك......

ناصر: قرب منها وباس خدها.....متى بس نكون لحالنا ببيتنا..

ساره : انت قلت شهر.. وهذا مر اسبوعين...

ناصر: يصير خير...

ساره : لقيت شقه.....

ناصر: لقيت لكن كلهم ماعجبوني..

ساره : ليش؟؟؟؟؟

ناصر : ماعجبوني وخلاص.....

ساره : يعني.....

ناصر: لاتخافي بنلقى اكيد.......

 

رجع بيتهم.. وهو متضايق.. يارب عمتي راحت.. مالي خلق هيوف..

 

دخل بيتهم.. لقاها جالسه في الصاله..

طنشها ومشى.......

هيفاء: ناصر.. اسمعني.....

ناصر: وهو معطيها ظهره.. شنو؟

هيفاء: انا ضايقه فيني الدنيا ومالي غيرك.....

ناصر: ...............

هيفاء: صدقني انا.....

ناصر: ركب الأصانصير...

عمرك ماراح تتغيرين.. الحين يوم ضاقت فيك الدنيا جايه لي...

بكره بس تضحك في وجهك بترجعي هيفاء القديمه.. اعرفك اكثر من نفسك......

كل مره بكون معاك.. ع الزمن.. ولما الزمن يضحك لك.. يكون وياك..

على طول تبعني..من غير ثمن..وانا برضو بدعي ربنا معاك..

ضـــــاقت بيك..تبقى عايزني اكون حواليك..

ضحكت ليك اخلاصي يكون حمل عليك..

في الحالتين ساكت..لابنساك ولا عايز انساك..

 

قالو ان اللي يحب بجد..لوفاض فيه من اللي يحبه.. مايحبش بس مايكرهشي..

وانا فاض فيا تعبت بجد..قد مابتعب لاكرهتك ولاعارف حتى ماحبكشي..

ضـــــاقت بيك..تبقى عايزني اكون حواليك..

ضحكت ليك اخلاصي يكون حمل عليك..

في الحالتين ساكت..لابنساك ولا عايز انساك..

4shared.com - online file sharing and storage - download 07.Dakat Beek.mp3

..........

حط راسه على المخده......غمض عيونه... تعبان..

ابي ارتاح..مكانك خالي ياساره.. يلا كلها كم يوم نسكن ببيتنا..

ابتسم.. اخذ مخدتها وحضنها.. ريحتها فيها..

نـــــــام.....

 

الصباح......رن جواله..

ناصر: بصوت كله نوم.....الو......

ساره : صباح الخير......

ناصر: ابتسم.. صباح النور..

ساره:يلا قوم اسبح وصلي وارجع دق علي..

ناصر: طيب..

قام .......

بعد مالبس..

عبدالله : طالع من غرفته... وهو يحك عينه..

ناصر: حمله.. صباح الخير..

عبدالله : بروح معك..

ناصر:ههههههه وين تروح..

عبدالله :الشغل..

ناصر: لاحبيبي مافي اطفال يروحوا هناك..

عبدالله : يبكي.....

ناصر: هلاص حبيبي.. اخذك معي لكن تصير شاطر.. زين..

عبدالله : هز راسه.. زين..

ناصر: طيب تعال.. غسل وجهه.. وبدل ملابسه.. ونزل معاه..وهو ماسك يده..

لقاهم يفطرون..

عقد حواجبه.. عمتي وبنتها...

عبدالله : تمسك في ابوه..خايف من هيفاء..

ناصر: لاتخاف...

صباح الخير..

ابوناصر: صباح الخير.. اشوفك ماخذ عبدالله..

ناصر: ايه يبي يروح معي الدوام..

ام فهد : انت مدلعه كل شي يبيه تسويه له..

ناصر: ماعندي غيره......

ام فهد : في نفسها .. ولابيكون عندك غيره ان شاءلله.. ان ماسويت اللي براسي. ماكون ام فهد......لفت على ابوناصر تهمس في اذنه..

ابوناصر: هز راسه...زين مانسيت..

هيفاء: كانت مغطيه شعرها......

ناصر: غريبه..

ام هيفاء: جيبه عندي.. تعال عبودي..

عبدالله: وقف ورا ابوه وهو لسه ماسك يده..مابغا....

ناصر: حمله.. يلا نمشي.....

ابوناصر: ناصر......

ناصر: نعم.....

ابوناصر: تعال ابيك..

ناصر: خير اللهم اجعله خير......

 

 

 

 

 

بعد ما سمع كلام ابوه.....

ناصر: فتح عيونه ع لآخر...... ايش؟؟؟؟؟

مستحيل...........

[ستراوية]

حمد لله على سلامتش وما تشوفين شر

والقصة طبعا من ايدش حتى لو منقولة رووووووووووووووووووووعة

[@صدي الحرمان@]

حمد لله على سلامتش وما تشوفين شر

والقصة طبعا من ايدش حتى لو منقولة رووووووووووووووووووووعة

 

الله يسلمج يالغلا

 

تسلمين انتي الروعه