(محرقاوي) Posted ابريل 20, 2009 Report Share Posted ابريل 20, 2009 السلام عليكم ورحمة الله وبركاته كيف حالكم طيبين انا طالب من يوم كنت انا صغير كنت اييب في السبعينات في المدرسة وفي الستينات وانا وصلت صف ثاني اعدادي وبديت اصير اسوء واييب علامات في الخمسين وانزل وابوي كان يطقني طق اليهد وبعد ماقدمت كل اختبارات المنتصف طلعت الدرجة والا انا راسب في مادة الرياضيات والعلوم ابوي عصب ونسى نفسه وطقني طق وانا كل ما اتذكر الموقف كاني اتذكر حلم وشال لي طابوقة وكان بيطقني بس الحمد لله ان امي وقفت جدامي وقالت له انه يطقها من بدالي ولكن ماطقها وبعدين ابوي راح الشغل ودخلني في الحجرة وقفل علي وكان ضربه لي ضرب عدل من الزين جسمي تطبع وطلع مني دم لانه طقني بالحديدة على بطني وبعدين انا فكرت شلون اشرد من البيت خذيت ثيابي مال المدرسة مع جم بدلة وتلفوني وحطيتهم في جيسة وقطيتهم من الطابق الثاني ونطيت من الدريشة على الايسي ومن الايسي على الارض وخذيت سيكلي ومشيت ورحت حق صديق لي وبدت المباحث الوالدة الله يحفظها وابوي بالسيارة وانا رحت بيت صديقي محمد ورقدت في بيتهم يوومين وامي ترقع تلفونات ومارديت عليها وقالو حق الشرطة انا هني خفت اني ارد البيت ويذبحني ابوي فكرت وفكرت وطلعت من بيتهم وكنت انا اروح اكلم امي بالخش بدون مايدري ابوي عن شي ويا يوم ورحت البيت وقعدت اطق واطق في الجرس ومحد يرد شقحت من السور ودخلت وماشوف الا مافي احد ها شالسالفة انا دايما دريشت الصالة اخليها مبطلة دخلت منها اتصل حق امي تلفونها مغلق انا هني صادتني حالة من الرعب حسيت ان شي صايرماشوف الا مكالمة رقم ماعرفة متصلي رديت عليه الصورت مو غريب علي وطلع خالي اللي يكلمني صوته متغير اقوله شفيك يقولي مافيني شي قالي الحين بامر عليك وباخذك انتظرته وياني والا اجوفه عيونه حمر وداني بيتهم وتغديت وبعدين سألت ولده قلت له شفيكم قالي وياليته ماقالي اخخخخ عليج يايمه اخخخ امي ماتت امي ماتت امي ماتت انا مادخلت في عقلي طلعت من بيت خالي وانا مو قادر اخذ نفس وريجي ناشف ولا اقدر اتحرك صادتني حالة غريبة دخت وغمى علي في الشارع وقمت وما شفت روحي الا في المستشفى وقعدت اصرخ واهلوس صادتني حالة هستيريا امي ماتت في حادث والى اليوم لساني ما تمر 5 دقايق والا انا ادعو حق امي ارجو انكم تتعضون من قصتي وكل واحد يبر امه قبل ماتموت بعدين بتعرفون شنو الام اذا ماتت بروها قبل ماتموت وكل واحد يروح يحب امه على راسها ويدها ويلها بعد وبعد ما بيوفي حقها امي كم ظحت علشاني وانا ماقدرت ارد لها ولا ذرة من المعروف اللي سوته فيني ارجو من كل واحد يمر على هذا الموضوع يدعو حق امي بالرحمة والمغفرة اللهم اغفر لها ولجميع المسلمين والمسلمات اللهم امين Quote Link to comment Share on other sites More sharing options...
Zishto0o Posted ابريل 20, 2009 Report Share Posted ابريل 20, 2009 والله زعلت على القصه الله يرحمها انشالله يسلموووو Quote Link to comment Share on other sites More sharing options...
عاشقةa Posted ابريل 20, 2009 Report Share Posted ابريل 20, 2009 الله يرحمها ويغمد روحها الجنة..الجنة تحت آقدام الإمهات..وقصة جدا حزينة ومؤثره Quote Link to comment Share on other sites More sharing options...
Mr.7aMo0oD619 Posted ابريل 21, 2009 Report Share Posted ابريل 21, 2009 الله يرحمها ويغمد روحها الينة انشاء الله.. يسلمو ع القصة الحزينة.. Quote Link to comment Share on other sites More sharing options...
حنين85 Posted ابريل 21, 2009 Report Share Posted ابريل 21, 2009 الله يرحمها ويغمد روحها الجنة تسلم على هالقصة الحزينة Quote Link to comment Share on other sites More sharing options...
(محرقاوي) Posted ابريل 22, 2009 Author Report Share Posted ابريل 22, 2009 ياشباب هذي قصتي انا Quote Link to comment Share on other sites More sharing options...
ســمــ الحب ــاء Posted مايو 24, 2009 Report Share Posted مايو 24, 2009 الله يرحمها ويغمد روحها الحنة عن جد قصة حزينة مؤثرة Quote Link to comment Share on other sites More sharing options...
اسوله حلوه Posted مايو 24, 2009 Report Share Posted مايو 24, 2009 والله زعلت على القصه الله يرحمها انشالله يسلموووو Quote Link to comment Share on other sites More sharing options...
جاكليتة بحرانية Posted مايو 24, 2009 Report Share Posted مايو 24, 2009 (edited) الله يرحمها والله هالقصة ذكرتني بأمي ويا اخووي لأن معذبها تعذيب على دراسته يا ريت بس الكل يقرأها ويستفيد لأن الأم ما تتعوض مشكووور اخوووي على القصة تحياتي Edited مايو 24, 2009 by جاكليتة بحرانية Quote Link to comment Share on other sites More sharing options...
Dr.Rashoood Posted مايو 26, 2009 Report Share Posted مايو 26, 2009 والله زعلت على القصه الله يرحمها انشالله Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.