N O F O Posted أغسطس 12, 2009 Report Share Posted أغسطس 12, 2009 اشعقبه لبريك عقب ماطيحتي يد الريال ههههههههه Link to comment Share on other sites More sharing options...
يوسف الهاجري Posted أغسطس 12, 2009 Report Share Posted أغسطس 12, 2009 مشكل Link to comment Share on other sites More sharing options...
MaSkEeNo0o Posted أغسطس 12, 2009 Report Share Posted أغسطس 12, 2009 اي انرد على ام نضال,,,ترى الي ماله سالفه في الموضوع لايكتب ردود ,,, ماعلينا,, كلمنا عن صداقاتك .. عن مواقفك مع اصدقائك .. تعاملك وياهم .. علاقتك فيهم .. الصديق المقرب لك .. عندك صداقات دامت منذ الطفوله ؟.. هل انت من النوع اللي يقدر يكون صداقات بسهوله .. طبيعة الشخص الي تحب تكون معاه صداقه .. كلمنا عن صداقاتك بشكل عام جوووفي الصداقه عندي انا احب الصداقه,, واتقبل أي صداقه,, بس ماحب الصديق الي يتكلم من وراي,, او يطلع بطولاته من وراي,,, هذه اعتبره وقح مو صديق على قولتهم,,, وعندي اصدقاء ماشاء الله ينحطون على الجرح يبرى,, يوقفون وياي في الشدايد,,, اذا طحت وقوفو وياي وان بغيت سولي,,, اما عندي هم اصدقاء,, ماعطيهم أي اهتمام وماعتبرهم اصدقاء اساساً,, الصديق الصجي يعدل حق صديقه مو يدمر حق صديق علشان يكسب علاقته بشخص ثاني,,, في مواقف وايد ايجابيه ومواقف سلبيه,,, واكرر ترى الصداقه بالنسبه لي شي عود,, ومو اي شخص يعتبر صديق,,, اما تعاملي ويا اصدقائي اعاملهم مثل مايعاملوني,, وانا شخص احب الي يعاملني مثل ما انا اعامله,, وطبيعتي مثل ماقلت في المواضيع القديمه ما ارد احد,, اما علاقتي في اصدقائي قويه وايد,,, وانا من النوع الي عندي اصدقاء وايد يعني اصدقائي الي اماشيهم وواصدقاء العمل واصدقاء واصدقاء,, ترى الصديق وقت الضيق,, ماصير صديق ويا شخص علشان مصلحه,, واذا عرفت انه هلشخص يبي مني مصلحه عادي مافتكر فيه واعتبره واحد جني ماعرفه,,, مثل ناس وايد,, ماعتبرها غرور لكن اعتبرها صداقة طيط خخخخخخخخخخ وفي اصدقاء ماشاء الله عليهم الحين انا وياهم تقريباً 6 الى سبع سنين وللحين دايمه على احسن الاووقات,, طبعاً اتكلم عن صداقة البالتوك,, خوب احنا اندش البالتوك كلنا,,, وفي من هالصداقات الي دامت طول هلفتره وليمن الحين ,,, اما الصداقات الطفوليه,, اي دامت مثل ماذكرت بعد في الردود السابقه,,, انه هيثم وسلمان اعرفهم من يوم احنا يهال للحين مادشينا المدرسه وكنا نلعب ويا بعض,, وللحين يعني اجوفهم اسلم عليهم بس علاقتي وياهم مو مثل قبل طبعاً كل واحد فينا اشتغل,, واحد يدرس يعني امور الحياه ابعدتنا عن بعض,,, اي انا من النوع الي بسرعه اسويلي صداقه,, بس انا طبعي في النت غير عن برع,, يعني برع يمكن صعب اسويلي صداقه,, لانه طبعي كله ساكت وماتكلم وماتناقش وايد بس اذا خذيت الوضع اكثر من يوم اي اوكي امشي الوضع واكون صداقه بسهوله,, اما الشخص الي احب اني اكون معاه صداقه,, اول شي اتمنى يكون قلبه ابيض,,, ومايحقد,, ويصلي "علشان لو نسيت الصلاه يذكرني فيها" وماشاء ربعنا يصلون الحمدلله,,, مايلف ويدور اذا في شي يقولي دايركت,, ومايستغلني,, ولا يجذب علي اساساً,, يوقف معاي لين طحت,, يعني عادي بس طبعي اذا اكتشف انه استغلني ولا جذب ولا سواله حاكر ماكر او عرفت انه مطلع بطولاته على ضهري,, اهني اشطب عليه اكس على طول,,, بس مثل ماقلتلج,,, اهم شي يكون شخص محترمه,,, يعرفني من انا واعرف من اهو,, اما الصديق المقرب,, ماقدر اقولج من بالضبط بس باتكلمج عن الصداقه الي دامت من فتره طويله,, القديمه يعني,, اهمه صديقين,, معروف, وصهيب لانه ربعي كلهم مقربين لي بس انا تكلمت عن الصداقة القديمه,, نشف ريجي انزين الحين نتكلم عن صداقتنا بشكل عام,,, جوفي يا يبه صداقتي احب اصداق الكل بس مثل ماقلت انا طبعي استحي,,, بس في النت او ترست اصدقاء عندي,,, ياما صادقنا ناس الحمدلله طلعنا وسولفنا ورحنا وينا وسوينا وفعلنا وكلينا وفي النهايه كان في شي يخلينا نبتعد عن بعض يا الشغل يا الجامعه يا زواج او او او من غير هلموضوع,, ياما صادقنا ناس وتمنينه ماصادقناهم اساساً لانه اطلعو ناس اجوف مصلحتها على غيرها ,, وياما صادقنا ناس الحمدلله ربعي الي امشي وياهم والي اروحلهم والي اقعد وياهم والي اتزاور معها والي اتصلهم ليمن الحين انا وياهم على سمن على عسل,, جوفي في موقف ما انساه حق صديق لي,, من ربعي الي اروحلهم واقعد وياهم واتصلهم,, لما طحت مريض طبعاً الكل يدري عن الموضوع ماعلينا اهني بينت صداقتهم وياي ماقصرو الصراحه ربعي كلهم من تلفونات ومن الي زاروني واقعدو وياي و و و و و ووحتى قبل العمليه مسوينلي تلفون فديت قلبهم اهني الصداقات ولا بلاش والله العظيم,, بس كان لي صديق حزتها متكل عليه اتكال كلي,, الى اهوه بدر,,تعبت وانا اكتب انزين اما عندي اصدقاءخلنا نذكر بعض من الاسماء الي فعلاً احب اقعد وياهم واحبهم وايد خلنا انقول محمد,مشعل, احمد,,محمد ,,محمد ,, فيصل,, حمد,, راشد,, خالد ... الخ,ناس وايد بس كتبت الي اجوفهم بشكل يومي يعني لحد يزعل ويحط في خاطره,,, انا من النوع الي احب الصديق الي يفرفش وربعي ماشاء الله يحبون الفرفشه والطلعه وروحات واليايات,, ياما سافرنا ويا بعض وياما رحنا برج ويا بعض وياما وياما,, تكلمت عن الصداقه بما فيه الكفايهالصداقة الصداقة قيمة إنسانية أخلاقية ودينية عظيمة سامية المعاني والجمال كبيرة الشأن بها تسمو الحياة وترتقي وبدونها تنحدر 0الصداقة من الصدق ، والصدق عكس الكذب. والصديق هو من صدقك وعدو عدوك . إنها علاقة وثيقة بين شخصين أو أكثر علاقة متبادلة وانسجام كامل في المشاعر والأحاسيس وهي بالغة الأهمية في استقرار الفرد وتطور المجتمع 0واقول عن الصداقهالصـــداقــه الصداقه كلمه قليلة الحروف كثيرة المعاني ليست سلعة تباع وتشترى بل هي لقاء بدون ميعاد وهي اغلى من الذهب ومفاتيحها الحب ومن ينطق بهذه الكلمه عليه ان يعرف معناها الا وهو الإخلاص، التضحيه الاساس الصادق الحب المتبادل والفرح والسرور ومن يحافظ عليها فهو بمثابة إنسان غني ليس بالمال ولكن باكتسابه صديق مخلص الصداقه ورده جميله والجمال منبعها والامل طريقها لذا يجب علينا ان نتمهل في اختيار الصديق أو عند تغييره لكي نحضى بصديق جاد ومخلص فخيانة الصديق اشد من طعنة السيف فهناك صداقات المصالح وسعان ما تنتهي بانتهاء المصالح والصداقة اللتي تحمل في طياتها اسمى المعاني تظل طول العمر فهي شجرة تنمو وتكبر وتترعرع كلما سقيت بماء المحبه والوفاء والاخلاص وليكن شعارنا في الحياة هو الحب والاخلاص تحياتي Link to comment Share on other sites More sharing options...
حشمه Posted أغسطس 12, 2009 Author Report Share Posted أغسطس 12, 2009 (edited) بـــاكـ والسلام عليكم ورحمة الله وبركاته نعود مجددا لنلتقي بالعضو الغالي مسكينو طبعا بدايتا اقولك الله يعطيك العافيه على تجاوبك وتفاعلك في الموضوع ارجع ابتدي وياك فقراتنا فقرتنا الخامسه الـمـدرسـه كلمنا عن دراستك .. عن المواد اللي تحبها .. عن زملاء الدراسه .. منو كان يوديك ومنو كان يرجعك .. مواقفك مع المدرسين .. التعهدات اللي كنت تاخذها .. مغالبكم وشطانتكم .. كلمنا عن حياتك مع الدراسه , Edited أغسطس 12, 2009 by حشمه Link to comment Share on other sites More sharing options...
MaSkEeNo0o Posted أغسطس 12, 2009 Report Share Posted أغسطس 12, 2009 كلمنا عن دراستك .. عن المواد اللي تحبها .. عن زملاء الدراسه .. منو كان يوديك ومنو كان يرجعك .. مواقفك مع المدرسين .. التعهدات اللي كنت تاخذها .. مغالبكم وشطانتكم .. كلمنا عن حياتك مع الدراسه دراستي الحمدلله ماقط مره رسبت او ماشابه,, على قولتهم من الاول لي الرابع كله الشاطر وشهادات تقدير وسوالف دشيت الخامس خمبقت ,,, صارت علي اعاده في صف ثالث اعدادي انجلينزي,,, يالاهوووي كنت ميح انجلينزي حزتها,, يعني الحمدلله اوكي من عقب مادشيت معهد وحطيت على روحي وجذي نجحنا فيها ورحنا الثانويه,,, ابتدي عنوان موضوعي الحين جان زين ترجع ايام المدرسه اي ليش قلت هلون انا جان زين,, ترى صج ايام المدرسه فن وايد,, ضحك وغشمره في شي اتسويه اتقوم من الصبح واتروح المدرسه واستاذ يرنحه على راسك ولغويه وفرصه وحصص وروح وتعال وافعل وماتفعل ,, ولا تتعير ماتبي تروح المدرسه اتسويلك حاكر ماكر,,,حق هليوم الي بتطلع فيه,, علعموم خلنا نبتدي من الطفوله,,, اتذكر الي توصلني المدرسه اسمها لولوه ووصلتني من صف الاول لي صف الخامس,, كانت معلمة الصف الاول اسمها رمله,, اتذكر المرحله الابتدايئه جنها امس,, اتذكر الطين اتذكر السبوره ام طبشور,, الوان المائيه كلشي اتذكر,,, اما زملائي كان وياي في الصف واحد اسمه عبدالله,, وحسين,, للحين اجوفهم,,, حسين صار وياي من الاول لي صف السادس وعقب التقينا في الاعدادي بعد ثاني وثالث وبعدها افترقنا في الثانوي,,, الابتدائي والاعدادي كنت من الناس المحبوبه عند الاساتذه,, بس في الابتدائيه كانت عندي مشكله واحده,, كل حصة عربي كنت واقف ورى طبعاً ذي في صف الخامس والسادس كنت ماسوي الواجب,, خخخخ للحين اتذكر معلمه نوال مالت العربي,, اما في الاعدادي,, حصلت على شهادة الطالب المجتهد في حصة العربي,, حصلت الشهاده مرتين,, اما في الانجلينزي في الاعدادي قلتلكم ميح,, كنت ماسوي الواجب,, والاستاذ كان ماعطنا نفس نقاط الي يطوف ثلاث نقاط يروح حق المشرف عبدالخالق وينطق بالهوز الجميل جداً وانا صادني الهوز اتذكر من الصبح,, اول مابتدينا كانت حصة عربي,, وصادني الراش خخخ,,, وبعد ماكانت اتوصلني لولوه,,, كنت اروح مشي المدرسه الصبح امر على صديقي حمد,, وانروح نتمشى,, وبعدها في الثانوي,, كان ابوي يروح الشغل يقطني على دربه وارجع مشي,, حياتي كله مشي في مشي,, كان فن,, اما مواقفي في الثانويه,, كنا مجموعه مكونه من خمس اشخاص انا وخليفه وحسن واحمد وعبدالجبار,, كنا كله ويا بعض نمشي,, مالنا حس,, نقعد في البلكونه ,, وكل يوم على واحد ايب من المقصف,, كان الاربعه انا اروح اخذ ,,, في حصه من الحصص العربي,, كان استاذ خضير,, طردنا احنا الخمسه من الصف,, ويوم طردني قالي باجوف شلون بتنجح في الماده,, قلته انجوف,, ويوم يه الامتحان دشيت معهده وحطيت على روحي,, اتذكر في المنتصف حاطلي 9,, والاعمال حاطلي 10,, يعني المجمع من خمسين 19 صعبه شوي والماده وايد صعبه,, الكتاب كامل حفظ,, قلت انا لازم احط على روحي وابعثر ملامح ويهه,, وحطيت على روحي ومعهد وجذي ونجحت في الماده,, لما خذيت الشهاده اهوه الي عطاني,, الا يقولي مبروك نجحت قلته بجدارتي مو منك ,, وانا ماشي,, اي صح ونسيت بعد,, كنت اكرهه قعدت الصبح,, بس عادي,, كنت اطول في الحمام عزكم الله كنت اقعدتحت الرشاش وعادي ارقد خخ,, وكنت ماتريق وايد لانه اتريق في الفصحى,, ومن الاساتذه الي كنت اتذكرهم في الثانويه,, استاذ نزار,, استاذ سرحان,, استاذ خضير,, استاذ ابراهيم,, استاذ محمد مال العربي,, استاذ عز الدين مال الفرنسي,, والحين مسؤول في شغلتي,,, واتذكر من المدرسه احب يوم الاربعه ,, وكان في الثانويه رحنا رحله اتذكر,,, الي راحو رحله احنا يمكن عشره,, كان احلى يوم,, للحين اتذكر والاصور موجوده,, عند رفيجي,, اتذكر معرض الكتاب,, وعقبها رحنا السيف,, استانسنا وايد,, هذه يوم ما انساه,, يوم من الايام كان دوام عادي,, يعني مافي شي بس كان بيصير عقبه اجازه,,, مو متذكر اليوم بالضبط شي جذي,, المهم اتفقو صبيان الصف انه كلنا نشرد,, ومحد يقعد,, وسويناها,, حضرنا اول حصه ثاني حصه ثالث حصه الشباب مشنغلين,, كلنا من شاطر ومن كسلان,, هروووب,, ويوم رجعنا صخو الصف كامل تعهدات,, واتذكر المشرف قال اذا تبون اتشيلون التعهدات دفعوا مال معونة الشتاء,,, اي وصج نسيت اقول,,, ترى كان يهد وياي في المدرسه ,,,وتازو بعد كنت اجوفه, تعبت مافي عصير شي؟؟[/size انزين بس عاد خلاص وايد سوالفت عن المدرسه تحياتي خخخ Link to comment Share on other sites More sharing options...
Mal0k Posted أغسطس 12, 2009 Report Share Posted أغسطس 12, 2009 ألو .. ممكن اشارك ؟ Link to comment Share on other sites More sharing options...
MaSkEeNo0o Posted أغسطس 12, 2009 Report Share Posted أغسطس 12, 2009 اي تفضلي المذيعه مادري وينهي بس تفضلي خخخ من معانا؟؟ Link to comment Share on other sites More sharing options...
sony ericsson Posted أغسطس 12, 2009 Report Share Posted أغسطس 12, 2009 هذي الصورة الي اعجبتني كككككككككك شله ياشيخ Link to comment Share on other sites More sharing options...
MaSkEeNo0o Posted أغسطس 12, 2009 Report Share Posted أغسطس 12, 2009 مادري شاقول الحمدلله Link to comment Share on other sites More sharing options...
حشمه Posted أغسطس 12, 2009 Author Report Share Posted أغسطس 12, 2009 خخخخخخ ويهك شنو المذيعه مدري وينها خخخ المهم هلا ملوك تفضلي اذا عندج مشاركه او سؤال حق مسكينو ترى اهو في اتم الاستعداد للاجابه تفضلوا استراحه سنعود بعد قليل ، Link to comment Share on other sites More sharing options...
Recommended Posts