بوعلي00 Posted أغسطس 19, 2009 Report Share Posted أغسطس 19, 2009 السلام عليكم ورحمة الله وبركاته.. في البداية أحب أعرفكم بنفسي،، أنا أعرف منتتدى بحرين تودي من أكثر من 5 سنوات، وطوال هالفترة كنت على إطلاع بالمنتدى وأقرأ المواضيع اللي فيه بس مب مشارك. مادري صراحة شنو تعتبرون الموضوع؟؟ هل هو خاطرة؟ أو سؤال؟ أو فضول؟ بس اللي أعرفه إن في خاطري كلام وحاب أقوله لكم. أنا أبي أسأل سؤال واحد فقط لا غير،، وأتمنى كل واحد يجاوب على هالسؤال بصراحة وفي نفسه،، لا يحط الإجابة هني. إلى أي مدى تتناسب شخصيتك في الحياة مع شخصيتك في المنتدى؟ يا جماعة،، خلونا شوي نتكلم بصراحة،، ترى البحرين صغيرة.. وكلنا عيال قرية وكلِ يعرف خيه.. شخصيتنا في المنتدى لا تمت إلى الواقع بصلة!!! يعني،، في أعضاء وعضوات واااايد أعرفهم معرفة شخصية،، ومساعة كنت أقرأ لهم مواضيع ومشاركات،، قلت مادري أضحك والا أصييييح والا شاسوي؟؟؟؟!!!! اللي ماتمت بنية مارقمها ومنزل موضوع شكبره ينتقد هالشي،، واللي يدخن وينتقد التدخين،، واللي يلعب على البنات ويتكلم عن الزواج والحب الطاهر،، واللي المسن ماله كلللله بنات ويقول مب زين الواحد يكلم بنات،، واللي كرمكم الله ماتمت صبي ماطلعت معاه والا حاجته وتتكلم عن العفة واللي واللي واللي...... شاقول وشاخلي؟؟!! وأكثر شي،، إن الواحد يغالط نفسه مو 180 درجة إلى مليون درجة،، ((أكرر مرة ثانية .. باتكلم بصراحة تاامة من باب إن كلنا نعرف بعض)) يا جماعة خلونا نصحى،، نتمنى إن المنتدى يكون مرآة صادقة لواقعنا،، وليس صورة جميلة جداً ولكنها للأسف مصورة ولا تعكس الواقع. أنا أؤمن إن مجتمعنا ليس مدينة خطايا،، لكن بعد في نفس الوقت مب المدينة الفاضلة والسطحية اللي تتكلم عن ناس من المريخ. خلونا ناخذ مثال بسيط،، إفتح أي موضوع في قسم النقاش ،، وشوف أراء الناس المكتوبة،، هل هذي هي الآراء اللي نشوفها في الواقع وفي حياتنا؟؟ إذا لا ،، كم نسبة التشابه بينهم؟؟ وعلى سبيل المثال فقط ولا شيء آخر،، في موضوع يقول ( هل تقبل أختك تقول لك أنا أحب؟؟) إقرأ المشاركات المكتوبة ،، وإسأل 10 أشخاص وجه لوجه بغض النظر في المنتدى أو لا،، أحد بيقول لك إي؟؟!! أنا مو يالس أأيد إن البنت تقول حق أخوها أو ماتقول،، بس الآراء اللي الناس تقولها هني ماقول غيير،، إلا معاكس وضد الآراء اللي يقولونها برع المنتدى!! سامحوني طولت عليكم،، ويمكن كلامي ثقيل على البعض،، بس اللي صاير صراحة إن نجذب الجذبة ونصدقها،، ومثل ما قلت مشاركاتنا وايد ساذجة وما تحاكي الواقع. ومشكورين على حسن المتابعة. Quote Link to comment Share on other sites More sharing options...
M!$s l0nlEy Posted أغسطس 19, 2009 Report Share Posted أغسطس 19, 2009 اهلا وسهلا فييك وليش مو مسجل من زماان وبالنسبه لسؤالك شخصيتي تقدر تقوول تطابق 89% من الواقع والكلام الي قلته صحييح Quote Link to comment Share on other sites More sharing options...
ماريا الوردية Posted أغسطس 19, 2009 Report Share Posted أغسطس 19, 2009 هلا فيك انه شخصيتي يمكن نسبة عاليا مطابقة حق شخصيتي بس مب 100% يسلموو على الموضوع والحمدالله انه اقول رايي بصراحة Quote Link to comment Share on other sites More sharing options...
!! أمورة البحرين !! Posted أغسطس 19, 2009 Report Share Posted أغسطس 19, 2009 انا مسجلة من زمان بس ما ادخل ولا اشارك وايد لكن انا بصراحة شخصيتي مطابقة وايد يمكن 95 % شاكرتك ع الطرح وكل كلمة قلتها صح Quote Link to comment Share on other sites More sharing options...
عاشقة غروري Posted أغسطس 19, 2009 Report Share Posted أغسطس 19, 2009 صح كل كلمه قلتها وايد ناس مايتكلمون بصراحة ويلفون ويدورون ويغيرون في شخصياتهم يسلمو يعطيك العافيه Quote Link to comment Share on other sites More sharing options...
التنينة Posted أغسطس 19, 2009 Report Share Posted أغسطس 19, 2009 مشكور على صراحتك اخوي و كلامك كله عدلل..كلش ماا احب الناس الي تنافق نفسها و تجذب على نفسها.انا وحدة صريحة في المنتدى و خارجه اللي مايعجبني اقوله في ويهه و لا الف و ادور Quote Link to comment Share on other sites More sharing options...
اّلام الواقع Posted أغسطس 20, 2009 Report Share Posted أغسطس 20, 2009 والله كلامك كله صح وهالشي يقهرني بالمنتدى بصراحه كله مجاملات ونفاق اني وحده ماحب النفاق ولا المجاملات يعني مافيها شي لو الواحد قال رايه وماغطى على الي فيه بيكون اكثر شفافيه اصلا Quote Link to comment Share on other sites More sharing options...
υиdєя sнαdόω Posted أغسطس 20, 2009 Report Share Posted أغسطس 20, 2009 (edited) جميلُ ما طرحت .. اوافقك الرأي في موضوعك هذا .. فالكثير الكثير ممن هم هنا يوهمون الناس .. وليس الناس فقط بل يوهمون انفسهم بإنهم ملائكه و ليسوا الا شياطين ارتدوا فوق وجوههم قناع البراءه .. الاخلاق .. المثاليه .. والعفه صفات تهجرهم ولكن يمثلون ويتظاهرون بها .. وليس هذا فقط بل من امامك صديق ومن ورائك عدو .. هذا هو حال معظم الاعضاء .. شكراً على الموضوع Edited أغسطس 20, 2009 by υиdєя sнαdόω Quote Link to comment Share on other sites More sharing options...
a7la 7o0ob Posted أغسطس 20, 2009 Report Share Posted أغسطس 20, 2009 كلش ماعندهم سالفه Quote Link to comment Share on other sites More sharing options...
قررت اموت في حبك Posted أغسطس 20, 2009 Report Share Posted أغسطس 20, 2009 والله كلامك صح والف صح وهالشي يقهرني في المنتدى كله مجاملات و نفاق عن نفسي انه ماحب مجاملات او النفاق وايد ناس مايتكلمون بصراحة ويلفون ويدورون ويغيرون في شخصياتهم وعن سوالك شخصتي متطابقه 95 او 97 % Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.