لط لط Posted سبتمبر 17, 2009 Report Share Posted سبتمبر 17, 2009 (edited) بارك الله فيج عيني الاخوة 27 مشاءاالله تبارك الله رد مثالي و مستدله ببراهييين و في شي لازم أذكره: ترى الكل يدري إنه هالشي حرام بس لانه يمكن يسووون هالشي او مستسهلينه فعادي عندهم ، و مهما وصلنا لأعلى المستويات من التطور لا تنسون انه دينه الاسلام اهو الي يحث على التطور و الارتقاء في اعلى المناصب بس يا ريت الواحد يرتقي بدينه و ذلك لرفع أمة محمد صلى الله عليه و سلم بين سائر الامم، يعني لو وصلنا بعد قرن الـ 30 يعتبر الغلط غلط و الصح صح، و انما في النهاية دين الاسلام دين ستر و عفة و يحافظ علينا، فياليت محد يستسهل امور في الدين و خصوصا الامور الواضحة كنور الشمس! من صغرنا و احنا يقولون لنا علاقة البنت مع الولد الاجنبي حرام بس يوم كبرنا و جفنا الدنيا شي طبيعي لازم نحتك مع الجنس الآخر و هالشي صار من ضروريات الحياة ، و كل شي ما يتعدى الحدود و بإحترام و خلاص! يعني احنا ما ننكر ساعات ندش الدردشة بالمنتدى و ما ننكر انه نتناقش في مواضيع بس كل شي بحدود و ما نقط الميانة و كل واحد مسؤوول عن تصرفاته و حر بلي يسويه مثل ما قالت اختي عاشقة و الاخ بو علي. و بالعكس النقاش في ما يفيد دينه و يفتح عينه على اشياء وايد زين و بعدين لا تقولون عادي السوالف في المسن، سالفة صبي ما تعرفينه و من النت سخافة اصلا ينوجد في الايميل و اي نوع من العلاقات اهي حب او طلاق او مودة او اخوة او كره ما اعمم على نوع فقط سواء عن طريق اي جهة اتصال، و بعد الاهل الصبيان في الايميل ما يجوز نكلمهم لانه بعد يعتبر محرم علينا هالشي و انا ما انكر اكلم البعض بس يعني بعد اقول و اقر انه يعتبر لا يجوز . و البنت لازم تكون لولو في بحر صعب احد يصيدها، يعني لازم تحافظ على روحها و الي يحب ايي من الباب و انا وايد عرفت اشياء من رد اختي عاشقة، لا خلا و لا عدم منها. و بارك الله فيك أخوي بو علي على اثراء هالنوع من المواضيع و عسى الله يستر عليك و علينا دنيا و آخره بوركت Edited سبتمبر 17, 2009 by لط لط Quote Link to comment Share on other sites More sharing options...
عاشقة الاخوة 27 Posted سبتمبر 17, 2009 Report Share Posted سبتمبر 17, 2009 عيل لازم ما نتكلم بالدردشه مع الجنس الثاني وبردودنا على المواضيع ما نوجه كلامنا للجنس الاخر محد بقول لج انه يسوويها لانها ما تستوي من الاساس ولازم بنتباديل الاحاديث يمكن بعض الاهل يتساهلون بس يبقه الشي ما يجوز و حرام و محاسبين عليه ... دامه ما يجوز شلون الشيوخ بقولون انه يصير اكاهم قالو دامه ياي يخطبها معليش يصير اشله ما قالو حرام اهمه الادرى اكثر منا بذي الامور.. صح او لا وأخيرا مثل ما قال خووي بوعلي كل واحد طبعاً حر في اللي يسويه اختي انه قلت في اول رد لي ان الناس انواع .. و حددت كل نوع و طريقة تفكيره .. بــــــس ما تكلمت عن روحي لان راعي الموضوع يبي يعرف يصير او ما يصير .. و ما سأل هل انتوا تسوون هالشي او لاء .. لان اذا سأل هالسؤال راح يكون ردي مختلف .. انه اعتراضي و نقاشي معاج على شنو ؟؟؟ على ان ما يصير احنه نسوي اشيه مع انها غلط و ندري انها غلط و الادله تقول جذي بس نروح نحللها و نلف و ندور فيها . و بالنسبه عن شيوخ الدين ... ف اي شيخ دين قال ان المكالمات تجوز بين البنيه و الصبي بدون عقد بينهم ؟؟؟ <<< صراحه هاي انه ما اسميه شيخ و حتى لو لقيت شيخ يحلل هالشي .. ف مب على كيفه مثل ما عنده عقل انه بعد عندي عقل .. صج ان اهو دارس شريعه اكثر مني بس هالاشيه ما يبي لها دراسه و الادله في هالموضوع ذكرتها في ردي القبلي و كانت واضحه و صريحه جدا و تره في اكثر و اكثر ... و تره مب كل فتوه يفتيها شيخ اروح امشي وراهه وانه مغمضه .. في شي اسمه عقل و يفكر و يقدر يميز الحلال و الحرام (( اتمنه لو تعطيني اسم الشيخ اللي حلل هالشي و تعطيني نص الفتوه بالادله )) اختي ادري ان كل واحد حر في اللي يسويه بس انه استوقفني كلامج لما قلتي ان مافي ادله تحرم هالشي .. و لما قلتي احنه في تطور و هالاشيه صارت عادي و ....الخ ,,,, اكيد انتي حره وانه حره و كلنه احرار و كلامي اللي قلته ما كان اجبار حق اي احد .. انه كنت ابي اوضح بعض النقاط تره انه عندي صبيان في المسنجر و اشتغل في مكان مختلط و يصير بيني و بين بعض الشباب نقاش و كلام في هالمنتده بعد و تصير بينه غشمره و .... الخ <<<< بس في النهاية ادري و اقول ان هالشي حرام و اطلب من الله ان بتوب عليي و الله يهديني انشالله .. انه مب كامله و لا انه ملاك منزل من السما .. فيني اغلاط وااااايد .... لكن مو لاني اسوي هالاشيه المحرمه ف اروح اقول انها تجوز و بس هاي كل اختلافي معاج ... اتمنه تكونين فهمتي اللي ابي اوصله لج . Quote Link to comment Share on other sites More sharing options...
WhO @m i Posted سبتمبر 17, 2009 Report Share Posted سبتمبر 17, 2009 (( اتمنه لو تعطيني اسم الشيخ اللي حلل هالشي و تعطيني نص الفتوه بالادله )) انه ما حددت اسم واحد ولا قصدت احد بكلامي ولأني ولا عمري سمعت شيخ قال لأ فيعني الكل موافق Quote Link to comment Share on other sites More sharing options...
النملة الشقية Posted سبتمبر 18, 2009 Report Share Posted سبتمبر 18, 2009 الحمدلله أكثر من راي يصف مع رايي .. يعني مو معقولة كلنا غلط يا who @m i وانتي الوحيدة صح Quote Link to comment Share on other sites More sharing options...
**الريم** Posted سبتمبر 18, 2009 Report Share Posted سبتمبر 18, 2009 في الوقت الحاضر صار اختلاط بين الجنسين في عدة مواقع المنتديات اماكن العمل السينمات و المجمعات ................ الخ بس يبقى شي اسمه الرقابة الداخلية و الضمير الحي بخشية الله سبحانه و تعالى باختصار كل شي له حدود و اهم شي ما نتخطاها خوفا من الوقوع في المعصية و الهلاك تحياتي Quote Link to comment Share on other sites More sharing options...
بوعلي00 Posted سبتمبر 18, 2009 Author Report Share Posted سبتمبر 18, 2009 (edited) لط لط ماشاء الله عليج أختي،، والنعم فيج والله ، الصح عمره مايصير غلط والغلط عمره مايصير صح. والشي المهم في ردج إن تطرقتي حق الأهل اللي مب من المحارم. WhO @m i تساؤلاتج في محلها،، وحلو لما الواحد يسوي شي بقناعة مو بتقليد،، ويا حبذا لو دعمتي رايج بآيات قرآنية أو أحاديث نبوية أو حتى آراء حق بعض العلماء. وأعتقد في سوء فهم للأخت عاشقة الأخوة،، هي مو معترضه إن الخطيب ما يكلم خطيبته أو إن يجوفها.. هي تقول من حقه يجوفها ويكلمها ويناقشها بس بشرط إن مو بروحهم يعني ايي عندها وعند أهلها في البيت ويسوي اللي يبي. [/color] النملة الشقية يزاج الله خير لأنج أول من أثرتي الموضوع، بس بعد أختي مب شرط إن الصح مع الأكثر ، الرسول عليه الصلاة والسلام كان في يوم من الأيام الوحيد اللي على صح والعالم كله على غلط. **الريم** الرقابة الداخلية والضمير الحي مرتبة عالية،، الله يجعلنا منهم إن شاء الله. ولي عودة >>>> ماخلصت Edited سبتمبر 18, 2009 by بوعلي00 Quote Link to comment Share on other sites More sharing options...
WhO @m i Posted سبتمبر 18, 2009 Report Share Posted سبتمبر 18, 2009 تساؤلاتج في محلها،، وحلو لما الواحد يسوي شي بقناعة مو بتقليد،، ويا حبذا لو دعمتي رايج بآيات قرآنية أو أحاديث نبوية أو حتى آراء حق بعض العلماء. محد يسوي شي بتقليد الا اذا كان واحد من لثنين او انه ضعيف شخصيه او انه غبي وانه ما ذكرت ولا أدله لان ماعرف أدله.. وبتقولي دوري السيرج يبيله وقت وانه كل اللي قلته رأي.. ومجرد رأي.. يعني مب لازم أدله وأعتقد في سوء فهم للأخت عاشقة الأخوة،، هي مو معترضه إن الخطيب ما يكلم خطيبته أو إن يجوفها.. هي تقول من حقه يجوفها ويكلمها ويناقشها بس بشرط إن مو بروحهم يعني ايي عندها وعند أهلها في البيت ويسوي اللي يبي. واكاني قلت توني بآخر رد دامه ما يجوز الخلوه اشله الشيوخ ما قالو ما يجوز واهمه بنفسهم يسوونها>> يمكن مب الكل.. بس اكو ناس يسوونها Quote Link to comment Share on other sites More sharing options...
النملة الشقية Posted سبتمبر 18, 2009 Report Share Posted سبتمبر 18, 2009 النملة الشقية [/size] يزاج الله خير لأنج أول من أثرتي الموضوع، بس بعد أختي مب شرط إن الصح مع الأكثر ، الرسول عليه الصلاة والسلام كان في يوم من الأيام الوحيد اللي على صح والعالم كله على غلط. تسلم اخوي على تعقيبك ,,, و أنا وياك ان مو بشرط الاكثرية ان هم الصح ,, بس قلت يمكن لأني وحدة ما قدرت أقنعها .. و الأكثرية لها تأثيرها Quote Link to comment Share on other sites More sharing options...
عاشقة الاخوة 27 Posted سبتمبر 19, 2009 Report Share Posted سبتمبر 19, 2009 (( اتمنه لو تعطيني اسم الشيخ اللي حلل هالشي و تعطيني نص الفتوه بالادله )) انه ما حددت اسم واحد ولا قصدت احد بكلامي ولأني ولا عمري سمعت شيخ قال لأ فيعني الكل موافق شهالنظريه اليديده على الساحه بعد !!!! شنو يعني لان بس ما سمعتي شيخ قال لاء ف يعني يصير ؟؟ انزين و هل انتي سامعه كل شيوخ العالم و فتاويهم ؟ الواحد اللي يبي يتأكد من فتوه مع ان السالفه ما تحتاج حق فتوه .. بس لو حابه تسمعين فتوه و تمشين معاهة .. ف انتي ملزومه تسألين شيخ سؤال واضح .. و اهو ملزوم يرد عليج رد مدعم بآيات و احاديث واضحه و صريحه . واهمه بنفسهم يسوونها>> يمكن مب الكل.. بس اكو ناس يسوونها تره مب كل واحد حط على راسه عمامه صار شيخ ولا كل واحد طول لحيته نسميه شيخ . و اساسا اذا الشيوخ كلهم فصخوا عقلهم و صاروا يتصرفون غلط ... ف هذا لا يعني ان احنه برو برو تعو تعو . هاي مشكله البعض .. ان ما يشغلون مخهم .. يبون احد يفكر عنهم و اهمه يقلدونه بدون تفكير و يحتمون وراه .. تره يوم القيامه ربج بيسأل كل شخص عن اعماله اهو .. ما بيسأل الشيخ اللي مشينه واره .. صج ان هالشيخ راح يكون محاسب لان يفتي و بس .. لكن احنه بعد محاسبين لان ما شغلنه مخنه اللي الله عطانه اياه .. و رحنه نقلد الشيوخ بدون تفكير و حتى ما نبي نتعب روحنه و نبحث شوي عن الصح من الغلط . اذا انتي الله يهداج ما تبين تسوين سيرج في قوقل عشان تعرفين الحلال من الحرام .. لابس لان يبي له شويه وقت .. عيل شلون بتتأكدين و بتعرفين امور دينج و دنياج .. و على اي اساس قاعده تتحجين في الموضوع !!! محد يسوي شي بتقليد الا اذا كان واحد من لثنين او انه ضعيف شخصيه او انه غبي وهاي الجمله اللي قلتيها تناقض كلامج ... لان كلنه نعرف ان الموضوع اللي طرحه اخونه بو علي و التساؤلات كلها ما تجوز .. بس انتي مأيده هالشي بـــس لانج سمعتي مادري اي شيخ اللي مسوي روحه شيخ و قلدتي كلامه بدون تفكير في الآيات و الاحاديث الواضحه ؟! Quote Link to comment Share on other sites More sharing options...
AMoOoNY Posted سبتمبر 19, 2009 Report Share Posted سبتمبر 19, 2009 مايصير بنيه تامن روحه على واحد ماتعرفة اوتوثق فيه ماشاء الله الحين الشباب كله قص على البنات .............. بس لازم كل وحده تخاف على روحه وماتسوي شي مب زين لأن الله يجوفها ........... ثنكس على الأسئلة حدهم حلوين !!!!!!!!!!! Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.