¤¦ التصويت لنهائي مسابقة شِعر و شُعراء ¦¤

[Sheeva]

 

بسم الله الرحمن الرحيم

السلام عليكم و رحمة الله و بركاته

 

 

 

وَصلْنا لـ المَرحلة الأخيرة من مُسابقة الشِعر بـ قسم الخواطر و الشّعر ..

 

~ التّصويت لأفضل شِعر في حق مليكُنا حَمَد ~

 

 

 

 

 

تذكير بأسماء المُشتركين مع التوضيع بأن ترتيب الأشعار لا يساوي ترتيب الأسماء المذكورة

 

layal

بثينة السندي

sedefavci

)(Miss 2Day)(

LSH_LSH

شيخة بنت الشيخ

ابو ايهم

Sheeva

وعد البحرينية

 

 

 

 

 

أغلا القصايد

 

 

أغلا القصايد بالملك تاتـي وتفخـر وتحبـي

 

ماتعبتنـي وبطـرف صبعـي كـذا ناديتهـا

 

وماجيت من أرض السعودية وانا مس شنبي

 

اغلا الديار اللـي ورى ذاك الجسـر خليتهـا

الا عشان أسأل سمو الشيخ خالد وش يبـي؟

 

واعد لـه أطلـق قصيـدة بالملـك خطّيتهـا

ياسيداتي سادتي يـا أيّهـا الشعـب الأبـي

 

شيوخ / شيخات وجماهير(ن) هنـا حطّيتهـا

اليوم/ جيت بشعري الوافي ولاني بابن ابـي

 

ان كان ما جبت الجزيلـه وبفخـر عدّيتهـا

 

انّي أنال اعجاب ( ابو سلمان) هـذا مطلبـي

 

والا تركـت الساحـه الشعبـيّـه وكبّيتـهـا

 

ياسيّدي شاعر وفي حضرة سموّك معجب(ي)

 

اعجاب في هيبـة ملـك والمملكـة حبّيتهـا

 

في داركـم ياسيـدي ماحـس انـي اجنبـي

 

لانه الامور موحده من بيتها لا بيتها

 

والنـار ياوجـه الفلـس تنـدم اذا شبّيتهـا

 

تبـي تظـم المملكة؟/مانـت بكفو/لاوتهبـي

 

هذي ديار ( أبن خليفـه) تبطـي وماجيتهـا

 

أقولها وانا ( ولد عيسى) ذرى امّات العبـي

 

اللي حكمهـا ثـم عطانيهـا وانـا عزّيتهـا

 

ياسيـدي أتـرك تفاهـات الغبـاوه للغـبـي

 

والا انت دايـم مملكتـك ان نادتـك لبّيتهـا

 

تاتي محلّق بالسما تهبط ثـم تقـول أركبـي

 

علّيتهـا فـوق السحـاب وللسمـا شلّيتهـا

 

وصار المواطن يفتخر في اسمها مـا يختبـي

 

ويقول انـا فـدوة تـراب المملكـة فديتهـا

 

وياسيدي سلّم على شيخ(ن) لمحته في دبـي

 

انا اشهد انه شيخ شيـخ وطنختـه حسّيتهـا

 

كانّه يقول لبنت سيد القـوم قومـي والعبـي

 

والمعركة باسمـي تسجّـل دامنـي طبّيتهـ

ا

( الشيخ ناصر بن حمد) صلّوا على أطهر نبي

 

معنى الرجولة في سمـوّه والله انـي ريتهـا

 

ولآل الخليفه كلّهم تاتـي القصيـدة وتحبـي

 

وعقّبني الفنجال يا( احمد ) كان مـا وفيّتهـا

 

 

لـ الشاعر يحي ال بالحارث

 

 

 

محد مثلك

 

 

محد مثلك يابوسلمان ... يانعم الوالد الأنسان

في هالدنيا وما فيها ... محد مثلك يابوسلمان

 

 

محد في هيبتك يلي ... ترحب دوم وتهلي

ومهما قلت في حقك ... وزدت آحس بالنقصان

 

 

كريم وللوعد وافي ... سموح وطيب وعافي

كبير القلب وعلمنا ... نجازي الظلم بالأحسان

 

 

سديد الراي والسيره ... وشورك للوطن خيره

حكيم وكلمتك دايم ... وطنا ثروته الأنسان

 

 

فقير وزادت جراحه ... يجيك يلاقي الراحه

مابين إيدينك البيضى ... يزول الهم والحرمان

 

 

كفلت بحبك الأيتام ... وزرعت فدربهم احلام

غمرت قلوبهم والله ... بعطفك ياعظيم الشان

 

 

كسيت انته اراملنا ... ومساجدنا ومئاتمنا

وحتى في مذاهبنا ... سعيت توحد الأديان

 

يارب تحقق آماله ... وتحفظ شعبه وعياله

وتوحد صفنا ونبقى ... في ديرتنا اهل واخوان

 

ترانا ياحمد جنبك ... ونبض قلوبنا حبك

نبيع الروح من اجلك ... ولانهتم بالأثمان

 

كلامن قلته من قلبي ... بصدق وشاهدي ربي

في هالدنيا وما فيها ... محد مثلك يا بوسلمان

 

 

القصيدة من كلمات الشاعر / فيصل المذن

 

 

 

الوطن غير

 

 

الوطن غيــــر... اذا صار حمد حاكمــــه

ما يتــحقّــــــق مفهوم الوطن الّا بيــــــــــــــه

 

حمد الملك والمملكه هــــو العاصمـــه

حمد جنّــــة و الوطــن زهرتـــن فيـــــــه

 

عاشـــت البحرين بـ حمد غانمــــــــــه

الله يـــخـــليــــه لــــــــنا الله يخــــلّــــــــــيه

 

عاشـــت البحرين بـ حمد سالمــــــــــــه

أعـــطانا الهوّيـــــــة و الولــــى نعطيـــــــه

 

حمد ... فيــك الحروف ظالمـه ظالمـــــه

كل حرفن ما يوفّي المعنى اللي ابيــــــــــه

 

لو صحّيت حروفي لكــ .. تبقى نايمــــــه

ياقـــنه انّـــها ذكــركـ ما تـــقدر عليـــــه!

 

سيـــدي... الشـــعر فيـــكـ مــا له خاتمــه

بس ابو ايهم شعره نضح .. وجفّت ايديـــــه

 

 

دار المعزة

 

سلام يا دار المعزة والأحباب

وسلام يا دار الشرف والجمايل

وسلام يارمز البلد رمز الأعجاب

يالقايد المحبوب وافي الخصايل

شوفت جلالك من عظيمات الأسباب

ومن حبكم تلقى بشعري دلايل

ماجيت أخط وأكتب لي كتاب

وما جيت أزين للحبيبة رسايل

أنا كتبت الشعر يوم إنفتح باب

والكل يشهد لي ولا جيت عايل

يا سيدي ما هي مشاريه وأعتاب

لكن قصيدٍ شال بعض الهوايل

والمجد ما هو بالمراكز والألقاب

المجد لامن قيل من نسل وايل

والطيب ما جاني هديه من أصحاب

من ورث جدي ما خذيتة فضايل

والله لو صارو جماعات وأحزاب

ما همنا غير العلوم الجزايل

حنا إلامن القمر بالسما غاب

نمشي على نور أسمنا والفعايل

تشهد لنا الأنساب في عز الأنساب

ويضرب لنا التاريخ بيض المثايل

ياسيدي والعز عزك وما خاب

من نام في ظلك بعز القوايل

أنت المليك ألي سكن بين الأهداب

وأنت المليك اللي تساوي قبايل

لاجلك نروح ونقطع دروب واصعاب

نطلب رضا قلبك بكل الوسايل

علمتنا بأن الزمن دوم غلاب

وعلمتنا وشلون نلقى بدايل

منا ولي العهد للطيب كساب

إبن الكرم سلمان عذب الشمايل

سلمان وإن مالت عن الدرب الأسباب

تلقى يمينه عدلت كل مايل

إبن الملوك أللي لها يحسب حساب

والنعم في سلمان والشك زايل

ومنا خليفة للعدل سيف وأنصاب

إن شفت فعله شفت فعل وهوايل

بوعلي وإن صكت أحزاب وأحزاب

من شاوره يلقى علومٍ جزايل

آل خليفة للبلد ستر وحجاب

نعم الرجال ونعم هاك السلايل

وختامها من سلامٍ للأحباب

لأهل البلد أهل الشرف والجمايل

 

للشاعر ناصر بن محمد بن عيسى آل خليفة

 

 

الشور شورك

 

الشور شورك والهداية علـى الله ...

والرأي منكم .. نشتريـه بملاييـن ...

لأنــك حكـيـم وكــل درب ٍ تـدلّـه ....

ولأنك لنـا عيـن ومكانتـك بالعيـن ...

يـا سيـدي .. والليـل فـيـه الأهـلّـه ..

نقرا بها بعـض العبـر والعناويـن ...

درب ٍ مشينا فيـه محـد ٍ وصـل لـه ..

غيـر الـرجـال العاقلـيـن الحكيمـيـن..

يـا سـيـدي رايــك بقلـبـي محـلّـه ...

نمشي عليه ونفتخر به من سنين ...

ويا صاحبي واللي سـأل عنـه قـلّ لـه

هـذا حمـد راس الرجـال العريبيـن ..

هـذا حـمـد بـيـن النـجـوم المطـلّـه ..

نجم ٍ تعدى فوق .. حـدّ السماكيـن ..

المجـد كـنّـه بالـقـدر مـرسـل ٍ لــه ..

والطيب وان قلنا حمد قـال نعميـن ..

الـلـي ربيـنـا تـحــت حـكـمـه وظـلّــه

مـنـه تعلـمـنـا عـلــوم السـلاطـيـن ..

الـراي رايـه .. والفخـر فيـه كـلـه ..

والشور شوره .. نشتريه بملايين ..

لانـــه حـكـيـم وكـــل درب ٍ يـدلّــه ..

ولأنه لنا عين وسكن داخل العين ...

 

"°( الشاعر :- الشيخ ناصر بن حمد آل خليفه )°"

 

 

يا البحرين

 

يا البحرين يا عطر واحساس وخيال وافكار

فيـك شـعـاع يـاصـل كــل مديـنـة

 

هـذا كلامـى برهـن الـيـوم مـاصـار

يشهـد علـى مـا قــول رب البـريـة

 

ويشهـد بعـد كــل عــلام الاســرار

حبك يا البحرين سرى بالقلب روحة وجيـة

 

حـبـك سـكـن بالقـلـب يـاأحـلا دار

وشـعـر كتبـتـة فـيـك والله شـويـة

 

ابسألك يـادار بوسلمان يـا نسـل الاْحـرار

شعـر كتبتـة فيـك هـو بــة خطـيـة

 

منهو قـدر يا البحرين يرسمـك بأشعـار

حتى خيال الشعر صـار لـك 100بالميـة

 

والله خذيتى قلـب كـل مـن لـف لديـار

يرسم اشعارة بس فـى البحرين البهيـة

 

الشاعر : فارس الدرباس

 

 

 

يا هجوس الشعر

 

 

من بعد هذا][ ياهجوس الشعر][ هيا والهمام

ان كــان مــاوردتـش اعـدوود الـروا ][حـقـش][ عـلــي

 

شاعر ولا مني ][مشيت امشي][ على حسب النظام

وابـيــات شـعـري كـلـهـا مـثـل][ الـجـواهـر][ والـحـلـي

 

ولا مدحت امدح هل][ الطاله][ رفيعين المقام

اعرف متى اسوق ][جملي][ واعرف متى ارد اجملي

 

سلام يا][قايد][ هل البحرين واثني لك سلام

اعــداد حــبــات][ الــثــرىآ][ واعــداد هـــمــال الـولــي

 

سلام من احلى من قرا حلمه من بعد طول الصيام

وآلـطـف من الـنـسـنـاس ][واعـذب][ من مـواريد الدلـي

 

ياعدًل من ][الميزان][ واصدق من هماميل الغمام

واحــن مـن قـلـب الـولــي ][لاحــن ][قــلـبـه لـلـولـــي

 

ويبلغ من الطعنات ][بالخنجر ][وبالسيف الحسام

ويـنعـم مـن الـديـبـاج ][وانـواع الـلـبـاس][ الـمـخـمـلــي

 

الا رضيت ][تهون][ الكايد الى برد وسلام

والا زعـلـت تـشـب ][نـار الـحـرب][ حـتـى تـصـتـلي

 

ولا عتزلت بك ][عزوتي شيخان][ في يوم الزحام

تـاقـف لـهـا وتـقـول بـعـلـى صـوت][ يـابـنـت اقـبـلي][

 

انا اشهدٍ انك ][شوق زاهيت][ المصايف واللثام

وانـا شـهـد انـك فـوق رووس][ الـنايـفـات][ الـزحـلـي

 

يحق لك لي قلت ][انا القايد]][ انا نسل الكرام

ماهي غريبه وانت ابن عيـسـى وسـاسـك][ وايـلـي][

 

طورت ][مملكتك][ الى افظل شي واحسن مايرام

واعـلـنـت يـاشـعـب الـوفـا مـسـتـقـبـلـك مـسـتـقبلـي

 

ومشيت درب [الحق][ ضد التفرقه والانقسام

ورفـعـت صـوت الـعـز][ يـالـبـحرين][ نامي وازهلـي

 

خل][ الحسود][ يخش راسه في الرمل مثل النعام

مـثـل حـسـد بـلـوىآ وراعـيـه ][بـنـفـسـه ][مـبــتـلــي

 

وحنا معك في ما تبي الى][ الامام][ الى الامام

في الـجـو ولا الـبـر ولا في ][الـطريـق][ الساحلي

 

نظيم ][عدوانك][ علشانك وحنا مانظام

ونشوش لامن عـودت ][فـزعـه][ ونـخـوه وصـمـلـي

 

ولا عرجنا ][بـالأسـامــي][ مــاعــرجــنــا بـالـكـلام

واصـدورنـا مـن عـزة الأنـفـس][ تـفـيـض][ وتمتـلـي

 

][ياسيدي][ بقولك حاجه ولا فيها ملام

اسـتـاذنـك واقـولـهـا لـك ][واسـتـمـع][ فـي مـا يـلـي

 

فكره وقد][ قيلت ][واذا قلتها ماهو حرام

حـبـيـت اجـددهـا ][بـتـرتـيـبـي][ وشـغلــي وعــمــلــي

 

حنا ترا ][يام العريقه ][وانت عارف ويش يام

كـبـيـرنـا ][مـطـنـوخ واصـغـرنـا][ يـجـي قـرم وشلـي

 

ولا طلع فينا ][جبان ][يخاف من جنح الظلام

اخـر نـتـيـجـه عـنـدنـا ][يـذبـح مـثـل ذبـح الـطـلـي][

 

ابشر بعزك كلنا من دونك انشد الحزام

نـاقـف مـثـل ][عـثـمـان ولا مـثـل بن طالب علـي][

 

لك][ الولاء والود والتقدير واسماء الاحترام][

واقـلـوبـنـا لـك][ بالـوفـاء][ والـصـدق مـافـيـهـا خـلـي

 

لاكن باقي بيت بقوله قبل ][مسك الختام][

والبيت هذا][ يـطًـبـخ][ فـي الـراس طـنـخـه ويـغـلـي

 

لو اني ادري ان ][موتك قبل موتي][ لو بعام

][لا اعـطـيـك هـذا الـعـام وودع اربـوعـي وهـلـي][

 

 

][الشاعر : سالـم بن جخيــر العرجانـــي اليــــــــــــامي][

 

 

 

 

سلام يا دار الشهامة

 

سلام يادار الشهامه والوفـاء ديـرة حمـد حمد ذرى البحرين بانـي مجدهـا ربانهـا

حمد ملك عادل حكيم يحل صعبـات العقـد له راحةٍ بيضا ينـال المستحـق أحسانهـا

يعيش ابو سلمان رمز المجد عنوان السعـد للديرة اللي كل خيـرٍ ضمتـه باحضانهـا

دارٍ كريمه ماتصك ابوابها في وجـه احـد بالطيب والترحيب تصدح لاقبلوا ضيفانهـا

سبحان معبودٍ وهبها شامـخ الهامـه مـدد العاهـل اللـي بالعدالـه حاكـمٍ ميزانهـا

راحت يمينه غيمةٍ فيها أجتمع برق ورعـد تمطر ويروي كل معلـوقٍ ضمـي هتانهـا

لو جيت ابا اعدد عطاياها تزود عن العـدد من كثرها مازاد عنهـا الا رفيـع اثمانهـا

الله يحفظك ياحمد ويجنبـك عيـن الحسـد ويحفظ ولي العهد والدولـه يعلـي شانهـا

وانه يحفظ ال الخليفه كلهـم عـود وولـدروس الشيوخ اهل الفعول اللي ثبت برهانها

ويحفظك ياشيخٍ نهض بالشعر فوق ولاقعـد ياناصر الكلمـه خبيـر فنونهـا واوزانهـا

يرقى طموحك ماتوقف عند حـد ولا ركـد وقصايدك جزله يشوش الراس مع قيفانهـا

انظر من الالماس والجوهر والذ من الشهد نفحة بساتيـنٍ يغـازل وردهـا ريحانهـا

شاعر وشيخ وقرم وسنافي وشغموم وسنـد للي زبنك من الظروف الصعبـه ونيبانهـا

يبشر بعزه بعد ضعف العزم وانهار الجهـد لاقمت دونه تلطم ظروفـه علـى حجانهـا

ويمسي تغطيه السعاده عقب همـه والنكـد وفى الغيب يدعو لك وندعوا الله في قبلانها

قال المثل من جد ياجدها ومن يزرع حصد واللي يروم المرجله يبشر بكسب ارهانهـا

والشيخ ناصر من صباه اخذ على نفسه عهد صفات ابوه وسلم جـده مايفـك ارسانهـا

وانا اشهد انه كفو للكلمه وتحقيـق الوعـد وانه زعيم المرجلـه زيزومهـا سلطانهـا

شيخٍ رقى روس المعالي بالعزيمه وانفـرد وتقـدم الشعـار والفرسـان فـي ميدانهـا

واختامها سلام يادار الوفـاء ديـرة حمـد دارٍ يفوح العود الازرق من جميع اركانهـا

وعساك يالبحرين دايم فى امن وامان ورغد يالعيطموس اللي يغار العقد مـن فستانهـا

وفي يوم ميثاق الوطن نطلبك يالفرد الصمد توفق اللي لاعطـا كلمـه لشعبـه صانهـا

 

الـشــاعــر ضــاوي بــن عـايـض العصيـمـي

 

 

بين الملوك

 

بينَ المُلــــوك .. مـــليكٌ ! عَن البَاقين مُختلف

نِعَم التّـــناوير فِي ظِــلّه ، مَا مـــثُل و مَا سلِف

القَلب مؤمنٌ بإنفراده .. و حَق الباقين قد تلِف

دُنيا الأمن و إن لم تكُن ! هِــيَ فــيكَ و الحَلِف

 

 

و الهيبةُ .. إنـــطلاقــــة الإخــــلاص و الـــتّفاني

في ســــمحاته كَرمٌ .. فهو للخير واعدٌِ و عاني

كالنّجــــم يعلو بإبتسامه و ترحبُ فيه الأمـاني

يهلُّ البدرُ في هــــلّه .. يغيبُ و إن غاب ثواني

 

 

قلبُه الحاوي .. مالـيء الإحساس بحبُ الناس

لا ظُلم مـــــنه .. فطــهره كاســـــــــر المقياس

هو الحُســـنُ .. و أيّما قــــــول ! أيّما مـدراس ؟

مــنبع الحكمة ذاته ،، للشـرب نخبة من كأس

 

 

آراءهُ تبني من الـسّدّة منطقٌ و اعـلامُ مسـيرة

للـــشورى مــــــوطنٌ ، و للتــــــــــوافه كســيره

كلامـــــه بيــــضٌ .. تحت وفــد الســـلام أسيرة

عطــاياه كبيره .. ما اســتوقفته النوايا العسيرة

 

 

" دُعــــاء الرّب أدعـــــوه ،، يُحقـــق كل آمـالك "

" يا مـــــالك القـــلب .. بالقلـــب أنت مكـيالك "

" أنــــشد الله فــــــيك .. تيســـــــير أحــــوالك "

" يا وجــــــه الخـــــــــير .. يالعـــــالي وصـــالك "

 

 

 

 

 

بالتوفيق للجميع

 

 

 

تحياتنا

فارس الدرباس

Sheeva

[مغرم بالهوا]

 

 

تم التصويت و يعطيج الف عافيه

 

[حبيبه ابوها]

تم التصويت و يعطيج الف عافيه

[6ar6an8yh]

تم

[ونة الم]

 

 

تمـ

 

بالتوفيق

 

يعطيج العافية شيفا

 

 

[فرااااااااولة البحرين]

تمـ

 

(( مـحد مثلك ))

 

بالتوفيق للكـل ^^

[$(بنت الخليج)$]

تـــم

[es7a8ey]

تــم

[ماريا الوردية]

تم

 

وبالتوفيق للجميع

 

 

[Miss ZooZii]

Done