>< ملك الجوارح >< Posted أكتوبر 20, 2009 Report Share Posted أكتوبر 20, 2009 (edited) إلى الشباب هل تحكم على البنت من مظرها الخارجي ؟؟ يعني جفت وحده لابسه قصير قلت ذي موب شي ؟؟ في مجتمعنا الحين اكيد منقول هذي مو زينه لان المجتمع يرفض الي تلبس قصير بس اذا تبين للحق اكيد مانحكم عليها انها مو زينه وشدعوه الي لابسه برقع ومغطيه روحها كامل منفكر ان اهي زينه ياما تحت السواهي دواهي .. انا اذا جفت انجليزيه مثلا لابسه كلش قصير الى نص فخذها مابحط في بالي انها مو زينه لان هذا لباسهم هذي عاداتهم وتقاليدهم جذي لباسهم عادي بس لو اشوف بحريني لابسه الة نص الفخذ فراح استنكر الشي مابحط في بالي انها مو زينه للاسباب الي ذكرتها فوق سؤال للبنات ؟ انا مستغرب من شي واحد شلون تروحون تشترون ملابس داخليه من محلات يبيعون فيها رجال ؟ ؟ Edited أكتوبر 20, 2009 by >< ملك الجوارح >< Quote Link to comment Share on other sites More sharing options...
التنينة Posted أكتوبر 20, 2009 Report Share Posted أكتوبر 20, 2009 انا مستغرب من شي واحد شلون تروحون تشترون ملابس داخليه من محلات يبيعون فيها رجال ؟ ؟ اكييد لا. اصلا ننقهر اذا واحد مع زوجته في هالقسم>>هي تختار لها و هو لازق انزين احنا نبي ناخذ بس انت واقف نستحي يبه Quote Link to comment Share on other sites More sharing options...
lonely banota Posted أكتوبر 20, 2009 Report Share Posted أكتوبر 20, 2009 (edited) ملك الجوارح :ج 1:اناشخصيأً إذا اجوف ابنية في مجمع او في اي مكان عام مكياج اوفر اقعد اطنز عليهاصراحة احس إذا أهي حلوة مع مكياج صج بتطلع جيكرة و انا شخصياً ما حط مكياج و إذا بحط بس كحل . ج2: انا عن نفسي اسوي عباتين في السنة ج3:اكيد مستحيل ادش محل فيه ريايل و اصلن انا ابروحي مادش اخلي الوالدة بو علي:اظن إلي تلبس جذي يا ما تجوف عدل يا اهيا تبي الناس يجوفونه وعن سؤال الأول احب اقولك ما عرف ليش بس عن نفسي ما جوف اصبيان و مافتكر شنو يقولون دام انا اعرف اشلون طالعة و واثقة من نفسي. تسلمين على الموضوع Edited أكتوبر 20, 2009 by lonely banota Quote Link to comment Share on other sites More sharing options...
بوعلي00 Posted أكتوبر 20, 2009 Report Share Posted أكتوبر 20, 2009 جــ1:مو لازم لفت نظر(مع انه فيه بنات جذي)انا احب اطلع حلوة و ناعمة حق نفسي عندي سؤالين للشباب>>>ماادري عاد اذا اللحين دورنه...... سؤال يراودنيي وايد اسمع عن رجال متزوجين يسولفون عن علاقتهم الزوجية الخاصة(....) مع بعض,ليش؟؟ مو عيب هالشي وايد يبط جبذيي كل واحد يقول شسوى البارحة >>>ميته قهر.. و السؤال الثاني ليش يروحون يفترون يم مدارس البنات في الهدة ؟؟شالمغزرى يعني؟؟؟! هلا أختي التنينة. بخصوص اجابتج.. صح البنية حرة في اللي تسويه،، بس هذي طبيعة المرة.. الله خلقها جذي.. يعني المرأة بطبعها وطبيعتها تؤثر على الصبيان،، فما يصير البنت تقول انا حرة وبالبس اللي آبي وباسوي اللي آبي!! البنت مو حرة في اختيار ملابسها في حالة اذا ملابسها بتؤثر على الناس. وخل نسوي زوووم على الصورة حتى توضح أكثر. تخيلي ان بنية قالت انا اليوم خاطري اطلع بدون هدوم!! بغض النظر عن الدين والعرف والقانون.. هل هي حرة؟؟!! أترك لكم (البنااات) الإجابة. أما بخصوص أسئلتج اللي تفضلتي فيها: 1- اي انا صادفت رياييل يسولفون في أدق تفاصيل علاقتهم الزوجية مع بعض على الملأ (أكرر على الملاأ) وجدام اللي يسوى واللي مايسوى!! ليييش؟! هذي سببه نقص في رجولة الريال،، خاصة اذا كان هو متعود على العلاقات المحرمة قبل الزواج. لأنه كان متعود يقول البارحة كنت ويا فلانة وسويت وسويت وسويت!! 2- مثل إجابة أخوي ملك الجوارح،، هذلين بإختصار يايين يغازلوون ويلعبون .. وللأسف (البنات) ماعطينهم أكبر من حجمهم!! وبعدين بالعقل يا (بناااات) اللي ياي يم المدرسة يبي يتزوجج؟؟!!! يقط ميداره على أي وحدة تمر جدامه.. هل هذي يبي يتزوج؟؟!! ليش ترخصين في روحج يا بنية؟! إلى الشباب هل تحكم على البنت من مظرها الخارجي ؟؟ يعني جفت وحده لابسه قصير قلت ذي موب شي ؟؟ بعد ويا إجابة أخوي ملك الجوارح،، شكل البنت يعطينا فكرة عن البيئة اللي متربية فيها. بما اني جفت روحي حاله شاذه عن اغلب التصرفات اللي يتصرفونها البنات ف قررت ان اوقف مع الشباب ضد البنات ف ماعندي كلام زود على الاخ بو علي و برشلوني أول أسييييرة صدناها!!!! ههههههههههههه لأن صج أختي اللي نشوفه من البنات هالأيام أووووفر وااااايد!! وبدليل كلامج اللي ذكرتيه عن الحركات اللي يسوونها!! مادري ليش البنات هالأيام يرخصون في روحهم!! لا وحق كل من!! وللأسف (البنات) يتصرفون بغباء مبااااااااالغ فيه في كثيييير من الأحيااان. والله العظيم (وعلى قولة عاشقة الاخوة قسماً عظماً والله العظيم ) لو تسمعون شيقولون الصبيان في قعداتهم عن البنات جان حطيتوا يدكم على راااسكم!! أسامي بنات بعوايلهم،، اسمها يعرفه ويقوله اللي يسوى واللي ما يسوى،، يحاجيها جدام اللي يسوى واللي ما يسوى،، يراوي ربعه صورها اللي (الذكية) مأمنته عليهم!!! شاقوووول وشااااخلي!! ليش ترخصون من روحكم يا (بنااااااااااات)؟؟!! في الختام،، أعتقد ان (البنات) اللي نتكلم عنهم من كوكب ثاني بعيييييد عن كوكبنا.. بدليل الإستنكااااار اللي نشووفه من (بنات حوا) لااااااااا هذي كللله مافييينا!!!! ههههههههههههههههههههههه Quote Link to comment Share on other sites More sharing options...
برشلوني حتى النخاع Posted أكتوبر 21, 2009 Report Share Posted أكتوبر 21, 2009 هههههههههههههه لا تعليق سوى هاردلكم يا اللي تلعبون ضد بوعلي وملك الجوارح سؤال الى البنات .. كيف يمكن للمرأة ما شاء الله عليها إدارة المنزل والقيام بتربية العيال وايضاً النجاح في العمل الخارجي .. بنسبة 100% هاذي المقولة قالوها وجفت نماذج قليل عليها هل يمكن أن نرى في خواتنا وبناتنا في هالزمن هاذي المواصفات ؟ ام اصبحت للمنافسة مع الأزواج والنحاسة وعدم الاكتراث نصيب في ذلك .. بداعي تقدير الذات Quote Link to comment Share on other sites More sharing options...
بحرينيه احلى من العسل Posted أكتوبر 21, 2009 Report Share Posted أكتوبر 21, 2009 السلام عليكمـ سؤال للبنات انا مستغرب من شي واحد شلون تروحون تشترون ملابس داخليه من محلات يبيعون فيها رجال ؟ ردي على ذي السؤال؟؟؟ ومن قال انه احنا مانستحي وانروح نشتري هالاشيه من محلات يبيعون فيها رجال اذا صاحب المحل حاط له عمال من الرجال شنسوي احنا ؟ هالاشيه ضروريه حق البنيه ولازم انروح نشتري يعني انتم جذي لين كل المحلات يصير فيها موظفات مايصير هالحجي احنا انروح مجبورين صج نستحي وانتفشل اصلا لانه الريال بيتدخل بخصوصيات المرة بقولها هذي حلو او هذي احلى وهاللون احلى وجي يعني غصب عنا انتفشل وغصب عنا اندش ونشتري لانه اشيه ضروريه؟؟؟ والغلط ترى من اصحاب المحلات والدوله لازم اتحط رقابه على هالمواضيع هالمووضوع وايد عوود ووايد غلط صراحه؟؟ اهما مايستحون يعرضون الملابس الداخليه في المجمعات عرض حق الشباب والشباب وتعليقاتهم واحنا انتفشل من هالموضوع الغلط واللوم مب علينا لانه هالشي ضروري لازم الدوله اتراقب هالاشيه واتجيك لانه هالاشيه اتخص البنات ولازم يكونون الموظفين من النساء واكيد هالرد بكون كافي على سؤالك لانه انروح مجبورين مب بارادتنا... واحين ترى قليل انه رياييل يبيعون ملابس داخليه حق البنات شوي في تطور بس اتمنى الخرابيط الموجوده في المجمعات يخلونها سكرت مايعرضونها برع حق الاولي والتالي ويسببون الاحراج لنا لانه في بعض من الصبيان الله يعزكم قليلين ادب يحرجون البنيه لما اتمر على هالمحل او اذا كانت طالعه مع المحل وثانكس Quote Link to comment Share on other sites More sharing options...
بحرينيه احلى من العسل Posted أكتوبر 21, 2009 Report Share Posted أكتوبر 21, 2009 سؤال الى البنات .. كيف يمكن للمرأة ما شاء الله عليها إدارة المنزل والقيام بتربية العيال وايضاً النجاح في العمل الخارجي .. بنسبة 100% سؤال وايد حلووو ماعتقد في انسان بيرفكت صح ولا غلط ؟؟؟ مافي انسان كامل الكامل الله... لازم بكون في تقصير المرة وعليه اتدير البيت وتربي العيال واتروح شغلها وتكرف لازم بكون في تقصير في واحد من هالاشيه لانه المرة مب مكينه بتقدر توفي كل هالاشيه مرة وحده صح ولا غلط؟ في ناس تقدر تسيطر عالوضع بس مستحيل اتكون بيرفكت 100% انا عن نفسي بنيه وللحين ماتزوجت اشتغل ارد من شغلي تعبانه ومالي بارض اسوي شي من التعب المرة ماتقدر اتكون بيرفكت لازم في مساعد معين مثل الشغاله... في شغلي القبلي عندي رفيجه متزوجه الدوام كان من ثمان لي اربع اربع انخلص شغل تطلع اهي على زحمه اليسر لين توصل محرق صارت خمس اترد البيت تعبانه بتريح شوي بتاكل لها شي وبتروح اتدرس عيالها ولين اتدرسهم صارت الساعه ثمان تقريبا بياكلون بخلصون كل واحد بروح يرقد لانه ريلها وراه دوام واليهال وراهم روضه امتى بتقعد معاهم عدل امتى بتراعي ريلها امتى بتجوف اللي جدامها واللي وراها؟ يعني وايد صعب هالشي صح ولا غلط ؟؟ الحمدلله عندها شغاله لو ماعندها شغاله شبتسوي راح اتقط عيالها على ريلها يعني برد من الدوام وبجابل العيال لين اتيي مرته من الدوام واكيد الريال يبي ايي يبي يلقى غدى يبي مرة اتجابله اتجوفه تداريه اهني راح اتكون مقصره في حق عيالها ومقصره في حق ريلها صح ولا غلط واهي مجبورة انها تشتغل لظروف الحياه.... وعليه المرة مظلوومه كل شي عليها مساكين احنا بتشتغل بتمشي امور الحياه وبتدير بيتها لانه مجبورة اتابع هالامور وبتربي عيالها وتربيه العيال صارت صعبه صراحه مب نفس اول انه ماقول الا الله كريم والله يعين المرة والله على كل هالاشيه Quote Link to comment Share on other sites More sharing options...
>< ملك الجوارح >< Posted أكتوبر 21, 2009 Report Share Posted أكتوبر 21, 2009 السلام عليكمـ سؤال للبنات انا مستغرب من شي واحد شلون تروحون تشترون ملابس داخليه من محلات يبيعون فيها رجال ؟ ردي على ذي السؤال؟؟؟ ومن قال انه احنا مانستحي وانروح نشتري هالاشيه من محلات يبيعون فيها رجال اذا صاحب المحل حاط له عمال من الرجال شنسوي احنا ؟ هالاشيه ضروريه حق البنيه ولازم انروح نشتري يعني انتم جذي لين كل المحلات يصير فيها موظفات مايصير هالحجي احنا انروح مجبورين صج نستحي وانتفشل اصلا لانه الريال بيتدخل بخصوصيات المرة بقولها هذي حلو او هذي احلى وهاللون احلى وجي يعني غصب عنا انتفشل وغصب عنا اندش ونشتري لانه اشيه ضروريه؟؟؟ والغلط ترى من اصحاب المحلات والدوله لازم اتحط رقابه على هالمواضيع هالمووضوع وايد عوود ووايد غلط صراحه؟؟ اهما مايستحون يعرضون الملابس الداخليه في المجمعات عرض حق الشباب والشباب وتعليقاتهم واحنا انتفشل من هالموضوع الغلط واللوم مب علينا لانه هالشي ضروري لازم الدوله اتراقب هالاشيه واتجيك لانه هالاشيه اتخص البنات ولازم يكونون الموظفين من النساء واكيد هالرد بكون كافي على سؤالك لانه انروح مجبورين مب بارادتنا... واحين ترى قليل انه رياييل يبيعون ملابس داخليه حق البنات شوي في تطور بس اتمنى الخرابيط الموجوده في المجمعات يخلونها سكرت مايعرضونها برع حق الاولي والتالي ويسببون الاحراج لنا لانه في بعض من الصبيان الله يعزكم قليلين ادب يحرجون البنيه لما اتمر على هالمحل او اذا كانت طالعه مع المحل وثانكس اوكي اشياء ضروريه اختي ما اختلفنا بس في اماكن قليله يبيعون فيها بنات في بعض البنات يتعمدون يروحون مكان الرجال الي يبيع هالسوالف انا ما اقول الكل انا اقصد هالفئه يعني شلون ماتستحي ساعات في محل صوب بيتكم مثلا يبيع فيه رجال وفي مجمع تبيع في المحل بنت مايروحون الى للبنت الي في المجمع لا يروح للي عند بيتهم بس عشان مايتعبون روحهم Quote Link to comment Share on other sites More sharing options...
بنت الحداده Posted أكتوبر 21, 2009 Report Share Posted أكتوبر 21, 2009 هل يمكن أن نرى في خواتنا وبناتنا في هالزمن هاذي المواصفات ؟ جذبني سؤالك ,, في نظري ان القدرة في التوفيق بين اكثر من شي " موهبة " .. يعني على سبيل المثال الوالدة الله يحفظها تقدر تركز على شيين مثلاً تقرأ وتسمعني لكن انا شخصياً ما أمتلك هذي القدرة .. ونفس الشي مسألة التوفيق بين العمل والأدارة المنزلية " موهبة " , مو مستحيلة لكن مو عند كل النساء يعني مو كل وحدة تقدر تكون بيرفكت في بيتها وبيرفكت في شغلها لكن في النهاية لو كانت 100% في شغلها و 100% في بيتها راح تكون تبذل جهد فوق العادي وهالشي ممكن يسبب لها ارهاق ويمكن امراض لا سمح الله بس مسألة التوفيق مهمة يعني لو كان رب البيت متساعد ويقوم بواجبه في البيت راح يكون مطلوب منها 50% فقط في البيت لأن الزوج يشيل باقي المسؤلية , واعتقد هالشي ممكن عند كل البنات بس الي نشوفه ان الزوج يرجع من الشغل يتعامل مع كل البيت وبمافيهم زوجته ولو كانت عاملة أنه تعبان ولحد يكلمه ويبي من يخدمه لأنه بذل مجهود وينتظر من زوجته شي اهو نفسه ما يقدر عليه ما اعمم بس هذي حقيقة ونسبة عالية من الأزواج يفكرون بهذي الصورة Quote Link to comment Share on other sites More sharing options...
ضما الوله Posted أكتوبر 21, 2009 Report Share Posted أكتوبر 21, 2009 ردي على سؤال اخوي برشلوني حتى النخااع صراااحه يعني انه في الجااامعه اجوووف هالشيييي اي صج وايد عيون البنات اتلاقط على الشباب لا وساعات اشكره حتى ساعات استغررررب :! بس طبعا مو كل البنات جذذي امممم يخلوووني صراااحه لو انخطبت باذن الله باغييييير على خطيبببي غيره مب طبيعيه وعاد اهوه كيفه لان اللي جفته من البناات مو شوييييييه.... وعلى السؤال الثاني يعني مافيها شي لو الزوج ساعد زوجته في شغل البيت لو كان فاضي بالعكس احساس وااايد حلووو انهم يتشاركون في ابسسط الاشياء ويتحملون مسؤولية البيت مع بعض وحتى لو ساعدها في الطباخ والتنظيف ترى مافيهااا شي بالعكس يعتبر تشجيع لها ومشكورين على هالموضوع Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.