بوعلي00 Posted نوفمبر 15, 2009 Report Share Posted نوفمبر 15, 2009 (edited) السلام عليكم ورحمة الله وبركاته.. قسم هنا البحرين.. كثرت فيه الأقاويل.. وكثر فيه الكلام.. ماكنت صراحة ادخل هالقسم الابعد ماسمعت اسمه من قبل بعض الأعضاء في انه تصير فيه (مشادات) واااايد.. البعض يشوف هالمشادات ايجابية..فيطالب ببقاء القسم.. والبعض يشوف ان هالشادات سلبية فيطالب بحذف القسم.. والبعض يطالب بجعل المواضيع مقروءة فقط وغير قابلة للرد من قبل الأعضاء.. أنت شرايك؟؟ تتمنى استمرار القسم.. والا حذفه؟! والا عندك خطة ثانية؟! مع ذكر الأسباب. Edited نوفمبر 15, 2009 by بوعلي00 Quote Link to comment Share on other sites More sharing options...
6ar6an8yh Posted نوفمبر 15, 2009 Report Share Posted نوفمبر 15, 2009 لي عوده وبشده Quote Link to comment Share on other sites More sharing options...
6ar6an8yh Posted نوفمبر 15, 2009 Report Share Posted نوفمبر 15, 2009 كلنا نعرف ان مشكله المنتديات الاساسيه شنو؟؟؟ صغر السن او بالاحرى العقليه الصغيره وهاي السبب الاساسي في منتدانا وبالخصوص قسم هنا البحرين شنو يعني هنا البحرين؟؟؟ قسم خاص لاخبار البحرين بشكل عام وشلي صاير في هنا البحرين؟؟؟ كل واحد يحط راسه براس الثاني هذا يسب الشيعه وهذا يسب السنه!! وهذا يسب شيوخ الشيعه وهذا يسب شيوخ السنه وهذا يسب اهل البيت وهذا يسب الصحابه وبعدين!!!!!!!!!!!!!!!!!!!!!!!!! لايكون كلامهم بيغير شي ع ارض الواقع ؟؟؟ كل واحد مقتنع بمذهبه خلاص ماعليه من كلام الثاني احنا كباار عقلنا اكبر من جذي وبعدين ؟؟ لي وين بنوووصل!! انت غلطت الله بيحاسبك اهوه غلط الله بيحاسبه دينه غلط دينك غلط محد بيدخل الثاني الجنه ولا احد بيحاسب احد ع اعماله كل واحد يحترم الثاني وخلاص ولا تقولون فلان مو محترم انه ما بصير محترم وفلانه ما تحترمني انه ما بحترمها احترمو المكان الي انتو يالسين فيه المنتدى له احتراممه وايد نجوف حجي هذا ما يحترمني ما بحترمه هذا يغلط علي بغلط عليه والله جنكم في ابتدائي وتقولوون للمعلمه جوفو فلان كتبت على دفتري جوفو فلان خذ قلمي جوفو فلان طقني من الي قاعد يتحجى!!! اعضاء اعمارهم ما تتعدى 15 سنه للحين في المدرسه ولا يعرفون شي في السياسه ولا في الدين خل يكملون مدرستهم اول بعدين يتحجون في سوالف اكبر منهم!!سوالف والله العظيم ما يفهمونها اهما اهما حاطين في بالهم انه سني؟ لازم اسب الشيعه انه شيعي لازم اسب السنه انزين السبب ؟؟ مافي سبب ؟ عاده متوارثه؟ شي قاعد يصير كل من يسويه انه لازم اسويه بعد؟؟؟ يعني جوفو وين وصلنا!! قسم لاخبار البحرين بس يدخلون فيه كل شي انه بعقلي بس.. ادش موضوع اجوف ان الموضوع شي والردود شي ثاني وكله كلام غير منطقي وكلام غلط شي مستحيل ان اتناقش مع هالشخص يعني مدري مدري شلون اوصف الوضع.. انه من وجهه نظري اجوف ان الاعضاء عندهم هنا البحرين نقطه تجمع حلوه حق الهواش وحق لعب لعياال يعني اي رد يحسون انه بتصير فيه شوشره يحطونه اي موضوع حلو ومثير لنشر الفتنه يحطونه انه استغرب لما اجوف مواضيع دينية في قسم يخص اخبار البحرين؟؟؟ واستغرررررب لما موضوع عادي ينقلب موضوع ديني بذمتكم تهقون يسوى اتناقش مع ناس عقليتهم جذي؟؟؟ موضوع حادث اول شي يقلبونه موضوع تجنيس بعدين موضوع ديني ومذاهب وبعدين مدري وين يوصل والي يضحكني الاعذار الي يطلعونها حق سبب هالمشادات والفوضى انه ادافع عن ديرتي انا ادافع عن مذهبي <- وين الدفاع! الدفاع يصير بهالطريقه؟؟؟ لين بنيي حق ارض الواقع وبعيد عن المجاملات في بعض الاشيا يسوونها السنه ما تعجبني وفي بعض الاشيا يسوونها الشيعه ما تعجبني وحتى سياسه ديرتي بعضها ما تعجبني ومن وجهه نظري احسها غلط × غلط .. فلين بغيت اتحجى باتحجى باسلوب راقي وبوصل وجهه نظري اما بهالطريقه الي بصراحه اعتبرها طريقه تضحك كلام كله كلام يهال مستحيل اتحجى!! خلينا نقارن باقي الاقسام بقسم هنا البحرين .. في اعضاء تناقش المواضيع العاديه عدل!!؟؟؟ في اعضاء ترد على المواضيع بطريقه صح؟؟؟!!! لو بعطي الاعضاء نسبه للي ردودهم احسها منطقيه في باقي الاقسام 20% فهل تتوقعون ان الي صاير في هنا البحرين عدل؟؟! يعني مشادات واختلاف في الراي الي صاير سليم ولا لعب عيال؟؟؟ فرايي الشخصي يقول المشادات ايجابيه ولازم يتم القسم المشادات سلبيه ولازم ينحذف القسم ( جعل المواضيع مقروءه ومحد يقدر يرد عليها ) *كلش استبعد فكره المشادات ايجابيه وما اتوقع اي انسان عاقل بيقول ان المشادات ايجابيه... *واكيد المشادات سلبيه من وجهه نظري والله عمري ماجفت احد تحجى بعقل في قسم هنا البحرين؟ اول شي خل يتعلمون يردون على مواضيع عدل ويتناقشون في امور عاديه عشان يتناقشون في السياسه والدين اموووور عاديه امووور في حياتنا اليوميه نجوفها ونسويها ما يعرفون يركبون كلمتين على بعض عدل ويقنعون غيرهم برايهم فشلون في امور السياسه والمذاهب ؟؟؟! شي يضحك وقسم بالله يضحك بس فكره ان ينحذف القسم ما اايدها لانه القسم يغنيني عن تفصح الجريده كل موضوع يخص البحرين بعرفه سواء سياسي او غيره فليش ينحذف قسم كامل وينحرمون ناس وايد اهتماماتهم الاخبار بسبب فئه من الناس تحب تنشر الفتنه وتثير المشاكل الفتنة نائمة لعن الله من أيقظها ردي خربطيشن ترى المفروض ارقد من مساعه بس قلت برد بعدين بارقد اختلاف الراي لا يفسد للود قضية Quote Link to comment Share on other sites More sharing options...
عاشقة الاخوة 27 Posted نوفمبر 15, 2009 Report Share Posted نوفمبر 15, 2009 رايي مثل ما اهوه في قسم هنا البحرين و قلته في كرسي الاعتراف مالي و اكرره هني بعد الاحسن ان تكون المواضيع في هالقسم للقراءه فقط .. احسن مما اليهالو يتهاوشون فيها بدون معنى انه مــاچوف ان النقاش هناك يعتمد على اسلوب حضاري ،، ما نچوف غير التمسك بالرأي و فرضه على الناس بالقوه ،، و استخدام كلمات بذيئه مالها اي صله بالاحترام و الادب و اللباقه و ............... يستمر الجهل في كتابة الردود Quote Link to comment Share on other sites More sharing options...
المحروم1610 Posted نوفمبر 15, 2009 Report Share Posted نوفمبر 15, 2009 الفتنة نائمة لعن الله من أيقظها Quote Link to comment Share on other sites More sharing options...
بوعلي00 Posted نوفمبر 16, 2009 Author Report Share Posted نوفمبر 16, 2009 كل الشكر للي ردوا على الموضوع .. (طرطنقيه، عاشقة الاخوة، المحروم) رايكم ان القسم يكون متاح للقراءة فقط لمعرفة أخبار البحرين،، لأن : 1- القسم لا يحقق اهدافه في (طرح الأخبار) بل ياخذ منحنى آخر وهو النقاش والغير هادف أصلاً. 2- أهمية المواضيع لا تتناسب مع متوسط غالبية أعمار الأعضاء اللي يدخلون القسم واللي يفتقدون الى الثقافة وكفاءة المعلومات اللي يتناقشون فيها. 3- افتقار الأعضاء الى أسلوب الحوار الراقي في الاقناع من حيث نوعية الكلمات المستخدمة وأسلوب الكلام والتعامل. سبق وأن أثيرت هالنقطة من قبل.. وكان رد الأعضاء هو ان مانقدر نشوف خبر مصورينه بصورة خاطئة وما نرد عليه.. والمجموعة الثانية قالوا احنا بعد من حقنا ندافع عن روحنا ومايصير نسكت!! مادري شنو تعليقكم؟! Quote Link to comment Share on other sites More sharing options...
6ar6an8yh Posted نوفمبر 16, 2009 Report Share Posted نوفمبر 16, 2009 كل الشكر للي ردوا على الموضوع .. (طرطنقيه، عاشقة الاخوة، المحروم) رايكم ان القسم يكون متاح للقراءة فقط لمعرفة أخبار البحرين،، لأن : 1- القسم لا يحقق اهدافه في (طرح الأخبار) بل ياخذ منحنى آخر وهو النقاش والغير هادف أصلاً. 2- أهمية المواضيع لا تتناسب مع متوسط غالبية أعمار الأعضاء اللي يدخلون القسم واللي يفتقدون الى الثقافة وكفاءة المعلومات اللي يتناقشون فيها. 3- افتقار الأعضاء الى أسلوب الحوار الراقي في الاقناع من حيث نوعية الكلمات المستخدمة وأسلوب الكلام والتعامل. سبق وأن أثيرت هالنقطة من قبل.. وكان رد الأعضاء هو ان مانقدر نشوف خبر مصورينه بصورة خاطئة وما نرد عليه.. والمجموعة الثانية قالوا احنا بعد من حقنا ندافع عن روحنا ومايصير نسكت!! مادري شنو تعليقكم؟! مانقدر نجوف خبر مصورينه بصورة خاطئه ومانرد عليه..! في حياتنا احنا بيتنا مدرستنا جامعتنا فريجنا شغلنا مجتمعنا هل كل خبر نسمعه ويقولونه الناس صحيح؟؟ شلون نتعامل معاه ؟؟ شلون نوصل وجهه نظرنا؟؟ انه لما احد يتهمني اتهام باطل وابي ادافع عن نفسي شلون يكون الدفاع عن النفس؟؟؟ اذا اساساً الاعضاء في قسم هنا البحرين يتعمدون النقاش الغير هادف ويفتقرون للمقومات والصفات الي لازم تكون في الشخص المناقش ولا عندهم اسلوب اقناع ولا عندهم اسلوب نقاش ولا عندهم احترام لاراء غيرهم شلون يبررون الي صاير بهالاسباب؟؟!! حلو الواحد يكون له تفكيره المستقل عن غيره تفكيره اهوه مو تفكير غيره مخي مخي مب قادره اصيغ الكلام خخخخخخخخخخخخخ يعني شاقول لك خبر غلط يا انك تبرر ان اهوه غلط بطريقه محترمه وتحترم راي غيرك حتى لو ما كنت مقتنع فيه احترم مشاعره ياخي احترم مشاعر الطرف الثاني يا لا ترد وفك عمرك ... اما انك ترد بشي حتى لو كان كلامك صح بطريقه مو محترمه وهذا مو رايك اساسا ولو احد يسألك ليش رديت جذي تقول مادري والله ؟؟ لانه هلي جذي؟ وربعي جذي؟ وفلان سمعته قال جذي؟؟؟ خخخخخخخخخخخ والله مب عارفه اوصل وجهه نظري بس الي قالوه اعذار بايخه وكلام عيال Quote Link to comment Share on other sites More sharing options...
عاشقة الاخوة 27 Posted نوفمبر 16, 2009 Report Share Posted نوفمبر 16, 2009 سبق وأن أثيرت هالنقطة من قبل.. وكان رد الأعضاء هو ان مانقدر نشوف خبر مصورينه بصورة خاطئة وما نرد عليه.. والمجموعة الثانية قالوا احنا بعد من حقنا ندافع عن روحنا ومايصير نسكت!! مادري شنو تعليقكم؟! وليش ما يصير تسكت ليكون عاد نفسك عنصر سياسي مهم في الدوله !! انت لازم تسكت لان ماعندك اسلوب محترم ولا عندك قدره على اقناع الناس بوجهات نظرك .. او حتى على الاقل ماعندك قدره ان تخلي الناس تقرأ ردودك ولو مجرد قراءه !! بعد تتكلم ليش اذا كلامك راح يؤخذ على ان كلام سفيه ! اختلاف الرأي وارد في كل مكان و في كل الامور يعني شي لابد منه الاخبار اللي تنزل في هنا البحرين اعتقد ان اغلبها اذا مب كلها تكون منقوله من الجرايد المحليه (المفروض يعني) .. انزين اذا الجرايد بينها و بين بعضها تختلف آرائهم في القضايا السياسيه ، هذا لا يعني ان الجرايد راح تتوحد و يكون لها رأي واحد عشان ينتهي الاختلاف بينهم .. الاختلاف موجود .. كل شخص يطالع بنظرته الخاصه و يقيس الامور و القضايا بشكل مختلف .. احنه مب رافضين ان الواحد يدافع عن رايه .. دافع عن رايك مو بس لانك تبي تدافع و خلاص .. دافع لان يمكن تكون عندك كلمة حق و الناس غافله عنها و انت حاب توضحها أو ..... أو ........ بس الاسلوب يا ناس .... و بعدين الواحد لازم تكون عنده خبره و معلومات كاااافيه عشان يدش في النقاشات السياسيه لان السياسه بالذات صايره مثل السلسله كل شي متعلق ببعضه و في النهايه تعود للتاريخ القديم .. الاعضاء چم اعمارهم و شنو دراستهم عشان يتكلمون في السياسه ؟؟ بعضهم يدش في امور تخص الحاكم و الحكومه .. و بعضهم يتكلم في امور تتعلق في امن دوله .. كل واحد فيهم ينقل افكار اهله بدون تفكير و الي يزيد الطين بله انهم يبدون آرائهم باساليب مالها اي صله بالاحترام .. يعني في النهايه ماراح يطلعون بأي نتيجه غير ان الواحد يقول الحجي اللي عنده واللي سمعه و خلاص ؟!! انزين الواحد اذا بيسوي اي شي لازم يفكر في النتيجه قبل ولازم تكون نتيجه ايجابيه او على الاقل تضيف له شي .. انزين اهمه بهالطريقه في النقاش لي وين بيوصلون ؟؟ و شنو بيستفيدون ؟ Quote Link to comment Share on other sites More sharing options...
>< ملك الجوارح >< Posted نوفمبر 16, 2009 Report Share Posted نوفمبر 16, 2009 اسمحوا لي اشارك واعطيكم رايي ؟ السالفه مو في المواضيع السالفه ف العقليات بس احنا الي عندنا 3 او 4 اعضاء مسوين القلاقل زين نطردهم ونفك عمرنا الاحداث السياسيه في البحرين من السبعينات مو توها جديده عشان نتعصب يعني شي صار روتيني قبل سنه او سنتين جفتون هنا البحرين مثل ما هو هنيه الحين ؟ ليش ؟ شنو السبب حتى لو عضو يحط موضوع عن الاحداث يكتب رايه ويمشي باحترام الحين الكل يكتب رايه بدون احترام الطرف الثاني وتتطور الى السب في المذاهب ... انا من رايي ان يخلون هنا البحرين للحوادث المروريه للاخبار مايحطون فيه اخبار سياسيه لان اكثر الهواش والسب في المواضيع السياسيه اقترح اي موضوع سياسي ينحذف Quote Link to comment Share on other sites More sharing options...
ماريا الوردية Posted نوفمبر 16, 2009 Report Share Posted نوفمبر 16, 2009 (edited) المشكلة اللي صايرة في هنا البحرين انه الأعضاء يترددووون على الموضوع اكثر من مرة ويقتبسون ردود ويردون مرة ثانية ويسجلون بعضويات ثانية خلاص كفاية كل عضو يرد ويطلع من الوضوع يسلمووو على الموضوع Edited نوفمبر 16, 2009 by ماريا الوردية Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.