كـ ل ـي دلع Posted نوفمبر 19, 2009 Report Share Posted نوفمبر 19, 2009 (edited) هذا الموضوع منقول من منتدى ثاني للكاتية إخصائية إجتماعية ... -------------------------------------------------------------------------------- السلام عليكم و رحمة الله و بركاته اللهم صل على محمد وآله و صحبه أجمعين أولا بعرفكم بنفسي .. أنا خريجة بكالريوس علم إجتماع .... حبيت أناقشكم في موضوع منتشر و بشدة في أوساط مجتمعنا .... و هدفي تصحيح المفاهيم الخاطئة لدى شبابنا و رجالنا البحرينين خاصة و الخليجيين عامة ... قررت أن أكتبت هذا الموضوع بعد أن سمعت العجب في كلام البعض من الرجال و الشباب... ************** للأسف هذهِ كلمات باتت تتناقل بين الشباب و الرجال "تزوج لبنانية تفرح" ... "يا خوك مافي أحسن من الفلبينية" .. " السورية عسـل ........ لكن البحرينة بصل" ....... بعضهم يقولون "البحرينية ... متكبرة ! مغرورة ! تتطلب واجد ! مو متواضعة" ... لاحظوا .... إنني أخطاب الشباب و الرجال المتزوجين والغير متزوجين اللذين يحملون في جماجمهم هذه الفكرة. تكلمت مع بعض الشباب ...... وتناقشت معهم في الموضوع ... كان هذا سؤالي لمااااااااااااذا ؟؟؟؟؟ لماذا الزواج من هذي الجنسيات ...... طبعاً طلعت الإجابة بكل سهووووووووووووووووووولة من لسانهم الجمال .. إحترام الزوج .. متواااااضعة .. ما تتطلب واجد .... دلوعة ... مصاريف الزواج قليييلة و قالوا العكس في البحرينية ....سألتهم سؤال ثاني بات يحرق وجوههم ... عزيزي ... قلت التواضع و حسن التعامل مع الزوج ، كيف عرفت ؟ عايش معاهم ؟ دخلت بيوتهم وشفت حياتهم و اسلوبهم ؟ اخوك متزوج وحده من هالجنسيات ؟؟ او يمكن انت متزوج منهم او على علاقة بوحده منهم .....! طبعا تدوده الأخ ..... لان الجواب لا على كل سؤال .... إذا كيف عرف ذلك ؟؟؟؟كيف إنزرعت هذهِ الفكرة في عقول هؤولاء الضحايا ياترى ؟؟؟؟؟لا تعلم صحيح؟ ........ إذن تابع القراءة و ستعلم ..ولكن قبل أن اذكر كيف انزرعت هذهِ الفكرة في عقولهم سأناقش معكم الأسباب التي ذكروها الشباب عن سبب الزواج من الأجنبيات ..... و سأعقب عليها ...قالو الجمال .... الجمال موجود في كل مكان ، و في كل بلد في العالم فيه الجميلات و العاديات يعني ( مثال ) في فلبينيات جميلات و في فلبينيات عاديات و في فلبينيات مو حلوات ... كذلك في البحرين عندنا البيض و الحمر و السمر .. ما شاء الله لا قوة إلا بالله جمال الخليج غيييييييييييييييييير .قالوا التواضع و القناعة .... يا أخواني انا زوجة بحرينية اعيش في غرفة في بيت أهل زوجي و الحمدلله أحمد ربي و أشكره طبعا أنا وحده من ألف وحده .. وصعب احصيهم لانهم واجد خواتي ثنتين جذي .. صديقاتي .. بنت عمي ...... و يمكن أنت ايها القارئ عندك زوجة أو إخت أو بنت عم او بنت خالة و غيرهم كثيييييييير كثيييييير و طلباتهم جدا عادية .. أغلب الزوجات البحرينيات جذي .. أما الباقي فأجوف أزواجهم منهم و من نفسهم كرماء ( معروفين أهل البحرين بالكرم )قالوا مصاريف الزواج ... صح إن اغلبهم يصرفون ... لكن لازالت الدنيا بخير ... و أنا أعرف بنت من مئة بنت مهرها 800 دينار بدون طايح و بدون ذهب .. حتى بدون غرفة نوم يعني غرفة زوجها العادية سرير أبو نفر .. و الله العظيم اعرف وحده بحرينية تنام مع زوجها على الأرض في حجرة في بيت أهل زوجها . يعني الدنيا بخير و انت ايها الشاب أكيد تطمح لتكوين حياة زوجية سعيدة ومستقرة هل تستكثر هذه السعااااااااااادة على نفسك ؟وقالوا إن البحرينية متكبرة و مغرورة .. ما بناقشها لان بصراحة مادري من وين جابوها هالكلمة و بترك الجواب لكم .... كلكم عندكم خوات واحكمواقالوا عن ثقافتها الجنسية ماشاء الله الزوجات البحرينيات مبدعات .... و اللي ما تعرف تتعلم ................. و ما بطوّل ..و كل صفة من هالصفات اللي قلتها فيها نقيضها في كل بلد في العالم يعني حتى البحرين فيهم بنات مافيهم هالصفات مثلا .. لكن هذا الشي موجود في كل الدول فهمتون ؟؟...... ***************كيف انتشرت هذهِ الفكرة ؟ و هذا المهم 1_ الإعلام ... المغنيات و المذيعات و بطلات الأفلام اغلبهم من هذي الجنسيات العربية لانهم متحررين فماعندهم مانع من الظهور في التلفزيون .. و من الطبيعي جدا إن اي قناة او فيلم او اي برنامج لن يقبل إلا بالجميلات (( عشان شهرة البرنامج وسمعته وزيادة عدد المشاهدين)) طبعا بعد كثير من عمليات التجميل و السمكرة ههههههههههههههه .... و شبابنا يشوفونهم يفكرون إن كل بنات بلدهم جذي و يبدأون بالمقارنة ..... لكن هناك الكثير الكثير من هذي الجنسيات أشكالهم عادية و أقل من عادية .... الخليجيات ( البحرينيات ) الحسناوات معظمهم محاافظات و لا تسمح لهم عاداتهم و لا آباءهم بالظهور في التلفزيون . 2_ شلة الإصدقااااء أثرها كبير.... يسوون دائرة و يقعدون يتكلمون في هلموضوع وكل واحد يفتي من عنده ... يقولون البحرينية متكبرة وماترضى بشي .... يرسلون لبعض معلومات خااطئة فتأثر على تفكير هالشباب و يصدقها عقلهم . وهذا ما يسمة بالعقل اللاواعي .. و رسائل العقل الباطن للنفس .. 3_ اماكن الدعارة اللي تضم الكثير الكثير من هالجنسيات ( بعد هذا شغلهم لازم بيبدعون فيه ) فلازم يسوون لهم تسويق غير مباشر حق الشباب وانتوا ياالشباب يا خساره عليكم مثل الإمعة تتبع اللي قدامها (مو كلكم ، لكم كل احترامي ) .. استغفر الله ربي . 4 _ اصبحت الزوجة و المرأة الخليجية نكنة تتقاذفها المقالات في المنتدبات المواقع مثل ( مقارنة بين الزوجة السورية و الزوجة البحرينية !! ) و هذا الكلام كله غبي و ماله أساس من الصحة و ممكن في أمور ثانية .... إطرحها إن أحببت ...لكن اساس كل هذا هوالترويييييييييييج السياحي لبعض الدول الفقيرة عن طريق بيع الأجساد .. إنهم فقراء يبحثون عمن يعمر جيوبهم اخواني.. فانتبهوا.. انتبهوا جيداً .. إنهم يسوقون لأنفسهم بطرق غير مباشرة إنهم يسوقون لنفسهم بعمل غسيل المخ لكم يا رجال فاحذروا يغسلون مخوخكم و يشحنونها بالتقليل من شأن البحرينية أو الخليجية و جعلها مااادة دسمة . حسبي الله و نعم الوكيل .. ********************** شباب بصراحة اني كتبت هالموضوع لان حز في نفسي واجد الكلام اللي سمعته يتناقل بين الشباب عن البحرينية .... و مقارنتها بغيرها ...أخواني أني مو هدفي أقلل من شأن الجنسيات الآخرى فكلهم فيهم الخير .... لكن قصدي إن الزوجة البحرينية أيضا جميييييييلة و مميزة و دلووووووعة ..... فالسعادة يا اخواني ليت لها علاقة بالجنسيات إنها ترتبط بزوج و زوجة يتقنون فن التعامل مع بعضهما ... ففي كل مكان في العالم زوجة تعرف تتعامل مع زوجها .. و زوجه لا تعرف[/size][/font][/b] Edited نوفمبر 19, 2009 by كـ ل ـي دلع Quote Link to comment Share on other sites More sharing options...
كـ ل ـي دلع Posted نوفمبر 19, 2009 Author Report Share Posted نوفمبر 19, 2009 كلمة لأختي البحرينية غاليتي البحرينية ...انت من اكثر النساء العربيات جمالا ... يكفي ان جمالك طبيعي ... فان غرق زوجك واصبح ضحيه لغسيل المخ الذي يحيط به من كل حدب وصوب ... فلا تساعديهم على اغتيال حياتك وسعادتك ... ثقتك بنفسك هي السلاح الفاتك ... غاليتي البحرينية ....يقشعر بدني عندما اقرأ تلك الرسائل المغرضه ... والتي تتناول جنسيات بعينها ... وكأن بقيه الجنسيات قد حصلن على المركز الاول في مسابقه جمال الكون ... الموضوع وما فيه غسيل مخ ...لااكثر كلنا اصبحنا نعلم ..ان فتاه عاديه جدا..وربما اقل من عاديه ..بل واقل منك جمالا .. واقل منك ذكاءا ..تستطيع بالقليل من التدريب على اللبس وعلى الحديث ان تاكل لقمه عيشهامن جيب زوجك... وتذكري .انك الاكثردلالا ..وان هدم بيتك يعمر الكثير من الجيوب .. فماذا قلتي ؟؟؟؟؟ سأتوقف لانني تعبت من الكتابة .. و سأترك الباقي عليكم ناقشوا ... أيدوا أو عارضوا فأنا هنا أتقبل كل الردود بصدر رحب بشرط أن لا تتعدى حدود الأدب. فلنكن جميعنا راقيين بردودنا .... Quote Link to comment Share on other sites More sharing options...
6ar6an8yh Posted نوفمبر 19, 2009 Report Share Posted نوفمبر 19, 2009 اول شي يعطيج العافيه سستر وعساج ع القوه ع الموضوع..! اكيد مثل ما قلتي الجمال .. مثل مافي قطعه .. حلوه .. جميله .. قبيحه .. <- اجنبيات هم في بحرينيات بنفس المواصفات ... قطعه .. حلوه .. جميله .. قبيحه .. والمفروض الشباب عارفين ان الخليج العربي او بالاخص البحرين تقل فيه عمليات التجميل يعني جمال البحرينيات طبيعي واساسا بغض النظر عن الجمال ... هل يتقارن جمال الاخلاق وجمال النفس والدين وجمال الشكل؟؟!! القناعه مثل مافي اجنبيات مقتنعين .. بعد في بحرينيات قنوعات .. تصدقون والله اعرف شخص مهر زوجته 3000 مره ( اللهم صل وسلم على محمد وآل محمد ) كل النقاط الي في الموضوع ماعليها كلام ... بس المشكله اهيه شنو؟؟!! انه اتفق معاج في نفس الأسباب!! فإذا الي صاير جذي ماعندهم وعي ومعظم الي يقولون جذي اهما مالهم راي اصلاً .. عليهم عليهم وراهم وراهم.. هاي اساساً مشكله مجتمعنا .. يعني كل واحد يردد كلام يسمعه ويسوي روحه مقتنع فيه واهوه اساساً مو رايه ولو تناقشينه مايعرف يرد عليج شلون يرد عليج ويعطيج ادله اذا هاي مو رايه سمع من هني ومن هناك وتم يقوله... المفروض مثل ما قاعدين ينشرون هالافكار في النت احنا لازم نصحح المعلومات لهم في النت!! ونحاول كثر مانقدر نصحح المعلومات برع النت للناس الي نقدر نوصل لهم ونوضح لهم بس اكيد الي بنسويه بيأثر على فئه قليله والفئه الثانية بتم على ماهي عليه ومبادره حلووووووووووه منج انج تطرحين هالموضوع عل وعسى احد يحس ويعدل افكاره سوري ردي مختصر بس لانه الموضوع شامل وانه معاه في كل نقطه فماعندي اي زيادات وعساج ع القوه Quote Link to comment Share on other sites More sharing options...
بوعلي00 Posted نوفمبر 20, 2009 Report Share Posted نوفمبر 20, 2009 ياهلا فيج أختي. أول شي أنا ضد الزواج من الأجنبيات.. لسبب بسيط وهو اذا أنا ماخذت بنات ديرتي من بياخذهم؟؟ ومن بياخذ خواتي؟! بس اختي شوفي.. انا كنت من المعارضين بشدة لهالزواج.. بس أواخر الأيام ولمايلست مع ناس متزوجين بحرينيات وأجنبيات.. صراحة بديت أتقبل الموضوع أكثر من الأول (لي الحين معارض بس أخف). الأجنبية الأجنبية اللي مو عربية ما أيد الزواج منهم.. بس العربية شوي المسألة فيها نظر.. قبل كل شي .. الريال شنو يبي من الزواج؟؟ وشنو يبي من المرة؟ يبيها حلوة، خلوقة، قايمة في واجب زوجها وبيتها وتخاف الله بسس. أينما توفرت هذه الشروط سواء في البحرينية أو العربية ، فإنها تمثل دافع وعرض جداً مغري للزواج. عن نفسي أنا (بوعلي00) لو ابي اتزوج من وحدة مو بحرينية.. أول سبب بيدفعني لهالشي وأقولها وبكل صراحة.. (صغر عقل البنت).. لحد يفهم كلامي غلط.. البحرينية هي أمي وهي أختي وهي عمتي وهي خالتي وهي بإذن الله زوجتي في المستقبل.. بس وجهة نظري ومن حقي أبينها.. إهتمامات البنت الخليجية بشكل عام وااايد ساذجة.. تبي تطلع وتسافر وتتسوق وتبي بيت وخدامة!! أنا ما يالس أتكلم من ناحية مادية.. بس البنية ماشوف فيها ذاك الاهتمام في مثلاً علاقاتها الإجتماعية شلون تتعامل مع الناس ، أو اهتمامات ثانية في ان عندها هواية تسويها (مهما كانت هالهواية) مثل الرسم والخياطة والا الطبخ.. أغلب البنات لا شغله ولا شي .. بيت.. انترنت.. مسنجر.. بلاك بيري.. وشي ثاني.. المرة العربية بشكل عاموالسورية والمغربية بشكل خاص.. عندهم أهمية واحترام لأزواجهم بطريقة غير طبيعية.. مو اللي أشوفه في التلفزيون.. ولا من النوع اللي ذكرتيه اختي انهم من مترددين الأماكن المو عدلة.. في ناس من أهلي ماخذين هالجنسيتين.. وبصراحة الواحد يشوف فيهم الإهتمام في حياتهم الزوجية أكثر من البنت البحرينية. أكرر مرة ثانية.. أنا أعارض الزواج من الأجنبية.. بس بعد هالله هالله في روحكم يا البنيات!!! ومسامحة على الرد اللي مو مرتب Quote Link to comment Share on other sites More sharing options...
الحسـناء Posted نوفمبر 20, 2009 Report Share Posted نوفمبر 20, 2009 المفروض مثل ما قاعدين ينشرون هالافكار في النت احنا لازم نصحح المعلومات لهم في النت!! ونحاول كثر مانقدر نصحح المعلومات برع النت للناس الي نقدر نوصل لهم ونوضح لهم بس اكيد الي بنسويه بيأثر على فئه قليله والفئه الثانية بتم على ماهي عليه ومبادره حلووووووووووه منج انج تطرحين هالموضوع عل وعسى احد يحس ويعدل افكاره سوري ردي مختصر بس لانه الموضوع شامل وانه معاه في كل نقطه فماعندي اي زيادات وعساج ع القوه تسلمين اختي على مرورج المميز جدا .. أكيد لازم نصحح المفاهيم وتقدرين تساهمين انتي بعد Quote Link to comment Share on other sites More sharing options...
كـ ل ـي دلع Posted نوفمبر 20, 2009 Author Report Share Posted نوفمبر 20, 2009 6ar6an8yh ... اختي نسيت و رديت عليج بإسم اختي علـ العموم مشكورة يالغلا على المرور .. Quote Link to comment Share on other sites More sharing options...
كـ ل ـي دلع Posted نوفمبر 20, 2009 Author Report Share Posted نوفمبر 20, 2009 عن نفسي أنا (بوعلي00) لو ابي اتزوج من وحدة مو بحرينية.. أول سبب بيدفعني لهالشي وأقولها وبكل صراحة.. (صغر عقل البنت).. لحد يفهم كلامي غلط.. البحرينية هي أمي وهي أختي وهي عمتي وهي خالتي وهي بإذن الله زوجتي في المستقبل.. بس وجهة نظري ومن حقي أبينها.. إهتمامات البنت الخليجية بشكل عام وااايد ساذجة.. تبي تطلع وتسافر وتتسوق وتبي بيت وخدامة!! أنا ما يالس أتكلم من ناحية مادية أهلا بمرورك أخوي .... بوعلي أنا أحترم رايك .. بس إسمحلي أعلق عليه يمكن انت تعيش وسط بنات جذي .. أو احتكيت في بنات جذي لكن هذلين ما يمثلون الكل .. أخوي .. البحرنية غالبا غالبا ترضى بغرفة في بيت الأهل و بدون خدامة و انا منهم و غيري وااااااااااااااااايد وااايد .. و هذا فيه منه العكس .. لان مثل ما قلت المتناقضات موجودة في كل مكان في العالم .. أما بالنسبة إلى الإهتمامات فحتى النت بحد ذاته إهتمام لما يكون للإستافدة و القراءة ... و ما أخالفك في نقطة إن بعض البحرينيات تهمل هذا الجانب و التربية لها دور ....... و ليس الكل طبعاً ... وشي ثاني.. المرة العربية بشكل عاموالسورية والمغربية بشكل خاص.. عندهم أهمية واحترام لأزواجهم بطريقة غير طبيعية.. مو اللي أشوفه في التلفزيون.. ولا من النوع اللي ذكرتيه اختي انهم من مترددين الأماكن المو عدلة.. في ناس من أهلي ماخذين هالجنسيتين.. وبصراحة الواحد يشوف فيهم الإهتمام في حياتهم الزوجية أكثر من البنت البحرينية. هذا بعد ما يجوز فيه التعميم لأن أخو صديقتي ( فروا مخه ربعه ) و أصر إنه بروح سورية و يتزوج من هناك فلسته تفلييييس و قامت تتطلب عليه على اساس إنه خليجي يعني غني <<<< في نظرهم المهم لأنه يبيها توطى لهشي رجع البحرين وياها بس للأسف خانت كل توقعاته و عاش التعاسة وياها طلقها و راح يدور بحرينية تعوضه و إنا قلت في نهاية موضوعي المسألة مو مسألة جنسيات المسألة مسألة فن في التعامل . أسلوووووووووب ... سواء كنتي من أي مكان في العالم تفهمين الرجل بتملكينه ما تفهمينه خسرتينه ... وهذي كل القصة .... بقولك شغلة بعد .. أنا زوووجة .. جميلة .. و خلوقة .. ممتعة و مرحة .. عندي إهتمامات و أهداف و طموح أهمشي أفهم الرجال شنو يبي من المرأة ؟ شكرا لمداخلتك الرائعة أخوووووي .. و أنتظر تعليقك إن أحببت Quote Link to comment Share on other sites More sharing options...
الناعمه Posted نوفمبر 20, 2009 Report Share Posted نوفمبر 20, 2009 يعطيج العافية اختي على الموضوع الشيق بس انا من رايي ان العيب الاول والاساسي من الرجل البحريني يبي البنت ماتطلب منه فلوس ولا شي وتطيعه في كل صغيره وكبيره اهو بيتزوج بشر مو حيوان اذا قالت ابي قالو عنها طماعه اذا ماسمعت كلامهم قالو لسانها طويل وغير وغير مدري ليش البخل بس على شباب البحرين يبون وحدة تخدمهم ببلاش ويلومون البنات الي قالو نبي واحد مثل مهند من الي يجوفونه من شباب البحرين الله يهداهم Quote Link to comment Share on other sites More sharing options...
بوعلي00 Posted نوفمبر 20, 2009 Report Share Posted نوفمبر 20, 2009 يا هلا فيج أختي كلي دلع وباين ماشالله عليج مثقفة وواعية وذات (منطق) في الكلام. أهلا بمرورك أخوي .... بوعلي أنا أحترم رايك .. بس إسمحلي أعلق عليه يمكن انت تعيش وسط بنات جذي .. أو احتكيت في بنات جذي لكن هذلين ما يمثلون الكل .. أخوي .. البحرنية غالبا غالبا ترضى بغرفة في بيت الأهل و بدون خدامة و انا منهم و غيري وااااااااااااااااايد وااايد .. و هذا فيه منه العكس .. لان مثل ما قلت المتناقضات موجودة في كل مكان في العالم .. أما بالنسبة إلى الإهتمامات فحتى النت بحد ذاته إهتمام لما يكون للإستافدة و القراءة ... و ما أخالفك في نقطة إن بعض البحرينيات تهمل هذا الجانب و التربية لها دور ....... و ليس الكل طبعاً ... أختي أنا ما أقصد الجوانب المادية.. يعني ان البحرينية مصاريفها وايد.. لااا.. أنا أقصد أختي .. خل نشوف أي بنية (بشكل عام) شلون تمارس حياتها؟؟ شتسوي؟؟ البنات بصراحة في منهم واااايد اغشمة .. بدليل قضايا الطلاق اللي نشوفها وتزيد بشكل رهييب!! (وطبعاً هذي مايعني ان الريال ماله يد في الطلاق بس احنا نتكلم عن المرأة الحين).. يعني شاقوول لج.. امممممممم.. اهتمام المرة الأولي واللي كنا نشوفه قبل بحياتها وفي بيتها وبريلها وبمستقبل عايلتها ككتلة وحدة راااح أو قل واااااااايد!! ونتيجة لهالشي.. ونتيجة للمستوى الإقتصادي في البلدان العربية اللي يتم الزواج منها.. صار الريال يشوف البنت هناك شلون متمسكه في زوجها وحياتها بيدها وبريلها.. وأقصد في سذاجة البنت أو غشامتها.. إنها ماعطه الزواج ذيج الأهمية وان أنا لازم أضحي ولازم أربي عيالي ولازم أهتم في زوجي ولازم عيالي يكونون أحسن عيال ووووووو.. بدليل شوفي اختي المنطق اللي يتكلمون منه بنات هالأيام.. (وييييييي ليكون أنا خدااااامه)!! (أنا والله ماعلي منه ولاشي)!! (ما تبيني طلقني)!! وعلى فكره.. لو بنتكلم عن صبيان هالأيام .. اخذوا كلامي ذي كله وضربوه في 100!! أنا ما أمدحهم.. بس الموضوع يسلط الضوء أكثر على سلبيات البنت. وبالرغم من كل الملاحظات اللي قلتها.. وبالرغم من الملاحظات اللي أعرفها واللي ما أعرفها عن البنية البحرينية.. ما راح أتزوج إلا البحرينية.. ولا راح أختار أم لعيالي إلا البحرينية.. ولا راح ألقى راحتي إلا عند البحرينية!! (مو تناقض.. بس مو كامل الا الله). ومشكوورة أختي. Quote Link to comment Share on other sites More sharing options...
كـ ل ـي دلع Posted نوفمبر 21, 2009 Author Report Share Posted نوفمبر 21, 2009 (edited) أختي أنا ما أقصد الجوانب المادية.. يعني ان البحرينية مصاريفها وايد.. لااا.. أنا أقصد أختي .. خل نشوف أي بنية (بشكل عام) شلون تمارس حياتها؟؟ شتسوي؟؟ البنات بصراحة في منهم واااايد اغشمة .. بدليل قضايا الطلاق اللي نشوفها وتزيد بشكل رهييب!! (وطبعاً هذي مايعني ان الريال ماله يد في الطلاق بس احنا نتكلم عن المرأة الحين).. يعني شاقوول لج.. امممممممم.. اهتمام المرة الأولي واللي كنا نشوفه قبل بحياتها وفي بيتها وبريلها وبمستقبل عايلتها ككتلة وحدة راااح أو قل واااااااايد!! ونتيجة لهالشي.. ونتيجة للمستوى الإقتصادي في البلدان العربية اللي يتم الزواج منها.. صار الريال يشوف البنت هناك شلون متمسكه في زوجها وحياتها بيدها وبريلها.. وأقصد في سذاجة البنت أو غشامتها.. إنها ماعطه الزواج ذيج الأهمية وان أنا لازم أضحي ولازم أربي عيالي ولازم أهتم في زوجي ولازم عيالي يكونون أحسن عيال ووووووو.. بدليل شوفي اختي المنطق اللي يتكلمون منه بنات هالأيام.. (وييييييي ليكون أنا خدااااامه)!! (أنا والله ماعلي منه ولاشي)!! (ما تبيني طلقني)!! وعلى فكره.. لو بنتكلم عن صبيان هالأيام .. اخذوا كلامي ذي كله وضربوه في 100!! أنا ما أمدحهم.. بس الموضوع يسلط الضوء أكثر على سلبيات البنت. وبالرغم من كل الملاحظات اللي قلتها.. وبالرغم من الملاحظات اللي أعرفها واللي ما أعرفها عن البنية البحرينية.. ما راح أتزوج إلا البحرينية.. ولا راح أختار أم لعيالي إلا البحرينية.. ولا راح ألقى راحتي إلا عند البحرينية!! (مو تناقض.. بس مو كامل الا الله). ومشكوورة أختي. شكرا أخوي على الإطراء من ذوقك و الله بو علي ... التعميم ما يصلح... يعني مثلا لو في 1000 بنت بحرينينة مو زينة في 1000 بنت بحرينية زينة وفيها كل الصفات الحلوة اللي ذكرتها ... و لو في مليون مغربية زينة هم في مليون مغربية مو زينة ......... ولو انت مثلا في حياتك عرفت او سمعت عن بنات سذج و غشمة هذلين ما يمثلون كل البحرينيات ..... و بقولك مثال .... إحنا رحنا دبي كسياحة .. تعرفنا على ناس إماراتيين ( إحنا الخوات كنا جميلات و لبقات ) قالوا لنا البنات الإماراتيات: ماشاءالله بنات البحربن حلوييييين و خلوقين ..... اخذوا فكرة عن البحرينياات من خلالنا عرفت ممكن هالبنات قالوا لبنات عمها و بنات عمها قالوا لرفيجاتهم و رفيجاتهم قالوا الى أهلهم وجوا خطبوا وحده من عندنا هههههههههه عرفت شلون ؟ إحنا ممكن نمثل مجموعة من الشعب و ليس الكل .... و هذا نفس السوريين او المغربيين اللي يجون هني ... يعني ممكن يكون من حسن حظ صديقك تزوج سورية حلوة و خلوقة مهتمة في زوجة و غيره من الصفات الحلوة ... لكن هذا ما يعني إن كلهم كلهم كلهم جذي السوريات ..... بو علي أنا مو جاية انقص مو قيمة الجنسيات الأخرى .. لا بالعكس فيهم الخير .. فيهم الصالح و فيهم الطالح وانا أجوف في مجتمعي البحريني زوجات خوش زوجات ... من كل النواحي .. مظهر و تعامل حلو مع الناس .. إهتمامات .. إحترام للزوج .. دلع و مرح .. و غيره و غيره ... أتمنى وصلت فكرتي .... أما موضوع الزواج و الطلاق و الإهتمامات كلها مواضيع فرعية نقدر ننقاشها كمشكلة للمرأة العربية بشكل عاااااااااام ......... ننقاش أسبابها و نجد لها حلول ...... لأنها لا تقصر على بلدة أو منطقة وحده .. إنما تعاني منها بعض بعض النساء في كل العالم ......... وشكرا على مرورك الكريم أخي بوعلي و تذكر إنني أحترم وجهة نظرك وبقولك نصيحة .... الصراحة مطلوبة بين الزوجين .. واذا تزوجت قول حق زوجتك شنو تبي و شنو تحب ... عشان سعادتك وسعادتها بعد ... لان الكبت و الخوف من جرح مشاعرها بيؤدي إلى مشاكل و المشاكل تؤدي الى التعاسة .. Edited نوفمبر 21, 2009 by كـ ل ـي دلع Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.