حلم ولا شنو ؟؟

[md3oom]

 

هلووو

 

 

شلونكم وشخباركم ؟؟

 

 

يوم كنت في البر الربع يتكلمون عن احلامهم ..

 

وحبيت اذكر الموضوع لكم وكل واحد يقول شصاده ..

 

 

اول شي بقول سالفتي الي للحين ما انساها ..

 

انا لين انام دايماً اغطي جسمي كامل ..

 

عاد كنت منسدح على ظهري حسيت بشي يحط ريله صوب ريلي اليمين حسيت الفراش ينزل ..

 

وعقبها ريله الثانيه صوب ريلي اليسار ..

 

توهقت ماعرفت شسوي !! مع العلم سبحان الله اخوي اول مره يشبك في كمبيوتري !!

 

واسمع طقطقه الكيبورد !! اناديه اناديه مافيه فايده مايطلع صوت !!

 

عاد وانا اناديه حسيت يده يم يدي ويده الثانيه يم يدي الثانيه ..

 

وعاد انا احاول اقوم وماقدر اتحرك ..

 

وحسيت في بطني واحد يحط ضروسه نوع الي يبي يعض بس ببطئ كلش ..

 

عافست وعافست وقمت بسرعه قلت حق اخوي سمعتني وانا اناديك يقولي لا ما ناديتني !!!!

 

----------

 

وعن سالفه صديقي ..

 

كان منسدح على صوب ووراه واحد من الربع ..

 

الا يحس ان فانيلته تصعد فوق ..

 

ونوع اللحاف ينزل منه ..

 

يحاول ويحاول ينادي الي وراه لكن مافي فايده ليما فز بالغصب ..

 

----------

 

فمادري انا شنو القضيه الي صايره حلم ولا شنو !!

 

اي واحد صاده هالشي قبل يقولنا

Edited December 11, 2009 by md3oom

[حشمه]

لا ما اعتقد هذا حلم

 

هذا الله يسلمك يااثوم الله يكافينه الشر

 

والحمدلله ماسبق صار لي جذي وان شاءالله مايصير اعتقد بافنقش قبل لا اتحرك

 

بس لو صار لك جذي مره ثانيه تعوذ من ابليس واايد واقره المعوذات وحاول تكون مصلي خصوصا صلاة العشاء لا ترقد وانت مو مصليها

 

يمووووووك خفت

Edited December 11, 2009 by حشمه

[Mal0k]

اي خلود هذي ياثوم

 

 

كان يصيدني قبل =(يخرع حده

[حمراء الوجنتين]

هذي الله يسلمك من حكمه الله سبحانه وتعالى ان يخلي العضلات ما تتحرك وانت راقد

ولما تصحى تقدر تحرك عضلاتك

احيانا تصير انك تقعد بس للحين عضالاتك ما صار المحفر اللي يخليها تتحرك

فتحس انك تبذل مجهود بس مافي شي يصير

هذي اسمه بالعاميه الله يسلمك ياثوم

وهذي تفسيره العلمي

وكله تخيلات تره وما في شي

انا الحمدلله ولا مره صادني

والحين انت خرعتني وايد

وخليتني اخاف واحتاس جان ما يصيدني

،،

[md3oom]

 

انا ما اعتقد ياثوم ..

 

لانه الياثوم في حالتين بس ..

 

الحاله الاولى انه يعصر الواحد ومايقدر يتحرك جنه حمل ثقيل عليه ..

 

الحاله الثانيه ان لما تكونين قاعده او منسدحه مره وحده تحسين انه طابه من مكان عالي ..

 

والله وأعلم ..