حدي محتـآره حق اي تخصص ادش ..

[دلـوعـــة محرقيــة]

السلام عليكم ورحمة الله وبركاته،،

 

شخبـآركم ..

 

حدي محتـآره بيين العلمي والتجـآري ..

 

يعني انا خـآطري ادش علمي .. كيم وحيـآ ..

 

بس مـآدري يعني يقـولوون ان التجاري اسسهل وماعرف شنـو ..

 

وانا خـآطري في العلمـي ..

 

فـ يعني ممكن تفيدوني شـووي .. =(

 

ويعني اللي ياخذ هالمـواد يقـول لي .. ان صعب او شي او شنـو فييه ..

 

[عجزت انساك]

أممم ع ـندي فكـرة بسييـطـِهـَ عن آلتجآري والعلميّ ..~

 

برأيي ، التجآري آح ـلى وآسهـل يعني ومب صعب كثر آلعلمي ..~

 

وآغلبه يعني آنـج و ريـض وهالمـِوآد يعني ..~

 

والتجآري دآيماً يقولون عنه سهل وحلـِؤ ..~

 

وـآلعلمي هَم حـِلوؤ .. بس يمكن آلبعض يلآقي صعوبة فييه .. ؤ " التجآري احلى بالنسبة لـي "

 

وجـِوفي آلتخصص الأنسبَ لج و لميولج ..~

 

مووفقـة حبي

 

 

[زهور الحنين]

شوفي على المواد الي تحبينهم واعلى الدرجات في اي مواد ودخليه

[أم البنآت]

انتي ثالث اعدادي و لأ أول ثنوي ؟!

إذأ ثألث أعدأدي كتبي أي شي ..

و بعدين اذا رحتي الثنوي أوردي بردون بيسألونج ..

و انتي جوفي بعدين ..

أذأ الثنوي توحيد جوفي انتي في أي الموأد درجأتج زينة ..

إذأ في موأد العلمي دشي علمي ..

إذأ في موأد التجأري دشي تجأري

و لأ تخلين أحد يأثر عليج ..

لأأن من وحدة لـ وحدة يختلف ..

في نأس شطر في الموأد التجأرية و في نأس شطر في الموأد العلمية ..

أنتي وين تجوفين روحج ؟!

[NaNoOo]

انا انصحج تاخذين علمي

لأن بعدين تقدرين تدشين منه الى كل الفروع والأشياء

حتى مواد التجاري و اكثر

[a7la banoOoOota]

 

 

أنا بعد حبوبة صادني نفس الشي ..

 

احترت ما بين علمي ( فيز و ريض ) و تجاري .. في النهاية دخلت ( كيم و حيا ) ..

 

قعدي مع روحج و فكري .. أنا شنو آبي بالضبط ..

 

" تبين علمي ؟؟ " دخلي و انتي مرتاحة ..

 

لتجبرين روحج على شي انتي ما تبينه ..

 

فكري في التخصص من جميع النواحي ..

 

بالنسبة لي العلمي من خلاله تقدرين تدخلين جميييع التخصصات الجامعية

 

+

 

المواد العلمية حلووة و مب ثقيلة مثل مواد التجاري .. لكنها تحتاج إلى فهم و دراسة ..

 

الله يوفقج عمري ..

 

 

[الحقودة]

اييه صح حتى آنه بعد محتارة ماعرف آخذ علمي ( فيز وريض ) ولا تجاري

بس يقولون تجاري حلو وسهل وأشياء فنن يعني

والعلمي بعد حلو ..

 

ومدري بالضبط شنو بتخصص ..

ادعووولنا

[شيـ خ ـة الـبـ ن ـات]

 

ماافي احلى من الادبي

لا كيم ولا ريض ولا فيييز

رااااااحه

[عـاشق فنون]

أختي

بنسبة لتجاري حسب معرفتي انه اسهل من العلمي و طبعاُ صفوف التجاري تقريباً بكل مدارس البحرين الثانوية يكونون أكثر و موادهم تجاريه منها أدراة أعمال و تأمينات و بنوك و محاسبة

 

اما العلمي يتفرع لفرعين ( كيم و حيا ) و ( فيز و ريض ) كيم و حيا اذا كنتي تحبين الكيم أو الحيا فـ بأمكانج ادشين كيم و حيا والعكس صحيح مع الفيز و الريض أنه دخلت كيم وحيا لاني احب الاحياء رقم انه الكيم يعني عادي بس انتي شوفي شنو ميولج و انشالله تتوفقين يارب

اخوج / عاشق فنون

[Guest ###]

 

 

لا تستعيلين وايد بيعطونكم اوراق غير في الفصل الثاني بعد ..

وتقدرين تغيرين التخصص بداية السنة اليديدة بعد ..

بس اهم شي تدشين تخصص انتي مقتنعة فيه وحابته ..

 

وما عليج من اللي يقولج علمي صعب و تجاري سهل ولا تخلين احد يقص عليج

لان انتي اللي بتدرسين مب اهمه ..

اذا انتي حابة الماد العلمية وحاسة روحج تقدرين تعطين فيها توكلي على الله ودشي علمي

لأن اذا حابة المادة اللي تدرسينها ما راح تصير صعبة عليج ..

و اللحين انتو مناهجكم يديدة يعني محد يدري شبيعطونكم السنة الياية في العلمي ..

بس حسب اللي اسمعه ان الفيز صار اصعب عندكم .. والريض والحيا والكيم سهل ..

يعني اذا قررتي تدشين علمي انصحج بـ كيم وحيا ..

 

بالنسبة لي اخترت تخصص علمي / حيا وكيم .. لأني أحب المواد العلمية أكثر واحسها ممتعة أكثر

يعني يبي لها تفكير وتشغيل مخ .. أما المواد التجارية وخصوصا الثقف اللي درسناه في اول ثانوي

كان ممل جدا جدا وباااارد .. صح سهل بس ما حبيته أبدا ..

 

آنه ما كان عندي مشكلة في سالفة علمي وتجاري .. مشكلتي كانت بين حيا وكيم / فيز وريض

آنه احب مواد الفهم أكثر ومن يومي أحب الريض .. بس وآيد اشياء خلتني أغير رايي وأدش حيا وكيم

والحمدلله مرتاحة فيه وآآيد و مافيه اي صعوبة الحمدلله =)

 

و اللعام كنت مثلج وايد خوفوني وقالولي الفصل الثالث في العلمي وايد صعب و ينزل المعدل .... والخ

بس لما دشيته ما حسيت في شي صعب .. يمكن فيه ضغط لأن عشر مواد ومافيه متنفس بينهم أو حصص فراغ

بس هل المواد صعبة ؟ لا مو صعبة .. و اللحين بنخلص الفصل الثالث ان شاء الله ودرجاتي لحد الآن أحسن بواااايد من أول ثانوي .. يعني ان شاء الله ما ينزل المعدل مثل ما الكل يقول

 

 

أدري وايد مصختها هع بس نصيحتي لج اذا انتي مثل ما تقولين تحبين المواد العلمية

بس مترددة لانهم يخوفونج .. اقولج روحي علمي وما عليج من احد .. =)