ضحكة مجروحة Posted مارس 15, 2010 Report Share Posted مارس 15, 2010 السلام عليكم ورحمة الله وبركاته صبـــــــــــــاحكم \ مسائكم طهر وطاعـة وحده تحب واحد جنووووووون وهو بعد يموت علي الارض اللي تمشي عليه هي عارفه ومتاكده ان اهلها ماارح يرضون فيه لو تقدم لهاااااااااا لو جاها واحد كامل وظيفه واخلاق تقبل فيه ولالا؟؟؟؟؟ مع ان حبيبها يقول لها لو تزوجتي غيري هذي تعتبر خيانه وانت ماتستاهلين حبي لازم تدافعين عن حبنا وتوقفين في وجه اهلك الحين المطلوب من ذا كلـــــــــه ان البنت لو عزفت عن الزواج عشان حبيبها الرجل مستحيبل يضحي ومايتزوج ابد بيقعد على ذكراها سنه سنتين في النهايه بيتزوج وبيشوف حياته يعني انتو برايكم المفروض البنت تستغل اي فرصه حلوه تجيها ولا تنتظر حبيبها لين يتقدم لها وتشوف اهلها يوافقون ولالا وهي عارفه ان اهلها ماراح يافقون وانها لو تزوجت غيره تعتبر خاينــــــــــــــه مع ان ذا الشي مو بيدها الامر بيد اهلها ؟؟؟؟؟؟؟؟؟؟؟؟؟؟؟؟ Quote Link to comment Share on other sites More sharing options...
بــنــتــ عــز Posted مارس 15, 2010 Report Share Posted مارس 15, 2010 رايي ووجهة نظري انه البنت لازم تفكر بعقل ولا تنسى انه الكل يدور على مصلحته يعني مصلحت الشخص فوق كل شي عشان جذي اكيد لازم تقبل بأي رجل مناسب اييلها وما تسمع كلام حبيبها ومن المفرض لما حبيبها يقولها لازم توقفين بويه اهلج هذا اكبر دليل على انه رجل او شاب غير ناضج لانه من المفروض يقولها حاولي مرة مرتين ثلاث بس رضا اهلج من رضا ربج ... الخ وبعدين اذا ماكو امل من اهلها انه يوافقون فاكيد هذا خير لها وله لانه لو زواجهم خير لهم جان الله سهل الموضوع ومشى الوضع .. اناواعوذ بالله من كلمه انا اقول لا تخسر اهلها عشان تتوفق بحياتها الزوجيه والفرصه ما تتعوض القطار يمشي تركبه قبل لا يفوتها واخر شي نقول كل شي قسمه ونصيب واللي فيه الخير الله يجيبه ... مع تمنياتي لجميع الشباب والشابات بالتوفيق وحياة زوجية سعيدة بان الله تعالى Quote Link to comment Share on other sites More sharing options...
عاشقة الاخوة 27 Posted مارس 16, 2010 Report Share Posted مارس 16, 2010 دامها وعدت الصبي "حبيبها" و عطته كلمه ف على الاقل لازم توفي بوعدها اول شي و تحدد مصير هالعلاقه و تحط لها حد .. بس شلون ؟؟ يعني انه مب فاهمه اهمه ناطرين شنو ؟؟ هل لان اكيد بيتهم ما بيوافقون ف هذا يعني ان الصبي يحط ريل على ريل و ما يتقدم لها ؟؟ شنو اهو سحر يعني ان الاهل بروحهم چذي بيوافقون مني و الدرب ؟؟!! المفروض لو اهو جاد بالسالفه ما يخاف من شي و لا يخاف من الرفض .. لازم يتقدم لها على الاقل و يقعد مع بيتهم و يحاول معاهم و يقنعهم باسلوبه و يتقدم مره و مرتين و ثلاث هاي لو متمسك فيها و في هالعلاقه ، و البنيه بدورها المفروض تقعد مع بيتهم و تحاول تعرف سبب هالرفض و تتناقش معاهم بعقل و ربما يقدرون يقنعونها او العكس.. بالتالي خلاص البنيه تكون برّت ذمتها و لا عادت خاينه ولا شي .. تقدم لها اللي تحبه و چاف بنفسه ان مرفوض و محاولاته فاشله .. خلاص لازم يبتعد عنها و يچوف حياته و يخليها تچوف حياتها و تختار المناسب لها . Quote Link to comment Share on other sites More sharing options...
ماروكو1111 Posted مارس 16, 2010 Report Share Posted مارس 16, 2010 (edited) جوفي اختي بمجرد ان تقدم لها واحد احسن منه ما فيه و ما في اي شي تعترض عليه في الموافقة توافق اذا اهي تبي تكمل نص دينها ما توقف حياتها عشان شخص ما في نصيب الا اهو الاهل يعني الله سبحانه عطاها اشارة ان ما راح يصير نصيب سواء السبب الاهل او اي شي ثاني لان ترى مثل ما صار احين مانع تاخذه احتمال يكون اهو يتراجع اذا ضيعت اللي يتقدمون لها فحرام تقضي على مصير ما يعلم فيه الا الله سبحانه و تتنتظر شي مختوم عليه بالفراق يعني بالنتيجة راح تضيع مستقبلها و اهي مو شرط الا تحبه بيضل يحبها طول العمر شنو الضمان على هالشي شي بديهي تتبدل اشياء وايد نتيجة اختلاف الامور بين بعضهم و هني يبدأ الجد هل كل واحد يتقبل عيوب الثاني في الزواج و اهي قبل الزواج احتمال راضية لكن هل بحياتها الواقعية اللي بتمارسها بكل راحتها تقدر تتحمل يعني اذا صارت فوارق الحب يضيع و اول فارق حدث انه يبيها تعصي اهلها عشانه يعني بدل ما يفهمها و يقول الحق ان ما يقدر يتقدم لها الحين اهني يبدأ الجد قاعد يبدا بالانانية باجر بيبدا بالانانية عليها اهي بعد فاللي اقصده اللي ياينها و متقدم لها يمكن حياتها تكون احسن بملايين المرات من الحياة اللي بتختارها و يقولج ان لو علم بني آدم ما كتب الله تعالى له لاختار كما اختاره الله له فاهي خلها تفكر بعقل و لا تتسرع اذا اهي تبي السعادة من قلب و في شي بقوله لما تتنازل على اشياء على حساب اشياء ثمينة الله يعوضها اكثر من خسارتها مثل خسارة حبيبها مثلا لو بتوافق على المتقدم لها و الله يوفقها Edited مارس 16, 2010 by ماروكو1111 Quote Link to comment Share on other sites More sharing options...
أحلى مصرقعه Posted مارس 20, 2010 Report Share Posted مارس 20, 2010 (edited) دآآم أهلهآ مب رآضين .. و الريآل الي متقدم خلق و دين و مؤدب و كل شي تآخذه .. لأن البنت الي توقف في ويه أهلهآ عشآن ريآل في النهآية اهيه تضيع .. لأن الريآل يحس ان مآ ورآهآ أهل .. و يلعب فيهآآ .. و هآي وجهة نظري ... ثنكيوو ع الموضوع .. Edited مارس 20, 2010 by أحلى مصرقعه Quote Link to comment Share on other sites More sharing options...
مهمومة زمانها Posted مارس 23, 2010 Report Share Posted مارس 23, 2010 مدام ان اهلها مب راضين ليش توعد الصبي بشي ماتقدر عليه وبعد مايصير توقف في ويه اهلها عشان واحد لان اذا وقفت في ويه اهلها يمكن يذلها وبيقعد يشوف روحه عليها وبيحس ان ماوراها اهل ويمكن هذي الشي في صلاح لها ان تتركه يعني اهلا مارفضوه الاعقب ماشافوا ان مايناسبها يسلمو ع الطرح الرائع Quote Link to comment Share on other sites More sharing options...
اسيرة جرح Posted ابريل 5, 2010 Report Share Posted ابريل 5, 2010 من وجهة نظري انها لازم اتخليه يتقدم لها و تشوف راي الاهل او بعدين اتقرر انها تتركه او تروح معاه لانها بتظلمه اذا تزوجت واحد غيره خصوصا انها ما عندها عذر في رفضه اذا طبعا ماتقدم لها رسمي او سمع ابنفسه الرفض من اهلها يسلمو عالطرح الروووووووووووووعة Quote Link to comment Share on other sites More sharing options...
الجسمي17 Posted ابريل 6, 2010 Report Share Posted ابريل 6, 2010 @دام هي وعدت الصبي انا اقول انها توفي بوعدها و تاخذة احسن لها Quote Link to comment Share on other sites More sharing options...
^ما يهزني ريح^ Posted ابريل 17, 2010 Report Share Posted ابريل 17, 2010 كلام عاشقه الاخوه واسيره جرح هو عين العقل .. لازم يتقدم اذا جاد واذا انرفض تجوفين اسباب الرافض وتحاولين ويحاول اهو بعد عده محاولات اذا كانت الاسباب غير مقنعه .. بس اذا كلش ما نفع حزتها كل واحد يجوف نصيبه لان مو عدل تعيشيون بوهم Quote Link to comment Share on other sites More sharing options...
محرقي وكلي فخر Posted ابريل 18, 2010 Report Share Posted ابريل 18, 2010 انا اقول اذا لصبي شاري لبنية يتقدم لها وبعدها اذا رفضوه طبعا البنت تقعد مع اهلها وتناقش معاهم ويمكن من هالنقاش يوافقون واهيه اللي بتعيش مع لصبي وتحمل مسئوليه اختيارها وحرام اصلا توافق على شخص ثاني وحبيبها للحين ماسمع الرفض بنفسه انا اقول خلها توفي بوعدها حق حبيبها واذا بعدين رفضوه اهوه راح يبتعد واهيه راح تبتعد وبعدها تاخذ اللي تبيه جود كل واحد راح في دربه اما اهيه توافق وتخلي لصبي مسكين معلق على وهم انه في يوم تكون من نصيبه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.