ضحكة مجروحة Posted مارس 15, 2010 Report Share Posted مارس 15, 2010 شعور مؤلم بمعنى الكلمة و ينجرح صاحبه بأعماق قلبه من غير قصد , لين تحس أن قلبك آخذه شخص وإلا حبيت شخص وحسيته يبادلك هالشعور بالحب , وتبني أحلام على هالاعتقاد وتقوله كلام غزل وحب ويتقبل منك هالكلام ويبادلك هالكلام بس بنفس الوقت يقولك إني أحب شخص وأنا وها لشخص متزاعلين ويشتكيلك من حبيبه, وانت تحبه وانت امبين له انك تحبه حتى من كلامك وطريقتك بالاهتمام فيه , وتكون معجب بكل شي فيه حتى عيوبه واهوا عارف هالشي , وتتكلمون بالتليفون وكلام حلو وبعد ما تخلصون من التليفون يطرش مسج يقولك انا ارتحت لين كلمتك وسولفت معاك , وانت ترتاح لراحة هالشخص لانك تحبه وتتمناه يكون لك , بس بنفس الوقت تدري انه لغيرك , وماتقدر تاخذه لان نفس انت ما تحب ان شخص ثاني ياخذ حبيبك فلازم نفس ما تحب لنفس لازم تحب لغيرك , لان هذا الحب , وانت ودك يكون معاك بنفس مشاعرك له , ونفس الحب الي يعطيه لغيرك , بس ادووس على نفسك بس على شان تشوفه سعيد وتنصحه بكلام بصالح الشخص الي يحبه , لانك تحبه فلازم تحب سعادته لو تكون مع شخص غيرك , صح انجرح وانهم واحس بضيقه بسبب هالشي وبسبب التفكير ان الي تحبه قاعد يحب واحد غيرك وما يحس بمشاعرك له لان مشاعره لشخص غيرك , وبطريقة تعامل هالشخص للي تحبه تحس ان ما يستاهل الي انت تتمناه حبيب لك ,وبعد يوم ولين يكلمك تنسى كل هالكلام وتقعد تتكلم معاه وتخليه يرتاح ويستانس وانت تشيل الهم والحزن لك , ويضحك معاك ويقعد معاك بالساعات ويقولك عن الي صار معاه والي يفكر فيه وكل يوم عن يوم يزيد حبك له وانت ما تقدر تمسك نفسك عن حبه لان قلبك ينبض بكلمة حب لهالشخص من غير سابق انذار ,بس تتمنى له السعاده والراحه ونفس الوقت تتمنى يقولك يا فلان ترى انا احبك ودك وتتمنى تسمع هالكلمه منه ومن قلبه , لان يكلمك عن الحب وكل سوالفكم بين بعض عن الحب وعن اشياء ثانيه بعيده عن الحب , بس تصرفاته تصرفات واحد يحبك بس مو قادر يقولك , ويخليك تفكر ليش يكلمني ويقعد معاي بالساعات والايام وعلى النت وعلى التليفون بس اهو يحب شخص ثاني ؟؟؟ هل تضييع وقته معاك ؟؟ والا شنو ؟؟ يحبني ما يحبني؟؟ يعزني كأخ ؟؟ والا شنو السالفه ؟؟ وهالاسأله تخلي الواحد يدور في دوامة الحزن والهم والحلم بحب هالشخص , شنو الحل هل اتركه ؟؟ هل اكون معاه بس خل يحب شخص غيري وانا اتمناه من كل قلبي ؟؟ هل ادوس على نفسي وعلى قلبي المظلوم ؟؟ راح تحس بالتعب والضيقه وان كل هالعالم صغير وقاعد يصغر ويضيق فيك بس تحاول تتهرب منه ؟؟ شخص حبيته ولكن يحب غيري هل هذا القدر والا الوقت والا حياتنا والا شنو بالضبط ؟؟ وانت متاكد ان هالشخص اهو الي راح يريحك ويسعدك لان كلامه وطريقته واسلوبه رقيق المشاعر وطيب القلب وحنون عليك ... """ ما كل ما يتمناه المرء يدركه .. تجري الرياح بما لا تشتهي السفن """ وكل شي مكتوب ومقدر مهما صار ولازم انتعود على الالم والحزن والضيقه لان هذه الحياة احزان وافراح ولا يعيش فيها الا الي يعرف يمشي معاها ويقدر يمشيها على كيفه وهوااه ... Quote Link to comment Share on other sites More sharing options...
عاشقة الاخوة 27 Posted مارس 16, 2010 Report Share Posted مارس 16, 2010 (edited) تعبت و انه اكتب الرد كل ما اكتب كلام طويل و وايد يتمحه كل شي و ابتدي من يديد : ( المهم الحب معادله و لازم تكتمل معطياتها عشان تعطيج ناتج صحيح خالي من الكسور المعادله اطول من جذي بس انه باختصرها لج على حسب حالتج تحبينه + يحب غيرج = ؟؟!! مافي ناتج اما تفسير مكالماته ف في افتراضات اول شي نفترض سوء النيه : ممكن يكون الصبي يلعب و يبي يتسله ( و على فكره لا تحسدين البنت اللي يحبها عليه ، لان اساسا لو حبه صادق و صحيح لها جان ما قعد يكلمج طول هالوقت على اساس انج صديقه .. اما اذا يكلمج بعلمها ف سلمي لي عليها ) افتراض ثاني و هو حسن النيه : يكلمج على اساس ان يرتاح لج و انتي صديقته .. دام انتي من النوع اللي ما تقدرين تتحكمين في مشاعرج ف لازم تبتعدين عن الصبي لان انتي الخسرانه في النهايه .. و تره كل ذي على حساب مشاعرج و قلبج و نفسيتج ، لانج في النهايه راح تطلعين من المولد بلا حمص .. و غير جذي انتي قاعده تدمرين حياته تقريبا لان اهو قاعد يخون حبيبته معاج بغض النظر عن نوع العلاقه بينكم . في النهايه انه خلنه نفترض و نقول ان يمكن يكون حاطج (سبير) = احتياط .. وقت ما يكون متملل و فاضي يكلمج .. و وقت ما تكون رفيجته زعلانه و مقصره معاه في شي معين ايي يكمل هالشي معاج .. و ممكن و في احتمال كبير لو طلع حبهم حجي فاضي و ماقدر يرتبط فيها .. تره في احتمال ان اييج و يقولج (انه من زمان كنت احبج و ابيج بس مب متاكد من حبج و مب عارف شلون اصارحج و من هالحجي الفاضي ) ،، و انتي لانج تحبينه ف راح تصدقين كلامه كله و انتي مغمضه .. و في النهايه اهو الربحان لان ماخسر شي و عنده وحده احتياط << و الي ماحبج من البدايه و ماكان شاريج ف مستحيل يشتريج في النهايه . انه اقول ابتعدي عنه لان هاي مب حب .. انتي قاعده تعذبين روحج و اتعبين نفسيتج ،، ماردج بتلاقين الشخص اللي يقدر مشاعرج و يصونج .. و الظاهر انج متعلقه فيه لان اهو الوحيد اللي في حياتج .. و كوننه ك بني آدميين محتاجين احد يسمعنه و يفهمنه و نفرغ معاه شحنات الحب و المشاعر و هالسوالف .. ف من جذي انتي حاسه معاه باللي تحسينه احين ... خلاص تركيه و لاتسمحين لنفسج انج تكونين احياط عند اي شخص كان . Edited مارس 16, 2010 by عاشقة الاخوة 27 Quote Link to comment Share on other sites More sharing options...
الأمبراطور بوعلاوي Posted مارس 16, 2010 Report Share Posted مارس 16, 2010 كفيتي وفويتي اختي صح لساانج كلام في محله ويسلمو على الطرح الجميل Quote Link to comment Share on other sites More sharing options...
مهمومة زمانها Posted مارس 27, 2010 Report Share Posted مارس 27, 2010 انا مع عاشقة الاخوة في الراي اوافقها يسلمو ع الطرح Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.