مغرم بالهوا Posted مارس 29, 2010 Author Report Share Posted مارس 29, 2010 حلقه اليوم ماصار فيها شي يديد و ممله بس شله احمد العونان يعامل اخوانه جذي <_< و هاي رنا الي بنور في سماء صافيه ناسي اسمها كومبارس و لا شنو ما جفت اسمها بالتتر Quote Link to comment Share on other sites More sharing options...
نغــــــم Posted مارس 29, 2010 Report Share Posted مارس 29, 2010 (edited) [ تسلم مغرم الله يعافيك ماطلبت شئ ~إن شاء الله أصمم كام توقيع وأحطهم Edited مارس 29, 2010 by نغــــــم Quote Link to comment Share on other sites More sharing options...
~ لـهفة شـوُق ~ Posted مارس 29, 2010 Report Share Posted مارس 29, 2010 بآنتظار الحلقه الرابعه على أحر من جمر الله يقويكم Quote Link to comment Share on other sites More sharing options...
أحلى مصرقعه Posted مارس 29, 2010 Report Share Posted مارس 29, 2010 (edited) "][/url] ابومنال قآعد بالصاله حزين وتيي له بنته منال يساله شعندج ؟ تقول صراحه عندي أوراق لـ رفيقتي روابي وكل ما أبي اعطيك اياهم أحصلكـ متضايق فـ اسكت ابوها شفيها الاوراق هذي ؟! يبه هذي اوراق اخت رفيقتي روابي يبونها تتعالج بالخارج وما عندهم واسطه ابوها يعني تبيني اتوسط لها ؟ اي هي مريضه صج مو تتدلع وتغير جو ابوها : انتي جايفه الحاله الي انا فيها يعني ما يحتاج اشرح لج ولا اقول لج عطيني المعامله بارسل المندوب يخلصها منال : لا يبه الي فيك كافيك ما ابي احملك اكثر من طاقتك ابوها عطيني الاوراق يمكن اقدر امشيها لهم منال يبه الله يهديك اذا وديت المعامله مع المندوب ما تمشي !! ابوها اه منج ما اقدر عليج عشانج بخلصها أنآآ مشعل قاعد و اييه فيصل يسلم ويرد عليه ويبشره فيصل ان حصان تركي مريض ماراح يشارك بالمارثون واحتمال كبير يموت مشعل اذا مات لك هديه مني حصان فيصل كفو والله << يالخاين فيصل يآآآه اتصال من تركي ويطنش مشعل يقول لـ فيصل روح الاسطبل غز الحصان ابره عشان يموت يقول فيصل انت صاحي عنده صبي بوليسي تبيه يصديني منال تتكلم بالتلفون وتشكي من حال ابوها من بعد ما ماتت امها لـ تركي وينصحها تركي انها تتزوجه تقطع الاتصال عشان أبوهآ يطق البآب وابوها يدخل عليها منال تكلم ابوها ليش مانمت ؟! انا ما ابي أضيق خلقج بس شركتنا تمر بخساير وانا اشتكي لج بعد الله منال تقول صحتك بالدنيا كل شي يتعوض ابوها يسالها لو خسرتي المارثون ؟ قالت منال بتضايق قال انزين انا لو خسرت بدخل السجن لانها خساير بالملايين منال : يبة بيع حتى لو بخساره وسدد الي عليك اهم شي ما تكون مطلوب ابوها الناس تبيع ما تشتري منال الله كريم يا يبه مشعل يهزء العامل الي عنده وما يبي يعطيه راتبه << ظآآلم الكاميرا تروح للمفحطين وبينهم (اخو عونان ) سباق واخرتها تضاربوا << هبلآآآآن تروح الكاميرا لـ ابو طارق وام طارق (عبير احمد و ابراهيم الزدجالي) ام طارق يا حبيبتي ناظرتنا حقانيه وما تحب الظلم (في نفس الاوقت ابو طارق قاعد ومتضايق وما اهتمت له ) اسمعي كلامي روحي المنطقة التعليمية تسكر التلفون يسالها ابو طارق من يكلمج اللحين ما لقت تكلمج الا اللحين قومي خلينا ننام ورانا أشغآل >>>على بالي عاطل طلع موظف ام طارق تراها مسكينه تروح الكاميرا خالد (القاضي) وهو بمكتبه يكلم في التلفون يا استاذ شلون ما تبيني اتضايق هذي رابع قضيه ترفع للتميز والمسالة فيها اكبر من جذي فيها حقوق ناس ويمكن انا اخطيت لكن اربع قضايا في السنه بروح لهم و احوف شالسالفه يدخل عليه احد يناديه لـ قاعة المحكمه تروح الكاميرا لـ عبير(رغد) ورفيجتهآ في المدرسه رفيجتهآ انا بشتكي الناظره رغد انزين لا تتصلين علي متاخر زوجي فواز تضايق البآرحة رفيجتهآ صج تضايق افا عليج ما طلبت شي كل يوم بتصل عليج متاخر رغد لا حبيبتي تكفين لا تتصلين ان شاء الله تتزوجين وتحبين رفيجتهآ لا بتزوج احد يحبني ويدللني طق الجرس راحوا من المكان الي اهم فيه راحت الكاميرا لـ سامي في قاعة المحكمه قضية اختلاس ويتأجل الحكم تروح الكاميرا لـ سهام ورفيجتها تقولها ريلج ما يحبج ما توقعت يرد لج طلب سهام لا انا باخذ منها فلوس احسن لي رفيجتهآ انتي خلي الفلوس حقج وانا زوجي نعدل لج المحل ونسوي لج اعلانات ومني لج فلوس فوق فلوسج سهام يعني هذي رشوه رفيجتها لا اعوذ بالله هذي هديه سهام يعني شي مقابل شي تروح الكاميرا لـ رغد ورفيجتها داخلين على زميلاتهم المدرسات وعزموهم لكن رغد رفضت بادب وهذيك قالت ما احب اكلكم << مآ تستحي وراحت رغد و رفيجتها يقعدون على مكاتبهم المدرسات يتكلمون في رفيجة رغد نقزت لهم وتهاوشت معاهم و قالت العزيمه مو بالغصب خلتها رغد تهدى واخذتها برا غرفة المدرسات طلعتها برا المكتب المدرسات قالوا المدرسات على شنو هذي الصداقة !! فيصل يكلم مشعل تركي بياخذ اجازة يساله مشعل ما مات الحصان قال له مريت وقالوا لي مريض وانت ما تقصر معاي عاطني سياره مآ أأخر عليكـ خبر << خآآآآآآآآآآآآآين مشعل اي دريت فيصل شرايك احط له سم مشعل قالت لك من قبل فيصل اخاف الصبي مآله يقول له عني الكاميرا تروح على تركي وهو يتفقد حصانه سال من يآآ الاسطبل قال له الهندي بابا فيصل تركي بابا فيصل مضبوط << يالمخديي فيصل لـ مشعل جفت قال له عني مشعل حط للهندي سم مع الحصان وفكنا منه مشعل شفيك ترى اخاف ربي مشعل وانا بعد اخاف ربي مو تحط له سم وتسوي لنا بلاوي وتبلشنا تحقيقات ترى انت خبل تسويها فيصل انزين راح لـ تركي مشعل روح خلنا نجوف آخرتك ما منك فايدة تروح الكاميرا لـ سامي بمكتبه يكلم مساعده انا ابيك تسلم كل القضآيآ مآلي للمحكمه انا قدمت استقالتي !! خلآآص مآ يفيد اللحين .... منال وتركي يتمشون في الحديقة ويقنعها بـ حلول يمكن تقدر تساعد فيها ابوها بعدين قال خليني اتقدم لج واكون خطيبج واكون من الناس المقربين لابوج واقنعه باي شي منال لا والله انتي تبيني عشان تحبني ولا عشان تقنع ابوي تركي الاثنين سامي دخل على سهام البيت قعد زعلان و متضايق بعيد عنها والخبله قالت له اجوفك اليوم مستأنس صرخ عليها وقال انا مآلي خلقج فيصل قآبل منال عند باب الاسطبل سلم عليها و راح لتركي وساله تركي شعندك ويه منال قال له الخاين عادي جفتها بطريقي سلمت عليها عاد هي خطيبة اخوي تركي << نذذذذذذذذل ساله بتشارك في المارثون الياي ما حدد تركي .. قآل على حسب الحصآآن تروح الكاميرا لـ منال وابوها وهم متضايقين وتتشره عليه انه تعبان وما ياكل وانه مرهق وابوها مستآنس انها تعرفه زين ومهتمه له ابوها عيل ما كو فايده اخش عليج خبر خسايرنا منال انا سكت عندي امل انها بتعدي ابوها بتعدي ان شاء الله ساله من كلمتي وشلون خيلج ردت عليه كلمني تركي ابوها شيبي منج قالت كلمني يبي يخطبني تروووح الكاميرا لـ ابو طارق "فواز" قاعد مثل الشيخ في مكتبه ويدخل عليه احد اول ما قعد يآآه شي في قلبه يطلب فواز الاسعاف تروح الكاميرا لـ سهام وزوجها خالد القاضي يتهاوش معاها يقول ليش انتي تضايقيني تقول له هذا وانت قاضي تعاملني جذي قال استانسي هديت شغلي وصرت شخص عادي بعدين طلعوا منال وابوها مستآآنس عليهآآ ويشرط عليها تعيش هي وتركي في بيته تقول له ان تركي نفسه عزيزه و يمكن ما يرضى ابوها هذا شرطي الوحيد منال هو يحبني ما أتوقع بيفرط فيني بسهوله بعدين خيل تركي تركض بارض الاسطبل مشعل وتركي و فيصل يطالعونها مشعل يقول خيلك طيبه وانت تحب منال وتخليها هي الي تفوز بها تركي منال بتصير زوجتي فيصل خطبتها ؟! تركي هاليومين ان شاء الله بخطبهآ مشعل مبرررروك فيصل ما شاء الله فارسه وابوها راعي سوق تركي انا ما لي دخل بالسوق انا ابي منال بعدين المستشفى وفواز يحآآرس ومعاه تلفوون الشخص الي طاح بالمستشفى << ويطلع ابو رفيجة رغد المدرسه الي ما تستحي يرد فواز على تلفوون الريآآل لجين تقول وينك يبه عجزت وانا اتصل عليك من الصبح من معاي !!! ؟ مستشفى شفيه ابوي قول لي الله يخليك انا جايتكم اللحين منال تكلم تركي انا قلت لابوي انا جايتك اللحين بعدين لجين تركض داخله للمستشفى تسال عن ابوها عند الاستقبال يوقفها فواز لو سمحتي انا الي كلمتج تساله ابوي شفيه انت الي انقذته ؟! قال اي يا حبيبي يا يبة قال لها ممنوع تدخلين عله قآآمت تصيح على يم << الدلع ما يطيح لج أيد فواز متعاطف معاها وآآيد وايبي يهديها الدكتور تطمني على ابوج اهدي اللحين يدخل الدكتور: ابوج بخير تبين تدخلين له ، لو تاخر دقيقة جآآن فارق الحياه فواز + لجين الحمدلله بعدين سياره يايه تطلع فيها منال وينتظرها تركي خايف تركي طمنيني منال ابوي شارط شرط وحيد يبينا نسكن معاه في البيت يوافق تركي و يقول أنآ بعتبر ابوج مثل ابوي بعدين لجين بغرفة ابوها المريض بالمستشفى وتطالع فواز <<< بتاكله بعيونها ابوهآ مريض واهي تترزز عند الريآل وفواز يبادلها النظرات و بعدين يستأذن وتشكره تقول له الله يعطيك العافيه و بعدين تآخذ رقمه رقمه <<< صج مآ تستحي فواز يدخل بيته تنزل له رغد وهي مرتاحه نفسيا رغد ها حبيبي وين كنت اليوم فواااز يتحلطم كان عندي شغل شنو كان عندي بعد . Edited مارس 29, 2010 by أحلى مصرقعه Quote Link to comment Share on other sites More sharing options...
نغــــــم Posted مارس 29, 2010 Report Share Posted مارس 29, 2010 (edited) Edited مارس 29, 2010 by نغــــــم Quote Link to comment Share on other sites More sharing options...
أحلى مصرقعه Posted مارس 30, 2010 Report Share Posted مارس 30, 2010 يعطييج الف عآآفيه حبيبتي نغم .. Quote Link to comment Share on other sites More sharing options...
مغرم بالهوا Posted مارس 30, 2010 Author Report Share Posted مارس 30, 2010 نغم .. مشكوره يعطيج الف عافيه ع هالصور الحلوه و احلوو بعد مشكوره على هالتغطيه الكتابيه الحلوه .. عساج ع القوه دوم يارب Quote Link to comment Share on other sites More sharing options...
مغرم بالهوا Posted مارس 30, 2010 Author Report Share Posted مارس 30, 2010 ماحطوها اليوم القناة موقفه 3 ايام مع حداد الي توفى .. الله يرحمه Quote Link to comment Share on other sites More sharing options...
~ لـهفة شـوُق ~ Posted مارس 30, 2010 Report Share Posted مارس 30, 2010 أخواني وين الحلقه الرابعه حدي متحمسه Quote Link to comment Share on other sites More sharing options...
أحلى مصرقعه Posted مارس 30, 2010 Report Share Posted مارس 30, 2010 الله يرحمه .. نطرووني في تغطية الحلقة ( 4 ) Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.