برشلوني حتى النخاع Posted مايو 18, 2010 Report Share Posted مايو 18, 2010 نحب نسمع سوالف الانجليز ونحب من نجوف انجليزي في ديرتنا نضحك له ونبتسم له ونسلم عليه سؤال!! لماذا دائماً نضرب المثل في الانجليز؟؟ تفضل أقرى معاي هالموضوع من واقع تجربة لازالت قائمة .. عشت فيها سنتين في العاصمة البريطانية لندن تعرفت فيها على أمور عديدة من جوانب التطور في المملكة المتحدة في البداية .. ليش أحنا مب متطورين؟ 1. النزعة والضمير الداخلي .. ان لا انه او الدولة او من كان ما نقدر نخليك تسوي الشغلة اذا أنت من نفسك ما تبي تسويها وفي مثل يقول ( من السهل تقود الحصان الى النهار بس مستحيل تخليه يشرب منه) يمكن ما تعودنا أن احنا نحب الشغل .. تعودنا على أن أحنا نشتغل علشان نعيش مو علشان نثبت وجودنا ونثبت أبداعنا 2. الصدق و الخلق في بريطانيا يدرس الطلاب المقدمين على التخرج من الجامعات مقرارات أخلاقيات المهن .. مثل كيفية رفض الرشاوي والتصرف عند حدوث المشاكل و ... الخ ، هالامور اللي راح تصادفنا في العمل .. كيف نقدر نتغلب عليها ونتجاوزها .. مهما كانت وظيفيتي الى جانب الصدق في القول والتصديق عند الإبلاغ .. يعني اذا تبي تقول شي قول الصج واللي جدامك يصدقك دايركت .. انزين واذا واحد جذب هم اللي جدامك يصدقك 3. عدم الإلتفات للمظهر أو اللون أو الشكل أو الكماليات اللي يهمهم النتيجة والعطاء وما يهتمون حق جنسك .. لونك .. شكلك .. الخ 4. الصبر والتريث والتحفيز يصبرون على الشي وما يعصبون .. وعندهم تحفيز غير طبيعي للي يشتغل معاهم سواء مادي او معنوي بأي شكل كان 5. التخطيط السليم من الحين يخطط حق ال20 سنة اللي جدام ويحط الاهداف وشلون يقدر يحققها ويستعلمون طريقة Personal Development Plan 6. يبقون على طول متواصلين بالحاضر والمستقبل وكل ما هو جديد ما يكتفي باللي عنده من معلومات .. على طول يقرى وعلى طول يطلع على كل ما هو جديد .. ويحاول يدخل التكنولوجيا في شغله وما يقول عمري عود وما اصلح حق هالشغلة او طافني القطار 7. ما يتدخلون فيك بتاتاً .. حر في تصرفك وفي خصوصياتك ومذهبك ودينك وميولك ... الخ 8. التنفيذ الحالي ما جافوا ان هالشي لازم يتنفذ الحين فدايركت يتنفذ الحين ما يقولون نأجل الى السنة اليديدة أو خله لي بعدين من هالموضوع .. تتوقعون هل جيلنا في البحرين يمتلك هالمؤهلات؟ هل جيلنا قادر على حمل البحرين على أكتافه وتحقيق رؤية البحرين 2030؟ بإمكانا كشباب بحريني نسوي شي؟ شنو ينقصنا ؟ شنو نحتاج؟ أنت وانتي .. شنو في قلبك تبي تقوله وأنت شاب ؟ ( أرجو ما نقلب الموضوع طائفي .. وتذكر النقطة رقم 3 فوق .. لا دين لا مذهب لا لون له دخل .. قول اللي في خاطرك بعقلك لا بقلبك) Quote Link to comment Share on other sites More sharing options...
حسين بن إبراهيم Posted مايو 18, 2010 Report Share Posted مايو 18, 2010 يسلمووو عالموضوع احنا محتاجين شي واحد بنظري إنه نآخذ الإيجابيات من الغرب مش السلبيات نفس الستايلات والحركات Quote Link to comment Share on other sites More sharing options...
عاشقة الاخوة 27 Posted مايو 18, 2010 Report Share Posted مايو 18, 2010 مممممم على قولتك باختصار لانهم انقليـــــز لا السالفه مب جذي انه اجوف ان الموضوع مرتبط بالتربيه .. احنه او خل اقول بعضنه ما تربينه من صغرتنه على تحمل المسؤوليه .. ما عودونه ان انت مسؤول عن نفسك .. تبي تعيش ؟ روح اشتغل و انت في المدرسه .. ارجع البيت قط شنطتك و روح اشتغل اي شغله كانت .. و شيل روحك بروحك .. ما عودوهم على الرفاهيه و على مبدأ مابي احط في خاطر ولدي شي .. لا يبه تبي شي اشتره بروحك .. احنه رواتبنه شنسوي فيهم ؟ نصه على الاكل و نصه حق الطلعات و الثياب و الكشخه .. اهمه لاء .. والله اني اجوفهم هني في الشغل جنهم يهال ... اييبون معاهم شنطة اكل !! و فيها روتي و تفاحه و سلطه و خلاص .. ياكل عشان يعيش .. و احنه نعيش عشان ناكل .. احنه نطلع في الاسبوع 9 مرات .. اهمه كل وقتهم شغل و تعليم و يخصصون يوم في الشهر حق الترفيه .. يلبسون اي شي .. حتى لو كان مدير .. تلاقيه يلبس لك نفس القميص و البنطلون 3 مرات في الاسبوع .. يعني ماعنده مشكله يكرر ثيابه و احنه نستحي .. ماعندهم مشكله يشتغلون اي شغله حتى لو "ويتر" في مطعم ،، احنه طبعا بعض اهالينه يقولك لاااا انت ولد مادري من شلون تشتغل ويتر ؟ او يقولك كمل دراستك و جابلها لان تعب عليك تشتغل و تدرس . ينمون مخوخ عيالهم و يكتشفون وين مركز الابداع و يتفاخرون فيهم جدام الناس و احنه مانخلي عيالنه يقعدون مع الكبار في قعداتهم السن مايوقف عائق عندهم .. واحنه نقول حق عيالنه توك صغير و اخاف عليك .. لين كبرت شوي بتتعلم !! كل الاختلافات تقريبا تعتمد على اختلاف انماط التربيه بينه و بينهم .. اكو عندك الشعب الياباني يا الله عليهم ما اروعهم (جوف حلقه وحده من برنامج خواطر مال رمضان اللي راح و انت بتتحسر على عيالنه و على تربيتنه حق عيالنه ) في نقطه مهمه ابي اقولها .. انه صراحه ما عشت معاهم في ديرتهم .. انه عاشرتهم و اهمه في غربه .. و انت اخبر الواحد في الغربه يكون عنده الاحساس بالمسؤوليه اكثر بواااايد من الواحد اللي عايش في ديرته <<< يعني لا ننسه هالنقطه و نمدح فيهم زياده عن اللزوم ، مثل مافيهم الزين تره هم فيهم الشين . بس الحمدلله الف مره ان الله اختارني من بين المليارات من الناس و خلقني مسلمه من عائله مسلمه ،، عمري ما تمنيت اكون اجنبيه او حتى اكون مثلهم .. بس دايما اقول ان الغلط مننه و اتمنه ان المسلمين يطبقون الاسلام الصح و يمشون على سيرة اشرف الخلق محمد عليه الصلاة والسلام في تربية العيال .. جان بنكون اروع شعب في العالم و الكل يقلدنه و يقتدي فينه .. بس للاسف ابتعادنه عن سيرة الرسول صلى الله عليه و سلم اهو اللي عافسنه و عافس حياتنه و مخلي البعض من المسلمين يتشفق على عيشة الاجانب . اليابانيين اللي مسوين لهم برنامج كامل عن حياتهم في رمضان تره مافيهم شي من الزود ؟ ديرتهم نظيفه و اهمه نظاف يحترمون الانظمه و القوانين يحترمون النعمه بشوشين و محترمين يحترمون الوقت يمارسون الرياضه يقرون و يتثقفون و .............الخ تره لو نلاحظ ان كل هالاشيه موجوده في ديننا العظيم و في سيره رسولنا و عليها احاديث بعد و حتى لو ماعليها احاديث تلاقيها موجوده بطريقه غير مباشره في سيرة الرسول و الصحابه يعني هالاجانب قاعدين يطبقون الصح اللي احنه (لازم) نطبقه مقتدين بنبينا .. اغلب تصرفاتهم تعتبر اسس لازم نمشي عليها لان النبي كان يسويها .. بس الفرق ان اهمه تربوا اوتوماتيكيا على هالاسس و احنه للاسف لاء مع ان احنه ألزم منهم بهالامور .. احنه مستانسين ان احنه مسلمين لكن ما انطبق الاسلام في تربيتنه حق الاجيال . Quote Link to comment Share on other sites More sharing options...
ورود الليل Posted مايو 18, 2010 Report Share Posted مايو 18, 2010 التربية والدين والبيئة أســاس كل شي Quote Link to comment Share on other sites More sharing options...
ahmed 88 Posted يونيو 19, 2010 Report Share Posted يونيو 19, 2010 التربية والدين والبيئة أســاس كل شي اتفق مع ورود الليل Quote Link to comment Share on other sites More sharing options...
M!Ss q6wa Posted يونيو 30, 2010 Report Share Posted يونيو 30, 2010 لو الواحد ينظر في دينه ( الاسلام ) بيجوف انه مو يتعلق بالجانب الروحي والعباده بالعكس القران والسنه جاءو بما يخص جميع جوانب الحياه الاجتماعيه والسياسيه والاقتصاديه فلو كل واحد تربى تربيه صحيحه وكانت عنده عقائد صحيحه بيجوف ان مايحتاج نطالع الغرب اصلا لان كل شي موجود في ديننا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.