๑۩۞۩ موقفك ياآدم ويا حواء ة۩۞۩๑

[اسيـــرة الاحزان]

اليوم موضوعي وايد مهم بالنسبة لآدم وحواء وحبيت اعرف شلون راح يكون رد فعلكم وتصرفكم ؟

 

ماهو موقفك ياآدم عندما تكتشف أن زوجتك كانت تحب شخص ما قبل الزواج وعرفت بالصدفة يعني ماخبرتك بنفسها لكن في نفس الوقت تعاملك معاملة زينة تحترمك وتقدرك بس انت تحس انها ما تحبك بكل معنى الكلمة يعني عادية ؟

 

وبالنسبة للبنات نفس الشي بعد شنو موقفكم اذا عرفتوا انة الزوج لة ماضي بالصدفة بس يعاملج بكل احترام وتقدير بس ماتحسين بالحب نفسة ؟

 

 

كيف تتصرفون هل راح تزداد شكوككم اكثر لين تعرفون انة لشريك الحياة ماضي وربما مازالوا محتفظين بالحب القديم في قلبهم وتنبشون في السالفة ؟

او بتتقبلون دام انهم كلش عاديين في تعاملهم؟؟؟

Edited May 18, 2010 by اسيـــرة الاحزان

[حسين بن إبراهيم]

عن نفسي راح تنتهي الثقة فيني

[عاشقة الاخوة 27]

عادي شباسوي يعني ؟ بس بازمر شويه لان انه من نوعية اللي احب انبش في الماضي بــــس من غير ما احاسب عليه و في هالحاله المفروض يكون مخبرني عن كل شي و انه احين اكتشفت ان عنده علاقه ما خبرني عنها .. ف باحاول اعرف شمعنى ماخبرني عنها و شنو الاسباب ؟ و طبعا راح اخليه يخبرني بالقصه من البدايه للنهايه بكل تفاصيلها .. و من طريقة كلامه راح اعرف واحدد وايد امور .. بس اهم شي ان مايقعد يقارن بيني و بينها لان اذا بيقارن ف ماراح يقتنع فيني طول عمره .. و خصوصا لان اهو ماجربها كزوجه ف اكيد راح يكون راسم لها صوره اقرب للخيال لان ماعاش معاهه في الواقع .

[wolf girl]

 

انا عن نفسي باتضايق لان ما خبرني

 

بس بعد هاي الشي كان في الماضي قبل لا ادخل في حياته

 

وكل انسان له ماضي

 

بس هالشي ما يمنع ان مايقول لي عن ماضيه

 

اكيد باعاتبه و بازعل شوي

 

=)

 

 

و ثنكس على الموضوع اختي

 

 

 

[محرقي وكلي فخر]

اممممم حزتها صج بيحز هالشي في نفسي واااايد بعد..

 

بس بعد باواجها وباقول لها ليش ماقلتي ومن هالكلام وتقول لي سالفتها مع حبيب القلب بالتفصيل الممل..

 

وبحاول قد ما اقدر اني انسيها اياه واكسب قلبها وبحول الحب اللي تحبه حق ذاك بحوله لي وبعد باغفر لها وماراح احاسبها طول العمر لانه هالشي كان قبل ..