ريماس الحب Posted مايو 26, 2010 Report Share Posted مايو 26, 2010 بسم الله الرحمن الرحيم هذي القصه قبل الموضوع بين محمد (متزوج) نــاصر ( عزوبي) طايحين حش على خــالد (خاطب) : نــاصر : وش هالحاله ذي محمد : وش فيك نــاصر : ماتشوف حل حق خــآلد محمد : ليه وش فيه نــاصر : كل ليله اشوف سيارته عند بيت خطيبته الى اخر الليل والى الصبح محمد : عادي يمكن نايم في بيت خطيبته نــاصر: وش ينام هناك محمد : يعني ينام .. حتى انا يوم كنت خاطب كنت انام في بيت خطبيتي و اطلع من بيتهم الى العمل .. عادي وش فيها نــاصر : انا والله ماأأيد .. تخيل لو يشوفني عمي او عمتي ( ابو او ام الخطيبه) وش يقول محمد :..وش بيقول يعني عادي .... وش عليي منك انا .... روح شوف كل الخاطبين يســوون كــذآ الحين يالله بقوم اروح النادي ابشــوف دورة الطائره وش رايكم في الي يسويه خــآلد والي قاله نــآصر او الي قاله محمد ارجو من الجميع التفاعل وطرح رأيه سواء كان متزوج أو خاطب أو عازب او بنت أو ولد أو إمرأة أو رجل ومن ثم يختم قوله (أوافق على النوم في بيت الخطيبه والسبب) ( أعارض النوم في بيت الخطيبه و السبب ) انــاعن نفســي مــا اايد أنو ينام عندي .. انتو ايش رايكم ملحوظه صغنونهـ : المقصود في الموضوع فترة الملكه < عشآن لاآحد يفهم غلط Quote Link to comment Share on other sites More sharing options...
محرقي وكلي فخر Posted مايو 26, 2010 Report Share Posted مايو 26, 2010 انا اعارض .. اول شي عيب شنو راح تكون فكرة ابو او ام خطيبتي.. لاحق عليها لما اتزوجها .. اوكي اطلع معاها ميخالف اتعشى واروح سينما .. بس انام عندها الاسـلآم ما امر جذي .. متى ماتزوجتها وخذيتها من اهلها ذيج الساعه انا حر فيهــأا .. قــواااج الله على الطرح .. Quote Link to comment Share on other sites More sharing options...
wolf girl Posted مايو 27, 2010 Report Share Posted مايو 27, 2010 ( أعارض النوم في بيت الخطيبه و السبب ) عيل ليش خلوها فترة خطوبه دام السالفه جذي يتزوجون مره وحده احسن يعني هاي الفتره اصلاً بس حق يتعرفون على بعض اكثر و يطلعون و يروحون و يستانسون و تسلمين على الموضوع Quote Link to comment Share on other sites More sharing options...
عاشقة الاخوة 27 Posted مايو 27, 2010 Report Share Posted مايو 27, 2010 (edited) اهو بالنسبه حق الشرع ف عادي دام الريال مالج عليها .. يعني في عقد شرعي بينهم ف ماحد يقدر يكلمه دام البنت حلاله . اما بالنسبه حق العرف ف الزواج صار عندنه على جزئين : جزء قبل حفلة الزواج (فترة الخطوبة) : في بينهم عقد شرعي ، لكن العرف اطلق عليها اسم "فترة التعارف" و فيها تتم العشره بين الخطيبين بدون ما يدخل عليها .. تكون بينهم قعدات طويله و روحات و ييات على اساس انهم يعيشون مع بعض و يتعرف كل منهم على الثاني قبل لا يعاشرها (معاشرة الازواج) لانها راح تكون الخاسره الوحيده تقريبا اذا دخل عليها و ما صار بينهم تفاهم و نصيب . ((يعني هالفتره نقدر نسميها فتره حب شرعي)) اما الجزء الثاني و هو بعد حفلة الزواج (العرس) : يكونون منتهين من فترة التعارف و شبه متفاهمين و يعيشون حياة الازواج الحقيقية . و عن رايي في الموضوع اجوف ان من الافضل ان تكون بين الزوجين فترة خطوبة المتعارف عليها عندنه .. صحيح ان الخلوه بينهم شرعيه بس انه افضل ان ما تتم هالخلوه بينهم في مكان مصكوك كالبيت مثلا و في وقت متأخر .. لان هالظروف راح تخليهم في لحظة ضعف بما انهم حلال لبعض ، بس شالفايده اذا ضعفوا في لحظه و بعدها اكتشفوا انهم ما يتناسبون فكريا ؟ طبعا راح ينفصلون و راح تكون البنت مب عذراء .. و يمكن راح تنخطب مره ثانيه بصعوبه ، و راح تعيش فتره خطوبه اشبه بفترة الزواج اللي عاشتها اول مره ، و راح تعيد نفس القصه و يمكن ما يتفاهمون بعد و تستمر القــــصه !!! ف ليش الوحده تسوي في روحها جذي ؟ اوكي يقعد في بيتهم لي وقت متأخر مثلا .. يروح و ايي معاهه .. بس لا يهيئون الظروف حق انفسهم عشان يطيحون في غلط في لحظة ضعف و بالتالي يكتشفون انهم غلطوا بعد ما يفوت الأوان . و الاهم من جذي انه اجوف ان من الرجوله يعني ان الريال ما يدخل بالبنت الا لما يتأكد بنسبة كبيره انهم ممكن يواصلون باقي حياتهم مع بعض ف ماله داعي يرقد عندها في بيتهم او العكس و يضعفون و عقبها يندمون . Edited مايو 27, 2010 by عاشقة الاخوة 27 Quote Link to comment Share on other sites More sharing options...
العاشقة Posted مايو 27, 2010 Report Share Posted مايو 27, 2010 (edited) عادي تنام وياه ف بيتهم مو ف بيت البنت ! لان فشلة ف بيت البنت عادي تنام وياه بس عاد مو كل يووووووووووووووووووووووووووم وبس هاي رايي .. Edited مايو 27, 2010 by العاشقة Quote Link to comment Share on other sites More sharing options...
حشمه Posted مايو 27, 2010 Report Share Posted مايو 27, 2010 رايي من راي عاشقة الاخوه الاعراف لها دور عن نفسي بيتنا مايرضون حتى تطول البنت مع خطيبها برع البيت وايد حدهم 11 خخخ Quote Link to comment Share on other sites More sharing options...
mIss H$N Posted مايو 27, 2010 Report Share Posted مايو 27, 2010 انا عندي عادي اهيا جذي جذاك مافي عقد حق خطوبه وحق عرس نفس الشي ساعات تكووون فترة الخطووووبه مو حق يعرفون بعضهم بعض حث الريال يجهز نفسه حث يدير مسؤليه زوجه واطفال يغني مثلا اذا الزوج للحين مابرز بيته لازم يسوي خطوبه يعني مو معقوووله بيتزوجها ويسكن وياها في حجرته والله حجرتها وفي النهايه اهيا زوووجه شائت ام أبت الانه خلاص بينهم عقد زواج والناس مالهم خص رقد وياها....وعلى فكره حتى ابو البنيه ماله خص يعني الريال الحين ولي امرها يعني بالاصح مافي احد له خص فيها لا امها ولا ابوها الا اذا الريال خيخه ذي شي ثاني والله اهما مقررين انهما يبون يعرفون بعض ذي شي غير بس بيني وبينكم هل الايام صايره فترة الخطوبه مالها داعي يعني البنيه تاخذ واحد تعرفه صار لها سنتين او اكثر بس مسويه الخطوبه علشان تسوي حفلتين @@ بياااخه لو لا بس حق الخساير ووو عوار الراس علشان يقووولون عنها احسن من بنت خالتها والله اختها سوت حفلتين @@ اذا في احد قرا اللي كتبته فثنكس معني ماعتقد الاني وايد طولت شكرا على الموضوع الجميل Quote Link to comment Share on other sites More sharing options...
عاشقة الاخوة 27 Posted مايو 27, 2010 Report Share Posted مايو 27, 2010 (edited) صحيح ان مثل ما قالت الاخت ان اغلب الزيجات احين تكون عن علاقة مسبقة .. بس في اعتقادي ان علاقة الحب كللللش مب كافية حق التعارف ... لان حياة الحب احسها كلش غير عن حياة الزواج .. لان من يبتدي الصج ف المسؤوليات تبتدي تتوزع و من هني تبتدي بعض الاختلافات .. يعني حياة الحب شفيها من مسؤوليات ؟ ولا شي .. وين رحت وين ييت .. لا تطلعين لا اتدشين .. لبسي لا تلبسين <<< كله حجي فاضي . و من جذي اغلب الزواجات اللي تسبقها علاقة حب تكون فاشلة برأي اغلب الناس ... ليش ؟ لان مثل ما قلت .. الناس تحب لانها تبي تحب و بس .. و ناسين ان الحب عقبه زواج او خلني اسمي الزواج مسؤوليه .. و البعض يكون حاط الزواج في باله بس مو بصورته الحقيقه .. عبالهم الزواج طلعات و رومنسية و بس !! Edited مايو 27, 2010 by عاشقة الاخوة 27 Quote Link to comment Share on other sites More sharing options...
فاااتي Posted مايو 27, 2010 Report Share Posted مايو 27, 2010 انا عندي عادي اهيا جذي جذاك مافي عقد حق خطوبه وحق عرس نفس الشي ساعات تكووون فترة الخطووووبه مو حق يعرفون بعضهم بعض حث الريال يجهز نفسه حث يدير مسؤليه زوجه واطفال يغني مثلا اذا الزوج للحين مابرز بيته لازم يسوي خطوبه يعني مو معقوووله بيتزوجها ويسكن وياها في حجرته والله حجرتها وفي النهايه اهيا زوووجه شائت ام أبت الانه خلاص بينهم عقد زواج والناس مالهم خص رقد وياها....وعلى فكره حتى ابو البنيه ماله خص يعني الريال الحين ولي امرها يعني بالاصح مافي احد له خص فيها لا امها ولا ابوها الا اذا الريال خيخه ذي شي ثاني والله اهما مقررين انهما يبون يعرفون بعض ذي شي غير بس بيني وبينكم هل الايام صايره فترة الخطوبه مالها داعي يعني البنيه تاخذ واحد تعرفه صار لها سنتين او اكثر بس مسويه الخطوبه علشان تسوي حفلتين @@ بياااخه لو لا بس حق الخساير ووو عوار الراس علشان يقووولون عنها احسن من بنت خالتها والله اختها سوت حفلتين @@ صح كلامج والافضل حفلة زواج تكفي بدل الحفلتين Quote Link to comment Share on other sites More sharing options...
ريماس الحب Posted مايو 27, 2010 Author Report Share Posted مايو 27, 2010 يسلمووووووووووووووووووو اخواني واخواتي على الراي الرائع ربي لا يحرمنا من ارائكم الرائعه مودتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.