المجرم vip Posted أغسطس 20, 2010 Report Share Posted أغسطس 20, 2010 زواج المخفر اصبح اليوم واقع في مجتمعنا ونهاية كل علاقه غير شرعيه كتب لها الفضيحه ويكون ستر هذي الفضيحه بالزواج داخل المخفر وحسب معلومه سمعتها لكن ماني متأكد منها انهم في عقد الزواج يجبرون الزوجين على عدم الطلاق الا بعد 5 سنين من الزواج... انا ماني متكلم ليش حصلت هالعلاقه ومن هل امور لأنها اصبحت ماده مستهلكه بشكل كبير .. انا بتكلم عن زواج المخفر بحد ذاته كحل للمشكله... اليوم لو يقع الولد والبنت في علاقه محرمه وينكشف امرهم اما انه البنت صارحة اهلها بالشي هذا لأنها وجدت من فارس احلامها رائحة الخيانه والكذب بعد وعوده الكثيره لها بالزواج وتصليح الغلطه او لأسباب كثيره.... يكون الحل بالشكوى بالمخفر ومحاولة اصلاح مايمكن اصلاحه وستر العائلتين بزواج الولد والبنت.. لكن السؤال اهني ..مابعد هذا الزواج شنو اتوقعون مصير هالزوجين وحياتهم ونظرات الأحتقار تلاحقهم من كلا الطرفين..اهل الولد يشوف البنت انها بنت فيها وفيها ولولا الظروف ما تشرفو واخذوها واهل البنت يشوفون الولد انه انسان حقير ونذل وانه انتهك حرماتهم... تتوقعون هل ممكن تستمر العلاقه الزوجيه بينهم وممكن يتقبلون بعض في ظل هالظروف الي عايشين فيها....هل تعتقدون انه زواج المخفر كان حل لأرضاء واسكات الناس لكن لتحطيم حياة الولد والبنت الي كل واحد يشوف الثاني سبب في تدمير صورته الحلوه الي كانت مرسومه له عند اهله... وكل واحد يتهم الثاني انه اهو الي وصلهم لهل حال... تعتقدون زواج المخفر عقوبه تستحق الجزاء الي قام فيه الولد والبنت ام انه المجتمع لايرحم في مثل هذه الأمور.... والموضوع مفتوح للنقاش Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.