~{اول يوم دوام}~

[~oـoـيـزo~]

السلام عليكم ورحمة الله وبركاته

19\9\2010 بداية عام دراسي جديد ..

 

ومرحلة جديدة عند البعض , بعض الناس كانت ابتدائي وبتروح عدادي , والبعض خلص عدادي وبيروح ثانوي , وفي ناس تخرجت وباجر اول يوم جامعي لها ..

 

طبعاً اول يوم يكون عند البعض من احلى الأيام او خلونا نقول عند الغالب لأن الكل يتلاقا من بعد غيبة طويلة , والأهم مافي دراسة

 

وبعض الناس يكونون ما يبون الأجازة تخلص واول يوم عندهم يكون بداية المعاناة ..

 

شخصياً , مابي العطلة تكمل للحين تعبانة من الصيفي لأني هلكت بشكل مو طبيعي معن النتيجة مفروض تنسيني التعب بس للحين من اتذكر الجامعة اشوف الكرف الي صادني في الصيفي واقرنها بمقابل التلفزيون والأكل والطلعات والأهم راحة الباااال

 

اقول لا لا ياربي بعد ابي شهر , على الأقل اسبوعين ..

 

اللعام هالوقت بوو مستخفة على الجامعة كانت اول سنة لي وحدي حدي مستانسة , مهجزة اغراضي قبل بأسبوع ومطيحة بمنتدى الجامعة وفاتحة موضوع لدفعتي وعافسة الدنيا ..

 

واعد الأيام ..

 

المهم

في

هالموضوع ابيكم تتكلمون فيه عن استعدادتكم النفسية والمعنوية والمادية للسنة الجديدة وتقولون شلون كانت بداية السنة اللعام ..

 

والي متخرجين يقولون شلون كان اول يوم دراسي بالنسبة لهم

 

وباجر عقب الدوام كل واحد يقول شنو صار اول يوم بالتفصيل

اتمنى يعجبكم الموضوع

 

[Sheeva]

آنه بكره باروح آخذ جدولي و إن شاء الله مايكون تأجّل تجهيزه مثل كل مرة ..

 

الناس تداوم و تطوفني المحاضرات و آنه ليحين آراكض وراهم على هالجدول .. يالله يستوي ،،

 

::

 

نفسياً ،، مرتاحه .. و البال مرتاح و الحمد الله ،،

 

مادتين هالفصل و مادتين الفصل الياي ،،

 

يعني بكون مرتاحه ع الآخر ..

 

و ان شاء الله ابيّض الويه .. خوب مابيكون علي لود !

 

::

 

استعداداتي ألحين بتكون من ناحية الملابس و هالخرابيط ..

 

يعني اقعد احاتي بس وش ألبس

 

::

 

إييي و تفكيري الليلة بيكون مشغول في القروب اللي بيقطوني فيه

 

مع منو ؟ و مع أي تيجر ؟

 

و الجدول شلون بيكون ؟ و محاضراتي بتكون الساعه كم ؟ و بريكي الساعه كم ؟

 

و أفكر في ( أوادم ) باشوفهم .. مادري اشبيصير اذا جفتهم ... و بأي نظرات بيطالعوني أو بطالعهم ..

 

و بكره ان شاء الله اذا رحت الكلية .. بدش اهني و بكتب شنو صار لي ..

 

 

يعطيج العافية

[علي السماهيجي]

الحمدلله انه مفتك من هالشي

 

بس صاير كئيب البيت لان خواتي عندهم باجر وحده مدرسة و الثانية جامعة

 

فاجواء البيت مال مدارس ش9 ش9 ش9 ش9

[المجرم vip]

الحمدالله مخلص من زمان ومفتك من المدرسه

بلتوفيق حق الي يدرسون

[سما الشوق]

ووووي انه استعداداتي فااااشله كلش كلش حتى شنطه للحين ما خذت بس داشه بقووووووه عشان ارفع معدلي

 

لكن للحين مو مستوعبه باجر سكووووووووووووووووووووووووول

 

بسرعه خلصت العطلع......!!!!

[ولد_ المحرق]

الحمدلله انه مفتك من هالشي

[!!حــنــون!!]

 

انا عن نفسي باجر اول يوم دوام جامعة ..

خايفة نوعـا ما ..

ومستعدة ، لكـن مالي خلق اقعد من الصبـح

بجوف شسالفة هالجدول اللي ما فيه انا فـ اي سكشن ..

وخاطري ادش واجوف استكشف كليـتي كلية الاداب شفيها ..

يعني خاطري افتر ف الجامعة ككل اذا صار عندي وقت ..

واتمنى اجوف احد معاي اعرفه لان احس روحي بضيع ..

مشكورة حدادة ع الموضووع ..

[اسيرة جرح]

انه باجر اول يوم مدرسه بروح ثاني ثنوي

 

معنا واايد متحمسه للمدرسه عشان كل شي فيها واحشني

 

بس بعد مب مستوعبه باجر مدرسه يايتني حاله اكتئاب

 

اما استعدادتي فللحين ما كملت اغراضي ىاليوم اكتشفت ان باقي واايد اشياء ما شريتها

 

او شسمه واايد قاعده احاتي ربعي اخاف ما صير وياهم

 

ساعتها صج بييني الاكتئاب

 

ثانكس حداده ع الموضوع

[Guest LSH_LSH]

بالتوفيق للجميع للطلبة والطالبات والموظفين والموظفات

[A7madG3rashi]

ســـلام ...

 

ماكان عندي شي اسمه "اجازه" ، مواصلين احنا <_<

 

بالتوفيق

 

 

الحمدلله انه مفتك من هالشي

بس صاير كئيب البيت لان خواتي عندهم باجر وحده مدرسة و الثانية جامعة

فاجواء البيت مال مدارس ش9 ش9 ش9 ش9

 

بالضبط ..

 

بس استغل الفرصه واقعد تطنز عليهم

 

Edited September 18, 2010 by A7madG3rashi