Jump to content
منتدى البحرين اليوم

●●● ليه الزمن يلبس قناع ويعلم الصدق الخداع ●●●


{TiGER}

Recommended Posts

بـعد السلام عليكم ورحمة الله وبركاته

 

 

في نفسي اخبركم بشي حصلي و الحقيقة هالشي ممكن نسمع عنه يومياً ونشوفه ويصير بشكل يومي بس يوم عشته اليوم حقيقة تضايقة وحزت في نفسي اننا صرنا كيذا وتمنية كل الحضارة هذي والتطورات انها تزول ونرجع لسابق زمان اجدادنا ونعيش زيهم ولا نصير اوادم بلا رحمة بلا نخوة بلا حس بالغير..كل همنا الدنيا وقد ايش ممكن ناخذ منها.....

 

 

الحقيقة انا ما ودي اطول عليكم بالكلام لكن شي حصل لي وحبيت اقوله واتناقش معكم وعلى بركت الله ابدا السالفة وهي..

 

أنا سلمكم الله رحت اليوم اصلي العصر على قريب لي متوفي بسبب حادث والمتوفي طفل بالغ من العمر تقريباً 13 وعلى طاريه ادعوه له بالرحمه.. الله يرحمه....

 

المهم المسجد اللي صلينا فيه على الطفل هو مسجد مشهور ومعروف بأنه مسجد يتكفل بتغسيل ودفن الموتي وكل ما يختص بهم حتى الدفن ما شاء الله.... الله يرحم موتانا وموتا المسلمين...

 

المهم انا بعد ما صليت العصر وطلعت كنت ملبق سيارتي بعيد وتأخرت لين وصلت لها لدرجة إن سيارات الموتي مشت وحركت للمقبرة وانا باقي ما وصلت للسيارة ويوم وصلت وشغلت ...

 

 

أكيد هينا بسرع عشان الحق وطبعاً أسرعت وتوني ما تعديت المسجد الا واحد يمسك في وجهي فرامل وأصدمه ...

 

 

في هذي الحاله هل فيه احد بيوقف منكم .. أكيد اكثركم بيقول لا ....

 

أنا وبكل روح وانسانية ومراعاة لمشاعره و لحقه ولحلاله وقفت ... ونزلت له وقلت له انا مستغجل امسك رقم جوالي لأني أبلحق على قريبي المتوفي عشان الدفن....

 

وأنا طبعاً أقول الكلام هذا وانا قريب من المسجد وشايف هو حالتي يعني ما فيه امل إني أكون كذاب .... وبكل برود يقولي ويرد علي والله مشكلتك.... وللأسف هو رجل كبير...

 

 

وقعدت احاول فيه يا ابن الناس أنا كيذا كيذا واشرح له وهو مافيه امل معند بيدق على المرور ويخليني انتظر ويفوتني الدفن ....

 

حتى أخر شي إنه حدني على إني اقوله امسك بطاقاتي خلها معك والله ماني لاعب عليك وهو بكل برود يقول مالي دخل فيك شف لك دبرة ابي حق الصدمة....

 

 

وأشرح له واقوله يا عم يهديك يرضيك منا منا ... المهم إنه هبلبي وفي الأخير وبالقوة يقتنع بشرط انه ياخذ بطاقتي الرخصة وبطاقة الأحوال...

 

 

ومشيت ... المهم ورحت المقبرة ويوم طلعت منها وخلصت واشوي الا قلت خلني بدق عليه اشوف عسا الله يكون لين راسه ويتسامح معنا ويعرف ان العوض ما فيه خير ....

 

المهم واتصل عليه واكلمه انا توني طالع من المقبرة انت وينك عشان نتفاهم المهم صرفني وقالي انه في مستشفى يزور واحد واذا طلع بيكلمني قلت له خلاص بعد ما تطلع نتفاهم عشان نثمن الصدمة واللي تبيه انا حاضر فيه...

 

 

وبعدها بعشر دقايق بس يدق علي ويقولي انا الحين عند حقين قطع الغيار وامسك كلم راعي المحل ...

 

 

وكلمني راعي المحل.. ويقول الصدمه هذي ما تتصلح هذي لازم قطعه جديدة والقطعة عندي وسعرها 2200 وانا طبعاً من يوم كلمني وقال عند قطع الغيار وانا من جد قلت ذا نصاب كبير المهم ويتفلسف راعي المحل على قولته ويقولي القطعة هذي اللي هي الصدام عشانك ترا خليناها 1800 وانا بس ما غير اقول اها اها اها ايوه اها المهم وبس وانا اقول اها اها ايو اها نقص لي مية بعد خلاها 1700....

 

 

يالله يا ساتر... وش هالنصب اللي عيني عينك وش هالناس اللي باعت الشهامة والنخوة عشان فلوس وعيت تخليني اروح اشارك في الدفن عشان صدام وش هالناس اللي ما صارت تثق بأحد.... وش هالناس اللي بدال ما ترحمك وتتعاون معك صارت تحاول تنهبك وتلعب عليك....

 

 

من جد شي غريب ومحير شفته وعشته وكنت اسمع فيه واتمنى ما تعيشونه .. بس اتمنى تقولون لي لو إنكم في مكاني وش بتسون مع واحد زي هذا....

 

 

 

ايه صح بالنسبة لإسم الموضوع ترا جاء كيذا على طول على بالي يعني وانا مسرع زي العاده بس هالمره بدون حوادث..

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
الرد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
×
×
  • Create New...