نــــــــوارة Posted نوفمبر 19, 2004 Report Share Posted نوفمبر 19, 2004 اولا السلام عليكم هذي اول موضوع اكتبه في المنتدى اتمنى اني اشوف ردودكم وخصوصا الشباب وانتظر ردود البنات بعد...... اول شي ابي اسأل ... شفيها الدنيا تغيرت...؟؟ قبل كنا نشوف الوحدة اللي ماشية سيده واللي سمعتها احسن مايكون هي اللي تعرس قبل اللي سمعتها مو زينة... يعني الشاب لما يجي يبي يعرس يدور على وحدة طيبة ماشية عدل تحفظه وتصونه... لكن اللي اشوفه اللحين عكس اللي كان قبل بالضبط... البنية اللي عندها ربع شباب هي اول وحدة تعرس... ((( وانا هني مااتحجى عن اللي البنية اللي تحب واحد )))... يعني تشوفونها من ثانوي انخطبت وعرست؟؟؟ يعني شبابنا اللحين يدورون البنية السهلة واللي حاجت ثلاثة واربعة وعشرين؟؟؟ والا يدور له البنية اللي صاينة روحها ورافعه راس اهلها لأنه ولا احد يقدر يقول عليها كلمة؟؟؟ **على فكرة انا مااقلل من مكانة البنت اللي تحب واحد ومخلصة له لكن اتكلم عن اللي ماشاء الله ماخلت واحد ماكلمته.... شي طبيعي انه الكل يجاوب لا البنية الزينة... لكن انا وكل اللي اعرفهم يشوفون عكس هالشي.. يعني كلما زادت علاقات البنت كلما تقدمو لها ناس اكثر... ابي رايكم شاللي صاير في الدنيا؟؟؟ ابي اعرف الدنيا انقلبت؟؟ Quote Link to comment Share on other sites More sharing options...
مهاوي المحرقيه Posted نوفمبر 19, 2004 Report Share Posted نوفمبر 19, 2004 والله بصراحه هالشباب لغز ماله حل ما ينعرف لهم افعال شي و قول شي و اللي نشوف من واقع الحياة شي صح كلامج بس مو في كل الحالات سعات الشباب هالنوع من البنات يتسلون فيه شوي و ياخذون منه اللي يبون و خلاص يدورون العدله للزواج و في مثل ما قلتي الله يصلحهم بس .. Quote Link to comment Share on other sites More sharing options...
نــــــــوارة Posted نوفمبر 19, 2004 Author Report Share Posted نوفمبر 19, 2004 شكرا اختي على ردج... هذي اللي نسمعه لكن اللي نشوفه شي ثاني...... شوفي اللي ينخطبون اللحين واهم صغار.. كلهم ماابي اقول ......... يعني اللي تلعب مني ومناك هي اللي ماشيه.. هذي اللي انا اشوفه مشكورة على مرورج Quote Link to comment Share on other sites More sharing options...
احلى قمر Posted نوفمبر 20, 2004 Report Share Posted نوفمبر 20, 2004 شكرا عالموضوع بصراحة شاقولج...يمكن الشباب نظرتهم مختلفه عناغ احنا...يعني في شباب مايفتكرون..ويقولون احنا ماعلينا من الماضي...والبعض ماعنده فكره عن ماضي هالبنات يعني على ويهه او مايسال...وبعض البنات يعرفون يصيدون بعض الشباب بقصص هالحب..وياخذونهم...ويمكن فيهم من تغير او سمعته جيده..بس المخفي اعظم...عموما الله يستر عليهم ويهديهم..وترى انا بعد ملاحظة ذي الشي..بنات عوايل وحسب ونسب..وجمال وكمال ومحافظين على روحهم ولايتزوجون وعموما كل شي قسمه ونصيب.. تحياتي Quote Link to comment Share on other sites More sharing options...
روووووزه Posted نوفمبر 20, 2004 Report Share Posted نوفمبر 20, 2004 أولاً وأخيرًا الموضوع قسمة ونصيب ثاني شي الشباب شبابنه الله يهديهم ، يدورون البنت الحلوة الدلوعة غلط اقول كلهم ، لكن بقول الأغلبية البنات الله يهديهم ويصلح حالهم آمين يارب تكلم واحد والثاني والثالث كلهم على أمل أن يتزوجها واحد لكن يطلعون كلهم يبون علاقات وبس وتكلم الرابع ولأنه (دثوي) يحبها عن جد ومستعد يتقاضى عن ماضيها الأسود بس علشان يرتبط فيها فتوافق البنت هي مو في وضع تقدر ترفض السمعة في الباي باي وتتم الخطبة البنت المستورة الله يديم عليها نعمة الستر ساتره على عمرها ما يجوفونها هالشباب ايلي عينهم مزهلله تكبر .. ويطوف بها العمر يا ايها نصيبها من واحد قناعته أن يظفر بذات الدين أو تتم مكانها لين الله يفرجها عليه البنات صاروا شي غلط في حياتنا صاروا بأشكال ما حثنا عليه ديننا الإسلامي ولا تربيتنا الإسلامية والشباب ركضوا ورى شهواتهم على حساب هالبنات الاثنين كل واحد فيهم ضحية الثاني تسلمين أختي على الموضوع تحيتي أم راشد Quote Link to comment Share on other sites More sharing options...
SnFo0oRa Posted نوفمبر 20, 2004 Report Share Posted نوفمبر 20, 2004 بصراحة انا مع رووووووووزة لان الموضوع يعتمد على القسمة والنصيب وهذي مايعني ان الصبي يتمنى وحدة مكلمه من قبله. بس لو كل صبي فكر انه بيتزوجمن وحدة ماكلمت قبله عمره مابتزوج ولا البنات بحصلون من يتزوجهم. لان نادرا مايحصلون وحدة ماكلمت وحتى لو حصلوا بتكون محجوزة حق ولد عمها او خالها. ويمكن الصبي يحب البنت ومايقدر يتزوج غيرها حتى لو كانت تعرف غيرة. Quote Link to comment Share on other sites More sharing options...
حساوي Posted نوفمبر 20, 2004 Report Share Posted نوفمبر 20, 2004 يانواره ترى الصح صح والغلط غلط....هذي الاشيا عمرها ماتتغير...لكن احنا الي نتغير..وتغرنا الدنيا وزينتها... بالنسبه لي انا ماامانع اني اخذ بنت حبيتها وحبتني....لان هذا المسار الطبيعي الي يعقب علاقة الحب...اما بالنسبه للزواج من بنت متعددة العلاقات,,,,,,أنسي الموضوع........ Quote Link to comment Share on other sites More sharing options...
عادل محسن Posted نوفمبر 20, 2004 Report Share Posted نوفمبر 20, 2004 شلون الواحد يعرف البنت الا اذا شافها الصراحة على فكرة اكثر الزواج اللي حاصل الحين من الاهل الناس صاروا ما يعرفون من ساكن في هالبيت في بنات للزواج او لا البنات كله مخششوين بعضهم خاصة اللي ما يطلعون من البيت واللي ماعندهم نت او تلفون او غيره يعني ما ينعرفون فالبنت اللي رايحه وراده وهايته هي اللي في الشاشه صايرة والزينة مخشوشه على الاقل البنت تروح عروس مع الوالده حفلات مناسبات مهرجانات يعرفون الناس على الاقل ان في ادميه عايشة Quote Link to comment Share on other sites More sharing options...
الاسد99 Posted نوفمبر 20, 2004 Report Share Posted نوفمبر 20, 2004 موضوع وااااييييييييد حلو بس أكيد الشاب العربي المسلم يبي الوحدة ما عندها علاقات ولكن بالنسبة للزواج ترى السالفة قسمة ونصيب لا اللي تطلع ماتزوج ولا الساكته واللي محافظة تزوج ترى السالفة قسمة ونصيب . الدنيا غريبة كنت اعرف وحدة الله الستار لها حركات لكن تزوجت وعايشة و عفى الله عن ما سلف وفي وحدة بنت ناس طيبين ولكن الحظ واقف . سبحان الله قسمة ونصيب . Quote Link to comment Share on other sites More sharing options...
نــــــــوارة Posted نوفمبر 20, 2004 Author Report Share Posted نوفمبر 20, 2004 شكرا اخواني بردتوا قلبي... الصراحة كلامكم كله مقنع.. وأخر شي مثل ماقلتوا "" قسمة ونصيب"" الله يهني الجميع.... انا بصراحة كنت ابي اشوف الشباب شنو يبون... نفس اللي احنا نشوفه جدامنا او بالعقل... لكن الحمد لله في ناس واعية .. وحتى الناس اللي لجأت لذيج الفئة من البنات لها اسبابها........ احلى قمر روووووزه SnFo0oRa حساوي الاسد99 اشكركم على مشاركتكم... مع التحية Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.